مرحبا DODIm!
بعد التحية والسلام والذي منو.. بودنا هون لو بتعرفنا شوي على حالك .. هيك يعني شو بتعمل و شو عملت بحياتك وهيك شغلات
..
غير هيك طبعا بالبداية مهم تتعرف اكتر على الشباب والصبايا هون وتعرف الجو والوضع العام للمنتدى وهيك .. وبنفس الوقت مهم اذا لزمك مساعدة او هيك شغلات كمان ضروري تستفسر وبدون هاي ضروب الحياء ..

وروح شايفك

أول شي ..
شكراً على الترحيب اللطيف
بالنسبه عني
أنا سوري .. ( آه يا نيالي .. طبعاً ) .. وتحديداً من الشام
طالب صحافة .. يعني كتير حكي
أما بالنسبة لحياتي وشو عملت فيها ؟
فحياتي كتير بسيطة .. بتلت أسطر بتنحكى ..
يمكن كان طموحي بالحياة هوه الفشل ..
وهاد الشي الوحيد يلي قدرت اني حققه
صدقتوا انو حياتي بسيطة !!
أهم هواياتي القراءة ..
بالمرتبة التانيه من هواياتي هيه الموسيقى .. بفرعيها .. عمل واستماع
عايش مع فيروز ... ومن معجبي ابنها زياد
أما مارسيل خليفة .. فقصته معي طويلة
وآخر شغلة السياسة .. أنا مراقب مر لهل شغلة .. وبحب النقاشات بهاد الموضوع .. وعندي احساس كبير انو بيت خالتي ناطرني .. بس لاتخافوا .. بودعكن قبل ما روح زورهن
بشتغل غرافيكس ديزاينر بوحدة من جرايد الدولة الكتار
بظن انو هاد كل شي .. وبتمنى اني ما كون نسيت شي
بالنهاية .. أنا بعتذر كتير اني عم اكتب بالعامية ..
بس طريقة الترحيب .. أجبرتني اني تابع على نفس الخط
وقبل ما اختم رسالتي وبمناسبه انضمامي لهاد للمنتدى اللطيف .. فحابب قدم إهداء صغير للشباب والصبايا ..
وآسف على الإطالة.

أنا يا عصفورة الشجن مثل عينيك بلا وطن
بي كما بالطفل تسرقه أول الليل يد الوسن
و اغتراب بي و بي فرح كارتحال البحر بالسفن
أنا لا أرض و لا سكن أنا عيناك هما سكني
راجع من صوب أغنية يا زمانا ضاع في الزمن
صوتها يبكي فأحمله بين زهر الصمت و الوهن
من حدود الأمس يا حلما زارني طيرا على غصن
أي وهما أنت عشت به كنت في البال و لم تكن

:clap: :clap: هلاااااااااا
انا حاسة انو لازم نعمل منتدى لفيروز

يا هلا والله باينتك بتلعي كتير
الله يستر
نورت المنتدى حبيب
وبالنسبة للسياسة اللي بتحبها هون متل ما بقولو عندك الحرية تحكي شو ما بدك
ناطرين مشاركاتك معلم

اهلا فيك نورت المنتدى

وانشالله نشوف مشاركات حلوة منك