-
دخول

عرض كامل الموضوع : طفله ترفع الضغط!!! ????

المستحيل
22/04/2006, 22:00
طفله ترفع الضغط!!! طفله ترفع الضغط!!!

التلفون يرن ...





الطفلة : الوووو





الامراة : الووو مرحبا





الطفلة : اهلين..





الامراة : وين الوالدة ؟





الطفلة : فش عنا وحدة والدة..





الامراة : له له عيب عليك... لا سمح الله الله يخليلكم اياها..





الطفلة : شو لا سمح الله ما لا سمح الله.... بقوليك فش عنا والدة....





الامراة : اه ... قديش عمرك يا شاطرة؟؟





الطفلة : وشو عرفك اني شاطرة...





الامراة : تضحك وتقول .. مبين عليك خفيفة دم..





الطفلة : انت الي خفيفة دم... اوعي تقولي عني هيك...





الامراة : مبين عليك زغيرة؟





الطفلة : انا اطول منك......





الامراة : طيب يلا اعطيني ماما...





الطفلة : ليش هي امك عنا؟؟





الامراة : خلص نادي امك...





الطفلة : فش عند امي نادي..





الامراة : الله يصبرني...





الطفلة : يصبرك مع شوك ولا بدون شوك؟





الامراة : تصرخ " اعطيني حدا كبيرررر"





الطفلة : كبير , بالحجم ولا بالطول ولا بالعمر..





الامراة : اعطيني واحد برميل احكي معووو..





الطفلة : استغفر الله العظيم بدك تحكي مع برميل.. بس البرميل جماد..





الامراة : هسا باجي عندك.. اعطيني حدا كبير...





الطفلة : تجيش عندي لانو عندي صاحباتي بلكي لما روحو جيتي بكون احسن...





الامراة : طيب بس لو اشوفيك لاعمل منك بطاطا..





الطفلة : بطاطا مسلوقة ولا شوي بالفرن؟





الامراة : احسنلك اسكتي لانك زعلتيني..





الطفله : مين الي زعل تيني وليش التين اصلا بزعل؟





الامراة : بكفي زودتيها عاد ..





الطفله : وين عاد الى بيته ؟





الامراة : اه الى بيته .. مبسوطة..





الطفلة : الصراحة مش مبسوطة .. في اشي مزعلني..





الامراة : خليه يزعلك بلكي فقعتي زي البالون..





الطفلة : شو لون البالون الي بلكي فقعت زيو؟؟





الامراة : تصرخ باعلى صوتها.. " وين الوالــــــدة ؟؟؟ "..





فتاخذ الام التلفون من الطفلة ..





وتقول الووووو.. مين معي..





الامراة : ول علينا .. شو هالبنت هاي اطلعت لي قرن براسي..





الام : قرن ايش , قرن الغزال ولا قرن موز..





الامراة : زي دايما رايقة وبتحبي تمزحي .. لع اطلعتلي قرن ثور ...





الام : شو حجمه الثور؟





الامراة تغلق السماعة.. وتذهب الى بيت صديقتها.. ترن الجرس...





فتقول الام للطفلة : ارمحي شوفي مين على الباب...





تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول فش حدا على الباب في وحدة وراه..





فتقول الام : خلص خليها ترن على الجرس قد ما بدها..





الطفلة : اي جرس؟ جرس المدرسة؟؟؟





الام : لع جرس الدار..





الطفلة : جرس دارنا هاي ولا الدار الجديدة الي بدنا نبنيها..





الام : لع جرس دار الجيران..





الطفلة : ليش في عند الجيران جرس وحول واركب على الفرس..

وعلى هالموال ..... ليل نهار...
المستحيل
22/04/2006, 22:01
الواحد لما بده اهله يرضوا عليه بيرد عليهم بس همه لما يكونوا زهقانين بيتفششوا فيه و هذه بعض الردود لما الأهل يكونوا معصبين نترككم معها:


الأب: يا ولد
الابن و بكل براءة: نعم
الأب: نعامة ترفصك تعال
الابن: ليش شو سويت؟
الأب: سواك ضريب يخلع رقبتك
الابن: شو فيه؟
الام : شاوي يشوي عضمك رد على ابوك زي العالم المحترمه
الابن : هوه انا حكيت شي؟
الأب: حكحكوا جنابك بالعصايه اوقف عدل يا حيوان
الابن: حاضر
الأم: يحضروا على قبرك لما ابوك يحكي انت بتخرس
الابن: أخرس؟
الأب: ايوه ان شالله خرسه
الابن: ماشي
الأم: اجاك مشش بركبك ما تقوم منه
الابن: شو هاد مشش؟؟
الأب: اما انك قليل حيا و بترد بتم امك هات العصاي و تعال
الابن: انا رديت على امي؟ماما احكي كلمه
الأم: موا يمزعك ماما ...حكيتلك اخرس
الابن هون غلب على امره و سكت
الأب: أما جيل قليل حيا...لحكي ولك مالك انخرست انشالله خرسه بابا اه
الابن: شو احكي؟ اذا حكيت بتشوفوا كلامي غلط
الأب: ليش عمي شايفنا و لا حول؟
الابن: لا اله الا الله
الأم: الله ياخدك ماما يا ريتني خلفت ابن جيراننا و لا خلفتك
الأب: انا مش عارف هاد الولد متى بده يصير رجال في القعده دايما فاضحني وين ما أروح
الابن: طيب شو اعمل هلأ مشان تشوفني رجال؟
الأب: ان شالله ما تطيب اخرس
الابن: يا ربيييييييييي خلاص عاد ممكن اروح على غرفتي؟ ليش ناديتوني؟
الأم: اه صحيح انت ليش ناديت عالولد؟
الأب: بتصدقي يا مرة....نسيت مش عارف خلاص ارجع لما اتذكر بناديك رجعت المي بزورك
الابن بيروح بعد شي ساعه بيناديه ابوه:يا ولد
sweetbaby
22/04/2006, 22:05
وليي على حظي:aah::aah::aah:
YaSeR
22/04/2006, 22:07
ههههههههه
الاتنيين حلويين كتيير
مشكور خيي المستحيل
Prowed
22/04/2006, 22:14
ههههههههه

واااااااااااااااو

احلى.. من هيك مافي
اميرة الظلام
22/04/2006, 22:18
عن جد بيرفعووو الضغط ....يخرب بيتهم ...
عاشقة علي
22/04/2006, 23:11
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

شكرا الك مستحيل موضوع حلو كتير


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
rocky
23/04/2006, 11:45
:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:
helwy kteeer kter bs lesh ba3d el3alam m3asbeen?:?
marioma alghzayala
23/04/2006, 11:56
لك لعمى انا انجلطت ....:aah: :aah:


هللا صحي في عالم هيك ؟؟؟:?

ومشكور ...:سوريا: :سوريا:
hanny dagher
23/04/2006, 12:07
هههههههههههههههههههه
رهيبات بس ما ضحكت الا لما رجع ضغطي طبيعي
يلعما شو هاد
مشكور معلم
وهلا برجعتك :سوريا:
طنش تعش
23/04/2006, 14:22
ياسيدي هي عادية..............بس:







































































































انت الي بترفع الضغط...............................هههه� �ههههههههه هأ

عم امزح معك حبيب .............بس عنجد كرهتني تيابي.......مشكور
المستحيل
23/04/2006, 18:23
اهلا وسهلا فيكم ونورتو الموضوع مشكورين لردودكم جميع
sexy angel
23/04/2006, 18:33
لك لعمى انا انجلطت ....:aah: :aah:


هللا صحي في عالم هيك ؟؟؟:?

ومشكور ...:سوريا: :سوريا:


في كتير و اكبر دليل هو اخوي الصغير

ميرسي عالموضوع
Kakabouda
24/04/2006, 11:52
اذا طلعلي هيك بنت بحسب الله ما خلقها :aah:
لاوديسا
24/04/2006, 12:11
يا لطيف ......شو هاد
ما بيرفعو الضغط دغري بيجلطو:shock:
شكرا مستحيل
امرأة من ورق
24/04/2006, 13:26
او لا لا لالاااااااااااااااااااااا ا
شو مهضومة هالبنت


جلطتني :cry:


شكرا المستحيل
المستحيل
24/04/2006, 23:02
مشكورين يا أمرأة من ورق ويا سكسي انجل ويا جورج وبنت اللادقية
لمروركم الجميل