لفتلي انتباهي بجريدة البعث عدد الاثنين 27/9 وبالصفحة الاخيرة
مقال عنوانو "مرة في الاسبوع" قمت قراته ويا ريتني ما قراته......
حتى اني ضليت شي 5 دقايق صافن فيه ....وانا عم قول بقلبي معقول هالشي يصير؟؟؟
,وانا بدوري نقلت الموضوع وهو كالتالي:


مرة في الاسبوع

"رفعت ايرانية دعوى على زوجها وطلبت من المحكمة بان يتعهد الاخير بال يضربها سوى مرة واحدة فقط بالاسبوع
وقالت صحيفة "ماردومسلاري" الاصلاحية الاربعاء الماضي: ان مريم.ج قالت امام القاضي : زوجي عنيف جدا وهذا طبعه ويضربني كل مساء تقريبا ,
كنت اظن انه بعد ولادة طفلنا سيكف عن ذلك , لكن الامور ساءت واضافت : لا اريد تعويضات مالية واحب حياتي
اريد فقط ان يتعهد بان يضربني مرة واحدة في الاسبوع مما اثار ضحك القاضي والحضور.
وعندما طلب القاضي تقديم تويضيحات قا الزوج : انه لا يضربها كل مساء .واوضح : اضرب زوجتي لان على المراة ان تهاب زوجها وبهذه الطريقة ارغمها على احترامي."





يعني لا تتخيلو الاشمئزاز والقرف اللي حسيت فبه ......
الواحد مننا اذا عندو حيوان مربيه ببيتو ما بيضربو ..... بقا شلون مرتو؟؟؟
وهون فكرت انو اطرح الموضوع للنقاش
يعني كلنا منعصب ومنفرز ومننقهر عشي بطعمة وبلا طعمة ...
بس بعدين كلو بينحل بال ياروحي وياعيني.....
واذا ما نحلت بهالطريقة وقتها الواحد بيزعل وبيقاطع التاني ....
بس انو توصل الشغلة للضرب .... اي هاد قمة العيب والتخلف :x :x
يعني انا برايي انو اذا اختلفو الزوجين مع بعضن لازم يلجئو للحوار بالدرجة الاولى
مشان كل واحد يستوعب التاني ويفهم وجهة نظرو......
واذا ما مشي الحال مرة واتنتين وتلاتة..... وقتها الواحد بيلجئ للطلاق .... بس مو الضرب.
بعدين كلو كوم وقول الزلمي انو الضرب الطريقة الوحيدة لفرض هيبتو عالمخلوقة كوم....
يعني انا مستغرب انو في رجال ممكن يفكر يقول هيك
انو بعد هالتطور اللي عم نشهدو لاوم يمون الكل اقتنعوا بنو افضل وسيلة لحتى تفرض فيها احترامك
هيي باخلاقك وثقافتك وطريقة تفكيرك ونظرتك للغير واحكم علينن حسب افعالن مو اشكالن .....
بس اكييد اكيييد مو بالضرب...بالهمجية ......بالتخلف ... :evil: :evil:
واللي بقهر اكتر انو هالشي منتشر بشكل مرعب وبكل مناطق العالم مو بس الدول المتخلفة
ولهلق ما التقالو حل جذري للموضوع ..... وباعتقادي انو ما رح يلاقو حل
لانو الحل الوحيد بينبع من جوا... من روح النسان ذات نفسو ... مو بالعبارات والشجب....اسمها صايرة موضة هالكام يوم



وهلق بدكن ما تواخذوني يا جماعة .... لانو تحمست كتير ويمكن الشغلة ما بتستاهل هلقد .....
بس يمكن لانو متعود على جو من الاهلية ما فيه متل هالمشاكل هاي
بقى يمكن لما بسمع بهيك شي عم يصير ..... ولو من بعيد .....بستنكر هالشي وبقوة كمان....
ومشان هيك حبيت اطرح استفتاء حول موضوع الضرب بين الزوجين
مع اني متاكد من النتيجة سلفا......
ويمكن انا طولت زيادي بقى
لا تواخذوني مشان الله
وحقكن عليي مرة تانية

شو بدك تطلب من ناس بيجوز شافو بعضون لأول مرة بحياتون يوم عرسهون؟؟!!!!!

