-
دخول

عرض كامل الموضوع : صورة للدكتور كمال البواني من داخل المعتقل

أبو النسيم
24/12/2005, 11:38
هذه الصورة للدكتور كمال اللبواني من داخل المعتقل ، يقف وهو شامخ مرفوع الرأس ، يؤكد من خلالها الصمود والتحدي والتصميم على متابعة المشوار حتى يتحقق التغيير الديمقراطي السلمي في سوريا وينال الشعب السوري حريته .


الحرية لجميع المعتقلين السياسين في سوريا
حسون
24/12/2005, 17:42
الحرية لجميع المعتقلين السياسين في سوريا




ميت :سوريا: :سوريا: :سوريا:
fady juventus
24/12/2005, 18:57
التغيير الديمقراطي السلمي في سوريا
(التغيير السلمي) هي الجملة كتير حضارية

الحرية لجميع المعتقلين السياسين في سوريا

أنا معك بهالمطالب
مدق
26/12/2005, 06:29
الله لا يردّوا نكّس عكالنا !!!

بس على كل حال أنا كمان بضم صوتي لصوتكن
الحرية لجميع المعتقلين السياسين في سوريا


لحتى يطلع من السجن ومارس حريتي الشخصية بالبـ ( صاق ) عليه 3 مرات يومياً

وبالنسبة للصورة بتصور انو أكيد بدو يرفع بطيختو ( راسو ) ويكون مبسوط ....
يعني واحد رايح آبضلو كزا دولار من USA ورجعان فيهن شو بدكن اياه يكون ... مزعوج ؟ !؟!؟!؟!؟!؟!
أبو النسيم
26/12/2005, 15:48
الله لا يردّوا نكّس عكالنا !!!

بس على كل حال أنا كمان بضم صوتي لصوتكن


لحتى يطلع من السجن ومارس حريتي الشخصية بالبـ ( صاق ) عليه 3 مرات يومياً

وبالنسبة للصورة بتصور انو أكيد بدو يرفع بطيختو ( راسو ) ويكون مبسوط ....
يعني واحد رايح آبضلو كزا دولار من USA ورجعان فيهن شو بدكن اياه يكون ... مزعوج ؟ !؟!؟!؟!؟!؟!



أخ قديش بدو شعبنا ليصير فهمان


طول عمرو شعبنا جحش وبيستاهل هيك نظام داعس على راسو :jakoush: :jakoush: :jakoush: :jakoush:
yamen_h
26/12/2005, 16:24
أخ قديش بدو شعبنا ليصير فهمان


طول عمرو شعبنا جحش وبيستاهل هيك نظام داعس على راسو :jakoush: :jakoush: :jakoush: :jakoush:

لا تنسى انك من هالشعب الجحش ....:jakoush:
أبو النسيم
26/12/2005, 19:58
لا تنسى انك من هالشعب الجحش ....:jakoush:

أقراء منيح بين السطور بتعرف تلاقي جواب ما لح رد أكتر من هيك
minime1967
28/12/2005, 11:16
يالطيف هلدنيا شو عجيبة .. من أحضان البيت الأبيض لأحضان البعث ... والله شي بيحط العقل بالكف..ن

غدار يازمن ...
fady juventus
28/12/2005, 20:13
هلأ أنا مو سمعان بهالزلمة غير بخبر اعتقاله عالMBC

بس اللي لفت نظري وقت طلع الخبر كيف كانت الMBC مقهورة والحكي اللي حكوه بيسم البدن

وكأنو إعتقلنالهن سعد الزفت أو أحمد زفتت أو وليد جن ظراط ؟؟؟؟
agha
29/12/2005, 04:06
هلأ أنا مو سمعان بهالزلمة غير بخبر اعتقاله عالMBC

