ˆ~*¤®§(*§*)§®¤*~ˆ°هل تبحث عن انسان يفهمك؟؟؟ °ˆ~*¤®§(*§*)§®¤*~ˆ°

لكل من يبحث عن انسان يفهمه...؟؟؟

يامن تبحث عن إنسان يفهمك ..

إنسان يكون صادق معك ..

مخلص لا يتبع مصالحه على مصلحتك ..

شخص يضحي لك ..

يصبر على سيئات طباعك ..

شخص يمسح دمعتك قبل سقوطها على وجنتيك ..

لكـــن ..

قبل أن تبحث عن كل هذه المواصفات ..

هل بحثتها في داخلك ..

أولاً:

هل تساءلت أممكن أكون ذاك الشخص الذي أبحث عنه !

هل أنت ذاك الصادق المخلص المضحي ؟؟

إبحث عن الأفضل لكن إبحثه في داخلك أولاً ..

قبل أن تسبح في بحور مشاعر غيرك ..

إسبح في داخلك لتكتشف أعماقك ..

إصلح مافي داخلك ...

قبل أن تبحث عن الأصلح لك مع غيرك ...

لو كل منا بحث عن المواصفات التى يطمح إليها في داخله قبل أن يبحث عنها في داخل غيره ، فلن نجد

التساؤل المعتاد ... ((هل من صديق وفي)) ؟؟؟

الخل الوفي

وهو الصديق الوفي والملاك الحارس فهل تراه عملة نادرة في هذا الزمان...

زمن الماديات والغاية التي تبرر الوسيلة ..؟؟

شكراً كتير عاشقة علي وكل يوم عن يوم عم يزداد إعجابي بمواضيعك وأسلوبك بالكتابة
بالنسبة لهذا الموضوع فكل إنسان يبحث عن ضالته
يعني على مبدأ قل لي من صديقك أقول لك من أنت
والصديق مرآة تعكس صورة الشخص في صفاته وأفكاره
والصديق الوفي أو الخل الوفي موجود وممكن لأي شخص أن يجده إذا أعتبر نفسه وحمل راية الإخلاص والوفاء لأصدقائه والناس

شكرا
كتير قلب المثنى على ردك

مافي حدا بقول عن زيتو عكر!!! أكيد كل واحد بلاقي حاله ملاك وملفي متله بس ما حدا قليل!

عنجد الحكي كلو صح .. وخاصة بهالوقت ..
يعني الواحد بيحس انو في حوالي كتير رفقات وشو ما بدو بيساولو وبيقصرو بحق حالون بس مشان يعطوه .. بس اخر الشي وقت بيجد الجد والمشاكل بتجي الواحد بيعرف من الرفيق الحقيقي ومين لاء .. والمشاكل هي اكبر غربال للرفقة ...
وانا وقت بفكر بنفسي اذا كنت رفيق كويس ... ما رح ققدر قول الجواب الصح .. او بجوز بنظري صح بس بنظر باقي العالم غلط .. بس بعتقد انو انا مين ما كان في عندو مشكلي انا بقدر ساعد فيا بساعد بالموضوع وبحاول ساوي الي بقدر عليه مع انو في كتير اوقات بعرف سلفا انو اذا كانت نفس المشكلي معي ما رح يساعدني فيا . وما ما رح ققدر لاأي جنبي ...

يسعدلي زيتك فوفو..... بكفي انتي احلى رفيقة بالدنيـــــــــــــــــا و أوفىىىىى رفيقة و ما بدي شي بقى من هالعالم .... بحبك فوفو ( هلا بتاخدي بحالك مقلب... بحبك بس مو كتير:hart: )
يا عاشقة علي.... 1- انا كتير بحب اسم علي:sosweet:
2- بس تصفي النية كل شي بيجي صافي.... بس الغريب انا دايما نيتي صافية وما بيجي شي صاااافي.....
كل حد الله بيبعتلو عقد نيتو....:سوريا:

مافي حدا بقول عن زيتو عكر!!! أكيد كل واحد بلاقي حاله ملاك وملفي متله بس ما حدا قليل!
اول الشي اهلة وسهلة فيكي فوفو وانشالله الاخوية تعجبك :سوريا: :سوريا: ...

هلق متل ما انتي عما تقولي صح ... بس بنفس الوقت في كتير رفقات عنجد رفقات هلق بغض النظر الواحد كيف معاملتو مع العالم . بس في كتير اوقات الرفقة بين بعضون بيكون متل السمني عالعسل ( مابعرف اذا هادا المتل صح ) و اذا شافون شي حدي من برات الشلي بقول عنو ما بيضحكو لرغيف السخن .. يعني انتي لازم تتطلعي عالعالم الي الك اتصال معون ... ما مع عالم بتشوفيون مرة بالاسبوع بالطريق ويا بتسلمي يا لاء...
واكيد اذا دورتي بين العالم الي بتضلي تحكي معون وتشوفيون كل اليوم رح تلاقي انو هني عنجد رفقات حقيقين ...
الرفيق ما هو الشخص الي بيتضحك معك وقت بتكوني عم تضحكي .. الرفيق الي بيضل جنبك وانتي عم تبكي وبيبكي معك ...

واكيد فوفو الدنيا اسا ما خلصت من الخير ... واسا لهلق في زيت صافي اصلي ... بس بيكون غالي كتير .. وحقو معو ...
:سوريا:

والله يا ايفي انتي ملفي منك بلدنيا كلا!!!طيوبة وحبابة متل بعض الناس ..نيالة عليكي!! :) ما تاكلي مقلب بحالك كلنا حبابين السوريين!مو لحالكز :) بحبك!
ام علي عنجد سؤال حلو ..لو كل واحد بكون صريح مع حالو بلجواب الكل بصيرو مناح بس صعبة كتير...

والله يا ايفي انتي مافي منك بلدنيا كلا!!!طيوبة وحبابة متل بعض الناس ..نيالة عليكي!! :) ما تاكلي مقلب بحالك كلنا حبابين السوريين!مو لحالك :) بحبك!
ام علي عنجد سؤال حلو ..لو كل واحد بكون صريح مع حالو بلجواب الكل بصيرو مناح بس صعبة كتير...

موضوع حلو متل ما عودتينا :سوريا:

:king: :king: :king: :gem: :clap:

حالي تعباني ياليلى
جاي على بالي غنّي مين بغني معي
هنن المستحيلات 3
وما بتسمعوا بقولوا إنو هالشي من رابع المستحيلات
يعني شوهني المستحيلات
أيوه راح قول
هني ..............الغول
.....................والعنقاء
....................والخل الوفي
بس أنا ما بآمن بإنو الخل الوفي مستحيل لأنو موجود
بس الواحد يعرف كيف بدو يلاقيه
ومتل ماقال الشاعر

جزى الله المصائب عني كل خير........ عرفت بها صديقي من عدوي
يعني الصديق الصح ما بينعرف معدنه إلا إذا انحط عالمحك

مشكورة على موضوعك حلو كتير

شكرا على رددكم الحلوة

رح استعير منك يا قلب المثنى

قول الامام علي : ثلاثة من المستحيلات :
1- الغول
2- العنقاء
3- الخل الوفي

وانا ابشوف انو الخل الوفي غير موجود

لأ الخل الوفي موجود بس نادر كتير

يعني مثلا انا قلال كتير كتير يللي بعتبرهم اوفيا مع انو رفقاتي كتير كتار

اما عن نفسي مس لأنو ما حدا بقول عن زيتاتو عكرين بس عنجد بعتبر حالي صديق وفي

الخل الوفي دايما موجود بس دور و بتلاقي

في كتار ناس بيعرفوا حالون انون مو صح دائما
وانا بعترف بها الشي انو انا مزاجيتي بأغلب الأحيان
بتنزعلي علاقتي مع الناس اللي بحبون
حاولت اتخلص منها لكن ما قدرت
بس انا الحمدلله لقيت الشخص اللي بيفهمني
وبيعرف بمعظم الأحيان روز شو بدها
وبوجهلو تحية وهو بيعرف حالو

مبرووووك مبرووووك روز يا رب يضل فاهمك....
اغلظ شي المزاجية بتعب كتيررررررررر

شايفة يا eve
صدقي عم حاول بس ما بقدر خلص تقولي
مربوطة فيني للأبد
بس الحمدلله ايام بسيطر عليها

شايفة يا eve
صدقي عم حاول بس ما بقدر خلص تقولي
مربوطة فيني للأبد
بس الحمدلله ايام بسيطر عليها
نصيحة من مجرب حاولي تتخلصي منها بأي شكل وعودي نفسك على الليونة وكلمة مربوطة فيني هيي السبب بإنك ما عم تقدري تتخلصي منها

أنا بسبب المزاجية كنت راح أخسر بلحظة من اللحظات أحب الناس على قلبي
مشان هيك ديري بالك
وأنا لوماكنت بسبع أرواح ما كنت صبرت لهلأ

اي كيف قدرت ساعدني

و انا وانا وانا كماااااااااااااان بدي مساااعدة
مزاجيتي كتير خلتني اخسر ناس بحبهم و اعمل اشياء انا ما بدي اياها :(
بتعب المزاااااجية كتيرررر:cry: :cry:

أهم شي انو يكون عندكن قناعة تامة انو هالعادة فيكي سيئة وانك عقدتي العزم على انك تتخلصي منها

عاقدتو لهلعززززم
بس ايمتى بدا تخللللللللللللللللللللللص

اول الشي اهلة وسهلة فيكي فوفو وانشالله الاخوية تعجبك :سوريا: :سوريا: ...

هلق متل ما انتي عما تقولي صح ... بس بنفس الوقت في كتير رفقات عنجد رفقات هلق بغض النظر الواحد كيف معاملتو مع العالم . بس في كتير اوقات الرفقة بين بعضون بيكون متل السمني عالعسل ( مابعرف اذا هادا المتل صح ) و اذا شافون شي حدي من برات الشلي بقول عنو ما بيضحكو لرغيف السخن .. يعني انتي لازم تتطلعي عالعالم الي الك اتصال معون ... ما مع عالم بتشوفيون مرة بالاسبوع بالطريق ويا بتسلمي يا لاء...
واكيد اذا دورتي بين العالم الي بتضلي تحكي معون وتشوفيون كل اليوم رح تلاقي انو هني عنجد رفقات حقيقين ...
الرفيق ما هو الشخص الي بيتضحك معك وقت بتكوني عم تضحكي .. الرفيق الي بيضل جنبك وانتي عم تبكي وبيبكي معك ...

واكيد فوفو الدنيا اسا ما خلصت من الخير ... واسا لهلق في زيت صافي اصلي ... بس بيكون غالي كتير .. وحقو معو ...
:سوريا:

يسلمو كلك زوء..اكيد حكياتك صح..انا عندي رفيئتين ما بدلن بلدنيا كلا(وأكيد نيالن علي كمان:) )وبتمنى للكل يلائو رفئات متل رفئاتي لانو بحسو وئتا اديه الرفئات بوئفو جنبك لما تحتاجن..
هدول زيت فعلا غالي:)

بحب خبركوووووووووووووم انو فوفو عم تحكي عني...............

طب واذا كنت اتبعت تلك النصائح و العيب مش فيّ؟
الطيب فى هذا الزمن يقولوا عليه عبييط ! :o

عادددي بتكووون راحت عليك... و خيرها بغيرها

اي حكي سليم مية بالمية
لانو دايما الواحد بيبدا من نقطة انو هوي الاحسن والتفكير الصحيح لازم يبدا بالعكس ليكون صديق وفي

شكرا

الكم

وانشاءالله

الموضوع عجبكم

انا عايز اقول انى اشتركت فى الاخوية عشان خاطر الموضوع ده ..

طبعا عجبنا مافي مجال

شكرا كتير على هاد الموضوع الحلو وبالفعل الانسان لازم يبحث في داخله عن الشخص الذي يتمناه ثم يبحث في الخارج عن هذا الشخص

شكرا كتير
eve

على ردك الحلو


وشكرا الوردة الدمشقية

ولوووووووووووووووووووووو نحنا هنا لبعض

اهلين ريمو ومرسي الك مرة تانية