شو بدك تطلب من ناس بيجوز شافو بعضون لأول مرة بحياتون يوم عرسهون؟؟!!!!!

يا سيدي هاد الزواج بالاساس ما بيرتكز ع اساس يمكن يحمل هالزواج ويدعموا
لانو عاول هبة ريح بيسقط.........
يعنى متل اللي بنى بيته على الارض من
دون اساس . فصدمه النهر فسقط حالا وكان خراب ذلك البيت عظيما....

:D :D :D وجهة نظر لا غير :D :D :D

منذ فترة حوالي السنة تم إلقاء القبض على "شيخ" في فرنسا بسبب نشره لكتاب يتحدث عن كيفية ضرب الزوجة بحيث لا تظهر آثار الضرب عليها.
فتأمل يرعاك الله.

منذ فترة حوالي السنة تم إلقاء القبض على "شيخ" في فرنسا بسبب نشره لكتاب يتحدث عن كيفية ضرب الزوجة بحيث لا تظهر آثار الضرب عليها.
فتأمل يرعاك الله.

اي الشغلة ما بدها تامل......
واضحة.... :x :x


No Comment

هلق شوف .. اسا ما صوتت .. بس خايف خايف تخزلني الماوس تبعي وتكبس على انا مع الضرب :oops:
ههههههههههههه
الفكرة بالنسبة الي غير ..
ما شي الضرب طريقة غير حضارية .. بس بعتقد الضرب استخدامو الاول للتربية والتاديب
هلق لو اشائت الاقدار وكانت مرتو للواحد غير متربية وغير مودبة
وما نفعت كل الحلول السلمية
لا مانع من استخدام الضرب كادات تربية وتعليم

اما من باب المهابة
كمان هون الموضوع نسبي حبتين
يعني لو انتا فيك تفرض شخصيتك .. او لو شخصيتك بتفرض نفسها بالمجتمع واما زوجتك وبتكسبك الهيبة كان به
لكن لو شخصيتك خروق .. وانتا صعلوك وحقك فرنغين ونص بايام الغلا .. ومرتك ما عندها ولو مبرر واحد بس منشان تحترمك وتهابك .. بنصحك بالضرب .. يعني على الاقل بتعطيها مبرر منشان اتهابك لو حصل وقررت اتهابك

مع كل حبي

يا سيدي و من ثقافتنا الموروثة حبيت ذكركن بالمثل:
ضرب الحبيب زبيب
و استناداً لهلمثل يعني كل ما ضرب الزلمي مرتو أكتر بكون عما يطعميا زبيب أكتر و منشان هيك بعد القتلة بتلاقيها سمنت :? (مو ورمت متل ما بتقول الإشاعات المغرضة: ورمت) :lol:

أنا أرفض معاملة المرأة كشيء لنا ملكيته بموجب ورقة تافهة تسمى عقد الزواج .... أنا أرفض معاملة المرأة كمخلوق أقل منّا مرتبة ... أنا أرفض أن تكون المرأة سلعة أو أن تكون مجرد جسد ...

لأنو هاد الموضوع من أكتر الأمور اللي بتخلي ضغطي يصير مليون ...

يا جماعة كيف بدنا نوصل هالفكرة لهدول الناس اللي ما رح قول عنن أغبياء مشان ما يزعلو الأغبياء الفكرة اللي ما عم يقدرو يتقبلوها ولا بأي شكل من الأشكال أنو المرأة انساااااااااااااااان كامل يعني بتاكل وبتشرب وبتحس وبتحس وبتحس عم كرر الكلمة لأنو يمكن ما حدا منن عم يسمعها أو ماحدا عم يفهمها ...

أنو لأيمت بدّو يضل مجتمعنا هيك ... لأيمت بدنا نحافظ على شعار (سي السيد) لأيمت ؟؟؟؟؟

يا ريت كل أخت بتقرا هالموضوع تكتب رأيها ... ما رح أحكي أكتر من هيك لأنو سدقوني ما عم يطلع معي حكي لأني بأشد حالات التعصيب وأنا عم أقرأ هاد الموضوع ...

وتحياتي ....

لأنو هاد الموضوع من أكتر الأمور اللي بتخلي ضغطي يصير مليون ...

يا ريت كل أخت بتقرا هالموضوع تكتب رأيها ... ما رح أحكي أكتر من هيك لأنو سدقوني ما عم يطلع معي حكي لأني بأشد حالات التعصيب وأنا عم أقرأ هاد الموضوع ...

