دعوة للمشاركة بمثل [الأرشيـــــف] - صفحة 3

DARKNESS

28/10/2009, 16:19

مشكور أبو العتمات... هدول بيعودوا لثقافة ماردين المنتشرة حالياً في الجزيرة السوريّة...

فأمّا أنّو موجودين بكتاب، ما حزرت... موجودين بكتابي عن الأمثال والعادات بهديك المنطقة، بس للأسف مو منشور لسّاتو... بيحتوي تقريباً على ألف مثل، عدا الدعاء والقصص... إلخ! في منها مشترك مع بقيّة الثقافات بتعبير مختلف، وفي منها خاصّ فريد.

المهم... اسماع هالمثل وقلّي شو بتشوف فيه:

"حبّي فـطلوع الرّوح، مو ريد لا تعديدن ولا بكاهن"!

للحزّير أحلى هديّة من منتوجات القراصنة

و الله يا عمي جون سيلفر متل ما بيقولو المتل صدمني صار بدي ظرفين حب آنتي صدومين من شان فيق بس لأنو بصراحة ما فهمت منو شي

صحي شو مشان كتابك تبع الأمتال كيف بدنا نحصلو :larg:

قرصان الأدرياتيك

28/10/2009, 16:30

و الله يا عمي جون سيلفر متل ما بيقولو المتل صدمني صار بدي ظرفين حب آنتي صدومين من شان فيق بس لأنو بصراحة ما فهمت منو شي
صحي شو مشان كتابك تبع الأمتال كيف بدنا نحصلو :larg:
لا دخيلك خال شو جون سيلفر... نحن جماعة الأدرياتيك على عداوة شرسة مع هدوك الجماعات... وفي معارك طاحنة شغّالة بيناتنا ليل نهار... لسّا مبارح أسرنالن قريصون فصعون ويا حزرك شو صار فيه... جماعتي ألهن شي دهر مو نازلين عالبرّ يعني بلاوي مو شايفين بنات حوّا... والباقي عندك! :larg:.

المهم هالكتاب يا صديقي مانو منشور، وفي الحقيقة لسّعتو عالدّفتر ومحتاج شي كام سنة ليشوف النور... ولعيونك نسخة بلاش، بس أكيد أنت رح تساهم من باب التشجيع... شنّو أهل الخليج جيوبن مليانة :p!

المثل ما رح فسّرلك ياه لتيأس مزبوط :D.

DARKNESS

28/10/2009, 16:37

لا دخيلك خال شو جون سيلفر... نحن جماعة الأدرياتيك على عداوة شرسة مع هدوك الجماعات... وفي معارك طاحنة شغّالة بيناتنا ليل نهار... لسّا مبارح أسرنالن قريصون فصعون ويا حزرك شو صار فيه... جماعتي ألهن شي دهر مو نازلين عالبرّ يعني بلاوي مو شايفين بنات حوّا... والباقي عندك! :larg:.

المهم هالكتاب يا صديقي مانو منشور، وفي الحقيقة لسّعتو عالدّفتر ومحتاج شي كام سنة ليشوف النور... ولعيونك نسخة بلاش، بس أكيد أنت رح تساهم من باب التشجيع... شنّو أهل الخليج جيوبن مليانة :p!

المثل ما رح فسّرلك ياه لتيأس مزبوط :D.

له له له الله لا يوقعنا بين ايدين الادرياتيكيين:shock:

المسكين بيكون عرف قيمة المرا :larg:

ولا يهمك من شان المساهمة رح اعطيك منصب ألوهي هام بالميثلوجيا اللي عم أعملها و ما مننساك من المعلوم:larg:

يعني بس لحلحلنا أمور الأمتال:shock:

توم و جيري

28/10/2009, 17:42

صار للدبانة دكانة وصارت تسكر عبكير ..

Nasserm

29/10/2009, 19:22

يلا بما انك عجزت .. هاد يا سيدي
المتل اخترعو اهل بلدنا (صوريف قضاء الخليل) في غابر الزمان
عن قصة 3 عميان كانو بدهم يروحو ع قرية تانية اسمها الجبعة.. حسب ما بتزكر كانو من غير منطقة
المهم.. و هم ع الطريق قال واحد هلا بس نوصل ع الجبعة رح يطعمونا زيت و زعتر
قام التاني قال لا رح يطعمونا رز بحليب كنو.. و التالت قال مدري شو .. ما بتزكر القصة ع التمام
المهم تخانقو و وقت وصلو الجبعة ما حدا طعماهم شي :lol:
فرقت ع نقطة.. كان ممكن أعرف

بس صحابي من الجليل.. مش من الخليل

بس إنو.. أهل بلدك "خلايلة"؟

يا فضيحتك يا إم شحادة.. ويا فضيحتك يا إم شحادة :lol:

وأنا عم قول شو حالة هالتزهزه الدائمة عندك!! :p

مثل اليوم : يا مكحولة العين .. مش كل الرجال رجال.. فيهم صميدع و فيهم للحكي نقّال :larg:
متل اليوم فلسطيني كمان..
قال شو؟

والله غاب وجاب.. وياما جاب الغراب لمّو*

* لـ إمّو

Nasserm

29/10/2009, 19:25

مثلنا لليوم :
ل... بو ناعسه
ههههه:p
:shock:

شو يعني؟

وعرظ جارتنا المكلعطة.. أني ما فهمتش إشي!

mary belle

29/10/2009, 19:28

بس كأنّي ما فهمت شي من مثلك!!!

مشهور بالضيع خاصه بين الختايره!
انو بما معناه شي ما الك خلء عليه و بيكون اخر همك ..
بقولو :لأفا (ل***) بو ناعسه:o

Nasserm

29/10/2009, 19:29

حلو هلمثل!دايما ولاد الابن حنونين عأهلو!!:oops:

مثلنا لليوم :
ل... بو ناعسه
ههههه:p
يحظة.. زبط احتمالين..

1- لـ *ـيز بونا عسة

(بس إنو شو هالـ بونا هيدا؟ من وين ناكش إسمو!!)

2- لـ *ـيز بو ناعسة

(أبو ناعسة يعني؟ ناعسة! بس ليش "ناعسة" تحديداً؟! غريب هالمتل
قولوا "لـ *ـيزي..وفكها الله :lol: ليش بو ناعسة تحديداً)

DARKNESS

29/10/2009, 19:34

أفضى من المطلقة

يقال للفضاوة حدا قالو شي نسيان شنو صار الموضوع كبير

أبرد من طين كانون

يعني بارد كتير

التم المنحوس على خايب الرجا
دلالة على انو الفاشلين بيجتمعو مع بعض

يا مرة ان شتت الطمي و ان ما شتت الطمي

دلالة على سوء الأوضاع مهما كلن التصرف

أم الجود

29/10/2009, 19:39

حبلة ومرضعة وعلي ايدها اربعة ( هاي جارتنا ام صطيف يخزي العين كل شهرين بتجيب ولد ):o

هادا الو كمالة راما ..

حبلى و مرضعة و وراها أربعة و طالعة عالجبل تجيب دوا للحبل

و هالمتل بينقال للمرا اللي بتبضل تبظ ولاد :lol:

Black Orchid

29/10/2009, 23:41

حاولت أحزر مَثَلك قام طلع معي 3 عميان رايحين على بلدة "الجبعة" عَ الطريق اتحزروا شو بدن يطعموهن وبالآخر وصلوا وما طعموهن شي... كيفني معك؟ :larg:... :p... :lol:.

"ابن الحنونة ضحك وفقفق عليّ، وابن البغيضة شقشق البحور عليّ"
المهمّ خلّينا نشيل الستار عن ألفاظ المثل:
قائل المثل هو "الجدّة" حصراً. الحنونة هي الابنة، والبغيضة هي الكنّة. بظنّ بلّش يوضح!
ابن الحنونة هو ابن الغريب... شافني واقعة بالمي وعم أغرق فضحك لأن الموضوع ما بيهمو كتير...
ابن البغيضة هو ابن الابن... لمن شافني بهالحالة عمل المستحيل ليساعدني.
يقال المثل للدلالة على كتير أشيا:
لمن البنت تهمل أمها...
لمن تكون الكنّة خرج يُعتمد عليها...
اهتمام الأحفاد من الابن (بالجد والجدة) أكثر من اهتمام الأحفاد من الابنة... إلخ!

ما تقولي مو حلو المتل... :D.

كأنو هالمتل محرف ..... كل عمري بسمعو على انه ابن الحنونه ( البنت) بكي وفقفق( عيونه احمروا من البكا) علي
وابن الكنه لو قدر يرميني بقلب سبع بحور ماكان قصر( يمكن يكون هيك صح)

ritka

31/10/2009, 00:59

اختلط الحابل بالنابل
اختلط الحابل بالنابل
اختلط الحابل بالنابل

:larg: :lol:

Nasserm

31/10/2009, 14:37

اختلط الحابل بالنابل
اختلط الحابل بالنابل
اختلط الحابل بالنابل

وحافظ غيّر فكرو وصار.. جيشو ع جوني نازل

مثل اليوم (من عند أبو الزيز):

العقل زينة.. والمحادل ع السطوح

mary belle

31/10/2009, 15:01

ايه ياما تحت السواهي دواهي!

Nasserm

31/10/2009, 15:06

ايه ياما تحت السواهي دواهي!

وياما خلف المراعي دياب!

mary belle

31/10/2009, 15:11

لي بدو يناطح ما بخبي القرون!!

Nasserm

31/10/2009, 15:30

واللي بدو يعمّل جمّال.. بدّو يعلّي باب دارو

(أحسن ما يقص إجرين الجمل.. أو راس العروس :) )

Nasserm

31/10/2009, 15:32

لي بدو يناطح ما بخبي القرون!!

هالمتل بينفّد ع قول مولانا أحمد:

"ضعافُ الأسْدِ أكثرها زئيرا"

DARKNESS

31/10/2009, 16:10

الطحان ما بيغبر على كلاس

اذا كبرو ولادك خاويهن

كانت النصيحة بجمل هلئ ببلاش ما حدا بيشتريها

أم الجود

31/10/2009, 17:57

لي بدو يناطح ما بخبي القرون!!

هالمتل بينفّد ع قول مولانا أحمد:

"ضعافُ الأسْدِ أكثرها زئيرا"

صح و في متل متلو بيقول : "الكلب النبّاح ما بيعض"

أم الجود

31/10/2009, 17:58

وياما خلف المراعي دياب!

و ياما تحت الملاحف متاحف :larg:

Constant

31/10/2009, 18:02

التناحة كنز لا يفني :larg:

قرصان الأدرياتيك

31/10/2009, 21:43

كأنو هالمتل محرف ..... كل عمري بسمعو على انه ابن الحنونه ( البنت) بكي وفقفق( عيونه احمروا من البكا) علي
وابن الكنه لو قدر يرميني بقلب سبع بحور ماكان قصر( يمكن يكون هيك صح)
غالباً الأمثال تولد من حاجة في الإنسان منطلقة من البيئة الاجتماعيّة والثقافيّة والدينيّة... إلخ!
بالنسبة للمثل أعلاه، فمانو محرّف تبعاً لبيئتي، وإذا كان في اختلاف فهالشي يعود لبيئتك وحاجاتها.
طبعاً المثل المذكور والمشروح عالأقل بيرجع لأكتر من ميت سنة، لأن ستّي (الله يرحمها) كانت متعلمتو من أمها، وهكذا... وكانت بآخر أيّامها تردّد هالمثل، لأن بعد وقعتها لا الحنونة (الحنونات) ولا ولادها سأل عنها أو حتّى طل صوبها، بينما البغيضة (أمّي) وولادها حملوها ست أشهر، وما بدي أشرحلك شو يعني خدمة مريض واقع!
هلا فيكِ :D.

Black Orchid

31/10/2009, 22:30

[quote=قرصان الأدرياتيك;1354672]غالباً الأمثال تولد من حاجة في الإنساناب منطلقة من البيئة الاجتماعيّة والثقافيّة والدينيّة... إلخ
بالنسبة للمثل ألاه، فمانو محرّف تبعاً لبيئتي، وإذا كان في اختلاف فهالشي يعود لبيئتك وحاجاتها.

