الحكومة (الطبقة الحاكمة) مشتتة بين الحفاظ على مكتسباتها و أهمها احتكارها للسلطة و بين إجراء اصلاحات ترضي الشعب.. أي ما بتزبط و لا بعمرها رح تزبط

هادا حق مشروع .. وبيزبط ليش ما يزبط عني
شو المانع ؟

لأنو الخوف هو حاكمها و لن تجرأ على التمادي في الإصلاح
الحوف من شو ؟ والأصلاح شغال عين الله عليه ..

هادا بلد متخلف بعد ما كان متقدم

بشرفك عم تحيك جد ولا مجرد كلام ؟

حقوق المواطن بتشمل العيش الكريم و حق المسكن و التعليم و حرية الاعتقاد و التعبير و و
يعني هي فصل الأحزاب و السياسة عن التنمية و الإصلاح اختراع سوري لا معنى له
الإصلاح المجتزا مانوا اصلاح
وشو هو الأصلاح برأيك ؟
وما بتعقد انو الأصلاح والديمقراطية متغيرة بحسب الزمان والمكان ؟
مع أنو العرب في سوريا ما ببتجازو نسبتهم الـ 35% إذا شقت
ما بعتقد انو في 2 بالعالم كلو بيوافقوك على هالنظرية
من جهة ثانية الانتماء إلى أخوان المسلمين ممنوع و الحزب يحكم باسم العلمانية مع أنه آخر عملاته التي لا تنتهي السماح للقيبسيات بالدعوة ..الخ ما حدا ضد حرية الرأي و الاعتقاد بس شو منشان بناء جماعات منظمة محيدة سياسيا و بولاآتها حاليا و ضمن هرمية قابلة للتجيير بأي لحظة ضد النظام و الشعب؟؟
وين المشكلة ؟ وشو المانع
وبما انو ما تعارض مع الدستور ولا عدلوا فيه
ارضاء لكل الأطراف
الامتيازات تتوزع بشكل يعكس الفسيفساء السوري
الجملة الوحيدة الصحيحة بكل كلامك

مجرد نقاش :سوريا:

طيب اسمحلي بلش بالرد على النقاط من الأخيرة إلى الأولى...

مجرد نقاش :سوريا:
احلى نقاش و أحلى صبايا و شباب :سوريا:

الجملة الوحيدة الصحيحة بكل كلامك
قصدك الامتيازات و توزعها، بما أنك وافقت على هالعبارة فأنت وافقت على فرضياتي ، أنا قصدت توزيع المكتسبات غير المشروعة و المزايا السلطوية بطرق غير قانونية و لأهداف إدارة الحكم..



وين المشكلة ؟ وشو المانع
وبما انو ما تعارض مع الدستور ولا عدلوا فيه
ارضاء لكل الأطراف

ماني ضد الدستور و لا ني من مشجعي الأحزاب الدينية أو العرقية بس أنا حكيت على تناقض مع الذات

ما بعتقد انو في 2 بالعالم كلو بيوافقوك على هالنظرية
هلق هادا موضوع نقاشوا تاني بس إذا بتطالع كتب التاريخ فهي بتوضحلك الوضع حتى سوريا بشكلها الحالي هي صنيعة تقسيمات الاستعمار بأوائل القرن العشرين..بس من باب الملاحظة أنت بتعرف أنوا سوريا للسبعين كان اسمها الجمهورية السورية؟؟؟؟ و العملة الفضية المسكوكة كان مكتوب عليها الجمهورية السورية هلق مو صراع تسميات و لا صراع اثنيات و لا أنو العرب أسوء أو أقل من السوريين بس أنا كنت عم حاول شير للتناقض بالسياق..


وشو هو الأصلاح برأيك ؟
وما بتعقد انو الأصلاح والديمقراطية متغيرة بحسب الزمان والمكان ؟

أكيد متغيرة بس عنا ليش ما عم تتغير؟؟

الحوف من شو ؟ والأصلاح شغال عين الله عليه ..

الخوف من التشارك مع الشعب شراكة حقيقية، في علوم الإدارة من مبدئيات إدارة التغيير و على مستوى المنشئات الصغيرة هو إشراك العاملين بالتغيير و جعلهم جزء منه و أداة تنفيذه و ليس عزلهم

بشرفك عم تحيك جد ولا مجرد كلام ؟

عم أحكي جد الجد.. هلق أكيد في شغلات تطورت بالبلد بس يعني مو بالشكل اللي بيلبي طموح السوريين و لا حتى بشكل مرضي ، و اللي بركز عليه هو تراجع و تخلف في مساءل أساسية و حيوية، قوة القانون و تطبيقه ، نوعية التعليم (وليس الاكتفاء بالكمية) الحياة السياسية و إلغاء التعددية الحزبية الحقيقية، الإعلام و الصناعة و البنوك الخاصة .. إدارة موارد الدولة و أجهزتها
يعني معروف مثلا أنو السوريين بنوا أو ساهموا مساهمة رئيسية في نباء كثير من المصالح العامة (العقارية، التعليم..) في دول الخليج لماذا توقفنا عند مؤسسات خشبية تعمل بأنظمة القرن السابق بينما كل العالم تطور؟؟

هادا حق مشروع .. وبيزبط ليش ما يزبط عني
شو المانع ؟
هلق إذا أنت شايف أنو حق مشروع احتكار السلطة.. فأنا هون ما عندي شي رد فيه بصراحة بالذات على كلمتي حق .. و مشروع..

سلامات :سوريا:

أبو جهاد
*أين المشكلة.؟
*هل (الرئيس ، حزب البعث . "أحدهما أو كليهما أم الشعب بذاته ؟" ) من هو المسؤول.؟
1-(لا)...من إذاً ، مع ذكر الأسباب والحلول و المقترحات بشكل واضح و صريح .:!:

2- ليش المعارضة بالأساس مادام نحنا عايششين بمجتمع ديمقراطي ، هل هي المشكلة ؟
إذا كانت المعارضة على الرئيس الأسد فهادا الحكي غير مقنع و مرفوض من الأساس لإنو سوريا الأسد صامدة لإنوا رئيسها بشار الأسد و زي ما قال سيادة الرئيس ( سوريا الله حاميها )
و ألف تحية للسيدة الدكتور بشار حافظ الأسد و أدامه ذخراً لنا .
و حماك الله يا بلد ، سلمت و يسلم البلد .:سوريا: :king: :wink1:

مع الشكر الكبير لصياد الطيور ..

خيو معلش صياد بدك تسمحلي ما عاد فيني امسك اعصابي بدي رد....!

مرحبا اخونا كهربجي...؟
شايفتك فرطان من الضحك..خير يعني فيي شي....بما انو اسم الموضوع نقاش..ومو فوت وافرط من الضحك...بدك تسمحلنا ..و تقلنا شو الي خلاك تفرط من الضحك...وتناقشنا فيي ...بلكي اذا في شي بضحك بنضحك سوى ...!


إي ببساطة في شي...
أول شي أنا ناقشت... و كتبت شو رأيي بالموضوع, ومع هيك صيّاد الطيور ما ردّ, وهوّ حر ب هالشي... بس اللي بيفرّط من الضحك مزبوط.... أنّو قال أنو الإصلاح ماشي وعين الله عليه... وبعدين بيحكي بالدستور, مع أنّو الرئيس بشار الأسد وصل للسلطة بطريق غير شرعية... بعدين الديمقراطية متغيرة بالزمان والمكان؟؟ يعني إذا أنا حرّ بكوسوفو ببطل حرّ بمولدافيا لو كنت مواطن هون وهون؟؟ عفواً يعني شريك... أنا اعتذرت لأني عرفان أنك رح تزعل... بس الظاهر أنّو النقاش المنطقي ما عجبك... بس لمّا كان في تهكّم ردّيت... طيّب هادا شو بقا؟؟


اضحكيلك شويّ....



بدون آسف ...
بس انت الي بتفرط من الضحك ...

و ردك سخيف كتير كتير

شكراً كتير... ما في داعي تعصّب take it easy

[quote=أبو جهاد]أبو جهاد
*أين المشكلة.؟
*هل (الرئيس ، حزب البعث . "أحدهما أو كليهما أم الشعب بذاته ؟" ) من هو المسؤول.؟
1-(لا)...من إذاً ، مع ذكر الأسباب والحلول و المقترحات بشكل واضح و صريح .:!:
2- ليش المعارضة بالأساس مادام نحنا عايششين بمجتمع ديمقراطي ، هل هي المشكلة ؟
إذا كانت المعارضة على الرئيس الأسد فهادا الحكي غير مقنع و مرفوض من الأساس لإنو سوريا الأسد صامدة لإنوا رئيسها بشار الأسد و زي ما قال سيادة الرئيس ( سوريا الله حاميها )
و ألف تحية لسيادة الدكتور بشار حافظ الأسد و أدامه ذخراً لنا .
و حماك الله يا بلد ، سلمت و يسلم البلد .:سوريا: :king: :wink1:
أنا آسف بالخربطة بس و الله من قهري من هالموضوع يلي للأسف يلي بيعارضوا (شوي تافهين)
و من الأساس ما لازم يناقشوا بهيك موضوع ن لإنوا يلي بدو يناقش هيك موضوع لازم يكون قد النقاش
مع الشكر الكبير لصياد الطيور .