بس اللي لفت نظري وقت طلع الخبر كيف كانت الMBC مقهورة والحكي اللي حكوه بيسم البدن

وكأنو إعتقلنالهن سعد الزفت أو أحمد زفتت أو وليد جن ظراط ؟؟؟؟
هلء شوي يا ابو النسيم بالغت بجعل هالزلمة و كأنو بطل مقاوم يعني حسيت من كلامك أنو وليم والاس أو عمر المختار اللي بالصورة
بالنسبة لكمال اللبواني فهو بعد ما تخرج من الجامعة توظف بمستوصف تابع لوزارة الصحة و كان فاتح عيادة بيفصل بين غرفة المعاينة و الإنتظار برداية هزيلة
يعني بمختصر الحال كان زلمة حالتو المادية سيئة و ماكان ألو علاقة بالسياسة لامن قريب ولا من بعيد
بعدين و بكام ليلة وضحاها عمر فيلا و صار عندو سيارة و حالتو من أحسنو كيف ؟ ماحدا بيعرف كيف
بعدين سافر على السعودية لمدة تلات سنين اشتغل فيها بالبناء متعهد يعني كمان كيف ؟ ماحدا بيعرف
ورجع و صار كل ما يعد مع واحد ببلش بالدولة و بالحكومة و من هالحكي
يعني صار زلمة سياسي و انتسب للحزب الشيوعي و من مجميعو .
وبعدين صار من جماعة حقوق الأنسان قبل ما يعتقل لأول مرة بعد ما اتصل بقناة الجزيرة و اتطاول بالكلام على رئيس الجمهورية
بالنسبة لكمال اللبواني كشخص فهو غير محبوب أبدا من أبناء منطقتو ( الزبداني ) و حتى يحكى كتير عن مرات اعتدي عليه بالضرب من اشخاص عاديين ( خضرجية و شوفيرية هوندايات )

و يمكن مدق لأنو من المنطقة و بيعرف هالزلمة فأنا بضم صوتي لصوتو .....
fady juventus
29/12/2005, 11:06
بالنسبة لكمال اللبواني كشخص فهو غير محبوب أبدا من أبناء منطقتو ( الزبداني ) و حتى يحكى كتير عن مرات اعتدي عليه بالضرب من اشخاص عاديين ( خضرجية و شوفيرية هوندايات )

ههههههههههههههههههههههههه ههههههههههههههههههههههههه هه
:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:
Tarek007
29/12/2005, 19:17
بصراحة انا ما بحبوا لكمال البواني ...لأسباب يطول شرحها

بس بنفس الوقت أنا ضد التهجم عليه بشكل هزلي بهل الشكل ....من قبل اغا و فادي

ملف كمال اكبر من هيك .........و الشغلة مو شغلة هوندايات و بطيخ مبسمر
يعني بالذمة ....ما حدا اتخانق مع شوفير تكسي او مكرو بحياتو
او حدا كان مفلس و صار معو ( شوية ) لاحظ شوية مصاري




ع كل الاحوال بتضل شخصية هيك معارض انضف بمليون مرة من اي مسؤول ### اخت البلد
fady juventus
29/12/2005, 22:16
أنا ضد التهجم عليه بشكل هزلي بهل الشكل ....من قبل اغا و فادي
ملف كمال اكبر من هيك .........و الشغلة مو شغلة هوندايات و بطيخ مبسمر
يعني بالذمة ....ما حدا اتخانق مع شوفير تكسي او مكرو بحياتو
او حدا كان مفلس و صار معو ( شوية ) لاحظ شوية مصاري
ع كل الاحوال بتضل شخصية هيك معارض انضف بمليون مرة من اي مسؤول ### اخت البلد
طول بالك أبو طريق:lol:
حقك علي:p :سوريا:
بس هه ليكك عم تتهجم كمان على المسؤولين وعم تسب البلد;-)
على كل أنا ما قدرت مرق كلمة الخضرجية وشوفيرية الهوندايات(والله حلوة وملعوبة)
حقك عليي مرة تانية ولو إنو ما بيهمني هاد المعارض كشخص
بس بيهمني المبدأ
مرتزقة ولا معارض شريف
لأنه إذا طلع قابض عملة من الأميركان ف...عليه وعلى كل من لف لفه لأنو بيكون عم يبيض علينا ويبيعنا شرفيات وهوي عم يقبض من برا
يعني دخلك وقتها شو بيفرق عن المسؤول اللي عم يسرق
حسون
29/12/2005, 23:40
مرتزقة ولا معارض شريف

هادا المبدأ ما بدل غيرعلىخضوعالبعثيين و قبولهون بالزل
agha
30/12/2005, 00:48
بصراحة انا ما بحبوا لكمال البواني ...لأسباب يطول شرحها

بس بنفس الوقت أنا ضد التهجم عليه بشكل هزلي بهل الشكل ....من قبل اغا و فادي

ملف كمال اكبر من هيك .........و الشغلة مو شغلة هوندايات و بطيخ مبسمر
يعني بالذمة ....ما حدا اتخانق مع شوفير تكسي او مكرو بحياتو
او حدا كان مفلس و صار معو ( شوية ) لاحظ شوية مصاري



بالنسبة للخضرجية و شوفيرية الهوندايات اللي أنا حكيت عنهم فهنن ولاد بلدو وقرايبينو
و هو أنضرب مو مشان خناقة صغيرة أو مشكلة انضرب مشان شغلة أكبر من هيك و أنا ما كنت عبتهجم علي بشكل هزلي بس هادا الواقع اللي صار

و بالنسبة للتفليس و صار معو شوية مصاري مع أنو هنن مو شوي
فهي قصة كبيرة لأنو شلتو للدكتور اللبواني من السيدة دعد موسى و غيرها
فماضيهن نضيف جدا
و خصوصي بتعاملون مع ضباط الامن الكبار اللي حضرتك ما بتحبهن يعني ملفو للدكتور مانو نضيف بنوب ;-)
Tarek007
30/12/2005, 04:21
أنا ذكرت انو في عليه خطوط حمرا كتير


المشكلة انو الملف كبير كتير و بدي شي اسبوع لإجمعوا

بس هو مو عن فساد بالمصاري ( و انا بستبعد يكون اخد شي من الامريكان )



بخصوص " عدل " التجمع العلماني الديمقراطي الليبرالي
و مواضيع تانية بتخص العمل مع المجموعة يلي كان عم يشتغل معها


رح حاول اجمع الملف قريباً
agha
30/12/2005, 06:13
يا سيدي
شوف شو بيطلع معك و خبرنا:سوريا:
Tarek007
30/12/2005, 06:17
اوكي مان :سوريا: :king:
fady juventus
30/12/2005, 10:49
هادا المبدأ ما بدل غيرعلىخضوعالبعثيين و قبولهون بالزل

1- أول الشي عم تقول بعثي وكأنها مسبة مشان هيك هيي مردودة عليك.
2- تاني شي أنا ما برضى بالزل يا فهمان ، وصرمايتي عايشة بكرامة أكتر من كتير عالم عم يبعبعوا هون وهنيك ويدعوا الشرف وهني دونيين وأسفل العالم.
3- معارض شريف ، ما عجبتك هالكلمة تصطفل بس ما تصير تعير الواحد بشرفه بعدين وتشد مع معارضين مو معروف قرعة أبوهن من وين.
4- ومشان الزل والكرامة والشرف وليش أنا تمقلست على كلمة الخضرجية والشوفيرية سماع منيح يا حسون هالقصة اللي صارت مع أخوك أبو الفود:

كنت مرة حاجز بالبولمان من الشام ع حمص الساعة /4/ آخر يوم قبل عيد لإخواننا الإسلام
وكانت الزحمة"بتعرف كيف" شي بيخوف" ، وكان التفتيش بطيء والوقت عم يمر والعالم عم تكتر
وضابط الأمن (شخص دوني تافه صرمايتي بتشرف عيلته مدري بيفك الخط مدري لأ )عم يتمضرط على هالخلق (طبعا في بنات بالدق) وهوي داحش هالمسدس ب...خصره وعم يتفتل متل الطاووس ، والمسافرين أغلبن طلاب جامعات وعساكر مع إنو في مشكل ملون من الناس
والضابط زنيفته قابه وعم يقول لهالعالم انتظموا .. اصطفوا .. قام بعدين قال عصب وفقعت معه وقال:
(ما بدكن تنتظموا إي خليكن هون يا دواب )

