يحرقون مساجدهم بأيديهم !!! ويلومون الدنمارك ! [الأرشيـــــف]

السورية المشتاقة

25/02/2006, 18:16

والله يا جماعة اعتقد انها لعنة نزلت علينا من السماء

خلال 24 ساعة الماضية تم الهجوم على 200 مسجد للمسلمين في العراق
وتم احراق المصحف الشريف ....... وقتل اكثر من 100 شخص من المسلمين

وبعد هذه الاحداث :
صرح احد مسؤولين الدنمارك وهو يقول ..... المسلمين يلوموننا ويقاطعوننا على الاساءة التي خرجت من احدى صحفنا لهم وبعدها يقتلون بعضهم ويحرقون مساجدهم :shock:

انا بدي افهم انو المسلمين ما بيتخيلو لو الرسول كان عايش بهالوقت شو رح يكون موقفو منهن :cry:

انا رح قللكن ...

الرسول ما كان رح يقاطع الدنمارك
ولا رح يسبهن
ولا رح يردلهن اسائتهن
لانو الرسول اهين واعتدي عليه كتير و هو عايش
لكن مارد الاسائة بمثلها
بل صبر ...وكنت احيانا لم اقرا عن قصص صبرو كنت اتمنى كون مكانو
لنتفهن لهدول الي اعتدوا عليه :lol: :lol:

والمسلمين بيثوروا عالدنمارك بدون ما يفكروا انو لو الرسول كان معنا هلق
هل رح تعز عليه نفسو اكتر من الرسالة الي اجا فيها ؟؟؟
لا مستحيل :hart:

وقاعدين عم يقتلوا ببعض بدم بارد
متناسين انهن قبل ما يكونوا مسلمين وعرب
هنه بشر
:cry: :cry: :cry:

متناسين انو دم الانسان اغلا من هدم الكعبة :cry:

ما بقول الا
يا رب يهدي الاوضاع لانو هي حرب اهلية مو اكتر ولا اقل
وهيي ةمو من صالح اي مسلم سواء شيعي او سني
ولا من صالح اي عربي مسلم او مسيحي او ملحد ...

وبرجع بعيد الي قالو البطل حسن نصر الله وبزيد عليه كمان ...

لانريد من بوش ان يعمر لنا قبة مسجد الامام علي الهادي
ولا نريد منه هدمها !!

لانو

بنى المسيح على صخر كنيسته
وانا ابني دولتي على حجر

منبني المسجد بايدينا
سنة وشيعة مسلمين ومسيحين :hart: :hart:

وبالفعل تصريح الدنمارك اضحكني عل حالتنا

بالفعل

نقتل بعضنا ونقاطع الدنمارك :pos: :pos:

تحياتي

zen

25/02/2006, 18:35

لا تقاطعوا الدنمارك
:سوريا: :سوريا: :سوريا:

السورية المشتاقة

25/02/2006, 18:38

يا زين ههي مو قصة مقاطعة
انو نقاطع او لا

المهم مقاطعة الذنوب

ومقاطعة العداوة ...

zen

25/02/2006, 18:43

والله بعرف
بس خلص
بعد الي صار
المقاطعة ما بتنفع
مع هيك ناس
هني احسن منا ومحترمينا اكتر ما نحترم حالنا
لازم نقاطع حالنا
مو نقاطعون
هني ما العتب عليون
العتب علينا

SIR RORO

25/02/2006, 18:56

شو بدك تعملي عم يلعبو بالعالم لعب بالعراق
مافي وعي مافي مين يوجه مافي قائد

بيفجرو بتهجم العالم بينط واحد بيقول هدول السنة بيهجمو على السنة

بقا عم يلعبو بالشعب لعب

Daiski

25/02/2006, 20:17

اختي السورية نحنا يلي علينا انو ندعوا لله يساعدون و من ناحية تانية صاروا السنة و الشيعة يعرفوا مين يلي عم يحرق المساجد :pos: و بيدّعي انو الارهاب عم يحرقون مشان ما يصير في حرية بالعراق :jakoush: :jakoush: :jakoush:

fady juventus

25/02/2006, 21:22

صدقاً تدايقت على التفجيرين ... والله عيب:pos:

Barleb

25/02/2006, 21:56

العراق بيتألف من ,
شيعة
سنة
أكراد
تركمان
مسيحيين ,
(قال يعني مافي بـ العراق ولا عراقي ؟ ) هيهي
أمريكا بدا تفرق بينون و تعمل ميليشيات , و هل طوائف بيعرفو هل شي تمام ,
بس الشعب العربي عامةً ,
دقلو بيرقص
عـ الطنة و الرنة بينط

السورية المشتاقة

25/02/2006, 22:03

انا رايي من راي نسر السريان ...

