زعبوط



بيجيبو مليون ولد و بعدين بيقولو فقر و بدنا نعيش و عم نجوع و يلعن هالحكومة (ما منختلف هون)...... مجتمعنا متل ما منشوف مجتمع يعيش بعقلية قبلية.....من زمان كانو يزتو البنت تحت التراب لما بتنولد....هلأ بيخلوها فوق التراب منشان القانون بس راسها تحت التراب!!لك يلعن هالشب شو اكل حجر كبير...... لك يا حسرة.....مشحوطين و علينا مليون مصيبة و قصة و مسؤولية و مع هيك.....بيضل الاب عم يكدح طول الليل لحتى مرتو تبظ صبي! ليش؟انا بقلكون...انولد الصبي...... تعا يا صبي روح ع المدرسة..... و هون في احتمالين....- الصبي طلع حمار بالمدرسة...روح يا صبي اشتغل...الصبي اشتغل....صار عمرو 18...روح يا كلب عالعسكرية...... اتبهدل و انذل...تعا يا صبي.....بدك تتجوز.....لازم تلاقي وحدة من مستواك....يعني لا علم و لا دراسة و لا ثقافة....بتعبير اخر... حمارة بالدراسة.......غير هيك....البنت يلي بتعرف تقرا الابراج بتصير بتذلو بأنو مالو شيت علم و سئافة.....و هون بيتعقد من النسوان و بيصير عندو عقدة نقص و بيبلش يكره النسوان....و غير الصبيان....ما بيقبليا اما....- الصبي طلع فهمان بالدراسة........دخل جامعة....... تشحوط بالجامعة لحتى يقدر يحكي مع فلانة.....و شلون...بيكون حجزلها مقعد بالمحاضرة و ورجاها انو شاطر و دريس...و بعدين بعد شي شهر على هل المنوال بتعرف اسمو و بتستعير منو دفتر و را دفتر...و بعد شهرين...بتصير ما بتنزل على المحاضرات لانو هو بيحضر و بيكتبلها و بعدين بيشرحلها الدرس....و بعد شي ست شهور....بتعرف هو من بيت مين....و خلال هالفترة....الشب بيكون طابس و مفكر حالو عايش احلى قصة حب بحياتو....و على شرايط عبد الحليم رايحة و شرايط راجعة..... بالسنة التانية بتعطيه رقم تلفونا....بس كل ما بيتصل ما بترد و تاني يوم بيشوفها بالجامعة و بتقلو انو ما ردت على التلفون لانو كانت بالحمام و لما طلعت من الحمام....اجا لعندهون ضيوف و بعد ما راحو الضيوف حطت عشا....و بعد العشا....قامت العشا......و لسا ما لمست الفرشة و هي ماسكة التلفون بدها تتصل.....غفلت.....هو طبعا....بيقلها انو لا اكل و لا شرب و لا فات على الحمام ناطر تلفونها....بس طبعا....بيضل مبتسم....و طابس......تاني يوم بيتصل....و ما بترد....و نفس القصة...حمام و ضيوف و عشا و نوم.....و تالت يوم و رابع يوم.....و الشب طابس و عشقان...باليوم العاشر....بيتصل فيها و للمفاجأة....هي بترد....و بتقلو انو هو ابن حلال و انو هي كانت عم تفكر فيه و بدها تتصل فيه......هون....بهل اللحظة.......مافي نقطة دم بجسمو الا و بتروح على قلبو يلي وصل صوت نبضاتو لاخر الحارة...... بعد دقيقتين....بتقلو:"معليش تجبلي دفتر محاضرات المادة الفلانية"...و طبعا....هو طابس و عشقان.....السنة التالتة...... بتكون عم تتعشا مع اهلها...ابوها بيسألها عن دراستها.....هي بتخبرو انو تمام التمام و كلشي عم يصعب عليها عم تسأل عنو و في مين عم يساعدوها.....تاني يوم....بتشوفو للعاشق الولهان بالجامعة..حامل دفاترو و دفاترها....و بتقلو انو مبارح حكت لابوها عنو..... هون الشب......بيطير عن سطح الارض.....طبعا...بينو و بين حالو.....و بيرجع على البيت.....و بالصدفة بيجتمع مع ابن خالتو يلي بيكون محبط عاطفيا....بيقوم بيصير صاحبنا بيعطيه نصائح عاطفية منتقاة من ملخص خبرتو الناجحة مع الجنس الاخر.....بالسنة الرابعة....بتتصل فيه تلفون......هو بيشعر بكامل الاستقرار.....مهو صار على باب التخرج....و حب حياتو الوحيد و الاول و الاخير....موجود... بتقلو....انو لازم تشوفو.....هو هون بينفلج....رح يشوفها لاول مرة برات الجامعة....و خارج اوقات الدوام.... بيتخيل حالو عريس و و هي عروستو..و بيقرر انو بدو يخليها تختار اسم اول ولد...تعبيرا عن حبه.....بيلبس و بينزل لشوفها....بيحكو بأمور الدراسة....و بالصدفة...بتكون حاملة معها كتاب... و بالصدفة.... و يا محاسنك يا صدف....بيكون في درس طويل عريض مو فهمانتو.....و للصدفة....بيكون هو اشطر واحد بهل المادة..... بيخلص الموعد.....و بيرجع على بيتو....و بيبلش يحكي مع امو....عن قصة الحب الجامح يلي عايشها...... الام بتفرح....و زلغطي يا جارتنا ام تحسين....صار التخرج....الشب...بكل بسالة.....لبا نداء الوطن و راح انفرز على دير الزور منشان يخدم العلم و كل مين تحت العلم بس فوق الناس.....نزل مرتين عالشام....اتصل فيها....ما ردت.....حمام و ضيوف و عشا.....مرو سنتين.....و خلص عسكرية..... و هلأ صار الوقت المناسب لينتقل بعلاقتو الى باب الجدية و الحياة الزوجية......بيحكي مع اهلو و بيخبر رفقاتو....و بتعيش الحارة بأفراح و اتراح.....و ليالي ملاح.....بيتصل بحبيبتو...... ما بترد......... بس طبعا.....هي حبيبتو.....يعني اكيد بيعرف وين بتشتغل....بيروح بيشوفها....بتفرح بشوفتو....و بتعتذر لانو ما ردت على تلفونو...حمام و ضيوف و عشا........بتجي زميلتها بالشركة....بتعرفها عليه و بتقلها انو هادا الشب يلي ساعدني بالجامعة و حكيتلك عنو....... (في وقت سابق في ذلك النهار...بتكون عم تحكيلها عن واحد سطلة بس دريس....كانو يحكو معو منشان يدرسهون و يكتبلهون محاضرات ايام الجامعة) ....هو...بيسمع انو حكت لزميلتها عنو....و ما بيعود بيسمع شي.....طبول الزفاف تقرع في اذنيه....بيقلها انو لازم يحكي معها بموضوع مهم....و مصيري.....بعد ما تستنفذ كل الاعذار القانونية و الشرعية.....بتوافق.......بيلبس بدلة اشتراها خصوصي....و بيبخ من عطر دفع حقو 600 ليرة.....و اخيرا.....بيصارحها بالحب يلي بقلبو......و بيطلب منها موعد منشان يطلبها من اهلها.....هي بتنذهل.....و بتتفاجأ.....و بتقول:" مصطفى...شو عم تحكي؟...بليز لا تكمل....و تنزع الصداقة يلي بيناتنا......يا مصطفى...ارجوك....انا هالصداقة بتعنيلي كتير.....لا تخربها" ....و بتمشي....الشب....بيصير فيه احد الاحتمالين......- بينصدم و بيلعن ابو البنات.......و امو بتجوزو بنت خالتو حفيظة يلي اصغر منو بعشرين سنة.....و كل ما بتولد مرتو و بتجيب بنت بيتذكر قصة الحب المرير مع مايا....و بيصير بيسب و يلعن... و يلا يا مرا فوتي لجوا ...بدنا نجيب صبي...يا اما....- بينصدم و بيلعن ابو البنات.....و بهل اللحظة.....بتجي زميلتو بالمكتب و بتسألو عن الساعة.....و وقتها....بتتولد عندو مشاعر حب تجاها بشكل بعمرو ما حس فيه....و بتبلش عندو....قصة حب جديدة.....و بعد كل هالشي....بيسئلو ليش الرجال دايما بيفضل يجيه صبيان مو بنات......بتمنى كون وضحت بشكل علمي و معملي بحت....زعبوط




منقول

حلوي وملعوبي .. بس صاحبنا مصطفى فايت بالحيط...
وحياتك ما بتستحمل معي لوحة هي مايا مدري شو اسمها
(قاهر قلوب العذارى)


منقول
هلأ بيطلعك شي دكتاتور من الموقع برد بينقلو على شي زاويي ميتي

يا لطيف شو معاني هالزعبوط

بس فلم مرتب

يا ويلالالالالالالالالالالال الالالالالالالالاه شي فخامة لك تاري مو ل الله الصبي ألو معزتو
لك زكرتني بشغلة مشان حقوق المساواة بين المرأة و الرجل أنو نحن سنة ال 2006 عما نطالب أنو يساوو الرجل بالمرأة لأنو اسم الله كانو بدون المرا تساوي الرجال لك قطعونا من زمان ....
لك حقنا مأكول و عايشين من تم ساكت
منو العوض و عليه العوض

زعبوط

أييييييييه مزبوط

هلأ بيطلعك شي دكتاتور من الموقع برد بينقلو على شي زاويي ميتي

حبيب القلب

أنا بعرف شو بدي أنقل منشان ما ينتقل لمكان ميت


على كل الاحوال الموضوع محذوف من مكانه الاصلي

تدور احداث هذه القصة في منتصف القرن الماضي.....شخصياتها مبتكرة و لا تمت للواقع بأي شئ...و اي تشابه بينها و بين ما نعيشه هي صدفة محضة......
------------------------------------


ولد زعبوط و ترعرع في ربوع مدينة طربشق من ام و اب طربشقيان.....كان والده رئيس القوات الغير مسلحة لدى شوربا.كم....... كان زعبوط انسانا مسقفا و يهوى الدراسة و اقتناء السيارات الرياضية......

في احد ايام الصيف الممطرة.....و في ليلة بدون ضوء قمر...... قام والده المرحوم و المغفور له بأنتزاع ادارة موقع شوربا.كم.....و سلم اركن الموقع لشلة موثوقة من اصدقائه...... كان ابو زعبوط.....انسانا محنكا....و لكن منغلقا..... الامر الذي ادى الى انغلاق الموقع....و هجرة المخاخ من الموقع الى مواقع اخرى خليجية و اميركية و كندية..... و لم يبقى الا من لم يستطع بالبعد احتمالا..... كانت اوضاع المنتدى بانهيار.....و كل يوم بدا احسن من اليوم الذي سيأتي بعده...... انهارت غرف المنتدى في هذا الموقع.......عم الفساد جميع مراقبين المحادثة و غرف المنتديات......تم نهب كل السعة التخزينية على السيرفر من قبل اركان الموقع......من موقع رائد الى موقع ينازع...انقلب الموقع بقيادة ابو زعبوط......اما اعضاء المنتدى فلم يكن لديهم الا السماء ليرفعو رؤوسهم و يطلبون الفرج و رغيف الخبر و ايميل مجاني.....و لكن.....ليس من مجيب.....اركان الموقع اسسو مواقع في دول اخرى و احتكرو حركة الدخول للموقع و الخروج منه.....بحجة....ان الموقع يلاقي تنافس شديد من موقع دخيل اسمه..... زبرائيل.حكوم ...... مات اقتصاد الموقع.....و بالمقابل ازدادت ثروات اركانه......و الوضع من سئ الى اسؤا...و الاعضاء مخرسين لا حول و لا قوة لهم.....فهم يخافون من ان يقولو "باه"....فيقوم ابا زعبوط بعملية محي لذاكرة السيرفر (فورمات) و انزال نظام تشغيل حديث المظهر.....قديم المفعول و مميت التأثير.....الاعضاء عانوا من الجوع.....اشتهو الموت و لكن لم يستطيعو ان يوفرو نفقات الجنازة........فصمتوا....و انتظروا...

في هذا الوقت كان زعبوط منكبا على نهل العلم من هنا و هناك......و في ليلة مشمسة......اتصلت به والدته ام زعبوط....و طلبت حضوره.....فما كان به الى ان ركب اقرب سيارة رياضية و طار الى قصر شوربا.خرم....ليجد ان ابا زعبوط على سرير الموت......و كانت كلماته الاخيرة.....زعبوط بابا....لا تضوع شغل العيلة......شوربا.كم....الك و لاخواتك و لاولاد خالتك....دير بالك على رزقنا يا بابا.....ثم مات.....

اجتمع اركان الموقع و قرروا ان مصالح الموقع و مصالحهم تقتضى اعطاء القيادة العامة لزعبوط..... و في ثلاث ثواني تم تعميم ايميل للجميع بأن تصويت الاركان كان لصالح زعبوط...و ان زعبوط هو النبي المنتظر.....الذي سيقود الموقع ليصبح اقوى موقع على الانترنت....و سيقوم بجعله مثل الحلم.....

اعضاء المنتدى المنومين....رفعو رؤوسهم و ابتسمو ابتسامة الاموات.....لانه لا يمكن ان يكون اسؤا مما مروا فيه....لا بل احسو بالامل و بأن الموقع سيعطيهم حقوقهم كأعضاء و يمنحهم كل المميزات الممنوحة لاعضاء المنتديات الاخرى.....

مر الوقت..... و كان مردود الموقع المقدر بالعشرات من الغيغات.....يذهب الى جيوب ابناء اركان الموقع....و الى غرفة الدفاع المزعومة امام زبرائيل.حكم..... ازداد الجوع....و لكن الابتسامة بقيت....مرت السنون....و لا شئ....لم يحصل الا ما ندر و ما من شأنه الحفاظ على رمق الاعضاء من الموت.....

و في ليلة صيفية ممطرة...... قام احد المواقع الكبيرة جدا بأحتلال موقع قريب من شوربا.كم....و اصبحت اطماعه موجهة الى شوربا.كم..... و قام بالتهديد و الوعيد....بأسقاط زعبوط و ادارته العتيدة....ليس حبا بالاعضاء...و لكن تحقيقا لمصالحه...

و استيقظ الشعب في المنتدى على نشرات الخبار و الجرائد التي تحمل اجمل الاخبار و هي اعلان زعبوط عن قيامه بثورة البرسيم لنفض شوربا.كم و احياء شعبها الميت.....طبعا ليس حبا بالشعب و لكن حفاظا على الكرسي و تحقيقا لوصية ابا زعبوط بالحفاظ على رزقة العيلة......

نص بيان الثورة ما يلي:

- ستصبح العضوية في شوربا.كم حلم كل انسان على وجه الارض...
- سيتم اقصاء كل المراقبين الفاسدين...
- سيتم تحويل الموقع الى جنة من جنان الارض...
- سيتم جعل هذا الموقع سباقا في المجالات العلمية و الطبية و السقافية و البيئية...
- سيتم اعطاء كل عضو سيارة كاديلاك...
- سيتم تنظيف قلوب و جيوب الموظفين المرتشين و الاهم....تنظيف عقولهم...
- سيتم تنظيف المدن و الضواحي و غرف المناقشة و النكات و الغرفة السياحية...
- سيتم تحويل الحيوانات الى بشر..
- سيتم تحويل البشر الى ملايكة...
- سيتم فرز سيريلانكية لكل مواطنة...
- سيتم نشر الحب و الغسيل النظيف عوضا عن الكره و الغسيل الوسخ..
- سيتم تحويل السجون الى متاحف للعلوم الطبيعية..
- سيتم وهب املاك هادي مبلوف الى افريقيا للنهوض بتلك القارة الفقيرة...
- سينمو الولد ليتكلم سبعة لغات....


و هذه الثورة ستبدأ قريبا...... و ستكون كالسحر..لا بل اشد قوة....و اكثر فعلا.....

الاعضاء فرحو و هللو و زلغطو...و اقيمت الافراح و الحفلات و عمت السعادة جميع ارجاء الموقع...فزعبوط هو النبي الموعود.....هو المخلص و هو المنشود.......

الفرحة اعمت قلوب و عيون الاعضاء....لم يفكرو بالعديد من الامور التافهة... مثلا.... لماذا زعبوط قرر حمل الرسالة الان فقط؟ لماذا لم يحملها منذ سنوات؟ لماذا لم يغير الا القليل جدا على مر السنين و الان يريد تغير الكثير على مر الايام؟......ترى هل هو تغيير المناخ ام تغيير نوع الطعام؟ لماذا الان؟..... و ان كان بأمكانه القيام بكل تلك الامور....لماذا الان و ليس قبل الان؟ و هل يستطيع الاعضاء الوثوق بزعبوط؟ هل الامر مرتبط بخوف على كرسي ام طاولة؟ ام مجرد محبة؟ و لماذا المحبة تحتاج لموقع طاغي اخر ليفرضها على زعبوط؟

لا احد يريد الاجابة....الجميع يعرفونها....و لكن يخافون من ذكرها.....لان الامل هو كل ما لديهم.....و بدونه هم اموات بأجساد متحركة.......

ترى هل سيزهر البرسيم و سيشبع الاعضاء الدراويش؟ هل سيملأ البرسيم الموعود بطونهم كما ملأ رؤوسهم؟ ...اشك بأن زعبوط اختار اسم ثورة البرسيم لغاية في نفسه و هي ابعد ما يكون عن مصلحة الشعب المغلوب..... رحم الله ابا زعبوط.....و اخيرا و ليس اخيرا....



صحتين عليك يا شعب كل البرسيم......





كمان منقول

:lol: :lol: :lol: :cry: الله يقرفك ياطارق ضحكتني وبكيتني

حلوة القصة كتير :cry: بس بتبكي :cry: بعدين ليش مصورين انه الرجل هو المضطهد ...
غالبا الشب هو اللي بيضحك ع عقلات البنت مو هيك منشوف بالمسلسلات ...
واحيانا بيكون الشب مظلوم :cry: بس القصة حلوة كتير ...

القصة حلوة بس ما على طول هيك بصير وأحيانا بكون العكس

ومتل ما قالت السورية المشتاقة

عجبتني القصة اللي ( لا تمت للواقع بأي شيئ ) ... والتشابه محض الصدفة :lol:

لك الله يعين هالشعب شو انو مسكين !! :cry:

لك طارق من وين بتجيب كل هدووووووول
:shock: :shock:
يفك حريشك
حلوين كتير
بس انحوت وانا عم اقرا
:pos: :pos: :pos:

تدور احداث هذه القصة في منتصف القرن الماضي.....شخصياتها مبتكرة و لا تمت للواقع بأي شئ...و اي تشابه بينها و بين ما نعيشه هي صدفة محضة......


في منتصف القرن الماضي.....

أوكي صدقتك

منقول
صدقتك

كمان منقول

وكمان صدقتك

يا جماعة الخير ......
أنا ممتنع عن التعليق و إضافة المزيد

حتى تحلو القصة

مواضيع الصالون ما عم يجيني منها ( متابعة الموضوع ع الايميل )
و أنا كنت مستغرب !!
أنو معقول ما حدا عجبوا الحكي

متل العادة فتت بالصدفة و اكتشفت انو في تعليقات


منشان الحلال و الحرام ...أنا لعند تعليق ما هر كان عم يجيني ""رد جديد على موضوع""

و بعدها بح

أنا حردان:x :x :x :x :x





و من هون لتراضوني :


ليلى و الذئب باللهجة الساحلية :



كانت ليلي متمشي بالغابة ,كانت فرحانة متفط رعوش رعوش ...مشلوشة وشعرا منكوش .

. وشوك الديس بدياتا ... معلم من مرش العرموش ,


قامت شافت الديب ..


قالتله : ولاااااه شو متعمل عندك ,


قلا : بالله قيعيد مشرب متة و ناطر بنت المدرسة مستني ... واقف على البوابة
عاينها ,


فمسكت المنجل ورقعت صوت : سمرا وانا الحاصودي ,


ردوا خياتا : جايين نسنبل وراكي ...


قام الديب صرخ : وااااااعيني ... وااااقلبي ..... حوشي خياتك حوشي ,


وراح يركيد وهني ليحقينه

*****************




بس انا لساتني حردان :jakoush: :jakoush: :jakoush:

لك ثَوري بموضيعك يا أبو طريق ثَوري

تحياتي:سوريا:

مشكور يا طارق حلوة القصة وحزينة بنفس الوقت مشكور

انا راح اعمل اضرب عليك
متل مو عاملي بلوك
:frown: :frown: :frown: :frown:

اييييييييييييه اييييييييييه طلعنا نحنا المضطهدين :gem: :gem:

شو هالقصة يابا :lol: :lol:
شكراً حبوب :سوريا:

اييييييييييييه اييييييييييه طلعنا نحنا المضطهدين :gem: :gem:

شو هالقصة يابا :lol: :lol:
شكراً حبوب :سوريا:
يا حرام القط بياكل عشاكن :lol:

ولييييييييييييييييييي بكرا بيشحطوني أنا عم تكتبلي هيك حكي بالصالون روح لعند كريم يستر عليك :p :p :p :p :p :p

ننتقل إلى الادب:



يقول الشاعر" فسطار بن رتبة الجاعقي" في مدح الخليفة :
تدفق في البطحاء بعد تبهطل وقعقع في البيداءغير مؤركل

وسار بأركان العقيش مقرنصا وهام بكل القارطات بشنكل

يقول وما بال البحاط مقرمطا ويسعى دواما بين هك وهنكل

اذا اقبل البحراط طاح بهمة وان أقرط البحطوش ناء بكلكل

يكاد على فرط الحطيف يبقبق ويضرب ما بين الهماط وكندل

فيا أيها الحنكوش لست بقاعد ولا أنت في كل البحيص بطنبل

الشرح
هذه القصيدة قالها الشاعر" فسطار" في مدح الخليفة" زعبوط بن حمد ال ثاني" وهو أحد خلفاء بني " زعطرة " والمنسوب اليهم اختراع " النفتوش " الذي يستخدم في صناعة " الزراكل " ومع ان معاني القصيدة واضحة ومفرداتها لا تحتاج الى توضيح الا اننا وبناء على طلب الاخ القاريء نوضح بعض معاني المفردات التي استعصت عليه :
تبهطل : أي تكرنف في المشاحط وفي المعجم الوجيز : تبهطل الرجل أي تزربط او تعنبص .... والبهطلة هي الفعلصة ... وفي قول اخر : بل هي الجعلصة يبديها المرء كلما تنرمس ... وعن ابي جعللة ان الشاعر " فسطار " كان يبهطل في كل مزيط .
المزركل : هو كل بعيط أصابته فطاطة ... اما اذا اصابته مطاطة فهو مزعرل وفي الاغاني للاصفهاني ان امير زرموشة كان يزركل كل ليلة مع جاريته فنطسة .
العقيش : هو البقس المزركب
مقرنصا : أي كثير التمقمق ليلا ... واذا تمقمق نهارا فهو " مفرعص " وفي قول اخر : مفربص .... والفربصة هي ان يتعرنس قبل النوم وعن ابي زرمطة انه قال ان الخليفة زعبوط بن حمد ال ثاني كان يزرمط مع زوجته موزة في أيام الحصاد حتى اطلقوا عليه لقب " الزرموط " وقلبت قبيلة تميم الزاي شينا فأصبح " الشرموط " والله اعلم .
هك : الهك هو البقيص الصغير
أقرط : أي تكتك يده من شدة البرد
يبقبق : أي يهرتج عينيه بشدة .... فأن هرتج أنفه فهو يزبقق ... وعن حنبرة انه قال : لا تبقبق ولا تزبقق الا في زهبرة الليل وكان الخليفة زعبوط يحب البقبقة مع الجواري وقد ضبطته موزة وهو يزبقق في احداهن فزنبرته لذا عرف بين خصومه بلقب المزنبر
الهماط : هي عكوظ تظهر ليلا وتختفي نهارا
كندل : هو واد بشمال جنوب المحراط كان زعبوط يذهب اليه للصيد وفيه وقعت معركة حرنبش التي انتصرت فيها جيوش العفزاريين على زعبوط ووقعت موزة في الاسر فعربسوها أمام زعبوط حتى عنطزت قبل أن يزربعوا زعبوط





و كمان منقول

حدثنا بديع الزمان فقال:
في قادم العصر والاوان وجد منتدى للعربان فحطوا فيه الرحال واناخوا الجمال وقال واحدهم للاخر تعال تنتاقش ونتحاور علنا نجد لمشاكلنا حلولا او تصل كلماتنا مسؤولا فنكون له عونا على التغيير ومساعدا على الاصلاح والتطوير.
وهكذا بالفعل ماكان فتزاحم الاهل والسكان وكتبوا مواضيع ومداخلات ودخلوا في جدال ونقاشات يتقارعون بالحروف والكلمات ويترفعون عن المهاترات. وطبيعي ياسادتي الكرام ان يكون بين الناس بعض الاختلاف في رؤيتهم للاشياء وتشخيصهم لسبب الداء والبحث له عن افضل دواء.
وهكذا صار في المنتدى فريقان بل قل معسكران الاول يرى في النقد جريمة وقول الرأي ذميمة وان كل ملاحظة وانتقاد انما هي خيانة للبلاد فالاوقات صعبة وخطيرة والمشاكل والضغوط كثيرة ولاداعي لنشر الغسيل والاشمتت بنا اميركا و"اسرائيل" .
وهكذا صارت بلادنا في احسن حالة واختفت منها البطالة واصبح العمال عملة نادرة لاتجدها لافي باب الجابية او الزاهرة وتوالت من الوطن الاخبار بان الناس في بسط وازدهار فالمطاعم مليئة بالزوار والناس من سيران الى مشوار وعم يزوروا الغوطة بآذار وعميلعبوا لعب بالدولار.
اما ان كنت من فئة الناقدين ياحباب فحضر حالك للشباب واستعد لتلقي السباب والنعت باتفه الالقاب حتى لو كانت لهجتك لطيفة وجميلة فلست بمنأى عن الاذى والرذيلة ايه مالك احسن من عارف دليلة.
ولاتنسى ان اردت السلامة يا شطور استخدام الورود والزهور لتعبر عن اعجابك بالذكاء الذي يتمتع به بعض الاعضاء فقد حباهم الله عقلا فريدا ورأيا سديدا لايرقى الشك الى افكارهم ومعصومة عن الخطأ آراءهم ولاتعجب من هذا الحال فهم اذكى من اينشتاين واعلم من باسكال.
وان لم يعجبك الحال فضب اغراضك في الحال وهاهو امامك الباب فافرنقع من هنا ياحباب وغادر المنتدى على الفور واذا مابتفهم بالذوق بيفهموك بالزور ودعهم في حالهم يتبادلون الورود والعطور فما انت الا غبي موتور او خائن غدور








شرحو : منقول

وان لم يعجبك الحال فضب اغراضك في الحال وهاهو امامك الباب فافرنقع من هنا ياحباب وغادر المنتدى على الفور واذا مابتفهم بالذوق بيفهموك بالزور ودعهم في حالهم يتبادلون الورود والعطور فما انت الا غبي موتور او خائن غدور


حتى في هذا الخيار المقهور فلم تعد كما كانت الأمور فأنت الآن في نظر الغير إرهابي مسعور.. لا تجلب لهم إلا الموت والتفجير والقبور.. فابقى حيث أنت مقبور.. واعتمد سياسة الطبل والزمور وانتظر حتى يرمون لك الفتات والقشور.. فعربي أنا وقدري أن أعيش كالصرصور..........

حتى في هذا الخيار المقهور فلم تعد كما كانت الأمور فأنت الآن في نظر الغير إرهابي مسعور.. لا تجلب لهم إلا الموت والتفجير والقبور.. فابقى حيث أنت مقبور.. واعتمد سياسة الطبل والزمور وانتظر حتى يرمون لك الفتات والقشور.. فعربي أنا وقدري أن أعيش كالصرصور..........

:cry: :cry: :cry:

بعد تجربة مشروع الجامعة الافتراضية، ذكرت سانا بدء مشروع المتحف الافتراضي.
وكلنا خوف الآن من أن تبدأ الدولة بالتحضير لمشاريع أخرى مشابهة، مثل الديمقراطية الافتراضية، والأحزاب الإفتراضية، والإنتخابات الإفتراضية.
وأن تتوج هذه المشاريع بمشروع تحديث الهوية الشخصية بحيث يصبح كل شخص سوري "مواطن إفتراضي".




و لك حسون ظبتت معك :LOL:

تدور احداث هذه القصة في منتصف القرن الماضي.....شخصياتها مبتكرة و لا تمت للواقع بأي شئ...و اي تشابه بينها و بين ما نعيشه هي صدفة محضة......
------------------------------------


ولد زعبوط و ترعرع في ربوع مدينة طربشق من ام و اب طربشقيان.....كان والده رئيس القوات الغير مسلحة لدى شوربا.كم....... كان زعبوط انسانا مسقفا و يهوى الدراسة و اقتناء السيارات الرياضية......

في احد ايام الصيف الممطرة.....و في ليلة بدون ضوء قمر...... قام والده المرحوم و المغفور له بأنتزاع ادارة موقع شوربا.كم.....و سلم اركن الموقع لشلة موثوقة من اصدقائه...... كان ابو زعبوط.....انسانا محنكا....و لكن منغلقا..... الامر الذي ادى الى انغلاق الموقع....و هجرة المخاخ من الموقع الى مواقع اخرى خليجية و اميركية و كندية..... و لم يبقى الا من لم يستطع بالبعد احتمالا..... كانت اوضاع المنتدى بانهيار.....و كل يوم بدا احسن من اليوم الذي سيأتي بعده...... انهارت غرف المنتدى في هذا الموقع.......عم الفساد جميع مراقبين المحادثة و غرف المنتديات......تم نهب كل السعة التخزينية على السيرفر من قبل اركان الموقع......من موقع رائد الى موقع ينازع...انقلب الموقع بقيادة ابو زعبوط......اما اعضاء المنتدى فلم يكن لديهم الا السماء ليرفعو رؤوسهم و يطلبون الفرج و رغيف الخبر و ايميل مجاني.....و لكن.....ليس من مجيب.....اركان الموقع اسسو مواقع في دول اخرى و احتكرو حركة الدخول للموقع و الخروج منه.....بحجة....ان الموقع يلاقي تنافس شديد من موقع دخيل اسمه..... زبرائيل.حكوم ...... مات اقتصاد الموقع.....و بالمقابل ازدادت ثروات اركانه......و الوضع من سئ الى اسؤا...و الاعضاء مخرسين لا حول و لا قوة لهم.....فهم يخافون من ان يقولو "باه"....فيقوم ابا زعبوط بعملية محي لذاكرة السيرفر (فورمات) و انزال نظام تشغيل حديث المظهر.....قديم المفعول و مميت التأثير.....الاعضاء عانوا من الجوع.....اشتهو الموت و لكن لم يستطيعو ان يوفرو نفقات الجنازة........فصمتوا....و انتظروا...

في هذا الوقت كان زعبوط منكبا على نهل العلم من هنا و هناك......و في ليلة مشمسة......اتصلت به والدته ام زعبوط....و طلبت حضوره.....فما كان به الى ان ركب اقرب سيارة رياضية و طار الى قصر شوربا.خرم....ليجد ان ابا زعبوط على سرير الموت......و كانت كلماته الاخيرة.....زعبوط بابا....لا تضوع شغل العيلة......شوربا.كم....الك و لاخواتك و لاولاد خالتك....دير بالك على رزقنا يا بابا.....ثم مات.....

اجتمع اركان الموقع و قرروا ان مصالح الموقع و مصالحهم تقتضى اعطاء القيادة العامة لزعبوط..... و في ثلاث ثواني تم تعميم ايميل للجميع بأن تصويت الاركان كان لصالح زعبوط...و ان زعبوط هو النبي المنتظر.....الذي سيقود الموقع ليصبح اقوى موقع على الانترنت....و سيقوم بجعله مثل الحلم.....

اعضاء المنتدى المنومين....رفعو رؤوسهم و ابتسمو ابتسامة الاموات.....لانه لا يمكن ان يكون اسؤا مما مروا فيه....لا بل احسو بالامل و بأن الموقع سيعطيهم حقوقهم كأعضاء و يمنحهم كل المميزات الممنوحة لاعضاء المنتديات الاخرى.....

مر الوقت..... و كان مردود الموقع المقدر بالعشرات من الغيغات.....يذهب الى جيوب ابناء اركان الموقع....و الى غرفة الدفاع المزعومة امام زبرائيل.حكم..... ازداد الجوع....و لكن الابتسامة بقيت....مرت السنون....و لا شئ....لم يحصل الا ما ندر و ما من شأنه الحفاظ على رمق الاعضاء من الموت.....

و في ليلة صيفية ممطرة...... قام احد المواقع الكبيرة جدا بأحتلال موقع قريب من شوربا.كم....و اصبحت اطماعه موجهة الى شوربا.كم..... و قام بالتهديد و الوعيد....بأسقاط زعبوط و ادارته العتيدة....ليس حبا بالاعضاء...و لكن تحقيقا لمصالحه...

و استيقظ الشعب في المنتدى على نشرات الخبار و الجرائد التي تحمل اجمل الاخبار و هي اعلان زعبوط عن قيامه بثورة البرسيم لنفض شوربا.كم و احياء شعبها الميت.....طبعا ليس حبا بالشعب و لكن حفاظا على الكرسي و تحقيقا لوصية ابا زعبوط بالحفاظ على رزقة العيلة......

نص بيان الثورة ما يلي:

- ستصبح العضوية في شوربا.كم حلم كل انسان على وجه الارض...
- سيتم اقصاء كل المراقبين الفاسدين...
- سيتم تحويل الموقع الى جنة من جنان الارض...
- سيتم جعل هذا الموقع سباقا في المجالات العلمية و الطبية و السقافية و البيئية...
- سيتم اعطاء كل عضو سيارة كاديلاك...
- سيتم تنظيف قلوب و جيوب الموظفين المرتشين و الاهم....تنظيف عقولهم...
- سيتم تنظيف المدن و الضواحي و غرف المناقشة و النكات و الغرفة السياحية...
- سيتم تحويل الحيوانات الى بشر..
- سيتم تحويل البشر الى ملايكة...
- سيتم فرز سيريلانكية لكل مواطنة...
- سيتم نشر الحب و الغسيل النظيف عوضا عن الكره و الغسيل الوسخ..
- سيتم تحويل السجون الى متاحف للعلوم الطبيعية..
- سيتم وهب املاك هادي مبلوف الى افريقيا للنهوض بتلك القارة الفقيرة...
- سينمو الولد ليتكلم سبعة لغات....


و هذه الثورة ستبدأ قريبا...... و ستكون كالسحر..لا بل اشد قوة....و اكثر فعلا.....

الاعضاء فرحو و هللو و زلغطو...و اقيمت الافراح و الحفلات و عمت السعادة جميع ارجاء الموقع...فزعبوط هو النبي الموعود.....هو المخلص و هو المنشود.......

الفرحة اعمت قلوب و عيون الاعضاء....لم يفكرو بالعديد من الامور التافهة... مثلا.... لماذا زعبوط قرر حمل الرسالة الان فقط؟ لماذا لم يحملها منذ سنوات؟ لماذا لم يغير الا القليل جدا على مر السنين و الان يريد تغير الكثير على مر الايام؟......ترى هل هو تغيير المناخ ام تغيير نوع الطعام؟ لماذا الان؟..... و ان كان بأمكانه القيام بكل تلك الامور....لماذا الان و ليس قبل الان؟ و هل يستطيع الاعضاء الوثوق بزعبوط؟ هل الامر مرتبط بخوف على كرسي ام طاولة؟ ام مجرد محبة؟ و لماذا المحبة تحتاج لموقع طاغي اخر ليفرضها على زعبوط؟

لا احد يريد الاجابة....الجميع يعرفونها....و لكن يخافون من ذكرها.....لان الامل هو كل ما لديهم.....و بدونه هم اموات بأجساد متحركة.......

ترى هل سيزهر البرسيم و سيشبع الاعضاء الدراويش؟ هل سيملأ البرسيم الموعود بطونهم كما ملأ رؤوسهم؟ ...اشك بأن زعبوط اختار اسم ثورة البرسيم لغاية في نفسه و هي ابعد ما يكون عن مصلحة الشعب المغلوب..... رحم الله ابا زعبوط.....و اخيرا و ليس اخيرا....



صحتين عليك يا شعب كل البرسيم......





كمان منقول

شوربا.كم الله حاميها:king:

ننتقل إلى الادب:



يقول الشاعر" فسطار بن رتبة الجاعقي" في مدح الخليفة :
تدفق في البطحاء بعد تبهطل وقعقع في البيداءغير مؤركل

وسار بأركان العقيش مقرنصا وهام بكل القارطات بشنكل

يقول وما بال البحاط مقرمطا ويسعى دواما بين هك وهنكل

اذا اقبل البحراط طاح بهمة وان أقرط البحطوش ناء بكلكل

يكاد على فرط الحطيف يبقبق ويضرب ما بين الهماط وكندل

فيا أيها الحنكوش لست بقاعد ولا أنت في كل البحيص بطنبل

الشرح
هذه القصيدة قالها الشاعر" فسطار" في مدح الخليفة" زعبوط بن حمد ال ثاني" وهو أحد خلفاء بني " زعطرة " والمنسوب اليهم اختراع " النفتوش " الذي يستخدم في صناعة " الزراكل " ومع ان معاني القصيدة واضحة ومفرداتها لا تحتاج الى توضيح الا اننا وبناء على طلب الاخ القاريء نوضح بعض معاني المفردات التي استعصت عليه :
تبهطل : أي تكرنف في المشاحط وفي المعجم الوجيز : تبهطل الرجل أي تزربط او تعنبص .... والبهطلة هي الفعلصة ... وفي قول اخر : بل هي الجعلصة يبديها المرء كلما تنرمس ... وعن ابي جعللة ان الشاعر " فسطار " كان يبهطل في كل مزيط .
المزركل : هو كل بعيط أصابته فطاطة ... اما اذا اصابته مطاطة فهو مزعرل وفي الاغاني للاصفهاني ان امير زرموشة كان يزركل كل ليلة مع جاريته فنطسة .
العقيش : هو البقس المزركب
مقرنصا : أي كثير التمقمق ليلا ... واذا تمقمق نهارا فهو " مفرعص " وفي قول اخر : مفربص .... والفربصة هي ان يتعرنس قبل النوم وعن ابي زرمطة انه قال ان الخليفة زعبوط بن حمد ال ثاني كان يزرمط مع زوجته موزة في أيام الحصاد حتى اطلقوا عليه لقب " الزرموط " وقلبت قبيلة تميم الزاي شينا فأصبح " الشرموط " والله اعلم .
هك : الهك هو البقيص الصغير
أقرط : أي تكتك يده من شدة البرد
يبقبق : أي يهرتج عينيه بشدة .... فأن هرتج أنفه فهو يزبقق ... وعن حنبرة انه قال : لا تبقبق ولا تزبقق الا في زهبرة الليل وكان الخليفة زعبوط يحب البقبقة مع الجواري وقد ضبطته موزة وهو يزبقق في احداهن فزنبرته لذا عرف بين خصومه بلقب المزنبر
الهماط : هي عكوظ تظهر ليلا وتختفي نهارا
كندل : هو واد بشمال جنوب المحراط كان زعبوط يذهب اليه للصيد وفيه وقعت معركة حرنبش التي انتصرت فيها جيوش العفزاريين على زعبوط ووقعت موزة في الاسر فعربسوها أمام زعبوط حتى عنطزت قبل أن يزربعوا زعبوط





و كمان منقول

انو معقول انت ...;-)
يخرب عقلك فتلتلي راسي ... لك عم بقرا عربي بس مو عربي :? ...
عم فكر حالي عم افهم بس ما عم افهم:? ...
مدري نياو :shock: مدري عووووووو :shock:

[QUOTE]
بعد تجربة مشروع الجامعة الافتراضية، ذكرت سانا بدء مشروع المتحف الافتراضي.
وكلنا خوف الآن من أن تبدأ الدولة بالتحضير لمشاريع أخرى مشابهة، مثل الديمقراطية الافتراضية، والأحزاب الإفتراضية، والإنتخابات الإفتراضية.
وأن تتوج هذه المشاريع بمشروع تحديث الهوية الشخصية بحيث يصبح كل شخص سوري "مواطن إفتراضي".

لعمى هي مصيبي اذا بدون يطبقوها مثل التعليم
يعني ( التعليم الافتراضي والتعليم الموازي والتعليم المفتوح)
مواطن افتراضي: مو مشكلي عايشنا هلق
مواطن موازي: بلقولها حل
بس مواطن مفتوح: لعمى شو رح يعملو فينا..........

بعدين ليش مصورين انه الرجل هو المضطهد ...
غالبا الشب هو اللي بيضحك ع عقلات البنت مو هيك منشوف بالمسلسلات ...
...

سمحيلي غلطانة يا اختي

والصراحة هيدا من أروع المواضيع اللي شفتا بأخوية
روعة روعة

يفضح حريشك يا طارق طق حنكي من الضحك
بس شو بدك بالحكي شعر بليغ جدا

يقول الشاعر" فسطار بن رتبة الجاعقي" في مدح الخليفة :
تدفق في البطحاء بعد تبهطل وقعقع في البيداءغير مؤركل

وسار بأركان العقيش مقرنصا وهام بكل القارطات بشنكل

يقول وما بال البحاط مقرمطا ويسعى دواما بين هك وهنكل

اذا اقبل البحراط طاح بهمة وان أقرط البحطوش ناء بكلكل

يكاد على فرط الحطيف يبقبق ويضرب ما بين الهماط وكندل

فيا أيها الحنكوش لست بقاعد ولا أنت في كل البحيص بطنبل



ما لازم ننسى شو رد علي الشاعر سقيك بن جماط الراقجي حين قال:

تحنكش فسطار بغير تمنفق.... وبحرط جعاقا بكل تبرصع

وقرمط مسغونا يبيش على الصعا... فطرقص مرشوما يصه بضربع

يتيب اذا ساهت عليه جباخة.... ويرمص ان طبزو بغير تمرقع

فيا ماسع النشغين ردّ فمرظكم.... يساوي شميخا أو حذانة صرقع

كلّ السفاتين في البطحاء تعرفني... وبرقش النفت والأخمان والطفع

يعني ردو كان صاعق مع احترامي لفسطار
ما بعتقد بدها تفسير
ومش منقول

حلو هادا الكلام المفهوم

بس سؤال لحموزة وطارق انتو من جماعة رفقات بيو لزعبوط لانو حكيكين متل خطاباتن مفهوم مية بالمية :p

الموضوع اكتر من رائع مشكور طارق بوند :سوريا:

حلو هادا الكلام المفهوم

بس سؤال لحموزة وطارق انتو من جماعة رفقات بيو لزعبوط لانو حكيكين متل خطاباتن مفهوم مية بالمية :p



:shock: :shock: :shock: له ليه انا شو خصني؟!!

:shock: :shock: :shock: له ليه انا شو خصني؟!!


ولك فكروك انا مع انو ما بتشبهني

ولك فكروك انا مع انو ما بتشبهني

:shock: :shock: :shock: ليه حبيبي انتا مين ؟؟!!!

قال اشبهو قال اي ما فشرت عرقبتك :x :x نياء تفوو اعععع رح استفرغ

للفصاعين يلي عم يفوتوا و باكلوا هوا بمواضيعي و يقلبوها تشات انقلعوا من هون


و أذا حدا بدو يسأل ليش ؟



لانوا هيك بدو المعلم





في سورية يمكنك أن تصف أيا كان "بالمعلم" و إذا كنت لا تعرف أسم أحدهم فكلمة "معلم" مثالية في هذا الظرف لأنها تنوب مناب الأسم يمكنك أن تصف الرجل العادي فتناديه "معلم" و يرد عليك بأريحية و بدون زعل يمكنك أن تنادي الحلاق معلم صاحب ورشة تصليح السيارات سائق التاكسي صغار رجال الأمن ينادون رئيس دوريتهم بالمعلم و قد ينفش ريشه إذا وصف بهذا الأسم سائقي كبار الضباط ينعتون قادتهم بالمعلم فيقول لك "عندي مناوبة اليوم ببيت المعلم" و المعلم هنا هو رئيسه و قد يكون برتبة لواء أو اكثر ,نواب الوزراء ينادون وزرائهم بالمعلم و الوزراء ينادون رئيس الوزراء معلم أنا رئيس الوزراء و كبار القادة العسكريون و الأمنيون ينادون الرئيس نفسه بالمعلم ,الشخص الوحيد الذي لا يطلق عليهه لفظة "معلم" هو معلم المدرسة لأنه يسمى "أستاز" و الأستاز تتحول الى معنى غير لائق في الأوساط العسكرية ففي الجيش المقابل المعنوي للأستاز هو "الحمار".

تجاوزت كلمة "المعلم" معناها اللغوي و اصبحت ثقافة أو مؤسسة لأن البعض قد يهددك بالمعلم كما يهدد بالشرطة يعني قد يدب خلاف يتطور الى تماسك بالأيدي فيقول احد "المتهاوشين" للآخر بفرجيك للمعلم المفارقة أن الثاني قد يرد و بنفس الغل و كمية الحقد الموجوده لدى الأول و أنا بفرجيك للمعلم و للعلم هنا فإن المعلم الأول غير المعلم الثاني و ربما تتطور المشكلة و تكبر ليتواجه المعلمان و المعلم "و هذا من حسن الحظ" لا يرضى لأحد من "تحته" بالإهانة كرامة من يقعون تحت إمرة المعلم من كرامة المعلم ذاته و هذا مبدأ هام من مبادىء "الثقافة المعلمية" فلتكون في آمان و أطمئنان و راحة بال يجب أن يكون عندك معلم.

المعلم لا يقبل الخطأ و لا الهفوات و قد يثور عند أقل "خطأ" لا يمكن أبدا التنبؤ بردود فعله على الإطلاق قد يمسح احدهم عن وجه الأرض لسبب تافه و قد يمنح أحدهم مكافئة ضخمة لسبب أكثر تفاهة ,فليس للمعلم مزاج واحد يمكن الركون أليه هو دائم التقلب ربما يضحك في وقت تتوقع منه الغضب و قد يغضب في وقت تتوقع منه الضحك و يجب أن يبقى كل من حول المعلم جاهزين لتلقي ما تجود به نفسية المعلم.هذا لا يعني أن المعلم رجل ليس لديه حالات صفاء ذهني لأنه قد يقضي الليل ساهرا مفكرا دون أن يشعر بوجوده أحد و ربما خرج ليلا بمفرده دون مرافقة أحد,هذه التصرفات تحولة الى شخص خيالي تنسج حولة الأقوال و الأفعال و قد يتحول الى أسطورة أو صورة مثالية.

المعلم رجل عائلي الى درجة كبيرة فهو يشرك زوجته و أولادة و ابناء منطقته في كل ما تحت "معلميته" و عائلته بالمقابل لا تقصر في التصرف على نحو يوحي "بمعلمية",و تختفي هنا الأسماء و الصفات و يتحول الأبن الى أبن المعلم و الأخ الى أخو المعلم و الزوجة الى "مرت المعلم" أما العشيقة في "صاحبة المعلم" و لكل هؤلاء من الحقوق ما للمعلم نفسه و قد يفوض المعلم أحد مقربيه ببعض صلاحياته فيصبح معلم و قد يقال له المعلم الصغير, و كلمة الصغير هنا ليست شتيمة و لكنها تمميزا عن المعلم الكبير فقط علما أن المعلم الصغير قد يقوف الكبير "نشاطا" و غضبا و فرحا للأسباب المذكورة أعلاه عينها.

طبعا قد يتغير المعلم فيذهب المعلم القديم الى المنفى أو الى بيته أو حتى الى السجين فيأتي معلم جديد ربما لا تلحظ تغييرا كثيرا إلا فيما يخص مزاج المعلم فقد يكون ذا طبع مختلف فيضحك عندما كان المعلم القديم يغضب و العكس صحيحا,و تبقى الأحوال الأخرى كما هي من حيث ابن المعلم و زوجته و خلافه..و تحتار كمراقب محايد لماذا ذهب ذلك المعلم و جاء المعلم الجديد و كلاهما معلم أخو أخته..

تبقى إرادة المعلم التي لا تعلوها إرادة...و التي يجب تنفيذها حتى آخر قطرة و مهما كلف الأمر و أن عارض أحد تلك الإرادة يمكن أن نجيبه بشكل مختصر و مفحم "المعلم هيك بدو".




منقول

معلم
يا اخي الله يعطيك العافية
بس مو مثل المعلمين اللي فوق

أبو رامز جورية "رجل تعشقه النساء"



"معبود النساء" عبارة تليق بممثل سينمائي أو تلفزيوني ذو شكل أنيق وأدوار ناجحة, أو على شاب غني ينفق من أموال والده بدون حساب أو ابن سياسي كبير ذو نفوذ, يعني يجب أن تجد النساء سببا وجيها لتتعلق بشخص ما, أما أن يتحول شخص بدون "مواهب" ولا حضور إلى جلاد للقلوب فهذا شيء صعب الفهم والتفسير ومدعاة للحسد و"ضيق العين", لم أقابل معبودا حقيقيا للنساء بشكل شخصي كنت أراقبهم "بحقد" على شاشات التلفزيون أو من خلف الزجاج نصف العاكس يوزعون ابتساماتهم ويستعرضون ثقافاتهم. إلى أن تعرفت بأبي رامز جورية لم يكن ممثلا ولا سياسيا ولا ثريا كان رجلا عاديا ولكن النساء "تموت فيه".

تطوع أبو رامز جورية في الجيش صغيرا رغم أنه أبعد ما يكون عن العنف أو الوطنية, ولكنه فعل ما فعله الجميع ووجد نفسه في قلب المعمعة. في حرب السبعة والستين كان أبو رامز جورية على مقربة من الأحداث فتلقى شظية معدنية استقرت في عينه اليسرى، فقد على إثرها أكثر من نصف قوة الإبصار فيها، وجمدت على وضعية واحدة وذهب لونها العسلي. وفي حرب الثلاثة والسبعين كان على موعد آخر مع الشظايا المتناثرة، فتلقى واحدة استقرت في فخذه الأيمن لم يقو بعدها على المشي المنتظم لأن قامته مالت إلى الوراء ليتمكن من التوازن وهو يسير برجل يسرى غير قابلة للثني الكامل, تحول أبو رامز بعد إصابته الثانية إلى الخدمة العسكرية الثابته فتعلم عزف العود وكان يحلو له أن يردد، أن العزف على العود هو الانتصار الوحيد الذي حققه في معاركه.

ترمل أبو رامز جورية بعد أن رزق من زوجته بستة أولاد ثلاث إناث وثلاث ذكور, لم تمت زوجته "حتف أنفها" لأن أقرباءها يصرون أن أبو رامز "قهرمها" و"فرجاها الويل" لأنه كان "يصاحب" عليها دائما لذلك أصيبت بسرطان الثدي فتم استئصاله، ثم انتقل المرض الخبيث إلى الثدي الثاني فماتت بعد أن ذاقت الأمرين، ولكن المر الذي شربته من أبو رامز يفوق بكثير مر السرطان. كان يغازل الجارات والمتسوقات وحتى نساء أصدقائه وأقربائه، وكن يبدين غنجا ودلعا أمامه فيزيد من جرعة الغزل, قبضت عليه مرة مع زوجة مساعد الكتيبة يأكلان من "صندويشة فلافل" واحدة كانت زوجة المساعد تمسك بيدها باللفافة فتدسها في فمها لتقضم منها ثم تدسها في فمة ليقضم منها بدوره, هجمت زوجة أبي رامز عليهما بعد أن استلت "شحاطتها" وأشبعتهما ضربا وشتائم ثم ذهبت إلى المساعد وأخبرته القصة. أنقذت إسرائيل أبا رامز بهجومها المباغت في عام سبعة وستين فتلقى أبو رامز إصابته الأولى.

ظنت زوجة أبو رامز أن زوجها سيستسلم بعد أن أصبح "أعورا", ظنها خاب لأنه عاد إلى ما كان عليه وازداد تعلق النساء به رغم عينه "الزائغة" باتجاه واحد ولونها غير المألوف. كانت تركبها موجة من الانفعال عندما تقابل جارة في السوق فتبادر تلك لتسألها "كيفو جوزك". كانت تصيح في وجهه بحرقة وتساؤل "ولك شو عم تلاقي فيك النسوان يا أعور الزب" فيهز أبو رامز كتفيه بلا مبالاة ويقول لها "اسأليهن". واجه أبو رامز جورية مشكلة حقيقة عندما تنافس مع قائد كتيبته على فتاة الملهى المجاور لقيادة الكتيبة، كان المقدم قائد الكتيبة يدخل إلى الملهى بخيلاء متباهيا بثيابه العسكرية النظيفة والنجوم الكثيرة المضطجعة على كتفيه، فتلاقيه فتاة الملهى بكل الترحاب الذي يستحق, لكن ما إن يدخل أبو رامز جورية حتى تترك الفتاة المقدم وتركض نحو "جورية" لتدس نفسها بين ذراعيه.

بعد "الهجوم" العربي على إسرائيل في عام ثلاثة وسبعين كلف المقدم قائد الكتيبة أبا رامز جورية بمهمة كلفته ساقه فأخلي إلى الخطوط الخلفية، ثم بعد انتهاء الحرب ألحق بالعمل في مطبخ اللواء كأمين مستودع المؤن والأغذية. وجد أبو رامز متسعا من الوقت ليتعلم العزف على العود فأتقنه خلال ستة أشهر. لم تلتفت النساء إلى عين أبي رامز العوراء ولا إلى رجله العرجاء واستمرت بالتحلق حوله، وقد أعطاه إتقانه للموسيقا ميزة إضافية. لم تحتمل زوجته ما يجري أمامها فاصيبت بسرطان الثدي، وبدأت رحلة معاناتها المزدوجة, وأوغل أبو رامز في استغلال ما لديه من إمكانيات, كان يجلس في بيته وزوجته في المستشفى وحوله تتحلق النسوة، فيحدثهن ويعزف لهن ثم ينصرفن وتبقى واحدة.

لم تحتمل زوجته أكثر ففارقت الحياة وهي غاضبة ناقمة عليه, أما هو فلم يبد حزينا جدا لفقدها فباشر البحث عن عروس بعد أسبوع واحد من وفاتها. لم يجد صعوبة كبيرة في العثور على عروس، كانت صغيرة بالنسبة له لم تتجاوز الثلاثين ولكنه فسخ الخطوبة بعد شهر لأن العروس كما قال كبيرة, خطب الثانية صغيرة يانعة لم تبلغ العشرين كانت سعيدة به سعادتها بلعبة، ولكن أبو رامز جورية الرجل الستيني فسخ الخطوبة بفتاة ما دون العشرين لأنه كما كم قال سمينه شوي. خطب أبو رامز قريبتي فتاة في العشرين جسد مشدود ووجه جميل تعشق شخصا اسمه "أيمنم" مغن أمريكي اشتهر بتقليده لموسيقى السود. تركت قريبتي "أيمنم" الذي تعلق صوره في كل مكان وتعلقت بأبي رامز جورية، كرهت أغاني الراب وهامت بأغاني الدلعونا والهوارة التي يعزفها لها أبو رامز, كانت تحدثني عنه وكأنها تتحدث عن فارس أو أمير وعندما قابلته أحسست بثقل دمه وسماجة روحه، وشعرت بأنه قطعة من الزجاج لم أحتمل الجلوس معه طويل.

عدت يوما لأجد قريبتي وقد أحمر وجهها وجحظت عيناها من فرط البكاء سألتها بلهفة ما بها أجابت ولا تكاد تتوقف عن البكاء أبو "رامز تركني".

عرفت فيما بعد أن أبا رامز جورية خطب ممثلة إعلانات مشهورة.





الواوي

حلوة القصة كتير :cry: بس بتبكي :cry: بعدين ليش مصورين انه الرجل هو المضطهد ...
غالبا الشب هو اللي بيضحك ع عقلات البنت مو هيك منشوف بالمسلسلات ...
واحيانا بيكون الشب مظلوم :cry: بس القصة حلوة كتير ...
معك 100%:pos:

الزعبوط....الله عليك يا طارق.. وين صرت هلق.. بعرف وين..
بس هاد الزعبوط الأولاني زعلني كتير

مافهمت شو زعبوط بس شفت زوبا قلت قلوا هاي

لك أهلين.. أنتي شوفي أول مشاركة بها الموضوع وشوفي زعبوط الفقير

اي ماشي ح شوف

:cry::cry::cry::cry::cry:

قلتلي منقووول ماهيك طارق:cry::cry::cry::cry:

الله يرجعلنا ياك بالسلامة ويحميك من كل شر يارب:D:D



الحرية لطلاب الحرية:D

نشالله



بس انو مين عم ينكوش :pos:

بس والله يا أبو جوزيف ..ما فيك تقرا هيك حكي .. وتضل ساكت.. غصبن عنك بدك تحكي..

... منقول.. ضل الزلمة يقول منقول لحتى راح.. بس بيرجع.. الحرية إلها صحاب...مانا رزق داشر..
وإلا ما يجي زعبوط تاني

مشان ربكون ليش لتفتحو الجروح علينا