-
دخول

عرض كامل الموضوع : سؤال ميكانيكي للخبراء والفهمانين بـــس وعالـــــسريع

jovia
22/10/2009, 03:53
مرحبا شباب يسعد اوقاتكون كلياتكون ... مابدي كتر حكي وح بلش باللي عندي ... معروض عليي سيارة فورد فورويل نوع اسكيب 2005 وارد امريكي سعرها عجبني كتير بس لما اجيت وعملتلا فحص قبلما نسجل العقد ومدري شو طلع فيها خمس قطع بدها تصليح وهني :
1- ويل بيرنقX4
2- سفايف بريك امامي خلفي
3- وصلة عمود الشافتر وسط
4- دفرشين خلفي - ونه ( هيك مكتوب بالورقة :shock:)
5- كرسي مكينة + طرنية ماء (هي خزان المي تبع المكيف ) + نظافة راديثة (كمان هيك كما ورد :pos:)


المهم ما الكون بطول السيرة قلي صاحب المحل انو قطع الفورد الامريكي غالي كتير بس شو بتنصحوني اشتريها ولا اصرف النظر عنها ... يعني كان عندي فضول اعرف اديش بيكلفو هالقطع كلون لانو سعرها ما لقيت منو بكل سوق السيارات فا شو العمل وع السريع يا معلمين :larg:
أإأبو العبد
22/10/2009, 04:10
هلا بشكل عام السيارة لما بتشتريها مستعملة لازم ينعملا صيانة
بس المشاكل الي قلتي عنا مصايب بدا حلم الله فمو نصيحة لاتستعجلي بتلاقي انضف
بعدين الفورد مانجح بالفورويل بتاتا ومشاكلو كتيرة
اذا بتلاقي GMC او شفروليه يعني يوكن سوبربان تاهو انفوي تريل بلايزر احسن من الفورد مع العلم ان الفورد احلا بالشكل وافخم
jovia
22/10/2009, 04:18
لك ابو حميد انت فهمت عليي انا ليش حطيت عيني عليها ...
1- لانو سعرها عجبني كتيييير م العلم انو ( صاحبها شيخ من شيوخ الامارات )
2- انا بدي فورويل والمصاري للي بايدي ما بيجيبو ال GMC والشيفروليه مع اني بموت بشكلون بس كتير غاليين عليي يا زلمة الوحدة حقها بال 60 هاد اازا موديل قديم مو جديد الجديدة شيفروليه شفتها 2008 اسمها تاهو حقها 125 الف درهم من وين بدي جيبون بيشحدوني غير انو كمان قطعهن غالية:cry:


يعني على علمك اديش بتكلف تصليحها ازا بدها تصليح بحدود كم الف درهم ..:sick:

بعدين بالمناسبة شتقنا لك ابن العم ليش مطنشنا:x
jovia
22/10/2009, 05:24
شو صار معنا :pos:...:frown:
عربي عربي
22/10/2009, 07:10
شو صار معنا :pos:...:frown:

حلاؤلك الشباب, ما حدا برد :larg:
أإأبو العبد
22/10/2009, 13:50
لك ابو حميد انت فهمت عليي انا ليش حطيت عيني عليها ...
1- لانو سعرها عجبني كتيييير م العلم انو ( صاحبها شيخ من شيوخ الامارات )
2- انا بدي فورويل والمصاري للي بايدي ما بيجيبو ال GMC والشيفروليه مع اني بموت بشكلون بس كتير غاليين عليي يا زلمة الوحدة حقها بال 60 هاد اازا موديل قديم مو جديد الجديدة شيفروليه شفتها 2008 اسمها تاهو حقها 125 الف درهم من وين بدي جيبون بيشحدوني غير انو كمان قطعهن غالية:cry:
لك ولي على اطاطك مافضحتينا الا شوي:x

منرجع لموضوع السيارة انتي ماهيك بدك تحسبيها بدك تحسبي مثلا لو اخدتي شي شيفرولية نظيفة وضامنة انك ماتدفعي عليها من هون لسنة سنتين لقدام لا انا بزيد مصرياتي شوي وباخد شي يريحلي راسي
وخصوصا انك عمتقولي انو السيارة بدا كراسي مكينة وهاد معناه انو الي كانت معو السيارة كان حارق مكينتا بالتشفيط وخلافة

يعني على علمك اديش بتكلف تصليحها ازا بدها تصليح بحدود كم الف درهم ..:sick: والله يابنت العم مابعرف قديش بتكلف بالضبط بس بدك تحطي مو اقل من 4 5 على ما اظن

بعدين بالمناسبة شتقنا لك ابن العم ليش مطنشنا:x مشاغل بنت عمي مشاغل:i7raj:
شامي للنخاع
22/10/2009, 14:20
بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...
jovia
22/10/2009, 14:31
لك ولي على اطاطك مافضحتينا الا شوي:x

منرجع لموضوع السيارة انتي ماهيك بدك تحسبيها بدك تحسبي مثلا لو اخدتي شي شيفرولية نظيفة وضامنة انك ماتدفعي عليها من هون لسنة سنتين لقدام لا انا بزيد مصرياتي شوي وباخد شي يريحلي راسي
وخصوصا انك عمتقولي انو السيارة بدا كراسي مكينة وهاد معناه انو الي كانت معو السيارة كان حارق مكينتا بالتشفيط وخلافة

والله يابنت العم مابعرف قديش بتكلف بالضبط بس بدك تحطي مو اقل من 4 5 على ما اظن

مشاغل بنت عمي مشاغل:i7raj:
والله على كلامك صرت بدي غير رايي بنسبة 50 بالمية او يمكن اكتر خوفتني يا زلمة :cry:... اخخخخ من الفورويل مع انها خرطت مشطي كتييير بالبداية بس على قولتك حنصمد قرشين زيادة ومنجيب تويوتا لاندد كروزر لانو الشفروليه نااااارررر


مشكور يا غالي ومية وردة:D ..اكدع رفيق بالدني:adal:
أإأبو العبد
22/10/2009, 14:36
والله على كلامك صرت بدي غير رايي بنسبة 50 بالمية او يمكن اكتر خوفتني يا زلمة :cry:... اخخخخ من الفورويل مع انها خرطت مشطي كتييير بالبداية بس على قولتك حنصمد قرشين زيادة ومنجيب تويوتا لاندد كروزر لانو الشفروليه نااااارررر


مشكور يا غالي ومية وردة:D ..اكدع رفيق بالدني:adal:
نحنا بامر شواربك ام عبدو:larg:







:p
Syrian_love
22/10/2009, 14:48
يا شباب انا ما بنصحكون بالبليزر وخصوصاً بالامارات لانو قطع الغيار قليله جداً وغالية كمان الصراحة انا عندي لكزس 2003 وتمام والله احلى من هيك ما شفت
أإأبو العبد
22/10/2009, 15:06
يا شباب انا ما بنصحكون بالبليزر وخصوصاً بالامارات لانو قطع الغيار قليله جداً وغالية كمان الصراحة انا عندي لكزس 2003 وتمام والله احلى من هيك ما شفت
ياراجل اللكزس بتضل تويوتا ياباني يعني قطعا مهما ارتفع مابترتفع اكتر من الامريكي او الالماني وقطعا بتضل متوفرة بس اللكزس مشكلتو انو خرابو مو سهل يعني مشاكلو صعبة مع العلم انو بيعيش وبيخدم وبيتحمل دعك
marochka
22/10/2009, 15:09
طيب ولو عم غير الموضوع شوي بس شو رأيكون بالمرسيدس 300 موديل 1992، بتنشرى؟؟ ( عم أحكي بلبنان مو بالخليج)
أإأبو العبد
22/10/2009, 15:14
ايه بلبنان اشتري الماني وانتي مغمضة قطعو ببلاش حتى الناس عمتاخد ميرسيدس وبي ام من الخليج وعمتزبطو بلبنان وترجع تبيعو بالخليج بضعف السعر
بس طبعا شوفيلك شي نضيف
jovia
22/10/2009, 15:19
الموضوع في منو زاوية بتتعلق بجو البلد والبلد نفسو بما يتعلق باسعار قطع السيارات ....... انا على علمي سيارات البيجو كتير عملية ومحبوبة كتير بلبنان ومفضلة عند اللبنانيين فازا بتشتريها بتنتصحي


اما انا فبالنسبة ل كلام syrian love انا صارفة النظر عن هيك انواع سيارات ... اكتر شي ماشي عنا هو التويوتا واللكزس منيحة ومطلوبة بس على هوى ما قال ابو العبد انو قطعها ازا خربت مو سهل تتصلح وكل الميكانيكيين بيتمقطعو فيك بخدمة تصليح ايدون غير سعر القطعة ..
khaliiiil
22/10/2009, 15:51
بدك الصراحة ما بنصحك بال فورد

كتير بتعمل مشاكل و بتعطل و مصروفا عالي يعني كل كام يوم بدك 100 درهم بترول

و قطعا غالية كتير شنو اخي بيشتغل بفورد عند الطاير

نصيحة بلاها و خليك عالسيارات اليابانية
jovia
22/10/2009, 18:56
اليوم ساومنا عالقطع الخربانة اديش بتكلف في قطعة فيون بتكلف 11 الف درهم لحالها والباقي بحدود 4 الاف ولييي منيح للي الله نجاني بس مو معقول قطع الفورد فورويل شو غاليين وجعة راس :sick: