-
دخول

عرض كامل الموضوع : لماذا ؟؟؟؟؟؟؟؟؟؟؟؟؟؟؟؟؟

fady juventus
08/04/2006, 20:01
-لماذا قام الغرب و لم يقعد عندما وصلت حماس إلى السلطة عن طريق الديمقراطية التي يتشدقون و يتصدقون علينا بها؟؟؟
-لماذا يعاقبون الشعب الفلسطيني على قيامه بالتعبير عن رأيه ؟؟؟
-لماذا يقطع الإتحاد الأوروبي مساعداته للفلسطينيين عامةً ... الحماسيين منهم وفاقدي الحماس و الحواس ؟؟؟
-لماذا إتخذ الإتحاد الأوروبي موقفاً تشنجياً و عدائياً من حماس فور صدور نتائج الإنتخابات و قبل أي تصريح من أي مسؤول في حماس عن كون هدف الحركة الأول إزالة إسرائيل ؟؟؟ مع العلم أنّي لم أسمع حتى اللحظة شيئاً من هذا القبيل من مسؤولي الحركة على الرغم من مرور أسابيع على نجاحهم وأيام على توليهم المسؤولية الحكومية!!!
-لماذا لم يقاطع الغرب إسرائيل عندما تولى حزب الليكود اليميني المتطرف الحكم في اسرائيل وشكَّل حكومة من مجرمي الحرب والسفاحين والمنادين بإسرائيل الكبرى و إبادة الفلسطينيين والعرب ؟؟؟ بل على العكس ... لطالما إنبطح زعماء الغرب مهنئين لأي ليكودي منتصر كأحد أشكال "تمسيح الجوخ" الذي يشتهر به العرب!!!
-لماذا لم يعاقب الغرب إسرائيل على عشرات المجازر الإرهابية التي ارتكبتها بحق العرب على امتداد تاريخها الدموي ؟؟؟ و اكتفوا دوماً بلجنة تحقيق سخيفة ، شكلية ، لا حول لها ولا قوة ، لا تعرف أيَّ قرار ستتخذ وأيَّ صوت تسمع ،صوت الحق الضعيف أم صوت الباطل الجبار...في حين أن لجنات تحقيق أخرى قادها ريتشارد باتلر و ديتليف ميليس دمرت أو كادت تدمر دولاً بأسرها!!!
-لماذا لم يعاقب الغرب إسرائيل على رفضها قرارات مجلس الأمن المصيرية و العادلة ؟؟؟ و يطالبون سوريا بتفيذ القرار1559 بسرعة و دون تردد و يتخذون قراراً يلزمها بالتعاون الكامل غير المشروط مع لجنة التحقيق الميليسية تحت البند السابع الذي يجيز استخدام القوة في حال عدم التطبيق!!!
-لماذا لم يعاقب الغرب إسرائيل عندما رفضت قرار المحكمة الدولية العليا الذي إعتبر الجدار العازل عنصرياً وطالبها بوقف البناء؟؟؟ إلا أنها ضربت كل هذه القرارات عرض هذا الجدار !!!!!!

قد لا أكون شخصياً راضياً عن وصول الحركات الإسلامية إلى الحكم ، لكني أحترم خيار الشعوب التي صوتت و قررت و أوصلت من تريد ، و لو لم تكن حماس أهلاً لذلك لما حصلت على ثقة الشعب الفلسطيني .
و يجب ألا يستمر الغرب بالتعامل مع الأمر على أنه "تطبيق للديمقراطية على شعب إرهابي كانت نتيجته فوز حركة إرهابية بهذه الديمقراطية"
فلا يوجد شيء اسمه شعب إرهابي ، بل هنالك شعب مقموع عانى و يعاني من إرهاب يومي مستمر على مدى عشرات السنين.
MR.SAMO
08/04/2006, 20:33
والله يافادي من 40 سنة وهالاسئلة عم يسألوها العرب وماعم يلاقوا جواب
ماسمعت المتل اللي بيقول الله مع القوي
YaSeR
08/04/2006, 21:01
لو كانت اميركا مو صافه مع اسرائيل ماكان صار هيك
me2
08/04/2006, 21:58
سؤال كميل .. سؤال معأول .. ماأدرش أأقول حاكة عنووو ...
Syrian__Angel
09/04/2006, 13:42
لو كانت اميركا ( والاتحاد الاوروبي ) مو صافيّن مع اسرائيل ماكان صار هيك

هاد الكلام الصح :سوريا:

بالاضافة لنقطة مهمّة ... تفرّق الدول العربية وجبنها
يا عيبو
09/04/2006, 14:14
لو كانت اميركا مو صافه مع اسرائيل ماكان صار هيك
هلأ انت تارك لعبة السجن و جاي لهون تحكي كلام فاضي بالسياسة و قلة الادب :jakoush:

بعدين شو هالسؤال البايخ (لماذا )

انتو شو دخلكن باميركا و الاتحاد الاوروبي مع مين...هاي الرياضة كل واحد الو رأي و كل واحد بشجع الفريق اللي بحبو

اميركا و الاتحاد الاوروبي و باكستان و الدول العربية بحبو يشجعو اسرائيل .... مافي غير ياسر عرفات كان يشجع اسرائيل و فلسطين سوا :lol:
Syrian__Angel
09/04/2006, 14:29
حاجتك غلاظة ..
bmi
09/04/2006, 22:59
لك بدها سؤال لشو كل هالشي

الشغلة كلها مصالح

ما حلهن العرب يفهمو إنو أمريكا وأوربا بيتعاملو مع العرب وقضايا العرب متل ما بيتعامل المدخن مع السيكارة
أول شي بيطلبها بشده

وبعدين بس يحصل عليها بيضل يداعبها ويلمسها ويمصمصها بين شفاتو كأنها حبيبتو

وبس يخلص منها بيشلحها وبدوسها بإجرو

وأمريكا هيك مصلحتها الأولى سيطرة إسرائيل عالمنطقة وشفط النفط

بمساعدة العرب أول شي بيعودوهن بالغنائم وكل شي بدن ياه وبس يأمنو المطلوب بدوسو على راس الواحد وبقلولو إنقلع طبعا مع فركة إدن ....

هي هي الديموقراطية الأمريكية ومجلس الأمن الدولي

شبعنا من هالحكي .....
fady juventus
17/04/2006, 21:47
ألا يخجل العرب من أنفسهم ؟
كيف تكون دولة كإيران عربية أكثر من العرب ؟!
لقد أعلنت إيران مضاعفة المبلغ الذي قررت مساعدة الحكومة الفلسطينية به و ليبلغ /100/ مليون دولار في الوقت الذي طالب فيه العرب "بلسان مسؤولي الجامعة العربية" حكومة حماس بالإعتراف بمبادرة السلام العربية خلال لقائهم وزير الخارجية الفلسطيني محمود الزهار !!!!
أليس هذا الإعتراف بالمبادرة إعترافاً ضمنياً بدولة إسرائيل ؟

فبدل أن يهب العرب لمساعدة هذه الحكومة التي تُخنق من قبل الغرب و إسرائيل ... يطالبونها بالإعتراف بعدوها الأزلي وعدوهم الوهمي !!!
في حين تقوم إيران بمد يد العون لها كي تدفع رواتب موظفي الدولة على الأقل بعد أن بدأ التململ و اليأس يتسرب إلى نفوس جزء من الشعب الجائع...


قد يفسر البعض موقف إيران بأنه لخدمة مصالح معينة أو نكاية بأميريكا وربيتها إسرائيل ...
لكن مهما كانت الأسباب و الدوافع ... تحية من القلب لإيران القوية والشجاعة و تباً للعرب الخانعين الجبناء.
bmi
17/04/2006, 21:55
لكن مهما كانت الأسباب و الدوافع ... تحية من القلب لإيران القوية والشجاعة و تباً للعرب الخانعين الجبناء.

..ومني ألف تحية
CHADI KADDOUR
18/04/2006, 12:57
من يومين كنت حاطط رد و في شي حدا خطفو يلي عملها يعترف و يرجعو لحلالو فدية أنا ما بدفع ( الدنية اخر الشهر يعني مجنط )

بس عن جد وين الرد تبعي
Syrian__Angel
18/04/2006, 15:33
والله العرب لو بيطلع بايدهم يبوسوا " ايد " اسرائيل ... فــبيعملوها ... :pos:

22 دولة ( عربية ) ؟؟! اي سيدي حط بالخرج ، يضربوا منهم لهيك دول عربية .. شي بيخجّل والله !!

الله يقوّيها لايران .. لولاها كانو " اكلونا " من زمان :pos:
fady juventus
19/04/2006, 14:16
ألغى الأردن زيارة محمود الزهار "وزير الخارجية الفلسطيني" المقررة اليوم للأردن
أما التبرير الرسمي لذلك فهو إكتشاف مجموعة تابعة لحماس كانت تنوي تهريب أسلحة إلى الأراضي الفلسطينية !!!

قد يصدق المرء القصة ... لولا علمنا بتاريخ الأردن الوضيع وخيانات ملوكه وعهرهم على مر السنين
عدا عن توتر العلاقة بين الأردن وحماس من قبل فوزها بالإنتخابات ووصولها لحد القطيعة
إضافة لكون الأردن مجرد منفذ لأوامر الأخوال وأبناء عم الأخوال ...
فما هذه الصدفة التي لا يصدقها عقل !!!
كان الله في عون حماس ، فكم طعنة تلقت حتى الآن وهي لا تزال تلملم جراحها و تحاول الإمساك بزمام الأمور .
me2
19/04/2006, 14:30
سلالة العائله الهاشميه لها باع طويل في كل ما يتعلق بالخيانه والفجور والسرقه وهم على قائمة من باع فلسطين لليهود فنظره بسيطه على تاريخهم تجد ان اول من باع ارضنا كان جدهم الاعظم الشريف جدا جدا الحسين بن علي الذي اتى من الحجاز ثائرا على الانجليز طبعا وبعد مراسلاته مع مكماهون باع البلاد مقابل ان يقوم الانجليز بإعطاء اماره لابنه عبدالله الاول فوافق الانجليز وبهذا قامت امارة شرق الاردن ونصب اخوه على العراق ,ثم اكمل درب الجهاد في الخيانه الجد عبدلله حتى اغتاله احد الفلسطينيين فهكذا اصبح ( شهيد ومغفور له ) ,ثم الملك حسين حبيب بني اسرائيل ففي حرب 67 رفض امداد المقاومه الشعبيه في القدس بأية اسلحه فلم يجد قائد المقاومه في ذلك الوقت إلا 300 باروده ففتح المخزن لمن يريد المقاومه وهرب الجيش الاردني الباسل في اول يوم من القدس ,وطبعا كان الملك حسين قد ابلغ جولدا مائيير بالحرب مسبقا فكان احد اسباب هزيمة عبدالناصر و....و.....اما عبدالله الحفيد فهو صاحب الفضائح الاخلاقيه المعروفه في الاردن وحفلات المجون والعربده وكان ابوه على علم بذلك ويحاول التغطيه عليه وتعليمه التستر في هذه الامور كما كان يفعل هو الاب ,إلا ان المحاولات فشلت وانفضح الامر لدى الاردنيين عندما وجدت احدى مضيفات الخطوط الاردنيه مقتوله وهي عاريه في احد شوارع منطقة الدوار الخامس فأنطلقت الفضائح وتبين انها ماتت بسبب جرعة مخدرات عاليه ورميت في الشارع في احدى حفلاته المجونه واغلق الموضوع ..... هذه الامور نقطه في بحر والمخفي اعظم ...
MR.SAMO
19/04/2006, 14:32
قد يفسر البعض موقف إيران بأنه لخدمة مصالح معينة أو نكاية بأميريكا وربيتها إسرائيل ...
لكن مهما كانت الأسباب و الدوافع ... تحية من القلب لإيران القوية والشجاعة و تباً للعرب الخانعين الجبناء.
ياخيي فادي اللي اثبته التاريخ والايام انه الدول العربية عم تفيد امريكا اكتر من امريكا نفسها
وانه العرب اعداء وكارهين لبعضهم اكتر من اعدائهم اللازم يكونوا مكروهين
Reemi
19/04/2006, 14:33
ألغى الأردن زيارة محمود الزهار "وزير الخارجية الفلسطيني" المقررة اليوم للأردن
أما التبرير الرسمي لذلك فهو إكتشاف مجموعة تابعة لحماس كانت تنوي تهريب أسلحة إلى الأراضي الفلسطينية !!!

قد يصدق المرء القصة ... لولا علمنا بتاريخ الأردن الوضيع وخيانات ملوكه وعهرهم على مر السنين
عدا عن توتر العلاقة بين الأردن وحماس من قبل فوزها بالإنتخابات ووصولها لحد القطيعة
إضافة لكون الأردن مجرد منفذ لأوامر الأخوال وأبناء عم الأخوال ...
فما هذه الصدفة التي لا يصدقها عقل !!!
كان الله في عون حماس ، فكم طعنة تلقت حتى الآن وهي لا تزال تلملم جراحها و تحاول الإمساك بزمام الأمور .
انو يا اخي صحيح نحنا عايشيين ببلد العملاء....

وهل القصة اكيد ما بتتصدق...لانو عارفينهن و ناتفينهن بهالبلد...!

بس ما بعرف انت مو مشايف معي..انو فوز حماس اثر بشكل سلبي على الفلسطينيين..؟؟!
MR.SAMO
19/04/2006, 14:34
سلالة العائله الهاشميه لها باع طويل في كل ما يتعلق بالخيانه والفجور والسرقه وهم على قائمة من باع فلسطين لليهود فنظره بسيطه على تاريخهم تجد ان اول من باع ارضنا كان جدهم الاعظم الشريف جدا جدا الحسين بن علي الذي اتى من الحجاز ثائرا على الانجليز طبعا وبعد مراسلاته مع مكماهون باع البلاد مقابل ان يقوم الانجليز بإعطاء اماره لابنه عبدالله الاول فوافق الانجليز وبهذا قامت امارة شرق الاردن ونصب اخوه على العراق ,ثم اكمل درب الجهاد في الخيانه الجد عبدلله حتى اغتاله احد الفلسطينيين فهكذا اصبح ( شهيد ومغفور له ) ,ثم الملك حسين حبيب بني اسرائيل ففي حرب 67 رفض امداد المقاومه الشعبيه في القدس بأية اسلحه فلم يجد قائد المقاومه في ذلك الوقت إلا 300 باروده ففتح المخزن لمن يريد المقاومه وهرب الجيش الاردني الباسل في اول يوم من القدس ,وطبعا كان الملك حسين قد ابلغ جولدا مائيير بالحرب مسبقا فكان احد اسباب هزيمة عبدالناصر و....و.....اما عبدالله الحفيد فهو صاحب الفضائح الاخلاقيه المعروفه في الاردن وحفلات المجون والعربده وكان ابوه على علم بذلك ويحاول التغطيه عليه وتعليمه التستر في هذه الامور كما كان يفعل هو الاب ,إلا ان المحاولات فشلت وانفضح الامر لدى الاردنيين عندما وجدت احدى مضيفات الخطوط الاردنيه مقتوله وهي عاريه في احد شوارع منطقة الدوار الخامس فأنطلقت الفضائح وتبين انها ماتت بسبب جرعة مخدرات عاليه ورميت في الشارع في احدى حفلاته المجونه واغلق الموضوع ..... هذه الامور نقطه في بحر والمخفي اعظم ...
فرخ البط عوام الواحد لمين بدو يطلع لأهله
MR.SAMO
19/04/2006, 14:37
انو يا اخي صحيح نحنا عايشيين ببلد العملاء....

وهل القصة اكيد ما بتتصدق...لانو عارفينهن و ناتفينهن بهالبلد...!

بس ما بعرف انت مو مشايف معي..انو فوز حماس اثر بشكل سلبي على الفلسطينيين..؟؟!
اصلا الفلسطينيين بيعرفوا حماس وشو تحركها وتوجهاتها السياسية
والنتيجة كانت متل ما اقترعوا الفلسطينيين
بس للأسف الدول العربية والغربية مااحترمت الرأي الفلسطيني
وهذا بيدل على ازدواجية المعايير عند الدول العربية والغربية
لو الدول العربية بتتبرع بنسبة 1% من الاموال اللي واضعتها ببنوك الغرب لكانت فلسطين جنة
بس متل قول المتل
دود الخل منه وفيه
Reemi
19/04/2006, 14:42
اصلا الفلسطينيين بيعرفوا حماس وشو تحركها وتوجهاتها السياسية
والنتيجة كانت متل ما اقترعوا الفلسطينيين
بس للأسف الدول العربية والغربية مااحترمت الرأي الفلسطيني
وهذا بيدل على ازدواجية المعايير عند الدول العربية والغربية
لو الدول العربية بتتبرع بنسبة 1% من الاموال اللي واضعتها ببنوك الغرب لكانت فلسطين جنة
بس متل قول المتل
دود الخل منه وفيه

صح مزبوط...هنن اقترعوا وهادي النتيجه...
بس يا اخيي.. بما انو حماس معروف موقفها..يعني كان المفروض يكون معروف الموقف الي حينحط فيي الفلسطينيين ....

يعني سؤال: صحيح ديمقراطية الي صارت..واكبر ضربة لفتح فوز حماس...!

بس بشو نفعتهن الديمقراطية بالانتخابات...!؟!

كلو وقع ع راسهن....!

ولا تقلي دول عربية..لانو اكيد جماعة حماس كانو عارفين ..انو الدول العربيه ومساعداتها حكي فاضي...!
MR.SAMO
19/04/2006, 14:45
صح مزبوط...هنن اقترعوا وهادي النتيجه...
بس يا اخيي.. بما انو حماس معروف موقفها..يعني كان المفروض يكون معروف الموقف الي حينحط فيي الفلسطينيين ....

يعني سؤال: صحيح ديمقراطية الي صارت..واكبر ضربة لفتح فوز حماس...!

بس بشو نفعتهن الديمقراطية بالانتخابات...!؟!

كلو وقع ع راسهن....!

ولا تقلي دول عربية..لانو اكيد جماعة حماس كانو عارفين ..انو الدول العربيه ومساعداتها حكي فاضي...!
انا برأيي الحياة مبدأ واللي بيتنازل عن مبدأه بتنازل عن حياته
Reemi
19/04/2006, 14:47
انا برأيي الحياة مبدأ واللي بيتنازل عن مبدأه بتنازل عن حياته
اي مزبوط....كلو ولا المبدأ....

بس لما المبدأ تاعك..بدو يجبك للارض وبتعرف انو في ناس ضده مع انه صح...؟!

وقتها شو بتكون استفدت؟؟
MR.SAMO
19/04/2006, 14:51
اي مزبوط....كلو ولا المبدأ....

بس لما المبدأ تاعك..بدو يجبك للارض وبتعرف انو في ناس ضده مع انه صح...؟!

وقتها شو بتكون استفدت؟؟
بجميع الاحوال هنن أكلينها لا يجو على الارض هنن وباقيين على مبدأهن
Reemi
19/04/2006, 14:58
بجميع الاحوال هنن أكلينها لا يجو على الارض هنن وباقيين على مبدأهن
اي والله صح..اكلينها اكلينها....!
fady juventus
19/04/2006, 21:20
انا برأيي الحياة مبدأ واللي بيتنازل عن مبدأه بتنازل عن حياته
هاد الكلام الصحيح
و الناخبين الفلسطينيين كانوا عرفانين باللي رح يصير "الشعب الفلسطيني ذو ثقافة عالية على الرغم من إنحراف فلسطينيي الشتات بسسب ظروف المخيمات المزرية"
و بالتالي كان الناخب بيعرف إنو حكومته رح تتحاصر من إسرائيل وحلفائها
ومع هالشي صوَّت لحماس ...