أصدقائي الأعزاء أعضاء المنتدى :
أولا و قبل كل شيئ أتمنى لكم عاما سعيدا حافلا بالانجازات الشخصية و الجماعية , ومليئ بالسعادة و الهناء...
أود أن أطرح عليكم اليوم قضية تخصنا جميعا كسوريين , هذه القضية وضعت لها اسما وهو " حق اللادينية" وقصدي بهذا حق المواطن بعدم ذكر معتقده أو ديانته كائنة ما تكون...أظن أنني لم أوضح رأيي جيدا...لذلك سأحاول شرحه :
في سوريا...أحدى خانات الأحوال المدنية هي خانة " الديانة " ولا يمكن تركها خالية...أي أننا, في سوريا, رسميا, لا نستطيع أن نكون ملحدين مثلا...أو بكل بساطة لا يمكننا أن نكون لادينيين , ولا أرى عادلا هذا الأمر..لأنه , ولو رمزيا, يخلف فروقا طائفية...هذا الشبح الذي ادعت وما زالت تدعي السلطة محاولة القضاء عليه.
حسب القانون السوري...أحدى الأوراق المطلوبة لتثبيت الزواج من أجنبية هي شهادة التعميد أو ما شابه!!! ألم يحن الوقت لوجود الزواج المدني في سوريا؟؟؟!!!
حسب الدستور السوري, رئيس الجمهورية يجب أن يكون مسلما....ليس لشيئ ضد الاسلام...لكن قد يكون هناك شخص من ديانة أخرى أو حتى " لاديني" أكثر كفاءة و جدير أكثر بالمنصب...هل من العدل أن يكون الدين حاجزا في هذا المجال...برأيي أن العلمانية أو اللادينية في الدولة لا تتعارض مع الحرية الدينية الفردية..و أرى أنها ضرورية جدا أن كنا نرغب في أن نكون دولة عصرية...
أتمنى معرفة آرائكم و ملاحظاتكم حول الموضوع...
مع أطيب التمنيات

و الله معك مية بالمية يا أبو مارل و في كتير قوانين لازم تتعدل كمان حول المرأة و الوصاية بس بلا ما ندخل فيها هلأ بما انو موضوعك عن الدين بشكل اساسي
تحياتي

و الله معك مية بالمية يا أبو مارل و في كتير قوانين لازم تتعدل كمان حول المرأة و الوصاية بس بلا ما ندخل فيها هلأ بما انو موضوعك عن الدين بشكل اساسي
تحياتي
يمكن ما فهمت علي باشا!!!!!!!!! موضوعي مانو عن الدين...انما ضرورة فصل الدين عن الدولة...حق التدين مشروع طبعا...بس لازم برأيي يكون شي شخصي وما ياخد طابع قانوني أو سياسي...هاد قصدي
تحياتي لكندا خاي

اي بعرف شريك انو موضوعك مانو عن "الدين".. بس قصدت انو عم تناقش القوانين في الدولة المتعلقة بشكل مباشر بالدين

و لو انو بالنهاية القوانين عندنا بسوريا المتعلقة بالمراة و الوصاية على الاولاد و قدرة المراة السورية على منح الجنسية السورية لأولادها و الارث.. الخ... كلها مستقاة من الدين و الشريعة

أصدقائي الأعزاء أعضاء المنتدى :
أولا و قبل كل شيئ أتمنى لكم عاما سعيدا حافلا بالانجازات الشخصية و الجماعية , ومليئ بالسعادة و الهناء...
أود أن أطرح عليكم اليوم قضية تخصنا جميعا كسوريين , هذه القضية وضعت لها اسما وهو " حق اللادينية" وقصدي بهذا حق المواطن بعدم ذكر معتقده أو ديانته كائنة ما تكون...أظن أنني لم أوضح رأيي جيدا...لذلك سأحاول شرحه :
في سوريا...أحدى خانات الأحوال المدنية هي خانة " الديانة " ولا يمكن تركها خالية...أي أننا, في سوريا, رسميا, لا نستطيع أن نكون ملحدين مثلا...أو بكل بساطة لا يمكننا أن نكون لادينيين , ولا أرى عادلا هذا الأمر..لأنه , ولو رمزيا, يخلف فروقا طائفية...هذا الشبح الذي ادعت وما زالت تدعي السلطة محاولة القضاء عليه.
حسب القانون السوري...أحدى الأوراق المطلوبة لتثبيت الزواج من أجنبية هي شهادة التعميد أو ما شابه!!! ألم يحن الوقت لوجود الزواج المدني في سوريا؟؟؟!!!
حسب الدستور السوري, رئيس الجمهورية يجب أن يكون مسلما....ليس لشيئ ضد الاسلام...لكن قد يكون هناك شخص من ديانة أخرى أو حتى " لاديني" أكثر كفاءة و جدير أكثر بالمنصب...هل من العدل أن يكون الدين حاجزا في هذا المجال...برأيي أن العلمانية أو اللادينية في الدولة لا تتعارض مع الحرية الدينية الفردية..و أرى أنها ضرورية جدا أن كنا نرغب في أن نكون دولة عصرية...
أتمنى معرفة آرائكم و ملاحظاتكم حول الموضوع...
مع أطيب التمنيات




معك مية المية شريك :D

أنا بحس حالي منقوص الحقوق ببلد ما بيعترف فيي متل ما انا .

...برأيي أن العلمانية أو اللادينية في الدولة لا تتعارض مع الحرية الدينية الفردية..و أرى أنها ضرورية جدا أن كنا نرغب في أن نكون دولة عصرية...
أتمنى معرفة آرائكم و ملاحظاتكم حول الموضوع...
مع أطيب التمنيات

دخيل ربك يا yass والله أنك بتضرب على الوتر الحساس..
بس هيهات..