وتحياتي ....

ابو غسان ..... فشّيتلي قهري والله..
:evil: :evil: :evil: :evil:
واخيرا لقيت مين يفهمني

يعني ما بعرف شو بدي قول لأني مصدومة وما كنت متخيلة الحقيقة إنو في زلمة بهالأيام بيضرب مرتو بس يمكن أول شغلي خطرت على بالي إنو الله لا يقيما لأنا قال مبسوطة وبتحب حياتا وما بدا تترك هالوحش اللي عم يضربا ورضياني كمان إنو تنضرب
بس بعدين رجعت قلت إنو ماحدا بيعرف ظروفا ويمكن من وجهة نظرا هيي بدا تحافظ على بيتا وابنا ويمكن عند أهلا كانت معذبة أكتر من هيك يعني بهالحالة الحق ما بعرف على مين ممكن يكون :
على الزوجات اللي عم يتعرضو للضرب وساكتين ولا على الأزواج ولا على المجتمع اللي ما بيرحم المرأة حتى لو كان الحق معاها وأصلا ما بيعترف إنو الحق معاها ودايما بيقولو الحق عليا هيي وهيي لازم تتحمل وتصبر يعني لإيمت ممكن تصبر بلا ما تفقع
وانصدمت أكتر الحقيقة برأي الدكتور حسام وما كنت أبدا متوقعة منو هيك رد لأني بعرف إنو إنسان متحرر ومن ذوي الوعي :wink: وبتمنى عن جد إنو يكون حكيو مجرد مزحة وما يكون بيعبر عن رأيو بس بدي قللو إنو لو كان فرضنا جدلاً إنو حكيك عن الضرب كأداة للتربية


بعتقد الضرب استخدامو الاول للتربية والتاديب
هلق لو اشائت الاقدار وكانت مرتو للواحد غير متربية وغير مودبة
وما نفعت كل الحلول السلمية
لا مانع من استخدام الضرب كادات تربية وتعليم

:aah: :aah:
هون بيكون برأيي الحق على الزلمي نفسو لأنو أكيد ما حدا جبرو من الأول إنو يتجوز وحدة بدون تربية وهاي للأسف ظاهرة كتير عم تنتشر بين الشباب إنو لما الشب بيشوف بنت حلوة وعم تتدلع بيكون طار عقلو وصار بدو يتجوز فورا بدون ما يعرف كل شي عن هالبنت وبدون ما يتأكد من أخلاقا وتربايتا لحتى على الأقل يقدر يوثق بالأيام إنو رح تربيلو ولادو تربية صحيحة
طبعا مو كل الشباب هيك لأنو الحمدلله في عنا عدد منيح من الشباب الواعي واللي بيفكر منيح قبل ما يقدم على هيك خطوة
أما موضوع المهابة فهالحكي عن جد بيضحك لأنو بعمرا الزوجة ما رح تحترم الزوج إذا كان بيضربا حتى لو كانت شخصيتو كتير قوية وإلو كلمتو بين العالم :gem:

وبدي أشكر كتير الكينغ وأنمار على هالحكي اللي بيرفع الراس وبيرجع الأمل والتفاؤل بالجيل الطالع :D :D
طبعا الحكي بهالموضوع ما بينتهي بس يمكن طولت عليكون لا تواخزوني
وشكرا

أنو ما بعرف ع هالعقلية اللي بتنظر للمرة كسلعة و شي متل الكرسي ومتل الطاولة ومتل أي شي جماد بلا حس ومن وين لوين الرجال بيعتبر حالو أحسن من المرة لحتى يضربا .... أنا برأيي انو الرجال ما بيضرب المرة إلا لأنو بيعرف أنو أقوى منها وما بتقدر ترد عليه بنفس الطريقة .... يعني لو كانت بتلعب كاراتيه وآخدة الحزام الأسود ما بظن رح بيسترجي يمد إيدو عليها لأنو بيعرف أنو رح ياكل نصيبو .. ولهيك ما بتلاقي كتير الرجال بيعلقوا بالإيدين مع بعضن لأنو ما بيعرفوا إيمتى بيطلع التاني أقوى منن ويدقن قتلة ماكنة ....

