هدوء [الأرشيـــــف]

عرض كامل الموضوع : هدوء

me2

26/02/2006, 21:40

اليوم كتير هدوء بالمنبر .. مأضطررت أني ألقي نظرة أو نظرات على باقي أقسام الأخوية ...

في قسم أسمو :اخبار الفنانين و النجوم (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) و في أسوء الأحوال يكون عدد رواده 22 بينما مثلا بالمنبر الحر 5 أعضاء ..

هل هذا يعني أنو السوريين بيعتبرو الحرية أقل أهمية من الأغاني ؟

أم أنو الحرية السورية غير شكل ؟؟؟

krimbow

27/02/2006, 05:11

الهدوء .. حالة تنبئ عادة بقدوم العاصفة

الهدوء (النسبي) بالمنبر ... حاجة تانية خالص

سياسة الادارة بخصوص المنبر انو يكون منتدى "نخبوي" اكتر مما هوي "شعبي"
يعني سياسة الادارة بتقوم على تشجيع نخبة الافكار و الاراء و افضلها بقلب المنبر، و محاولة شجب و انهاء وجود افكار غوغائية ...
يعني الادارة بتفضل انو ينكتب بالمنبر موضوعين بالاسبوع و ياخدوا هالموضوعين حقهم الكامل بالنقاش على انو ينكتب عشرين موضوع باليوم و ينمر عليهم مرور الكرام (هاد ازا لقا المتصفح وقت ليقراهم كلهم)

و قد اشرنا سابقا لهالمشكلة و سمينها مشكلة "الاغراق" ... و كان حلها هوي انشاء قسم "حصاد المواقع"

لكن هالشهرين الماضيين انقلبت الآية
يعني بالعادة كان زوار المنبر بين 0 - 9
بالشهرين الماضيين سجلنا حالات فوق الـ 109 بشكل وسطي
و هون ضربنا ايدنا ع قلبنا
ولي
9 نظامي
طيب و الـ 100 زيادة ؟؟؟
معقول يكونوا فارزين 100 عنصر لمتابعة المواضيع ؟؟؟؟
ولي ولي ولي

بعدين انتبهنا انو المشكلة تكمن بالصور المسيئة للرسول، حيث انو الاخوية هيي المنتدى العربي الوحيد يللي عرضت الصور

عموما عودة رواد المنبر لارقامهم الطبيعية الو مدلولين...
الاول:
انو الناس بتفضل تسمع اخبار و تشوف صور نانسي و غيرها عن انو تضيع وقتها بقراية شغلات بلا طعمة متل مواضيع المنبر، و بالتالي كل يللي تعرف ع المنبر بهالطفرة ما عجبو الوضع و بقيوا عم يفضلوا اما مواقع الخلاعة او مواقع الافتاء (و مين كان متأمل بغير هيك ؟)

التاني:
ازمة الصور (كأزمة فلسطين، او العراق، او المعتقلين، او اسكندرون، او او .. الخ) لم تكن سوى مجرد زوبعة في فنجان
او فقاعة و هي على وشك الانفجار السلمي
يعني على الرغم من محاولة بعض الفضائيات عدم قتل الموضوع، إلا انو الموضوع (استُهلك) شعبيا
و خلص صار لازم ينحط ع الرف
و صار لازم نتابع اخر كليبات نانسي و نيللي و دانة و هيفا
و آخر ما تفتق به عقل علماء الاسلام من فتاوي
و للبعض ... آخر ما جاد به مطبخ الشيخ رمزي من مأكولات هندية

بتسمحلي ضم هالموضوع لسلسلة مواضيع "النعيق" ؟؟؟
خوش انهز بدني رسمي

me2

27/02/2006, 11:05

الهدوء .. حالة تنبئ عادة بقدوم العاصفة

الهدوء (النسبي) بالمنبر ... حاجة تانية خالص

سياسة الادارة بخصوص المنبر انو يكون منتدى "نخبوي" اكتر مما هوي "شعبي"
يعني سياسة الادارة بتقوم على تشجيع نخبة الافكار و الاراء و افضلها بقلب المنبر، و محاولة شجب و انهاء وجود افكار غوغائية ...

كلام حلو ...