بيقوم أخوك أبو الفود بيصيح من بين الحشود
أبوك الدابة
وكل هالعالم والشرطة بظت عيونها عليي إلا الضابط حط راسو بالأرض والعالم اللي حواليي قالوا بالظاهر هاد مدعوم وبيضاته كبااااار؟؟؟؟؟!!!!!! بعدها صحت لشرطي فرجيتو كرت الحجز وأخدني لحالي عالباب فتشوني ودخلت.
تخيل ما قالوا إني ما برضى الإهانة أو إنو رديت المسبة ؟؟!! لاء قالوا إني مدعوم!!
يعني المدعوم عنده كرامة وهنن الناس العاديين معليش تنسب إمهاتن
بقى وأنا مواطن عادي مسكين بحياتي ما سكتت على إهانة لا كبيرة ولا صغيرة(حتى مرة كنت رح إضرب الموجه بالبكالوريا لأنه قلي حمار لوما يجي يعتذر مني وقت شاف ردة فعلي)
ليش لحتى شخص متل اللبواني يكون عم ياكل قتل من هالعالم إذا كان إلو شعبية وإحترام بين الناس.
أبو النسيم
30/12/2005, 13:54
هلء شوي يا ابو النسيم بالغت بجعل هالزلمة و كأنو بطل مقاوم يعني حسيت من كلامك أنو وليم والاس أو عمر المختار اللي بالصورة
بالنسبة لكمال اللبواني فهو بعد ما تخرج من الجامعة توظف بمستوصف تابع لوزارة الصحة و كان فاتح عيادة بيفصل بين غرفة المعاينة و الإنتظار برداية هزيلة
يعني بمختصر الحال كان زلمة حالتو المادية سيئة و ماكان ألو علاقة بالسياسة لامن قريب ولا من بعيد
بعدين و بكام ليلة وضحاها عمر فيلا و صار عندو سيارة و حالتو من أحسنو كيف ؟ ماحدا بيعرف كيف
بعدين سافر على السعودية لمدة تلات سنين اشتغل فيها بالبناء متعهد يعني كمان كيف ؟ ماحدا بيعرف
ورجع و صار كل ما يعد مع واحد ببلش بالدولة و بالحكومة و من هالحكي
يعني صار زلمة سياسي و انتسب للحزب الشيوعي و من مجميعو .
وبعدين صار من جماعة حقوق الأنسان قبل ما يعتقل لأول مرة بعد ما اتصل بقناة الجزيرة و اتطاول بالكلام على رئيس الجمهورية
بالنسبة لكمال اللبواني كشخص فهو غير محبوب أبدا من أبناء منطقتو ( الزبداني ) و حتى يحكى كتير عن مرات اعتدي عليه بالضرب من اشخاص عاديين ( خضرجية و شوفيرية هوندايات )

و يمكن مدق لأنو من المنطقة و بيعرف هالزلمة فأنا بضم صوتي لصوتو .....

أول شي أنا بحب رحب بآغا وشكرا على مرورك الجميل على الموضوع

تاني شي هلق لمى عم تحكي عن الزلمة وتقول أنو كان عندو عيادة فقيرة وماكان معو مصاري ومابعرف شو هاد الكلام بينحسب لصالح الزلمة يعني زلمة من قلب هل الشعب مانوا من الطبقة البرجوازية أو الطبقة المنتفعين والناس المطبلة لنظام
بعدين مانها عيبه أنو فقير كل المناضيلين بلعالم بيكونوا هيك ( فيدل كاسترو - نيلسون مانديلا) وكل الثورات يلي قامت بلعالم يلي قامو فيها ناس عادية ومن الطبقة الوسطى أو الطبقة المسحوقى

مثلا
(ليز فالينكا) كان كهربجي بمصنع برومانيا وكان موظف وبلحزب الشيوعي الروماني وقام ونتفض وتعاون مع الغرب ومع أمريكا وقاد هو والناس والطلبة والجيش و أمريكا قاد ثورة ضدد حكم الديكتاتور تشاوشيسكو طبعا كان الثورة الرومانية منظمة أكتر و مافي مجال لنحكي عنها هلق


يعني يا آغا ما ضروري السياسي يكون أبن عائلة سياسية ( متل الخواجات البنانيةجماعة الحكيكا)



يعني أنا عم أشتغل بسياسية مثلا

لازم يكون أبي سياسي أو مابعرف شو لحتى أشتغل سياسية العمل السياسي وحرية الرئي السياسية حق لكل مواطن سوري ولكل إنسان بلعالم وهد الحق بتكفلوا ياه جميع المواثيق والأعراف الدولية

بعدين

بنسبه لموضوع أنو كان شيوعي مزبوط الزلمة كان شيوعي ومن رابطة العمل الشيوعية بس الزلمة ما وافق على حمل السلاح ومواجه النظام ونسحب من الرابطة و أعلن هشي وقتها

وتم حبس الزلمة و أعتقلوا وعذبوه بسجن


بعدين كيف بدك الناس تعرفوا أذا قضى حياتوا بسجن شون بدنا نعرفوا أيام حكم الرب حافظ الأسد

