شيوعي متدين [الأرشيـــــف]

عرض كامل الموضوع : شيوعي متدين

صفحات : [1] 2 3

zen

18/04/2006, 12:53

سؤالي للشيوعيين و غير الشيوعيين:

هل يمكن أن يكون هناك شيوعي متديّن؟

و هل الشيوعية عقيدة فكرية و وجودية أم هي اليوم مجرد فكر سياسي؟

:سوريا: :سوريا:

اب حمرا

18/04/2006, 13:01

لأ ما في بس لما الأنسان الشيوعي بيكبر بلعمر بصير بحسو بيحاول يبين على حالو انو ديّن
شوي كمان مو زيادة

السؤال التاني: ما بفهم ب هل شغلات

me2

18/04/2006, 13:08

سؤالي للشيوعيين و غير الشيوعيين:

هل يمكن أن يكون هناك شيوعي متديّن؟

و هل الشيوعية عقيدة فكرية و وجودية أم هي اليوم مجرد فكر سياسي؟

:سوريا: :سوريا:

ما تزعل مني اذا كان جوابي متل النكتة .. بس والله هي حادئة حقيقية و صارلي كم شهر عم قول بس يجي وقت مناسب رح حطها بلأخوية :

في بضيعتنا تنوع سياسي رهيب متل كل ضيع الساحل , يعني فيك تلاقي بعثي أدمي أو بعثي مو أدمي و شيوعي من الشكلين و قومي سوري و ناصري و بدون و اللي بدك ياه ...وأحيانا بالبيت الواحد الاحد بيكون في هيك خبيصة بين الاخوة و بيطلعو مظاهرات بيسقطو بعض بين غرف النوم والمطبخ مرورا بالداكونة و السدة و حتى بيت المي .

أما أغرب ما سمعت فهو الأخ عبد الله فهو :

أولا استاذ ابتدائي

تانيا عضو لجنة منطقية بالحزب الشيوعي السوري

تالتا مؤذن مسجد القرية

رابعا حرامي صندوق زكاة المسجد

خامسا بيعترف بكل التهم المذكورة أعلاه.

fady juventus

19/04/2006, 13:37

هوي انا بستغرب إصرار الشيعيين على نقض الدين من أساسه"قصدي ما بيخبوا "
يعني على ما يبدو لحتى يكونو مقتنعين بالشيوعية و مبادئها لازم يكونو رافضين لفكرة وجود الله.
ع كل حال عيلتنا أكتر من نصن شيوعيين، ببقى بسألك :سوريا:

أما أغرب ما سمعت فهو الأخ عبد الله فهو :
أولا استاذ ابتدائي
تانيا عضو لجنة منطقية بالحزب الشيوعي السوري
تالتا مؤذن مسجد القرية
رابعا حرامي صندوق زكاة المسجد
خامسا بيعترف بكل التهم المذكورة أعلاه.
:shock:

ري مي

19/04/2006, 14:41

هلق يا زين رح قلك رايي من خلال تجربتي الشخصية مع صديقي الصدوق اللي هوي شيوعي
هلق شيوعي متدين معناتو هالشخص اما ما بيعرف شو بدو او ما بيعرف الله وين حاطو وعم يخلط الحابل بالنابل. واما انسان استغلالي متل الشخص اللي حكى عنو me2
لانو معروف انو هني ما بيؤمنو بوجود الله تعالى ولكن من الممكن انو هالشيوعي يكون مؤمن بكتير افكار انسانية عظيمة جدا نفس هالافكار من الممكن انو تكون موجودة بالديانات السماوية

اما سؤالك التاني:
ف باعتقادي انو الشيوعية هي عقيدة فكرية و وجودية ولكن اي فكرة تبقى طاهرة لحتى تنزل ع ارض الواقع وقتها بتتدنس بفعل عدة عوامل منها:
رحيل بعض العظماء وعدم قدوم اشخاص بنص عظمتن
الزمن
استغلال بعض الناس لهالفكرة للوصول لاغراضن الشخصية يعني هيدول دخلاء وهني كتاااااااااااااااااار كتير

بس الشيوعية كفكر سياسي الواقع أثبت فشلها بجدارة
ودمتم

me2

19/04/2006, 14:45

ري مي

19/04/2006, 14:52

على عيني ياme2

me2

19/04/2006, 14:56

على عيني ياme2

على راصي ريمي توو

krimbow

19/04/2006, 15:18

شيوعي متدين ... ما بتزبط
الشيوعي ملحد دايما دايما

ازا عندو شك واحد بالمليون انو في الله، بيبطل شيوعي
بيصير اشتراكي، اجتماعي، لا ادري، انبطاحي زئبعي ... شو ما كان ما عدا شيوعي

و هل الشيوعية عقيدة فكرية و وجودية أم هي اليوم مجرد فكر سياسي؟

الشيوعية ايديولوجيا قائمة على الجدلية المادية و الديالكتيك التاريخي
فلسفة عويصة، هنن مو فهمانين راسهم من رجليهم
بينتج عنها الخطوات واحد تنين تلاتة ...الخ

