1- ليش أحياناً بنشوف القمر بأول المغرب كبير و واضح ..ولما بيصير بنص السما بيصغر و بيتغير لونو....
حلو هالسؤال..
هاي ملاحظة كتير منلاحظها (تغيّر حجم القمر بين لما يكون قريب من الأفق ولما يكون بكبد السما)

هاي يا سيدي قصة نفسيّة.. بتسدّق؟

بيسمّوها: الانخداع القمري Moon Illusion

يعني هي ببساطة "خداع بصري" ناتج عن مقارنتنا للقمر -لما يكون قريب من الأفق- بالشغلات اللي منشوفها جنبو (جبال بعيدة، بنايات، وغيرها)
فـ نحنا منعرف إنو حجم هالشغلات كبيرة رغم إنها -بسبب بعدها- بتبيّن صغيرة للعين.. فـ تلقائياً منقوم بتكبير هالشغلات.. ومنقوم بتكبير القمر معها.. فـ يـُـخيـّل إلنا إنو حجمو أكبر..

ولتتأكد من هالشي.. جرّب طلّع ع القمر من خلال أنبوب صغير.. بحيث يحجب عنك الشغلات التانية اللي جنب القمر.. وقتها بتشوفو بحجمو الطبيعي

هاد بخصوص الحجم


أما قصة اللون.. فـ بسيطة

متل تغيّر لون الشمس لما تصير بالأفق

عند الغرب أو الشروق بيكون ضو القمر/الشمس عم يقطع سماكة من الغلاف الجوي للأرض أكبر بكتير من السماكة اللي بيقطعها لما يكون عامود على سطح الأرض.. فـ من هيك بيميل لون الضو نحو الأحمر

هاد العامل الأساسي...

وفيه عوامل تانية بتتعلق بـ نسبة الرطوبة وجزيئات الغبرة اللي بالجو.. وإلى ما هنالك


2-أطوار القمر مالي فهمانها عالضبط ...عندك بالصورة التوضيحية عاليسار لمّا بيكون قمر جديد...يعني بنفس الوقت اللي بيكون القمر غير منظور لسكان القسم النهاري من الارض بيكون بدر بالقسم الليلي ..!!!!
ولما بيكون القمر هلال كيف بيكون وضع الارض و الشمس و القمر لحتّى بنشوفو بهالحالة ....؟
أول شي.. بالصورة التوضيحية.. القمر الجديد ع اليمين.. مو ع اليسار (ما بعرف إنت كيف شايف)

المهم..
لما بيكون القمر جديد (طور المحاق) مزبوط ما بيكون منشاف بالقسم النهاري من الأرض.. بس أكيد ما بيكون بدر بالقسم الليلي..

بيصير بدر لما يدور حوالين الأرض وتصير الأرض بينو وبين الشمس (بس وقتها بيكون القمر فوق الأرض نتفة) من هيك بتنعكس أشعة الشمس عن سطحو كلو.. وبيبيّن بدر



وضع الهلال

بيكون وضع الشمس والأرض والقمر متل ما هو واضح بالصورة التوضيحية

تقريباً بيكونوا على شكل "مثلث"..

الفكرة المهمّة هون.. إنو نحنا ما منشوف القمر "هلال" لإنو الأرض عم تحجب ضو الشمس عن تلات رباعو (يعني عم يوقع بظل الأرض)

لأ أبداً..

وإنما.. بيكون هلال.. بسبب حركتو حوالين الأرض.. وأيمتى منقدر نشوف قديش من سطحو


هاي القصة بتشبه دوران سيارتين بسرعتين مختلفتين حوالين ساحة.. إذا إنت قاعد بوحدة منهن.. كل شوي رح تشوف "شي" مختلف.. حسب "المواضع النسبية" لهالسيارتين..
مرة بتشوفها كلها.. مرة بتشوف بوزها.. مرة بتشوف طيزها (العفو).. وهيك..

بس أكيد السبب هالشوفات مو لإنو السيارة التانية عم تجي بـ "خيال سيارتك"..


أكل؟

مرسيم الكون كتير
موضوج جميل جدا
بس انو عندي سؤال
من وانا صغير عميراودني
انو هلا مو في مجرات طيب بهالمجرات التانية هل في ارض وبشر متلنا يعني؟

انو هلا مو في مجرات طيب بهالمجرات التانية هل في ارض وبشر متلنا يعني؟
حكينا مرة هـــــــــــــون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) عن هالموضوع..

وممكن نحكي لسا.. الموضوع طويل..

مرسيم الكون كتير
موضوج جميل جدا
بس انو عندي سؤال
من وانا صغير عميراودني
انو هلا مو في مجرات طيب بهالمجرات التانية هل في ارض وبشر متلنا يعني؟

مشان موضوع الحياة خارج كوكب الأرض رح نفتح قريبا بحث كامل عنو انشاء الله بعد العيد و من شان الموضوع هون
حاليا انا ماني قادر اكملو لأنو النت عندي تعبان و ما فيني رفع صور و ملفات و خلوها لربكن:cry:

يعني اذا تيسرت اموري بعد العيد منرجع و منكملوا و في كم بحث حلوين حول الكون ترجمتن رح حططن كمان

و شكر خاص للأخ شام (ناصر) على جهودو و تفاعلو :D

مشكور أخي الكريم على الجهود الجبارة و الله يجزيكم الخير أنت و الأخ ناصر

و الله أول أمس كان في فيلم وثائقي عن الأرض على الجزيرة وثائقية و للأسف لم أحضره من البداية

و لكن لفت أنتباهي الى سؤال لا يوجد له جواب حتى الأن على حد قولهم ألا و هو

من أين الوقود للكرة الأرضية لدفعها للدوران حول نفسها

و على حسب أعتقاد منتجي الفيلم أنه لا يوجد تفسير علمي يفند السبب

لكنهم لم يقطعو الأمل و يتوقع في المستقبل أكتشاف الأسباب الخفية

مشكور أخي الكريم على الجهود الجبارة و الله يجزيكم الخير أنت و الأخ ناصر

و الله أول أمس كان في فيلم وثائقي عن الأرض على الجزيرة وثائقية و للأسف لم أحضره من البداية

و لكن لفت أنتباهي الى سؤال لا يوجد له جواب حتى الأن على حد قولهم ألا و هو

من أين الوقود للكرة الأرضية لدفعها للدوران حول نفسها

و على حسب أعتقاد منتجي الفيلم أنه لا يوجد تفسير علمي يفند السبب

لكنهم لم يقطعو الأمل و يتوقع في المستقبل أكتشاف الأسباب الخفية


و الله يا معلم فيك تقول انو في كذا نظرية بس ما في اثبات يعني من النظريت نظرية الطرد المركزي للجاذبية المتبادلة بين الارض و
الشمس يعني تأثير الجاذبية ما في حدا ينكرو و قوانين الفيزياء واضحة و ثابتة
و في ناس بتقول انو من حركة الماجما داخل القشرة الأرضية و في ناس بتقول عوامل التاأثير المتبادل

