حسام حسام.. وبالحسام سيصفونه بالطريقة البعثية
اذا سورية بريئة فشهادته الزور حكمها الاعدام
واذا سورية مذنبة فالانتحار او النحر هو الحل
اي ينحروه ويدعون انه انتحر لإخفاء الشهادة
واذا كانت الشهادة الاولى وادانة سورية من صنع سورية
وهروبه الى سورية ونقضه الشهادة من صنع سورية
فما فيه مجال الا الإنتحار
بصراحة شاهدته على التلفزيون ورثيت لحاله
ماذا تفعل سورية اذا طلبه ملتس؟
غصب عنها تسلمه
ويرجع حسام لأقواله
وحده حريه اشتراكية

اذا سورية بريئة فشهادته الزور حكمها الاعدام
حكمها الأعدام إذا كانت مقصودة لكن في حال أنو كان مجبور عليها و اتعرض لضغط متل ما حكى هسام فرح يكون برائة
واذا سورية مذنبة فالانتحار او النحر هو الحل
نحن بنظر المجتمع الدولي لهي اللحظة مذنبين و شو ماكان النظام مامن مصلحتون يصفو ل هسام بما أنو هو الورقة الرابحة يلي بإيدنا
اي ينحروه ويدعون انه انتحر لإخفاء الشهادة
مع احترامي لألك هذا حكي خالي من المنطق
واذا كانت الشهادة الاولى وادانة سورية من صنع سورية
وهروبه الى سورية ونقضه الشهادة من صنع سورية
فما فيه مجال الا الإنتحار
هلق هذا أسلوب عدائي ل سوريت و حكي شخص شمتان يلي ضد سوريا بهيك وقت بحياتو ماكان سوري ولا بيكون سوري فيك تقول عنو تويني الجنسية أظبط
بصراحة شاهدته على التلفزيون ورثيت لحاله
بالعكس كان حكيو بيعبر عن ثقة يعني لا تلكئ ولا تلعثم ولا كان عم يغير بأقوالو متل ما اتدعت ال new TV
ماذا تفعل سورية اذا طلبه ملتس؟
غصب عنها تسلمه
هسام قال بلسانو ل كل يلي حضر لقائو مبارح قال لو طلبوني لمحكمة دولية بدون رجعة أنا رايح
يعني الزلمة حاطط احتمال أنو مايرجع إذا طلبو
ويرجع حسام لأقواله
لو الزلمة مفكر يرجع بأقواله ماكان داس سوريا ولا كان غير أقوالو بالأساس
-----------------------------------
و فتح الموضوع بطريقة عدوانية ضد سوريا بهالوقت هو كره ل سوريا لأنو لو بيريد الخير للشعب السوري باضرب الأحوال كان صف مع السوريين و لحق كل قشة
بس ما منقول غير عليه العوض و منو العوض
سلام

و فتح الموضوع بطريقة عدوانية ضد سوريا بهالوقت هو كره ل سوريا لأنو لو بيريد الخير للشعب السوري باضرب الأحوال كان صف مع السوريين و لحق كل قشة
بس ما منقول غير عليه العوض و منو العوض
سلام

HERE I AM
كلنا مع سورية
وكلنا سورية وكلنا ضد بوش ومن مع بوش ودم الحريري ماهو الا للمتاجرة

بس اللعب بالنار ما يصح
الايام المقبلة بتكشف الأوراق


الحل يا اخي المحترم هو العودة للشعب
اخراج المسجونين
الانفتاح السياسي
السماخ بالحريات
الحرب على الفساد
محاسبة اللصوص
اعادة الحقوق
وهيك صدقني كلنا يدا واحدة

ياحبيب معك أنا هذا شي مهم و كلنا بدنا ياه بس طول ما أنت محبوس خارجيا و مقاطع من كل الجهات ياعمي كيف بدك تطور إذا أنت بعزلة
حبيب فتحو عيونكون لك القصة مو جديدة القصة من عمر جدي و جدك سوريا حسكة بحلقون و يا منركعلون يا منشتغل على حالنا و منتحمل بعض ماعم قلك نسكت عالغلط عم قلك نتحمل بعض الوضع يلي نحن فيه هلق العالم مسكر بوابو بوجه سوريا و لابسط مثال
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هذا أكبر سايت أجنبي لشراء ال domains عم يكون مسك بمعدل 80% من أوقات اليوم عالأيبي السوري يعني على أتفه شغلة بلشو يحرمونا منها لسى غير الحصار العربي المفروض علينا و إدعاءات الرؤوساء العرب ضد سوريا يلي بتدعو للشمئزاز و كأنو سوريا عدوتون من ولد الولد
بتلاقي رئيس الأردن عم يتعدى علينا بأكبر محطات العالم
بتلاقي ملك السعودية واقف و ساكت قدام كوندليزا رايز و هي نازلة نسف بسوريا
بتلاقي رئيس العراق نازل اتهامات و بلاوي بسوريا
بتقدر تقلي ليش كلون صارو يكرهونا هلق ؟؟
و لقلك شغلة يلي قاعد عم يحكي و يتفلسف عالنظام السوري و بيقولولك ديكتانوري و قمعي و علاك مصدي
صدقني هذا الحكي صار أطلال ملينا منو ياعمي سالو الشعب يلي عايش بسوريا نحن السوريين يلي عايشين بالوضع بيحقلنا نحكم و برجع بقلك كل واحد رح يتبرا من حكومتو بالأخص بهالوقت فهو بحياتو ماكان سوري
و للشباب يلي مبسوطة و يلي بتفاجئ بشتائمها يلي معباي القسم بحب قلون لو فعلا نحن نظامنا دكتاتوري متل ماعم تقولو ماكان صار لكل واحد منكون سنة عم يكتب عراحتو هون
و أخر شي يا حيف على يلي بيترك سوريا بهيك وقت و بيجي ضدها
سلام

ما بعتقد رح يكون الموقف متل العادي
ورح يتعاملوا مع الموقف بساسة كبيرة
ورجال سوريا قدها وقدود ... والله محي سوريا وقيادتها وشعبها