آية اللطف

25/02/2006, 23:28

لا حول ولا قوة إلا بالله العلي العظيم
السبب برأيي أختي العزيزة عدم وجود قيادة عليا للمسلمين تتكلم باسمهم حيث نجد كل من هب ودب يتكلم باسم الإسلام وينسب هذه العمليات لهم ولكن لا أحد يعلم الحقيقة
وباعتقادي كل هذه العمليات تقوم بها أيدي مغرضة همها الوحيد هو إثارة الفتن بين الناس والإسلام بريء منها
ولنسأل الله السلامة

me2

25/02/2006, 23:42

يحرق حريشنا ...

Barleb

25/02/2006, 23:44

ولك نحنا شعب نحنا ,؟ نحنا أمة عدد سكانها 300 مليون نسمة نحنا ؟
ولك الله لا يرحمنا ,

السورية المشتاقة

25/02/2006, 23:46

ليش عم تغيرو الموضوع ؟؟؟

me2

25/02/2006, 23:49

ولك نحنا شعب نحنا ,؟ نحنا أمة عدد سكانها 300 مليون نسمة نحنا ؟
ولك الله لا يرحمنا ,

ملاحظة 1 :

" الأمة ليست عنصراً من العناصر البشرية ولا مجموعة عنصرية واحدة. والحقيقة التي لا جدال فيها هي أن كل أمة مؤلفة من مجموعات عنصرية متنوعة أي أنها مزيج من سلالات بشرية مختلفة. "

الزعيم انطوان سعادة ....

ملاحظة 2 :

ماتوصي حريص .. مارح يفكر برحمتنا .

كريم ايوب

26/02/2006, 00:01

انا معاكي في كل حرف كتبتي

نحنو قوم لا ناْكل حتى نجوع واذا اكلنا لا نشبع

السورية المشتاقة

26/02/2006, 00:02

نحنو قوم لا ناْكل حتى نجوع واذا اكلنا لا نشبع
اي هاد الحديث الشريف ما لو دخل بالموضوع ؟؟؟

me2

26/02/2006, 00:06

ليش عم تغيرو الموضوع ؟؟؟

الاستطراد أحد عناوين اللغة العربية .... بس معك حق ... و على كل حال كان في موضوع مشابه ياريتك استكملتي ضمنو.....

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بس الموضوع مهم و خطير و محرز موضوعين ..

شكرا ألك

Prowed

26/02/2006, 15:27

اخت السوريه المشتاقه

موضوع التذكير هذا جميل جداً..

فالأنسان في هذه الدنيا صنفان

اما أخٌ لك في الدين أو أخٌ لك في الخلق..

لماذا يدب هذا الظلم الأجرامي في شرايين الأنسانيه

لماذا اصبحنا كالوحووش الضاريه.. والله قد أوصانا بالعدل والمحبه واحترام الحقوق

مشكوره عالموضوع

أرق تحيه

أبو النسيم

26/02/2006, 15:44

على المسلمين الأعتزار من الدنمارك حكومة وشعب على التصرفات الغبية التي تصرفوها خلال أزمة الصور

كل الكلام الذي حكيته عن منهجية التفكير الأسلامي صحيحة

شعوب تعاني من الفقر الثقافي
شعوب تعاني من الجهل والتخلف الفكري والأجتماعي
شعوب مريضة فكريا ونفسيا وعقليا
شعوب مصابة بعقم دماغي
شعوب تعاني من الحرمان والكبت الثقافي والسياسي والجنسي

أخخخخخخخخخخخخ

أحسن شي

دمتم للتخلف يا مسلمين

me2

26/02/2006, 15:48

على المسلمين الأعتزار من الدنمارك حكومة وشعب على التصرفات الغبية التي تصرفوها خلال أزمة الصور

كل الكلام الذي حكيته عن منهجية التفكير الأسلامي صحيحة

شعوب تعاني من الفقر الثقافي
شعوب تعاني من الجهل والتخلف الفكري والأجتماعي
شعوب مريضة فكريا ونفسيا وعقليا
شعوب مصابة بعقم دماغي
شعوب تعاني من الحرمان والكبت الثقافي والسياسي والجنسي

أخخخخخخخخخخخخ

أحسن شي

دامتم للتخلف يا مسلمين

اذا بتسمحلي : معك حق مية بالمية .

