أحتلت سوريا وبكل فخر وبفضل توجيهات العصابة الأسدية المخابراتية ومعاونيها من الببغائات البعثية
أحتلت سوريا وبكل فخر المرتبه الثالثة بين الدول العربية الأكثر فساد ولحسن الحظ لقد شاركتان المملكة العربية السعودية شرف هذاه المرتبة

على حسب التقرير السنوي لمنظمة الشفافية الدولة

والجدير بذكر أن منظمة الشفافية الدولة منظمة مستقلة مقرها في برلين بألمانية نشاطها أقتصادي يرصد الفقر والنظم الأدارية وتصرفاتها في العالم
صحيح الدولة العربية الأولة هي الصومال

الثانية السودان

ونحنا للأسف بلمرتبة الثالثة


المرتبة الأخيرة لعمان والأمارات



وهي عنوان المنظمة على النت لمزيد من المعلومات

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي منيح طلعنا التالت ما طلعنا الاول

بس توقعت قطر تكون الاخيرة

لك معلم عم تتخوت علينا؟؟

مركزنا السابع مع السعودية ومصر
يعني من حيث الفساد بيطلع مركزنا ال14

شي طبيعي أنو نكون حتى بالمركز الأول...........
ما دام في#############

دخلكون هدول الجهات اللي بتقيم الدول ع كيفها سألتو حالكون منين بتجيب معلوماتا

أو بالأحرى مين اللي مخولها تقيم الدول ع كيفها أو كيف اللي بيدفعلها أكتر

لك الله يجيبك يا طولة البال ... شعب بيضلو نايم :pos:

قال شعب أذا ضرب الحذاء برأسه ... صاح الحذاء بأي ذنب أضرب :jakoush: :jakoush: أضرب لقلك أضرب :jakoush: :jakoush: :jakoush: :jakoush:

مرحبا

دخلكون هدول الجهات اللي بتقيم الدول ع كيفها سألتو حالكون منين بتجيب معلوماتا


اي ماهر انا سألت حالي و هي الجواب ازا معك وقت تقراه ... قريتو كلو بس بنصحك تقرا الاسئلة و الاجوبة يللي تحت الجدول ....
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و بالنسبة لمصداقيتها ... كمان هاللينك بيساعد كتير:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

او هاللينك:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

___________________________________

معلومات من التقرير:

ترتيب الدول العربية و بعض دول الشرق الاوسط(من الاقل فسادا إلى الاكثر فسادا):
( اسم الدولة ثم ترتيبها بالجدول الدولي )
عمان 28 ( مع اسرائيل)
الامارات 30
الاردن37
تونس 43
الكويت 45
اليونان
موريتانيا 51 ( موريتانيا احسن مننا..... هزلت )
تركيا 69
مصر 70
السعودية 71
سوريا 72 ( يا دي العار )
لبنان 83 ( بدهم الحكيكا )
ايران
اليمن
فلسطين
ليبيا
العراق
الصومال
السودان

ملاحظات اقليمية:

الدول الاقل فسادا هيي الاسكندنافية و احتلت المراتب الاولى على التوالي:
ايسلاند، فنلندا، الدانمارك، السويد، النرووج

بالمراتب الاولى كان في سويسرا و سينغافورا و نيوزيلاند و استراليا و هولندا ...

الدول العظمى احتلت الدرجة التانية من قلة الفساد بعد الدول الاسكندنافية:
بريطانيا 11 ، كندا 14 ، المانيا 16 ، اميركا 17 ، فرنسا 18

الدول الاكتر فسادا هيي دول افريقيا الوسطى و اسيا الوسطى و اميركا اللاتينية

دول المنظمة الاسلامية احتلت المراكز المتأخرة بالجدول، متل اندونيسيا و الصومال و تشاد و الدول العربية و افغانستان و باكستان ...