لما مات الرب حافظ وصار في شويه مناخ حرية طلع الزلمة وكان من المؤسسين لما عرف بربيع دمشق ونشط بمجال حقوق الإنسان وكمان النظام الديكتاتوري الأسدي أعتقلو مرة تانية وحبسو

ورد طلع الزلمة وتم عم يشتغل بسياسة وبجميع السبل السلمية المتاحة و أسس هو وبعض المثقفين تجمع سياسي كتير حلو وحضاري أسمو التجمع اللبرالي الديمقراطي

بقى ليش كل هل التهجم على الزلمة والكره والحقد الأعمى

وعم تقلي الناس أعتدو عليه وما بعرف بيجوزالكلام صحيح وهاد الكلام إذا كان صحيح بيأكد كلمتي يلي رديت فيها على مدق أنو شعبنا جحش وبيستاها هيك نظام

انتظر ردوكم ولي عوده

سلام


وهي موقع الدكتور كمال اللبواني على النت فوتوا وتفرجوا على النتاج الفكري لهل الزلمة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
حسون
30/12/2005, 14:53
تاني شي أنا ما برضى بالزل يا فهمان ، وصرمايتي عايشة بكرامة أكتر من كتير عالم عم يبعبعوا هون وهنيك ويدعوا الشرف وهني دونيين وأسفل العالم.

إذا إنتا كنت بتقبل تكون تحت رحمت ديكتاتور و شلة حراميي و أنزال أكتر من أنو تكون عايش تحت حكم إنسان ديموقراطي شريف ليش لأنو مانو بعثي بيسوا فرانك هاد بدل على أنك قبلان بالزل قبلان بالسجون السياسيي قبلان بأنك تنسرق .................. إلخ
و بعدين البعبعة يلي بعبعتها حضرتك ما إلها معنى بنوب
معارض شريف ، ما عجبتك هالكلمة تصطفل بس ما تصير تعير الواحد بشرفه بعدين وتشد مع معارضين مو معروف قرعة أبوهن من وين.

إنتا فهمتني غلط
أنا انزعجت لأنك بتفضل الحرامي عن المعارض الشريف
و بعدين أنا ما بحب كمال اللبواني و لا فريد الغادري
كنت مرة حاجز بالبولمان من الشام ع حمص الساعة /4/ آخر يوم قبل عيد لإخواننا الإسلام
وكانت الزحمة"بتعرف كيف" شي بيخوف" ، وكان التفتيش بطيء والوقت عم يمر والعالم عم تكتر
وضابط الأمن (شخص دوني تافه صرمايتي بتشرف عيلته مدري بيفك الخط مدري لأ )عم يتمضرط على هالخلق (طبعا في بنات بالدق) وهوي داحش هالمسدس ب...خصره وعم يتفتل متل الطاووس ، والمسافرين أغلبن طلاب جامعات وعساكر مع إنو في مشكل ملون من الناس
والضابط زنيفته قابه وعم يقول لهالعالم انتظموا .. اصطفوا .. قام بعدين قال عصب وفقعت معه وقال:
(ما بدكن تنتظموا إي خليكن هون يا دواب )

بيقوم أخوك أبو الفود بيصيح من بين الحشود
أبوك الدابة

لك الله حيك يا بطل :gem: :gem: :gem: :سوريا: :سوريا:
شعبنا جحش وبيستاها هيك نظام

هلأ إنتا معارض عم بتطالب بالديموقراطيي و عم تحكي هيك
agha
30/12/2005, 16:37
أهلا فيك أبو النسيم

أنا ما كان أعتراضي على وضع الزلمة المادي
أنا أعتراضي على كيف صار وضعو المادي بين ليلة و ضحاها مع أنو العالم بتعرف البير و غطا
بكل الحوال خلينا ننتظر طارق قال عندو ملف أو هيك شي عن هالزلمة مع أنو أنا بعرف كتير عن الدكتور كمال اللبواني و حتى أني بعرفو شخصيا

بكل الأحوال خلينا ننتظر ما في شي ورانا

لك دخيلك يا رب :wink1:
مدق
30/12/2005, 17:59
الي حكي أنا كمان عن العلاقة الشخصية الي كانت بيني وبين المغضوب عليهم والضالين

لكن بانتظار تقرير طارق منشان يكون في مقارنة واظهار للصح والخطأ .

