-
دخول

عرض كامل الموضوع : اللهجة الحلبية

sexy angel
15/04/2006, 18:51
امتازت اللهجة الحلبية عن غيرها من اللهجات السورية بأنها فريدة من
نوعها ولايوجد لها مثيل على الإطلاق وإليكم بعض المفردات شائعة الاستعمال:


عوجة--------كوع
سيوي ------دغري
أنضرة--------الكندرة
تاسومة--------السكربينة
دوينات--------كفوف
لاصطيكة-------مطاطة
مصراط -------مصاري
خوته---------معه صراع
جدبة----------مجنون
طاول طاول---------أبداً

معلاق جلق--------الغليظ
خَلْء-----------عالم
هي نكتة مرة سمعتا..


..غنية قديش كان في ناس عالمفرق تنطر ناس

شلون بغنوا بحلب؟؟
إشقد كان في خَلء.. عالعوجة تنطر خلْء....هاها
منكفي

خيت وخَيْتو--------يعني أختي
خاي وخيو---------يعني أخي
أبويْ--------أبي
ونانتي يعني جدتي
يوم: معناها باللغة العربية وبكل اللهجات هو ال24 ساعة
بينما باللهجة الحلبية بتجي بمعنى ماما

سكرتون---------خزانة

السلاتة--------القشّاطة
السحّابة--------الدرج
خولية---------البشكير
أردغان-------هدية

مزين رجالي---------- يعني الحلاق العادي
وبتلاقي كاتبين عالمحلات يوجد لدينا (صمن) وبعد سؤال واستفسار ببين معكن
أنو معناها خبز السمون

وكمان
جنق--------هي الصحن
جمجاية-------معلقة السكب
فرتيكة--------هي الشوكة
الدءماءة------مدقة التوم
الدروبُس--------البونبون إللي بتعرفوه

كما امتازت اللهجة الحلبية بأدوات إشارة خاصة بالحلبية ..
يعني العرب كلهون كوم .. وهنن كوم تاني
كوهنه----------للمذكر القريب
كيهنه----------للمؤنث القريب
كوهاك----------للمذكر البعيد
كيهاك----------للمؤنث البعيد
كوهاكيي-------لجمع المذكر البعيد
كيهاكين-------لجمع المؤنث البعيد
كوهنن--------لجمع المذكر القريب

كيهنن--------لجمع المؤنث القريب

وطبعا للسهولة في اختصارات كمان
اختصار المذكر القريب .. كو
اختصار المؤنث القريب .. كي

ومن الاختصارت أيضاً
تاااا بدل من تعال
رووو بدل من روح
ما راي آجي بدل من ماني جاية

استنوا لسا ماخلصت اشبكن في كمان
بروك--------------اجلس
تشطّح:بدل من تسطّح (وما تسألوني ليش!!)
أبوس روحك : للمدح
أبوس شنقات وشك بالشلمونة : للمدح البليغ
(الشنقات طبعاً هي الخدود متل ما بتعرفوا)
يبلاك بقتلك : دعاء بالقتل والضرب
إشْ ضاءلَّك---------يعني شو بدي قلك
عجب-----------للدهشة
كنّي-----------للاستفهام
ديه بقا-------للتأفف
أَبَوْ-----------للتفاجؤ

ووللدقة باللفظ يرجى لفظ ال ج : ادجه
وال ش : اتش
وميت السلامة والله..
MR.SAMO
15/04/2006, 19:01
ماشاء الله عليكي معك دبلوم ادب حلبي
تحياتي
silin
15/04/2006, 19:15
مكرر كتيـــــــر

شكراااا
Kakabouda
15/04/2006, 19:24
في جماعة حلبية هون بالمنتدا بكيييييييف لما أحكي معهم ... حزروا مين :p
المستحيل
15/04/2006, 19:50
موضوع قديم ومكرر في كل اللهجات اذا بدك وفي اخر شي نزلو ه هو اللهجة الشامية بتلاقيه على الطاير مو جود
مشكورة
Kakabouda
15/04/2006, 19:55
موضوع قديم ومكرر في كل اللهجات اذا بدك وفي اخر شي نزلو ه هو اللهجة الشامية بتلاقيه على الطاير مو جود
مشكورة
خف ايدك هههه لسعتو طري ( طبعاً أنا عم بحكي بصيغة الشب لأنو الاسم اللي حاطو هو ( ملاك مغري ) مستحيل بنت تحطو ..;-)


تحياتي
sexy angel
16/04/2006, 14:56
ليش يعني مستحيل بنت تحطو؟؟
الاتحاد الحلبي
16/04/2006, 19:47
في جماعة حلبية هون بالمنتدا بكيييييييف لما أحكي معهم ... حزروا مين :p




مين خيووووووووووو ليكوووووون انا :shock: :shock: :shock: :shock:

كني انا :shock:
الاتحاد الحلبي
16/04/2006, 19:51
خف ايدك هههه لسعتو طري ( طبعاً أنا عم بحكي بصيغة الشب لأنو الاسم اللي حاطو هو ( ملاك مغري ) مستحيل بنت تحطو ..;-)


تحياتي








اي والله ياخيووووووووو هالاسم من اول مادخل على اخوية وهو خاوتني ومحيرني

والنهفة انووووووو بما انوووو انا طلطميس بالانجليزي اول ماقريت الاسم راح بالي لبعيد كتيرررررر وستغربت انووووووو كيف بنت بتحط هيك اسم :lol: :lol: :lol: :lol: :lol: :lol: :lol: :lol:
الاتحاد الحلبي
16/04/2006, 19:54
ليش يعني مستحيل بنت تحطو؟؟



يعني وبصراحة انا من اول ماقريت الاسم فكرت شي غلط وراح بالي لبعيد كتيررررررررر ((لانووو انا طلطميس بالانجليزي)) وكان بدي اسالك انت بنت ولا شب بس خجلان :sosweet: :sosweet: :sosweet: :sosweet: :sosweet:








تحيااااااااااااااااااااااااااااااااااااااااااااااا اااااااااتي
sexy angel
16/04/2006, 22:01
اذا مو عاجبكون اسمي بيغرو
HOSAM4U
17/04/2006, 02:16
عراسي خيو ووووووووووووووو
يعني شكرا
كريم ايوب
17/04/2006, 03:39
:angel: :angel: :nono: :nono: :detec:
Reemi
17/04/2006, 15:46
انا حطيت هالموضوع قبل بمره...مكرر مكرر..
بس محاولة لطيفة....!

اهلا اهلالا...!
توت توت توت
17/04/2006, 16:05
هوي صحي الموضوع مكرر ...
بس ابوس روحك خيتو . :oops: . عالموضوع اشقدو معلاااااااااااااااااااق :p .. اصدي حلوووو .. :clap:
silin
17/04/2006, 16:07
اذا مو عاجبكون اسمي بيغرو


:shock: لي شو اشبو اسمك بالعكس حلو خليه
ما حدا ما بحب الجاذبية :? :?
كريم ايوب
17/04/2006, 18:13
مش الاسم يلي مش ملايم الرمز مش ملايم لصبية لو كنتي ولد اوكي
Kakabouda
17/04/2006, 18:58
اذا مو عاجبكون اسمي بيغرو
هلأ أنو ممكن الاسم الأصلي مثلاً 8)
blue eyes
17/04/2006, 23:01
لك من وين جايبة هل الكلمات انا الي عشت بحلب ماني سمعانة فيها..بس احلى شي هي اغنية فيروز مشكورة ع الموضوع..
marioma alghzayala
17/04/2006, 23:12
لك شبكن:? ..روقوا عالبنت:? .. .اول شي شكرا عالموضوع .:سوريا: ..صحي مكرر بس لساتك جديدة وبجوز ما بحبشتي مزبوط ..;-)
وتاني شي ..مشان اسمك ؟؟ ..اسمك حلو ..وعادي لانو بالنهاية هوي NICK NAME عرفتي كيف ؟؟ ..;-) ..ويا هلا ...