قال بقولوا انو الواحد اذا اشتغل بلاقي حالو
يمكن يكون بهل العبارة معنى صح و هوي انو كون مستقبلوا و معني غلط انو هل الشخص رح يخسر كتير من اصدقائوا اكيد انو عم تقولوا يا لله شو هل الحكي فينوا الواحد انو يوفق بين رفقاتوا و الشخص انا بقلكون انو هل الشي صح بس مو دائما لانو يمكن رفقاتك بدون يروحوا على blue stoneو انت كتير حابب انو تروح معون بس بنفس الوقت ما بتقدر لانو اذا بدك يروح رح تطلب اذن من صاحب الشغل و هات صاحب الشخص يقبل او ما يقبل يلا مو علينا
انا برأي انو اكيد الواحد رح يخسر نص رفقاتو بس يلا بنفس الوقت رح يكون مستقبلوا و هون ببلش الضياع بين الواحد ما يكون مستقبلوا و بين الواحد يخسر رفقاتوا و خصوصي اذا كان هذا الشب متلي عمرو 21 سنة
شو رايكون الحل ..؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ :confo:

خسارة كام رفيق صايع قاعدين لا شغلي ولا عملة مانها هالمشكلة الكبيرة
و إذا هني رفقاتك مزبوط فرح بيقدروا وضعك و ما بيتركوك....
بس أحياناً ممكن يخسرنا شغلنا أو سفرنا عبلاد غريبة بهدف تأمين المستقبل شغلات ما ممكن تمر عحياتنا مرة تانية أبداً و ساعتها بتكون الخسارة كبيرة....... كتير كبيرة.....
.
.
.
و سامحونا..... :hart:

يمكن انا وضعي بيشبه وضعك من ناحية معينة
يعني انت عم تطلب اذن... انا شغلي من ايدي ومع هيك اوقات مافيني ترك الشغل
لانو بكون عاطي مواعيييد مافيي اتاخر
بقى عادي لا تاكل هم
ونصيحة شخصية اذا رفقاتك رح يتركوك مشان هيك اشيا بلالك ياهن
لانن ما بيستاهلو :D

مزبوط حكي الشباب لانو شو اسمو رفيئك ازا تركك من شان مستئبلك
بالاساس ازا كان بيهمون امرك ما رح يزعلو ازا كنت انت عم تبني مستئبلك بالعكس لازم يساعدوك
و ازا مانك ادران تشوفون من شان الشغل خليون يجو يزوروك بشعلك من وات للتاني :P

شكراً إنك فتحت هيك موضوع وحابب قلك أول شي إنو أهلا و سهلا فيك بموقع أخوية ... بدي خبرك إنو أنا كمان عميصير معي نفس الشغلات يلي عمتصير معك و متل ما عميحكي الأخ غيث ... أول شي حسيت إني بعدت عن كل رفقاتي وقت السفر . بس هاد ما بيعني إنو ما عاد رفقاتي ... بالعكس حسيت انو السفر ببين للواحد مين هني الرفقات عن صحيح و مين بس رفقات مصلحة ...
و مشان قصتك أخ لم يعد لي مكان على الأرض ... هاد الوضع الطبيعي إنو الواحد بس يلاقي شغل و يلتزم معو .. بدو يبعد شوي عن رفقاتو و يبعد كمان عن الحياة يلي كان عايشها قبل ما يكون ملتزم مع أي شغل .. ما بعرف بيجوز بالنسبة لبعض الأشخاص رأيي غلط ... على كلن أنا متأكد إنو رفقاتك مقدرين الوضع يلي انت فيه و انت كمان لازم تكون مقدر الوضع يلي رفقاتك فيه هلأ كمان ... إنو لا عندون لا شغلة ولا عملة .. و ما في غير البلو ستون 8) على قولتك مشان يقعدو فيه ...
و طول بالك شريك ... ليش هاي لم يعد لي مكان في الأرض ... كأنها شوي نتشائمة ... أنا بنصحك إنو تتطلع على النص العبيان من الكاسة .. و سلامات .. :lol: :lol:

في فكرة الشباب انا معون فيا شوي مشان الرفقات بس يعني كمان مستحيل انو ما يطلعوكلون مشان انو انت ما فينك تطلع معون :angel:
اي انا رح احكيلك عن تجربتي الصغيرة انا جربت (واساتني يعني) اشتغل و لو هو شغل خفيف و ما كتير بياخد وقت مني بس بيضل شغل يعني اي بس رفقاتي تعاضدو معي يعني صارو يأجلو الطلعات لوقت يلي فيني اطلع معون بعدين انا قلتلون انو لا اطلعو بلايي و انا بوقت الفراغ اكيد بشوفكون(لانو صرت خاف قلون مافيني :roll: )
يعني اكيد :pos: بدك تضحي بشي لحتى تحصل ع شي تاني مثلا وقتا اخدت اول راتب كانت من احلى لحظات بحياتي حسيت انو عم اعمل شي مفيد و نسيت كل المآسي وحتى كان بدي اعزم اهلي عشي شغلة بس تباخلت و صرفتو عحالي :P
يعني برايي اذا بدك تشتغل و انت بهالعمر جرب تدور عشغل ما ياخد كل كل وقتك يعني ومع الوقت انا متأكدة انو رح تطور للاحسن انشالله :D
وأهليين فيك و انشالله تستمر معنا :D

والله أنا عندي صديق واحد بس ومع ذلك يا دوب عم أقدر وفق بينو وبين شغلي بس لما بوعدو..وما بجي ما بنزعج لأنو صديقي ..
وهل الشي بيكفي..

والله أنا عندي صديق واحد بس ومع ذلك يا دوب عم أقدر وفق بينو وبين شغلي بس لما بوعدو..وما بجي ما بنزعج لأنو صديقي ..
وهل الشي بيكفي..
انا هلء مشكلتي انو انا فورا بنزعز لما واعد حدي و ما يجي على الموعد و بصراحة انا عندي طبع انو بحب اتملك رفقاتي بس اكيد مو كتير