تحياتي للكل :سوريا:
Barleb
30/12/2005, 18:19
مازال بعضكن مو طايقو للدكتور كمال , و معتبروه حثالة المجتمع ليش
مكبرين الموضوع كل هل قد ,؟؟!!
krimbow
30/12/2005, 18:45
اضربولي فرام كلكم و خدوا تايم آوت

بغض النظر عن رأيي بشخص و افكار كمال لبواني ... بدي احكي عن مجمل ردودكم قشة لفة باستثناء رد طارق ...

لأنو هاد مو حوار هاد خوار

آغا و مدق:
زلمة معتر و صار معو مصاري ... هي تهمة ؟؟؟
بتصور انو الدكتور كمال طبيب بدولة من دول العالم التالت ... يعني كتير منطقي انو يصير معو مصاري
انو بدكم يانا نكرهو او نتفهم ليش انتوا بتكرهو ... لمجرد انو صار معو مصاري ؟؟
انو نضرب بالمندل يعني لنعرف كيف صار معو مصاري ؟؟؟

بعدين شو هالاسلوب هاد ؟؟؟ انو ما لازم نتفق مع اي برنامج سياسي إلا ازا كان متبنيه الله ؟؟؟ يا اما لازم نتفق مع عصابة الاسد ؟؟؟
انو بالله بهالطرح بشو بكون مختلف عن الاخوان المسلمين ؟؟؟

و حسب المعلومات القليلة يللي عندي عن هالزلمة ... ما بتصور انو كلامك او كلام مدق بيأثر عليه ... سياسيا

و بتمنى لما بدكم تتناولوه انو يكون في شوية منطق .. يعني مو يجي واحد يقللي كنت مرضان و ما استقبلني بعيادتو مثلا، او والله طول الوقت حاطط العلكة بتمو، او حب شي صبية، او ما بيصوم و لا بيصللي، و من هالعلاك المصدي هاد
بتمنى انو تحكوا عنو بطريقة سياسية لأنو يللي بيهمنا هوي جانبو السياسي ... بالتأكيد مع الجانب الاخلاقي

ابو النسيم:
المفروض انك ليبرالي، يعني عايش ع الارض، مو بكوكب تاني متل الشيوعيين و القوميين السوريين و لا باليوتوبيا متل الاخوان المسلمين .... بالمشرمحي المفروض انك واقعي
و طالما انت واقعي معناها يللي بيهمك هوي نتيجة اي تجربة
خلينا نحكي عن نتايج المناضلين يللي حضرتك ضربتهم كمثال ... خليني كفي الجانب المظلم يللي هوي اكبر بكتير من الجانب المضيء بصورة هالمناضلين

كفاية لليستة المناضلين عندك حافظ الاسد، جمال عبد الناصر، معمر القذافي، انور السادات، مصطفى طلاس، ستالين، و حرامية و نصابين و محتالين و سفاحين بيسدوا عين الشمس

يللي بدي قولو انو الفقر صحيح مش رزيلة ... بس بنفس الوقت ليس فضيلة

و الاهم ... انو جربنا نجيب شحادين و زبالين و نعملهم ارباب علينا و شفنا بالنتيجة سرقة بلاد و شعوب و طمع مالو والي

بقا لا حدا يضربلي مثاليات عن الطبقة المعدومة لأنو ما خرب بيتنا كشعب سوري غير وصولهم للحكم

و لمعلوماتك لما استلم حافظ الاسد الحكم بسوريا اجا عمك رفعت و جمع شلة من هالمعدومين يللي كملوا العصابة الاسدية و قللهم "معكم خمس سنين، و قدامكم البلد بحالها، ازا بعد خمس سنين بلاقي فيكم واحد فقير بقوصو بمسدسي"

و ع السيرة بس
بعد قيام ثورة اذار بسوريا
بييجي جدي (كان عندو سوبر ماركت بالصالحية) و بيتعرف على ضابط لمع اسمو بشكل مخيف فيما بعد، و بيستقري فيه مستقبلو بيقوم بيضرب صحبة معو
المهم انو بعد كم يوم جدي هداه لهالضابط قنينة نبيد فرنسي معتق، و نص كيلو جبنة روكفورد... و هيك هدية كان جدي متعود يهديها للسفراء و الوزراء بسوريا

تاني نهار بيسكروا محل جدي بالشمع الاحمر ... لأنو الجبنة (يللي هداها للضابط) طلعت معفنة:shock:
بتصور انو كلكم بتعرفوا انو جبنة روكفورد ازا ما كانت معفنة ما بيعود اسمها روكفورد ...

هلأ بخصوص كمال لبواني و شلتو
فقير غني ما بيهمني
بيشتغل سفير و اللا كهربجي ما بيهمني
يللي بيهمني انو مثقف، و واعي، و يللي بيهمني اكتر هوي برنامجو السياسي
و بصراحة برنامجو خارط مشطي

و دمتم :7asheesh:
agha
30/12/2005, 19:28
أول شي شلونك

بالنسبة لشغلة الحوار و الخوار فهي نقطة عليك لأنو فيني أعتبر هالحكي تهكم و لازم من حالك تعدل ردك

تاني شاي أنا مو اعتراضي على المصاري أنو معو ولا ما معو لأنو الزلمة كل اللي اشتغلو بالطب ما بيطلعو سنتين و ما بعتقد أنو في دكتور بالعالم التالت بيجمع ثروة بسنتين

و بالنسبة لبرنامجو السياسي فهو ناسخو من برنامج على شي فضائية عربية مو أكتر من هيك يعني حكي خيالي و للأسف مافي حلول منطقية

و مشان شغلة دمتم :7asheesh:
فدامت الأفراح بدياركن :D
حسون
30/12/2005, 20:50
المفروض انك ليبرالي، يعني عايش ع الارض، مو بكوكب تاني متل الشيوعيين و القوميين السوريين و لا باليوتوبيا متل الاخوان المسلمين .... بالمشرمحي المفروض انك واقعي

حبيب الشيوعيين واقعيين و عايشين عالأرض
و لمعلوماتك الماركسيي فلسفي قائمي عالعلم
بدي احكي عن مجمل ردودكم قشة لفة باستثناء رد طارق ...

إنتا ما حكيت شي عن ردي
بالنسبة لشغلة الحوار و الخوار فهي نقطة عليك لأنو فيني أعتبر هالحكي تهكم و لازم من حالك تعدل ردك

هاي معك حق فيا
تاني شاي أنا مو اعتراضي على المصاري أنو معو ولا ما معو لأنو الزلمة كل اللي اشتغلو بالطب ما بيطلعو سنتين و ما بعتقد أنو في دكتور بالعالم التالت بيجمع ثروة بسنتين
كمان هاي مظبوطة
أبو النسيم
30/12/2005, 21:26
بما أنو الموقع ما عم يفتح عندي مدري شو صايرلو أنا لح حط لمحة عن الدكتور البواني ولمحة عن التجمع يلي عم أسسو الدكتور كمال

د‌. محمد كمال بن عبد الله اللبواني
مواليد سوريا - الزبداني 1957 دكتور في الطب البشري من جامعة دمشق 1981 يعمل في عيادة خاصة في الزبداني متزوج وله ثلاثة أولاد .
بدأ نشاطه السياسي في الجامعة مع الحزب الشيوعي المكتب السياسي ( جناح رياض الترك ) وتابع بعد الجامعة نشاطه الثقافي ، ثم عاود النشاط السياسي مع حركة ربيع دمشق فكان عضواً في لجان الدفاع عن حقوق الإنسان وعضواً في لجنة منتدى الحوار الوطني الذي أسسه رياض سيف ، اعتقل بتاريخ 8/9/2001 مع حملة قمع نشطاء ربيع دمشق وحكمت محكمة أمن الدولة العليا عليه بالسجن ثلاث سنوات قضاها كاملة في سجن انفرادي ، خرج من السجن 9/9/ 2004/ وعاود نشاطه الثقافي والسياسي مطلقاً حملة للتضامن مع السجناء السياسيين ومن أجل احترام حقوق الإنسان في السجون .
رسام و كاتب
له كتابين هما الحب والجنس دار الريس 1993
اقتصاد السعادة دار الشموس 2001
ومجموعة كتب قيد النشر
النسبية الافتراضية – شيء عادي – الإسلام والإرهاب
وعدد من المقالات
له رسوم أنجزها ضمن السجن ورسوم قبله وبعده
أخيراً بدأ مشروعاً لتأسيس التجمع الليبرالي الديمقراطي


المصدر:

مو قع حزب أحرار سوريا على الأنترنت
أبو النسيم
30/12/2005, 21:31
وهي رابط لميثاق التجمع اليبرالي الديمقراطي (عدل)