يعني الادارة بتفضل انو ينكتب بالمنبر موضوعين بالاسبوع و ياخدوا هالموضوعين حقهم الكامل بالنقاش على انو ينكتب عشرين موضوع باليوم و ينمر عليهم مرور الكرام (هاد ازا لقا المتصفح وقت ليقراهم كلهم)

كمان كلام حلو .. بس لازم يتاخد بعين الاعتبار لأنو ميول الناس "حتى النخبة" و أهتماماتهم متباينة و لازم أي حدا يفوت لهون يشوف شي مهم من وجهة نظرو.

و قد اشرنا سابقا لهالمشكلة و سمينها مشكلة "الاغراق" ... و كان حلها هوي انشاء قسم "حصاد المواقع"

لكن هالشهرين الماضيين انقلبت الآية
يعني بالعادة كان زوار المنبر بين 0 - 9
بالشهرين الماضيين سجلنا حالات فوق الـ 109 بشكل وسطي
و هون ضربنا ايدنا ع قلبنا
ولي
9 نظامي
طيب و الـ 100 زيادة ؟؟؟
معقول يكونوا فارزين 100 عنصر لمتابعة المواضيع ؟؟؟؟
ولي ولي ولي

بعدين انتبهنا انو المشكلة تكمن بالصور المسيئة للرسول، حيث انو الاخوية هيي المنتدى العربي الوحيد يللي عرضت الصور

الله لا يعطي العافية للي نشرهون بالمنبر و صرعنا فيهون ...:lol:

عموما عودة رواد المنبر لارقامهم الطبيعية الو مدلولين...
الاول:
انو الناس بتفضل تسمع اخبار و تشوف صور نانسي و غيرها عن انو تضيع وقتها بقراية شغلات بلا طعمة متل مواضيع المنبر، و بالتالي كل يللي تعرف ع المنبر بهالطفرة ما عجبو الوضع و بقيوا عم يفضلوا اما مواقع الخلاعة او مواقع الافتاء (و مين كان متأمل بغير هيك ؟)

معك حق : مع أني تجربتي القديمة بالمنبر أيام حسام و علي و غيرهم من الشباب الأنشط , كانت أغنى.

التاني:
ازمة الصور (كأزمة فلسطين، او العراق، او المعتقلين، او اسكندرون، او او .. الخ) لم تكن سوى مجرد زوبعة في فنجان
او فقاعة و هي على وشك الانفجار السلمي
يعني على الرغم من محاولة بعض الفضائيات عدم قتل الموضوع، إلا انو الموضوع (استُهلك) شعبيا
و خلص صار لازم ينحط ع الرف

الحقيقة كل واحد نزل و حرق و كسر السفارات عم يتطلع اليوم على الأخبار و يقوم ليحلقو دقنو و يشوف بالمراية كائن ذو أذنين طوال . هدا أدى ألى احباط جماهيري عام .

و صار لازم نتابع اخر كليبات نانسي و نيللي و دانة و هيفا
و آخر ما تفتق به عقل علماء الاسلام من فتاوي
و للبعض ... آخر ما جاد به مطبخ الشيخ رمزي من مأكولات هندية

مين دانة ؟؟؟ و مين علماء الأسلام و شو بيقربو بعض ؟؟ :lol:

الشيخ رمزي عم بيطالب بالحئيئة و مو فاضيلنا .

بتسمحلي ضم هالموضوع لسلسلة مواضيع "النعيق" ؟؟؟
خوش انهز بدني رسمي

بسمحلك تضم مين مابدك لشو ما بدك ...

ليش بينهز بدك بسرعة ؟؟؟ بدها رواق ...و صحتك بالدنيا و أحلى كاس ريان كعبو كا ن يبقى أبيض .

صياد الطيور

27/02/2006, 22:55

مرحبا شباب

هلأ أنا مشغول كتير هالفترة وما عم أقدر فوت على النت غير ربع ساعة كل يوم
( هي من ناحيتي )

بس برأيي بشكل عام الناس قرفت من السياسة
يعني سواء بوضع البلد بشكل العام الي غير ربك ما بصلحو ....
والحكومة الي ( يمكن ) هي نفسها ما بتعرف شو أهدافها ...

والوضع العام لسوريا الي كل مالو لورا
وشيلك عن الظروف التعيسة الي عم تمر فيها سوريا والتركيبة الدولية ضد سوريا والقرف من السياسة العالمية والعربية

يعني أنا ما بتخيل واحد جربوع متل وليد جنبلاط ما بيعرف راسو من رجليه بيجيي وبيوصف رئيس سوريا و بيحكي عليه وبيحكي على سوريا ؟؟؟؟؟

يعني عدم الامؤاخذة هادا ما كان بيطلع بسمار بسباط غازي كنعان ولا رستم غزالة ( رغم حقارتو ) ومع هيك صار يطلع لسانو ويحكي ويسب ...

يعني بشكل عام .. الناس صار بدها شي يفتح لنفس
لأنو كل الأخبار عبارة عن قتل ومات واستشهد وما بعرف شو من العناوين المزعجة ( والي صارت معتاداة )

وناهيك عم ممل الناس من الحكي بالسياسة وبالوضع العام لأنو ..... بلا جدوى

me2

27/02/2006, 23:02

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

me2

27/02/2006, 23:02

krimbow

27/02/2006, 23:21

لا يا صياد

ضيق الوقت الو الدور الاكبر بالتأكيد

بس ما بتصور انو الموضوع كره للسياسة او الاخبار ...
ما السياسة متل السيكس ... ما حدا بيكرهها بسوريا

me2

27/02/2006, 23:23

لا يا صياد

ضيق الوقت الو الدور الاكبر بالتأكيد

بس ما بتصور انو الموضوع كره للسياسة او الاخبار ...
ما السياسة متل السيكس ... ما حدا بيكرهها بسوريا

أيييي .. هلق بيشوفها المشرف ..:lol:

معك حق ..راس السوري مليانة س س س س س س س س س

ملك الهكرز

27/02/2006, 23:49

لا يا صياد

ضيق الوقت الو الدور الاكبر بالتأكيد

بس ما بتصور انو الموضوع كره للسياسة او الاخبار ...
ما السياسة متل السيكس ... ما حدا بيكرهها بسوريا

يحرق حريشك غزالين بنفس الوقت
ههههههههه

zen

28/02/2006, 01:06

me2

28/02/2006, 12:38

لالا كلامك مو صح
بس في فترة هدوء بالمنبر
السورين ما بيفضلو الاغاني على الحرية
لانو من فترة قريبة كتير ما تجازت الاسبوع كنت مراقب حركة الوجود بالمنبر
وهو اكتر قسم في عدد
:سوريا: :سوريا: :سوريا:

أخي زين .. أنا حكيت عن فترة محدد ..بعرضي و بناموسي أنو هيك كان الوضع .. بعدين كريم شرح ليش .. و "الكرام قليل"

fady juventus

28/02/2006, 13:41

بتزكر لما مرة قلتلك إني تفاجأت من عدد الداخلين عالمنبر me2 ؟
وقتا كان اللي بالمنبر أضعاف اللي بالفنانين والنجوم...
ومن بعدا صرت انتبه إنو الناس عم تدخل عالمنبر أكتر من أي قسم تاني!!
عالأقل يا أخي بيتجاوزا /100/ أحياناً ، وهاد شي ممتاز
بس بيجوز في قرف من بقية الأقسام اللي إما مصورخة بمواضيعها المكررة أو ميتة وما حدا عم بيفوت عليها منوب.

me2

28/02/2006, 13:46

fady juventus

28/02/2006, 22:17

أي مظبوط والله ... أنت لاحظت هيك من زمان ..

برأيي أنو كريم حلل بالظبط شو قصة تزايد أو نقصان عدد المنبريين ...أو المنابرة .. أو المناذرة ..:lol:
يا سيدي تحليلو غالباً صح ...
لأنو بهالحظة الأرقام تبع الزوار كما يلي :
1- كمبيوتر /20/ أنا هي رح تدوخني :shock: رح أترك الأخوية ولسه ما دخلت على هالقسم :p
2- أخبار الفنانين والنجوم /17/
3- عالطاير /11/
4- رسم وتصوير /10/
5- الصالون /9/
6- المنبر /7/ ؟؟؟؟؟!!!!!

me2

28/02/2006, 22:30

يا سيدي تحليلو غالباً صح ...
لأنو بهالحظة الأرقام تبع الزوار كما يلي :
1- كمبيوتر /20/ أنا هي رح تدوخني :shock: رح أترك الأخوية ولسه ما دخلت على هالقسم :p
2- أخبار الفنانين والنجوم /17/
3- عالطاير /11/
4- رسم وتصوير /10/
5- الصالون /9/
6- المنبر /7/ ؟؟؟؟؟!!!!!

المنبر أصلا "أثلا" كلمة علوية ...

عند سكان الجبال الساحلية "العلويون" النبر = ضرب الشجرة لأجبارها على التخلي عن ثمارها .. متل الجوز مثلا .