ومن وين لوين الرجال بيعتبر حالو أحسن من المرة لحتى يضربا .... أنا برأيي انو الرجال ما بيضرب المرة إلا لأنو بيعرف أنو أقوى منها وما بتقدر ترد عليه بنفس الطريقة .... يعني لو كانت بتلعب كاراتيه وآخدة الحزام الأسود ما بظن رح بيسترجي يمد إيدو عليها لأنو بيعرف أنو رح ياكل نصيبو ..

شكرا على هل التعليق أخت هبة :roll:

بس معاجة الموضوع بهل الطريقة مو ظريفة
و الفكرة مانها فكرة أقوى منها و لا حزام أسود :angel:
بس الموضوع بيدل على التخلف ....و لا تنيس المجتمع
يلي هني عايشين فيه و يلي بيقوم على سطوة الرجل على المرأة بكل شي :wink:
بس حابب قلك لو أنوهل المرة معها حزام أسود ممكن الرجل يكون معو كاتا 1 :o

:D :D :D

المراة ببلادنا بس بتحكي ............ هاي النتيجة توصلتلا من زمان ............ اكيد ما رح ناقش موضوع العنف الزوجي ابدا.... يعني ما بتصور حالي انو عم اعطي رايي بهيك موضوع لانو الفكرة نفسها مقززة .........اللي بحب ناقشو بهيك مواضيع هو عقلية امراة عننا قبل عقلية الرجل ...........و متل العادة بدهن يزعلو ............ بس بعد ما لعيت كتير بها الموضوع و متلو .......... المختصر المفيد ..........المراة عننا بتحكي بس و ما بتطبق ..........بتطالب باسلوب واحد بس هو البكي .......... لك حتى النق ما بتنق .......... بتبكي المسكينة على السكت ............ يا نساء الدنيا اتحدوا .......... و انا معكن روحوا ..........لك الحقوق ما بتجي هيك ............ الشغلي بدها ثورة ........ و شعوبنا ما تعودت على الثورات ......... ما بتعرف شو يعني ثورة او رفض ........... لك بكرا بالايام انا اذا تقاتلت مع مرتي فيمكن اذا قالتلي اي ......... انا بحب حدا يقلي لاء .......... يا اخي مزاجي بيحب البنت العنيدة و الراسها تنح ........... يعني لازم المراة تمشي كلمتها .........بس وين بتلتقا هاي ........بس قولولي وين الواحد بيلاقي بنت بتفكر و بتسترجي تقول لاء ؟؟؟؟؟؟

هلاء اذا حدا حوليه شي بنت بتقول لاء على طول تكون هيك ثورية و جدعة و بتحب النقاشات العقيمة و عنيدة على الفاضي و المليان ما بتعرف اي شي من شغل البيت ولا بتحبو و ما بترضى تقعد بالبيت متل باقي النسوان و حكيها حمصي عريض و دج يبعتلها ايميلي و اذا رضيت تحكيني فبطل بدي ياها .

..........لك الحقوق ما بتجي هيك ............ الشغلي بدها ثورة ........

يعني ما بعرف ..بس أذا في مجال توضحلنا ثورة على شو وضد مين ؟؟
لأنو أنا ما بشوق غير اللي بقلي أنو هالشغلة بدها ثورة و أنو الثورة طريق النصر و ثورة زراعية ...و ثورة صناعية و ثورة في عالم الأزياء و ثورة ضد الظلم و ثورة تقنية :!:
كمية هائلة من الثورات و الثورات المضادة .... يعني و بعدين ؟

..........لك الحقوق ما بتجي هيك ............ الشغلي بدها ثورة ........

يعني ما بعرف ..بس أذا في مجال توضحلنا ثورة على شو وضد مين ؟؟
لأنو أنا ما بشوق غير اللي بقلي أنو هالشغلة بدها ثورة و أنو الثورة طريق النصر و ثورة زراعية ...و ثورة صناعية و ثورة في عالم الأزياء و ثورة ضد الظلم و ثورة تقنية :!:
كمية هائلة من الثورات و الثورات المضادة .... يعني و بعدين ؟

هلق نجي على الجد انت طرحت سؤال مهم كتير و فكرت فيه شوي هيك.. يعني فعلا مفهوم الثورة ما كتير واضح و الكل بيقول لازم ثورة و ثورة و ثورة... بس بالنهاية عم يضل حكي