يا أسد.. مو يا بلد... هيك هي الغنيّة...

ليش المعارضة إذا عايشين بمجتمع ديمقراطي؟
أول شي.. أساساً ما في معارضة متل العالم.... تاني شي من وين لوين مجتمعنا ديمقراطي؟؟؟




أنا بتحدّى كل الشباب يجاوبوني... يا ترى الشعب شبعان اللقمة اللي بتمّوا؟؟؟

إي ببساطة في شي...
أول شي أنا ناقشت... و كتبت شو رأيي بالموضوع, ومع هيك صيّاد الطيور ما ردّ, وهوّ حر ب هالشي... بس اللي بيفرّط من الضحك مزبوط.... أنّو قال أنو الإصلاح ماشي وعين الله عليه... وبعدين بيحكي بالدستور, مع أنّو الرئيس بشار الأسد وصل للسلطة بطريق غير شرعية... بعدين الديمقراطية متغيرة بالزمان والمكان؟؟ يعني إذا أنا حرّ بكوسوفو ببطل حرّ بمولدافيا لو كنت مواطن هون وهون؟؟ عفواً يعني شريك... أنا اعتذرت لأني عرفان أنك رح تزعل... بس الظاهر أنّو النقاش المنطقي ما عجبك... بس لمّا كان في تهكّم ردّيت... طيّب هادا شو بقا؟؟


اي دخيل ربك لا تفرط الا اذا كنت متاكد انو في حد حواليك.:p ..!

انو مستغربة من شي..:cry: .انا وانت واهلي واهلك وجدي وجدك وجد كل السوريين عايشين او كنا عايشين بنفس البلد و بناكل من نفس الارض وبنشم نفس الهوى...وانا شايفه اصلاح وتطوير وانت لا.:shock: .؟؟؟؟؟؟؟؟؟؟؟؟؟؟؟؟؟؟؟؟؟؟؟؟� �؟؟؟؟؟!!!!!!!!!!!!!!!!!!!!!!!!!!!!!!!!!!!!!

بعدين كانو كتابتك ضد الي قالو صياد الطيور...كانو هوه قال.:? ."ما بعتقد انو الديمقراطية..زالخ"..كان في مـــــا......مو هيك..............؟!؟!؟!
انك تفرط من الضحك اسمه نقاش منطقي او ضحك منطقي..؟
واخر جملة ما فهمتها يا ريت توضحلي..8) !

تحياتي....:سوريا:

(سؤال ع شو بدي اضحكلي شوي.:? .؟)

[
أول شي.. أساساً ما في معارضة متل العالم.... تاني شي من وين لوين مجتمعنا ديمقراطي؟؟؟


أنا بتحدّى كل الشباب يجاوبوني... يا ترى الشعب شبعان اللقمة اللي بتمّوا؟؟؟
ليكك خيو عم تحكي وما حد ملتكش فيك....................:lol: :lol: :lol:

مدري يمكن مصغرها للقمة............:?

اي دخيل ربك لا تفرط الا اذا كنت متاكد انو في حد حواليك.:p ..!

شكراً عالنصيحة عيون...


انو مستغربة من شي..:cry: .انا وانت واهلي واهلك وجدي وجدك وجد كل السوريين عايشين او كنا عايشين بنفس البلد و بناكل من نفس الارض وبنشم نفس الهوى...وانا شايفه اصلاح وتطوير وانت لا.:shock: .؟؟؟؟؟؟؟؟؟؟؟؟؟؟؟؟؟؟؟؟؟؟؟؟� �؟؟؟؟؟!!!!!!!!!!!!!!!!!!!!!!!!!!!!!!!!!!!!!

طيب قلّيلي وين الإصلاح و التطوير... نسبة فقر السوريين تتزايد بشكل غريب... مو بس هيك.. وكمان نسبة غنى الأغنياء تتزايد... الاستغلال صار قانوني.. عن طريق الخصخصة... والواسطة والمحسوبية متل ما هيّ... بعد شوي بيصير إلو 6 سنين رئيس وكل مالو الوضع أسوأ... من خصخصة التعليم للطبابة... شو بدّك كمان اقنعيني...

بعدين كانو كتابتك ضد الي قالو صياد الطيور...كانو هوه قال.:? ."ما بعتقد انو الديمقراطية..زالخ"..كان في مـــــا......مو هيك..............؟!؟!؟!

لأ موهيك... هوّ كان عم يسألوا للشب التاني.. مابتعتقد أنو الديمقراطية....؟؟؟ إلخ....

انك تفرط من الضحك اسمه نقاش منطقي او ضحك منطقي..؟
واخر جملة ما فهمتها يا ريت توضحلي..8) !

تحياتي....:سوريا:

(سؤال ع شو بدي اضحكلي شوي.:? .؟

أوكي لا تضحكي... بس لا تسكتيني!!! تحياتيني

شكراً عالنصيحة عيون...
طيب قلّيلي وين الإصلاح و التطوير... نسبة فقر السوريين تتزايد بشكل غريب... مو بس هيك.. وكمان نسبة غنى الأغنياء تتزايد... الاستغلال صار قانوني.. عن طريق الخصخصة... والواسطة والمحسوبية متل ما هيّ... بعد شوي بيصير إلو 6 سنين رئيس وكل مالو الوضع أسوأ... من خصخصة التعليم للطبابة... شو بدّك كمان اقنعيني...
لأ موهيك... هوّ كان عم يسألوا للشب التاني.. مابتعتقد أنو الديمقراطية....؟؟؟ إلخ....
أوكي لا تضحكي... بس لا تسكتيني!!! تحياتيني

يعني انا ما فهمت انت ضد الخصخصة....:? .......؟!!؟!؟!

انا شايفتهااحسن.:cry: .يعني احسن ما يضل كل شي بايد الحكومة وقاعده عم تتحكم فيه وانتو اضلو اتسبوها هيك بصير قطاع خاص منك والك يا مواطن..:x .يعني الحكومة سحبت ايدها من الموضوع...8) !
ليكني بالاردن ونص الاردن مخصخصة وماني شايفه فيها مشكل يعني.:? .؟!
وبعدين دخلك قبل 6 سنين كان فيي عندك نت تقعد عليه ولا كان في جامعات خاصه او تعليم موازي او 654545 الف مرسوم لصالح المواطن جديد:shock: :shock: :? :shock: ..؟!؟!
او تغيرات في صفوف الضباط الكبار...او مجمعات سياحية..:shock: :shock: :shock: :shock: .!!!!!!!!!!!!

مشان موضوع الديمقراطية هيك صار بدنا الصياد يقلنا شو كان رأيو بلى ما نقعد نحكي ع الفاضي نحنا..:king: .!

خيو ضحاك يلعن ابو الي رادك.:lol: ..ليش لسكتك يعني...مو فارقة معي انا.:p ..!

تحياتي.:سوريا: ..!

ليكني بالاردن ونص الاردن مخصخصة وماني شايفه فيها مشكل يعني.:? .؟!
وبعدين دخلك قبل 6 سنين كان فيي عندك نت تقعد عليه ولا كان في جامعات خاصه او تعليم موازي او 654545 الف مرسوم لصالح المواطن جديد:shock: :shock: :? :shock: ..؟!؟!
او تغيرات في صفوف الضباط الكبار...او مجمعات سياحية..:shock: :shock: :shock: :shock: .!!!!!!!!!!!!

تحياتي.:سوريا: ..!
المشكلة مو بالخصخصة : المشكلة بالاحتكار يعني من احتكار الدولة إلى احتكار مجموعة من الناس للبلد و كله بطريقة غير قانونية و من ثم يطلق عليهم القاب و مديح كما لو أنهم فضلوا على البلد و المواطنين.
ليس الملطوب خصخصة أو تأميم ، يعني لازم يكون في سياسة اقتصادية مدروسة و بأدوات و إدارة جيدة و ليس ذر رماد بالعيون..
هلق بالنهاية كل واحد بينظر من الزاوية اللي بدو ياها : يعني أنا إذا بدي أنظر بسلبية فيني طلع سلبيات ليوم السلبيات و بالعكس

أنا كنت مؤمن بالدكتور و متفائل .. و لكن الزمن كفيل بإظهار الغث من الثمين، الجاد من المماطل

يعني ليس بالضرورة القصد أن كل ما جرى كان سلبيا و لكن في مساءل جوهرية لم يتم حلها أو التعاطي بها أو حتى تمت معالجتها بمنتهى السلبية من قضايا الرأي و الحريات إلى قضايا الفساد و المفسدين

أما تنقيلات الضباط و التي كررتيها في أكثر من مشاركة لك فهي موضوع تكتيكي إداري بحت، الضباط مكانهم في الجيش للزود عن الوطن ، أما عندما يدخلوا في حساب المعادلة على أساس أنهم جزأ من التوازن حكومة شعب .. وليس وطن و أعداء الوطن الخارجيين فالمشكلة عويصة يعني "أسلحة الأمة لا توجه إلى صدور أبناءها"

ما زالت الحكومة تعترف بأن هناك حاجة ماسة للإصلاح فهي تعترف بأن الوضع غير صالح و بما أنها تعترف بأنه فقد صلاحيته على مدى طويل من الزمن.. بدلالة طلب وقت طويل لإجراء الإصلاح (على مبدأ ما يأتي بسرعة يذهب بسرعة و العكس بالعكس)

الخلاصة إذا كان العمل بنفس الأسلوب أدى إلى مشاكل كيف نتوقع حلها بدون تغييرات جوهرية؟؟

يعني انا ما فهمت انت ضد الخصخصة....:? .......؟!!؟!؟!

انا شايفتهااحسن.:cry: .يعني احسن ما يضل كل شي بايد الحكومة وقاعده عم تتحكم فيه وانتو اضلو اتسبوها هيك بصير قطاع خاص منك والك يا مواطن..:x .يعني الحكومة سحبت ايدها من الموضوع...8) !
ليكني بالاردن ونص الاردن مخصخصة وماني شايفه فيها مشكل يعني.:? .؟!
وبعدين دخلك قبل 6 سنين كان فيي عندك نت تقعد عليه ولا كان في جامعات خاصه او تعليم موازي او 654545 الف مرسوم لصالح المواطن جديد:shock: :shock: :? :shock: ..؟!؟!
او تغيرات في صفوف الضباط الكبار...او مجمعات سياحية..:shock: :shock: :shock: :shock: .!!!!!!!!!!!!

مشان موضوع الديمقراطية هيك صار بدنا الصياد يقلنا شو كان رأيو بلى ما نقعد نحكي ع الفاضي نحنا..:king: .!

خيو ضحاك يلعن ابو الي رادك.:lol: ..ليش لسكتك يعني...مو فارقة معي انا.:p ..!

تحياتي.:سوريا: ..!


إي طبعاً أنا ضدّ الخصخصة...

ليش؟ لأنو ما بدّي يصير فينا متل لبنان... العالم صارت عم تشحد... والفساد على ما هو عليه...
وما بدّي تدخل سوريا باقتصاج السوق... لأنو ما بدّي يصير فينا متل بوليفيا وفنزويلّا....

يا عيوني, إن كان الوضع بالأردن هيك فهوّ لأنو الأردن ماعندها مشاكلنا الاقتصاديّة... بس مع الوقت بدها تتبهدل... خاصّة أنو وقّعت على اتفاقيّة الكويز...

شو بدنا بالأردن.؟؟؟؟ خلّينا هون...
ببساطة, القطاع الخاص (حسب ما عم تتطرحو الحكومة بتوجهاتها (الليبرالية) ) هو أسوأ بكتير من الحكومة على أيام التأميم... وعلى أيّام الحصار الإقتصادي... لأنو على الأقل الحكومة كانت ثقيلة الحركة... أما القطاع الخاص فعندو ديناميكية عالية السرعة بالسرقة و الاستغلال...

عفواً بس... أنت سوريّة شي؟؟ ولّا أردنيّة؟

ليكك خيو عم تحكي وما حد ملتكش فيك....................:lol: :lol: :lol:

مدري يمكن مصغرها للقمة............:?

ها ها ها!!! يي عليكي شو نكتيّة... يحرق حريشك...



يييييييييييييههه.... ما عاد فيني اتحمّل... لا تضحكيني مشان ربّك...:?

ما زالت الحكومة تعترف بأن هناك حاجة ماسة للإصلاح فهي تعترف بأن الوضع غير صالح و بما أنها تعترف بأنه فقد صلاحيته على مدى طويل من الزمن.. بدلالة طلب وقت طويل لإجراء الإصلاح (على مبدأ ما يأتي بسرعة يذهب بسرعة و العكس بالعكس)


ع راسي كل جماعة الزعيم هاد اولا...:سوريا:

بنيجي لتانيا:...بما انو فيي اعتراف من الحكومة انو لسا لازمنا اصلاح..فهاد كتير عظيم وفخامة..يعني اول الغيث قطرة يا سيدي...بس انا اعترف بغلطي بينحل تلات ارباع المشكل من هالمبدأ يعني..لا تفكر انو انا عم احكي ما بدي مصلحة هالبلد او انو كل الي عم يمشي انا معه 100%..بس يا اخيي انا مع .. الي بيجي بسرعه بروح بسرعه
عرفت كيف.;-) .!

ها ها ها!!! يي عليكي شو نكتيّة... يحرق حريشك...



يييييييييييييههه.... ما عاد فيني اتحمّل... لا تضحكيني مشان ربّك...:?
اي خلص ما بقى ضحكك.:pos: ..الحق عليي الي عم غيرلك جو.:cry: ..!

إي طبعاً أنا ضدّ الخصخصة...

ليش؟ لأنو ما بدّي يصير فينا متل لبنان... العالم صارت عم تشحد... والفساد على ما هو عليه...
وما بدّي تدخل سوريا باقتصاج السوق... لأنو ما بدّي يصير فينا متل بوليفيا وفنزويلّا....

يا عيوني, إن كان الوضع بالأردن هيك فهوّ لأنو الأردن ماعندها مشاكلنا الاقتصاديّة... بس مع الوقت بدها تتبهدل... خاصّة أنو وقّعت على اتفاقيّة الكويز...

شو بدنا بالأردن.؟؟؟؟ خلّينا هون...
ببساطة, القطاع الخاص (حسب ما عم تتطرحو الحكومة بتوجهاتها (الليبرالية) ) هو أسوأ بكتير من الحكومة على أيام التأميم... وعلى أيّام الحصار الإقتصادي... لأنو على الأقل الحكومة كانت ثقيلة الحركة... أما القطاع الخاص فعندو ديناميكية عالية السرعة بالسرقة و الاستغلال...

عفواً بس... أنت سوريّة شي؟؟ ولّا أردنيّة؟
بكون غبية اذا قلتلك ما فهمت ليش ما بدك الخصخصة.:shock: ..انو يعني ما اقتنعت.:? ..فيي كتير ناس وعائلات عايشه من ورى رواتب القطاع الخاص..ووضعهن افضل من الحكومة..وع القليله هلا صار فيي الواحد يفتحلو شي مشروع خاص يكسب من ورى دهب...;-)
وشيلك من فنزويلا بالله عليك..ناقصو لشعبنا فقر.:( !!!!!!!!!!!!!!!!!!!!!!!!!!!!!!!!
أما تبعوت الـ لبنان فسمعان بالي من ايدو الله يزيدوا ايوه هدول هنن...خلي الحئيئة تفيدون خيو.:p .!

انا سورية ولا اردنية..:shock: :shock: .!

ولي على حظي..:cry: هوه الانسان اذا طلع من بلاده :cry: بهدف التعليم :cry: لبلد تاني بصير من هدنك التانين.:x .خيو انا حاطة صورة حبيب قلبي بشورة.:sosweet: .وطاجه بالتوقيع..وردة جبلة يعني من :sosweet: "جبلة" :sosweet: مو من الاردن..! كل هاد وعم بتفكر اني اردنيه ولي على حظي...:cry: :cry: .......!
الله يسامحك.:waa3: ..!

ع راسي كل جماعة الزعيم هاد اولا...:سوريا:

بنيجي لتانيا:...بما انو فيي اعتراف من الحكومة انو لسا لازمنا اصلاح..فهاد كتير عظيم وفخامة..يعني اول الغيث قطرة يا سيدي...بس انا اعترف بغلطي بينحل تلات ارباع المشكل من هالمبدأ يعني..لا تفكر انو انا عم احكي ما بدي مصلحة هالبلد او انو كل الي عم يمشي انا معه 100%..بس يا اخيي انا مع .. الي بيجي بسرعه بروح بسرعه
عرفت كيف.;-) .!
على راسي يا غالية :سوريا:

طال انتظارنا و كل اللي بخاف منه نوصل لأيام نترحم فيها على أيامنا الحالية بعد كل المشاكل الحالية
يعني على قولة مارسيل خليفة "الله ينجينا من الآت"

على راسي يا غالية :سوريا:

طال انتظارنا و كل اللي بخاف منه نوصل لأيام نترحم فيها على أيامنا الحالية بعد كل المشاكل الحالية
يعني على قولة مارسيل خليفة "الله ينجينا من الآت"
ما بتشوف خيري لتجرب غيري.:p ..!

بما أنو المعلم ( كهربجي )
عم ينكوش بالمواضيع القديمة ... قلت هادا الموضوع بيفيد بحملة النقاشات

اذا ما عجبك يا منسق .... ألغيه :D

لكن منكمّل.. ما عندي أي مشكلة...

