الموضوع عايز جرأه اتفضل اتجرأ انت وهي على فكرة مش عيب
ما تسرعوش ...افهمو الموضوع شو الاول...بعدين اصدرو احكامكم


كان زمان الولد بيعرف من ابوه كل المعلومات الخاصه بممارسهه الجنس والتعامل مع مراته قبل ما يتجوز مباشرة
وكمان البنت كانت بتعرف من امها كل حاجه عن هالموضوع

يعني كل منهم بيكون عارف شو المطلوب منو
دا كان فلاش باك سريع عن كييفيه انتقال وانتشار الثقافه الجنسيه في الماضي ...
بين الرجل والرجل والمراه والمراه

الحاضر له ابعاد مختلفه

الاب والام اصبحو خجلانين ومكسوفين من الكلام سواء مع الشباب او الصبايا

السؤال هو ماهي المصادر البديله لمعرفه الثقافه الجنسيه؟؟؟؟؟؟
المفروض ان الكل يشارك مشان نستفيد كلنا

في ناس بتقول من الاصحاب
وناس من شرايط وسيديهات جنسيه (المسماه الاباحيه)
وناس من الخبرة العمليه
وناس وناس وناس ...........
انت شو رايك ؟؟؟؟؟؟؟؟ ممكن نستفيد منك فهالموضوع ولا لاء

مرحبا محمد .. موضوع حلو

الجنس غريزة، متلها متل الجوع متل العطش متل النعاس.. الخ،
غريزة متلها متل غيرها، مهمتها الحفاظ على الحياة

بتختلف عن باقي الغرائز بعدة امور
1- بتتأخر لتبدأ بالعمل، الجوع و العطش و باقي الغرائز بيبدؤوا بالعمل من لحظة الولادة، اما الجنس بيحتاج سنين لبين ما يكتمل نمو اجهزة الجنس عند الانسان
2- بتحتاج لكائنين بشريين، متل باقي الغرائز هدف الجنس الاساسي هوي الحفاظ على حياة الانسان (كنوع و ليس كفرد) بس باقي الغرائز بتنطفا من قبل الفرد .. اما الجنس بيحتاج لفردين (ذكر و انثى) لاطفاؤو

لهالسببين البسيطين منشوف كل هالاختلاف بين الجنس و بين باقي الغرائز

هلأ شغلة وين بدنا نتعلم "الثقافة الجنسية" تختلف تماما عن شغلة كيف منتعلم "ممارسة الجنس"
يعني ما حدا بيعلم الطفل كيف ياكل، هوي لوحدو اول ما ينحط شي بتمو بيبدأ بمصو ، و بعدين بيتطور و بيصير يعلكو و هيك ..
بس "ثقافة الاكل" متل (الشوربة بتتاكل بالمعلقة، الشوكة بتنكمش بالشمال، الخبزة للغموس و الساندويش ... الخ) هي يللي بيتعلمها الطفل

ذات الشي الثقافة الجنسية يللي هيي المطلوب تعلمها و بعكس ما عم تقول .. الاهل سابقا ما كانوا يعلمونا ياها، و يمكن اليوم عن جديد بدأ بعض الاهالي بتعليم اولادهم شوي عن هي الثقافة

أنا مع كريم بأنو الثقافة الجنسية غير كيفية تعليم ممارسة الجنس
يعني الثقافة الجنسية ما بدها افلام ولا سيديات ولا خبرة عملية ولا اصحاب
بالغرب هيدا الموضوع هو مادة بتدرس بالمدارس من الصغر وبتمشي للثانوية بينما عنا فتح الموضوع مع أستاذك أو أخوك بيعبر عن قلة احترام وذوق وقلة أدب برأي أغلبية مجتمعنا (هادا كان قبل كم سنة هلا شوي صار في انفتاح أكبر)
بالماضي ما كانوا يعلموا لا ويا سيدي لهلأ في عائلات ما بتعلم
أنا براي أنو في كتب خاصة وتعليمة لهادا الموضوع وبرأي انو الأهل لازم يجيبوا هي الكتب ويقروها ويوعوا أطفالون من هني وصغار ويعطون فكرة عن الموضوع
نحنا عنا شو ما سأل الطفل أهلوا بقولوا لتكبر بتعرف وهيدا أكتر جواب مؤذي للطفل
الطفل والإنسان عندون فضول واذا ما ارتوا هادا الفضول بطريقة صح رح يجيب نتايج غلط
ونحنا هلأ على التلفزيون عم يطلع فقرات تعليمية عن هيدا الموضوع (طبعا مو بالمحطات السورية لأنو بتمشي على الهدا دادي دادي يعني عم تبلش بس كتير ببطء بس سيدي أحسن من بلا) بكل برنامج صباحي في فقرة عن الثقافة الجنسية وفي كتب كمان بقا مانو موضوع معقد متل قبل كيف بدك تتثقف جنسيا وبأسوأ الأحوال في عندك طبيبك الشخصي
بس انت يا محمد سؤالك غريب أنو مبهم لأنو الخيارات يلي انت حاطهها مو عن الثقافة الجنسية هي عن ممارسة الجنس

مرحبا محمد .. موضوع حلو

الجنس غريزة، متلها متل الجوع متل العطش متل النعاس.. الخ،
غريزة متلها متل غيرها، مهمتها الحفاظ على الحياة

بتختلف عن باقي الغرائز بعدة امور
1- بتتأخر لتبدأ بالعمل، الجوع و العطش و باقي الغرائز بيبدؤوا بالعمل من لحظة الولادة، اما الجنس بيحتاج سنين لبين ما يكتمل نمو اجهزة الجنس عند الانسان
2- بتحتاج لكائنين بشريين، متل باقي الغرائز هدف الجنس الاساسي هوي الحفاظ على حياة الانسان (كنوع و ليس كفرد) بس باقي الغرائز بتنطفا من قبل الفرد .. اما الجنس بيحتاج لفردين (ذكر و انثى) لاطفاؤو