انا أول شي عندي تعريفي الشخصي للثورة بالمفهوم الفكري (يعني مو الانقلاب العسكري مثلا)

الثورة هي ادخال مفاهيم فكرية جديدة, بقوة و سرعة كبيرة ,على مجتمع ما كان بيحتوي على مفاهيم فكرية قديمة يراد التخلص منها, بحيث ما تقدر المفاهيم القديمة توقف بوجه المفاهيم الجديدة و تنتصر المفاهيم الجديدة و تفرض نفسها على المجتمع.
و المجتمع عادة ما يكون مسرح لهذا الصراعي الفكري الجديد بين المقاهيم القديمة و الجديدة. و الفريق المنتصر بهيك نزاع عادة ما يقضي تماما على الفريق المهزوم... بحيق يلغى من المجتمع و لا يستطيع الدفاع عن وجوده مجددا. و المجتمع بهذه الحالة يجد نفسه امام الفكر الجديد او الفريق المنتصر... الذي يبدأ بعرض محاسنه على المجتمع و تأسيس نفسه على نقاض الفكر القديم الذي فشل... و هيك يبدو الفكر الجديد على انه الحق... لانو الانسان باللاوعي يعتقد ان الطرف المنتصر هو الحق. و يلي بيكون صار بهل حالة هوي ثورة.
و مشان الثورة تنجح... لازم تكون شاملة و قوية.. لانو اذا كانت ضعيفة.. بتعطي اثر عكسي.. لانها رح تتصور على انها مهزومة.. و بالتالي.. هي كانت الخطا.. بينما هي الصح.. و بتكون بهل حالة عودتها اصعب.

ترجمة:
اذا اخدنا موضوع المراة و التحرر الفكري عنا بالشرق الاوسط و سوريا
نحنا عنا تيارات فكرية و عادات غير مرغوب فيها بشكل واضح تماما.. و منها التقييد على الحرية بالكتابة بالمواضيع الدينية و الجنسية و السياسية.. و كمان حرية المراة
بس بنفس الوقت عنا اصوات... متل وفاء السلطان.. نبيل فياض...د.جلال صادق العظم.. فرج فودة... نصر حامد ابو زيد... و اصوات تانية كمان... باعتبرها اصوات تنويرية
بس المشكلة الحقيقية... انو هاي الاصوات اصوات فردية.. ما عم تقدر تتحد و تكون بالقوة الكافية لحتى نقول عنها ثورة

يعني مثلا بينزل كتاب لجلال صادق العظم.. بينزل عشرة ضده.. و بيتم مطاردته و تهديده و الابشع انه رح يلاقي صعوبة ليجد ناشر للمرة القادمة
بينما الطرف المضاد... نجح و الناس اشترت كتبه و مؤلفاته و تعرفت عليه اكتر و اكتر.. يعني صار عند قاعدة شعبية اكتر.. و تذكروا انو الشعب بسيط بطبعه.. و بيلحق الطرق الاقوى و الاغلب

يلي لازم يصير هوي التالي
لو فرضنا انو انت كاتب او صاحب فكرة جديدة بالمجتمع بس بتعرف انو صعب كتير المجتمع يتقبلها بوجود الافكار القديمة االراسخة.. بس شفت مؤلف تاني بلش بطرح هيك افكار مشابهة لأفكارك... لازم وقتها تتشجع و تسانده.. حتى لو شفت انو تعرض لمشاكل و مواجهة عنيفة.. لانو لما انت تشارك مع المفهوم الجديد.. يمكن كتاب تانين يشتركوا.. و وقتها لازم يكون في تنسيق و تتألف جريدة او جمعية او موقع او او او.. و هل المؤسسة هاي تقاوم و تقوم بنشاطات لحتى تورجي الشعب و المجتمع مثلا فوائد الفكر الجديد... اكيد لاح تمر بمرحلة صعبة كتير اول شي هي اكتساب جمهور.. بس بس تتخطى هل مرحلة الحرجة... صارت بمرحلة هي مرحلة التوسع.. و مع الوقت و التصميم و تكاتف و قوة عرض الافكار الجديدة.. يمكن تنتصر على الافكار القديمة.. و انا الانتصار هاد باعتبرو انتصار نهائي و مطلق لانو رح يكون شبه مستحيل للأفكار القديمة انها ترجع.. خصوصي انو الافكار الجديدة بتكون بلشت تنشر نتاجها و نشاطاتها و الناس تلتمس فوائدها المادية و الاقتصادية و من جميعو بالمجتمع
و بهل حالة منقدر نقول انو فعلا بالوقت الفلاني من التاريخ كذا للتاريخ كذا صار في ثورة فكرية بالمجتمع القلاني.. و قدرت تحقق تغيير نوعي بالتيارات الفكرية بهل مجتمع... بحيث تغير الرأي العام على الاقل من مؤيد للفكر القديم لمؤيد للفكر الجديد