بس في نظرية حديثة حول طاقة أسمها طاقة الظلام و هي أكبر طاقة تم العثور عليها أو بالأحرى مادة الظلام الل
تقريبا مكونة معظم الكون و بيقولو انو هي مسؤلة عن عمليات أبطاء المركبات الفضائية و هي المسؤلة عن تمدد
الكون و شغلات تانية بس ما قدرو يثبتو وجودها لحد هلق لأنو ما في شي بيقدر وجودو لأنو فيك تقول انو استنتاجها اجا من عدم وجودها
و من وجوب وجودها بنفس الوقت لتفسير بعض النظريات الحديثة متل تباطئ المركبات خارج الأرض
بالرغم من عدم وجود اي قوى مؤثرة خارجية و بجوز لمادة الظلام دور بحفظ مصونية الطاقة للكوكب و الأجرام و عدم أنهيارها
و بجوز مانها موجودة بالأساس
مع أني بعتقد أنها موجودة فعلا

.:D

يسلمو أخي الكريم على التوضيح

اللي بحب أقوله أن العلم في القرن الماضي أستطاع أن يصل الى معلومات أدق في التفاصيل عن السابق و أثبت نظريات كانت من باب الخيال و وضع أشياء في مناصبها لم تكن لتدرك من قبل

فمثلاً قضية دوران الأرض لم يعترف بها من قبل و قد أعدم غاليليو لأنه صرح بدوران الأرض

يعني تصور أخي الكريم في ذاك الوقت محكمة و جدل عقيم و أعدام عالم من أجل دوران الأرض

أما الأن الطفل في وقتنا يعرف أن الأرض تدور حول نفسها

ما أريد أن أقوله أن العلم في هذه المدة الأخير من القرن الماضي أجتاز شوطاً أطول بكثير مما مرت به البشرية عبر التاريخ

من أين الوقود للكرة الأرضية لدفعها للدوران حول نفسها

و على حسب أعتقاد منتجي الفيلم أنه لا يوجد تفسير علمي يفند السبب
يا سيدي إلو تفسير

في شي بالفيزيا بيسمّوه "مصونية كمية الحركة" ومتلو "مصونية الاندفاع الحركي"

كل شي درس بكالوريا علمي بسوريا بيعرفو من الفيزيا

شو بتقول الفكرة؟

حتى تصير الفكرة مفهومة.. لازم نحكي شوي عن كيفية ولادة المجموعة الشمسية:


منعرف اليوم إنو المجموعة الشمسية كلها تكوّنت من "سديم" (يعني غيمة هائلة بتمتد من 1-3 سنة ضوئية)
هالسديم مكوّن من غازات (بشكل أساسي غاز الهيدروجين، اللي هو أخف عنصر وأكثر العناصر تواجداً بالكون) بالإضافة لذرات غبار وغيرو

هالسديم كان هائم على وجهو بالفضا.. فـ لسبب معين (اصصدامو بسديم تاني مثلاً) بدأ بالانهيار والدوران حول نفسو (في نظرية رياضية اسمها "نظرية النقطة الثابتة" لـ براور.. ما رح نفوت فيها هلق.. بس إنو بتفسّر عملية الدوران حول مركز)

إذن.. كل مادة السديم صارت تدور أو تدوّم حول مركز.. وصارت المادة تتكتل على بعضها.. وصارت تزداد الكثافة.. ويصير الاصطدام بين الذرات أقوى وأعنف.. وطبعاً صارت تزداد درجة الحرارة.. وهكذا دواليك..

وإذ.. بلحظة معينة.. لما زادت الكثافة كتير.. صار الاصطدام بين الذرات (اللي معظمها هيدروجين) عنيف لدرجة.. ما بقت هالذرات ترتد بعد الاصطدام.. وإنما صارت تندمج مع بعضها.. (بدء التفاعل الاندماجي)

هاي اللحظة هي لحظة ولادة نجم الشمس

إذن.. ولدت الشمس بالمركز الرئيسي لانهيار السديم.. من هيك جمّعت أكبر كتلة من مادة هالسديم

هلق الكواكب تكوّنت من انهيارات محلية صغيرة بأطراف هالسديم.. وبسبب صغر الكتلة اللي كوّنتها.. ما قدرت تنهار مادتها حتى تعمل تفاعل اندماجي.. فـ ما صارت شموس.. تمت أجسام صغيرة


هلق الزبدة وين؟

بما إنو هالسديم كلياتو كان عم يدور بجهة معينة.. فـ لما نشأت الشمس.. ومن ثم نشأت الكواكب من مادة هالسديم.. ضلّت الشمس والكواكب يدوروا بنفس الجهة اللي كان عم يدور فيها السديم (والسبب مبدأ انحفاظ الحركة اللي حكينا عنو بالأول)

إن كانت هاي الدورة حوالين الشمس.. أو كانت دورة لكل كوكب حول نفسو


الدليل على هالحكي.. هو إنو الشمس وكل الكواكب بيدوروا حوالين نفسهن (من الغرب نحو الشرق)

وكل الكواكب كمان بيدوروا حوالين الشمس.. بنفس الجهة


هلق في استثناء.. بحركة الكواكب حول نفسها.. عند كوكب الزهرة

الأخ بيدور حول نفسو بجهة معاكسة لبقية الكواكب..

السبب؟

نيزك أخو إختو.. ضربو بهالزمانات.. وخلاّه يعكس جهة دورانو.. من هيك منشوف إنو يوم الزهرة (فترة دورانو حول نفسو) أطول من سنتو (فترة دورانو حول الشمس)

اللي بحب أقوله أن العلم في القرن الماضي أستطاع أن يصل الى معلومات أدق في التفاصيل عن السابق و أثبت نظريات كانت من باب الخيال و وضع أشياء في مناصبها لم تكن لتدرك من قبل

فمثلاً قضية دوران الأرض لم يعترف بها من قبل و قد أعدم غاليليو لأنه صرح بدوران الأرض

يعني تصور أخي الكريم في ذاك الوقت محكمة و جدل عقيم و أعدام عالم من أجل دوران الأرض

أما الأن الطفل في وقتنا يعرف أن الأرض تدور حول نفسها

ما أريد أن أقوله أن العلم في هذه المدة الأخير من القرن الماضي أجتاز شوطاً أطول بكثير مما مرت به البشرية عبر التاريخ
تماماً..

إنجازات العلم بالقرن العشرين.. هائلة.. ولأول مرة بتاريخ البشر ييصير عندهن هيك قدرة

متل ما بيقول فيرنر هايزنبرغ: " إن الإنسان يقف لأول مرة في التاريخ وحيداً مع نفسه على هذه الأرض دون شريك أو خصيم"



------------------
ملحوظة:

غاليليو غاليليه هو اللي قال بدوران الأرض حوالين الشمس.. بس ما انعدم.. وإنما اعتقل 1632.. وتعذب سنة بمحاكم التفتيش.. وانحكم 1633 بالإقامة الجبرية لنهاية حياتو (توفى 1642)

اللي انعدم.. هو جوردانو برونو.. سنة 1600.. والسبب إنو كان يقول: "كل هالنجوم اللي شايفينها بالسما.. هي شموس متل شمسنا.. وحواليها كواكب متل عنا.. وهالكواكب عليهن كائنات حية"

ما عجب حكي برونو رجالات الكنيسة.. فـ حرقوه!!

هلق نظرية السديم هي اخر شي تم الأرساء عليه بالنسبة لتشكل المنظومة الشمسية و هالشي مؤكد بحسب
ما تم رصده بمختلف بقاع الكون

بس في بحث اريتو انو كل يوم في نقص بمقدار مصونية طاقة الطرد المركزي لدوران الأرض حول الشمس و كمان دورانها حول القمر
بس يعني ما بعرف مدى صحة هالنظرية انو في طاقة مجهولة عم تعوض الطاقة المفقودة اثناء الدوران و ما حدا بيعرف من وين جاية
و ماحدا قدر يحلل سبب الحفاظ على المدار الثابت طالما في مقدار من النقص بالطاقة.

النظريات لساتها عم تنحط بهالمجال

فيزياء الأجرام السماوية بالغة التعقيد و خصوصي بعد التوصل لنتيجة مادة الظلام اللي بجوذ تغير كل قناعاتنا الفيزيائية

يسلمو أخ ناصر على التوضيح

في مسألة دوران الأرض و بصراحة أضررت للقرأة مرتين لكي أستوعب الفكرة

هلق في استثناء.. بحركة الكواكب حول نفسها.. عند كوكب الزهرة

الأخ بيدور حول نفسو بجهة معاكسة لبقية الكواكب..

السبب؟

نيزك أخو إختو.. ضربو بهالزمانات.. وخلاّه يعكس جهة دورانو.. من هيك منشوف إنو يوم الزهرة (فترة دورانو حول نفسو) أطول من سنتو (فترة دورانو حول الشمس)

أخي بعترفلك بشيئ

كأني أول مرة بعمري أسمع هذه الخبرية أن الزهرة تدور دورة عكسية

عفواً هل هذا مكتشف من قديم أم حديثاً

رجاءً لا تضحك هي أول مرة ربما مرت علي من قبل لكن لم تلفت أنتباهي

كأني أول مرة بعمري أسمع هذه الخبرية أن الزهرة تدور دورة عكسية

عفواً هل هذا مكتشف من قديم أم حديثاً

رجاءً لا تضحك هي أول مرة ربما مرت علي من قبل لكن لم تلفت أنتباهي

لا هالشي قديم و في نظريات بتقول انو كان عالزهرة مي و محيطات و انو كارثة من نوع ما حولتو لما هو عليه حاليا
لأنو أعلى كوكب من جهة درجة الحرارة على سطحو مع انو ابعد من عطار بس هوي اسخن منو
و دورانو بالعكس لسا ما انعرف انو هل هو من اصطدام كويكب او من نتيجة كارثية تانية
بس الزهرة كوكب منكوب و جحيمي الجو
كان لازم يسمو هاديس إله العالم السفلي بدل فينوس اسم ألهة الجمال

لا هالشي قديم و في نظريات بتقول انو كان عالزهرة مي و محيطات و انو كارثة من نوع ما حولتو لما هو عليه حاليا
لأنو أعلى كوكب من جهة درجة الحرارة على سطحو مع انو ابعد من عطار بس هوي اسخن منو
و دورانو بالعكس لسا ما انعرف انو هل هو من اصطدام كويكب او من نتيجة كارثية تانية
بس الزهرة كوكب منكوب و جحيمي الجو
كان لازم يسمو هاديس إله العالم السفلي بدل فينوس اسم ألهة الجمال

يسلمو على التوضيح شباب الله يخليكون و يطرح البركة فيكون

و أتمنى أن تبقو كرماء دائما

لأن الكريم كلما طلبت منه يجود

و ميت طبق ورد للشباب الطيبة :D

خسوف القمر..



يحدث الخسوف عندما يكون القمر بدراً ويقع في ظل الأرض (أي تحجب الأرض نور الشمس عن القمر)..
* خسوف على الأرض كسوف على القمر:
قلنا قبل إنو منشوف خسوف للقمر على سطح الأرض.. لما بتكون الأرض بين الشمس والقمر..

فـ من هالشي.. لو كان في حدا (وقت حصول الخسوف) واقف على سطح القمر.. كان رح يشوف كسوف للشمس بـ سماء القمر..



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

* الشمس من على القمر..
بسبب انعدام غلاف جوي يحيط بالقمر (لصغر كتلته) لا يتبعثر الضوء القادم من الشمس (كما على الأرض) في الفضاء، بل تبدو الشمس مضيئة وتبقى سماء القمر حالكة..


*الغلاف الجوي للقمر:
لا يمتلك القمر غلافاً جوياً كما هي الحال على الأرض.. لذا لا تهبّ الرياح على القمر، ولا تهطل الأمطار.. وطبعاً لا تحدث سيولٌ أو فيضانات.. ولا تنفجر البراكين
لذا يحافظ سطح القمر على معالمه لملايين السنوات.. والتغيير الوحيد الذي يصيبُ سطحَ القمر هو بسبب اصطدام النيازك به..

ترك روّاد الفضاء في بعثات أبوللو آثارَ أقدام كثيرة على سطح القمر..
ستبقى هذه الآثار ملايين السنوات ولن تـُـمْـحَ إلا في حال قام أحد الرواد في المستقبل بمحوها.. أو في حالة اصطدام نيزك فوق هذا الأثر تماماً!!




////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

.. ولا تنفجر البراكين

ليش ....؟

[/right]
[/center]
ليش ....؟
لإنو القمر صغير الكتلة.. ما بيقدر (متل الأرض) يصهر الطبقات الداخلية اللي لإلو..

يعني ما بيقدر يبركن شي المعتّر!


وهاي صورة توضيحية للبنية الداخلية للقمر..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



شوف قديش "نواة" القمر صغيرة.. (هاي حرارتها بحدود 1500 درجة مئوية)
بس الدق وين؟
بالـ "عباءة الداخلية" اللي بيقولولها: "Mantle"
هاي بالأرض بتتكون من مادة مصهورة.. بينما بالقمر.. شبه صلبة.. من حديد وصخور.. شبه صلبة

وهالطبقة سماكتها بالقمر بحدود 1000 كيلومتر..

آخر طبقة.. هي القشرة الخارجية.. بتتراوح سماكتها بين 60-100 كيلومتر.. وعليها طبقة من الغبار ما بتتجاوز الـ 15 سم.

يسلمو ايديك عالشرح....

ازا خلصت من القمر ...عندي كم سؤال بدّي أطرحون هون و عليك التفسير و الشرح....من بعد اذنك يعني ...




شنّو عجبني شرحك المبسط ....اللي بيتناسب مع مخّي :lol:

موضوع كتير حلو
وشكر للشباب يلي عم يشاركو بالشرح
متابعة

:D

أهلا و سهلا بالكل

أبو نجبو تفضل ....

سؤال حيّرني و ماعرفت الو جواب شافي ...

ما هو الضوء ...شو طبيعتو ؟



اش هيي خواصّو الفيزيائية ....؟

هل هو طاقة ؟

ام جسم ذو كتلة و وزن

طبعاً رح أتطرّق الى تساؤلات تانية تبعاً للاجابة ....

مممم يا سيدي الكريم للأجابة عل سؤالك رح اقدملك شرح بسيط عن اشكال المادة

المادة يمكن ان تتواجد بي اربع حالات صلبة او سائلة أو غازية أو بلازما اللي اكتشفها عالم اسمو السير وليام كروكس
و سماها المادة الأشعاعية في ناس بتصنف كل الأشعة بالكون ضمن تصنيف البلازما بس ياترا هالشي صح؟

منرجع للضوء كتعريف هو عبارة عن إشعاع كهرومغناطيسي الو طول موجة العين ممكن تشوفو اذا كان طول موجتو
ما بين750 نانومتر (الضوء الأحمر) و370 نانومتر (الضوء البنفسجي )

لتعريف الضوء و معرفة ماهيتو ظهرت نظريات متتابعة لعلماء حاولو يفهمو تركيبو
مثلا عمك نيوتن فسر انو الضو عبارة عن جسيمات صغيرة بتسير بخطوط مستقيمة اذا ما اعترضها شي
و اعتمد بنظريتو على انعكاس الضوء و زوايا الانعكاس عالأجسام المصقولة يعني اعتبر انو انعكاس الضوء بحيث يكون
زاوية الانعكاس تساوي زاوية السقوط دليل عا حكيو انو الضو جسيمات بجوز لاقت نظريتو نجاح اول شي بس بعدين
لقوها بتتعارض مع الواقع التجريبي و قوانين نيوتن للحركة لأنو الضو وقت بيمر من ثقب بعد ما يجتازو بيكون بقعة ضوئية ا
اكبر من الثقب نفسو فقام عالم اسمو هوغنز بأعتبار الضو موجات و دعم حكيو تجربة شقي يونج المشهورة عنا
بالثانوي و هالشي عطانا دليل على انو الضو ذو طبيعة موجية

...راجع

معناها لبين ماترجع رح حطّ الركوة عالنار ....:gem:




الشغلة بدها استمخاخ.....:lol:

العالم مكسويل
وجد انو الضو موجة كهومغناطيسية سرعتها تساوي سرعة الضوء. أي أن الضوء موجات كهرومغناطيسية ذات طاقة

منجي هلئ لأينشتاين اللي أخد جائزة نوبل من شان نظريتو بالفعل الكهرضوئي و كان اعتمادو عا ابحاث ماكس بلانك
حيث اعتبر انشتاين ان الضوء يصدر على شكل كمات صغيرة من الطاقة تدعى فوتونات يعني رجعنا لمبدأ أنو
الضوء جسيمات و انشتاين بهالنظرية عارض مبدأ أعتبار أنو الضو موجة بالرغم من النجاح التجريبي لهالنظرية
بس بعدين رجع انشتاين و عارض حالو و رجع لمبدأ أنو الضو موجة

بعدين بعام١٩٢٤ اجا عالم فرنسي اسمو دي بروجلي وضع المبدأ السائد حتى اليوم لتعريف الضو و اخد الدكتوراه من وراه
و بينص هالمبدأ على أنو
( أن للضوء صفة مزدوجة فهو يسلك سلوك الموجة تحت ظروف معينة - (وهذا يفسر الانعكاس والانكسار والاستقطاب و الحيود و التداخل وهذا ما يتفق مع نظرية ماكسويل)- وأن الضوء يسلك سلوك الجسيم (الفوتون) تحت ظروف أخرى -(وهذا يفسر تفاعل الضوء مع المواد والظاهرة الكهروضوئية وظاهرة كومبتون وغيرها وهذا ما يتفق مع نظريات اينشتاين و نيوتن ) .

اذا بدك تتوسع فوت عا هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////الضوء)

حلو كتير...
الضوء ذو طبيعة مزدوجة ....ماشي الحال

سؤال

لمّا نحن منشعل لمبة بغرفة معتمة بينتشر الضو بكامل الغرفة ...وعلى اعتبار الضو ذو طبيعة مزدوجة...اذا كان موجات "طاقة" أو اذا كان جسيمات "فوتونات" ...


السؤال اللي بيطرقلي راسي ...

انو لمّا منطفي ضو اللمبة ..بمعنى أخر ...لما منلغي مصدر الضوء ...
موجات الضوء أو الجسيمات الموجودة بالغرفة والي صدرت من المصدر قبل فترة ... وين بتروح ....ليش بتختفي :?

معلومات راااااائعة:clap:

بعدين بعام١٩٢٤ اجا عالم فرنسي اسمو دي بروجلي
(...)
فوت عا هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
العالم الفرنسي صاحب مبدأ "المثنوية duality" اسمو "لوي دوبرويه"

يعدّمني الويكيبيديا إلهي :krimbow:

حلو كتير...
الضوء ذو طبيعة مزدوجة ....ماشي الحال

سؤال

لمّا نحن منشعل لمبة بغرفة معتمة بينتشر الضو بكامل الغرفة ...وعلى اعتبار الضو ذو طبيعة مزدوجة...اذا كان موجات "طاقة" أو اذا كان جسيمات "فوتونات" ...


السؤال اللي بيطرقلي راسي ...

انو لمّا منطفي ضو اللمبة ..بمعنى أخر ...لما منلغي مصدر الضوء ...
موجات الضوء أو الجسيمات الموجودة بالغرفة والي صدرت من المصدر قبل فترة ... وين بتروح ....ليش بتختفي :?

سؤالك بيفوت بالحيط شوي لأنو تقريبا لسا ما رسي عا قرار بالنسبة للضوء أنو بيسافر مع الزمن اما عكس الزمن اما للمستقبل

لبسطلك الأمر شوي
بالنسبة للكهربا وقت بتنتقل بسلك شو هيي ؟ هي عبارة عن الألكترونات اللي عم تتحرك بالسلك هاد
الضو عبارة عن هالموجات اللي عم تنتقل بالغرفة حسب الطبيعة الموجية اوكي هالموجات جزء منها بيمتصو الجسم
و اللي بسبب الحرارة للجسم المضاء و جزء بيرتد عنها و هالشي بخلينا نشوف الجسم


هون الحكي بشكل مبسط اذا بدك منتوسع بعدين ..

الضوء ذو طبيعة مزدوجة ....ماشي الحال
كلمة "ماشي الحال" جيدة جداً هون..

لإنو الوضع هيك صراحة.. "ماشي الحال"

علماء الميكانيك الكوانتي بيقولولك: "لا تسأل لماذا؟ بل اسأل كيف؟"

إنو يا خيي والله صعبة.. شلون الضوء هو جسيمة وهو موجة بنفس الوقت؟

طيب هيك.. ومثبتة بالتجربة هالقصة..

في تجربة شهيرة بالفيزيا اسمها "شقي يونغ"

أي كتاب ميكانيك كوانتي بتفتحو.. بتلاقيها

يعني الفكرة بالنهاية متل ما قال أبو العتم العزيز

الضوء ببعض التجارب (الانعكاس مثلاً) بيسلك سلوك "جسيمات"

وببعض التجارب (الانعراج) بيسلك سلوك "موجات"

طيب هو شو؟

قال هو "فوتون".. بس مرة بيشتغل على إنو موجة.. ومرة بيشتغل على إنو جسيم

إذن..

لا تسأل "ليش هو موجة وجسيم" بس إسأل "كيف بيتصرف هالفوتون.. وأيمتى بيكون موجة وأيمتى بيكون جسيم"

سؤال

لمّا نحن منشعل لمبة بغرفة معتمة بينتشر الضو بكامل الغرفة ...وعلى اعتبار الضو ذو طبيعة مزدوجة...اذا كان موجات "طاقة" أو اذا كان جسيمات "فوتونات" ...


السؤال اللي بيطرقلي راسي ...