انا حابب اسأل الاخ ياس اذا فيه يشرحلنا أكتر كيف رح نكون متطورين أكتر وقت اللي منفصل الدين عن الدولة بالنسبة لموضوع الزواج المدني؟؟؟وهل الدين شي عم يخلينا نكون متخلفين أكتر؟؟؟؟

انا حابب اسأل الاخ ياس اذا فيه يشرحلنا أكتر كيف رح نكون متطورين أكتر وقت اللي منفصل الدين عن الدولة بالنسبة لموضوع الزواج المدني؟؟؟وهل الدين شي عم يخلينا نكون متخلفين أكتر؟؟؟؟
موضوع الزواج المدني هو جزء من كل...قصدي أنو مانو عدل أنو اذا انا ماني مقتنع بدين بظل محكوم فيه لمجرد أنو ابي سجلني مسلم أو مسيحي ( في لبنان لاجراء عملية زرع أو استئصال تحتا لموافقة مرجعيتك الدينية!!!! اذا أنا فكري مانو مسيحي أو مانو مسلم ...مانك معي أنو من الظلم أنو البطريرك فلان أو الشيخ علان يقرروا بشي مصيري بحياتي ؟؟؟؟)
بالنسبة لسؤالك حول كيف راحنكون أكتر تطورا اذا فصلنا الدين عن الدولة...نرجع موضوعنا الاساسي...انا ذكرت مثال أنو دستوريا رئيس الجمهورية لازم يكون مسلم.... تصور انو الشخص الأكثر كفاءة مانو مسلم!! بهالحالة راح نضيع خبرة و كفاءة الشخص هاد و نضطر نعين غيرو لمجرد انو مانو مسلم...و على هالمنوال....ما بعرف اذا فهمت علي؟؟؟!!!

الموضوع بحد زاتو قيّم بس وين الفكر بهيك موضوع ؟؟ للأسف ما في ..
تحياتي للجميع :D

أخ ياس أنا مواضيعك كتير بتعجبني وخصوصا أنك بتحيكي بلغة المحوال للأصلاح ما بلغة المعاتب وهادا الموضوع صحيح أنو لازم نعطح حريي لبقية الأديان وكل هاي الشغلات بس أنا بحب ضيف أنو ما لازم نكون متل الشعب الأميركي أو بعض الشعوب الأوربية لأنو بعدين منصير شعب فلتان وهادا غلط يعن لنفرض أنو سمحنا الواحد يصير ملحد كام واحد رح بيصير 5% من الشعب السوري أنا برأي أنو نحنا بلد مؤمن بالله وعنا دياناتنا السمواية ألي منحترما وما بدنا حدا يعيش معنا ما يكون عندو دين
لأنو صدقوني ياشباب أنا عايش بأميركا وعم شوف هيك بيبلش التطرف ونحنا صفة بلدنا الحلوة أنا بلاد متدينة وأنا بشوف أنو لازم نسعا لأزالة التعصب وليس ألغاء الديانة

الموضوع بحد زاتو قيّم بس وين الفكر بهيك موضوع ؟؟ للأسف ما في ..
تحياتي للجميع :D
ما فهمت؟؟؟

أخ ياس أنا مواضيعك كتير بتعجبني وخصوصا أنك بتحيكي بلغة المحوال للأصلاح ما بلغة المعاتب وهادا الموضوع صحيح أنو لازم نعطح حريي لبقية الأديان وكل هاي الشغلات بس أنا بحب ضيف أنو ما لازم نكون متل الشعب الأميركي أو بعض الشعوب الأوربية لأنو بعدين منصير شعب فلتان وهادا غلط يعن لنفرض أنو سمحنا الواحد يصير ملحد كام واحد رح بيصير 5% من الشعب السوري أنا برأي أنو نحنا بلد مؤمن بالله وعنا دياناتنا السمواية ألي منحترما وما بدنا حدا يعيش معنا ما يكون عندو دين
لأنو صدقوني ياشباب أنا عايش بأميركا وعم شوف هيك بيبلش التطرف ونحنا صفة بلدنا الحلوة أنا بلاد متدينة وأنا بشوف أنو لازم نسعا لأزالة التعصب وليس ألغاء الديانة
بصراحة استغربت رأيك جدا....بس حقك الطبيعي أنك تفكر متل ما بدك... طبعا!!!!!!!
أول شي...مفهوم الدولة الملحدة و الدولة العلمانية مختلف جدا ( افهم كدولة ملحدة نظام الاتحاد السوفييتي سابقا...و كدولة علمانية أغلب دول أوربة الغربية ) هل السويد أو الدانمارك دول متخلفة برأيك؟؟؟ علما أنو جميعها دول علمانية...
شغلة تانية...أرفض و بشكل قاطع ( و مانو أول مرة ) ربط الألحاد بالانحلال الأخلاقي...و سبق و حكيت هالحكي..أنا ملحد , و مع ذلك أعتبر أنو عندي شعور انساني أكبر بكتير من أغلب المتدينين...لما بعرف أنو شغلة غلط ..ما بعملها لأنو مقتنع أنها ضارة...مو لأنو خايف ادخل جهنم!!!!
عم بتحكي أنو عم طالب بالغاء الديانة!!! لاخيو ..اقرا الموضوع منيح...الدولة العلمانية تضمن حقوق جميع أفرادها بأي دين أو معتقد اعتنقوا...بدولة دينية دايما راح يكون في فئة مظلومة...
و شغلة أنو " ما بدنا حدا يعيش معنا ما يكون عندو ديانة " !!!! انت نفسك عم بتقول أنو التطرف غلط...دخلك شو اسمو هاد؟؟؟!!! يعني ما بيهمك اذا انا انسان صالح و موطن ومتعاون وللا ابن حرام...لأنو ما عندي ديانة ما ممكن اتعايش معك؟؟!!!! بدون تعليق
تحياتي

هل السويد أو الدانمارك دول متخلفة برأيك؟؟؟ علما أنو جميعها دول علمانية...

والله حكي مظبوط

أرفض و بشكل قاطع ( و مانو أول مرة ) ربط الألحاد بالانحلال الأخلاقي...و سبق و حكيت هالحكي..أنا ملحد , و مع ذلك أعتبر أنو عندي شعور انساني أكبر بكتير من أغلب المتدينين...لما بعرف أنو شغلة غلط ..ما بعملها لأنو مقتنع أنها ضارة...مو لأنو خايف ادخل جهنم!!!!

يا عيني على ربك صرنا اتنين ..

الدولة العلمانية تضمن حقوق جميع أفرادها بأي دين أو معتقد اعتنقوا...بدولة دينية دايما راح يكون في فئة مظلومة...

فهمون أنو نحنا ما منلغي حدا كل شي بدنا اياه أنو يعترفوا فينا كبشر متلهم ويتقبلوا يتعايشوا معنا...


يعني ما بيهمك اذا انا انسان صالح و موطن ومتعاون وللا ابن حرام...لأنو ما عندي ديانة ما ممكن اتعايش معك؟؟!!!!

لا ما بيهمون.. بيهمون أنو عندو دين.. وممكن شي يوم يعمل فصل فيهم بيقولو والله ما عندو دين ..
أما نحنا اذا عملنا كل شي منيح معهم سلفا" بيقولو ما عندو دين مع أنو ما عمل شي غلط ..
وما بدي أحكي أكتر مشان ما خبص ..
مشكور أخ ياس وأحلى علمانية ودخيل ربك(عقلك) :D :D :D :D :D :D :D :D :D :D

هل السويد أو الدانمارك دول متخلفة برأيك؟؟؟ علما أنو جميعها دول علمانية...

والله حكي مظبوط

أرفض و بشكل قاطع ( و مانو أول مرة ) ربط الألحاد بالانحلال الأخلاقي...و سبق و حكيت هالحكي..أنا ملحد , و مع ذلك أعتبر أنو عندي شعور انساني أكبر بكتير من أغلب المتدينين...لما بعرف أنو شغلة غلط ..ما بعملها لأنو مقتنع أنها ضارة...مو لأنو خايف ادخل جهنم!!!!

يا عيني على ربك صرنا اتنين ..

الدولة العلمانية تضمن حقوق جميع أفرادها بأي دين أو معتقد اعتنقوا...بدولة دينية دايما راح يكون في فئة مظلومة...

فهمون أنو نحنا ما منلغي حدا كل شي بدنا اياه أنو يعترفوا فينا كبشر متلهم ويتقبلوا يتعايشوا معنا...


يعني ما بيهمك اذا انا انسان صالح و موطن ومتعاون وللا ابن حرام...لأنو ما عندي ديانة ما ممكن اتعايش معك؟؟!!!!

لا ما بيهمون.. بيهمون أنو عندو دين.. وممكن شي يوم يعمل فصل فيهم بيقولو والله ما عندو دين ..
أما نحنا اذا عملنا كل شي منيح معهم سلفا" بيقولو ما عندو دين مع أنو ما عمل شي غلط ..
وما بدي أحكي أكتر مشان ما خبص ..
مشكور أخ ياس وأحلى علمانية ودخيل ربك(عقلك) :D :D :D :D :D :D :D :D :D :D

تسلم رفيق!!!!!
تحياتي :D

بالنسبة لموضوع ديانة رئيس الجمهورية ..بعتقد لانوالاغلبية بسوريا اسلام هالشي تحدد حسب الاغلبية...بعدين انت عم تحكي بشفافية يعني رأي الاغلبية بأمريكا مثلا"هو اللي حدد أنو جورج بوش يكون رئيس...أما بالنسبة لموضوع الاعضاء واذا كان هاشي موجود بسوريا لانو بالنهاية نحنا عم نحكي عن سوريا ..متل ما فهمت...ما بعتقدانو اذا كنت محتاج لاي عضو من شخص آخر الخوري أو الشيخ ما رح يوافقو أو رح يكون عندهم تحفظات ولو حتى اذا كان المسؤول اي اشخاص آخرين مالهم علاقة بالدين.
هلق انا بحترم رأيك وبحترمك متل ما عندك الحق تقول انو انت ما بتآمن عندي الحق باني أعلن ايماني وعدم ايمانك أكيد ما رح يتعارض مع ايماني يعني ما رح يأثر عليي بشي ...المهم عم حاول قللك انو مش كل شي ببلدي عاجبني ..يعني انا من حقي اتخرج ولاقي شغل ببلدي وهاشي مش متوفر...واذا بدنا نسأل ليش رح ندخل بمعمعة من التاريخ الها اول ومالها اخر وانا برايي لازم استمر رغم كل الحواجز لذلك حاولت اطلع برات هاظروف منشان حقق الشي اللي بدي اياه...وبعتقد انو انت او اي شخص تاني فيه يتزوج مدنيا"في اي دولة بتسمح بهالشي لانو الاغلبية هونيك عندهم الشغلة عادية اما الاغلبية بسوريا الشغلة مش عادية لانو الاغلبية متدينين ....بعتقد ومش اكيد كان الزواج المدني موجود وقت اللي انوضع الدستور بسوريا ورجع تعدل لانو في فئة كبيرة من المجتمع عارضت...اما بالنسبة لموضوع التطور والحضارة انا ما بعتقد انو ديني بيمانع التطور والحضارة وانو بلدي يصير أحسن والمهم عندي انو وقت اللي بتزوج يكون زواجي مباركا" من الله لانو ايماني انو بدون الله ما فيني كمل انسان منيح بالحياة لا انا ولا اولادي ...
انا بشكرك كتير ع ارائك وعلى نظرتك...وقيمتك الانسانية مبينة من كتاباتك...
انشاءالله ما كون طولت كتير وشكرا" عالنقاش وعلى الفرصة اللي اعطيتوني اياها....

أخ ياس ما بعرف شو صار بس أنا كنت مفكر حالي عم كمل لموضوعك بس الظاهر أنو ما قدرت وضح فكرتي منيح عكلن ما صار شي أنا مع المقال أنو يكون في حرية لكل الديانات بشكل متساوي وأنو ما لازم الرئيس يكون بس مسلم ألخ......
بس أنا كل ردي كان عم يحكي أنو أذا سمحنا ليصير في دين ملحدين ما لازم نصير متل الشعب الأميركي الفلتان لأنو صدقيني أنو في ربط بين الألحاد والفلتان من الناحية التالية: رح يصير كل واحد حابب يعمل أي شي ضدد الأخلاق بيقول أنا ملحد ما حدا دخلو أنت يا أخ ياس ملحد وكويس وما عم تعمل أشياء سيئة بس ما كل العالم متلك وقت بيكون في ديانة أكيد رح بتحد من الفساد الأخلاقي وأكبر مثال الدول العربية والأجنبية
هلأ هادا ما بيعني أنو أنا ضدد السماح لأقامة الملحدين بس ما لازم نشط كتير بأعطاون الحرية لأنو يعملو شغلات خطأة بتلوث أحلى شي ببلادنا
بعدين يا رجول أنا ما قلت أنو أنت عم طالب بألغاء الديانة أنا عم قول أنو نحنا لازم نشيل التعصب سواء مسيحي أو أسلامي ما لازم نسعا متل ما كتير عالم بفكرو(أنو الدين شغلة قديمي ومالا أهمية ولحتا نصير دولة علمانية لاذم نلغي الديانة) ما موضوعك بالذات عم بيقول هيك
هلأ نشاء الله تكون وصلت فكرتي مظبوط وانا بتمنا أنو ترجع تقرأ ردي القديم لأنو بيحوي نفس الحكي بس يمكن ما واضح شوي
وعكل الأحول أنا كتير بتعجبني مواضيعك :D :D

الاخ عاشق
انا حابب قول كلمة بالنسبة الي دينك هوي عملك وحياتك ...وما يهمك كتير اذا بتحس انو في عالم بتحسك مانك موجود انا كانسان مسيحي بحس كمان انو في ناس بتعتبرني ماني موجود..وهيدا شعور بيجرح الانسانية كتير ...هدول الناس كيف لازم نتعامل معهم برأيك ..انت مرة قلت القافلة تسير ...وانا بحترم وجهة نظرك وبقدرها لذلك خلي القافلة تسير على طول ولا يهمك رأي أحداذا انت ما بتآمن بالله خلي الناس اللي بيحبوك لما انت عليه هني حكمك اذا انت انسان كويس أو لا ...وبرأيي انت عندك شجاعة كبيرة وبتحكي من انسانيتك وهيدا الشي بيكفي انك تكون من احسن الناس اللي عرفتهم بحياتي....

...وبرأيي انت عندك شجاعة كبيرة وبتحكي من انسانيتك وهيدا الشي بيكفي انك تكون من احسن الناس اللي عرفتهم بحياتي....

مشكور كتير يا أبو الولو وأنا كلمة الأخ عاشق اللي أنت بديت فيها الكلام بتعنيلي كتير ..
وانشاء الله ما بتشوف مني غير كل خير

أنا معك ياس بيلي عم تطرحو....
يعني صار لازم أنو يتم فصل الدين عن الدولة... ورح أطرح بهالخصوص مثالين:

1- أوروبا في العصور الوسطى كانت متخلفة وما قدرت تقفز هالقفزات الرائعة والخلاقة بدون فصل سيطرة الكنيسة على الدولة فيها.. هذا لا ينقص من أهمية الكنيسة في حياتي، فأنا من الأشخاص الذين أعتز بديني، ويشكل وجود الله والمسيح في حياتي معنى كبير جداً... ولكن بنفس الوقت لا بد أهن أعترف بالمضار الكبيرة التي لحقت بأةرةبا وبالكنيسة على السواء عندما كان مفهوم الدين والدولة مرتبطان وعندما كان البابا يقود الحملات العسكرية..... فالضرر هنا مزدوج وعلى الطرفين

2- المثال الثاني، هو دستور معظم الدول العربية، ولنأخذ مصر على سبيل المثال (اخترت مصر لأنني قرأت كتاب تأليف السيد القمني يتحدث فيه عن الدستور في مصر).. يقول الدستور المصري: ((الإسلام هو الدين الرسمي للدولة)) أليس مجرد هذا الطرح هو دليل على عدم المساواة؟؟ أليس مجرد ذكر أن الدين الرسمي هو الإسلام أي أنه يوجد أديان أخرى ليست رسمية وبالتالي فهي لا تملك نفس الحقوق والواجبات وتصنف على أنها (صنف تاني)؟؟


يا جماعة صار لازم أنو نكبر على هالقصص الفاضي، ونبلش من أنفسنا.. يعني أنا هلأ عم اعمل استبيان عن الدين والدين الآخر في المجتمع السوري، (وهو خاص لأخوية نيت) وانشالله رح شارك فيه أعضاء الموقع قبل ما يتم إعلان النتائج، والفكرة يلي وصلتلها لحد هلأ هي فكرة مخيفة عن اتساع الفجوة بين الأديان والتصرف في الحياة على أساس ديني بحت (من أصغر كلمة حتى أكبر تصرف حتى تطبيق القوانين).....

والله يــــــســــــتــــــــــ ــر

هلأ هادا ما بيعني أنو أنا ضدد السماح لأقامة الملحدين بس ما لازم نشط كتير بأعطاون الحرية لأنو يعملو شغلات خطأة بتلوث أحلى شي ببلادنا



اي ..احسن شي تشترو حبلة لكل ملحد و تربطو ...هيك بتكونو حطيتولو حد ....شو لكن بتتركوا هدوا الفلتانين ع كيفن ؟ :shock:

أصلاً هاد كرم اخلاق منك انك ما حرقتن مثلاً ..او بعتن ع اندونيسا وقت الزلزال .

يا اخي ...انت فضلت ع راسي و الله ....و الله عم قلك :P

بالنسبة لموضوع ديانة رئيس الجمهورية ..بعتقد لانوالاغلبية بسوريا اسلام هالشي تحدد حسب الاغلبية...بعدين انت عم تحكي بشفافية يعني رأي الاغلبية بأمريكا مثلا"هو اللي حدد أنو جورج بوش يكون رئيس...أما بالنسبة لموضوع الاعضاء واذا كان هاشي موجود بسوريا لانو بالنهاية نحنا عم نحكي عن سوريا ..متل ما فهمت...ما بعتقدانو اذا كنت محتاج لاي عضو من شخص آخر الخوري أو الشيخ ما رح يوافقو أو رح يكون عندهم تحفظات ولو حتى اذا كان المسؤول اي اشخاص آخرين مالهم علاقة بالدين.
هلق انا بحترم رأيك وبحترمك متل ما عندك الحق تقول انو انت ما بتآمن عندي الحق باني أعلن ايماني وعدم ايمانك أكيد ما رح يتعارض مع ايماني يعني ما رح يأثر عليي بشي ...المهم عم حاول قللك انو مش كل شي ببلدي عاجبني ..يعني انا من حقي اتخرج ولاقي شغل ببلدي وهاشي مش متوفر...واذا بدنا نسأل ليش رح ندخل بمعمعة من التاريخ الها اول ومالها اخر وانا برايي لازم استمر رغم كل الحواجز لذلك حاولت اطلع برات هاظروف منشان حقق الشي اللي بدي اياه...وبعتقد انو انت او اي شخص تاني فيه يتزوج مدنيا"في اي دولة بتسمح بهالشي لانو الاغلبية هونيك عندهم الشغلة عادية اما الاغلبية بسوريا الشغلة مش عادية لانو الاغلبية متدينين ....بعتقد ومش اكيد كان الزواج المدني موجود وقت اللي انوضع الدستور بسوريا ورجع تعدل لانو في فئة كبيرة من المجتمع عارضت...اما بالنسبة لموضوع التطور والحضارة انا ما بعتقد انو ديني بيمانع التطور والحضارة وانو بلدي يصير أحسن والمهم عندي انو وقت اللي بتزوج يكون زواجي مباركا" من الله لانو ايماني انو بدون الله ما فيني كمل انسان منيح بالحياة لا انا ولا اولادي ...
انا بشكرك كتير ع ارائك وعلى نظرتك...وقيمتك الانسانية مبينة من كتاباتك...
انشاءالله ما كون طولت كتير وشكرا" عالنقاش وعلى الفرصة اللي اعطيتوني اياها....
أخي LOLO كلامك جميل و بشكرك على مشاركتك..
أنا لما عم طالب الزواج المدني ما عم أطلب الغاء الزواج الديني...ممكن تنوجد الصيغتين...يللي بدو يتجوز بالدين يتزوج...واللي ما بدو يكونعندو خيار الزواج المدني...ما بيكون محكوم بالدين
تحياتي

يسعني جدا أعجابك بكتاباتي....كما يسعدني جدا المنهج الحضاري للنقاش رغم اختلاف الآراء...أتمنى الاستمرار على هذا المنوال...
أخي العزيز...ما زلت مصرا على ربط الأخلاق بالتدين ( أو أن الرادع الخلقي الحقيقي هو الدين) و أنا هنا لا أشاركك الرأي و أرفض هذه الفكرة تماما فقد ثبت عبر التاريخ أن الدين لم يكن مشكلة في وجه الانحلال الأخلاقي و حتى ضمن رجال الدين أنفسهم ( الكثير من باباوات الفاتيكان كانت لهم علاقات جنسية متعددة و مشهورة...على ما أذكر فأن كليمانس السابع كان ابنا غير شرعي لليون العاشر!!!) و فضيحة تعدي عدد من الرهبان على أطفال و محاولة الفاتيكان التكتم على الأمر....كما ان فساد آل سعود معروف و بائن رغم " حملهم لواء الأسلام" ... الخ
لا أرى كذلك أن رأيك بأن الملحدين يجب أن تقيد حريتهم يحمل الحقيقة...الملحدين مثلهم مثل غيرهم...لهم الحق بالحرية و اتعبير عن رأيهم و المشاركة الفعالة في بناء الوطن ...و طن يشارك فيه كل أبنائه دون تمييز...

أخ ياس أنا مواضيعك كتير بتعجبني
و انا كمان :D

انا بالنسبة الي كمان بفضل اتكون الدولة يلي عايشة فيا علمانية (فعليا وليس بالاسم فقط :frown: ) و مع اني مثلا متمسكة بالزواج الديني و ببعض الامور الاخرى الدينية يعني بس بشوف انو مالازم ينفرض هالشي على كل العالم بس من مبدأ حرية الشخص كيف بيحب يفكر و يعييش بدون قيود فوق راسو اما بالنسبة لانوالدين الو علاقة بالتخلف ف اكيد ما وقفت عهالشغلة
بس بحس قد ما حكينا ما حدن رادد ولا رح يرد :jakoush:

لا أرى كذلك أن رأيك بأن الملحدين يجب أن تقيد حريتهم يحمل الحقيقة...الملحدين مثلهم مثل غيرهم...لهم الحق بالحرية و اتعبير عن رأيهم و المشاركة الفعالة في بناء الوطن ...و طن يشارك فيه كل أبنائه دون تمييز...
ياس شبنا يا رجل
صرت قايل للمرة التالتة أنو ما مشكلة أذا عطينا الحرية للملحدين بهدول الشغلات المناح بناء الوطن والتعبير عن رأيهم ألخ.....
بس ما لازم نشط أكتر من هيك يعني بركي ألك شي ملحد أنا ما عندي دين وما بدي أتجوز وبدي نام مع مين ما بدي وجيب ولاد على كيفي . هادا الشيء ما بيصير لأنو هاي ما حرية هاي جحشني وبتنزع أحلى شي ببلادنا
بعدين في شغلات ما فينك تتحكم فيا رح تصير أذا عطيت حرية للملحدين بيصير كل واحد يحط حلق بمناخيرو ويلبس تياب مشرمحة وما بتعرف شو بيطلع بعقلو
برجع بقول ما كل الملحدين مناح متلك رح يصير اللألحاد وسيلة للصياعة
يعني بالمشرمحي صدقني أنو الدين ألو علاقة بالأخلاق وخصوصا بعصرنا هادا ما لأنو ألي ما عندو دين سيء وألي عندو دين جيد لأنو رح يصير الألحاد وسيلة مريحة للناس ألي عندون دين وحابين يفلتو والأمثلة ألي عطيتني ياها بدل على أنو ممكن يكون في عالم عندون دين وأخلاقون ما منيحة بس ما بتدل أنو نسبة العالم الخلوقين الملحدين بتساوي نسبة العالم الملحدين الخلوقين
على كلن ما نا مشكلة كبيرة تحياتي :D :D :D

لا أرى كذلك أن رأيك بأن الملحدين يجب أن تقيد حريتهم يحمل الحقيقة...الملحدين مثلهم مثل غيرهم...لهم الحق بالحرية و اتعبير عن رأيهم و المشاركة الفعالة في بناء الوطن ...و طن يشارك فيه كل أبنائه دون تمييز...
ياس شبنا يا رجل
صرت قايل للمرة التالتة أنو ما مشكلة أذا عطينا الحرية للملحدين بهدول الشغلات المناح بناء الوطن والتعبير عن رأيهم ألخ.....
بس ما لازم نشط أكتر من هيك يعني بركي ألك شي ملحد أنا ما عندي دين وما بدي أتجوز وبدي نام مع مين ما بدي وجيب ولاد على كيفي . هادا الشيء ما بيصير لأنو هاي ما حرية هاي جحشني وبتنزع أحلى شي ببلادنا
بعدين في شغلات ما فينك تتحكم فيا رح تصير أذا عطيت حرية للملحدين بيصير كل واحد يحط حلق بمناخيرو ويلبس تياب مشرمحة وما بتعرف شو بيطلع بعقلو
برجع بقول ما كل الملحدين مناح متلك رح يصير اللألحاد وسيلة للصياعة
يعني بالمشرمحي صدقني أنو الدين ألو علاقة بالأخلاق وخصوصا بعصرنا هادا ما لأنو ألي ما عندو دين سيء وألي عندو دين جيد لأنو رح يصير الألحاد وسيلة مريحة للناس ألي عندون دين وحابين يفلتو والأمثلة ألي عطيتني ياها بدل على أنو ممكن يكون في عالم عندون دين وأخلاقون ما منيحة بس ما بتدل أنو نسبة العالم الخلوقين الملحدين بتساوي نسبة العالم الملحدين الخلوقين
على كلن ما نا مشكلة كبيرة تحياتي :D :D :D

خاي عم بنلف و ندور و عم نرجع لنفس النقطة... :) :)
وين المشكلة بالانجاب بدون زواج؟؟؟ بيجوز كلامي يصدمك بس عم بحكيه جد... أنا شخصيا ضد فكرة الزواج كلها على بعضها ..لكن مو من منطلق أنو يالله اليوم مع وحدة و بكرا مع التانية...لأ أبدا... انما أعتقد انو الزواج ما بيعبر عن شي بالنسبة الي لأنو ممكن تنهيه بأي وقت... أنا لما بحب حدا بعرف اني ملتزم بحبي... ما ني بحاجة لورقة لحتى تثبت حبي و اخلاصي...ومتل ما أنا و انت و الكل بيعرف بكتير احيان الزواج مانو عائق بوجه المغامرات العاطفية للزوج أو الزوجة....شو استفدنا لكن؟؟؟
بعرف أنو هالفكرة ممكن بالعقلية الشرقية تعتبر ضرب من الجنون ...و بعرف أنو مجتمعا ما ممكن يصير هيك...بس هذا فكري الشخصي نتيجة تعايشي مع هيك واقع هون باسبانيا...و بتفهم انو ما تشاركوني رأيي!!!!
شغلة تانية, أنت قلت أنو " أذا عطيت حرية للملحدين بيصير كل واحد يحط حلق بمناخيرو ويلبس تياب مشرمحة وما بتعرف شو بيطلع بعقلو "
طيب....وين المشكلة بهالشي طالما هالشخص عم بيقوم بواجباتو كمواطن...و عم بيحترم القانون و ما عم بيضر حدا...اذا مو عاجبك شكلو لا تتطلع فيه...
على كل هي كلها أمور نسبية...أنا عندي رأيي و انتعندك رأيك و التالت عندو رأيو....المهم نتزكر أنو بلدنا لألنا كلنا...و مهما اختلفنا بنظل ولاد بلد...سورياقبل كل شيئ!!! معي بهالشي؟؟

تحياتي :D :D

أخ ياس أنا مواضيعك كتير بتعجبني
و انا كمان :D

انا بالنسبة الي كمان بفضل اتكون الدولة يلي عايشة فيا علمانية (فعليا وليس بالاسم فقط :frown: ) و مع اني مثلا متمسكة بالزواج الديني و ببعض الامور الاخرى الدينية يعني بس بشوف انو مالازم ينفرض هالشي على كل العالم بس من مبدأ حرية الشخص كيف بيحب يفكر و يعييش بدون قيود فوق راسو اما بالنسبة لانوالدين الو علاقة بالتخلف ف اكيد ما وقفت عهالشغلة
بس بحس قد ما حكينا ما حدن رادد ولا رح يرد :jakoush:
أخت نانا لازم يجي يوم و حدا يرد...ومتل ما قالت خالتو فيروز : "وازا مش بكرا البعدو اكيد..." :D :D

شكرا" اخي ياس.....وانا مش ضد الزواج المدني لانوبالنسبة الي ما رح يأثر عليي بشي ....بس المهم يكون في زواج لانو الزواج هوي عهد بين اتنين والورقة مش ورقة بس يعني زواجي انا كمؤمن وانشاء الله كون قد هالكلمة هوي عهد وهاعهد قدام الله اولا"وامام نفسي وزوجتي ثانيا" وقدام الناس ثالثا" وبعتقد بدون ناس مافي حياة عالارض يعني عالقليلة اذا الواحد مابيامن بوجود الله لازم عالعهد يكون قدام الناس عالقليلة حتى يكسب احترامهم ومعاملتهم ...بيجوز ما تقتنع بهالشي بس هيدا رايي......
وبالنسبة للاخ مهماري انا معك بكل اللي قلتو وفهمت عليك شو بدك تقول...وانا هون بدي اسال ليش اختعو السجون بالعالم والقوانين ...حتى الناس يكون عندها رادع عن عمل الشي اللي بيأذي ...يعني اذا الاخ ياس واعي وبيعرف حالو مظبوط ما فينا نضمن انو كل الملحدين متلو او رح يتعاملو مع بقية الناس بنفس الوعي ...زوخصوصا" انو متل ماني شايف في قلة وعي كبيرة بين شباب هالايام واحيان بحس بالخوف من اني جيب ولد لانو رعايتو رح تكون مهمة صعبة جدا"جدا"....خصوصي انو الضمير عم ينمحي بالمرة من كتير من الناس....

شكرا" اخي ياس.....وانا مش ضد الزواج المدني لانوبالنسبة الي ما رح يأثر عليي بشي ....بس المهم يكون في زواج لانو الزواج هوي عهد بين اتنين والورقة مش ورقة بس يعني زواجي انا كمؤمن وانشاء الله كون قد هالكلمة هوي عهد وهاعهد قدام الله اولا"وامام نفسي وزوجتي ثانيا" وقدام الناس ثالثا" وبعتقد بدون ناس مافي حياة عالارض يعني عالقليلة اذا الواحد مابيامن بوجود الله لازم عالعهد يكون قدام الناس عالقليلة حتى يكسب احترامهم ومعاملتهم ...بيجوز ما تقتنع بهالشي بس هيدا رايي......
وبالنسبة للاخ مهماري انا معك بكل اللي قلتو وفهمت عليك شو بدك تقول...وانا هون بدي اسال ليش اختعو السجون بالعالم والقوانين ...حتى الناس يكون عندها رادع عن عمل الشي اللي بيأذي ...يعني اذا الاخ ياس واعي وبيعرف حالو مظبوط ما فينا نضمن انو كل الملحدين متلو او رح يتعاملو مع بقية الناس بنفس الوعي ...زوخصوصا" انو متل ماني شايف في قلة وعي كبيرة بين شباب هالايام واحيان بحس بالخوف من اني جيب ولد لانو رعايتو رح تكون مهمة صعبة جدا"جدا"....خصوصي انو الضمير عم ينمحي بالمرة من كتير من الناس....

لا أرى كذلك أن رأيك بأن الملحدين يجب أن تقيد حريتهم يحمل الحقيقة...الملحدين مثلهم مثل غيرهم...لهم الحق بالحرية و اتعبير عن رأيهم و المشاركة الفعالة في بناء الوطن ...و طن يشارك فيه كل أبنائه دون تمييز...
ياس شبنا يا رجل
صرت قايل للمرة التالتة أنو ما مشكلة أذا عطينا الحرية للملحدين بهدول الشغلات المناح بناء الوطن والتعبير عن رأيهم ألخ.....
بس ما لازم نشط أكتر من هيك يعني بركي ألك شي ملحد أنا ما عندي دين وما بدي أتجوز وبدي نام مع مين ما بدي وجيب ولاد على كيفي . هادا الشيء ما بيصير لأنو هاي ما حرية هاي جحشني وبتنزع أحلى شي ببلادنا
بعدين في شغلات ما فينك تتحكم فيا رح تصير أذا عطيت حرية للملحدين بيصير كل واحد يحط حلق بمناخيرو ويلبس تياب مشرمحة وما بتعرف شو بيطلع بعقلو
برجع بقول ما كل الملحدين مناح متلك رح يصير اللألحاد وسيلة للصياعة
يعني بالمشرمحي صدقني أنو الدين ألو علاقة بالأخلاق وخصوصا بعصرنا هادا ما لأنو ألي ما عندو دين سيء وألي عندو دين جيد لأنو رح يصير الألحاد وسيلة مريحة للناس ألي عندون دين وحابين يفلتو والأمثلة ألي عطيتني ياها بدل على أنو ممكن يكون في عالم عندون دين وأخلاقون ما منيحة بس ما بتدل أنو نسبة العالم الخلوقين الملحدين بتساوي نسبة العالم الملحدين الخلوقين
على كلن ما نا مشكلة كبيرة تحياتي :D :D :D

خاي عم بنلف و ندور و عم نرجع لنفس النقطة... :) :)
وين المشكلة بالانجاب بدون زواج؟؟؟ بيجوز كلامي يصدمك بس عم بحكيه جد... أنا شخصيا ضد فكرة الزواج كلها على بعضها ..لكن مو من منطلق أنو يالله اليوم مع وحدة و بكرا مع التانية...لأ أبدا... انما أعتقد انو الزواج ما بيعبر عن شي بالنسبة الي لأنو ممكن تنهيه بأي وقت... أنا لما بحب حدا بعرف اني ملتزم بحبي... ما ني بحاجة لورقة لحتى تثبت حبي و اخلاصي...ومتل ما أنا و انت و الكل بيعرف بكتير احيان الزواج مانو عائق بوجه المغامرات العاطفية للزوج أو الزوجة....شو استفدنا لكن؟؟؟
بعرف أنو هالفكرة ممكن بالعقلية الشرقية تعتبر ضرب من الجنون ...و بعرف أنو مجتمعا ما ممكن يصير هيك...بس هذا فكري الشخصي نتيجة تعايشي مع هيك واقع هون باسبانيا...و بتفهم انو ما تشاركوني رأيي!!!!
شغلة تانية, أنت قلت أنو " أذا عطيت حرية للملحدين بيصير كل واحد يحط حلق بمناخيرو ويلبس تياب مشرمحة وما بتعرف شو بيطلع بعقلو "
طيب....وين المشكلة بهالشي طالما هالشخص عم بيقوم بواجباتو كمواطن...و عم بيحترم القانون و ما عم بيضر حدا...اذا مو عاجبك شكلو لا تتطلع فيه...
على كل هي كلها أمور نسبية...أنا عندي رأيي و انتعندك رأيك و التالت عندو رأيو....المهم نتزكر أنو بلدنا لألنا كلنا...و مهما اختلفنا بنظل ولاد بلد...سورياقبل كل شيئ!!! معي بهالشي؟؟

تحياتي :D :D
مع أني عايش بأميركا ولساتو عندي نفس الرأي بس كلامك صح المسألة نسبية وكل واحد عندو رأي وبلدنا بيضل فوق كلشي :D :D :D :D :) :) :)

الأخ العزيز أبو مارل في بيت شعر بيقول : أن غدا" لناظره قريب...وفهمك كفايي والله أنك دمعة العلمانية بجيل 1984 :wink:
الله يقويك

أصلاً هاد كرم اخلاق منك انك ما حرقتن مثلاً ..او بعتن ع اندونيسا وقت الزلزال .

يا اخي ...انت فضلت ع راسي و الله ....و الله عم قلك

:lol: هي آخرتي حرق..أو انباع عأدونيسيا

:lol: :lol:

رفيقي عامل رحلة عالى اندونيسيا ب 150 ليرة سورية بس وآكل شارب ميت

طبعا انا مع ياس عالموت ومع العاشق في عشقه لفلسطين ومع ابو نهلة اذا ربطونا كل واحد بحبلة ومع رفيقي اذا بدو يسافر على اندونيسيا ومع الزواج المدني لانو مانو زواج مضحكة ..انو بتعطي الخوري كذا الف ورقة بطلقك وبجوزك على كيفو ... او اذا مسلم بتطلق اربعة وبتججوز اربعة وانت على كل النساء قدير

وانا مع ديموزي وقت بقول:
واسلموا.... ومية خسة :D :D

و أنا معك و معن و معنا كلنا
بركي منعمل جمعية بجهنم , منلعب طاولة زهر و منشرب متة ( نسكافيه منشان أبو نهلة )


بس مين نحنا :?: :shock:



تسلم و يسلموا


و مية خسة :D




مع فائق الخس

رفيقي عامل رحلة عالى اندونيسيا ب 150 ليرة سورية بس وآكل شارب ميت

طبعا انا مع ياس عالموت ومع العاشق في عشقه لفلسطين ومع ابو نهلة اذا ربطونا كل واحد بحبلة ومع رفيقي اذا بدو يسافر على اندونيسيا ومع الزواج المدني لانو مانو زواج مضحكة ..انو بتعطي الخوري كذا الف ورقة بطلقك وبجوزك على كيفو ... او اذا مسلم بتطلق اربعة وبتججوز اربعة وانت على كل النساء قدير

وانا مع ديموزي وقت بقول:
واسلموا.... ومية خسة

على راسي يا أبو زياد يا الله لموا مصاري لنطلع :wink: