-
دخول

عرض كامل الموضوع : هل صحيح؟؟؟؟؟؟

مسؤول
20/03/2006, 03:14
اكدت مصادر واسعة الاطلاع في العاصمة السورية دمشق ان الرئيس بشار الاسد اصدر اوامره الاسبوع الماضي لتشكيل فرع جديد للمخابرات العسكرية يتولى قيادة التدخل الامني والاستخباري السوري في لبنان بالتعاون مع الاحزاب اللبنانية الموالية لدمشق وعناصر التنظيمات الفلسطينية المتطرفة داخل المخيمات
وكشفت المصادر ان الفرع الجديد اطلق عليه اسم "فرع 333" واوكلت مهمة قيادته الى عميد في ادارة المخابرات يعرف باسم " ابو حديد " وهو مشهور بتعامله الاجرامي مع الاكراد في منطقة الجزيرة (شمال شرق دمشق ) والتي تولى قمع انتفاضتها بالقوة
وكان العميد ابو حديد عمل لفترات طويلة تحت قيادة اللواء غازي كنعان والعميد رستم غزالى في لبنان

ما بعرف انو صح هالحكي او لاء ؟؟؟؟؟؟؟؟؟؟؟؟
sezar
20/03/2006, 03:37
و الله أا فيك تحتم يا معلم
انت في سوريا كل شيء ممكن
صياد الطيور
20/03/2006, 07:54
اي شو غلط يعني ؟
الله يقويهم
Majood
20/03/2006, 15:29
الله تبعك ياخدون واحد ورا التاني ... ناقصنا فروع ..


فرحوا يا بشر .. رح يتحقق حلمنا و يطلع لكل مواطن سوري فرع ... اغرورقت عيوني:cry: ..




مسخرة بمسخرة :jakoush:
Danito
20/03/2006, 16:51
اي شو غلط يعني ؟
الله يقويهم

صياد حبيب القلب و العين
أنوا آراءنا و توجهاتنا صارت معروفة لبعض بشكل عام..
بس أنو أنا بدي أفهم، دعوات التوفيق هي نابعة من:
- القلب؟ (يعني أنو أنت بتحب القمع و التمييز العنصري و مصاب بأمراض عمى الألوان السياسي و جنون السيطرة و حكم البسطار)؟؟؟ ملاحظة البسطار من المفروض يحمي قدم الجنود اللي بيضحوا بحياتون أو جزأ من حياتون ليدافعوا عن الوطن و أبناء الوطن مو ليصير عسكر السلطان و عسس و عصابات مسلحة على رقاب المواطنين)
- الخوف ؟ يعني معك حق تخاف و مية كلمة جبان و لا كلمة الله يرحمه بس هادا خيارك ..
- الولاء الأعمى؟ (انشالله بتفتح شي يوم و بتشوف الحقيقة، عدا عن ذلك ولاءنا لازم يكون للوطن، الوطن مو ملك حدا ملك الجميع و الوطن يعني سوريا ، سوريا تبع الكل مو سوريا الأسد و لا سوريا العروبة و لا سوريا المسلمة و لا سوريا المسيحية يعني سوريا الكل و للكل )

أنو إذا البلد وضعا ممتاز حاليا برأيك ليش مضطر تشتغل بالخليج أنت؟؟؟؟؟؟؟؟؟؟؟؟؟؟؟؟؟؟؟
بدوي الجبل
20/03/2006, 17:00
لأا لا ما بظن منين هل حكي الفاضي
الفرع للبنان الفرع هاد مو لألنا
zen
20/03/2006, 17:55
خبر مو اكيد ما بيستحق التعليق
راح نسبوق جريدة السياسة الكويتية
:pos: :pos: :pos: :pos:
مسؤول
21/03/2006, 11:27
خبر مو اكيد ما بيستحق التعليق
راح نسبوق جريدة السياسة الكويتية
:pos: :pos: :pos: :pos:

لاء يا زين الخبر اكيد
والشغلة الاكيدة كمان انو الفرع ما تاسس لحفظ النظام بلبنان بل تاسس لزيادة البلبلة
وانو الشباب فايتين يزيدو النار
صياد الطيور
21/03/2006, 12:30
صياد حبيب القلب و العين
أنوا آراءنا و توجهاتنا صارت معروفة لبعض بشكل عام..
بس أنو أنا بدي أفهم، دعوات التوفيق هي نابعة من:
- القلب؟ (يعني أنو أنت بتحب القمع و التمييز العنصري و مصاب بأمراض عمى الألوان السياسي و جنون السيطرة و حكم البسطار)؟؟؟ ملاحظة البسطار من المفروض يحمي قدم الجنود اللي بيضحوا بحياتون أو جزأ من حياتون ليدافعوا عن الوطن و أبناء الوطن مو ليصير عسكر السلطان و عسس و عصابات مسلحة على رقاب المواطنين)
- الخوف ؟ يعني معك حق تخاف و مية كلمة جبان و لا كلمة الله يرحمه بس هادا خيارك ..
- الولاء الأعمى؟ (انشالله بتفتح شي يوم و بتشوف الحقيقة، عدا عن ذلك ولاءنا لازم يكون للوطن، الوطن مو ملك حدا ملك الجميع و الوطن يعني سوريا ، سوريا تبع الكل مو سوريا الأسد و لا سوريا العروبة و لا سوريا المسلمة و لا سوريا المسيحية يعني سوريا الكل و للكل )

أنو إذا البلد وضعا ممتاز حاليا برأيك ليش مضطر تشتغل بالخليج أنت؟؟؟؟؟؟؟؟؟؟؟؟؟؟؟؟؟؟؟

رح جاوبك ...
الدعاء بالتوفيق ناجم عن وقت بتكون الأجهزة الأمنية بخير ... أنا بخير وبأمان
وقت بيكون الأمن متحقق بالبلد بكون أنا مرتاح ..
الأمن ما تخصص ألي وألك .. فروع الأمن مخصصة للي لازم يتلاحق ويزعزع أمن البلد ...
هلأ ...
تفسير حرية البلد بيكون بيمفهوم كل واحد مختلف عن التاني ...
وشي أكيد كل واحد رح يحمي حالو ...وكل فروع ألو مهامو ...

وهالشي مو جاي من سوريا وحدها .. لأ .. هالشي بمعظم دول العالم موجود ..

أما الولاء الأعمى ...
أنا كنت بقلك أنا عندي ولاء أكتر من أعمى للمرحوم حافظ الأســـد
بس لسيادة الرئيس عندي حب وليس ولاء أعمى ...
الزلمة عم يشتغل ويسوي بالبلد .. شو طالبين أكتر من هيك منو بالظروف الي عم تمر فيها سوريا ؟؟؟؟؟؟؟

الولاء لسوريا أولاً وأخيراً ...
الولاء للوطن مو للشخص و مو للحزب ..
هلأ الرئيس بشاؤ يطلع ويصير برا البلد رح يصير كأي شخص تاني ..

خدام الكلب كان ( قبل ما يصير كلب ) بكم يوم .. ألو هيبتو ومكانتو
وقت تخلى عن الوطن صار كلب ...
اذا .. الوطن هو الي بيرفعك مو انت بترفع الوطن ..

وما بيهمني شو ماكنت إنتماءات الرئيس لا الدينية ولا السياسية ..بيهمني يكون هدفوا مصلحة سوريا لا شخص ولا طائفة ولا شئ معين ...

أما شغلي بالخليج فما ألو علاقة بوضع البلد
بالخليج بتلاقي من كل جنسيات العالم بدون استثناء ...
في الفرنسي والبريطاني والروسي والألماني و كل ... يا ترى وضع بلادهم مو أحسن من بلادنا ؟؟
بس مع هيك متغربين ....

وتحياتي لكل وطني خايف على سوريا
Danito
21/03/2006, 17:07
الولاء لسوريا أولاً وأخيراً ...
الولاء للوطن مو للشخص و مو للحزب ..



إذا هيك طمنتني
موفق يا حبيب
zen
21/03/2006, 17:32
لاء يا زين الخبر اكيد
والشغلة الاكيدة كمان انو الفرع ما تاسس لحفظ النظام بلبنان بل تاسس لزيادة البلبلة
وانو الشباب فايتين يزيدو النار
المصدر اذا بتريد
لانو اذا بيكون صح بتكون خطوة غبية
:? :? :? :?
مسؤول
22/03/2006, 04:09
المصدر اذا بتريد
لانو اذا بيكون صح بتكون خطوة غبية
:? :? :? :?

المصدر يا سيد زين
مقال نشر في جريدة العرب التي تنشر في اميركا وقد وصل لايدي المقال عن طريق الصدفة
والمقال تحت عنوان كبير هل صحيح وعنوان فرعي " فرع مخابرات سوري لنشر الفوضى الامنية في لبنان"
والمقال كتبتو في بداية الموضوع
نشر المقال في العدد 652 الصادر في 15 اذار 2006
بدوي الجبل
22/03/2006, 13:18
أنا بأيد الأخ صيادوووو

لأنو فعلا منبر أفكار رائعة