يأخي مرحبا أنت من سوريا شي اذا
أنت من سريا فها بيعني اما أنك ما بتطلع محل او ما بتشوف ولا بتسمع
اذا كنت من برا سوريا كيف بتحكم ع شي انت ما عايش فيه؟؟

نسيت قول شغلة للشباب يلي لاحقتلي منظمة حقوق الانسان و هدول المعارضين السوريين يلي برا و عم ينقلو أخبار من المعارضين السوريين المظلومين يا حرام
أنت بدكون رئيس متل نهاد و فريد الغادري لتصير سوريا عراق تاني و لنصير أذلال لأميركا و أسرائيل

حاج يـــا
لك مين بدو عراق تانية... مين قال انو المعارضة الحقيقية بدها مساندة خارجية ... ليش عم ننكل ببعض
لسا حاطين نقرنا بنقر بعض ..
اي دولة حضارية فيها معارضة .. و دور هالمعارضة ايجابي مو سلبي ...
افهمو المعارضة مظبوط بعدين علقو و انتقدوها
------------------------------------------------------------------------------------------------------
منين طلع هاد هسام بيك ...
و ليش هلأ رجع لسوريا ... ليش اصلا رضي انو يشهد ضد بلدو .. لو تحت اي ضغط .. ايا كان اذا كان انسان بتهمو مصلحة بلدو لازم ما يستسلم للضغوط .. و طالما شهد ضد بلدو .. هاد بيعني انو خائن ... لو رجع بكلامو .. لو شو ما كان ...
انا هالقصة كلها ما ركبت براسي ... في خفايا و شغلات عويصة نحنا ما درينا و لا رح ندرا فيها ...
يعني بصراحة البارحة تابعت المؤتمر الصحفي .. بقرف

حاج يـــا
لك مين بدو عراق تانية... مين قال انو المعارضة الحقيقية بدها مساندة خارجية ... ليش عم ننكل ببعض
لسا حاطين نقرنا بنقر بعض ..
اي دولة حضارية فيها معارضة .. و دور هالمعارضة ايجابي مو سلبي ...
افهمو المعارضة مظبوط بعدين علقو و انتقدوها
------------------------------------------------------------------------------------------------------
منين طلع هاد هسام بيك ...
و ليش هلأ رجع لسوريا ... ليش اصلا رضي انو يشهد ضد بلدو .. لو تحت اي ضغط .. ايا كان اذا كان انسان بتهمو مصلحة بلدو لازم ما يستسلم للضغوط .. و طالما شهد ضد بلدو .. هاد بيعني انو خائن ... لو رجع بكلامو .. لو شو ما كان ...
انا هالقصة كلها ما ركبت براسي ... في خفايا و شغلات عويصة نحنا ما درينا و لا رح ندرا فيها ...
يعني بصراحة البارحة تابعت المؤتمر الصحفي .. بقرف
حكيك سليم مية بالمية نحنا عنا كل واحد بيقول رأيه بيخالف رأي المسؤولين بيتهموه بالخيانة
وعارف دليلة أكبر برهان لأنه قال في شركة خليوي قدمت عرض 280 مليون دولار أقل من رامي مخلوف عملوه بدو يقلب النظام وحطوه بالسجن
وهيدي شغلة الشاهد الزورو الكردي شغلة ملعوبة من مخابراتنا ومبارحة ورينا للعالم كله افلاس النظام عنا
اذا مفكرين انه تقرير ميليس مبني بس على شهادة الزورو المقنع يبقى انتو غلطانيين كتير
المفاجأت اللي مخباها ميليس ما بيعلم فيها غير ربنا والصين وروسيا ماعارضوا القرار 1636 لأنو فرجاهن كم دليل قطعي على تورط الضباط السوريين
بس مو رايحة غير على الشعب المسكين اللي من 30 سنة مهضومة حقوقه ومغيب كليا عن بلده
ومتل ما قال الماغوط : الغربة بالوطن جوع والجوع بالوطن غربة وهي حالة الشعب السوري بمعظمه

حسام حسام.. وبالحسام سيصفونه بالطريقة البعثية

ماذا تفعل سورية اذا طلبه ملتس؟
غصب عنها تسلمه
ويرجع حسام لأقواله
وحده حريه اشتراكية

كلامك جاي من خلفية معادية للنظام وهذا حقك
لكن عيب نشهر ببلدنا بأسوأ ظروفها
يعني استغلال الموقف لإدانة النظام متل الخيانة برأيي

أنت بدكون رئيس متل نهاد و فريد الغادري لتصير سوريا عراق تاني و لنصير أذلال لأميركا و أسرائيل

أنا توقت كل العالم تحكي هيك أله أنت يا here i me معليش تشرحلي شوي عن هل النظرية

والرجاء من الجميع لاتفهموني أني عم دافع عن الغادري



وهي لكل الناس يلي بدها تعرف شو صاير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أنا توقت كل العالم تحكي هيك أله أنت يا here i me معليش تشرحلي شوي عن هل النظرية