ليش أنا ما بدي خصخصة برجع بقول.. لأنو الخصخصة مانها محكومة بضوابط بتسمح لصاحب العمل بأنو يربح وللعب أنو يستفيد.. حدا شاف عقود النفط مع شل؟ حدا شاف الفورسيزنس؟ حدا شاف السيتي مول؟ والمولات التانيين كمان.. يا جماع انا أكيد مو ضد القطاع الخاص... بس هي مااااااافييااااا... يعني ما عاد فيه رؤوس أموال صغيرة.. بالتالي بتطلع الأسعار لأنو المنافسة بتخف... فهمتو عليي شلون؟؟

على كل حال شكراً صياد عالموضوع... دائماً بس ناقشك بعصّب... بس بردّ بروق وبفكّر.. هاد الزلمة بدّو الشي اللي منيح للبلد (برأيو) وأنا عندي نفس الهدف.. واختلافنا بالطريقة.. بس عنّا كتير نقط التقاء... :D

تحيّاتي

حلو النقاش بهاد الموضوع وعجبني ومن زمان انا عامل فيه اشتراك بس ما حبيت رد فيه
وهلأ رح اعطي راي
نحنا يا شباب بسوريا وعايشين فيها .... وكلنا منعرف الوضع يللي بالبلد .... ولما منحكي منكون منحكي على البلد شو ما كان الحكي ان كان المنيح او العاطل .... ما بهم ... يللي بهم انو الوضع يللي وصلنا الو ويللي بدنا نكمل بعدو ( المستقبل ) .....
طيب سوريا اسمها بالدستور الجمهورية العربية السورية .... وتتبنى النظام الاشتراكي
( الجمهورية ) يعني عننا نظام جمهوري بقر فيه الدستور يللي هو من اقرار الشعب السوري ....
طيب وين النظام الجمهوري يللي عم نعيشو نحنا بوقتنا الحالي ؟؟؟ ....... هل هو فعلا نظام ماشيين عليه نحنا بحسب الدستور وبحسب مفهوم الجمهورية .....
وين مجلس الشعب يللي بالنظام الجمهوري ..... اذا كانو الاعضاء فيه هنن من تجار البلد الراسماليين .... ويللي ما بيشتغلو شي غير لمنافع شخصية بالاتفاق مع قياديين في الدولة واغلبهم بيتمتع بمكز سلطة عسكري او سياسي .....
قرارات مجلس الشعب كلها للموافقة على مشاريع لاصحاب شركات ضخمة هدفها تمص خيرات البلد لصالح بعض الجيوب فقط
هلأ مشان موضوع الرئاسة بسوريا ...... حوالي 65% من الشعب السوري وعي على رئاسة حافظ الاسد .... ومن بعدها ابنو بشار الاسد
طيب وين المشكلة بالرئيس ؟؟؟ بالكرسي ؟؟ وين المشكلة ؟؟
هلأ اذا بضل بشار الاسد رئيس على سوريا خمسين سنة او سنة او اي فترة زمنية ما بهم
يللي بهم انو الشعب يللي عايش بسوريا يكون عندو دخل كافي يضمن فيه حياة هنية وعيشة كريمة... ومستقبل وشيخوخة ....
ويللي بهم اكتر انو روؤس الاموال الصغيرة يللي كانت عم تشغل البلد في ظل نظامنا الاشتراكي تبخرت ... طارت .. طيب وينها ؟؟؟ ما هي اساس اقتصادي للبلد لانها بتشغل الكبير والصغير ... الغني والفقير ...
نسبة كبيرة من شبابنا عاطلة عن العمل ... ليش ؟؟ ......
لانو الاموال انتقلت من جيوب الناس الى شركات ضخمة .... بفضل سياسة اقتصادية سيئة ....
طيب شو الحل ؟؟؟؟.........

طيب سوريا اسمها بالدستور الجمهورية العربية السورية .... وتتبنى النظام الاشتراكي
( الجمهورية ) يعني عننا نظام جمهوري بقر فيه الدستور يللي هو من اقرار الشعب السوري ...
وين مجلس الشعب يللي بالنظام الجمهوري ..... اذا كانو الاعضاء فيه هنن من تجار البلد الراسماليين .... ويللي ما بيشتغلو شي غير لمنافع شخصية بالاتفاق مع قياديين في الدولة واغلبهم بيتمتع بمكز سلطة عسكري او سياسي .....
قرارات مجلس الشعب كلها للموافقة على مشاريع لاصحاب شركات ضخمة هدفها تمص خيرات البلد لصالح بعض الجيوب فقط
هلأ مشان موضوع الرئاسة بسوريا ...... حوالي 65% من الشعب السوري وعي على رئاسة حافظ الاسد .... ومن بعدها ابنو بشار الاسد
طيب وين المشكلة بالرئيس ؟؟؟ بالكرسي ؟؟ وين المشكلة ؟؟
في عندي ملوحظ على حكومتنا الكريمة و الي هي متأصلة بحكومات سوريا ...

مجلس الشعب مهمتوا يقترح مشورع و يصوتوا عليه الأعضاء بالموافقة أو الرفض و اذا تمت الموافقة بيرتفع الأقتراح لمجلس الوزراء الي بدورو بيناقشو من طرف كل وزارة و المصلحة منو و اذا تمت الموافقه عليه بيرتفع للسيد الرئيس يلي بتكون مهمتو المصادقة على المرسوم او الرفض ..
عنا الموضوع بيمشي بالعكس ... بيرفع السيد الرئيس مرسوم جمهوري بيوافق عليه مجلس الوزراء مباشرة بيروح لعند مجلس الشعب الي بيصوت عليه بالإجماع ..؟؟؟؟

في عندي ملوحظ على حكومتنا الكريمة و الي هي متأصلة بحكومات سوريا ...

مجلس الشعب مهمتوا يقترح مشورع و يصوتوا عليه الأعضاء بالموافقة أو الرفض و اذا تمت الموافقة بيرتفع الأقتراح لمجلس الوزراء الي بدورو بيناقشو من طرف كل وزارة و المصلحة منو و اذا تمت الموافقه عليه بيرتفع للسيد الرئيس يلي بتكون مهمتو المصادقة على المرسوم او الرفض ..
عنا الموضوع بيمشي بالعكس ... بيرفع السيد الرئيس مرسوم جمهوري بيوافق عليه مجلس الوزراء مباشرة بيروح لعند مجلس الشعب الي بيصوت عليه بالإجماع ..؟؟؟؟
كيفك صياد :D
والله زمان ما حكينا وتناقشنا
يعني رح بحكي شغلة بالنسبة للرئيس بالذات .... انا بشوف انو موكل شي من مسوؤلياتو بكون ...
يعني شو بدو يلحق من سياسة خارجية ولا داخلية ولا مشاكل البلد و محاربة الفساد
انا بشوف انو المسوؤلية بتقع على عاتقنا .... يعني لما بيجي عضو مجلس شعب برشح حالو وبقلك انو بدو يحارب الفساد وبدو مدري شو ... وبدو يزبط .... طيب ماشي الحال ...
لما بصير بالبرلمان .... بينسى كل شي حكى .... ( سبحان الذي خلقو )...
ونحنا ما منتربى من هالقصة .... طيب ليش لما بيرشحوا حالون نحنا منركد مننتخبون... وهنن نفسون ...

مين قال مننتخبون؟؟
اكبر دليل الانتخابات الماضية.
اسماء الناجحين كانت معروفة سلفا

الانتخابات عنا خاصة وبالبلدان العربية ... عم يتم عن طريق تنكات الزيتون واكياس الرز ... بصراحة ما بقر بصحة اي نتيجة انتخابية تتم بالوطن العربي...بدنا وقت لحتى نعرف معنى الانتخابات...وشو شغل المنتخب والناخب...

بدنا وقت لحتى نعرف معنى الانتخابات

وانت الصادق بدنا ناس نظيفة تمسك القانون, ليصير في انتخابات منيحة.
رغم ثقتي انو بشار الاسد نظيف.
بس انو مثلا تخيل يقول انتخابات مجلس الشعب مانها قانونية :lol:
بتروح الوزارة كلها بهالحالة. لانو الوزارة عنا صاير متل عصابة نهب وسرقة وفساد. (ومتروطين فيها مع اعضاء مجلس الشعب)
وزعيم هالعصابة هو الرئيس تبعها (اي محمد ناجي العطري)

قال انقطاع الكهرباء بسبب الضغوط الخارجية قال.
لــك..............تفوه

صحيح بدنا حكومة نظيفة تمسك القانون ...
لكن نحن وقصدي ع الشعب...لما بيفهموا معنى الانتخابات وحقهم بالانتخابات...
هلأ لما المواطن بحس بعدم نظافة الحكومة والمرشحين...وطبعاً هالمواطن عندو وعي لحقو الانتخابي..بامكان انو ما يصوت ويعلن المقاطعة...
اغلب الحكومات العربية بتطلع ع ظهور شعبها للحكم...

قال انقطاع الكهرباء بسبب الضغوط الخارجية قال
احلى هروب دبلوماسي من هالرئيس... قالوا سبب تخلفنا الامبريالية و اذناب الامبريالية وكل المصائب اللي بتنزل عالامة المسكينة من الامبريالية... وانقطاع الكهرباء طلع بسبب الضغوط الخارجية الامبريالية...