نتيجة لفلسفتها فهي متجددة، متطورة، غير قابلة للتطبيق

و احسن مين حكا عنها لليوم هوي افلاطون بجمهوريتو لما قال "ما بتنفع غير لمجتمع الالهة"

و الموت لاسرائيل، و للامة العربية

me2

19/04/2006, 15:22

شيوعي متدين ... ما بتزبط
الشيوعي ملحد دايما دايما

ازا عندو شك واحد بالمليون انو في الله، بيبطل شيوعي
بيصير اشتراكي، اجتماعي، لا ادري، انبطاحي زئبعي ... شو ما كان ما عدا شيوعي

الشيوعية ايديولوجيا قائمة على الجدلية المادية و الديالكتيك التاريخي
فلسفة عويصة، هنن مو فهمانين راسهم من رجليهم
بينتج عنها الخطوات واحد تنين تلاتة ...الخ

نتيجة لفلسفتها فهي متجددة، متطورة، غير قابلة للتطبيق

و احسن مين حكا عنها لليوم هوي افلاطون بجمهوريتو لما قال "ما بتنفع غير لمجتمع الالهة"

و الموت لاسرائيل، و للامة العربية

شكرا على حسم الموضوع .. بس منشان الأمة العربية ما هيي ميتة . ي ترى بالدين هل يجوز قتل المقتول ؟؟؟ شو حكمها ؟؟؟

krimbow

19/04/2006, 15:27

شكرا على حسم الموضوع .. بس منشان الأمة العربية ما هيي ميتة . ي ترى بالدين هل يجوز قتل المقتول ؟؟؟ شو حكمها ؟؟؟

شريك هيي صايرة متل المسيح
ساعة ميتة و ساعة عايشة

شغل عجايب يعني

me2

19/04/2006, 15:40

شريك هيي صايرة متل المسيح
ساعة ميتة و ساعة عايشة

شغل عجايب يعني

كريم: شو شربان من الصبح ؟؟؟ المسيح كان نظيف وطاهر . ولا أنا غلطان ؟؟؟

واذا بدك ابو شريك نزيل أنت بالأس و انا باكول بالختيار اللطش اللي بعدو . شو الطرنيب ؟؟؟

Reemi

19/04/2006, 15:51

تضرب منك الو متل الاولاد الصغار ما بتنتركو لحالكن....:jakoush: :jakoush: :jakoush:

شو قاعدين ادقو شدة هوون...:x ..!

بررررررررررى يالله..:aah: :aah: ..!

خربتولو الموضوع لابو الزن..:adal: :cry: ..!

krimbow

19/04/2006, 15:54

كريم: شو شربان من الصبح ؟؟؟ المسيح كان نظيف وطاهر . ولا أنا غلطان ؟؟؟

واذا بدك ابو شريك نزيل أنت بالأس و انا باكول بالختيار اللطش اللي بعدو . شو الطرنيب ؟؟؟

شريك .. ما معي طرنيب بنوب، شو ما كان النوع

بدك تطلع بالدق لحالك

بس انا ما قارنت من ناحية الطهارة
قارنت من ناحية "مدري عو مدري نيو"

بهالناحية ... التنين بيشبهوا بعض
بغير نواحي بيختلفوا

آآآآآآخ يا عيسى
أأشكوا لك العروبة ام اشكوا لك العربا

Reemi

19/04/2006, 15:55

برأيي اشكي العربا.....!

me2

19/04/2006, 15:58

شريك .. ما معي طرنيب بنوب، شو ما كان النوع

بدك تطلع بالدق لحالك

بس انا ما قارنت من ناحية الطهارة
قارنت من ناحية "مدري عو مدري نيو"

بهالناحية ... التنين بيشبهوا بعض
بغير نواحي بيختلفوا

آآآآآآخ يا عيسى
أأشكوا لك العروبة ام اشكوا لك العربا

ولي على هالخبرية ... بس على كل حال معك حق .. بشي ميتة و بشي عايشة و ايام هيك و أيام هيك . وحبة تحت حبة فوق .. و رقصني يا جدع .

\\\

19/04/2006, 17:15

في الشيوعيه مذاهب متعدده
وأشهر هذي المذاهب القائم على النظره
الماركسيه <(كارل ماركس )والماديه الجدليه.

وبما أنها قائمه على النظره الديالكتيكية

فهذا يعني انه مافيه اي امل انه يكون شيوعي متدين

زين فيه كتاب أسمه فلسفتنا

راح انزله عشانك يا بالمكتبه أو أني ارسله لك رساله خاصه

الكتاب جميل يتكلم عن عدة مذاهب

1ـ النظام الديمقراطي الرأسمالي.
2ـ النظام الاشتراكي.
3ـ النظام الشيوعي.
4ـ النظام الإسلامي.

وش رايك فيني اليوم مؤدب ولا ههههههههههههههههههههههههه ههههههههههههههههههههههههه ههههههههههههههههههه

طمتم بهذا

ترن

HashtNasht

19/04/2006, 19:13

هل يمكن أن يكون هناك شيوعي متديّن؟

لحتى نعرف اذا كان في شيوعي متدين

لازم أول شي نعرف شو هاد الشيوعي

و السؤال مطروح للجماهير

شو هو الشيوعي

ايها الشيوعي ......من انت ؟؟؟؟؟؟؟؟؟؟:?

zen

19/04/2006, 19:15

انو في شي نص بيفرض ع الشخص الي بدوا يكون شيوعي ما يأمن بالله

HashtNasht

19/04/2006, 19:24

انو في شي نص بيفرض ع الشخص الي بدوا يكون شيوعي ما يأمن بالله
ا ي اي اي

ملك الهكرز

19/04/2006, 19:39

لك الشيوعي مو عرفان الله وين حاطو

بيحاول يقنع الاخرين بشي هوي مو فهمانو

وهوي متل ما قال كريم فلسفة مخربطة

واذا بدك ابو شريك نزيل أنت بالأس و انا باكول بالختيار اللطش اللي بعدو . شو الطرنيب ؟؟؟

--------------------------------------------------------------------------------

فئسها وقليب على التركس

krimbow

19/04/2006, 19:49

انو في شي نص بيفرض ع الشخص الي بدوا يكون شيوعي ما يأمن بالله

زين
ازا حابب تصير شيوعي
بس بتآمن بالله

رح افتيلك ياها

روووووووووووووووووح شايفلك

HashtNasht

19/04/2006, 19:54

krimbow

19/04/2006, 20:01

بس ليش ما حدا حابب يقلي شو يعني شيوعي ؟؟؟

أخي اذا في شي حدا شيوعي هون يحكي

بزمناتو سألتو لارنستو انو لك يا رفيق مين هو الشيوعي

قلي يا رفيق

الشيوعي هو آخر من يأكل و آخر من ينام و أول من يموت :cry:

أنا هاد النوع ما شفتو هون بالبلد ....حدا منكن شاف هيك شي ؟؟ :?

شريك ...

هداك الحزب الشيوعي يللي اول من يشبع و آخر من يجوع
و المشكلة انو كل الاحزاب الشيوعية بالدنيي بطنها كبيرة

هلأ مين هوي الشيوعي؟؟؟
يعني يا ريت لو بتخدمنا فيها للشغة

بشكل عام برأيي انو الشيوعي هوي المنتسب لشي حزب شيوعي
هيك بكل بساطة

لأنو برأيي ما بينفع انك تكون شيوعي على حالك مثلا

انو كيف بتطبق الايديولجيا؟؟
على مين اساسا عم تطبق هالايديولجيا ؟؟؟

شو قولك ؟؟؟؟

HashtNasht

19/04/2006, 20:05

خيو

أنا برايي أنو هدول الشيوعيين متل مصاصي الدماء و ال vampires يعني هني بالحقيقة ما موجودين الا بخيالنا :lol:

و أنو أميركا و من جر جرها من اسلاميين و قوميين و ...و ...الخ

عم يخوفونا بالشيوعيين مشان نضل حبابين

و إلا أذا كانو موجودين .....وينن ؟؟؟

لك أخي شو هني الله لحتى ما يبينو :?

whiterose

19/04/2006, 20:08

أما أغرب ما سمعت فهو الأخ عبد الله فهو :

أولا استاذ ابتدائي

تانيا عضو لجنة منطقية بالحزب الشيوعي السوري

تالتا مؤذن مسجد القرية

رابعا حرامي صندوق زكاة المسجد

خامسا بيعترف بكل التهم المذكورة أعلاه.

:lol: :lol: :lol:
أي بعرفوا كمان عنا في منو
بس في فرق
هو ما بآذن بالجامع
مشتري شريط كاسيت
معير كل وقت صلاة بأدن لحالو:o

me2

19/04/2006, 21:40

:lol: :lol: :lol:
أي بعرفوا كمان عنا في منو
بس في فرق
هو ما بآذن بالجامع
مشتري شريط كاسيت
معير كل وقت صلاة بأدن لحالو:o

:lol: :lol: :lol:
كان خطو حلووو ؟؟؟

سرسورة

20/04/2006, 02:33

fady juventus

20/04/2006, 12:18

ابدا مو صح انو الشيوعيين ما بيعرفوا الله وين حاططون....بالعكس هني من اول الاحزاب اللي كان الون نظرية ثابتة...بالاضافة انو مبادؤن كتير حلوة..بغض النظر عن الايمان او الله او غيرو...بس نحنا ببلدنا خرسوون....حزب البعث خرسون...وصدقوني انون عم يحاولو يشتغلو هون بالبلد و هلأ بس بدون وقت كتير لحتى يطلع صوتون....في كتير ناس بعرفون شيوعيين....بس هني عنجد شيوعيين مو بس بالاسم و انا بشوفون قمة الرقي...ما بيخوفو متل ما قال البعض
عم يحاولوا يشتغلوا بالبلد ؟؟؟!!! والدليل إنن إنقسموا وصاروا حزبين ؟ ماهيك

يا سارا أنا لهلأ ما شفت بالشيوعية شي مميز ، غير أحلام وأوهام "بالمبادىء تبعن"
و مصايب للشعب لما بيصيروا بالحكم "ما في داعي للأمثلة"
وإذا بدك تقولي الصين... الصين عملت شيوعية بمفهوم خاص بدليل إنفتاحها إقتصادياً ، ونوعاً ما سياسيا ... حتى إنها دخلت منظمة التجارة العالمية جنباً إلى جنب مع الدول الرأسمالية الكبرى بالعالم .

MR.SAMO

20/04/2006, 12:37

اعتقد انه الشيوعية والشيوعيين اثبتوا فشلهم بدول الاتحاد السوفيتي السابق والنتيجة اكبر برهان
لأنه معظم افكار الشيوعية غير قابلة للتطبيق

me2

20/04/2006, 12:41

اعتقد انه الشيوعية والشيوعيين اثبتوا فشلهم بدول الاتحاد السوفيتي السابق والنتيجة اكبر برهان
لأنه معظم افكار الشيوعية غير قابلة للتطبيق

بس اليوم روسيا دولة عظمى ..... بغض النظر عن رأيي بالمسخرة و الشرشحة اللي صارت على أتوتستراد المزة من كام يوم .. قال مدري شو اعتصام شيوعي ... شو دخل الشيوعية بأنو ينتشرو متل النور بنص الطريق ؟؟؟ بدهم يموتو يروحو على فلسطين ,مو يزتو حالهون قدام دواليب السيارات و يبلونا فيون ...

fady juventus

20/04/2006, 12:54

زكرتني بأمين الحافظ أبو عبده
وقت قلن للفلسطينيين اللي عم يخربوا ويكسروا ويبعبعوا على أساس مقهورين على فلسطين
"هاي الباصات على فلسطين اللي بده يجاهد يركب والله معه"
طبعاً ماحدا راح !!!

me2

20/04/2006, 12:56

MR.SAMO

20/04/2006, 12:57

بس اليوم روسيا دولة عظمى ..... بغض النظر عن رأيي بالمسخرة و الشرشحة اللي صارت على أتوتستراد المزة من كام يوم .. قال مدري شو اعتصام شيوعي ... شو دخل الشيوعية بأنو ينتشرو متل النور بنص الطريق ؟؟؟ بدهم يموتو يروحو على فلسطين ,مو يزتو حالهون قدام دواليب السيارات و يبلونا فيون ...
من اي ناحية دولة عظمى انت شايف مستوى معيشة شعبها كيف
صحي هيي عظمى بسلاحها وصواريخها بس بمعيشة شعبها كتير سيئة
ببتذكر صفقة الصواريخ اللي كانت بدها تبيعنا ياها راح لعندها وزير خارجية اسرائيل وعطاها سعرها وقلها لحكومة روسيا خليها عندك وماتبيعيها لسورية

me2

20/04/2006, 13:00

من اي ناحية دولة عظمى انت شايف مستوى معيشة شعبها كيف
صحي هيي عظمى بسلاحها وصواريخها بس بمعيشة شعبها ومعيشة شعبها كتير سيئة

في مجموعة من الدول قرروا أنهم G8 .. أنا ما دخلني ..

zen

20/04/2006, 16:59

ا ي اي اي
ممكن تقلي وين لانو انا قريت العقائد وافكار الحزب ما لقيت هي شي
:? :? :?

HashtNasht

20/04/2006, 19:05

ممكن تقلي وين لانو انا قريت العقائد وافكار الحزب ما لقيت هي شي
:? :? :?
أي أبشر

ارسل: الاحد يناير 15, 2006 1:56 am موضوع الرسالة:

--------------------------------------------------------------------------------

خلافا للفلسفة الألمانية التي تنزل من السماء إلى الأرض، نصعد هنا من الأرض إلى السماء – وبعبارة أخرى، فنحن لا ننطلق مما يقوله و يتخيله ويتصوره البشر، ولا من ذاتهم كما تتجلى في الكلام والخيال و الفكر وتصور الغير، حتى نصل بعد ذلك إلى البشر لحما ودما، بل نحن ننطلق من البشر في عملهم الحقيقي، فبالانطلاق من نوعية حياتهم الحقيقية وتطورها نصور أيضا تطورا الانعكاسات والأصداء الإيديولوجية لهذا المجرى المعين للحياة – وحتى الأشباح (Fantasmagories) في الدماغ البشري ليست سوى تصعيدات (Sublimations) ناتجة حتميا عن نوعية حياتهم المادية التي نستطيع أن نلمسها بالتجربة والتي ترتكز على أسس مادية. ومن هنا فإن الأخلاق و الدين والميتافيزيقا وكل محتويات الإيديولوجيا، وكذلك أشكال الوعي التي تطابقه، تفقد صفتها كظواهر مستقلة. فهي لا تاريخ لها و لا تطور له، بل على العكس من ذلك، فإن البشر هم الذين يغيرون، بتطوير إنتاجهم وعلاقاتهم المادية، وبجانب هذا الواقع الخاص بهم، فكرهم ومنتوجات فكرهم. ففي الاعتبار الأول للأشياء، انطلقنا من الوعي و اعتبرناه في مثابة الفرد الحي، أما في الثاني فقد انطلقنا من الأفراد الحقيقيين والأحياء أنفسهم واعتبرنا الوعي وعيهم لا غير...

ها هنا تزول التصورات النظرية (Spéculations)، ففي الحياة الحقيقية يبدأ العلم الحقيقي، الإيجابي، وتحليل العمل التطبيقي و مجرى الحياة العادية للبشر. تزول الجمل الخاوية فيما يخص الوعي إذ يجب تعويضها بعلم حقيقي. فبدراسة الواقع تفقد الفلسفة الوسط الذي تعيش فيه بصفة مستقلة ...

ليس الوعي هو الذي يعين العيش بل العيش هو الذي يعين الوعي.

كتبه: كارل ماركس
سنة: 1846
مقتطع من كتاب: الايديولوجيا الألمانيّة / القسم الأول: المثالية و المادية
عنوان النص الأصلي: الفرضية الأولى للطريقة المادية (الفقرات الأخيرة

HashtNasht

20/04/2006, 19:09

ممكن تقلي وين لانو انا قريت العقائد وافكار الحزب ما لقيت هي شي
:? :? :?
لك هلأ لانتبهت انت شو كاتب

خيو افكار اي حزب انت قريت ؟؟؟

هون بسوريا مافي شي اسمو حزب شيوعي

هون في حزب بكداش بقيادة وصال و في حزب يوسف فيصل
لأنو حزب الترك راح مع الترك وقت راح ع الحبس
و حزب فرج الله الحلو راح ببلوعة البانيو وقت عبد الناصر اجا ع بالو يدوبو للزلمي

ما بتسمع كيف بالاغاني بقولولك دوبني دوب ؟؟

اي عبد الناصر دوبو لفرج الله الحلو دوب :cry:

krimbow

20/04/2006, 20:31

لك هلأ لانتبهت انت شو كاتب

خيو افكار اي حزب انت قريت ؟؟؟

هون بسوريا مافي شي اسمو حزب شيوعي

هون في حزب بكداش بقيادة وصال و في حزب يوسف فيصل
لأنو حزب الترك راح مع الترك وقت راح ع الحبس
و حزب فرج الله الحلو راح ببلوعة البانيو وقت عبد الناصر اجا ع بالو يدوبو للزلمي

ما بتسمع كيف بالاغاني بقولولك دوبني دوب ؟؟

اي عبد الناصر دوبو لفرج الله الحلو دوب :cry:

ليش من شو بيشكي "فصيل قدري جميل" ؟؟؟

طيب و يوسف عبدلكي ؟؟؟

بعدين ما بتصور انو الترك تارك العمل السياسي
الزلمة عندو حزب، مدري نص حزب

نحنا ببلادنا ما بيلبقلنا احزاب
ما اساسا نحنا نصنا انبيا و نصنا زعما

يعني كل مين ايدو الو

سرسورة

21/04/2006, 01:30

انا بدي ارجع لسؤال زين الاولاني شوي....حابة بس عبر عن رأيي و لو اني بدي كون مخالفة للشباب شوي....
يا زين....لينين بيقول:الدين لله و الوطن للجميع...
وخالد بكداش بزمانو قال لكفتارو قلو:اذا عجزنا ان نعيش جنتنا في السماء فلنقمها هنا على الارض....
وحتى ماركس قال انو الدين هو افيون الشعوب اذا استغل....و ركزلي على كلمة اذا استغل...و في كتير اشخاص بيعتبروا انو هاد الكلام كفر بس هو قصدو الناس اللي بيستغلوا الدين لتحقيق أغراضون الشخصية....
صدقوني يا شباب انو انا بعرف بنات كتير...كتير شيوعيات و مع هيك محجبات.....و بنات و شباب مع الكشاف المسيحي...و الون كتير نشاطات مع الكنيسة و مع هيك شيوعيين.....
و انا ما عم احكي هيك لاني شيوعية او شي ,لاني ما ني شيوعية ابدا بس انا عنجد عم احكي من موقف حيادي تماما.....بس انا بعرف كتيرر ناس شيوعيين....بس الاساس بالموضوع انك تكون مؤمن بعقيدتون و فكرون و هو تقديس العمل و المساواة للجميع....
بس الشي المتعارف عند كل العالم من انو الشيوعيين لازم يكونوا ملحديين...هو من انو ماركس بزمانو قال انو لازم تكون المادة قبل الروح...بس الايمان بالفكر الماركسي من هي النقطة هو مانو اساس الانتساب للحزب او مانو من المبادىء اساسا......
وبعدين وين المشكلة اذا صاروا حزبين عنا بالبلد....و ما بعتقد انو حدا ممكن ينكر الشغلات الكتيرة و الكبيرة اللي عملا الحزب بوقت الاحتلال الفرنسي لسوريا و بكل الفترة لحد ظهور حزب البعث.....
و تحياتي لكم جميعا

HashtNasht

21/04/2006, 06:14

لينين بيقول:الدين لله و الوطن للجميع...

أختي سرسورة هاتي أيدك لبوسا بلا هالحكي
الدين لله و الوطن للجميع من اقوال سعد زغلول ...و أذا بدك منحكي بعدين عن سعد زغلول و ما الى هنالك .
بس أنو لينين يقول الدين لله و الوطن للجميع ...هاي بتكون كارثة ...

وخالد بكداش بزمانو قال لكفتارو قلو:اذا عجزنا ان نعيش جنتنا في السماء فلنقمها هنا على الارض....

خالد بكداش كان يحكي كتير ..و هو ما إلو علاقة بالشيوعية ( برأيي المتواضع ) إلا من حيث أنو من أكتر الناس اللي شوهو صورة الشيوعيين و الأحزاب الشيوعية
و على فكرة اذا الجنة ع الأرض بدهن يعملوها كفتارو و بكداش ( ان كان سوا او كل واحد لحالو ) ترى أنا أفضل نار جهنم و بأس المصير :lol:

وحتى ماركس قال انو الدين هو افيون الشعوب اذا استغل....و ركزلي على كلمة اذا استغل...و في كتير اشخاص بيعتبروا انو هاد الكلام كفر بس هو قصدو الناس اللي بيستغلوا الدين لتحقيق أغراضون الشخصية....

أنا عم ركز ...بس انتي كيفك ؟؟

كارل ماركس قال ضمن سياق كتابو (مقدمة لنقد فلسفة الحق أو القانون عند هيجل) ما يلي :
: "إن الدين هو زفرة المخلوق المضطهد، وهو بمثابة القلب في عالم بلا قلب، والروح في أوضاع خلت من الروح. إنه أفيون الشعوب"
و هون رح اقتبس ما يلي من مقال ل مايكل لوفي :

وإذا ما قرأنا مجمل البحث الذي ترد فيه هذه الفقرة - والذي يحمل عنوان " نحو نقد لفلسفة الحق الهيجلية " والمكتوب في عام 1844 - فسوف يتكشف لنا بوضوح أن رأى ماركس يدين للهيجلية الجديدة اليسارية، التي اعتبرت الدين اغترابا للجوهر الإنساني، بأكثر مما يدين لفلسفة التنوير التي ترجع إلي القرن الثامن عشر والتي أدانت الدين بوصفه مؤامرة إكليركية لا أكثر ولا اقل.

والواقع أن ماركس عندما كتب الفقرة الأنفة كان لا يزال تلميذا لفيورباخ، هيج يليا جديدا. ومن ثم فإن تحليله للدين كان " قبل ماركسي " لا يتميز بأية إحالة طبقية علي انه مع ذلك جدليا لأنه قد استوعب الطابع المتناقض للظاهرة الدينية: فهي في بعض الأحيان تمثل إضفاء للشرعية علي المجتمع القائم وهي في بعض الأحيان تمثل احتجاجا عليه. ولم تبدأ الدراسة الماركسية المحددة للدين بوصفه علاقة اجتماعية وتاريخية إلا فيما بعد - خاصة مع مخطوط " الأيديولوجية الألمانية (1846).

يعني بالخلاصة ...أنو ما تتركيلي ماركس كلو و تجو على هالعبارة لحتى تطلعي باستنتاجات و نتائج حول فكر ماركس .

صدقوني يا شباب انو انا بعرف بنات كتير...كتير شيوعيات و مع هيك محجبات.....و بنات و شباب مع الكشاف المسيحي...و الون كتير نشاطات مع الكنيسة و مع هيك شيوعيين.....

ممكن تكون الشيوعية محجبة .....بحالة أنو كانت مجبرة على الحجاب
و ممكن يكون فيشيوعيين مع الكشاف المسيحي ..اذا كانو مكلفين بمهمة توعية ( من قبل اتحاد الشباب الديمقراطي طبعا )
غير هيك بكونو هدول اللي عم تحكي عنهن شيوعيين بقدر ما أنا مسلم :lol:

بس الشي المتعارف عند كل العالم من انو الشيوعيين لازم يكونوا ملحديين...هو من انو ماركس بزمانو قال انو لازم تكون المادة قبل الروح...بس الايمان بالفكر الماركسي من هي النقطة هو مانو اساس الانتساب للحزب او مانو من المبادىء اساسا......

هلأ أنو الالحاد مانو من شروط الانتساب للحزب بسوريا هاد الكلام صحيح ...و هي شغلة بترجع لسياسة الحزب ضمن محيطو
أما أنو هي انا من مبادئ الشيوعية ؟؟ هو أهم من كونو مبدأ
ما ممكن أنو شخص يعتنق الماركسية أو الشيوعية بفلسفتها المادية وهو مؤمن .... يعني متل اذا عم تقولي مسلم بس يهودي :o شغلة متل التخويت بتصير ...كيف فلسفة مادية ومؤمن .. ؟؟ يعني أنو بشو عم يؤمن هالأخو المادة ....

وبعدين وين المشكلة اذا صاروا حزبين عنا بالبلد....و ما بعتقد انو حدا ممكن ينكر الشغلات الكتيرة و الكبيرة اللي عملا الحزب بوقت الاحتلال الفرنسي لسوريا و بكل الفترة لحد ظهور حزب البعث.....
و تحياتي لكم جميعا

نو بروبلم والله ...شو بعرفني ...و اذا بصيرو 80 حزب يعني ...شو هالهم ؟؟؟ و اذا بصيرو مليون :lol:

و حياتك كانن مانن هون

هلأ هيك كتعقيب صغير و مشان زين يكون أخد جواب مقنع رح اجيك من الآخر

كتب فريديريك انجلزعام 1847 ملخص تحت اسم ( مبادئ الشيوعية) بيتضمن 23 سؤال وجواب

و السؤال ال 23 و الاخير هو كالتالي

23. ماذا سيكون موقفها من الديانات الموجودة؟

و الجواب

كانت كل الأديان إلى حد اليوم تعبير لتطور المراحل التاريخية لشعوب مفردة أو مجمعة. لكن الشيوعية هي مرحلة التطور التاريخي الذي يجعل كل الأديان الموجودة سطحية وتؤدي إلى اضمحلالها.

و هي النص الكامل

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و بتمنى من الشباب انو يميزو بين ( الشيوعية ) و بين ( الاحزاب الشيوعية ) لأنو الشيوعية ( فكر مبدع ) بينما الاحزاب الشيوعية ( تجارب فاشلة ) .
أما ليش انهار الاتحاد السوفيتي و ليش ما نجحت التجارب الاشتراكية ...الموضوع برأيي أبسط بكتير من كل التحليلات و المجلدات
الثورة اللي بتقتل باسم الانسانية طفل عمرو 14 سنة ( حتى لو كان الكسي رومانوف يعني ) هي ثورة ضد الانسانية ..و فاقد الشيئ لا يعطيه ..و نقطة ..و غنيلي بودعك :سوريا:

me2

21/04/2006, 11:10

الدين لله و الوطن العربي للمسلمين

سرسورة

21/04/2006, 14:05

الدين لله و الوطن العربي للمسلمين
شو مشان؟؟؟؟؟؟؟:shock:

سرسورة

21/04/2006, 14:14

أختي سرسورة هاتي أيدك لبوسا بلا هالحكي
الدين لله و الوطن للجميع من اقوال سعد زغلول ...و أذا بدك منحكي بعدين عن سعد زغلول و ما الى هنالك .
بس أنو لينين يقول الدين لله و الوطن للجميع ...هاي بتكون كارثة ...

خالد بكداش كان يحكي كتير ..و هو ما إلو علاقة بالشيوعية ( برأيي المتواضع ) إلا من حيث أنو من أكتر الناس اللي شوهو صورة الشيوعيين و الأحزاب الشيوعية
و على فكرة اذا الجنة ع الأرض بدهن يعملوها كفتارو و بكداش ( ان كان سوا او كل واحد لحالو ) ترى أنا أفضل نار جهنم و بأس المصير :lol:

أنا عم ركز ...بس انتي كيفك ؟؟

كارل ماركس قال ضمن سياق كتابو (مقدمة لنقد فلسفة الحق أو القانون عند هيجل) ما يلي :
: "إن الدين هو زفرة المخلوق المضطهد، وهو بمثابة القلب في عالم بلا قلب، والروح في أوضاع خلت من الروح. إنه أفيون الشعوب"
و هون رح اقتبس ما يلي من مقال ل مايكل لوفي :

يعني بالخلاصة ...أنو ما تتركيلي ماركس كلو و تجو على هالعبارة لحتى تطلعي باستنتاجات و نتائج حول فكر ماركس .

ممكن تكون الشيوعية محجبة .....بحالة أنو كانت مجبرة على الحجاب
و ممكن يكون فيشيوعيين مع الكشاف المسيحي ..اذا كانو مكلفين بمهمة توعية ( من قبل اتحاد الشباب الديمقراطي طبعا )
غير هيك بكونو هدول اللي عم تحكي عنهن شيوعيين بقدر ما أنا مسلم :lol:

هلأ أنو الالحاد مانو من شروط الانتساب للحزب بسوريا هاد الكلام صحيح ...و هي شغلة بترجع لسياسة الحزب ضمن محيطو
أما أنو هي انا من مبادئ الشيوعية ؟؟ هو أهم من كونو مبدأ
ما ممكن أنو شخص يعتنق الماركسية أو الشيوعية بفلسفتها المادية وهو مؤمن .... يعني متل اذا عم تقولي مسلم بس يهودي :o شغلة متل التخويت بتصير ...كيف فلسفة مادية ومؤمن .. ؟؟ يعني أنو بشو عم يؤمن هالأخو المادة ....

نو بروبلم والله ...شو بعرفني ...و اذا بصيرو 80 حزب يعني ...شو هالهم ؟؟؟ و اذا بصيرو مليون :lol:

و حياتك كانن مانن هون

هلأ هيك كتعقيب صغير و مشان زين يكون أخد جواب مقنع رح اجيك من الآخر

كتب فريديريك انجلزعام 1847 ملخص تحت اسم ( مبادئ الشيوعية) بيتضمن 23 سؤال وجواب

و السؤال ال 23 و الاخير هو كالتالي

23. ماذا سيكون موقفها من الديانات الموجودة؟

و الجواب

كانت كل الأديان إلى حد اليوم تعبير لتطور المراحل التاريخية لشعوب مفردة أو مجمعة. لكن الشيوعية هي مرحلة التطور التاريخي الذي يجعل كل الأديان الموجودة سطحية وتؤدي إلى اضمحلالها.

و هي النص الكامل

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و بتمنى من الشباب انو يميزو بين ( الشيوعية ) و بين ( الاحزاب الشيوعية ) لأنو الشيوعية ( فكر مبدع ) بينما الاحزاب الشيوعية ( تجارب فاشلة ) .
أما ليش انهار الاتحاد السوفيتي و ليش ما نجحت التجارب الاشتراكية ...الموضوع برأيي أبسط بكتير من كل التحليلات و المجلدات
الثورة اللي بتقتل باسم الانسانية طفل عمرو 14 سنة ( حتى لو كان الكسي رومانوف يعني ) هي ثورة ضد الانسانية ..و فاقد الشيئ لا يعطيه ..و نقطة ..و غنيلي بودعك :سوريا:
اول شي...احترامي لمعلوماتك و ثقافتك:سوريا: :سوريا:
انا قريانة بواحد من مجلدات لينين هاد القول مشان هيك عم احكي....وصدقني مشان الصراحة انا ما بعرف عن سعد زغلول غير القليل..وبتمنى وسع معلوماتي عنو...
انا ماني عم احكي عن خالد بكداش من اي وجهة نظر بس انا عم احكي كقول....واكيد بحياتو ما كان رح يصير اي تعاون بين خالد بكداش و كفتارو.....
على كل الاحوال....شكرا ع كل المعلومات اللي كتبتا بس بالنهاية كل واحد بيشوف الموضوع من وجهة نظرو....
واحترامي الشديد لالك مرة تانية:سوريا:

me2

21/04/2006, 14:45

شو مشان؟؟؟؟؟؟؟:shock:

ههههههههههههههههههههههههه ه

للأسف هدا الوضع الحالي .... اللي أنا شايفو أنو الغرب العلماني "المسيحي" مصر يشوف العرب على أنهم مسلمين .. و المسلمين مصرين يعطو فكرة عن حالهم أنو هنن العرب .. علما بأن المسلم من غير العرب بيسو مية مسلم عربي ... و علما بأنو العرب المسلمين دابو بالخلافة العثمانية "المسلمة" ولولا المسيحين العرب لنمحت العروبة من زمان ... الله يسامحهم..

zen

21/04/2006, 15:35

طيب الشخص ذو الافكار الشيوعية التي لا تتعارض مع الايمان بالله شو بيكون هاد نص شيوعي ولا شو يعني بدو يتسمى

me2

21/04/2006, 15:39

طيب الشخص ذو الافكار الشيوعية التي لا تتعارض مع الايمان بالله شو بيكون هاد نص شيوعي ولا شو يعني بدو يتسمى

وللو زين ... شو القصة ؟؟؟

الشيوعية مو دين و إنما عقيدة و متكاملة .. اللي بدو يكون شيوعي ما فيو ينقي من الشيوعية اللي بيجي على بالو , لأنو بيكون هيك اخترع شغلة جديدة غير الشيوعية ..

يعني فيك تسميه " حشلوشيتون"

HashtNasht

21/04/2006, 18:03

يعني فيك تسميه " حشلوشيتون"

أنا من جهتي حشت نشت

اللي بحب ينتسب يراسلني مشان قلو شو الأوراق المطلوبة :lol:

zen

21/04/2006, 18:08

يعني فيك تسميه " حشلوشيتون"

أنا من جهتي حشت نشت

اللي بحب ينتسب يراسلني مشان قلو شو الأوراق المطلوبة :lol:
:jakoush: :jakoush: :jakoush:
مسيو حست نشت
شبك جيت من البرية أخدت الاولية
هاد الحزب حزبي
بدك تتفضل كنائب (بيسعدني هالشي)هلا
ما بدك انت حر
:pos: :pos: :pos: :pos:
المهم
انو بيجوز عندي قصور بالافكار الشيوعية
والمعتقدات تاعيتون
اح حاول اعرف أكتر
وع راسي كل الشباب الي ساعدوني بهالموضوع
:سوريا: :سوريا: :سوريا: :سوريا: :سوريا:

me2

21/04/2006, 19:06

يا شباب .. مو ناقصنا أحزاب .... ماشالله ... بس على كل على كل حال , يعني بكل الأحوال .. بدكون تنتظرو لحتى يطلع قانون الأحزاب .. و بعدين كل واحد بيطلعلو حزب "بلا معنى" لحالو ...