قل الفساد بمعظم دول اميركا اللاتينية عن الاعوام الماضية

ازداد الفساد بدول الاتحاد السوفييتي السابق و دول وسط افريقيا عن الاعوام الماضية

ملاحظات هامة عن المؤشر المستخدم:

المؤشر المستخدم لقياس الفساد هوي مؤشر مدركات الفساد بغض النظر عن المحاكم و القضاء لاختلاف القوانين من بلد لبلد

المؤشر معترف به من قبل الامم المتحدة و مجموعة الدول الصناعية الكبرى

المؤشر بيعتمد على استطلاعات رأي رجال الاعمال و اساتذة الجامعات و القضاة و السياسيين و رجال الحكومات

الفساد يللي عم نحكي عنو هوي الفساد العام و تعريفو : استخدام مناصب و وظائف عامة في خدمة اغراض و غايات و اهداف شخصية و تحقيق مكاسب خاصة

المؤشر بيعتمد على متوسط متحرك لـ 3 سنوات ( يعني المعلومات تبع 2005 تم جمعها خلال الاعوام 2003 - 2004 - 2005 ، المعلومات تبع 2006 رح يجمعوها خلال 2004 - 2005 - 2006 و هيك ) و بالتالي بيخف تأثير فضايح الفساد بسنة معينة

و دمتم :7asheesh:

"اضغط أيقونة الرد الصاروخي في أي مشاركة لتنشيط هذا الصندوق "

ع قولة مجديتا ...

:D :D :D يا حيف

لك معلم عم تتخوت علينا؟؟

مركزنا السابع مع السعودية ومصر
يعني من حيث الفساد بيطلع مركزنا ال14


يا عيني ما عم أتخوت عليك

بس هني بحطو الدول الأقل فساد بلأول والدول الفاسدة بأخر

اي راجع المقال
مانا بالمركز التالت من حيث الفساد

لك والله منيح
طلعنا قبل الصين

:D
CORRUPTION IS A FACT IN Syria!, but why did not u look 4 other reasons of it except 4 the govrnment? !
thanks
:D

لك مو بس هيك أنو يعني والله ما عم ننفي وجود فساد بالبلد ... ولولا هيك ما منسمع بمحاربة الفساد .... المقصد يا جماعة أنو ليش عم تتطرحو المشكلة وبس ... يعني بمعنى آخر أنتو عم تعملو متل المحطات الموجهة ضد سورية كبلد بتطرحو المشاكل و بتتمهزأوا و كأنو سورية مانا بلدكون ... غير أنو تلات رباع الأعلام بالعالم مسيطر عليه من قبل الأمبريالية والصهيونية الأميركية وأنتو بتعرفو هالشي ... ورغم ذلك بتنقادو ورا هيك حكي متل ما بينقاد الطفل ورا دعاية علكة مثلاً

شباب مو الأفضل أنو تحطو مقترحات لكيفية محاربة الفساد ؟ مو أفضل من المسخرة والمهزأة قدام الرايح والجاي??? ... بالنهاية أسم مين عم ينحط بالقوائم الزبالة هي ... مو أسم سورية ?????

مشان هيك قلت شعب نايم ... مو بس نايم و مخدر كمان ... الله يفيقكون يا شباب بتمنى أنو تصحو

هاد رأيي وبتمنى أنو تتقبلوه

والسلام لكم

مرحبا


مع انو متل ما بيقول زياد الرحباني ... لتعمل ثورة ع النظام لازم يكون في نظام اولا و تانيا و تالتا و عاشرا ... و مع ذلك:

مقترحاتي مشان محاربة الفساد ....

أولا: الدستور:

وضع دستور جديد يضمن حقوق و واجبات متساوية لجميع السوريين ( بالمشرمحي حزب البعث متلو متل غيرو ) ( حقوق متساوية يعني السني متل العلوي متل المسيحي متل الكردي متل السرياني متل ... الخ )
الاعتماد على مبادئ العلمانية و المرونة الزمنية في صياغة الدستور ( يعني ما بيصير نعتمد ع التشريعات الالهية المقدسة بسن الدستور الجديد لأنو الدستور لكل الناس مو لاتباع دين او طايفة معينة، و المرونة الزمنية بتعني انو ممكن مع الزمن و بشروط خاصة جدا و لمصلحة الدولة العليا انو يتم تغيير او تعديل احد بنود الدستور ... مو يتم تعديلو و تفصيلو على قياس حدا معين)
مبدأ " مصلحة سوريا فوق كل مصلحة " هوي اهم مبدأ بيتم على اساسو صياغة مواد الدستور ... و مصلحة سوريا فوق حتى مصلحة السوريين ... لأنو سوريا باقية ... اما السوريين بيروحوا و بيجوا ( كنعانيين بعدين اراميين بعدين شوية عرب بعدين عثمانيين ... الخ)
طرح الدستور للاستفتاء الشعبي العام ... و اقرارو باغلبية الثلثين ( 2/3 ) على الاقل
اعتبار الدستور اعلى سلطة مرجعية في الدولة ... اعلى من المراسيم و القرارات و القوانين و الاشخاص ... حتى الرئيس تحت الدستور
يتم انتخاب رئيس البلاد المكلف بحماية الدستور بطريقة ديمقراطية دورية ( ما في شي اسمو الى الابد)
يتم انتخاب السلطة التشريعية المكلفة بسن القوانين بطريقة ديمقراطية دوريةثانيا القانون:

يتم سن القوانين من قبل مجلس الشعب ( السلطة التشريعية)
يتم استخدام القوانين من قبل القضاة
تنبثق القوانين من الدستور و لا تعارضه باي حال من الاحوال
الجميع تحت القانون و لا يوجد استثناءات مطلقة ( يعني ممكن يكون في استثناء بس لحد معين )
إلغاء قانون الطوارئ و الاحكام العرفية
عدم تدخل المؤسسة العسكرية بشؤون القضاءثالثا الصحافة ( السلطة الرابعة ):

سن قانون للمطبوعات و الصوتيات و المرئيات و الصحافة يتيح حرية الصحافة
الصحافة هيي المكافح الاول للفساد لذا يجب عدم وضع القيود و العراقيل فيها ... يعني لازم نعتمد على حرية الصحافة لحتى تقدر تقوم بواجبها الحقيقيرابعا المجتمع المدني:

وضع قانون للاحزاب
عدم السماح بتمويل الاحزاب من خارج سوريا
ان تسمح الاحزاب بانتساب اي سوري لها ( يعني ما بيصير ينعمل حزب خصوصي للاكراد او السنة او السريان او الشعية و هيك)
عدم السماح لاي اجنبي بالانتساب للاحزاب السورية ( مو متل ما بيعمل حزب البعث و الاخوان المسلمين و الشيوعي)
عدم السماح للمؤسسة العسكرية بالتدخل في الحياة المدنية ( اسمها عسكرية )
عدم السماح بتسييس الجيش لأي جهة كانت ( لازم يكون الجيش دستوري مو عقائدي)
اجراء انتخابات دورية ديمقراطية حرة نزيهةخامسا عدم تدخل رجال الدين بشؤون القضاء و السياسة

سادسا الاهتمام بالتعليم و الثقافة بكافة مستوياته . اما التربية فهي وطنية بحتة .. لا دينية و لا قومية و لا اجتماعية و لا اشتراكية ... الناس احرار متل ما بدهم بيفكروا و بيعتقدوا ....

سابعا توفير الضمان الصحي و الاجتماعي لجميع المواطنين

و دمتم :7asheesh:

مرحبا ماهر


عني بمعنى آخر أنتو عم تعملو متل المحطات الموجهة ضد سورية كبلد بتطرحو المشاكل و بتتمهزأوا و كأنو سورية مانا بلدكون ...

مين قال هيك ؟؟؟ من حرقة قلبنا ع البلد عم نحكي ... و لما منتمسخر منتمسخر ع الساسة تبع البلد ... متل ما نك شايف سياستهم رح توصل اميركا لحضننا


غير أنو تلات رباع الأعلام بالعالم مسيطر عليه من قبل الأمبريالية والصهيونية الأميركية وأنتو بتعرفو هالشي ...

امبريالية و صهيونية ؟؟؟؟ يا رجل يللي اخترعوا هالمصطلحات بطلوا يحكوا فيها ... خوش ع شوي كان رح يعملوا سلام مع الصهاينة بس ربك ستر و انقتل رابين ... و ع فكرة الشباب مقهورين كتير عليه و كل شوي بيطالبوا بالوديعة

عموما حبيب ... ازا ما عندك خبر بكل بساطة لو كان عننا اعلام كنا قدرنا نفهم الناس شو القصة ... هي شغلة الاعلام الضعيف تبعنا عمرها شي 50 سنة على ما اظن ... لهلأ ما كانوا يعرفوا يزبطوه ؟؟؟؟؟


ورغم ذلك بتنقادو ورا هيك حكي متل ما بينقاد الطفل ورا دعاية علكة مثلاً

يعني قصدك انو الفساد بسوريا مو مستشري كتيييييييييير ؟؟؟

طيب عال ... طالما الفساد مو بالصورة يللي رسمتو مؤسسة الشفافية ... ليش لهلأ ما كانوا يعرفوا يقبضوا ع الفاسدين ؟؟؟ شو بدك اثبات انو ميرو حرامي مثلا اكتر من انو طارت مصرياتو لما فلس الديري ؟؟؟؟ و هلأ عم يطالب بالمصاري السيد ميرو بدال ما يحققوا معو من اين لك هذا


شباب مو الأفضل أنو تحطو مقترحات لكيفية محاربة الفساد ؟ مو أفضل من المسخرة والمهزأة قدام الرايح والجاي???

هي مقترحاتي فوق ... بتحل ازمة الاعلام و بتحل مشاكلنا مع اميركا و ما بيعود فيها اميركا تتدخل فينا بنوب و بتخرس خالص لو اتطبقت مقترحاتي ....
الدور و الباقي ع الشباب الطيبة ... نحنا حاطين مقترحات .. بالاخوية و برات الاخوية ... بس بدك مين يطبقها ... ع القليلي يخلونا نطبقها ...


بالنهاية أسم مين عم ينحط بالقوائم الزبالة هي ... مو أسم سورية ?????

و مين يلي عم يوصلنا للزبالة ؟؟؟ ليش عم تحكي هالحكي لالنا ؟؟؟؟ نحنا مو طالع بايدنا غير نتفرج متلك متلنا .. ما مسموح انو نساوي شي ... كلو ممنوع ممنوع ممنوع

نحنا متفرجين متلنا متلك ... الفرق انو نحنا منشوف الغلط و منقول هون غلط يا جماعة يا ناس يا هوووووو يللي عم تعملوه وصلنا لورا البقر .... اما انت بعدك عم تقول لا فيهم خير الشباب .. إلا ما شي نهار يشتغلوا شي شغلة صح و تقلع عيننا فيها .....

نحنا ملينا، سنين و شهور و ايام عم تمضا و ناس صارت بالمريخ و نحنا بعدنا عم نطالب بتعريف للارهاب


مشان هيك قلت شعب نايم ... مو بس نايم و مخدر كمان ...

معك حق ... الناس من كتر ما شافت ويلات و معتقلات و اقبية بفروع الامن فضلت تنام ...

اما نحنا يا اما مجانين مو خايفين ع حالنا، يا اما مقايسين و ما فارقة معنا، يا اما شايفين انو بلدنا بتستاهل انو نضحي كرمالها ... بلدنا، مو رئيسها و لا الحزب يللي عم يتمقطع فيها

تأكد ماهر انو نحنا متلك منحب بلادنا و منخاف عليها ... بس نحنا ما بدنا نضحك ع حالنا ... الوضع مأساوي، لازم حدا يصرخ و يقول انو الوضع مأساوي ....

و دمتم :7asheesh:

كريم مرحبا !! بدك تقلبلي ياها جزيرة :arrowl: ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////; !!! يا قلبي يا روحي أنتى أنا هاد مو جوي


مع انو متل ما بيقول زياد الرحباني ... لتعمل ثورة ع النظام لازم يكون في نظام اولا و تانيا و تالتا و عاشرا ...

الله يسامحك

________________

مقترحاتك ع العين والراس ... أنا معك فيها ... أو بالأصح بأغلبيتها مشان الدقة بالكلام

وياريت تحطو شي موضوع بهالقسم مثبت عنوانو مقترحات لمحاربة الفساد ... يعني هاد موضوع بناء وجيد أفضل من العلاك الفاضي مو هيك؟ :D معلي شي لأنو في مواضيع كتيرة بهالقسم بتحكي عن علاك فاضي معليش استحملوها لهالكلمة حبيباتي أنتو
:D

__________________

معلش أنا أول مرة بتشوفوني بهالقسم و آخر مرة ... لأنو من أول ما دخلت المنتدى كنت حابب أحكي هون بس ما حبيت هالشي لأنو الحكي هون عم ياخود طابع سلبي أكتر بكتير من الطابع الأيجابي وهاد الشي ما بستسيغو أطلاقاً (( يعني متل حوارات الجزيرة و العربية )) يللي بالنهاية بتكون مفبركة مشان تمشي هالمحطات و تبث بطريقها شوية سموم ... الخ وبالنهاية مافي ألها نتيجة عملية توصل لشي غير الأحباط و التكسير والهدم ووضع مشاكل وهمية و حقيقية ...
... (( وضع السم في الدسم )) فهمكون كفاية ...

هلأ مشان المقترحات :

أنتو نسيانين شغلة ... بيجوز تشوفوها صغيرة ... بس هيي كبيرة كتير وهامة ، وبصراحة هية من الأساسات لتنفيذ هالمقترحات عملياً وهاد الشي الأهم واللي بدنا ياه ... مو هيك؟!!

هالشغلة هية الشعب ... ووعي الشعب ، شعبنا مو كلو متل بعضو ، يعني مستوى الفهم والحضارة عندو متباين ... و الأغلبية سلبي ... مشان تفهموني أكتر لأنو ماعم أعرف أشرحلكون ياها :
مثلاً ... ولا حدا يتمهزأ أنو الشغلة ألها علاقة بالسيارات ... كل شي بهالدنيي أذا بدو يمشي ع نظام لازم يكون ع نفس المبدأ ...:
ع مستوى نظام السير يعني هاد بأقل دولة من دول العالم تطوراً صار بديهي ومن أبسط الأمور ...
... بقانون السير كتير من القوانين الهامة اللي لازم يتقيد فيها الشعب ، ما حدا بيتقيد (( سألتو حالكون ليش ؟!! )) أنا بقلكون ليش ، شعبنا ما عندو الوعي الكافي لحتى يعرف شو أهمية قوانين السير ، كتير من برامج التوعية بهالخصوص عم تنعرض بالتلفزيون ... ماحدا بيتفرج عليها (( بيقلك لك شو هالقصة المعتة هي !!)) وبيروح بيتفرج ع مناقرات الجزيرة و ع محطات الهشك بشك ... الخ
الموجهة من جهات معينة (( ههههه مشان ماقول من الأمبريالية والصهيونية )) لك آخ ...أوكي
بيقلك حط حزام الأمان ... مشان ما يتعب حالو الشوفير (( ههههه قال الممنوع مرغوب وعم يجاكر الشرطة وعم يتضحك عليهون ... ياحرام ولدنة !!)) بيهدي حزام الأمان تحت باطو اليمين !! هههههه ياحرام مانو قدران يتكو بهالبطيخة اللي أسما LOCK جنب الكرسي بتاخود وقت معو شو هالحكي !! هاد مو عرفان أنو حزام الأمان شو فوائدو ، وشو هوي و ليش انحط بالسيارة ... الخ وبتعرفو ليش .. لك والله تشرشحنا قدام السياح اللي بيجونا و بيشوفو مناظر حركة البشر العشوائية عنا ... هاد بيفوت هيك وهداك بيطلع هيك ... لا بيتقيد بممر مشاة و لا ببطيخ مبسمر ... أو بتلاقي شرطة المرور عم يمنعو المشاة حتى ما يقطعو الشارع و الأشارة مفتوحة و بيجو بيخانقوه ... قال ليش لأنو عم يمنعون من أنو ينفعسو تحت السيارات ههههههههه والله مسخرة ونسيانين أنو هاد الشرطي عم يحاول ينفذ قانون السير ... ماعم يقمع حدا ولا قالولو المسؤولين يقمع حدا ... زلمة تحت الشمس و عم ياكول هوا وما حدا عم يفهم عليه ليش!!!؟

منرجع للشوفير :
بيلقطو الشرطي مرة وبدو يسفقو مخالفة بيقوم بيرشيه ... وهلم جرى بتاخود أيدو الشرطي ع المصاري (( ليرة أبليس طبعاً) و هكذا يدور الدولاب و يستشري الفساد هييييييك لأعلى قائد بشرطة المرور ... مو الشرطة بشر متلنا متلون مو هيك ؟!!

بتنطبق هالقصة ع كل الجهات بالبلد ، من قضاء إلى شرطة إلى ... إلى

... شعبنا عم يساهم بالفساد يا جماعة ، وبدون ما يعرف ، و الجهات المعنية (( هههههه مشان ما قول الأمبريالية والصهيونية )) بالأعلام الموجه هيي المسؤولة عن هالشي قولاً واحداً ... بشكل حرب نفسية موجهة أو بشكل دعائي ، أو بشكل أو بآخر ... وطريقة علمية مدروسة ... وهاد لا يعني أنو مافي مسؤولين فاسدين و أكيد رح يتم عقابون ... بس معليش خلينا نحنا كمان نبلش بحالنا و نكون حضاريين مع حالنا ومع بلدنا ع الأقل !!!


ف لازم يكون في حملة توعية للمجتمع ... تيصير عندو الأساس ... لأنو أبسط الأمور ما عم يفهما ، شلون بدو يفهم الأمور المعقدة و يكون قادر ع أبداء رأي صحيح ؟!!

التوعية لازم تكون مبنية ع الاستفادة من تجارب شعوب العالم و أخذ أيجابياتها و نبذ سلبياتها

بدكون تتساءلو ... شو الأيجابيات ؟!!

شي أيجابي يعني شي أذا وضعتو قيد الخدمة و بمكانو الصحيح يعطي نتيجة عملية و فعلية

السلبيات هي على العكس تماماً طبعاً


مو أنو ناخود تجارب شعب أو بلد فقط لأنها مشهورة و الأعلام دايماً بيحكي عنها .. وننسخها متل ماهيي ع العمياني ... وتقليد أعمى
... لأنو دايماً لكل بلد خصوصية ... وهاد قانون طبيعي خلقو الله ما حدا تاني خلقو أو أخترعو...

بتمنى تكونوا فهمتو علي وجهة النظر ... هي آخر مرة بكتب بهالقسم لأنو متل ما قلتلكون هاد مو الجو اللي بحبو :D بس حبيت حط وجهة نظري مشان التوضيح

كريم مشان الأمبريالية والصهيونية هدول مو اختراع هدول حقيقة مرة بتاريخ البشرية و البشرية عم تعاني منهون ومن حرقهون و قتلهون للجنس البشري و مص دماء الشعوب،الواقع ما لازم نهرب منو
هدول عم نعاني منهون كلنا و بجميع أنحاء العالم للآن بس الأعلام حابب يغطي لأنو بأيد نفس الجهات ....... بس ببشرك أنو كل شي رح يكون على ما يرام بالمستقبل القريب ... والظلم إلى زوال ... شعوب العالم مو أغبياء ولا جهلة و لا ضعفاء ... بل على العكس



مرة تانية بتمنى أنو تكونو فهمتو علي وجهة النظر

وعذراً على الأطالة .. هي مو عادتي .. خير الكلام ما قل ودل


السلام لكم