بينما لو ضلت الاصوات منفردة و متشردة و غير منظمة... بتصير المهمة اصعب و اصعب لعمل ثورة حقيقة لانو الشعب فيني قول.. صار عنده مناعة و ازداد تمسكه بالطرف القديم المنتصر.. يلي بانتصاره رح يشوه الفكر الجديد و يعمد على اظهار او اختلاق سلبيات الو


هلق بعد كل هل حكي هاد ... بحالتنا... منحتاج ببساطة لكمية اكتر من الكتاب و المفكرين الواعيين و الشجعان.. و تنظيم.. و ارداة.. هيك بتصير ثورة

و اذا مين ما مين انا ما دخلني
:angel: :roll:

[quote]
بس الموضوع بيدل على التخلف ....و لا تنسي المجتمعات
تقوم على سطوة الرجل على المرأة بكل شي
:D :D :D

هاد الحكي السليم
ومن هون لازم ينطلق التغيير

:D

ثورة على الغبا.

أهدى هذه القصيدة لكل من يتبنى عقيدة الضرب لتأديب الزوجة
،يقول نزار قبانى :
فى حارتنا
ديك سادى سفاح
ينتف ريش دجاج الحارة كل صباح
ينقرهن يطاردهن يضاجعهن ويهجرهن
ولايتذكر أسماء الصيصان!!!!


بقلم:
د.خالد منتصر

للاطلاع اكثر على تفاصيل الموضوع بعنوان(تأديب الزوجة بالضرب هل هو فريضة إسلامية حقاً؟)
يمكن الدخول عن طريق اللينك التالي

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الاستاذ كتب

يا سيدي و من ثقافتنا الموروثة حبيت ذكركن بالمثل:
ضرب الحبيب زبيب
و استناداً لهلمثل يعني كل ما ضرب الزلمي مرتو أكتر بكون عما يطعميا زبيب أكتر و منشان هيك بعد القتلة بتلاقيها سمنت (مو ورمت متل ما بتقول الإشاعات المغرضة: ورمت)

والله العظيم استاذ
:D :D :D :D :D

يا شباب...
الضرب وسيلة متخلفة منتشرة في مجتمعات العالم العاشر (مجتمعاتنا)
الضرب كظاهرة اختفى من المجتمعات الراقية من زمان كتير.
والتعامل بالضرب هو تعامل أقل حيواني بين أفراد الاسرة، لأنه حتى الحيوانات لا تعامل أفراد عائلتها بهذه الطريقة.
طبعاً الإسلام وعلى حد زعم الكثير من المرجعيات يوصي بضرب المرأة أو استعمال الضرب كوسيلة ردع والتهديد به.

وقال أحدهم: ((علق السوط في بيتك تضمن راحتك))

يا اخي مزاجي بيحب البنت العنيدة و الراسها تنح ........... يعني لازم المراة تمشي كلمتها .........بس وين بتلتقا هاي ........بس قولولي وين الواحد بيلاقي بنت بتفكر و بتسترجي تقول لاء ؟؟؟؟؟؟



منيح اللي لقيت حدا بيفهمني....يا شيخ أنا بقول نفس الحكي ...كنت بقولو بسوريا وهلأ هون باسبانيا... وما بعرف ليش الناس بتستغرب كلامي...والصبايا أكتر من الشباب!!!!

يعني معلش اسمحولي أخ ديموزي و الزعيم ياس إنو ليش بتشملو كل البنات؟؟؟؟؟؟؟؟
في كتير بنات قالوا بدل اللاء مية لاء لكل التخلف و العادات و التقاليد اللي مربطين حالنا فيها و طلعو حالون من هالجو اللي بيخنق و تعو شوفو هون في كتير بنات تاركين الدنيا وراهون و جايين يدورو على مستقبل هون ببلاد الرجال يا دوب يصمدو فيها، و عم يشتغلوا و يتعبوا مشان يعملوا شي بحياتون مشان يبنوا مستقبل و يعملوا لحالون كيان و وجود مستقل.
هاي ما هيي صرخة لاء كبيرة؟؟؟ ما هيي مرأة عم بتمشي كلمتها يا ديموزي؟ و عنيدة و عم تناطح الحيطان و تكسر الحجر بأظافيرها و سنانها لحتى توصل؟ هاي ما مرأة بتفكر و بتفكر صح كمان؟؟؟؟؟؟؟؟؟؟؟؟؟؟؟؟؟

ذكرت الأخت ديموزي أحد أهم العوامل وهو "عقليه المرأه "اللتي تلجأ إلى الدموع والغريب أن هذا ليس نتاج الثقافة لأنه حال مشترك بين نساء العالم أجمع على اختلاف الثقافات (لكل قاعدة بشرية استثنائات فلا تجادلوا في الحالات الشاذة اللتي هي نتاج توجيه خاص وتغيير للطبيعة الأساسية) .... للمؤمنين : هناك اختلاف شديد في خلق الرجل عن خلق المرأة بما أختص الإله كل منهما بصفات ...المرأة -كما تعلمون- عاطفية مياله إلى الأحاسيس أكثر من الرجل وقد تفعل الكثير في سبيل الحب والضرب من اكبر أنواع المهانه -للفهيم- لأنه اعتقاد من الضارب أن المضروب في مستوى تفكير اقل من ان يفهم فوجب الزامه بالقوة وهذا اهانة شديدة لفكر المضروب....و في حاله المرأة والحب كما نعلم قد يغييب الحب أو العاطفة التفكير المنطقي ....و بحكم عاطفيتها تتعرض لهذا التغييب أكثر من الرجل ( ولنقل الذكر وليس الرجل لأن من معاني الرجولة تغييب العاطفة كي لاتكدر المقدرة على الحكم المنطقي للأمور أو وضعها بطريقة منطقية في سياق المحاكمة العقلانية ). ..... كما أن من خواص الذكر اللي بتجي معو من الوكاله (الأنانية واللتي ينحدر منها الغيرة الشديدة على ما هو له وبتهذيب هذا الفعل يصبح ما يسمى الشرف والعرض في المجتمع الشرقي ) فمن الطبيعي جدا ان يلجأ الرجل لضرب امراته في حالات تخطيها لحدود غيرته عليها والمساس أو الأقتراب حتى من المساس بشرفه اللذي هو أمانة غالية بين يديها يتمثل بكل قطعة في جسدها بل يتخطى ذلك إلى قلبها فلا أتخيل أن يشاركني أحد في قلب زوجتي ولو بجزء على التريليارات فما بالك بجسدها ؟!؟! فمن هذان المنطلقين :
1-تغيييب العاطفة للعقل المتزن و طبيعة المرأة العاطفية .
2-عظم الأمر وما قد يترتب عليه من انحلالية ذات آثار متنوعة ( فورات الغضب والقتل ...استساغة الخطيئة والإنغماس بها ...إلى الحزازيات بين الرجال -الأقدر طبيعيا على الحكم - مما يفسد البلد كلها ....ولا يخفى دور النساء في هدم الحضارات و اضعاف نفوس الرجال
يمكن للرجل (الرجل) أن يضرب زوجته كما يضرب إبنه بهدف التربيه و افهامها لأي مرحله وصل بها قلة الفهم و التعدي على عظمة ذلك الرابط اللذي يربطها به ..... لذلك يمكن اعتبار الضرب السلاح النووي المحرم والمشروع في نفس الوقت
وقد قال س.ف من الناس (لايسئل الرجل فيما ضرب إمرأته ) و أوأكد (الرجل) فكما الرابط بينهما الهي فالقصاص بينهما الهي ....فإن عرف كل منهما عظمة الله واقاما أوامره فاستحاله الوصول لذلك أكيدة ....وإن كانا غير مؤمنين ولكن على درجة عالية من العقل أيضا يستحيل وصولهما إلى تلك النتيجة .....ومن هم دون ذلك (غير متدينين أو أغبياء ) فخلي يموتوا بعض شو المشكله ...لابنفعوا حدا ولا حتى أنفسهم ...و من أجلهم سنت القوانين لإرغامهم على أن لايضروا أنفسهم أو من حولهم