علمانية - ديمقراطية - ليبرالية

رئيس التجمع و واضع الخطوط العريضة للميثاق هو الدكتور كمال مع عدد من المثقفين والسياسين السورين و الكتاب


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
fady juventus
30/12/2005, 22:12
إذا إنتا كنت بتقبل تكون تحت رحمت ديكتاتور و شلة حراميي و أنزال أكتر من أنو تكون عايش تحت حكم إنسان ديموقراطي شريف ليش لأنو مانو بعثي بيسوا فرانك هاد بدل على أنك قبلان بالزل قبلان بالسجون السياسيي قبلان بأنك تنسرق

يا حبيبي يا حسون ما فهمت قصدي من القصة اللي حكيتلك ياها
- القصد الواضح إني كمواطن بسيط (عندي ثقافة منيحة وعاجبتني )ما رضيت على حالي إهانة من ضابط الأمن تبع البولمان ، فكيف بيرضاها شخص عنده برنامج سياسي متل اللبواني هدفه استلام الحكم؟

- القصد اللي كنت إنت لازم تفهموا إنو كرامتي الشخصية (عالأقل) مصانة , بالنسبة للشغل فأنا رب عملي و بالنسبة للسكن أنا مستقل عن أهلي وساكن لحالي، ووقت تعرضت للإهانة من شخص مفروض خاف منه رديتلو إياها بخلقته.

يعني ما تعرضت شخصيا لشي يخليني إحقد عالقيادة...بعدين تعا لقلك وخلينا نحكي بصراحة ومتل ما بيقولو ع بساط أحمدي:
أنا كمواطن سوري مسيحي شو بده يخليني_ إذا ما حدا أذاني شخصيا_ أحقد على دولة البعث اللي خلتنا نعيش بأمان ؟؟؟ آه قلي

حسون إنت غالبا مو مسيحي بس فيك تسأل أهلك شو كان وضع المسيحيين قبل نظام البعث ، ولا العلويين اللي كانوا ملطشة لبعض الحثالة المتطرفين المتعصبين واللي وصلت فظاعاتهن بحماه وحلب لحد التشهير و التمثيل و... ما بدنا نفتح سير معتة
المهم إذا بتجبلي نظام جديد يكفل حرية المسيحيين الدينية والأمن والسلامة رح تلاقيني أول المرحبين
بقى بلا ما نبيض ع بعض
خلينا واقعيين ,البعث حمى الأقليات من وحشية المتطرفيين
واللي ما بيعرف عن هديك المرحلة يروح يسأل أهله
sezar
30/12/2005, 23:12
و حياة هل عيشة ما عبالي مخي غير كريم و يلي حكا
حسون
31/12/2005, 00:28
يعني ما تعرضت شخصيا لشي يخليني إحقد عالقيادة
يا أخي إنتا كشخص يمكن ما تعرضت لشي بس البلد عم تنهب و نحنا ساكتين
أنا قصدي عن مثلا هادا المثال تبع ضابط الأمن يمكن ما حدا غيرك بيسترجي يعمل هيك
هلأ لو كنا ببلد ديموقراطي يمكن هوي ما كان حكا هيك
أنا كمواطن سوري مسيحي شو بده يخليني_ إذا ما حدا أذاني شخصيا_ أحقد على دولة البعث اللي خلتنا نعيش بأمان ؟؟؟ آه قلي

هاي العقليي الطائفيي هيي يلي بتبعد الإنسان عن الوطن و بتأدي لدمار الوطن
يعني إنتا هلأ عم تحكي كمسيحي قبل ما تكون سوري و هاي شغلي غلط
حسون إنت غالبا مو مسيحي
أنا مسيحي سابقا و ملحد حاليا
المهم إذا بتجبلي نظام جديد يكفل حرية المسيحيين الدينية والأمن والسلامة رح تلاقيني أول المرحبين

من صفات الأنظمي الديموقراطيي أنها بتقبل الحريي الفكريي من الناحيتين الدينيي و السياسيي
و بعدين يا فادي إنتا بتعرف أنو أي احتفال بدها تعملو الكنيسي لازم تاخد كذا تصريح من كذا فرع أمن
البعث حمى الأقليات من وحشية المتطرفيين
البعث كان متوحش بحماه
مدق
31/12/2005, 14:09
البعث كان متوحش بحماه

الله يسلّم ديّاتو

ولا تنسى كمان انو الإخوان كانو متوحشين بكل سوريا وفرجونا الويلات