مو بيناتنا , بس أنا سامعه المتل على الطريقه الفلسطينيه وبفيد نفس المعنى,

ابن العدوه مر وخلاني وابن الحنونه عدا وعداني .... بيحزني كتير

ritka

01/11/2009, 07:14

وحافظ غيّر فكرو وصار.. جيشو ع جوني نازل

هي بزاتها

اختلط الحابل بالنابل
اختلط الحابل بالنابل
اختلط الحابل بالنابل
:larg:

مثل اليوم .. فرنجي, و بخيل

Look after the nickels and dimes, and the dollars will look after themselves :lol:

Black Orchid

01/11/2009, 09:25

غالباً الأمثال تولد من حاجة في الإنسان منطلقة من البيئة الاجتماعيّة والثقافيّة والدينيّة... إلخ!
بالنسبة للمثل أعلاه، فمانو محرّف تبعاً لبيئتي، وإذا كان في اختلاف فهالشي يعود لبيئتك وحاجاتها.
طبعاً المثل المذكور والمشروح عالأقل بيرجع لأكتر من ميت سنة، لأن ستّي (الله يرحمها) كانت متعلمتو من أمها، وهكذا... وكانت بآخر أيّامها تردّد هالمثل، لأن بعد وقعتها لا الحنونة (الحنونات) ولا ولادها سأل عنها أو حتّى طل صوبها، بينما البغيضة (أمّي) وولادها حملوها ست أشهر، وما بدي أشرحلك شو يعني خدمة مريض واقع!
هلا فيكِ :D.

يظهر انو امك هي الحنونه بهيدا المتل:D:D

cornholio

01/11/2009, 10:24

Stone Walls Not A Prison Make, Nor Iron Bars A cage

:larg:

Nasserm

01/11/2009, 17:25

هي بزاتها

اختلط الحابل بالنابل
اختلط الحابل بالنابل
اختلط الحابل بالنابل
:larg:

يا إم الخصر المايل.. قولي لـ إم الجدايل..

اختلط اختلط اختلط اختلط.. اختلط الحابل بالنابل..

متل اليوم:

يا ويل اللي **** وما ******

* رقابة ذاتية :)

rama1985

01/11/2009, 18:07

الحماية حمة وبنت الاحما عئرب :?

ayooooosh

01/11/2009, 19:09

الحماية حمة وبنت الاحما عئرب :?

وتاكيدا ع كلامك متل تاني الي هو العمه عقربه سامه :x

بس في متل عكس هالاتهامات الي هو .... الخال مخلا والعم مولا ;)

ومتل اليوم وانا كتير بحاول اطبقه الي مني هو أمنّو ولا تخونو :D واتمنى يكون المتل مفهوم الكم

Nasserm

01/11/2009, 19:10

صارت شغلة من شوي.. ذكرتني بهالمتل:

نكاية بالطهارة.. شخ بلباسو

ritka

01/11/2009, 20:31

يا إم الخصر المايل.. قولي لـ إم الجدايل..

اختلط اختلط اختلط اختلط.. اختلط الحابل بالنابل..

خرج نعمل ديو :lol:

قال اللي بيسبق.. بياكل فستق :larg:

بنفسجة

01/11/2009, 20:36

خليا بالقلب تجرح احسن ما تطلع لبرا وتفضح
يمكن مارق هالمثل بالموضوع بس هيدا طل معي حاليا

Constant

01/11/2009, 20:46

خرج نعمل ديو :lol:

قال اللي بيسبق.. بياكل فستق :larg:

لك هودي ملوك ع شعبك وسادات
فرشي من فرش حبي لن وسادات
اسد وحسين والخالد وسادات
على جنب يلا يا عرب

خشب الارز توابيت:p

Nasserm

01/11/2009, 23:11

لك هودي ملوك ع شعبك وسادات
فرشي من فرش حبي لن وسادات
اسد وحسين والخالد وسادات
على جنب يلا يا عرب

ما هودي ملوك ع شعبك وسادات

افرشيلن فرش حطّيلن وسادات

أسد وحسين والخالد وسادات

على جنب يالله يا عرب

ما تغيّر يا خيي.. ما تغيّر يا خيي.. خشب الارز توابيت:p

إذا إجوا منجي.. وإذا ما إجوا.. ما منجي

مَتل أولت مبارح (قالها فذهبت مثلاً):

لولا سليمان.. لأكلت فتح لبنان

Nasserm

01/11/2009, 23:18

خرج نعمل ديو :lol:

يالله..
بقترح لبدء مسيرتنا الفنية.. هالغنية.. بظن بتضرب وبتكسّر الأرض (نقّي دور.. واحفظيه.. ت نسجّل):

+ حلحل حلّك يا حليحل.. في ميّة حل
وحلّي وحلّك حلّين.. وما لقينا حل

- وحيلك حايل يا محلحل.. في عشرة حلول
والحالة حلّت حالا.. وعيونا حول

+ والحلّ محلّك حالو.. حلّو بينحلّ
وحل المنحلّ محلحل.. حالو محلول

- محلول الحل ان حلّت.. حالة حلّو

+ حلّ وحلّين وجمعة.. وشهر وحلّين

- وحِلّي معنا يا حلوة.. حالك حلحال

+ إن حلّيناكي بتنحلّي.. وما انحل الحال

- ان حلحل حلحولك حلحل.. يا محلا الحل
الحل محلحل ما تحلحل.. بعدو ما حلّ

+ حلّوا عنا انحلّينا.. وكترت الحلول
وين الحل انحلّينا.. وما انحلّ الحل

قال اللي بيسبق.. بياكل فستق :larg:

مو ديماً..

the early bird catches the worm but the second mouse gets the cheese

فـ حسب :)

بنفسجة

01/11/2009, 23:21

هلق صار الموضوع شارك بزجل؟
بس انو والله حلو هالزجل
ههههههههههه

Nasserm

01/11/2009, 23:30

هلق صار الموضوع شارك بزجل؟
بس انو والله حلو هالزجل
ههههههههههه

طيب.. شاركينا بشي أوووووف

بما إنو صارت زجل.. هيدا مَتَل "قرّادي" من عند أبو علي زين شعيب:

الـ تارك كرمو بلا ناطور
اللي بيقطف منّو مش عيب

ملك النحلة والدبّور
وملك اللي بيضرب عن صيب

بنفسجة

01/11/2009, 23:36

Nasserm

01/11/2009, 23:48

يييييييييييي
انا ما بعرف من الاوف والموال الا
اووووووووف اووووووووووووف اووووووووف
نكبني الدهر بمصيبة مشلشة
وانا الحبيتك حبيتك مشلشة
جبت الطبيب ليشلي
ماشلشي
زاد عاقلبي هموم وعذاااااااااااااااااااااا ااااب
هي اذا قلتا صح كمان ههه

نكبني الدهر بمصيبة مشلشة
وأنا الـ حبّيت.. حبّيتك مش لشي
جابوا الطيب ت يشلّي، ما شالّي شي
زادلي هموم ع قلبي وعذاب

بس إنو ما لك بالزجل والأوف.. طيب.. اقرطيلك زلغوطة :)

بنفسجة

02/11/2009, 00:09

ولللللللللللللللللللللللل لللللللللليييييييشششششششش ششششششششششششششششش:lol:
كيفني معك؟

ritka

02/11/2009, 02:14

ولللللللللللللللللللللللل لللللللللليييييييشششششششش ششششششششششششششششش:lol:
كيفني معك؟
جيت اكتب زلغوطة قلت منطلع عن الموضوع كتير
بس رجعت قلت يالله كلها شقفة مخالفة باسوا الحالات
فـ انو

أويهـــا
غلينـــا قهـــوة
أويهـــا
طلعـــت مـــرّة
أويهـــا
إلّــي مــا فــرحتلك يــا فلان
أويهـــا
تيجـــي عليهــــا الضّــرّة
وللليش

منرجع للامثال
قال.. نيالك يا قصيرة بتضلي بعين جوزك صغيرة :?

بقترح لبدء مسيرتنا الفنية.. هالغنية.. بظن بتضرب وبتكسّر الأرض (نقّي دور.. واحفظيه.. ت نسجّل):
ع شوي كنت نسيت
بدي ان + لاني ما بحب السالب :lol:

rama1985

02/11/2009, 08:33

لبس البوصة تبقى عروسة ...

ولبس الخنفسة تبقى ست النسا ...

ولبس الخشبة تبقى عجبة....

Nasserm

02/11/2009, 14:17

ولللللللللللللللللللللللل لللللللللليييييييشششششششش ششششششششششششششششش:lol:
كيفني معك؟

فرجة..

بس أنا كان بدي زلغوطة متل اللي قدحتها ريتا :)

مو حافظة زلغوطة "ع اللعلعي و ع اللعلعي"؟

متل اليوم:

مش ديماً المختصر.. بيكون مفيد