بدي أختلف معك بنقطة ... مهمة
أنو الجنس غريزة + شعور( هادا مفوم الجنس الأنساني ... )
بيتوجة لشخص معين للاتحاد مع هذا لشخص اللي بيجمعنا فيو كتير مشاعر .. ومو للتكاثر والحفاظ عالحياة وإلاما كانت تمت العملية الجنسية ( making love )
الا بأوقات الخصب وأوقات الحاجة إلى طفل
من هون بيكون الجنس ألو معنى أنو بيجمع جسدي شخصين بيجمع بين روحيون الحب ( رح تظن انو انا وردية شوي وأفلاطونية . بس انا هيك بشوف )
وبعدين تشبيه الجنس بالأكل .. بتكون عم تقول انو الشخص بيستهلك ..
الأكلة بتشبع منا بترميا ,, الشخص لا يستخدم .. الشخص يحب ويشارك
وبس
و

بدي أختلف معك بنقطة ... مهمة

بتفق معك تماما.. و نظرتك اكتر من واقعية و بعيدة كل البعد عن الافلاطونية المثالية

بس ما شفت اي اختلاف بيناتنا

مين قللك انو الغريزة لازم تكون وحشية؟؟ ، و مين قللك انو الوحشية شغلة كخا دايما ؟؟

الجنس غريزة محاطة بالمتعة،
متل ما الجوع غريزة محاطة بالمتعة
ببساطة، كان ممكن بكاسة حليب الصبح، و شوية حشائش الضهر، و بعض الفاكهة بالعصر انو نطفي غريزة الجوع و نلبي حاجات التغذية لاجسامنا، من بروتينات، و كربوهيدرات و فيتامينات... الخ
بس نحنا البشر لحد اليوم صرنا مخترعين ملايين الاطباق، بمختلف النكهات و الالوان، شي بارد شي سخن، شي مخصص لايام محددة و شي مخصص لمناسبات محددة و شي متل البوشار لكل ساعة و زمن
فكرتي شي يوم بمدى عبقرية الانسان يللي جاب ورق العريش و حشاه رز و لحمة و عمل منو يبرق ؟؟؟
وصلت العبقرية مع البعض إلى طحن البرغل مع اللحمة لحتى يعمل الكبة

كل هالشي ... كل هالابداع و هالعبقرية و هالتفنن، و بالنهاية بقي الهدف من هالشي هوي اطفاء غريزة الجوع

ذات الشي الجنس، مهما ابدعنا بتأنيسو، بالنهاية هالشي ما بيلغي كونو غريزة بقاء مشتركة بيناتنا و بين جميع الكائنات الحية

الجنس غريزة محاطة بالمتعة،
متل ما الجوع غريزة محاطة بالمتعة
ببساطة، كان ممكن بكاسة حليب الصبح، و شوية حشائش الضهر، و بعض الفاكهة بالعصر انو نطفي غريزة الجوع و نلبي حاجات التغذية لاجسامنا، من بروتينات، و كربوهيدرات و فيتامينات... الخ
بس نحنا البشر لحد اليوم صرنا مخترعين ملايين الاطباق، بمختلف النكهات و الالوان، شي بارد شي سخن، شي مخصص لايام محددة و شي مخصص لمناسبات محددة و شي متل البوشار لكل ساعة و زمن
فكرتي شي يوم بمدى عبقرية الانسان يللي جاب ورق العريش و حشاه رز و لحمة و عمل منو يبرق ؟؟؟
وصلت العبقرية مع البعض إلى طحن البرغل مع اللحمة لحتى يعمل الكبة
كل هالشي ... كل هالابداع و هالعبقرية و هالتفنن، و بالنهاية بقي الهدف من هالشي هوي اطفاء غريزة الجوع
ذات الشي الجنس، مهما ابدعنا بتأنيسو، بالنهاية هالشي ما بيلغي كونو غريزة بقاء مشتركة بيناتنا و بين جميع الكائنات الحية
لا منرجع منختلف عأهمية الشخص الأخر ,,, أنت عم تشيئو وكأنو أنو هوي تفاحة بس ما في تفاحة يلا برتقانة بيمشي الحال ... ومتل ما في أكلات بكل النكهات .. ففي ناس بكل الألوان كمان :shock: ومع الوقت جنس معلب .. الكبة وقت ما بتاكلا ما بتشعر بالرفض أو وقت بتاكل يبرق ما بتشعر بالخيانة ..
هون في طرف تاني شريك مهم جدا جدا .. مو بس لأطفاء الغريزة والمتعة .. مهم لأنو هو هو
لأ الجنس برأيي أنا .. مشاركة حب بين شخصين لذاتون وبس لهالشخصين .. يعني هو علاقة فيا حب واتحاد ومشاركة وغريزة ومتعة

ايوااااا
هلا استوعبت عليكي

اي معك حق انو منختلف... و حول اكتر من نقطة مهمة كمان
و فعلا نظرتك فيها شي من الافلاطونية

بس انا ما كتير لغيت الاخر، و اعترفت فيه من حيث انو عنصر اساسي لا غنى عنه

بالواقع انا مو بس بختلف معك، و بختلف حتى مع نظرة الديانات الابراهيمية لهالامور
يعني ما عم استوعب ليش الزنى كخ اما الزواج دح؟؟ علما انو الفرق بيناتهم ورقة

يا ريت لو الامور بتمشي على طريقة نزار قباني
نظرة، فابتسامة، فموعد، فلقاء، فحب، فزواج، فاولاد .,.... و هيك

بس الواقع كتيييييييييييييييير بعيد عن هالشي

الواقع (مع الاسف) بيمشي هيك:
مو تفاحة ؟؟؟ اي نو بروبلم، برتقانة بيمشي الحال و شعرة

الواقع بيمشي اقسى من هيك
شو بدي بالتفاح؟؟؟ بدي كيوي، او اناناس، او منغا ... المهم شي يتمتع باللباقة الدولارية، و تكون اخلاقو عالية، 8 سلندر اوتوماتيك

خلينا ما نيأس و ننظر للامور بتروي اكتر
الجنس شي، و الحب، شي تاني خالص

هلأ ممكن انو الزواج يجمع بيناتهم، ساعتها منكون حطينا اساسات سليمة نوعا ما، بس كتير بيوت خربت لأنها تأسست على حب زائف
حسب الرحابنة، في حب بيقتل الوقت، و في وقت بيقتل الحب

و لو كان الموضوع بيحكي عن الحب، كنت ما خضت فيه اساسا، لأني بالحب تركي طلطميس
و الدليل هوي مغامراتي كلها يللي تميزت بفشل من النوع الاسطوري

هلأ بخصوص انو البشر متل الاكل في منهم اشكال الوان صحيح، و هون بيرجع الموضوع لمعدن الانسان... إن كان ندل بيظهر و ان كان نبيل بيظهر

ايوااااا
هلا استوعبت عليكي

اي معك حق انو منختلف... و حول اكتر من نقطة مهمة كمان
و فعلا نظرتك فيها شي من الافلاطونية

بس انا ما كتير لغيت الاخر، و اعترفت فيه من حيث انو عنصر اساسي لا غنى عنه
أنت اعترفت أنو هوي أداة بتوصلك لشي ... وهادا بيقلل كتير من قيمتو


بالواقع انا مو بس بختلف معك، و بختلف حتى مع نظرة الديانات الابراهيمية لهالامور
يعني ما عم استوعب ليش الزنى كخ اما الزواج دح؟؟ علما انو الفرق بيناتهم ورقة
لأ أكتر من ورقة ...
بالنسبة للمتدينين أنو بركة الله للحب .. تجعل الجنس أكثر قدسية



بس الواقع كتيييييييييييييييير بعيد عن هالشي

الواقع (مع الاسف) بيمشي هيك:
مو تفاحة ؟؟؟ اي نو بروبلم، برتقانة بيمشي الحال و شعرة

الواقع بيمشي اقسى من هيك
شو بدي بالتفاح؟؟؟ بدي كيوي، او اناناس، او منغا ... المهم شي يتمتع باللباقة الدولارية، و تكون اخلاقو عالية، 8 سلندر اوتوماتيك
ليش مع الأسف ... مدامك أنت مقتنع أنو كالجوع تماما ..



خلينا ما نيأس و ننظر للامور بتروي اكتر
الجنس شي، و الحب، شي تاني خالص
لأ انا بشوف الجنس المفروض يكون أعلى مرحلة من مراحل الحب
ما بينفصل عنو
الجسد البشري له قدسيتو - بالنسبة ألي طبعا - ما بأمكانك تعطيو من دون حب ..
بظن طلعنا برات الموضوع شوي
بعتذر منك حمودة

أكتر من ورقة ...
بالنسبة للمتدينين أنو بركة الله للحب .. تجعل الجنس أكثر قدسية

فراشة، كم كلمة من خوري او مأذون، و كم زلغوطة، ما بيزيدوا بقدسية اي شي

لما اختي كانت زغيرة، كانت تعقد قران باربي على جون 1000 مرة بالاسبوع، و مع ذلك بقيوا قطعة مطاط

الجنس مقدس لأنو هوي مقدس، لأنو الطبيعة جعلت قدسيتو بتفوق قدسية اي شي آخر، بالنهاية ثمرة الجنس هيي الانسان، هاد هوي سبب قدسيتو
الجنس مقدس لأنو الخالق جعلو مقدس
اما المخلوقات ما بتزيد بقدسيتو فرنك

لو هالنقاش طرحناه قبل ما يظهر الاستنساخ كنت اكدتلك انو الجنس هوي قدس الاقداس، لكن مع ظهور اسلوب جديد عدا الجنس لخلق الانسان، صار هالموضوع فيو شك

ليش مع الأسف ... مدامك أنت مقتنع أنو كالجوع تماما ..
كالجوع من حيث انو غريزة

و تأسفت لأنو مجتمعاتنا (المبنية على الدين) سفهت الجنس لحتى وصلتو لهالدرجة من الحضيض الموبوء

لأ انا بشوف الجنس المفروض يكون مرحلة من مراحل الحب
ما بينفصل عنو
الجسد البشري له قدسيتو - بالنسبة ألي طبعا - ما بأمكانك تعطيو من دون حب ..

الحب مرتبط بالجنس، بغض النظر عن المراحل و مين قبل و مين بعد... هي هيي الحالة الافتراضية يللي انشأتها الطبيعة او الخالق بمكانيكية بقاء النوع عند الانسان

بس نحنا دمرنا الحالة الافتراضية، يعني كتير مرات منشوف علاقات خارج الاطر يللي حطها الشرع او الدين او العرف ... بتطبق يللي عم تحكيه تماما، جنس مبني على الحب، و مع ذلك ... المجتمع بيستنكر هيك علاقات، و ببعض المجتمعات بتوصل معهم للجلد، للرجم حتى الموت (بالسعودية)

بنفس الوقت، نفس هالمجتمعات المتخلفة، بتبارك الزواج المبني على الشرع او العرف، طالما هوي عم يحقق شوية شروط سخيفة (مهر، صداق، شبكة، دبلة... الخ، و اوعى حدا يقللي قبول احسن ما اضربو)... هيك زواج بيشبه كل شي إلا الزواج، هيك زواج اشبه بتجارة الرقيق منو لأي شي تاني

ممكن تخبريني كيف ممكن الحالة الاولى تكون "زنى" بينما الحالة التانية تكون مقدسة ؟؟؟

و ممكن تشرحيلي كيف ممكن انو الحب يلغي كون الجنس غريزة ؟؟؟

هلق بدي اختلف معك كريم بالتعبير شوي
انو انت قلت انو المجتمع الديني خلاننا نوصل لهالحالة المزرية الي عم نعيسها بثقافتنا الجنسية
اللي اغلنا اكتسبها من الشارع
انا بقول انو مو المجتمع الديني الي عمل هالشي الي عمل هالشي اشخاص زادوا اشيا على الدين وهي مو من الدين ونسبوها الو
طبعا الثقافة الجنسية شي مهم كتير لكل البشر وطبعا هلق بلشوا يصحوا لهلموضوع
وبما انو الجنس داخل بالتركيبة الطبيعة للانسان فهو من حاجاتوا الاساسية اللي مو ممكن يستغني عنها ان كانت فردية او زوجية او حتى شاذة
طبعا محمد عرض مجموعة وسائل مو كلها صحيحة متل الافلام الاباحية هي وسيلة خاطئة جدا لاكتساب الثقافة الجنسية
لانو كلها خيلات وقدرات خارقة والانسان يصاب بالاحباط من جراء روئيته لهيك اشياء ان كان ذكر او أنثى
الكتب وسلية كتير حلوة ونافعة بس هاد ما بيلغي دور الاسرة
بتذكر شفت بمسلسل سوري انو بنت عم تخبر امها عن التغيرات الفيزولوجية الي عم بتصير معها
وهي بسن البلوغ بس امها بهدالتها لمجرد انها حكيت معها بهالموضوع
طبعا ما فينا نعمم هالشي على كل الاسر بس هالشي منتشر لاعتقاد سائد انو بس يكبر بيتعلم لحالوا
المهم لازم بطريقة او بأخرى ادخال منهاج للثقافة الجنسية بالمدرسة وهي على ما سمعت انو ضمن خطة وزارة التربية انو تنزلوا بس عم بيلاقوا صعوبة انو من وين يبدئوا و وين بيخلصوا ومنتمنى انو
يتداركو هالمشكلة
طبعا عنا هون بالشرق في خجل زائد مفتعل بحكم نظرية العيب التافهة والعالم الي بتحكي اوهك اشيا
هاد الشي ولد عنا ناس مريضين نفسيا وشاذين وحتى مصابين بعجر جنسي جراء جهلهم بهالامور الي هي اساس
وهلق برجع بسجل تعليقي على النقاش بين مارسيل وكريم انو الجنس علاقة تكاملية
بس مو بالضرورة يكون حب لانو بس الانسان يقطع مرحلة معينة وهو بهالوضع بيغيب عن العقل
مثال بيجوز يضايق كتير ناس بس هو واقع
انو مثلا بنت عم تتعرض للاغتصاب طبعا بالبداية راح تقام بس بعد ما توصل لمرحلة معينة ماراح تقدر تقام
وهاد من الطبيعة البشرية
وبالنهاية الثقافة الجنسية مهمة
عبر المنهاج الدراسي والرامج الاعلامية والتوعية
وايضا واهم شي الاسرة
ودمتم
:سوريا:

ممكن تشرحيلي كيف ممكن انو الحب يلغي كون الجنس غريزة ؟؟؟
له يا كريم ، بهاي نزعتها
أنا موافق على أغلب كلامك بس إنو ما تفصل ممارسة الحب عن ممارسة الجنس ؟؟!!
هاي مو ظابطة.
طبعاً من حيث المبدأ كلو اسمو جنس ... بس بنظرة أعمق و بتجربة شخصية بتمر فيها إنت و ما حدا غيرك بتعرف إنو الحب بيعمل شكل و مضمون آخر رائع للجنس...
يا سيدي رح حاكيك من جهة المتعة ، ضمة لصدر الحبيب تعادل عملية جنسية كاملة.
لأنو دفء العاطفة المتبادلة وبأكد على كلمة المتبادلة بين الطرفين بيقطع بالمتعة لمراحل كبيرة كتير كتير .

يا سيدي برأيي ممارسة الجنس بدون حب هيي نوع من أنواع الدعارة، مشان هيك أغلب شعبنا يمارس الدعارة بشكل يومي بواسطة شرعية مقبولة من كل فئات مجتمعنا المتخلف !!! وهاي الشرعية جاية من الورقة اللي إنت حكيت عنها.

منرجع للموضوع ...
بالنسبة لمجتمع معاق فكرياً متل مجتمعنا ، 95% منو ما رح يتفهم شو يعني ثقافة جنسية
يعني لو فرضنا إنو الدولة "المعاقة أيضاً " فرضت مادة التربية الجنسية بالمدارس ، 95% من الشعب ما يتلقوها لعدة أسباب:
نسبة كبيرة ما رح ترضى إنها تسمع هيك أمور لأنها فئة متحجرة
و نسبة لا بأس فيها رح يلاقي فيها وسيلة للتسلية والتقريق مو أكتر
الباقي رح يكون فاتح تمو و شاطة ريالتو من الأهاويل اللي عم يسمعها ومانو مصدق إنو في هيك شي ؟؟؟!!!


ملاحظتين زغار:
- نسبة ال 5% المتحضرين و الواعين من شعبنا مبحبحة كتير ... بس إنو تحسباً و على أمل.
- البيئة اللي أنا عايش فيها "بما فيها أهلي وأقربائي" مع إنها تعتبر من فئة المتحضرين... بس أنا بحطن ضمن ال 95% الجهلة.

فراشة، كم كلمة من خوري او مأذون، و كم زلغوطة، ما بيزيدوا بقدسية اي شي
مان الكام كلمة هنن اللي بيزيدوا . الصلاة بحد ذاتها ... كون هالعيلة رح تكون مستقبلا حجر بهالكنيسة ... أو هالجماعة المؤمنة بغض النظر عن دينا .. كون اعلان الحب أمام الناس .. كون هالرباط _ كمان برأيي انا _ لازم يكون أبدي ولمرة وحدة


و تأسفت لأنو مجتمعاتنا (المبنية على الدين) سفهت الجنس لحتى وصلتو لهالدرجة من الحضيض الموبوء
مجتماعتنا عندا ازمة مع الأنسان .. فمشان هيك سفهت الجنس وما بظن أنو الرادع الديني هوي المسؤول الأساسي عن هالشي ...



يعني كتير مرات منشوف علاقات خارج الاطر يللي حطها الشرع او الدين او العرف ... بتطبق يللي عم تحكيه تماما، جنس مبني على الحب، و مع ذلك ... المجتمع بيستنكر هيك علاقات، و ببعض المجتمعات بتوصل معهم للجلد، للرجم حتى الموت (بالسعودية)

بنفس الوقت، نفس هالمجتمعات المتخلفة، بتبارك الزواج المبني على الشرع او العرف، طالما هوي عم يحقق شوية شروط سخيفة (مهر، صداق، شبكة، دبلة... الخ، و اوعى حدا يقللي قبول احسن ما اضربو)... هيك زواج بيشبه كل شي إلا الزواج، هيك زواج اشبه بتجارة الرقيق منو لأي شي تاني

ممكن تخبريني كيف ممكن الحالة الاولى تكون "زنى" بينما الحالة التانية تكون مقدسة ؟؟؟

و ممكن تشرحيلي كيف ممكن انو الحب يلغي كون الجنس غريزة ؟؟؟
المجتمع بيستنكر لأنو الحب شغلة غير منتظمة .. ولأنو الحب كشعور ممكن يختلط مع ألأف شعور تاني ..
بينما الزواج بنظر المجتمع .. هوي ما يجعل هذا الحب واقعا - هيك المفروض - وبيعطيو أسس ناظمة ألو .. وبيحافظ على مفهوم الأسرة والنسب وهيك قصص
هلق أنا بنظري الحالتين زنى ... إي ممارسة جنس دون حب انا بعتبرا زنى ... وأنا بأمن بالحب اللي بيسعى لارتباط دائم بهذا الشخص والتزام فيو بعلاقة أسما زواج
أما كيف بيلغي الحب كون الجنس غريزة .... أنا ما قلت أنو بيلغي كونو غريزة أنا قلت بيضيف للغريزة والمتعة عامل مهم هو أنو ممارسة الحب بيجعل من هالعملية بحد ذاتا باب للتواصل والشركة مع الطرف الثاني اللي هو وحاجاتو ومشاعرو مهمة جدا وحتى أهم من العملية بحد ذاتها

له يا كريم ، بهاي نزعتها.
بقيت على هاي ؟؟ :p

أنا موافق على أغلب كلامك بس إنو ما تفصل ممارسة الحب عن ممارسة الجنس ؟؟!!
هاي مو ظابطة.
طبعاً من حيث المبدأ كلو اسمو جنس ... بس بنظرة أعمق و بتجربة شخصية بتمر فيها إنت و ما حدا غيرك بتعرف إنو الحب بيعمل شكل و مضمون آخر رائع للجنس...
يا سيدي رح حاكيك من جهة المتعة ، ضمة لصدر الحبيب تعادل عملية جنسية كاملة.
لأنو دفء العاطفة المتبادلة وبأكد على كلمة المتبادلة بين الطرفين بيقطع بالمتعة لمراحل كبيرة كتير كتير .
يا سيدي برأيي ممارسة الجنس بدون حب هيي نوع من أنواع الدعارة، مشان هيك أغلب شعبنا يمارس الدعارة بشكل يومي بواسطة شرعية مقبولة من كل فئات مجتمعنا المتخلف !!! وهاي الشرعية جاية من الورقة اللي إنت حكيت عنها..
:clap: :سوريا:

مجتمعنا .. بيخاف من الحكي بهالقصص لأنو بيخاف يكتشف انو كل امتيازاتو الأخلاقية اللي بتجعلو أحسن من الغرب :shock: مانا جاية عن قناعة .. جاية عن كبت ...
وإذا كان في 5 % فكتير منيح ... لسى المجتمع بألف خير

ما حدا عبرني
:clap: :clap::lol: :lol: :p :p

مجتمعنا .. بيخاف من الحكي بهالقصص لأنو بيخاف يكتشف انو كل امتيازاتو الأخلاقية اللي بتجعلو أحسن من الغرب :shock: مانا جاية عن قناعة .. جاية عن كبت ...
وإذا كان في 5 % فكتير منيح ... لسى المجتمع بألف خير
أنو إمتيازات هاي ؟؟؟
يا عزيزتي الغرب بينظر إلنا "كلنا"إنو نحنا همج و ما منعرف شي عن المدنية
وبموضوع الجنس بيعرفوا عن العربي إنو بيمتلك المرأة مو بيتزوجها
أما قصة الأخلاق فهيي إختلاق عربي متل ما قلتي
و أنا بقرف من كلام المعاقين عنا ببلادنا عن الإنحلال الأخلاقي بالغرب واللي بيهدفوا من وراه إنو يتستروا على عورتهن القبيحة اللي انكشفت للغرب من زمااااان.

ما حدا عبرني
مو هيك القصة
بس الفكرة زين .. انو الدين كويس، الدين ما في منو، الدين شغلة كتير كبيرة، بس فيو مشكلة نتوفة كتير كتير
انو يسوع و محمد و كل الانبيا، سلموا هالدين لناس مش انبيا، و بلشوا هالناس يتمقطعوا فينا باسم الدين
بصراحة
هدول الناس محتكرين الدين، و المشكلة انو الناس هيي يللي بتدافع عن مصالحهم و عن احتكارهم للدين، يعني شايف هالحكي يللي عم قولو، تأكد انو في ناس لو بيطلع معها تقوصني لأني عم قولو ما بتقصر فقط لتحفظ احتكارات رجال الدين

مشان هيك لما حكيت حكيت عن المجتمعات الدينية و ليس عن الاديان

مان الكام كلمة هنن اللي بيزيدوا . الصلاة بحد ذاتها ... كون هالعيلة رح تكون مستقبلا حجر بهالكنيسة ... أو هالجماعة المؤمنة بغض النظر عن دينا .. كون اعلان الحب أمام الناس .. كون هالرباط _ كمان برأيي انا _ لازم يكون أبدي ولمرة وحدة

مانة، هالحكي ما نقص حالات الطلاق حالة وحدة، هالكلام هاد (تبع هل ترضين فلان بغلا؟) ما سكر الكاباريهات بالبلد، و لا خفف حالات الخيانة،
خلينا ساكتين و ما بدنا نحكي عن "الزلم" يللي مستعدين يبيعوا زوجاتهم مقابل حفنة من الدولارات، و ما اكثرهم في مجتمعاتنا المرقعة

بالصدفة وصلني ايميل من اختي اليوم، عم يحكي عن معنى الحب حسب بعض الاطفال ... رح ارفقلك ياه لحتى نشوف مفهوم الحب لدى بعض الابرياء المهابيل
مع انو ما في توثيق لهالحكي، بس اجمالا عجبتني الآراء، و حسيت انو في فعلا براءة فيها

مجتماعتنا عندا ازمة مع الأنسان .. فمشان هيك سفهت الجنس وما بظن أنو الرادع الديني هوي المسؤول الأساسي عن هالشي ...

المفروض يكون كلامك صحيح
فالاديان وجدت لتكريم الانسان، بس يللي عم يصير ... انو الانسان هوي يللي عم ينوجد لتكريم الاديان
لما نكون عايشين بمجتمع مقلوبة آياتو لهالدرجة، بيصير من الضروري الشك بقدسية النصوص الدينية، لحتى نقوم ع القليلي بغربلة الامور
و لو اني بفضل انو نعمل متل الغرب و نحاول ايجاد منطق بديل متكامل ... و بعدين نقاطعو مع النصوص المقدسة، لحتى نوصل للحالة الاقرب للكمال

المجتمع بيستنكر لأنو الحب شغلة غير منتظمة .. ولأنو الحب كشعور ممكن يختلط مع ألأف شعور تاني ..

لك يا مانة تجاربي الفاشلة مع الحب بتجبرني اني ما كتير ناقش فيه
مشان هيك رح اقتبس من ناس كانوا اشطر مني .. بيقولوا الرحابنة ع لسان فيروز "اوقات الواحد بيفكر حالو انو حب، بس ازا صحيح ما بيغلط، و ابنك مش غلطان"


بينما الزواج بنظر المجتمع .. هوي ما يجعل هذا الحب واقعا - هيك المفروض - وبيعطيو أسس ناظمة ألو .. وبيحافظ على مفهوم الأسرة والنسب وهيك قصص
هلق أنا بنظري الحالتين زنى ... إي ممارسة جنس دون حب انا بعتبرا زنى ... وأنا بأمن بالحب اللي بيسعى لارتباط دائم بهذا الشخص والتزام فيو بعلاقة أسما زواج

هيك ما عاد فيي ناقش بنوب،


خلونا نرجع شوي للموضوع الاساسي، الثقافة الجنسية
برأيي كتير كتير ضروري، انو نشمل هالثقافة بحقوق المرأة، و حقوق الانسان

يعني لازم نخلي الناس يعرفوا حقوقهم الجنسية و غير الجنسية
بكاليفورنيا، ازا قالت المرا "وقف ما عاد تكمل" حتى بأوج الممارسة، هالشي بيعتبروه اغتصاب

نسيت المرفق

ريبيكا – 8 سنوات
عندما اصيبت جدتي بالتهاب المفاصل لم تكن تستطيع ان تنحني لتضع الطلاء على
أظافر قدميها , فكان جدي يقوم بذلك لها كل مرة على مدى عدة سنوات , حتى بعد
أن أصيب هو بالتهاب المفاصل في يديه لم يتوقف عن القيام بذلك لها .. هذا هو
الحب كماأراه ..."
هادا برأي أنا كمان هو الحب والتضحية بحالك في سبيل من تحب
بيلي – 4 سنوات
عندما يحبك شخص ما , فإنك تشعر بأنه ينطق اسمك بشكل مختلف عن ما ينطقه بقية
الناس , انك تشعر بأن اسمك بأمان في فمه "
:sosweet:

كارل – 5 سنوات
الحب هو عندما تضع المرأة عطرا على جسدها ويضع الرجل عطر ما بعد الحلاقة
ويخرجان سوية ليشم أحدهما الآخر "
جد هادا جواب غير شكل


تيري – 4 سنوات
الحب هو ما يجعلك تبتسم حتى وإن كنت متعباللغاية
أحلى جواب

لورين -4 سنوات
أختي الكبرى تحبني كثيرا لدرجة أنها تعطيني ملابسها القديمة لأرتديها وتضطر
هي لشراء ملابس جديدة "
أنا ما بحب هادا النوع من الحب :p


بتعرفو الغريب أنو هدول الأطفال بيعرفوا الحب أكتر مننا وبعرفوا بطرق سليمة وصافية مو متلنا بطرق دهليزية

وأخيرا حضور أنثوي :hart: :سوريا:

أنا بحب احكي عن تجربة عنا بالمدارس اللبنانية بلشت من حوالي 3 سنين:

بيجي على كل مدرسة لجنة مؤلفة من طبيب ومعالج نفسي ورجل دين وبقيمو ندوات أسبوعية للصفوف الثانوية. بعض المدارس بالغت بهالشي وعرضت على الطلاب مشاهد تظهر بعض الممارسات الخاطئة والطرق الصحيحة للوقاية من بعض الأشياء (كيفية استخدام الواقي مثلا).

أنا من ناحيتي لقيت التجربة مفيدة جدا جدا جدا والمبادرة كانت من الدولة من وزارة التربية والشباب. وعلى المستوى الشخصي بلاقي انو هيك مبادرات بتكفل وصول الثقافة الجنسية الى الفرد بطريقتها العلمية الصحيحة وللتلميذ حرية توجيه أي سؤال الى الطبيب أو المعالج أو رجل الدين والحوار معه في الندوة في حال أشكلت عليه بعض الأمور يستضيفه الاشراف التربوي بجلسة خاصة.

مرحبا محمد .. موضوع حلو

هلأ شغلة وين بدنا نتعلم "الثقافة الجنسية" تختلف تماما عن شغلة كيف منتعلم "ممارسة الجنس"
انت احلى
بس فعلا الموضوع احلى بمشاركتكم انت وجيني والفراشه وعباس وزين وفادي..

نخش فالموضوع :سوريا: :سوريا:
انا من الاول كنت متوقع وجود عدم فهم مني كامل للموضوع وكمان من اعضاء كتيير .لانو موضوع من المواضيع المحرمه انو نتكلم فيها (طيب ليش )ماحد بيعرف سبب مقنع!!!!!!
مشان كده طرحت الموضوع مشان هو موضوع مهم جدا من وجهه نظر الكثيرين......


المهم هو فعلا في اختلاف بس انا بعتقد ان ممارسه الجنس جزء من الثقافه الجنسيه
انا عن نفسي ما بعرف باقي مكونات الثقافه الجنسيه ..
وللاسف عندي جهل بهالشيء

واحد الاسباب الرئيسيه لطرح هالموضوع
اني عايز اكون راي تجاه الثقافه الجنسيه ...
يعني مو متخيل اني اكون متل الجهله اللي بيكونو اراء عن اشياء من غير ميكونو عارفينها
بغض النظر عن ان الراي ايجابي او سلبي


يعني ما حدا بيعلم الطفل كيف ياكل، هوي لوحدو اول ما ينحط شي بتمو بيبدأ بمصو ، و بعدين بيتطور و بيصير يعلكو و هيك ..
بس "ثقافة الاكل" متل (الشوربة بتتاكل بالمعلقة، الشوكة بتنكمش بالشمال، الخبزة للغموس و الساندويش ... الخ) هي يللي بيتعلمها الطفل
هون في نقطه تشكل مثار جدل
(لاحظ اني ححاول اعمل مقارنه متماثله بين شخص والطفل)
فرضا انو في
شخص عايش طول عمرو في بيئه لا تتيح له معرفه اي شيء عن الجنس الاخر(لاحظ الجنس الاخر يعني النساء)
متل الطفل بعد الولادة لايعرف شيء عن الاكل
انت بتقول الطفل بياكل لوحدو ..مو محل نقاش (سواء كنت صح او غلط)ما بتفرق
بس مو معقول ان الشاب اللي ما يعرف شيء عن النساء
حيمارس الجنس بتفكيرو لوحدو (اكيد محتاج مساعدة)حد يقولو انو عندو جزء في جسمو ممكن يستخدمو فهالعمليه ..
ولو افترضنا انو حيعرف لحالو (لان هاد جسمو)
بس من وين بيعرف ان في جزء في جسد المرأه يستخدم كمكمل لاتمام العمليه الجنسيه
يعني اكيد مابيعرف :سوريا: :سوريا: :سوريا:

ذات الشي الثقافة الجنسية يللي هيي المطلوب تعلمها و بعكس ما عم تقول .. الاهل سابقا ما كانوا يعلمونا ياها، و يمكن اليوم عن جديد بدأ بعض الاهالي بتعليم اولادهم شوي عن هي الثقافة
خلي هالنقطه للمناقشه بعد مكون عرفت شو هي الثقافه الجنسيه بكل جوانبها:سوريا: :سوريا:

الجنس عالم كبير ومتشابك ومليان تناقضات يمكن أنت تناقض حالك بوقت واحد وتكون فيه
Up & down
المراهقين والمراهقات بعانون أكتر شي من ها الأسئلة وهي المشاعر!!،
ونحن عم نسأل أنو كيف بتم أعداد الجيل الصغير على ها المرحلة الخطيرة من حياتن بسبب ما بتحوي من متغيرات نفسية وجنسية وفيزيولوجية لهيك عم يبقى الموضوع سر رهيب غامض بيكثر على ألسنة المراهقين مع تجاهل الأسرة ألها ومن هيك بتنشأ الأفكار والممارسات الخاطئة وتنمو وتتشعب دون رقيب أو حسيب
وبيجي وقت الزواج وبلاقي الشب والصبية حالون فجأة صاروا بمواجهة حقيقية مع ها الشي وعم يحتاجو لممارسةواقعية وصحيحة وهنن بالأصل ما تأهلوا لها الشي وبواجهو ها الشي بأفكار خطأ مع خجل وخوف وممارسات مغلوطة
وللأسف مجتمعنا عم يشارك بتفاقم ها الشي بالصمت الرهيب وخاصة من وسائل الأعلام رغم كل الفساد يلي عم نشوفو على الشاشات واللي من المحتمل الكبير أنو يكون ماعم يقدم بالضرورة ثقافة بقدر ماعم يقدم صور خلاعية .ياترى لما أنسان يطلب إفادة بها الشي بكون عم يبالغ عم يعطي الأمر أكتر ما بيستحق؟ ليش بتصورنا أنو الناس ما همون إلا الجنس وإشباع ها الرغبة لازم يعرف كل شخص أنو هي مشكلة عميقة وكبيرة عم تتخبى ورى حاجز من الخجل والجهل لتكون نتائجها كثرة الزنى والخطيئة والأغتصابات وحوادث الطلاق والأسباب
- الأسراف الكبير بالخجل من كلا الجنسين لمجتمعنا فهم خاطىء أنو البنت اللي ما بتهتم بهيك أمور وبتخجل كتير هي بنت بريئة وعلى قدر عالي من الأخلاق بالوقت نفسو يلي بينظر المجتمع للبنت العكس على أنها ذات أخلاق قليلة ووقاحة
مثلاً تعرض شب أو بنت لمشكلة جنسية وين بيروح شو بيعمل لمين بدو يحكي؟
يمكن عندو يحكي مع صديق أهون من الحديث مع الأب أو الأم السبب هو الحاجز الكبير اللي ساووا الأهل مع أولادن وخلوا يقوى بطريقة غير مباشرة بصمتن عن كل شي بيتعلق بالجنس وهاد يلي خلانا نعتبر أنو الجنس عيب لازم نبعد عنو
الثقافة الجنسية ضرورية كتير وبتخيل ها الشي بأيد الأب مع أبنو عن طريق (أذ كبر أبنك أخيه)
والأم نكون رفيقة ابنتها

أنا مع كريم بأنو الثقافة الجنسية غير كيفية تعليم ممارسة الجنس
اتفقنا هون
ووضحت سبب الخلط بينهم في ردي الاول:سوريا: :سوريا:

بس انت يا محمد سؤالك غريب أنو مبهم لأنو الخيارات يلي انت حاطهها مو عن الثقافة الجنسية هي عن ممارسة الجنس

السؤال هو الي..
بس الخيارات كانت لناس .مو الي ..اشخاص سألتهم نفس السؤال وهادي كانت الردود الشائعه
او التي تكررت ..
وهيك معظم اللي سألتهم كانو مو عارفين ان في فرق بين الثقافه الجنسيه وتعليم ممارسه الجنس:shock: :shock: :shock:

أبو حميد بحيك على الموضوع

أنا من جهتي بفضل أنو إذا كان عندي ولد أني أنا علمو كل شي لأنو الولد رح يسمع من أصدقاءه ومن الشارع ورح يتعلم كتير شغلات من هون وهون...... بس ممكن تكون غلط مشان هيك بفضل أني علمو كل شي ... حتى ما تعلق المعلومات الغلط براسو ...........

أبو حميد بحيك على الموضوع

أنا من جهتي بفضل أنو إذا كان عندي ولد أني أنا علمو كل شي لأنو الولد رح يسمع من أصدقاءه ومن الشارع ورح يتعلم كتير شغلات من هون وهون...... بس ممكن تكون غلط مشان هيك بفضل أني علمو كل شي ... حتى ما تعلق المعلومات الغلط براسو ...........

بعتقد انك حتكون اب صديق لاولادك ودا شيء مو كتير موجود :سوريا: :سوريا: :سوريا:
لك مني الف تحيه :سوريا: :سوريا: :سوريا: :سوريا: :سوريا:
وكمان تفكيرك ذكي (وقائي مو علاجي)يعتمد على الفعل مو رد الفعل

عيوني ألك ........ الوقاية خير من قنطار علاج ....

عندنا مشكلة كبيرة في فهم الثقافة الجنسية يا جماعة .. أنا كنت متابع الحوار من أوله خصوصاً السجال اللذيذ بين (فراشة) و (كريم)....

الموضوع كثقافة حنسية ليس (استخدام الواقي) أو (منع الحمل) أو (الأوضاع المثلى في الفعل الجنسي).... يعني وبعدين؟...

الموضوع ربما تغير وبدأ يظهر كأهمية منذ عهد فرويد.... فقد شكل رأيه صدمة لرجل القرن العشرين بكل معنى الكلمة ... كان الرجل الحديث يحلم بأن يكون محور حياته شيئاً ما أشد رقياً أو سمواً في نظره .. كالعدالة و الحق والعدل والثافة والحضارة .... ثم جاء فرويد ليقول إن الدافع الجنسي هو محور الحياة البشرية وناظم خطاها (أساساً لو ما قال فرويد هالحكي كان بدو يجي حدا تاني بهالمية سنة ويقولو .. يعني تحصيل حاصل)....

بالنهاية علاقاتنا الاجتماعية .. شهواتنا ورغباتنا .... نظرتنا للآخر كجنس آخر وكإنسان آخر أو كطرف آخر... في علاقات العمل والصداقة والزمالة والحب والزواج .... كيف انو فيه دافع جنسي ورانا دائماً عم يشتعغل.. وكيف انو هالدافع دائماً إلو الأولوية متل ما قال (شاركو)....

برأيي الثقافة الجنسية لسة بحاجة انو ينحط إلها مفهوم واضح "في شرقنا" حتى نحدد كيف ممكن نوصل إلو ..

لي عودة .. وتحياتي لكريم وفراشة....
ولا حب خارج حدودي
Noooneh

اثناء تصفحي وجدت هذه المعلومه في هذا الموقع
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
أنت والجنس : لثقافة جنسية مبنية على أسس سليمة.
ممارسة الجنس والعلاقات الجنسية وأسرار الجنس معلومات غير معلنة ..... ؟؟؟؟
عندما يجهل مراهق أو مراهقة من أي عضو في الجسد يولد الأطفال تتحول العلاقة الحميمة إلى سر يسعى الأبناء إلى اكتشافه فيقعون في خطأ الفهم وخاصة إذا كانت معلوماتهم من مصادر غير مسئولة تقدم لهم مغالطات لا حصر لها عن الجنس .
يجب أن نعرف أولاً إن ممارسة الجنس هي عملية طبيعية يحتاجها الإنسان ولا يمكن إن يتخلى عنها الإنسان بأي شكل من الأشكال " والاهم هو كيف نربى أبنائنا وبناتنا على أصوله وآدابه كي تتعزز العلاقة الزوجية .
هناك الكثير من الممارسات الخاطئة بسبب غياب الثقافة الجنسية بين الزوجين . وبالنسبة إلى جيل الشباب فهم معرضون لكثير من الأمراض الاجتماعية نتيجة الجهل بالجنس وآدابه وأصوله وأخطرها البحث عن الأخر في ظل انعدام المتعة مع الشريك الشرعي ومن هنا تلجأ الزوجة أو الزوج في بعض الحالات إلى الخيانة .
إن نسبة الطلاق مرتفعة في مجتمعنا لكثير من الأسباب منها غير المعلن وهو الجانب الجنسي بمعنى أن المرأة لا تستطيع أن تحمل علاقة غير متوازنة جنسيا فتطلب الطلاق من غير أن تعلن عن دوافعها الحقيقية . إن الجهل الجنسي يحفز الفرد للحصول على المعرفة من مصادر خفية أو في الأفلام الإباحية وتكون النتيجة الحصول على المعلومات الخاطئة والوقوع في الحرام نتيجة التجريب أو الخبرات التي تؤدى إلى الشعور بالاشمئزاز أو الإحساس بالإثم والخطيئة والخوف والقلق والاستغراق في أحلام اليقظة والانحراف الجنسي والاضطراب النفسي أن أهداف التربية الجنسية يجب أن تشمل تزويد الفرد بالمعلومات الشرعية الصحيحة اللازمة عن أساسيات الجنس وتعليمه الألفاظ المتصلة بأعضاء التناسل والسلوك الجنسي وإكسابه التعاليم الدينية والمعايير الاجتماعية والقيم الأخلاقية الخاصة بالسلوك الجنسي
إن المعرفة الجنسية تقي الفرد من أخطار التجارب الجنسية غير المسئولة قبل الزواج والتي يحاول خلالها الشاب أو حتى الفتاة – استكشاف المجهول أو المحظور بدافع إلحاح الرغبة الجنسية المتأججة أو المكبوتة لديه