وأما لغير المؤمنين : نرجع صفات الأختلاف بين الذكر واللأنثى إلى طبيعة الأختلاف في التركيب الجيني لكل منهما
وما يتبعه من اختلافات هرمونية لايد لهم فيها فالجينات تحكم أيضا الصفات النفسية للإنسان عن طريق الهرمونات اللتي ترتبط بنوع الصنف(ذكر انثى ) ..... ولاتقل : يمكن انتاج انثى بصفات ذكر جينيا لأن الأختلاف هرموني أساسا يعني (الهرمونات اللتي تجعل الذكر ذكرا هي نفسها اللتي تسبب الصفات الآنفة للذكر وكذا الأنثى ........ونحن نعيد سبب هذا الأختلاف في الأصل لأرادة الخالق حيث أراد أن يكون هذا الهرمون يسبب هذه النتيجة
وأرجو العفو من الجميع إن كان فيما قلت إساءة غير مقصودة أو تعدي على حقوقهم بأي شكل من الأشكال ......فكونوا أكرم مني وأكرموني بالصفح وسعة صدوركم ....واذكرولي خطأي
ومعذرة على الأطاله .......

الأخت ديموزي

:P :P :P عفواً منك .... بس أخ ديموزي ....

شو بدك تطلب من ناس بيجوز شافو بعضون لأول مرة بحياتون يوم عرسهون؟؟!!!!!

يا أخي ياس هاد أصول الشغل انت شو بعرفك هاي الحضارة و كل شي ..
لا تزعل بس قصدي علق على تعليقك حبيب ..
فهمتني ؟؟ :)
أحلى تحية :D

الموضوع كتير مهم وكتيررر بشع بنفس الوقت
وانا بشكر يللي طرح هالموضوع

بس ياشباب أكتركون عميحكي انو الضرب تخلف ووووووووو بس اذا بتفكروا شوي بتشوفوا انو حتى بمجتمعاتنا يللي على اساس مجتمعات متحضرة منشوف فيا أنو الاخ عميضرب أختوو مثلا وهاد الشي حقيقي وموجود لك حتى لو ما ضربا بدايقا بشي شغلة بيكون تأثيرا عليا أبشع من الضرب وبرجع بذكر ما نروح لبعيد هاد الشي موجود بمجتمعاتنا وللأسف

ومن ناحية الضرب هادا كللو تخلف بتخلف وانا برأيي انو الشخص وقت بيضرب التاني فهاد ضعف فيو لأنو ما عمبقدر يخللي التاني يعملل يللي بده ياه الا بعد عناء فهاد ضعف فيو هوو لأنو ما قدر وصلو بطريقة اسهل
انا عمبحكي عن الضرب بشكل عام .. يعني الضرب بالمدرسة وضرب الأهل لولادن وووووووو كل انواع الضرب
والضرب لاهو مرجلة ولا شي هوو مجرد تهرب وضعف شخصية

انشالله تكون وصلت فكرتي

ومن ناحية الضرب هادا كللو تخلف بتخلف وانا برأيي انو الشخص وقت بيضرب التاني فهاد ضعف فيو لأنو ما عمبقدر يخللي التاني يعملل يللي بده ياه الا بعد عناء فهاد ضعف فيو هوو لأنو ما قدر وصلو بطريقة اسهل
انا عمبحكي عن الضرب بشكل عام .. يعني الضرب بالمدرسة وضرب الأهل لولادن وووووووو كل انواع الضرب
والضرب لاهو مرجلة ولا شي هوو مجرد تهرب وضعف شخصية

انشالله تكون وصلت فكرتي

ولا يهمك وصلت الفكرة ونشكر الله في اعضاء لسه عم يفهمو عليي لهلق
يعني ما راح طرحي للموضع سدى
الله يكتر من امثالك
ويوقف الضرب كطريقة للتعامل بين البشر

اوف اوف يا جماعة ليش الموضوع هيك طويل
بكل بساطة الضرب ما كويس لانو بيخليك توجع ايدك و مين بيحب يتوجع !! :angel: