بهية مارديني من دمشق: أعلن معارضون وناشطون ومثقفون سوريون اليوم نص الرسالة الثانية التي أرسلوها أمس الى الرئيس السوري بشار الاسد بعد ارسالهم اول من امس رسالة الى قادة الراي والمثقفين والاعلاميين في لبنان.

وطالب المثقفون والمعارضون في الرسالة الموجهة الى الاسد بضرورة انسحاب الجيش السوري من لبنان "حيث لاينفع الاصرار على الطرائق السياسية القديمة في ادارة الازمات وان الاوان ان تاخذ سورية سياسة جديدة تراعي ما استجد خصوصا بعد جريمة اغتيال رفيق الحريري رئيس الوزراء اللبناني السابق ".

وكانت هذه الرسالة مناسبة للعديد من المثقفين والمعارضين السوريين لايصال صوتهم الرافض للتواجد العسكري السوري في لبنان منذ زمن، لانهم على حد تعبير الكاتب لؤي حسين الذي وقع على الرسالتين لايقبلون ان يكون جيش بلادهم متواجدا في بلد اخر وينظر اليه على انه محتل كما لايقبلون بوجود جيش اجنبي في بلادهم.

واكدت الرسالة، التي تلقت "ايلاف" نسخة منها ، "ان الالتزام بتطبيق اتفاق الطائف والمبادرة لانسحاب القوات العسكرية في لبنان يتيح لنا استثمار الفرصة الراهنة وتفادي تطورات لاتحمد عقباها وان تتم هذه المبادرة اليوم كاستجابة لرغبة الشعبين السوري واللبناني في صياغة علاقة جديدة بينهما تبطل الذرائع الخارجية بينهما وتمهد الطريق لاعادة بناء الثقة بين الشعبين في مواجهة التحديات الخارجية .

وحذرت الرسالة من "ثمة جديد قادم كبير وخطير على بلادنا يتطلع لرسم مصيرها ومستقبل اجيالها فالضغوط الخارجية تشتد وتاخذ صورا واشكالا متنوعة والشعب السوري لايعرف ما ينتظره" .

ووقع على الرسالة اكرم البني وانور البني ومشعل التمو ونهاد سيريس وشعبان عبود وميشيل كيلو وسعاد جروس ومهند الحسني والعديد من الاسماء الفاعلة في المجتمع السوري.

وفي حين رفض بعض المعارضين التوقيع على الرسالة لانهم ضد الانسحاب السوري في هذه الفترة بالذات لانها تاتي استجابة للضغوط الخارجية فقط وبهذا يكون لاميركا وبعض اطياف المعارضة اللبنانية ماارادوا ، تسارع معارضون ومثقفون سوريون الى التوقيع مباشرة لاحساسهم بالخطر القادم على سورية وتشابهت بعض الاسماء الموقعة على هذه الرسالة مع الرسالة الاولى التي تطرقت الى ضرورة انسحاب الجيش السوري وفي نفس الوقت وبنفس ميزان العدالة طالب المثقفون الا يتأذى العمال السوريين الذي ذهبوا الى لبنان من اجل لقمة الخبز وبناء لبنان ، وساندوا مطلب اللبنانيين في تصحيح العلاقات السورية اللبنانية واقامتها على اسس من المساواة والاستقلال والاختيار الحر لكل من الشعبين.

وكانت الرسالة التي وقع عليها اكثر من مئة وخمسين مثقفا سوريا حتى كتابة هذا التقرير، ومازال المجال مفتوحا امام تواقيع اخرى ،وتم توجيهها للمثقفين والاعلاميين وقادة الراي في لبنان قد اوضحت "اننا كمثقفين سوريين لطالما وجدنا في لبنان نافذة للتعبير عن ارائنا لم تتح لنا في الوطن نصارحكم انه يؤلمنا ن نرى ونسمع من يهين سورية وشعبها ومواطنيها دون ذنب ومن يعتدي على عمال سوريين بؤساء ساقتهم لقمة الخبز للعمل في بلدكم القريب العزيز ولاشك انكم تعلمون انها لقمة مغمسة بالذل دوما،وان مقتضيات العدالة ذاتها التي تسوغ مطلب اللبنانيين برفع الهيمنة عن لبنان تسوغ ان يعامل عمال فقراء اسهموا في بناء لبنان معاملة لائقة تصون حياتهم وكرامتهم وثمار عملهم".

واضافت الرسالة اذا كان خروج القوات السورية من لبنان مدخلا لاصلاح العلاقة بين البلدين فان تهديد واذلال مواطنين سوريين ضعفاء يسيء الى مستقبل هذه العلاقة، واكد المثقفون ان اساس العلاقة السورية اللبنانية هي العلاقة بين مدنيين سوريين ولبنانيين يستفيد منها الطرفان وليس احدهما.
-----------------------------------------------------------------------------------
بهية مارديني - إيلاف ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مشكور كتير على المقال أبو مارل الغالي .. وفعلا" معارضة بترفع الراس .. وأنا بدوري أؤيدهم على كل مطالبهم .. :D :D :D

يا سيدي أنا ما بأيدهن و والرسالة بتمثل رأيون الشخصي و ما بتمثل الشعب السوري و لا المصلحة السورية
و مو إذا كانو عملينلي مثقفين و معارضة لازم نأيدون بكل شي

والله يا أستاذ .. يعني ما بعرف أنت شو بدك يعني شو الحل برأيك نطل مبلطين بلبنا عم ننهبها .. ونحكمها .. وبالأخير نطلع برفسة بوط من أمريكا .. يعني والله ما بعرف .. وبالنسبة للمثقفين هاد هوي رأي الشعب السوري الواعي .. ومثقفين وأحسن منا لأنو عم يحكوا الحقيقة دون خوف بينما نحنا عم نتأرجح بين اليمين واليسار ..

يا سيدي هي الدعوة هيي دعوة حق يراد بها باطل
يمكن مو لكل الموقعين بس على الأقل بعضون
يعني واضح لكل الناس أنو هي الرسالة هيي ضرب بالسوريين و إضعاف لألون
بوقت إذا الشعب السوري فعلاً هادا رأيو لازم يسعى لأنو يطلع الجيش طلعة عز
مو يكونو هنن و المعارضين اللبنانيين المارقين و أميركا و إسرائيل و غيرون عم يضغطو و يحاولو يطلعو السوريين طلعة مبهدلة

يعني الكلام بالوقت الحالي مجرّد كلام أنا برأي الخاص لسا بدو وقت ليصير على أرض الواقع .. على العموم الله يستر :jakoush:

انسحابنا من لبنان خطأ جسيم وحتثب الأيام للبنان, وللمعراضة السورية واللبنانية وللمجتمع العربي والعالمي انو هال الإنسحاب كان خطا تاريخي

حكيم فيك توضحلنا وجهة نظرك....؟؟؟؟؟

انسحابنا من لبنان خطأ جسيم وحتثب الأيام للبنان, وللمعراضة السورية واللبنانية وللمجتمع العربي والعالمي انو هال الإنسحاب كان خطا تاريخي

والله أكبر خطأ تاريخي ارتكبتو سوريا هو أنو طلت بلبنان بعد ماخلص دورها بس يعني الشباب تكلفو بلبنان .. فقالو لحالهن منضل شوي ومنعوض ومنعبي جيبنا ..

انسحابنا من لبنان خطأ جسيم وحتثب الأيام للبنان, وللمعراضة السورية واللبنانية وللمجتمع العربي والعالمي انو هال الإنسحاب كان خطا تاريخي
ماني معك بنوب بنوب....لسبب بسيط..الوجود السوري بلبنان في الوقت الحالي لا داعي له و لا فائدة له...أقصد الوجود العسكري طبعا....ممكن تقول أنو طلعتنا كانت مذلة بهالطريقة...صح, أنا معك. بس نحنا تعودنا أنو ننضرب و نتشرشح و ما النا جملة غير : " ...ونحتفظ بحق الرد..." بشو بدنا نرد؟؟ نضحك على حالنا يعني؟!!!

" ...ونحتفظ بحق الرد..." بشو بدنا نرد؟؟ نضحك على حالنا يعني؟!!!

منرد بالحكي يا أبو مارل ولو .. نحنا نملك قوة نووية هائلة من الكلمات العابرة للمشاعر .. والتصريحات المؤرقة للنوم ..
يعني بشو بدنا نرد منوطي راسنا ومنمشي متل العادة ..

" ...ونحتفظ بحق الرد..." بشو بدنا نرد؟؟ نضحك على حالنا يعني؟!!!


مثلا لما حلقت طائرة اسرائيلية فوق الأراضي السورية على من فترة ..
ولما قصفت قوات اسرائلية الرادار السوري على الحدود
ولما ولما ولما

طب شو بدكون يكون رد فعل الحكومة ..
بالله حدى يقلي عبارة تانية بتفنع .. او موقف تاني بينفع

شو بدكم يطلع الجيش السوري يضرب اسائيل واحنا عارفين انو مانا قد هال الشغلة حاليا !!
شو بدكم يطلع المتحدث الرسمي يقول انو احنا زعلانيني يعني
ولا يقول انو لاء مالكون حق تضربو الرادار مثلا

لك اذا ما في بإيدنا غير انو نحتفظ بحق الرد للوقت الي بيصير فينا انرد فيه ..
شو منعمل يعني ..
هيك ظروفنا ما بتسمحلنا انرد بالوقت الحالي
وحفاظا لماء الوجه احنا منحتفظ بحق الرد للوقت الي بيصير عنا القدرة على الرد على المستوى المطلوب !!!!!!
هذا كل ما في الأمر

بالنسبة لموضوع الإنسحاب
انا ضد الإنسحاب وهو خطأ تاريخي فادح طبعا
(كان كلامي على التصريحات الاخيرة وقتها الي قالت فيها سوريا انو حتنسحب )
لكن الإنسحاب التدريجي بضمانات امنية في ما يخص السلام مع اسرائل اي هذا ما فيه مشكلة ابدا ..بالعكس هذا الهدف الحقيقي من وجود القواة السورية
وهذا ما صرح به الرئيس اليوم لصحيفة الإيطالية
ان الإنسحاب لن يكون في الوقت الحالي وانما بعد ضمانات امنية

وهذا الحكي السليم :D :D

أنا مع الحكيم و حكيو صح 1000%
بس بدي أفهم يلي بيحكو بيقلو أنو سوريا فاتت خبصت ب لبنان بينسى أنو لبنانية هنن نفسون خبصو ببعض أكتر بكتير
و يلي بيقولو أنو سوريا قتلت و سرقت و نهبت بينسو يقولو أنو سوريا هي يلي دفعت حق استقلال لبنان من شبابنا
حرب الجبل وا ستقلال الجنوب كلو عن طريق سوريا و الكل بيعرف هالشي
غير يلي لبقول أنو سوريا عم تنهب لبنان يطلع و يشوف أنو لبنان عم ياخد مننا الغاز و الكهربا و المي بقى مابعرف من هو المستفيد الأكبر
ما مننكر أنو سوريا عم تستفيد أنو عم تحمي خاصرتها من أسرائيل بس بنفس عم تحمي لبنانين يلي ماعم يحسبو لقدام
و كلنا منعرف أنو القضية هي قضية وجود يا نحن يا أسرائيل و هذا صراع قديم و لازم نحن نأثبت وجودنا و غلط أنو نطلع لهيك
و بظن أنو السوريين كتير كتير كتير كتير مخففين عمليات التدخل الأمني بالبنان يعني شهوة بس يطلع هلق شب بناني يقول أنو في عنصر مخابراتي سوري اتعرضلو و مستحيل هالشي
و يارب يلي مغمض عيونو أو عم يطلع على منخارو يطلع شوي لقدام و يحسبها أكتر لمصلحت سوريا و لمصلحة لبنان و لمصلحة الوجود العربي و إثبات العنصر العربي بالساحة يلي مافي غير سوريا لسى عم توقف بالوج
و الله يكون مع سوريا :)

أول شي يا دكتور حسام ليش دائما" منعتبر أنفسنا مانا قد اسرائيل وأمريكا .. يعني دائما" شايفينون بعبع .. يعني كون على ثقة لو أنو ردينا على الهجمات الاسرائيلية ما حاد فيه يحكي معنا لأنو أمريكا بتخاف من الماشي على مبدأ (عليي وعلى أعدائي) .. بس للأسف الكرامة صايرة رخيصة بهل اليومين .. والذل مستفحل .. يعني شعب ميت .. وحكومة أكثر موت ..


بس بدي أفهم يلي بيحكو بيقلو أنو سوريا فاتت خبصت ب لبنان بينسى أنو لبنانية هنن نفسون خبصو ببعض أكتر بكتير
و يلي بيقولو أنو سوريا قتلت و سرقت و نهبت بينسو يقولو أنو سوريا هي يلي دفعت حق استقلال لبنان من شبابنا

أول شي لبنان خبص بحالو .. هي دولتو وهوي حر فيها .. ( ولا تنسى السوريين عم يخبصوا بسوريا كمان )
وتاني شي أنا معك بأنو شبابنا دفع حق استقلال لبنان بس هذا لايعني أنو ناخذ الثمن من جيوب شعب لبنان ( غازي كنعان ) لأنو نحنا فتنا على لبنان كأخوة عرب يملكون غيرة وطنية ومستعدين للتضحية في سبيل أخوتهم العرب (اللبنانيين) وهذا شيء رائع .. ولكن روعة التضحية وقيمتها تزول عندما تريد ثمنا" لها ( وبالقوة) .. وسوريا بقيت بلبنان لتعوض ماخسرته ففرغت بذلك موقفها من الوطنية وحب البلد الشقيق..
ولا تواخونا

على كل حال بظن لو شو ماقالو و شو ماحكو سوريا عطت 200000 ضعف يلي أخدتو و مافي حدا كامل و مع هيك عيب ينكرو فضل سوريا و يطلعو على شخصيات غلطت و معد يتركوها
يعني وقت يجو و يحكو عن غازي كنعان أنو سرق ليش مابيحكو على الشي المنيح يلي سوتو سوريا ولا كلو نسيو
و على فكرة يمكن بيوم من الأيام سوريا دخلت على لبنان بس صدق إذا طلعنا رح يدخل غيرنا و بسرعة
بقى الأفضل تضل سوريا

هلاء سوريا هيي لي خبصت بالبنان ولي سرقت نهبت ..أصلا وين لبنان لولا سوريا كان متلاو متل فلسطين او متل العراق محتل من قبل دول أجنبية لولا تدخل سوريا بالوقت المناسب كان لبنان مقسم ومجزء حاجي بئا كل واحد يتفلسف على ربنا شكل فتحوا عيونكون وشوفوا الحقيقة لا تتاخد بالحكي الفاضي ..وهالحكي ما بيعبر عن الشعب السوري بيعبر عن فئة فما لا زم نعمم إنوا هدا رايي الكل ...بكل الأ حوال عنا رئيس ما في منوا بالعالم كلوا وهوي ذكي وبيعرف شو بدو يعمل وإيمتا يحكي ويصرح وإعتمادنا عليه الله يقوي ويحمي من كل شر .....وعاشت سورياااااااااااااااا

هلاء سوريا هيي لي خبصت بالبنان ولي سرقت نهبت ..أصلا وين لبنان لولا سوريا كان متلاو متل فلسطين او متل العراق محتل من قبل دول أجنبية لولا تدخل سوريا بالوقت المناسب كان لبنان مقسم ومجزء حاجي بئا كل واحد يتفلسف على ربنا شكل فتحوا عيونكون وشوفوا الحقيقة لا تتاخد بالحكي الفاضي ..وهالحكي ما بيعبر عن الشعب السوري بيعبر عن فئة فما لا زم نعمم إنوا هدا رايي الكل ...بكل الأ حوال عنا رئيس ما في منوا بالعالم كلوا وهوي ذكي وبيعرف شو بدو يعمل وإيمتا يحكي ويصرح وإعتمادنا عليه الله يقوي ويحمي من كل شر .....وعاشت سورياااااااااااااااا

أول شي بتمنى أنك تكون مهذب بحكيك شوي.. يعني باين من طريقة نقاشك أنو عيونك مفتحة على الحقيقة .. يعني أنت أسلوب نقاشك ديكتاتوري متل الحكومة اللي عم تدافع عنها .. ويعني حابب قلك أنو فلسطين وضعها أحسن من أي دولة عربية .. لأنون عايشين بحالة حب للوطن .. بحياتك ماراح تعيشها .. وأنا معك أنو عاشت سورياااااااا... بس بالنسبة للرئيس الذكي .. فهالشي باين من الوضع اللي وصلنالو .. يعني فعلا" شيء مطمئن ..

أول الشي أنا بنت مهذبة ما مهذب ...تاني الشي اسلوبي ما دكتاتوري أنا عم بحكي الحقيقة أيا حب هدا لي بفلسطين لي عم تحكي حالة حب الوطن فعلا معك حق بعتذر بس كمان واضح لي عم تئولوا أنا ما بئلك ما في اغلاط ارتكبت بس كمان لولا وجود السوري شو كان صار فيون .....
و مشان رئيسنا يلي بيشهدولو بذكاؤ كتار .... و أنت غلطان و كون متأكد إذا لسى في رئيس عربي ماشي صح هو رئيسنا

أول شي أنا بعتذر على الخطأ الفني .. يا أختي العزيزة .. وتاني شي ..
يتفلسف على ربنا شكل
هي يمكن أنت كتبتيها على ما أظن .. وهي تدل على ديكتاتورية في النقاش وعدم تقيد بآداب الحديث ..
وتالت شي أنا ما ني رجل حكي وخطب .. أنا رجل بكم من خلال النتائج .. ورئيسنا وصلنا لوضع .. بعمرها سورية ما وصلتلو .. يعني نتاغئجو غير جيدة . ..
وهالشي لا يدل الى على قصر نظر سياسي .. وبالنتيجة أنا حابب قلك أني سورية وبعبد سوريا .. بس سوريا ما عادت سوريا .. اللي قرأت عنها بالتاريخ .. ما عادت سوريا الحرية والسلام .. ما عادت غير سوريا الأسد .. وما في رجل بيصنع بلد لأنو البلد هيي الي بتصنع الرجال .. وأنا أرفض أنو ننسب سوريا الى شخص .. لأن سوريا أكبر من أي شخص .. وأكبر من أن تكنى برجل ..وأتمنى أن تتحسن طريقتك بالحوار..

[quote]

ويعني حابب قلك أنو فلسطين وضعها أحسن من أي دولة عربية .. لأنون عايشين بحالة حب للوطن .. بحياتك ماراح تعيشها .. وأنا معك أنو عاشت سورياااااااا... بس بالنسبة للرئيس الذكي .. فهالشي باين من الوضع اللي وصلنالو .. يعني فعلا" شيء مطمئن ..
بس مشان حب الوطن يلي عم تعيشو كتير صار واضح من الخيانات يلي عم تصير كل يوم و يلي عم يدفع تمنها الشعب يلي عايش بالأرض مو يلي قاعد برا
و مشان رئيسنا الله يخليلنا ياه مابظن أنو حدا بيطلعلو يحكي عليه لأنو أكبر من كل هالحكي و الزمن و الموقف السوري بيأكد قوة رئيسنا و حكمتو ....
و مشان هنوني ماحدا يدايقها الله يخليكون

بس مشان حب الوطن يلي عم تعيشو كتير صار واضح من الخيانات يلي عم تصير كل يوم و يلي عم يدفع تمنها الشعب يلي عايش بالأرض مو يلي قاعد برا
و مشان رئيسنا الله يخليلنا ياه مابظن أنو حدا بيطلعلو يحكي عليه لأنو أكبر من كل هالحكي و الزمن و الموقف السوري بيأكد قوة رئيسنا و حكمتو ....
و مشان هنوني ماحدا يدايقها الله يخليكون

أنا ماني عم أحكي على القيادات لأنو كل القيادات العربية خائنة دون استثناء .. وبعمرون القادة ما عملو أمجاد أو حررو.. أنما الشعب هو الذي يدفع ضريبة ذلك .. وليس حزينا" .. والله مشان رئيسنا اذا نحنا بلد ديمقراطي متل مانك عم تدعي فمن حقي أنقد نقد موضوعي .. وبالرغم من أنو نحن بلد ديكتاتوري .. كمان رح أحكي لأنو كلمة الحق لازم حدا يحكيها .. لو كلفت حياتو .. وأنا عم أنقد البلد لأني بحبها .. وبالنسبة لهنوني .. فمجرد دخولها بهيك نقاش فممكن تدايق لأنو في تضارب بوجهات النظر .. واذا ملاحظ أنا حتى الآن ما خرجت عن آداب الحديث في حين هي خرجت ..

على راسي رايك أخ عاشق .....ونحنا منحترم رايك كتير ...أنا ما خرجت عن أدب الحديث إذا بتريد بس إنت ليش فهمت حكي غلط ما ني فهماني بس ما مشكلة كل واحد حر وعندوا رايي ....لك تقبر قلبي يا أحلى مجود بالعالم بس لا تخاف أنا قد حالي (قد عشر رجال )..

على راسي رايك أخ عاشق .....ونحنا منحترم رايك كتير ...أنا ما خرجت عن أدب الحديث إذا بتريد بس إنت ليش فهمت حكي غلط ما ني فهماني بس ما مشكلة كل واحد حر وعندوا رايي ....لك تقبر قلبي يا أحلى مجود بالعالم بس لا تخاف أنا قد حالي (قد عشر رجال )..

شكرا" كتير بس وأنا كمان بحترم رأيكون .. يعني نحنا منطل ولاد بلد واحد اللي هوي سوريا وكلنا منريد مصلحة سوريا ومنحب سوريا .. بس مصلحة سوريا كل واحد بيشوفها بوجهة نظرو الخاصة .. وبالنسبة لأنك قد عشر رجال .. مقبولة منك ..

مابظن أنو حدا بيطلعلو يحكي عليه
و اللي عم بيحكي عليه شو محلو من الاعراب؟؟ خائن مثلا؟

[quote]و اللي عم بيحكي عليه شو محلو من الاعراب؟؟ خائن مثلا؟
أكيد لأ لأنو يلي بحب بلدو عن جد بحارب مع الشعب ضد الحكومة

و مشان رئيسنا الله يخليلنا ياه مابظن أنو حدا بيطلعلو يحكي عليه لأنو أكبر من كل هالحكي و الزمن و الموقف السوري بيأكد قوة رئيسنا و حكمتو .... [color=red]
مشان رئيسك الله يخليلك إياه هو بكل بساطة ديكتاتور و بهل موقع أنا بحقلي إحكي عن مين ما بدي
و سلملنا عرئيسك وحدك :lol: :lol: