-
دخول

عرض كامل الموضوع : النقل في الامتحانات

Haifa
04/01/2006, 22:09
;-) :سوريا: :سوريا: :oops: شباب كلياتنا مننئول بالامتحان مو بس مننئول ومنئل حتى الصغار بينئلوا

هلا كل واحد فيكن يتذكر كيف كان ينقل و يسجل هون
ِAbu Alzooz
06/01/2006, 16:41
انا بالمدرسي بسموني ملك الترشيت كل فحص يكون معي
7 8 راشيتات
على القليلة
كنت ألبس جاكيت كل جيب بس أحلى جي أنو في مرة كنت لا قي الراشية المطلوبة
وأن لقت يوميتا بس أنصح يلي بدو يرشت يحفظ وين حاطط الراشيتا
(لا تنس الراشيتا بالمقاعد)
sezar
07/01/2006, 05:18
:o بحياتي ما رشتت بس مرة فتحت كتاب كامل بالمزاكرة بس شو كان الصف كلو حاطط الكتب عل مقاعد

لأنو الأستاز طلع يدخن جيغارة :7asheesh:
sweetbaby
07/01/2006, 05:59
هههههههههههههههههههههههه
بس كانو مو محلو هون

اناكتير وخصوصي بالعاشر بحصة الجغرافية
الاستاذ كان بيحبني كتير وكان يخليني انقل:clap::clap::clap:
DnFiras
27/02/2006, 01:01
ليك ياشباب بعد التجربة نقلوا كل ما فيكون لأنو هيك الحياة بدها jakoush: :jakoush: :jakoush:
طنش تعش
27/02/2006, 01:49
لك وين هالموضوع كان مخبا:
وهي قصة حياتي مع الترشيت والنقل:
منبلش بايام التاسع:
احلا ايام بحياتي .......كانت كلها صياعة ومزح ولعب وقهاوي واراكيل...ولا علابالي
بس لما تجي ايام المذاكرات ....كنت كل واحد ماسك عليه شغلة عملها وخايف انو فسد عليه كنت جيبو وقعدو قريب عني وهدول كانو ينقلوني قبل ماايكتبو.,......

اما بايام الامتحان فااكيد بيكون الوضع غير ....يعني في تشديد عالمراقبة لانو شهادة متل مابتعرفو:
المهم::كنت اشتري بهالمصغرات وقسمون لاقسام كتيرة وحدد وقطع ووصل.......ولفون عاخصري
تحت الذنار وبالجرابات....واحفظ كل قسم وينو.........
ولما يجي شي سؤال بعرف وين وباي قسم حاطو كنت شيلو عاساس عم حك اجري او ظبت بلوزتي......بكون شلتو بهالحالة وحطيتو بشي محل مخفي عالمراقب يعني انت وشطارتك ...
وخدو عانقل............

اما بالبكلوريا....فهي قصة كبيرة بنختصرا :

اول سنة قدمت فيها بكلوريا علقت مع مراقب وكبرت القصة ونحرمنا من التقديم.........
تاني سنة ....عملت اجتماع مع العيلة وقررت روح عالحسكة لعند عمتي الي بتدرس هونيك هي وزوجها...بعد ماقترحت علي الفكرة.........والله وظبتولي ياها وعملولنا سند اقامة ....وطلعولنا البطاقة..........وقبل بكم يوم طلعت عالحسكة وقدمت واحلى ايام بالحسكة واحلى مراقبين واحلى رئيس مركز...............وفهمكون كفاية.......
(((الجنرال أبوجعفرالورد)))
27/02/2006, 02:44
أنا من جهتي بختصرى بهاد المتل ....... هين فلوسك ولا تهين نفوسك ............وفهمكن كفاية ...
طنش تعش
27/02/2006, 03:11
خيو مانحنا هيك صار معنا باول سنة بكالوريا ........بس ابن ******** المراقب ماعجبو يجعور ويطلع بلعو الا بوقت الي كان مفتش التربية كابس......يعني نحرمت من التقديم.....ونجبرت علا هالشي....بعدين خيو بالحسكة العالم بدا تعيش والمية ليرة بتحكي.....فهمك كفاية
(((الجنرال أبوجعفرالورد)))
27/02/2006, 03:15
خير ما فعلت ........ الهم النتيجة تكون مرضية ........
طنش تعش
27/02/2006, 03:27
لك مرضية ...........ليش لحتى ماتكون مرضية........ديبك انا......
قلتلي يصنع السكر من السكر ....
(((الجنرال أبوجعفرالورد)))
27/02/2006, 03:30
والله أنك كفو ...... بعدين اسئلني من شو بينصنع الفحم ,,,, المعسل ,,,,,, الأركيلة ...... المشروب ...... الحشيش ....... مو السكر يا رجل ........ أنا حالي ما حبيت لحتى حب السكر ....
طنش تعش
27/02/2006, 03:36
اب جعفر هونيك محل الاسئلة........
عطر الايام
18/10/2006, 22:33
هااااي
كتير حلو هالموضوع
حاحكي عن حالي
كنت بس اتنقل وقت التاريخ والجغرافيا لاني ما بطيقهن وكنت مجننة الانسة بالتاسع
بس المرة الحلوة يلي عجبتني كيف اتنقل فيها هي تاني سنة جامعة فظعت انا ورفقاتي

انا ساويت جامعي بالسعودية فوتت معي أنينة مي على اسا عطشانة وبالبيت كنت مزبطتها وكاتبة عالورقة تبع المي من جوا وعلى اساس عم اشرب ودور الانينة شوي شوي وانقل منها هي ماعدا انو كنا نتبادل الورق انا ورفقاتي ومرة كتبت على ضهر رفيقتي من ورا هههههههه كانت لابسة كنزة قصيرة ببين خصرها وكتبت على خصرها من ورا وبلشت غش منها
هيك كنت غش
علمتني حبك
19/10/2006, 06:35
انا مره كتبت على سرولي الداخلي وثوبي شفاف {من السعوديه}
وانتبه ليالاستاذ بس الله يذكروا بخير ستتر علي :clap:

وربي ما انسى هالموقف :shock:


بس صار فوق راسي ماقدرت اطالع حتى :sosweet:



ودحين صرت معلم ثانوي وعقدت الطلاب بايام الاختبارات
مافيه الا تكفيش على كيف كيفك

كل الخبايا بعرفها
اللي حاط برشام في مسطره وملزقها بطرف الكم شوفو كيف الحركات :clap:
بس اتعاطف مع طلاب التوجيهي بس جت على راسي :cry: خليت طالب يغش وعندو براشيم بالعشرات وانا يعنني ما اشوف بس من فلاحتو الزايده نسيها بورقه االجابه وكانت بترسل لمركز التصحيح وخذو اتصالات وتلقيط على كيف كيفك :cry:


بس الاخير عدت على خير

:ss:
بنوتة حلب
20/10/2006, 15:59
ههههههههه علمتنى احبك
حلوة ال نسي ورقت الغش هههه شو هالذكا
اساليبي كتيرة انا بس ما درست بمدارس سوريا درست بمدرسة عراقية ببلغاريا ونفس طلاب الصف نمتحن مع بعض وكنا شباب وصبايا مع بعض على قلب واحد احن من الاخوة على بعض
اول شي كان الدنيا عادخول الصيف
كنت البس بنطلون جينز طويل واقلبو وقصر رجلية لحتى يصيروا متل جيوب
وحط الراشيتات فيون وقت الي طالعون ماحدا يكون منتبة يعني الشغلة بدها خفة
مرة التقطت بالبكالوريا
ههههههههههه اجا المراقب وشاف الراشيتا كنت حاطتا قدامي ومغطيتا بالمقلمة
اخدها مني كانت رياضيات والي اخدا كانت سؤال هندسة هههههه وعلى شي 15 علامة
المهم زعلت وتدايقت بقا كان في مراقب هههههه من اول يوم امتحان حط عينو علي
هههههه لما شافني زعلت ودمعوا عيني هههههه اجي قعد قدامي وصار يجبلي حلول من رفقاتي ههههههههههه
يعني بوقتا بدل ما اخود 60% اخدت 80%
بس رفقاتي يضحكوا علىى يقولوا نحنا الي سهرنا ودرسنا ما جبنا هالعلامة العاليه وانت بدمعتين جبتي 80
وصار كل واحد ما بعرف سؤال يقلو لا المراقب استاذ بدي ابكي ها
يقلون لالالالالا بس لا بنوتة بنقلا
هههه منيح كان متجوز ولا كان لفقولي شي 100 قصة
iraq_dragon
20/10/2006, 21:45
الحمدلله نجحت بدون غش بس مره كنت في الامتحان والسؤال ما اعرف حله بالمره

واعطوني جوابه بورقه بس من خوفي اعطيت الورقه بسرعه للبعدي

وتركت السؤال فارغ<< يا خيبه خخخخخخخخخخخخخخخخخخ
فلسطيني للأبد
20/10/2006, 22:10
أحلى شي اني كنت عبي حالي اوراق غش بس في الامتحان كنت خاف طول الاوراق!!!!!
فلسطيني للأبد
20/10/2006, 22:13
بس في مرة غشيت بطريقة حلوة
وهيي اني طبعت ورقة الغش عالكمبيوتر وعملتها صغيرة شوي ولفيتها حول قلم ولزقتها
وكان في حول القم غلاف متل الغطاه بس اله فتحة ضغيرة فكنت لف الفتحة شوي شوي وأقرا!!!
بس كانت الطريقة بدائية شوي


وفي كمان طريقة وهيي اني كنت لزق ورقة الغش على الجكيت من جوا فلما بدي غش أطلع على الجكيت من جوا !!! بس المشكله انه هاي الطريقة ما بتنفع بالصيف يعني بموعد امتحانات التوجيهي!!!!
Eh@Ab
20/10/2006, 22:13
انا في الحقيقة كنت زمان اغشش مش اغش

بس هالايام صرت اغش

بحط ايدي فوق عيني يعني اكون شايف رجلين الاستاذ بس مش عيني

وازا تحرك علي بعرف
هو ما بقدر يشوف عيني هيك بتفرج على ورقة اللي جمبي

وبنجح في الامتحان:larg:
lamita2006
20/10/2006, 23:37
ييييييييييييييي انا ماحدا يسألني عن الغش والنقل شغلتي هيدي:o ;-) معلمة انا بهيك اشيا ولوووووووو:oops: وخاصة هل سنة بالعاشررررررررررررررررررررررررررررررررررر:yah oo: :yahoo:
قهوة دايمي
21/10/2006, 00:06
شباب صبايا .. انتو عم تتذكروا كيف كنتو تغشوا ..
أنا بكرة عندي امتحان ..
انو تعلمنا طرق منكن ( ماشالله خبراء ترشيت ) ..
انا طريقتي المعتمدة حاليا هي روشيتة اوكورديون .. وعاهالاساس رايح بكرة اعمل امتحان ..
لكن اكتشفت قبل شوي .. انو ولا شي عندي ياه من المادة .. لا كتاب ولا دفتر ...
كيف بدي ارشت ... واغش


يا ويلي

مشكورين