"دمتم للتخلف يا مسلمين" بتشبه "من مال الله يا محسنين" ..:lol:

السورية المشتاقة

26/02/2006, 20:40

على المسلمين الأعتزار من الدنمارك حكومة وشعب على التصرفات الغبية التي تصرفوها خلال أزمة الصور

والله هاد الي كان ناقص

شعوب تعاني من الفقر الثقافي
شعوب تعاني من الجهل والتخلف الفكري والأجتماعي
شعوب مريضة فكريا ونفسيا وعقليا
شعوب مصابة بعقم دماغي
شعوب تعاني من الحرمان والكبت الثقافي والسياسي والجنسي

لانهن ابتعدو عن الاسلام وتعاليمه

دمتم للتخلف يا مسلمين
انو اي والله معك حق
بس المسلمين متخلفين ...وغيرهن من العرب قمة في التقدم والرقي
وتفكيرهن قمة بالرقي !

بس حبيت زكرك انو اخر القلاع الصامدة بين العرب
هيي ايراااااااااااااااااااااا اااااااااااااااااااااان
الي عم تستكمل برنامجها النووي غصب عن راس الي بيرضا والي ما بيرضا
وغصب عن راس اميركا كمان

بقا لا تقعد تقول دمتم للتخلف يا مسلمين
كانو غير المسلمين قمة في التحضر !!!

me2

26/02/2006, 20:56

[quote=السورية المشتاقة]والله هاد الي كان ناقص

خلينا نحكي برواق اذا بتريدي :

أولا انتي بترضي أنو أمريكا مثلا تعامل فلسطين كأمة متل ما بتعامل حماس كقيادة أو سلطة ؟ بغض النظر اذا معها حق ولا ما معها حق برأيها بحماس على أنو منظمة أرهابية ..

اذا ما بتوافقي عل أنو يتحمل وزر أي وازرة على وازرة أخرى , شو دخل الدنمارك كأمة مؤلفة من شعب و اقتصاد و أحزاب و غيرو بالأخطاء اللي ارتكبتها الصحيفة ؟؟؟

بعدين ليش ما بتطلعي على المصايب اللي أجت على راسنا بالوقت اللي مو ناقصنا بسبب الهمجية والجاهلية اللي رد فيها شعبنا "المثقف" على الرسوم ؟؟؟

لانهن ابتعدو عن الاسلام وتعاليمه

انو اي والله معك حق
بس المسلمين متخلفين ...وغيرهن من العرب قمة في التقدم والرقي
وتفكيرهن قمة بالرقي !

بس حبيت زكرك انو اخر القلاع الصامدة بين العرب
هيي ايراااااااااااااااااااااا اااااااااااااااااااااان

أيران ليست من العرب ...

الي عم تستكمل برنامجها النووي غصب عن راس الي بيرضا والي ما بيرضا
وغصب عن راس اميركا كمان

بقا لا تقعد تقول دمتم للتخلف يا مسلمين
كانو غير المسلمين قمة في التحضر !!!

اذا لا المسلمين و لا غير المسلمين متحضرين , مين لكن متحضر ؟؟؟ طيب اذا الكل مو متحضرين , مين الأقل تخلف ؟؟؟ نحنا ولا أوربا ؟؟؟

على كل حال برأيي أنو ثنائية العروبة و الاسلام مو كتير ظابطة .. يعني لا تعصبو عليي .هيك الأمثلة عم تبرهن .. يعني على الأقل أيران و ماليزيا "مو عرب و لكن مسلمين" أمورهم ظابطة أكتر من "العرب المسلمين" ...

يا أما المشكلة ما الها علاقة بالدين .. لا من قريب ولا من بعيد ...

واحد_سوري

26/02/2006, 21:44

بحب قول انو الأمور واضحة وواضح محاولات زرع الفتنة بين ابناء الشعب الواحد يعني هي مو اول مرة
بساوو الأمريكان هالمحاولات التافهة

me2

26/02/2006, 21:50

بحب قول انو الأمور واضحة وواضح محاولات زرع الفتنة بين ابناء الشعب الواحد يعني هي مو اول مرة
بساوو الأمريكان هالمحاولات التافهة

معك حق .. بس شغلة كتير ظغيرة ... المحاولات مانها تافهة أبدا ... وألا اذا تافهة معقول يموت أكتر من مية ألف عراقي خلال سنتين ؟؟ لكن لو مو تافهة شو كان صار ؟؟

واحد_سوري

26/02/2006, 22:04

لك يا اخي انا اصدي بتافهة انها مشكوفة الأهداف و منفذها معروف

me2

26/02/2006, 22:19

لك يا اخي انا اصدي بتافهة انها مشكوفة الأهداف و منفذها معروف

بس آلياتها معقدة و حتى لو انفهمت بضلها أمريكا و منضل عرب تافهين للأسف.

واحد_سوري

26/02/2006, 22:29

مظبوط حكيك بس و الله مو كل العرب متل بعضون هي ليكك انت؟؟؟ انت تافه؟؟ أكيد لأ..
لازم نخرج من هالحالة الانهزامية سدئني

me2

26/02/2006, 22:33

مظبوط حكيك بس و الله مو كل العرب متل بعضون هي ليكك انت؟؟؟ انت تافه؟؟ أكيد لأ..
لازم نخرج من هالحالة الانهزامية سدئني

بس أنا مو كتير عربي ... لازم يخرجو من الحالة الانهزامية و بسرعة ...

واحد_سوري

26/02/2006, 22:37

i hope so my friend

toocoolfriend

26/02/2006, 23:24

المشكلة مش بالمسلمين
المشكلة بالعرب. ومتل ما قالت السورية المشتاقة المسلمين غير العرب في كتير منهن مش متخلفين.

أما بالنسبة للموضوع الاساسي. لازم نقتلع التكفيريين اللي هني أساس كل مشكلة من الجسم العربي متل السوسة. لانهم اخطر من السرطان. واولهم التكفيري المجنون اللي هون بالمنتدى.

whiterose

27/02/2006, 01:02

جميع المسلمين الصادقين
لديهم هم مشترك هو الولاء لهذا الدين ونصرته
و مستعدون لتقديم الغالي والرخيص في سبيل الاسلام
ويتمنون ان تكون راية الاسلام عالية خفاقة ثم ينظرون الى اليوم الذي يكون فيه القران الكريم دستور المجتمع
وتضيق صدورهم لذلك الحيف والهوان الذي طال اخوانهم في كل مكان ولعلهم مستعدون لبذل ارواحهم والشهادة في سبيل الله والامر بالمعروف والنهي عن المنكر بكل الوسائل
ومع ذلك فللكافرين عليهم الف سبيل وسبيل ولا يستطيعون ان يذوبوا عن انفسهم اي مؤامرة بل على العكس ينجح فيهم اي مخطط
الا ترون ان كل مرة يكون السبب في تمزيق دولة اسلامية هو تآمر طرف على طرف ورغبته الانتقام منه حتى لو كان ذلك الاستعانة بالشيطان وهذا الذي حدث في افغانستان والعراق ويحدث في كثير من الاوقات في باكستان
انه المرض الطائفي

whiterose

27/02/2006, 01:03

والمشكلة ان العقلاء من الطرفين يقرون باخوة الطرف الاخر وحقوق الاسلام الذي تجب له ولكن للاسف صوتهم خافت وخجول ومنبرهم مغيب والاعداء الاقوياء اعلاميا وباختراقهم للكثير من الاعلام الاسلامي يسوقون لكثير من الشيوخ الذين يشككون بالطائفة الاخرى ويذكرون بمروقها عن الدين لفترة طويلة ثم يقودوا من خلالهم الشريحة الكبيرة من المسلمين البسيطة والجاهلة التي تكون جاهزة لردود افعال وفق ما زرعته تلك الشيوخ ومناسبا لظروف تخلقها مخابرات الدول الحاقدة كالانفجارات المزروعة في العراق و لا يخفى على الجميع الطابع المفرق للامة الذي ينتج عن كل ذلك وما حصل في افغانستان والعراق من محاربة الشيعة للسنة كان حصيلة ذلك
هذا الذي كان يختزن وراء الستار من شحن طائفي في ظل تخاذل الغيالرى والصادقين عن فكرة الوحدة الاسلامية يجب ان يتوقف
اليست كل هذه الطوائف تشهد بان لا اله الا الله وان محمدا رسول الله وشريعتهم القران السنا اخوة علينا ان نكون كالجسد الواحد يتداعى الجميع منا كاعضاء لنصرة العضو الذي يتعرض لخطر

whiterose

27/02/2006, 01:05

اعل صوت العقل وفوت الفرصة على الاعداء مد يدك لاخيك
اعل صوت المنبر الذي ينادي للوحدة بين المسلمين
قلها بصوت عال
لالتشكيك المسلم باخيه تحت اسم سلفي او اشعري او شيعي اوصوفي
لا لاعطاء المصداقية لقنوات النفاق والعمالة والبهتان لا لتقسيم المسلمين باسماء مختلفة واتهام بعضهم باشنع الصفات والطلب من بقية المسلمين التنصل منهم لاصطيادهم والتنكيل بهم ليسهل بذلك القضاء على الاسلام
لا للتضييق على العلماء الذين يدعون الى الوحدة ومنعهم من تفعيل ايمان الناس بالشكل المثمر
لا للمشاركة في اي حرب ضد الشيعة او ضد السلفيين
لا لتوتيرالعلاقات بين السعودية وايران الامر الذي تعمل عليه امريكا
لا لخذلان السنة في غرب العراق بحجة ايوائهم لمسلحين
لا لترك المسلمين المتهورين تحت رحمة العقاب الامريكي

whiterose

27/02/2006, 01:05

اخي المسلم ان خير ما يمكن ان يجمعنا ويعرفنا على بعضنا التقاؤنا جميعا على شعار واحد .وليكن القبعة البيضاء التي يعتمرها كبار السن والشيوخ بعد صبغها بالازرق ونعلن للجميع بهذه القبعة باننا لن نقبل ان يضحى باحد منا او بشيء من ديننا ليقدم قربانا لاعداء الاسلام واننا نعتبر كل المسلمين اخوة شيعة وسنة وسلفيون وصوفيون لا يجوز خذلانهم وتجب نصرتهم

نور الهدى

27/02/2006, 01:55

و الله كلام بيحرك الجرح و يسلم هالتم............
لازم نحترم نحنا بالاول ديننا و بعدين نطلب من غيرنا يحترموه..........
ربنا وعدنا بالعزة بس لما منتبع دبننا و سنة رسولنا الكريم
الاولى فينا لننصر رسولنا نرجع لربنا و لسنة نبينا العظيم..........

شكرا كتيييييييييييير عالموضوع هالكلام لما حاولت قولو قبل هلا لغير ناس وقفو بوشي و كأني عمبكفر................

بس كمان برايي مقاطعة المنتجات الدنيماركية ضرورية يعني هي أضعف الإيمان

krimbow

27/02/2006, 05:55

وايت روز ... كلامك هاد منقول من شي محل تاني ؟؟؟
و اللا هوي من ابداع افكارك ؟؟؟

Willi

27/02/2006, 07:44

لعمى
ذكرتني بخطبة يوم الجمعة
:o :lol: :lol: :clap: :clap: :clap:

نسيتي كلمة و الله واكبر

يلا شباب كل واحد يجيب السيف البلاستيك ويركب عالبسكليت تبعو
والحقوني

butterfly

27/02/2006, 08:54

ليش ؟؟؟
إذا كان السؤال ليش هيك صار ؟
أنا برأيي لأنو نحنا بالمجتمع لانرى قيمة للأنسان بالمجرد .. يعني أنسان دون النظر لدينو أو عرقو أو انتماءاتو ..
يعني ما لازم يحرقو المساجد ويقتلو المسلمين ؟؟؟ طيب لو كانت كنيسة ؟؟ واللي ماتوا مسيحين ؟؟ كنا نزلناها أنو ما عم يحترموا التعايش ...
وأن كانوا يهود .. فهادا جهاد .. وأن كانوا حزب ما بيماشينا بانتماءاتو بيكون دفاع عن الوطن ...
الشعب اللي عايش هالازدواجيات وما بيقول أنو الأنسان مقدس .. ماذا نتوقع منه ؟؟
الشعب اللي عندو شعور انو مضطهد ومحارب وكأن العالم بأسره لا يفكر ليلا إلا بإيذائه والسيطرة عليه .. رح يتجلى خوفو بعدوانية وتخريب ...
بعدين وقت سألتي هل غير المسلمين متقدمين ؟؟
ذكرتيني وقت كنت طفلة وكنت جيب علامة مو منيحة كنت أرجع عم أضحك عحالي أنو كل الصف علاماتون ما منيحة ..:oops:

krimbow

27/02/2006, 09:28

بصراحة كنت ناوي انطر جواب وايت روز
بدي اعرف ازا هيي صاحبة الفتوى تبع البرانيط الزرق و اللا شو

بس بخصوص التفريق بين المسلمين و غير المسلمين

يا ريت تنتبهوا انو الاميركان احتل العراق ... بغض النظر عن ملة اهلو
يعني ما اجا احتل حارة اي و حارة لأ

عموما فراشة ... حتى لو فرضنا جدلا انو غير المسلمين متقدمين (هنن متقدمين بفعل انو ما في حواجز نارية بين عقلهم و بين الواقع) بس مع الاسف المتل بيقول ... إن جن ربعك عقلك ما بينفعك

me2

27/02/2006, 11:11

لعمى
ذكرتني بخطبة يوم الجمعة
:o :lol: :lol: :clap: :clap: :clap:

نسيتي كلمة و الله واكبر

يلا شباب كل واحد يجيب السيف البلاستيك ويركب عالبسكليت تبعو
والحقوني

أولا : هلق بدها تزعل منك ؟؟

تانيا :lol:

تالتا : أسمها بالشامي : مكسليتة ..

رابعا : لوين بدنا نلحقك ؟؟

me2

27/02/2006, 11:21

ليش ؟؟؟
إذا كان السؤال ليش هيك صار ؟
أنا برأيي لأنو نحنا بالمجتمع لانرى قيمة للأنسان بالمجرد .. يعني أنسان دون النظر لدينو أو عرقو أو انتماءاتو ..
يعني ما لازم يحرقو المساجد ويقتلو المسلمين ؟؟؟ طيب لو كانت كنيسة ؟؟ واللي ماتوا مسيحين ؟؟ كنا نزلناها أنو ما عم يحترموا التعايش ...
وأن كانوا يهود .. فهادا جهاد .. وأن كانوا حزب ما بيماشينا بانتماءاتو بيكون دفاع عن الوطن ...
الشعب اللي عايش هالازدواجيات وما بيقول أنو الأنسان مقدس .. ماذا نتوقع منه ؟؟
الشعب اللي عندو شعور انو مضطهد ومحارب وكأن العالم بأسره لا يفكر ليلا إلا بإيذائه والسيطرة عليه .. رح يتجلى خوفو بعدوانية وتخريب ...
بعدين وقت سألتي هل غير المسلمين متقدمين ؟؟
ذكرتيني وقت كنت طفلة وكنت جيب علامة مو منيحة كنت أرجع عم أضحك عحالي أنو كل الصف علاماتون ما منيحة ..:oops:

تصديقا لكلامك : من فترة مو بعيدة فجرو كنائس ببغداد , أنا كنت بأوربا , قامت القيامة على الموضوع بلأعلام الأوربي وكنت عم أضطر شوف محطات عربية اللي كانت عم تذكر الخبر متل أي خبر تاني من العراق . بينما اليوم الأعلامين العربي و العالمي عم بيطبل و يزمر بلأحداث الأخيرة .

يا ريت ما يزعلو كتير بني الأسلام : بس عندهم مشكلة كبيرة ولازم يتخلصو منها أحسن ما يجي يوم العالم تتضطر تخلصهم من حتى أسلامهم , و المشكلة هيي اللي تفضلت فيها butterfly , لازم يكون الأنسان هو المقدس و هو اللي على أعلى سلم أولويات الايديولوجية المسلمة , حتى لو هدا الشي خالف فهمكم "العابر" للأسلام , أو تعليمات مشايخكم اللي ما ألها علاقة بلأنسانية و اللي وصلت الأسلام ألى ما هو عليه اليوم ...

أكتر من هيك بدون ينقلب الموضوع ألى حوار أديان و هدا الحوار ألو تسمية تانية "حوار طرشان" اللي بيرضى يناقش بأريحية وموضوعية بالدين , يخبرنا .

fady juventus

27/02/2006, 17:45

"دمتم للتخلف يا مسلمين" بتشبه "من مال الله يا محسنين" ..:lol:
يحرق حريشك
والله حلوة منك :lol:

whiterose

28/02/2006, 02:46

صراحة كنت ناوي انطر جواب وايت روز
بدي اعرف ازا هيي صاحبة الفتوى تبع البرانيط الزرق و اللا شو

لا ولله مو انا هي باحد خطب الجمعة قالوها ليعملوها الشعب العراقي
كرمال الحرب الاهلية تهدا
وانا حبيت قولها واكتبها
باعتبار المنتدى بيحوي كتير اعضاء شيعة

whiterose

28/02/2006, 02:49

ليش ؟؟؟
إذا كان السؤال ليش هيك صار ؟
أنا برأيي لأنو نحنا بالمجتمع لانرى قيمة للأنسان بالمجرد .. يعني أنسان دون النظر لدينو أو عرقو أو انتماءاتو ..
يعني ما لازم يحرقو المساجد ويقتلو المسلمين ؟؟؟ طيب لو كانت كنيسة ؟؟ واللي ماتوا مسيحين ؟؟ كنا نزلناها أنو ما عم يحترموا التعايش ...
وأن كانوا يهود .. فهادا جهاد .. وأن كانوا حزب ما بيماشينا بانتماءاتو بيكون دفاع عن الوطن ...
الشعب اللي عايش هالازدواجيات وما بيقول أنو الأنسان مقدس .. ماذا نتوقع منه ؟؟
الشعب اللي عندو شعور انو مضطهد ومحارب وكأن العالم بأسره لا يفكر ليلا إلا بإيذائه والسيطرة عليه .. رح يتجلى خوفو بعدوانية وتخريب ...
بعدين وقت سألتي هل غير المسلمين متقدمين ؟؟
ذكرتيني وقت كنت طفلة وكنت جيب علامة مو منيحة كنت أرجع عم أضحك عحالي أنو كل الصف علاماتون ما منيحة ..:oops:
يؤسفني الك انو ما فهمت عليكي ولا كلمة

whiterose

28/02/2006, 02:53

أولا : هلق بدها تزعل منك ؟؟

تانيا :lol:

تالتا : أسمها بالشامي : مكسليتة ..

رابعا : لوين بدنا نلحقك ؟؟
لاء مارح ازعل من رأي
كل واحد عندو رأي
وأخر همي رأي العالم فيني وبأرأي وبشو بفكر أنا

ولتصحيح معلوماتك

مكسليتية باللهجة الساحلية مو الشامية;-)

whiterose

28/02/2006, 17:11

صراحة كنت ناوي انطر جواب وايت روز
بدي اعرف ازا هيي صاحبة الفتوى تبع البرانيط الزرق و اللا شو
هي مقاطع من احد خطب الجمعة بأحد الجوامع العراقية السنية

السورية المشتاقة

28/02/2006, 17:52

انو ليش في اعضاء بيحبو يقلبو الشغلة مسخرة ؟؟؟

الظاهر ما كفاهن قسم على الطاير ؟؟؟

السورية المشتاقة

28/02/2006, 19:12

اذا لا المسلمين و لا غير المسلمين متحضرين , مين لكن متحضر ؟؟؟
انا قصدت العرب
ما قصدت اوروبا او الدول الاخرى
ولما بدكن تقوقو الفكر المتخلف ما بينقال الفكر الاسلامي
بينقال فكر المسلمين
بتوقع في فرق
بين الفكر الاسلامي و فكر المسلمين
الفكر الاسلامي لما الناس اتبعتو وصلهن للقمة
اما المسلمين الي شايفينهن هلق شي تاني ...

Barleb

28/02/2006, 19:19

الفكر الاسلامي لما الناس اتبعتو وصلهن للقمة
اما المسلمين الي شايفينهن هلق شي تاني ...
لو أتبعو المسلمين الفكر الأسلامي , و ما تمسكو بـ قشور الدين
كان توحد الوطن العربي , وصارو العرب قوى عظمى

السورية المشتاقة

28/02/2006, 20:17

لو أتبعو المسلمين الفكر الأسلامي , و ما تمسكو بـ قشور الدين
كان توحد الوطن العربي , وصارو العرب قوى عظمى
يا عيني عليك هاد قصدي