انو لمّا منطفي ضو اللمبة ..بمعنى أخر ...لما منلغي مصدر الضوء ...
موجات الضوء أو الجسيمات الموجودة بالغرفة والي صدرت من المصدر قبل فترة ... وين بتروح ....ليش بتختفي
ممممممممممم

قال يا سيدي فوتونات الضوء بتتفاعل مع الذرات الموجودة بالغرفة.. بالحيط.. بالكرسي.. بالطاولة.. الخ

هلق لما كان الضو شغال.. كان عم يعطي ديماً دفق جديد من الفوتونات.. عم تعوّض الفوتونات اللي عم تفوت على ذرات الحيط..

هلق لما طفيت اللمبة.. خلص الفوتون اللي فات ع الحيط.. ما بقى يرجع


هلق طيب فوتون فات على ذرة بالحيط.. ليش حتى ما يهيّج هالذرة ويغيّر من تركيبتها؟


مممممممممممم


لإنو هالفوتون هاد طاقتو صغيرة (يعني طول موجتو كبير نوعاً ما -طول موجة الضوء المرئي-) فـ ما بيحمل طاقة كافية لإنو يعمل تغيير بذارت الحيط..


هذا.. والله أعلم

تعالوا نحدثكم عن المريخ..


الكوكب الأحمر.. مالئ الدنيا وشاغل الناس



* آريس اليونانيين، ونيرجال الفرس، ومارس الرومان، ومريخ العرب.
ارتبط الكوكب الرابع، المريخ، في جميع الثقافات القديمة بإله الحرب، يعود السبب إلى لونه الأحمر، والذي يأتي من أكاسيد الحديد في التربة المريخية، أي أن هذا الكوكب صدئ إلى حد ما.
في اللغة العربية يقال "أمرخ" أي "به بقع حمراء"

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



* أكثر الكواكب شبهاً بالأرض.
يعتبر المريخ أكثر الكواكب شبهاً بكوكب الأرض، فالبرغم من أن قطره لا يتجاوز نصف قطر الأرض، وكتلته تقارب عشر كتلتها فقط، إلا أن غلافه الجوي وسطحه أكثر شبهاً بمثيلاتها على الأرض من كوكبي عطارد والزهرة (وهما مع الأرض والمريخ الكواكب الصخرية الوحيدة في المجموعة الشمسية).
كما أن مستوي مدار المريخ حول الشمس يكاد ينطبق على مستوي مدار الأرض، فهو يختلف عن مدار الأرض بدرجة واحدة فقط.
أما يوم المريخ (فترة دورانه حول نفسه) فيزيد نصف ساعة فقط عن يوم الأرض. وإن كانت سنة المريخ (فترة دورانه حول الشمس وهي 687 يوم أرضي) أطول بكثير من السنة الأرضية.
تشابه آخر بين الكوكبين يتمثّل في زاوية ميل محور دوران المريخ حول نفسه، حيث تبلغ هذه الزاوية 24 درجة بفارق بسيط عن الميل المحوري الأرضي. بينما لا تتجاوز هذه الزاوية في كوكبي عطارد والزهرة درجتين فقط.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

* مدار المريخ حول الشمس
يتبع المريخ مداراً بيضوياً إلى حد ما، فهو يبعد عن الشمس قرابة 228 مليون كم (1.5 بعد الأرض) وبسبب مداره يبتعد عن الأرض لـ 90 مليون كم، كما يمكن أن يقترب إلى 56 مليون كم، كما حدث في 27 آب من سنة 2003 حيث اقترب إلى 55.758.006 كم في وضعية التقابل، وطبعاً لم يكن لاقترابه أي تأثير بتاتاً، فاختلاف جذبه الثقالي –وهو تأثيره الوحيد على الأرض- نتيجة اقترابه لتلك المسافة لا يتعدى أن يكون شيئاً يستأهل الذكر أبداً. فقط فائدة ذلك الاقتراب هو في استغلاله بإرسال مربكات لاستكشافه بكلفة أرخص بكثير.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




* الفصول الأربعة على المريخ
تتعاقب الفصول الأربعة على كوكب الأرض بسبب ميل محور دورانه حول نفسه عن المحور المعامد لمستوي دورانه حول الشمس بزاوية قدرها 23.5 درجة. كذلك هي الحال على المريخ، فمحوره يميل بزاوية قدرها 24 درجة، مما يتسبب بتعاقب فصول أربعة على المريخ..
مع فارق.. أن مدة هذه الفصول يكون مدة ضعف فصول الأرض تقريباً، وهي أكثر تفاوتاً منها على الأرض بسبب أن كثافة الغلاف الجوي للمريخ أصغر بكثير من كثافة الغلاف الجوي الأرضي.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

* أكبر بركان في المجموعة الشمسية..
في صيف العام 1971 تنجح المركبة مارينر-9 ولأول مرة بأن تتخذ مداراً حول المريخ مستطلعة كامل الكوكب.. فأظهرت صورها الأقنية التي كانت مثاراً لنقاشات كثيرة (حيث زعم الإيطالي جيوفاني شيباريللي والأميركي برسيفال لويل نهاية القرنين الماضيين أنها أقنية صنعها مريخيون لجر الماء من القطبين)
صوّرت مارينر-9 هذه الأقنية وأكدت أنها أقنية طبيعية (غير صنعية)!!
كما اكتشفت هذه المركبة "أوليمبوس" أكبر بركان في المجموعة الشمسية.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بركان أوليمبوس على المريخ



* لأول مرة.. فايكنغ على سطح المريخ
في العام 1976 ولأول مرة تنجح مركبتي فايكنغ-1 وفايكنغ-2 بالهبوط على سطح المريخ (تتكوّن كل مركبة من قسم هابط، وقسم مداري)
أجرت المركبتين ثلاثة تجارب على التربة المريخية للتأكد من وجود حياة.. إلا أن النتائج لم تحسم الجدل!!

يلتقط القسم المداري من المركبة فايكنغ.. صورة غريبة.. وجه بشري على سطح المريخ!!
وقد ظهر هذا الوجه لأكثر من مرة، وبزاوية رؤية وارتفاع مختلفين.. وبأوقات مختلفة من يوم المريخ!!

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الوجه المريخي الغامض



نتيجة هذه الصورة.. بنى العالم الأميركي ريتشارد هوغلاند فرضية مثيرة.. يقوم فيها بتحليل صورة الوجه المريخي وصور مجموعة من التشكيلات الأخرى.. دعاها بالإهرامات.. حيث قال بأن هذه "التشكيلات" هي من صنع حضارة غير أرضية..
تحدث هوغلاند عن فرضيته بإسهاب في كتابه الجميل:
" The Monuments of Mars: A City on the Edge of Forever"


وقد شاهدنا وجهاً لفرضية هوغلاند في فيلم الخيال العلمي: "Mision to Mars"

يعطي العافية عمي ناصر (شو وين مختفي:?)

كفو والله

مشان حزام الكويكبات رح نعمل استراحة من بعدو نتكلم فيها شوي عن الكواكب الداخلية

(دعولنا بس ليفرجا الله عليي و يصلحولي الراوتر تبع النت:cry:)

سلام:D

هلا عمي دارك..

هاي رح كمّل خسكاري.. وإحكي عن "الكويكبات"..


الـكـويـكـبـات



* كويكبات بين المريخ والمشتري..
تدور في الحيّز بين مداري كوكبي المريخ والمشتري آلاف الأجسام الصغيرة، تسمّى بالكويكبات.. وإن التسمية Asteroids ليست مناسبة جداً لأن هذه الأجسام لا تشبه النجوم. أما تسمية Planetioid فهي أفضل لأنها أشبه بالكواكب وأصغر قليلاً. لكن Asteroids هي المصطلح الأكثر شيوعاً.
هذه الكويكبات قد تشكّل خطراً حقيقياً يهدد الحياة على الأرض. لكنها بالمقابل تشكّل "منجماً" للمعادن في المجموعة الشمسية قد يستفيد منه البشر في المستقبل. وقد يمكن اتخاذها مركبات للسفر في الفضاء إلى النجوم البعيدة.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
استخدام الكويكبات في المستقبل.. للسفر في الفضاء




* الحجر الأسود.. كويكب من السماء..
قليلون هم من يعرفون أن من أهم المعابد في العالم بنيت حول بعض هذه الكويكبات الصغيرة التي سقطت على الأرض. فمثلاً كان معبد الإلهة ديانا في إفسس-آسيا الصغرى واحداً من عجائب الدنيا السبعة، بني حول حجر أسود عظيم معدني (على الغالب) سقط من السماء، وأعتقد حينها أنه إشارة من ديانا إلهة القمر والصيد.
في نفس الفترة، حجر أسود آخر يسقط من السماء في شبه الجزيرة العربية، ويتواجد اليوم في كعبة مكّة ويحاط بكثير من القداسة وتدور حوله أسطورة دينية مشهورة.////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الحجر الأسود.. بدون غطاءه الفضي

* اكتشاف الكويكبات لأول مرة..
في أول يوم من القرن التاسع عشر، أي في 1/1/1801 اكتشف الراهب الإيطالي بياتزي أول الكويكبات، وأطلق عليها إسم "سيريس"، وتبتعد سيريس عن الأرض 2.8 وحدة فلكية (الوحدة الفلكية هي متوسط بعد الأرض عن الشمس، وتساوي 150 مليون كيلومتر).
ومنذ ذلك الحين تم اكتشاف أكثر من ألفي كويكب، وقد حاول بياتزي حينها انتقاء أسماء الكويكبات المكتشفة من الأساطير القديمة، فنجد من ضمن الأسماء:
1- سيريس.
2- بالاس.
3- جونو.
4- فستا.
16- بسيتش.
22- كاليوب.
34- سيرك.
55- باندورا.
80- سابهو
232- روسيا
324- بامبيرغا.
433- إيروس.
710- جيرترود.
739- مانديفل.
747- وينشستر.
904- روكيفيليريا.
916- أمريكا.
1121- ناتاشا.
1224- فانتازيا.
1279- أوغندا.
1556- إيكاروس
1620- جيوغرافوس.
1685- تورو.
1694- إيكارد.


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
مقارنة بين الكوكيب فستا وكوكب الأرض




* مدارات الكويكبات وحجومها..
معظم الكويكبات لها مدارات ناقصة أكثر تطاولاً من مدارات الأرض والزهرة. وإذا كان معظمها يقع بين المريخ والمشتري، إلا أن بعضها (مثل الكويكب تورو) يتوضع حالياً بين مداري الأرض والزهرة. وتقترب بعض الكويكبات من الأرض لمسافات قد تقل عن 20 مليون كيلومتر (كما كويكبي إيروس وآمور).
فقط خمسة عشر كويكباً يزيد قطرها عن 240 كيلومتر (فستا 440 كيلومتر، بالاس 500 كيلومتر) ولا تتعدى أقطار معظمها بضعة كيلومترات. ولا يتعدى الكثير منها بحجمه حجم إستاد كرة قدم.
ويعود سبب ذلك إلى أنه خلال الخمسة آلاف مليون عام المنقضية على تشكل مجموعتنا الشمسية قد حدثت (وما زالت تحدث) اصطدامات كثيرة بين هذه الأجسام للتشظى إلى أجزاء صغيرة.
وهذه الكويكبات لم تنتج عن انفجار كوكب ما (سمّي الكوكب المفترض "فايتون") لأن كتلة جميع الكويكبات مجتمعة تقل عن عشر كتلة قمر الأرض.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

* في طريقها إلى المشتري، قدّمت سفينة الفضاء غاليليو أول نظرة عن قرب لثلاثة من الكويكبات..
في مثل هذا الشهر (تشرين أول) من العام 1991 تلتقط المركبة غاليليو صوراً لكوكيب "غاسبرا Gaspra" (قطره 2 كيلومتر تقريباً)، كما التقت مع الكويكب "إيدا Ida" (لا يزيد قطره عن 1.5 كيلومتر، لكنه يتميز بتابع صغير يدور حوله سمّي بداية Ida-Ho ثم سمّي بـ "ديكتل Dactyl")
لقد بيّنت غاليليو اختلافات هامة بين الكويكبات، فبينما ظهر سطحا جاسبرا وإيدا كلاهما بفوهات وبشكل غير منتظم، إلا أن العلماء استطاعوا أن يكتشفوا أن غاسبرا أقدم بكثير من إيدا، كما أن تكوينهم الكيميائي مختلف أيضاً، وقد أكدت هذه النتائج الأرصاد الأرضية للكويكبات التي لحظت اختلافات في ألوانها وسطوعها.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الكويكب إيدا وتابعه ديكتل


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الكويكب غاسبرا



* بعض تجمعات الكويكبات تقترب من الأرض وتشكل خطراً عليها..
هناك ثلاثة من هذه "العائلات": عائلة Amor ويتراوح مدارها بين الأرض والمريخ.
عائلة Aten وتتراوح مداراتها بين الأرض والزهرة. وعائلة Apollo وتقترب مداراتهم من مدارات الأرض.
المجموعة الأخيرة تحظى بأكبر اهتمام، فبينما لا يتقاطع أي منها حتى الآن مع مدار الأرض، إلا أن هذه المدارات عرضة للتغير بسهولة بتأثير من ثقالة الأرض أو ثقالة الكواكب الأخرى.
كخلاصة نقول: إن أكثر من 1000 كويكب من مجموعة Amor-Aten-Apollo وتسمى بـ AAA تشكل تهديداً للأرض.

وقد بيّنت الإحصائيات أن 2-3 من كويكبات أبوللو تضرب الأرض كل ميون سنة.
بالقرب من Winslow في أريزونا هناك حفرة بعرض 1500 متر خلفها صدم كويكب صغير لا يتجاوز قطره 50 متر. لذا فإن كويكب صغير لا يتجاوز قطره 200 متر يكفي اصطدامه بالأرض ليسبب فناء مدينة بأكملها!
وللمقارنة.. معظم كويكبات أبوللو لا يزيد قطرها عن 1.5 كيلومتر، وفقط كويكب واحد منها يبلغ قطره 9.5 كيلومتر.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
فوهة أريزونا

أخ ناصر أشكرك من كل قلبي على المعلومات القيمة التي طرحتها من خلال المشاركتين الأخيرتين

سؤال لو سمحت أرجو أن تأخذني بحلمك

النيازك التي هي نتيجة الشهب التي نراها في السماء أحياناً بشكل يومي و خاصة في أيام الصيف

السؤال هنا : هل هي أحجار البازلت التي موجودة على الأرض

و هناك العديد من التماثيل الموجودة في المتاحف في حلب و في مصر و أرجو أن لا تضحك على السؤال

هل الأحجار المنتثرة حول مدينة السويداء و حتي على طريق دمشق السويداء هل هذه الأحجار السوداء هي نفسها التي تسقط من السماء كما سمعت من مصدر قيل عن قال

و لك جزيل الشكر أخي الكريم ناصر و أحلى طبق فل و ياسمين :D

هلا أب حلب.. ميت السلامة


النيازك التي هي نتيجة الشهب التي نراها في السماء أحياناً بشكل يومي و خاصة في أيام الصيف
أول شي.. تصحيح

رغم إنو النيازك والشهب بياخدوا نفس المصطلح الأجنبي (meteor) بلغة العلوج.. بس هني بالحقيقة شغلتين مختلفتين..

الشهب: هي عبارة عن ذريرات من غبار.. (غالباً تكون بقايا ذيل مذنب).. عندما تدخل الغلاف الجوي الأرضي.. تحترق وتتلاشى في سماء الأرض على شكل خيط من الضوء (طبعاً السبب هو احتكاكها -نتيجة سرعتها الكبيرة- مع غازات الغلاف الجوي)
نستطيع مشاهد شهاب أو اثنين.. في أي ليلة من ليالي السنة
ولكن.. نستطيع مشاهدة "هطول شهابي" في أيام محددة.. مثلاً:
ليلة 11-12 آب من كل عام.. نشاهد هطول شهب البرشاويات.. في هذه الليلة قد نشاهد خلال ساعة واحدة مئات الشهب..
أو في ليلة 16-17 تشرين الثانيز. هطول شهب الأسديات
تعود كثافة الشهب في ليالي الهطل الشهابي إلى أن الأرض في هذه الفترة تدخل سحابة من غبار (هذه السحابة متبقية من ذيل مذنب دار حول الشمس) فتدخل مئات وآلاف ذرات الغبار في ليلة واحدة.. فنشاهد هذا العرض اللوني الجميل في سماء الأرض.

النيازك: هي أجسام أكبر من الشهب.. قد تتراوح أحجامها بين أحجار صغيرة.. وحتى صخور ضخمة.. الفارق الأساسي بين النيزك والشهاب.. هو أن الشهاب يذوب كاملاً في الغلاف الجوي.. ولا يصل إلى سطح الأرض..
بينما النيزك يصل إلى سطح الأرض ويرتطم بها..
النيازك قد تأتي من حزام الكويكيبات
وقد تأتي من بقايا مركبة فضائية أو قمر صناعي..
النيازك تشكل خطراً على كوكب الأرض.


السؤال هنا : هل هي أحجار البازلت التي موجودة على الأرض
لأ..
أحجار البازلت ناتجة عن البراكين..



هل الأحجار المنتثرة حول مدينة السويداء و حتي على طريق دمشق السويداء هل هذه الأحجار السوداء هي نفسها التي تسقط من السماء كما سمعت من مصدر قيل عن قال
كمان لأ..

بذكر مرّة.. دعانا صديق نروح ع السويدا.. ع منطقة اسمها "الكفر" (مشهورة بالعنب الطيّب.. والتفاح الممتاز).. قال بدّو يفرجينا على "فوهة نيزكية" موجودة بالمنطقة..

هلق لما شفناها.. وشفنا "غرف الحمم".. تأكدنا إنها فوهة "بركانية"..

بس الفكرة.. إنو شكل الفوهة الناجمة عن ارتطام نيزكي.. يشبه إلى حد ما فوهة البركان..


هلق بالحقيقة.. كوكب الأرض تعرّض لـ قصف نيزكي هائل عبر تاريخو.. والأكيد إنو الماء وصل إلى الأرض عن طريق المذنبات (اللي فينا نقول عنها نيازك كبيرة.. ورح نحكي عنها فيما بعد).. والأكيد أيضاً إنو الحديد وصل ع الأرض عن طريق النيازك.
بس النيازك والفوهات النيزكية اليوم مانها موجودة بهالكثرة على سطح الأرض.. بسبب الفعاليات الأرضية المناخية والبشرية (الأمطار، السيول، الفياضانات، الرياح، البراكين، الخ) اللي عم تمحي آثارها (بعكس الشي الملاحظ على القمر.. اللي ما بيمتلك غلاف جوي)

يسلمو أخ ناصر على الرد السريع و الله يكتر من أمثالك

والأكيد أيضاً إنو الحديد وصل ع الأرض عن طريق النيازك.


ملاحظة كمان بدك تاخدني بحلمك

أخي الكريم أنا أعيش في بلد غنية في مناجم الفحم الحجري و بنفس الوقت مصانع المعادن و الصهر و من أكثر أنتاج للمعادن الحديد و الفولاذ و حتي عناصر مكونات الحديد و تصدر كمواد أولية لأنتاج الحديد و الفولاذ

السؤال : أن المناجم التي يستخرج منها المواد المكونة للحديد و الفولاذ تصل في بعض الأحيان الى عمق 40 متر أو أكثر و لو لم يكن الوقت متأخر لأحضرت معلومة دقيقة عن العمق

و حجم الكتل التي يقتطع منها الفحم الحجري تصل الى ألاف الكيلو متر مكعب .

فهل ممكن أن تشرح كيف هي نظرية العلماء الذين توصلو الى أن الحديد جاء من خارج الأرض

و ليسى مثل باقي الصجور و المعادن الأخرى

و لك جزيل الشكر :D

السؤال : أن المناجم التي يستخرج منها المواد المكونة للحديد و الفولاذ تصل في بعض الأحيان الى عمق 40 متر أو أكثر و لو لم يكن الوقت متأخر لأحضرت معلومة دقيقة عن العمق

و حجم الكتل التي يقتطع منها الفحم الحجري تصل الى ألاف الكيلو متر مكعب .

فهل ممكن أن تشرح كيف هي نظرية العلماء الذين توصلو الى أن الحديد جاء من خارج الأرض

و ليسى مثل باقي الصجور و المعادن الأخرى
ملاحظة صحيحة..

مشان الحلال والحرام والدقة.. كان لازم قول التالي:

الحديد الذي استخدمه الإنسان قبل بدء "التعدين" كان مصدره النيازك..

لآلاف السنوات.. كان الإنسان يستخدم الحديد الموجود على سطح الأرض (الذي جلبته النيازك).. ولم يبدأ الإنسان باستخراج الحديد من المناجم قبل القرن السابع أو الثامن عشر.




شكراً ع المتابعة أب حلب :D

شكراً ع المتابعة أب حلب :D

العفو يا سيدي و الله كلي أذان صاغية و أتمنى أن تتابع الموضوع لتعم الفائدة لنا و لغيرنا و أذا لاحظت أن توقيعي
{ إن في خلق السموات والأرض واختلاف الليل والنهار لآيات لأولي الألباب }

يعني لو بدك ترفع علي دعوى بسبب شدت المتابعة لربحت القضية و وجب على دفع رسم للمتابعة يقررها القاضي علي

العفو مرة أخرى أخي الكريم و الله فضلت علينا الله يجزيك الخير :D

العفو يا سيدي و الله كلي أذان صاغية و أتمنى أن تتابع الموضوع لتعم الفائدة لنا و لغيرنا و أذا لاحظت أن توقيعي
{ إن في خلق السموات والأرض واختلاف الليل والنهار لآيات لأولي الألباب }

يعني لو بدك ترفع علي دعوى بسبب شدت المتابعة لربحت القضية و وجب على دفع رسم للمتابعة يقررها القاضي علي

العفو مرة أخرى أخي الكريم و الله فضلت علينا الله يجزيك الخير :D

هلا أب حلب.. ع راسي يا أساسي

بدون متابعة.. بيكون الموضوع مالو طعمة.. إنو لمين عم يكتب الواحد!!

يعني الفكرة هون بتنفّد ع حكي سيدنا ومولانا ابن عربي: "لا خالق بلا مخلوق"

بعيد الشبه يعني :)

* بعض تجمعات الكويكبات تقترب من الأرض وتشكل خطراً عليها..

* كويكب أبوفيس / Apophis أو MN4-2004
اكتشف هذا الكويكب لأول مرة صيف سنة 2004 ثم أعاد الأسترالي غوردن غاراد تأكيد اكتشافه في أيلول 2009 وأطلق عليه اسم MN4-2004 كان تقدير قطر الكويكب في البداية 500 متر، ثم 400 متر، ونعرف اليوم أن قطره لا يتجاوز 320 متر.
بناء على آخر رصد في تلك السنة، تبيّن أن هذا النيزك سيتقاطع مع مدار الأرض يوم 13 نيسان عام 2029 وأن احتمال اصطدامه بالأرض 1/300

تابع العلماء في تجمّع "NEO" (وهي اختصار لـ Near Earth Object) دراسة ورصد MN4 ليجدوا أن احتمال اصطدامه بالأرض تتزايد!!
وصلت في نهاية العالم 2004 حتى 1/47
وفي يوم 26/12/2004 وصل احتمال الاصطدام إلى 1/37 (وهو أعلى تقييم خطر لأي كويكب مسجّل حتى اليوم على مقياس تورينو)

انظر جدول مخاطر اصطدام الكويكبات على الرابط:////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وانظر شرح لمقياس تورينو على الرابط: ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


يتبع..

كويكب أبوفيس / Apophis

عا فكرة ابوفيس هو اله الشر و الدمار عند الفراعنة و هو انسب اسم لهالكويكب اللي يمكن يبيد البشرية

تحية ناصر:D

* كويكب أبوفيس / Apophis أو MN4-2004
(...)
وفي يوم 26/12/2004 وصل احتمال الاصطدام إلى 1/37 (وهو أعلى تقييم خطر لأي كويكب مسجّل حتى اليوم على مقياس تورينو)
..

وفي يوم 27/12/2004 ونتيجة الاستناد إلى وتحليل معطيات رصدية جديدة.. انخفض احتمال الاصطدام حتى 1/12000 (وهو الرقم المقبول اليوم)
ولكن..

مازال اصطدام الكويكب بالأرض ممكن الوقوع.. وإن كان احتماله وقوعه ضئيل..

الأهم بالموضوع

أن هذا الكويكب.. إن لم يصطدم بالأرض سنة 2029 فهو سيتخذ مداراً "توافقياً" مع الأرض حول الشمس.. ليعود ويلتقي بمدار الأرض في يوم 13 نيسان 2036

وهون المصيبة

من المستحيل اليوم أن نستطيع معرفة احتمال اصطدام الكويكب بالأرض سنة 2036.. ولن نستطيع معرفة نسبة الاحتمال إلا بعد العالم 2029 (حتى يكون مرق من جنب الأرض وأخد مدارو)

بس الفكرة وين؟

إنو إذا وصلنا لسنة 2029.. ومرق الكويكب وما ضرب الأرض.. حلو

حسبنا مدارو بعدها.. طلع إنو بسنة 2036 رح يضرب الأرض.. ما فينا بهالسبع سنوات نعمل شي حتى نبعّد هالكويكب عن الأرض

إذن؟

لازم من هلق نخلص منو.. والطريقة أكيد مو بالتفجير

منبعت بحدود سنة 2020 عدة مركبات.. تهبط على سطحو.. وتطبّق دفع خفيف ومستمر.. حتى تحرف مسارو
طبعاً المركبات بدها تصميم قبل عدة سنوات.. وبدها حساب مداراتها كمان.. وبعد إطلاقها بدها كذا سنة حتى توصل للكويكب.. ومن ثم بدها كذا سنة تضل تطبّق دفع عليه حتى تحرف مسارو

من هيك من 2029 للـ 2036 ما منلحق نعمل شي

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
احتمال مسار الكويكب.. وتقاطعه مع مدار الأرض



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
تقاطع مدار الكويكب حول الشمس مع مدار الأرض يوم 13 نيسان

كمان شريك بيمشي الحال يمكن مع مظلات بتعتمد على الرياح الشمسية و قالو عنها انها عملية اكتر

كمان الحل النووي مو مستبعد بس بشكل انو يخلي ينحرف مو يتفجر

حتى في عالم بتحبز انو نقرب الكويكبات عالأرض و بعدين نستغلو بالتعدين بعد ما نعملوا مدار حول الأرض
بس هالشغلة لسا بكير عليها

طول فترة متابعتي هالموضوع وأنا عم فكر أديش معلوماتنا ضحلة ... بس واسي حالي وقول عادي :oops:
بس هلا وأنا عم اقرا عن كويكب أبوفيس وشو رح يعملو مشان ما يصطدم بالأرض
حسيت أديه نحن مقصرين وبعاد تماماً ومو عرفانين شو صاير بالدنيا
متابعة :D

آخر شي عن الكويكب..

قلنا إنو قطرو 320 متر.. فـ إذا اصطدم بالأرض.. رح يعمل تدمير يشمل مساحة قد مساحة الصين..

أما إذا ضرب المحيط (وهو الاحتمال الأكبر، على اعتبار تلات رباع الأرض محيطات).. فـ ما رح تكون القصة أهون.. لإنو رح يعمل موجات تسونامي تطلع ع البر.. وتلعن دين إخت سلسفيل الحالة.. متل ما صار بـ تسونامي المحيط الهندي سنة 2004 (وقتها بلغ عدد الضحايا شي 400 ألف بني آدم)

يعني مثلاً..

لو ضرب هالكويكب المحيط الهادي.. فـ بعد 4 ساعات فقط من لحظة الاصطدام.. كل الشريط الساحلي لـ كاليفورنيا رح يواجه سلسلة من موجات تسونامي رح يبلغ علوّ الموج فيها 17 متر!!!

(انظر الصورة)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

النيزك المدمر


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
یعمل العلماء دون توقف كي یتمكنوا من حساب مسار كویكب قد یتسبب بدمار كبیر إذا ما اصطدم بالأرض في العام 2036 ... أطلق
وھو یتحرك في الفضاء Apophis على الكویكب اسم أبوفیس بسرعة عشرة كیلومترات في الثانیة... المختصون یحذرون من
أن ما قد یتسبب بھ اصطدام من ھذا النوع سیكون أكبر بمئة ألف مرة من الدمار الذي تسببت بھ القنبلة النوویة التي تم
إلقاؤھا على ھیروشیما في نھایة الحرب العالمیة الثانیة.
إلا أنھ لمعرفة إذا ما كان اللقاء مع كوكبنا محتوماً، فسیكون علینا الإنتظار عشرة أعوام أخرى.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
خطر في طریقھ إلینا
الصورة، كما تخیلھا الرسام، تضع كویكباً في طریقھ الى الأرض... خطر مثل ھذا سیتطلب تعاون جمیع دول العالم
واستخدام أكثر التكنولوجیات تطوراً لمواجھتھ.