والرجاء من الجميع لاتفهموني أني عم دافع عن الغادري



وهي لكل الناس يلي بدها تعرف شو صاير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
حبيب القلب يا أبو النسيم أنا حكي عالغادري لأنو ممثل للمعارضة السورية و عامل حالو أشرف من عليها
و هو إذا بدو يفوت على سوريا مابيفوت غير على دبابة و ماننسى وعودو القوية لليهود بالمتاحف ولا ننسى حبو البريئ ل أميركا
و أنا ذكرتو لأنو بمثل المعارضة غير البناء و يلي بتتميز باللعي و العلاك الغير منتهي يلي ما ألو طعمة و يلي بدون زعل عم نشوف منو كتير هون
يا حبيباتي يلي عم تقرفو من هسام هلق و يلي شوي تاني انصابكون اسهال من حكيو و من منظرو ليش ماصار فيكون هالشي وقت كان شاهد ضد سوريا هي شغلة تاني شغلة كلمة سامبول أنو شو هو هيفاء وهبة أو هو يلي حقق معون لأنو شاف كل العالم بالمونتيفيردي حسيت جبران تويني عم يحكي :p لأنو هي الجملة هو قالها
حبيبي المونتفيردي من يوم يومها معباية بالمسؤوليين و واحد طالع و واحد فايت و الزلمة حكى انو ما قعد معون بس شافون هنيك متل السفير الفرنسي قال أنو شافو هنيك بس ما قعد معو بقى ما تلفو القصص و تلبسوها تياب عريضة
بعدين مجود بتيجي بتقلك ليش شهد بالأصل ضد سوريا و بما أنو شهد لو غصب العنو فهو خاين
بس بدي قلكون يا صاحبين العضلات المفتولة و الذمم الواسعة بس تنحطو تحت هيك ضغوط بقو كونو وطنين أكتر منو لك حتى لو خان بلدو بفترة من الفترات بيكفي أنو رجع و وقف جنب شعبو يلي عم يدور على قشة .
يلي بدي افهمو من الشباب الطيبة هون يلي عم تحكي و تعارض و تضرب بهالبلد
لأيمت بدنا نمسك هالكلمتين و نضل ناتعينون على ضهرنا مافي غير ( دكتاتوريين - و ماعم نتطور )
و الله حاسس حالي عايش ب سانباولو يا عمي ما أنا متلي متلكون عايش بهالبلد و ابن هالبلد
أنتو حاسيين بالقهر و الظلم و أنا مرتاح و متفائل معناتا يا العطل فيكون يا العطل فيني و سيدنا الأيام الجاي بتشوف مين فيه العطل
بعدين قصة هسام برجع و بقول يلي معتبرو عميل مزدوج و يلي قرف منو لك شو ماكان يكون لك يكون خاين ماشي و هلق حب يساعد بلدو بيضل أشرف من مليون واحد ساكت و قاعد عم يبعبع على الفاضي
سيدناااااااااااااااااا كل ديك عم مزبلتو صياح و الغدو لناظره قريب 8)
و رجاء خاص و عام أنا تقلت بالحكي عذروني بس بيضل أخف من المسبات يلي ك يوم عم أقراها هون
سلامات :D

here i am تحياتي ألك يا غالي :D

مرحبا هير اي ام

روق معلم ... وحياتك مو مستاهلة

ازا بتسمحلي حبيب بس برواق ...

خيو انت عم تسأل ازا العطل فينا و اللا فيك تمام؟
برأيي الشخصي العطل فيك ...
ما عم استلمك عشرة بلدي و لا من يحزنون، رح خبرك ليش العطل فيك

لأنو نحنا ما عم نكزب ع حالنا، عن نقول شو عم نشوف ... ببساطة عم شوف نص شعبي امي ... و اكتر من نص يللي ما لو امي ما معو غير تاسع

عم شوف وضع المستشفيات تقول عايشين بتشاد ...
عم شوف اسعار البيوت و السيارات تقول رح تشتري البيت بمانهاتن او بالشانزيليزيه
عم شوف المحابيس اكتر من طلاب المدارس
عم افتح الاخبار ع القناة السورية كل ما بدي اضحك من مبدأ "شر البلية ما يضحك"

ممكن اسألك سؤال ... ازا حابب اقرا شي كتاب بهالبلد ... كم مكتبة في ما عدا مكتبة الاسد و المكتبة الظاهرية ؟؟؟

بعاصمة متل دمشق ... يا حزرك كم مسرحية بينعرض ؟؟؟
كم سينما مرتبة في عنا ؟؟؟

طيب اتطلع ع الشام قبل 40 سنة و عد كم مسرحية كام بينعرض و كم سينما محترمة للعائلات كان موجود و بعدين خبرني ... هلأ نحنا اكيد عم نتقدم ... بس يا ريت تخبرني ازا عم نتقدم لقدام و اللا لورا

بلا الثقافة سيدو ... صحيح هيي الغذاء الاعلى للروح حسب ما قال حافظ الاسد ... بس بلاها حدها البلي

شفلي المستشفى الانكليزي .. يللي هلأ صار اسمها الزهراوي ...
كانت اكتر مستشفى محترم بالبلد ... هلأ صايرة الله وكيلك متل المشرحة ... حتى المشرحة انضف شعرة و يا ريت شباب الشام يكزبوني ازا كنت عم احكي شغلة غلط

بلا الصحة السيدو ... اولا عن آخرا الاعمار بايد الله ........ و اميركا، كمان حدها البلي

اتطلع ع المدارس ... شفلي ايمت اخر مرة حدثوا المناهج
اتطلع ع الجامعات

طيب بلا العلم ... معلش رح سايرك و اضحك ع حالي و انسى "اطلبوا العلم و لو في الصين" و هالعلاك هاد، كمان و كمان حدو البلي

و ما بدي حاكيك عن البترول لأنو عن جد يمل و ما بتوقع انو تفاجئني بجواب يخش الدماغ

انو ما خبرتني مجد عفت سماك لما كنت عم تعمل معاملات الاتصالات بالشام و اللا ضل فيك روح ؟؟؟
ما خبرتني ... لو كان عنا نظام تصنيف تعليمي احسن من البكالوريا ... بشرفك كنت رح تسيب فرصة الجامعة تضيع من ايدك ؟؟؟

طيب عال
انا زلمة نقاق

ع مين برأيك لازم حط الحق ؟؟؟ ع اسرائيل ؟؟؟ ليش شو خص تحرير الجولان او فلسطين ببناء المستشفيات ؟؟؟؟

ع اميركا ؟؟؟؟ ليش شو خص اميركا بنظام التعليم ؟؟؟؟

طيب حط الحق ع ابي لأنو خلفني ؟؟؟ من مبدأ "هذا جناه علي ابي و ما جنيت على احد"؟؟؟
والله هوي كنت رح كون ممنون لو انو خطف رجلو ع شيكاغو كم شهر لبين ما كان خلفني

بس اكيد ما فيي حط الحق عليه ... يعني الزلمة الله يعطيه العافية عمل يللي عليه و اكتر

بتعرف شو ... حسب ما بشوف ... بلاقي انو الحق بينحط ع الجهة يللي المفروض تأمن هالاشيا
ع الجهة يللي كتبت بدستور بلادي انو هيي قائد الدولة و المجتمع

طيب برأيك انا و اللا ابو النسيم و اللا غيرنا ... خونة لأنو عم نطالب بحقوقك و حقوقنا ؟؟؟


خيو ابو النسيم ... بس تعرفلك شي طريقة تصير فيها مهجن ... تزكرنا بالخير خيو

و دمتم :7asheesh:

كريمو ...
اتطلع قرا ردي يلي قبلو بتعرف أنو أنا ماني ضد هالحكي كلو
كنت عم قول و بقول أنا ضد الفشل الداخلي ماني معو و بقلك في مشاكل داخلية كتير
و وضع اقتصادي سيئ و تراجع حضاري واضح و أنت قلت كتير شغلات واضحة و قوية
خلينا نبلش بالتعليم
دولتك مألزمة التعليم لصف التاسع يلي بيحب يتعلم يتفضل

المشافي
معك حق كل المشافي العمومي فاشلة درجة أولى بس صار عنا مشافي خاصة و مرتبة و بمجال التطوير توقع عقد المستشفى الألمانية السورية على أنو رح يكون أكبر مركز صحي بالشرق الأوسط

صناعيا
المدينة الصناعية بحسية عم يشتغلو فيها و يلي راح شافها بيعرف أنو مدينة صناعية على مستوى كبير و إذا بتحب شوف الشركات الصينية المشاركة بس

أعلاميا
بقلك نشرات الأخبار و الجرايد تبعوتنا فاشلين بالمية مية بس بقلك كمان بلشو يعبرو بالأعلام لو بمسلسلات ... ماعم برر بس عم قلك أنو بلشنا نحط رجلينا عالطريق

الاستيراد و التصدير أنت أكيد بتعرف أنو سمحوه من جديد يعني الخير لقدام

هلق بدنا نشوف شغلة رح أحكي على مجتمعي على حمص يلي ساكن فيها مشان ما أغدر ببقيت المحافظات يعني رح أحكي شوفت عيني من 5 سنين لهلق

1 - ثقافيا : في مدارس انفتحت بحمص بهالسنة بالتحديد فوق ال 12
جامعة البعث أكبر جامعة بسوريا و ضمت 3\4 الفروعة و ماشيين بالربع الأخير
التعليم المفتوح : صحي غالي مقارنة مع مدخول الموظف بس و مع هيك بتلاقي كل فرع مسجل فيه فوق ال 30000 طالب بالقليلة
مكاتب خاصة لشراية الكتب مو للقراي بس أنو كدور نشر في 2 كبار السنة فتحو و معرض الكتاب فاتح يوميا

2- الطرقات :
حمص كانت معروفة أم الحفر و الجور
صارت كلها رصيف موحد و الطرقات كلها مرتبة و مزفتة طبعا مابيخلى الأمر بيلتقى متل سوق الجاج و سوق الحرمية منكوشين لسى


3 - المشافي العامة متل ماهية لساتها بأرضها بس صار مشافي خاصة كتير و كلها بتعبي العين و مرتبة

4- البيوت :
بكل دول العالم مستحيل عالمواطن العادي يتملك بيت حتى أكتر من عادي بتلاقي مستأجر ليش يمكن لأنو البيوت رخيصة كتير مو
هون بتلاقي موظف قدران يأمن بيت و يسكن فيه

هي بشكل ملخص ما عم قلك صرنا مناح عم قلك عم نشتغل على حالنا

بعدين شفلي مجال المعلوماتية من 5 سنين و لليوم قلي ما تطور
شفلي الكهربا من 5 سنين و لليوم قلي لساتها بتنقطع
شفلي المي من 5 سنين و لليوم لساتنى عم نشتري بيدونات مي ؟
شفلي المواد الغذائية كلو متوفر ولا لاء ؟


و رح أرجع قلك أنا معك و مع أبو النسيم و مع كل واحد حابب سوريا تتطور بس أنا ضد أنو نقعد نحط المشاكل قدام عيونو و نتفرج و نقول ليك يالله و شوف شو عم يصير و حالة بتهوي طيب اتطلعلي من يومين شو كنا عم نسوي و اليوم شو عم نسوي
و مابدي قلك اتطورنا و تغيرنا و صرنا أحسن الدول بس لا يعمي .. بس كمان صرنا أحسن من وضعنا أول .

خيو مارح نقدر ننط لأنو ماعنا راصورات
بس بقلك ركاع لأميركا اليوم و وافق على سلام مع اسرائيل

تعى بكرا رح تشوف المعونات كت على شعبك و فيك تلاقي الكيتكات معباي السوق و الناغيتس عالبسطة
و بتشوف مرايات محطوطة بدال الباطون
بس بالمقابل كون دنب لألون

و دمتم على قولتك
سلام

شلون الشباب
صرلنا زمان ما تخانقنا ....

أول شي كريم .... طول بالك شوي يازلمة حاسس حالي عايش بمدغشقر أذا مو أضرب
يعني وقت نحكي عن الوضع الحالي مالازم انبالغ في
صحيح في أخطاء و في نقص و هيك شغلات بس أنا عبحاول أعرف أني بلد بالعالم مافي أخطاء أو نقص

هلء أنا بس بدي رد عليك بكام شغلة من اللي حاطتهن مشان نعمل شوية دعاية لبلدنا لأنو اذا فات شي حدا غريب و قرا هالحكي ما بيفكر بحياتو يجي على سورية

أول شي حكيتو عن المستشفيات و الوضع الصحي بالبلد
المشافي الحكومية بأي بلد بالعالم تعيسة لأنو أنت بتعرف مواردها ضعيفة و لح أعطيك مثال أميركا أنو أنت ممكن تموت بالمستشفى لأنو ما أجاك دور تطسطحلك على شي تخت
بعدين مالقيت غير أتعس مستشفى ببلدك
شوف الأسد الجامعي شوف المواساة شوف الطب النووي هادا غير الخاص طبعا
بعدين يازلمة نص اللبنانية بيخلفو ولادون عنا بالمستشفيات الحكومية و منها الزهراوي وشوف بالصيف بتلاقي الجلاليب الخليجية يعني معبين المستشفيات و العيادات عبيحكمو سنانهن

بالنسبة للتعليم فآخر مرة حثو المنهاج في كان من سنتين و لساتو التحديث شغال كل سنة بسنتها لأنو مافيك تحدث البكالوريا ضغري ...
و بالنسبة للأمية نحن عنا التعليم ألزامي لصف التاسع بعد ماكان للسادس يعني بعتقد الرقم اللي قلتو مبالغ في شوي

هلق أسعار البيوت بتعرف أنت أنو الشغلة عرض و طلب و البيوت غالية بس بقلب المدن يعني طلاع لبرا شوي بترخص و هلق المشاريع السكنية شغالة لدين أبو موزة و أسعار السيارات صحيح غالية بس هي نزلت للنص من سنة و صارت تقريبا متل أسعار الدول المجاورة ...تقريبا

المكتبات في كتير بس أهم تنين اللي ذكرتهن و مشان المسرحيات كمان ملان و هلق في مسرحية للماغوط ما بعرف شو أسمها ( قوم عود سكوت ) هيك شي
و السنما في وحدة و بزيادة بما أنو مافي عنا صناعة سينما فوحدة بالشام بتكفي و مو مستاهلة نطير الحكومة مشان هالشغلة
ومشان معاملات الأتصالات بالشام صار في شركات خاصة و أرخص من الحكومة و بدقلهن تلفون بيجو راكدين لعندك
و مشان نطلب العلم لو من الصين صار فيك تروح على دير عطية وتطلب العلم
لك الحواش يلي هيي ضيعة بوادي النصارة صار فيها جامعتين وحدة ألمانية و التانية فرنسية

يعني خليك متفائل شوي و مافي داعي لكل هالتشاؤوم
و بالنسبة للحق على مين أنا لح قلك الحق على مين

الحق علينا لأنو نحنا أذا رايحين نزور مريض بالمستشفى مناخدلو طنجرة كوسة محشي
و منكب السيجارة بالارض و مندعس عليها مشان تطفي على أساس
ما بعتقد أنو حزب البعث ألو علاقة بأنو العالم اتبزق و تمخط على الأرض بالمستشفيات
لك شوف منظر الزبالة حولين الحاوية بتعرف شو نوعية هالعالم و لا كمان الحق على حزب البعث
و أذا واحد شحط أبنو من المدرسة مشان يروح على ورشة الدهان تبع أبو أو على حواش الكرز كمان الحق على حكومة الجليلة

الأصلاح ببلش فينا و كل واحد يصلح نفسو بعدين يصلح اللي حولي
لأنو اذا طار حزب البعث من السلطة لح تصير جامعة دمشق كامبردج أو هارفرد
لك روح على الجامعة وشوف الطلاب اللي بمقصف الطب أكتر من اللي بالمحاضرات بشي عشرين مرة
وهي اللي عبطبق عريس و هادا اللي أعجب بمفاتن شي وحدة بارزين مفاتنها .......

داق خلقي
و منرجع منكفي بعدين

حبيب القلب يا أبو النسيم أنا حكي عالغادري لأنو ممثل للمعارضة السورية و عامل حالو أشرف من عليها
و هو إذا بدو يفوت على سوريا مابيفوت غير على دبابة و ماننسى وعودو القوية لليهود بالمتاحف ولا ننسى حبو البريئ ل أميركا
و أنا ذكرتو لأنو بمثل المعارضة غير البناء و يلي بتتميز باللعي و العلاك الغير منتهي يلي ما ألو طعمة و يلي بدون زعل عم نشوف منو كتير هون
يا حبيباتي يلي عم تقرفو من هسام هلق و يلي شوي تاني انصابكون اسهال من حكيو و من منظرو ليش ماصار فيكون هالشي وقت كان شاهد ضد سوريا هي شغلة تاني شغلة كلمة سامبول أنو شو هو هيفاء وهبة أو هو يلي حقق معون لأنو شاف كل العالم بالمونتيفيردي حسيت جبران تويني عم يحكي :p لأنو هي الجملة هو قالها
حبيبي المونتفيردي من يوم يومها معباية بالمسؤوليين و واحد طالع و واحد فايت و الزلمة حكى انو ما قعد معون بس شافون هنيك متل السفير الفرنسي قال أنو شافو هنيك بس ما قعد معو بقى ما تلفو القصص و تلبسوها تياب عريضة
بعدين مجود بتيجي بتقلك ليش شهد بالأصل ضد سوريا و بما أنو شهد لو غصب العنو فهو خاين
بس بدي قلكون يا صاحبين العضلات المفتولة و الذمم الواسعة بس تنحطو تحت هيك ضغوط بقو كونو وطنين أكتر منو لك حتى لو خان بلدو بفترة من الفترات بيكفي أنو رجع و وقف جنب شعبو يلي عم يدور على قشة .
يلي بدي افهمو من الشباب الطيبة هون يلي عم تحكي و تعارض و تضرب بهالبلد
لأيمت بدنا نمسك هالكلمتين و نضل ناتعينون على ضهرنا مافي غير ( دكتاتوريين - و ماعم نتطور )
و الله حاسس حالي عايش ب سانباولو يا عمي ما أنا متلي متلكون عايش بهالبلد و ابن هالبلد
أنتو حاسيين بالقهر و الظلم و أنا مرتاح و متفائل معناتا يا العطل فيكون يا العطل فيني و سيدنا الأيام الجاي بتشوف مين فيه العطل
بعدين قصة هسام برجع و بقول يلي معتبرو عميل مزدوج و يلي قرف منو لك شو ماكان يكون لك يكون خاين ماشي و هلق حب يساعد بلدو بيضل أشرف من مليون واحد ساكت و قاعد عم يبعبع على الفاضي
سيدناااااااااااااااااا كل ديك عم مزبلتو صياح و الغدو لناظره قريب 8)
و رجاء خاص و عام أنا تقلت بالحكي عذروني بس بيضل أخف من المسبات يلي ك يوم عم أقراها هون
سلامات :D

مظبوط مجد انا قرفت ..
من قبل كان كره لهل الشخص لانو تنازل و ضعف و ادلى بهيك شهادة .. بس لما صارت شغلة رجعتو و ظهورو متل الابطال ... هاد خلاني حس بهالاحساس لأول مرة تجاه مخلوق بشري .. كرهت حقدت ... بس هالشعور ما صار من قبل ...

يلي بدي افهمو من الشباب الطيبة هون يلي عم تحكي و تعارض و تضرب بهالبلد
لأيمت بدنا نمسك هالكلمتين و نضل ناتعينون على ضهرنا مافي غير ( دكتاتوريين - و ماعم نتطور )

لو سمحت لا تحكم عالناس بدون ما تعرف شو هنن و شو عاشو ... يلي عشتو انا من وقت كان عمري 10 سنين ما حدا منكن عاشو .. وقت بيجي واحد مخابرات مشان يحقق مع طفلة عمرها 12 سنة .. و قت بسحبو امها قدام عيونها على سيارة البيجو .. وقت قت وقت ... شو بدي عدلك و احكيلك .. بالنهاية شو بتوقع من هالطفلة .. انها تكبر على حب الحكومة و السلطة ....
قد ما شكرتلي و مدحتلي صعب ... بيجوز وضعك مو متل وضعي .. بيجوز وقت كنت انت قاعد عم تاكل موز ... انا كنت عم فكر بأمي المعتقلة (رهينة) و ابي المتخفي المهدد بكل لحظة ...

و تسلم للسلطة يا مجد

مظبوط مجد انا قرفت ..
من قبل كان كره لهل الشخص لانو تنازل و ضعف و ادلى بهيك شهادة .. بس لما صارت شغلة رجعتو و ظهورو متل الابطال ... هاد خلاني حس بهالاحساس لأول مرة تجاه مخلوق بشري .. كرهت حقدت ... بس هالشعور ما صار من قبل ...

يلي بدي افهمو من الشباب الطيبة هون يلي عم تحكي و تعارض و تضرب بهالبلد
لأيمت بدنا نمسك هالكلمتين و نضل ناتعينون على ضهرنا مافي غير ( دكتاتوريين - و ماعم نتطور )

لو سمحت لا تحكم عالناس بدون ما تعرف شو هنن و شو عاشو ... يلي عشتو انا من وقت كان عمري 10 سنين ما حدا منكن عاشو .. وقت بيجي واحد مخابرات مشان يحقق مع طفلة عمرها 12 سنة .. و قت بسحبو امها قدام عيونها على سيارة البيجو .. وقت قت وقت ... شو بدي عدلك و احكيلك .. بالنهاية شو بتوقع من هالطفلة .. انها تكبر على حب الحكومة و السلطة ....
قد ما شكرتلي و مدحتلي صعب ... بيجوز وضعك مو متل وضعي .. بيجوز وقت كنت انت قاعد عم تاكل موز ... انا كنت عم فكر بأمي المعتقلة (رهينة) و ابي المتخفي المهدد بكل لحظة ...

و تسلم للسلطة يا مجد
يا عمتي أنا ماعم قلك نحن صح و عم قلك في أغلاط و أغلاط كتير بس ماني مع نوقف ضد سوريا بهالوقت الموضع كلو على هسام و أنا ماني مع أنو نستهزء بهالشخص و خصوصي بهيك وقت
أنا بالنسبة ل أهلك فأنا بعتذر عنجد منك و من الكل بس مافي بلد بيخلى من هيك غلطات و مانها سوريا عنوان هالشي البشع
ستنا برد بعتذر منك و فهمو شو قصدي أنا ضد المعارضة و فسفستها بهالوقت سوريا بدها بالزايد واحد يوقف جنبها مو يتفقس عليها
يا عمي مو كرمال الحكومة لك كرمال الشعب
سلام و استرو ماشفتو منا

أنا أحييك here i am و أتفق معك في كل ما قلته .......
و لكنك أخطأت خطأً ًً فادحاً حين جمعت ( فريد الغادري ) و ( نهاد الغادري ) في نفس الخانة .........
صحيح أن الأول هو ابن الثاني و أنهما معارضان ...
و لكن فريد الغادري هو من المعارضة السلبية الساعية إلى السلطة و المال بأي ثمن حتى
لو كان الشعب و الكرامة و السيادة .............
أما نهاد فهو من فئة المعارضين الوطنيين و الشرفاء ...
و هو رئيس تحرير صحيفة المحرر العربي الرائعة ... ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
و يمكنك متابعة أفكاره و كتاباته في الصفحة الثانية من الصحيفة المذكورة ...
و هي في معظمها تكون قراءة واقعية و منطقية للأحداث التي تخص سوريا
و هو يدافع عن سوريا في أي ضغط تتعرض له ................
و في أغلب الأحيان يختتم كتابته بالقول :
( ليس دفاعاً عن النظام ... و لكن دفاعاً عن سوريا )

قبل ما بلش نقاش بتمنا أنو ما حدى يفكرني عم دافع عن شخص الغادري
أنا عم ناقش لوضح وجهة نظر وحاول أمحي من الصورة السيئة يلي رسمها النطام للمعارضة


بعدين ميت بوسة لحبيب قلبي here i am و أنا أول مرة بتناقش


ماننسى وعودو القوية لليهود بالمتاحف ولا ننسى حبو البريئ ل أميركا

هل الكلام بيتم كلام جرايد وبعبعة صحفية وتشهير مو أكتر والزلمة نفى أنو يكون وعد هيك وعد
بعدين لحطك بصورة الموضوع
يلي أعطى هي التصريحات هو نبيل فياض الكاتب والباحث والناقد الفكري المعروف ويلي أنا بحطو على راسي من فوق من شدة أعجابي بكلامو ونقدو ا للفكر الديني العفن

نبيل فياض كان منظم لحزب الأصلاح السوري الذي يتزعمه الغادري بعد فتره تبين أنو في خلاف صار بين الغادري وفياض على زعامة الحزب المهم فياض نسحب من الحزب مصار يشهر بلغادري والغادري نفس الشي صار يشهر بزلمة


هلق أهم نقطة لتعرف مصداقية فياض بنقل الكلام وأنو هو زلمة بيجوز الأمن دازو على الغادري
أنو فياض حضر الاجتماع مع الغادري والمسؤلين الأسرائيلين وقت كلن بحزب الإصلاح وبعد ماترك الحزب وعلقت بين التنين ظهر المخبى وظهرت هي الاجتماعات



هلق عندي تسائل ليش نبيل فياض ما عتقلو الأمن السوري والزلمة صرح علانية أو ألتقى بمسؤلين أسرائيلين هو والغادري والدكتور كمال البواني المعارض الشريف وصاحب الفكر النير اللبرالي ومن معارضي الداخل ومن مؤسسي حركة ربيع دمشق ليش اعتقلوه وشهرو فيه وبيجوز يحكموه مؤبد والزلمة كان واضح وصريح وشفاف مع السلطة وصرح أنو مانو مع أي تدخل عسكري

يعني ما عفهم واحد بيشوف أسرائيلين معليش واحد بيلتقي مع الأمريكان مو معليش

هي مصداقية برئيك ما عم أفهم هل النظام شلون ماشي

بعدين لقلك شغلة المعارضين السورين في الخارج وعلى اختلاف انتماءهم السياسي من أخوان لتحالف ديمقراطي لوطنين أحرار ............................الخ من جماعة المعارضة المنفية بيتمو أحسن وأشرف من أي مسؤل بهل النظام العفن في شوية تحفظ مني على الأخوان بس الجماعة موضحين أنو مانون متل ما صورون النظام وهلق أنا ضدد أي نظام ديني بدو يدر البلد

و إذا بدك بشرح لك عن هل النقطة لبكرة

أخر شغله أنت بتعرف كيف الأعلام السوري مهزلة و مسخره لأبعد الحدود ما في مصداقية ولا شفافية
أعلام القطيع هي أسلم وصف ألو

أنا أتحدى أي شخص يكون قارئ عن التنظيمات المعارضة وفهمان تمام مين هن الأشخاص يلي بيديرو هل التنظيمات بتحدى يحط وحده على أي تنظيم

ما عدى الأخوان
و الإصلاح بدو قعدة ونقاش طويل

بقى سياسة التخوين والتظليل الإعلامي ما عاد تنفع سدقني يلي بدو يشوف الطرف الأخر ما بدو يطلع من منظور السلطة بدك يكون حيادي شوي بعدين تختار يلي بتلاقي أنسب


ولقلق شغلة النظام السوري الحالي من أكثر الأنظمة التي مرت على سوريا أستبداد وطائفية و خيانة

يا أخي الرئيس بشار ومن حوله مستعدين يحرقوا البلد مع ناسها بس مشان يتمو على الكرسي

وسدقني مستعدين يبوسوا رجلها لأمريكا ويحطوها على راسون المهم الكرسي والمنصب

و أمريكا مانها أحسن أمريكا بتهمها مصلحتها وهل الكلام المعسول عن الديمقراطية كلام فاضي أمريكا بدها نظام على كيفها أذا كان عهل النظام لين ومطيع بتخليه بلحكم و أذا رفس بتشيلوا


متل صدام وهلق نحنى أذا رفس نظامنا كتير بدون يدوسوه ويشيلوه


ولي عودة

أبو النسيم حبيب القلب
أنا ماني هون بموقف محامي الدفاع عالنظام ولاني الرسول المبشر بأهداف النظام
حتى بالأصل مابشارك بالمنبر غير لأنو الموضوع استفزني
أنا مع سياسة سوريا بهالفترة و ضد أي واحد بيوقف ضد سوريا برجع و بقلك كرمال الشعب
و الشي يلي خلاني اتدايق هو تشويهون ل هسام و الطريقة يلي عم يتعدو فيها على شخص كان منيح أو كان خاين بلحظة من اللحظات وقف جنب بلدو
أما مشان الغادري فاياسيدي الله ييسرلو و أنت قلت أعلام و عم يضربو ببعض و الأعلام كلو حطو تحت باطك يعني ممكن يكون الشي يلي نحكى صح و ممكن هالشي يكون غلط
سيدنا ....
القصة و مافيها يابني سوريا يا أيها الشعب المهجن و الغير مهجن و يلي على طريق التهجين يلي بدكون تسمون سمون
إذا بهالأيام ماكنا جنب بعض أكلنا هوا
لا أميركا بتفيدنا ولا غيرها ......
لك يلي بدي أفهمو هالكره يلي حاملينو علينا العرب كلون فيني افهمو ليش ؟؟؟
260 مقال كويتي كلون ضد سوريا ولا مقال واحد صف معنا
17 قناة أخبارية كل أخبارها ضد سوريا و لا وحدة معنا
مانا هلق بباب الصراعات الداخلية خلونا نسكت هالطاقة يلي انفتحت علينا و بعدين لكل حادث حديث
انشالله تكون وصلت الفكرة
تحياتي

نبيل فياض كان منظم لحزب الأصلاح السوري الذي يتزعمه الغادري
يا أخي .. منشان القرود حدد عن أي غادري عم تحكي ؟
و أمريكا مانها أحسن أمريكا بتهمها مصلحتها وهل الكلام المعسول عن الديمقراطية كلام فاضي أمريكا بدها نظام على كيفها أذا كان عهل النظام لين ومطيع بتخليه بلحكم و أذا رفس بتشيلوا


ما بختلف معك بهالشي
متل صدام وهلق نحنى أذا رفس نظامنا كتير بدون يدوسوه ويشيلوه
أول شي نحنا مو متل صدام ...
تاني شي : أمريكا ما كان بخطر عبالها تهاجم العراق لو أنو عندها شك 1/100 بوجود أسلحة دمار شامل . شوف كوريا الشمالية .. بتسترجي أمريكا تطلق صاروخ واحد عليها ؟؟؟؟؟؟؟؟؟؟؟؟؟؟
بعدين ما يخطر ببالك و لا ببال أي واحد تاني أنو أمريكا بتفكر مجرد تفكير بضرب سوريا
لأنو اسرائيل قريبة مننا و أي صاروخ مهما كان قديم و ضعيف بإمكانه الوصول لاسرائيل من أراضينا
و هالشي ما بتقبلو اسرائيل بأي شكل من الأشكال و رح ترضخ بسرعة
و أقوى دليل هو حزب الله ! ........... شوف شو عمل بالاسرائيلية
و حرب تشرين ! ................ شوف شو عملت
يعني اسرائيل رغم تطور جيشها و قوة اسلحتها بس ما بتملك الجندي الشجاع ........
و ما بتقدر لا هي و لا أمريكا تستخدم السلاح النووي ضدنا مخافة أن يؤثر على ارض اسرائيل
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
و كداخل أنا مو راضي أبداً من الحال ....... فساد و فقر و واسطة ........
بس حرية الرأي موجودة ! و نحنا أكتر بلد عربي بيسمح بحرية التعبير بعد لبنان
و بإمكان أي واحد يسب الحكومة ساعة ما بيريد ...
أنا شخصياً بلعن منيب صائم الدهر اذا انقطعت الكهربا 5 دقايق .
و بلعن بشير المنجد اذا بيتعطل الهاتف .
و أي واحد فينو يحكي بالسياسة الداخلية و الخارجية و قدام مين ما بدو ........
يعني ما عادت المخابرات تدقق متل الأول
و اذا بتقول غير هيك بتكون مانك صادق ( مع احترامي الك ) .
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
الله يرحم ايام حافظ الأسد . ( فقط كسياسة خارجية ) .

حاج يـــا
لك مين بدو عراق تانية... مين قال انو المعارضة الحقيقية بدها مساندة خارجية ... ليش عم ننكل ببعض
لسا حاطين نقرنا بنقر بعض ..
اي دولة حضارية فيها معارضة .. و دور هالمعارضة ايجابي مو سلبي ...
افهمو المعارضة مظبوط بعدين علقو و انتقدوها
------------------------------------------------------------------------------------------------------
منين طلع هاد هسام بيك ...
و ليش هلأ رجع لسوريا ... ليش اصلا رضي انو يشهد ضد بلدو .. لو تحت اي ضغط .. ايا كان اذا كان انسان بتهمو مصلحة بلدو لازم ما يستسلم للضغوط .. و طالما شهد ضد بلدو .. هاد بيعني انو خائن ... لو رجع بكلامو .. لو شو ما كان ...
انا هالقصة كلها ما ركبت براسي ... في خفايا و شغلات عويصة نحنا ما درينا و لا رح ندرا فيها ...
يعني بصراحة البارحة تابعت المؤتمر الصحفي .. بقرف
ممكن تفهمينا شو هي المعارضة
جماعة اعلان دمشق ؟؟؟؟؟؟؟؟؟؟
اللبواني طلع على اميركا ليبحث سبل التغير بسوريا
باين عليه انو انشان مثالي طلع على اميركا
ولا جماعة الغادري الي بدو يبني متحف لليهود بنص الشام والي ساوم السطة على رئاسة الوزراء ةلما ما قبلوا صار بدو الرئاسة من اميركا
ولا جماعة الكونغرس الاميركي السوري
اما الاخوان المسلمين المجرمين
مين خبريني
انا معارضة بس من نوع تاني معارض لكشي خطاء
ومع كلشي صح
انو بالنسبةو الكون سوريا بتصير متحررة سياسيا
لما بيصير الانسان بيقدر يسب على الرئيس
ولما الوزراء بيتهم بعض
ولما بتفلت الامور وقتها بتصير ديمقراطية
:jakoush: :jakoush: :jakoush: :jakoush: :jakoush: :jakoush: :jakoush: :jakoush:

وحش يا زين وحش .......... كلنا معك

اللبواني طلع على اميركا

وهيدا من عنااااااااااااااااااااااا ااا وهيدا من عنا وهيدا من عنااااااااااااااااااااااا اااااا وهيدا من عنا !!!!

خاين من عنااااااااااااااااااااااا ااا وخاين من عنا وخاين من عنااااااااااااااااااااااا ااااا وخاين من عنا !!!

هيك صيحات الأخوية المزبوطة :clap:

شفتو شلون !!!

يا جماعة مابدنا نزاود على بعض ونبيع وطنيات لبعض أذا مصلحة أمريكا بتصب بمصلحة الشعب السوري وبدها عنجد ديمقراطية حقيقية أنا أول واحد بصف مع أمريكا

أمى أذا كان العرض تنصيب ديكتاتور وديمقراطية مقنعه أنا أول واحد بحمل السلاح ضدها

وبنسبه لموضوع النظام سدقوني أذا مرت أزمه ميلس على خير وحيات الشباب ( أنا ما بحلف بالله لأنو ماني نمعترف فيه)

وحيات الشباب أذا الأخوية ما بتسكر وأذا ما بتزوروني بسجن أو بنكون بزنزانة وحدة

أنا بدي أعتزل العمل السياسي

بكرة لح يتفرعنو وماعاد حدى
يردهون




ودمتم للحرية

قال يافرعون مين فرعنك قلون مالقيت حدا يردني..........

نكوشة

و كمان بدي قلو لمجد ما حدا ضد سوريا هون

و بقول للباقي و زين خصوصا

انا تعبت عن الشعب بسبب سياسة لحس البوصطار حاجة
انهرا البوط من كتر اللحس الشعب عند هيك حكومة مو أكتر من (كوالا بتلمع لحالا)

سلام

سيزارو كل القصة أنو نحن مع سوريا هلق ولا لاء ؟؟
و خوفا عالشعب السوري مو أكتر
و سيزارو وحياة عينك لاعاد في بساطير متل أول ولا لحس ياعمي و الله البلد لقدام
بس بالنسبة بس مارح أرجع قلك نحن صح بس نحن بلد متل كل بلد فيها عطل و فيها منيح
و مالازم نسكت عالعاطل بس صدقني صرنا أحسن من كتير بلاد و ماشيين

أخبار هسام هسام بعد اعترافات خدام؟

والله بصراحة شو ماكان هسام وشو ما كان النظام فا احسن نظام بيلبق لشعبنا هيدا هو وغير هيك ما بيلبقلنا وحاج نشمت العالم فينا وكل واحد ياخد موقف مدري من وين نابع من حقد على شي موظف او قاضي او شي شرطي سير او مدري شو
مشكور ياأمور

أخبار هسام هسام بعد اعترافات خدام؟
!!!!؟؟؟؟:pos: