-
دخول

عرض كامل الموضوع : مهزلة ما بعدها مهزلة !!!!!!!!

صفحات : [1] 2
whiterose
29/04/2006, 21:53
مهزلة ما بعدها مهزلة !!!!!!!!

شاهدت كما شاهد الكثيرون غيري ذلك الأعلان الذي تبثه أحدى الفضائيات العربية المستقلة
برنامجها المرتقب (( العظماء )) ، والذي يهدف كما قالوا الى تكريم الشخصيةالعربية الاولى على مر العصور والذي عرضوا فيه فكره البرنامج والاسماء المطروحه للمقارنةوفي الحقيقة شدني البرنامج بفكرته الرائدة التي تعد الاولى من نوعها على مستوى اعلام الوطن العربي والتي تحسب لهذ القناة بلا ادنى شك
الى هنا اعتقد ان الجميع يوافقني في كل حرف كتبته ولكني اتوقع اختلافا كبيراً
وخاصة أن هذه القناة مجهولة التعاريف والأتجاهات
حيث أنك كمشاهد عربي لاتستطيع الجزم بتوجهها السياسي والديني
دهشت كثيرا عندما قرأت الاسماء التي وضعت من قبل المسئولين عن هذا
البرنامج للتصويت عليها .
ولم يقف الامر عند حد الدهشه بلا انني اصبت بإحباط
عظيم تملك كل شئ فيني ، فواضع الاسماء او واضعي الاسماء هدموا فكرة البرنامج وصورته الرائعه قبل ان يبدأ ، حطموا ما كان له في نفسي من اكبار
قبل ان ارى اول لقطة فيه
سأكتب لكم الأسماء التي طرحت للتصويت وماعليك أنت كمشاهد إلا أن تصوت للشخص الذي تعتبره عظيم برأيك


أبن رشد
ياسر عرفات
عمر المختار
نجيب محفوظ
جبران خليل جبران
أنور السادات
الملك فيصل بن عبد العزيز
إبن خلدون
عمر بن عبد العزيز

محمد عبد الوهاب
إدوارد سعيد
جمال عبد الناصر
علي بن أبي طالب
طارق بن زياد
المتنبي
الملك حسين بن طلال
عبد الحليم حافظ
أبو بكر الصديق
جابر بن حيان
صلاح الدين الأيوبي
عمر الشريف
خالد بن الوليد
عمر بن الخطاب
طه حسين
فيروز
أم كلثوم
أبن بطوطة
أحمد زويل
أبن الهيثم
الفارابي

هذه هي الاسماء فهل تجدون فيها اي نوع من انواع العدل والمقارنة بينهم ؟، اتجدون عدلا في ان نطرح استفتاءً يقول ايهما افضل :
ياسر عرفات أم علي بن أبي طالب
أم كلثوم أم أبن بطوطة
أنور السادات أم خالد بن الوليد
الفاربي أم عمر الشريف
عمر المختار أم أحمد زويل (صاحب شهادة نوبل)
وهكذا على سائر الشخصيات
بأمكاني مقارنة من العظيم بين (فيروز عبد الحليم حافظ محمد عبد الوهاب أم كلثوم)
وليس بما ذكرت..

اي وجه حق يدار به هذا الاستفتاء؟؟؟؟...
ولن أطيل الحديث ننتظر الآراء
التي تكون مع او ضد
صياد الطيور
29/04/2006, 22:42
مهزلة ...
فعلاً مهزلة ..

كيف ممكن تكون المقارنة بين شخصيات أعظم من العظمة .. وشخصية تافهة ..
أو انسان فيلسوف مفكر ... و شخص مغني ..

هي هية الثقافة العربية الحالية

:jakoush: :jakoush: :jakoush: :jakoush:
محمد ابراهيم
29/04/2006, 22:51
انها مهزله
وجريمه لا تغتفر
حيث ان هناك شخصيات غير مهمه تم وضعها في القائمه
وشخصيات اخرى تحظى بتأييد شعبي على المستوى العربي لم يتم وضعها مثل






























هيفا واليسا وروبي
ma7aba
29/04/2006, 23:26
ليش مهزلة عندي فيروز اهم من كل اللي انذكروا واعظم منن كلن وشئنا ام ابينا فيروز تنال حب اغلب العرب مهما كان توجهه ودينه
يعني بمعنى آخر بالتجرد عن المحرمات فيروز تستطيع وببساطة لو كان الأختيار اكثر من اسم ببساطة تستطيع ان تحصل على المرتبة الأولى بهذا الإستفتاء وهذا نابع ليس عن ثقافة بل عن دخولها قلب وعقل كل شخص بهذا الوطن وأحيانا العاطفة والقلب اقوى من الإكتشافات العلمية
والفلسفة
ملك الهكرز
29/04/2006, 23:31
ليش مهزلة عندي فيروز اهم من كل اللي انذكروا واعظم منن كلن وشئنا ام ابينا فيروز تنال حب اغلب العرب مهما كان توجهه ودينه
يعني بمعنى آخر بالتجرد عن المحرمات فيروز تستطيع وببساطة لو كان الأختيار اكثر من اسم ببساطة تستطيع ان تحصل على المرتبة الأولى بهذا الإستفتاء وهذا نابع ليس عن ثقافة بل عن دخولها قلب وعقل كل شخص بهذا الوطن وأحيانا العاطفة والقلب اقوى من الإكتشافات العلمية
والفلسفة


هاد من وجهة نظرك انتى يعني لو كان اعظم فنان اي مو اعظم شخصية عربية !!!!!
ma7aba
29/04/2006, 23:35
هاد من وجهة نظرك انتى يعني لو كان اعظم فنان اي مو اعظم شخصية عربية !!!!!
أنت كل يوم الصبح بتسمع فيروز ولا بتتذكر ابو بكر الصديق او خالد بن الوليد
أجب بصدق
ملك الهكرز
29/04/2006, 23:50
أنت كل يوم الصبح بتسمع فيروز ولا بتتذكر ابو بكر الصديق او خالد بن الوليد
أجب بصدق

وصح انا معك بس هاد الشي ما بيخلي فيروز بس هاد غناء

يعني اذا انتى عم تحسبها هيك ما انا كل يوم المسا بسمع ام كلثوم وبسمع جورج وسوف

وكل ما يطلع فلم لتوم كروز بقتل هالي لحتى شوفو

بس هاد الشي ما بيخلي عظيم العظمة مو بالغناء العظمة بالافعال

واولا واخيرا العظمة لله سبحانه وتعالى
Barleb
29/04/2006, 23:53
حلوة محبة , قال بتسمع فيرز ولا بتتذكر أبو بكر الصديق
ههههههههههههههههههه ,

على كل حال هاد أسمو تصويت و ما حدا بيقدر يلغي صوت الأخر ,

من جهتي التصويت عادل نوعاً ما ,
و بصوت لـ فيروز 1
جبران 2 , وبس
بس في شخصية فـ بالي لازم تنحط قبل هدول كلن ,
ومستغرب وجود ياسر عرفات و الملك هوسين بن تالال , وهل شخصية السياسية السورية مو موجودة
ma7aba
29/04/2006, 23:58
وصح انا معك بس هاد الشي ما بيخلي فيروز بس هاد غناء

يعني اذا انتى عم تحسبها هيك ما انا كل يوم المسا بسمع ام كلثوم وبسمع جورج وسوف

وكل ما يطلع فلم لتوم كروز بقتل هالي لحتى شوفو

بس هاد الشي ما بيخلي عظيم العظمة مو بالغناء العظمة بالافعال

واولا واخيرا العظمة لله سبحانه وتعالى
الإنجازات هي التي تحدد العظمة وبرأيي انجازات فيروز اهم من اي انجاز لأي شخص من المذكورين
يكفي انها تجعلك تشعر بالراحة يكفي انها تجعلك تنسى الكثير من الهموم فبرأيي انجازها اهم من اي إنجاز آخر طبعا كشهرة تاريخية لا تقارن بغيرها من عظماء التاريخ ولكن منذ وجودها وللمستقبل سيبقى اسمها علم من اعلام التاريخ ولنقل الفني على اقل تقدير
نقطة اهم هناك عظماء سريان اهم بكثير ممن ذكروا ومنهم كاتب رسالة الغفران الحقيقي واول من تكلم عن غزو الفضاء عام 190 ميلادي الكاتب والمفكر نيقولاس
هناك الحوريون اهم من كل المذكورين بالنسة الي وهناك بولس الرسول وهناك افرام السرياني والكثير الكثير من المفكيرين
ma7aba
30/04/2006, 00:01
على الصعيد العربي اعتقد ان حافظ الأسد اهم من جميع المذكورين كسياسي معاصر
على الأقل حقق انتصاران على إسرائيل وهما تشرين وتحرير الجنوب ومن عنده اسم قائد عربي معاصر اهم من حافظ الأسد ليخبرني
ملك الهكرز
30/04/2006, 00:02
الإنجازات هي التي تحدد العظمة وبرأيي انجازات فيروز اهم من اي انجاز لأي شخص من المذكورين
يكفي انها تجعلك تشعر بالراحة يكفي انها تجعلك تنسى الكثير من الهموم فبرأيي انجازها اهم من اي إنجاز آخر طبعا كشهرة تاريخية لا تقارن بغيرها من عظماء التاريخ ولكن منذ وجودها وللمستقبل سيبقى اسمها علم من اعلام التاريخ ولنقل الفني على اقل تقدير
نقطة اهم هناك عظماء سريان اهم بكثير ممن ذكروا ومنهم كاتب رسالة الغفران الحقيقي واول من تكلم عن غزو الفضاء عام 190 ميلادي الكاتب والمفكر نيقولاس
هناك الحوريون اهم من كل المذكورين بالنسة الي وهناك بولس الرسول وهناك افرام السرياني والكثير الكثير من المفكيرين


هاد الشي بخصك
انا بحترم رئيك
صياد الطيور
30/04/2006, 00:03
على الصعيد العربي اعتقد ان حافظ الأسد اهم من جميع المذكورين كسياسي معاصر
على الأقل حقق انتصاران على إسرائيل وهما تشرين وتحرير الجنوب ومن عنده اسم قائد عربي معاصر اهم من حافظ الأسد ليخبرني

الله محياك :سوريا:
whiterose
30/04/2006, 02:47
اهم هناك عظماء سريان اهم بكثير ممن ذكروا ومنهم كاتب رسالة الغفران الحقيقي واول من تكلم عن غزو الفضاء عام 190 ميلادي الكاتب والمفكر نيقولاس
هناك الحوريون اهم من كل المذكورين بالنسة الي وهناك بولس الرسول وهناك افرام السرياني والكثير الكثير من المفكيرين
بتذكر وقت اتهمتني بالتعصب لديني

فمن المتعصب ؟؟؟
نحنا هون عم نذكر عظماء تركوا اثر في الحياة المعاصرة هذه
ولو كنت انا بدي احكي متلك
كنت اول مين ذكرت الرسول محمد ازكى الصلاة والسلام عليه
بس انا مابدي حول الموضوع الموضوع حلو

ورجاء نبعدو عن الدين والعقائد
whiterose
30/04/2006, 03:07
أنت كل يوم الصبح بتسمع فيروز ولا بتتذكر ابو بكر الصديق او خالد بن الوليد
انت كل يوم الصبح بتسمع فيروز ولا بتتذكر يسوع ؟؟؟؟؟
صياد الطيور
30/04/2006, 03:18
اذا هيك أنا برأيي والدي لازم ياخد المركز الأول ... لأنو أكتر شي بذكرو ... واكتر شي مقتنع فيه بالعالم ...
whiterose
30/04/2006, 03:41
اذا هيك أنا برأيي والدي لازم ياخد المركز الأول ... لأنو أكتر شي بذكرو ... واكتر شي مقتنع فيه بالعالم

هه شفتو كيف قلبلنا مازن الموضوع
صار ابوه

بكرا بيجي واحد بقلنا حبيبتي
Willi
30/04/2006, 03:55
حبيبتي :lol:
maro18
30/04/2006, 04:25
اللى اختار الاسماء دى اصلا واحد ما بيفهمش حاجة وبعدين هنختلف على مين اهم فى قائمة اصلا مرفوضة شكلا وموضوعا
JAMAICA
30/04/2006, 04:35
بلا عظماء بلا بطيخ.............كلون بشر متلنا............
كل واحد عظيم أقل شي بوجودو حي
مافي حدا عظيم غير االمسيح
maro18
30/04/2006, 04:37
بلا عظماء بلا بطيخ.............كلون بشر متلنا............
كل واحد عظيم أقل شي بوجودو حي
مافي حدا عظيم غير االمسيح

بلاش ندخل فى المعتقدات عشان كل واحد اكيد هيتحيز لدينة فلا تغلط فى حد ولا حد يغلط فيك
JAMAICA
30/04/2006, 04:43
أي معليش خلي كل واحد يتحيز ......هيك بيصير في مناقشة أوسع
maro18
30/04/2006, 04:46
بس دة مش موضوع للنقاش الدينى والتحيز ليش كل شىء لازم ندخل فية الدين ونتحيز ونتخانق ما كل واحد يحترم معتقدات التانى ويخلية فى حالة واللى عاجبة حاجة يعملها واللى مش عاجبة خلاص ما يعملش
JAMAICA
30/04/2006, 04:50
أنا عطيت رأي ........وكل شخص حر برأيو..........أنا ما دخلت الدين
بس أنت حابة تناقشي :)
بعدين لشو التعصيب روقي
maro18
30/04/2006, 04:55
يمكن من وجهة نظرك شايف انك مش غلطت
بس فى الحقيقة لما تقول على الباقى بطيخ دة مش راى كان يكفى تقول اللى بيعجبك وبس لان كدة بتغلط فى الباقى و عندى طبعا سيدنا محمد خير البشر علية الصلاة والسلام مش قصدى ادخل فى الدين انا بس بوضحلك انك كنت بتغلط فى الاخرين وكان يكفى تقول اللى يعجبك
لك كل واحد حر فى اللى بيشوفة بس يحترم اللى بيشوفوا الاخرين كمان
JAMAICA
30/04/2006, 05:00
أنا قلت هادا الشي لأنو في عالم لسا عيشة على أمجاد السابقين........لك حاجتنا بقا......مثلا ....طلعوا هالمغنيين الجداد......بيقولوا شو هالمسخرة و الله يرحم أيام أ/ كلثوم و غيرها.....
أي يعني مافي حدا غيرون!!!!!!!!!
maro18
30/04/2006, 05:05
اهو كل واحد حر فى رأية بقى وعلى العموم حصل خير
JAMAICA
30/04/2006, 05:08
أوكي.......حصل خير
لك ما بتنامي أنتي؟؟؟
maro18
30/04/2006, 05:09
أوكي.......حصل خير
لك ما بتنامي أنتي؟؟؟

مش فاهمه
Syrian__Angel
30/04/2006, 08:12
لك ما بتنامي أنتي؟؟؟

يئس :lol:

هلأ بالنسبة للموضوع .. كبر وبلّش هه ... هه .. تظهر عليه بوادر مشاكل طائفية - كالعادة -

اللي خلاّني رد هو جملة محبة الغريبة ( وقت اللي بتفيق من النوم بتفكر بفيروز ولا بخالد من الوليد ) !؟ .. ومن بعدها رد نسرين ( بتفكر بفيروز ولا بيسوع )..

المهم .. المهزلة بالموضوع انّو حاطّين اسماء للتصويت من نوع " شو اللي خطر على بالك يا معدّ البرنامج نزلو " .. وكيف زبطت معهم الله اعلم !!
يعني اكيد مافي مجال للمقارنة !! .. كيف بدّك تقارن بين شخصين مو من نفس التخصص ولا بيقربوا لبعض لا من قريب ولا من بعيد !؟

مثال - عالموضوع وع كلام محبّة - ...
لو اجينا قلنا ... يا ترى مين احسن الدكتور لمّا المهندس ؟!
رح يجي حدا ويقللي الدكتور لانو بدونه الواحد بيموت من وجعو ... واذا مرض معناها عليه العوض ..
وبيجي شخص تاني ويقول المهندس ، لولاه مين كان عمّر مبنى ؟! مين كان خطّط للمدينة ؟! مين كان طلع بشغلة الكمبيوتر والانترنت ؟!

يعني بالمختصر ما فيك تقارن بين شغلتين ما في بيناتهم رابط او علاقة مشتركة ... ونفس الشي بينطبق هون :سوريا:

سلام
Spook
30/04/2006, 08:35
يئس :lol:

هلأ بالنسبة للموضوع .. كبر وبلّش هه ... هه .. تظهر عليه بوادر مشاكل طائفية - كالعادة -

اللي خلاّني رد هو جملة محبة الغريبة ( وقت اللي بتفيق من النوم بتفكر بفيروز ولا بخالد من الوليد ) !؟ .. ومن بعدها رد نسرين ( بتفكر بفيروز ولا بيسوع )..

المهم .. المهزلة بالموضوع انّو حاطّين اسماء للتصويت من نوع " شو اللي خطر على بالك يا معدّ البرنامج نزلو " .. وكيف زبطت معهم الله اعلم !!
يعني اكيد مافي مجال للمقارنة !! .. كيف بدّك تقارن بين شخصين مو من نفس التخصص ولا بيقربوا لبعض لا من قريب ولا من بعيد !؟

مثال - عالموضوع وع كلام محبّة - ...
لو اجينا قلنا ... يا ترى مين احسن الدكتور لمّا المهندس ؟!
رح يجي حدا ويقللي الدكتور لانو بدونه الواحد بيموت من وجعو ... واذا مرض معناها عليه العوض ..
وبيجي شخص تاني ويقول المهندس ، لولاه مين كان عمّر مبنى ؟! مين كان خطّط للمدينة ؟! مين كان طلع بشغلة الكمبيوتر والانترنت ؟!

يعني بالمختصر ما فيك تقارن بين شغلتين ما في بيناتهم رابط او علاقة مشتركة ... ونفس الشي بينطبق هون :سوريا:

سلام

كفو وحكيك صحيح 100%

لازم يكون في تخصيص يعني كل مجموعة يكون في بيناتن رابط مشترك
الفنانين لحالون و السياسيين لحالون وهيك لحتى تخلص القائمة

الخلط بين هدول الشخصيات ابدا مو صح

غيرولنا هالقائمة لحتى نصوت متل العالم والناس
MR.SAMO
30/04/2006, 09:34
اعظم شخص بالتاريخ عندي هوي امي
JAMAICA
30/04/2006, 09:41
ما أنا هادا حكيي من الأول..........كلياتنا بشر
Barleb
30/04/2006, 12:15
انت كل يوم الصبح بتسمع فيروز ولا بتتذكر يسوع ؟؟؟؟؟
انا اول ما بفيق من النوم بصلب على وجي . وماني بحاجة لأذكر يسوع لأنو هوي بيذكرني .....

بعدين أنتي جايو تشبهي المسيح بـ خالد ابن الوليد و ابو بكر , بعدين المسيح مانو عربي :jakoush: :jakoush:


بتذكر وقت اتهمتني بالتعصب لديني

فمن المتعصب ؟؟؟

اي بس هاد مو تعصب ديني , ؟؟؟!!


نحنا هون عم نذكر عظماء تركوا اثر في الحياة المعاصرة هذه
ولو كنت انا بدي احكي متلك
كنت اول مين ذكرت الرسول محمد ازكى الصلاة والسلام عليه


يعني أنتي اللي نزلتي موضوع ... وكنتي ضد لامقارنة بين شخصيات متل هدول , يعني هلا برأيك ,بتجوز المقارنة بين محمد و أم كلثوم ؟
JAMAICA
30/04/2006, 14:15
لك حلال عليك يا نسر السريان .......والله أنت مافي منك والله :)
Spook
30/04/2006, 16:10
كفو يا نسر السريان يا قبضاي

رفعت راسنا والله
ma7aba
30/04/2006, 16:17
نحنا هون عم نذكر عظماء تركوا اثر في الحياة المعاصرة هذه
ولو كنت انا بدي احكي متلك
كنت اول مين ذكرت الرسول محمد ازكى الصلاة والسلام عليه
بس انا مابدي حول الموضوع الموضوع حلو

ورجاء نبعدو عن الدين والعقائد
عفوا ست نسرين انا ماتكلمت بمنظور ديني انا تكلمت بمنظور علمي فلسفي
يعني تغييب الحقيقة مو حلو وبالطبع بسبب التدريس المجبورين فيوا مابتعرفوا شي عن السريان لعلمك السريان قومية وليس دين وهناك سريان مسلمون ومن اجل هذا لا تتكلمي بمنظور ديني بل بمنظور قومي السريان هم السوريون وهم سكان الأرض الأصليين وأهم ماقدموه هو الأبجدية هل عندك علم بهذا اول ابجدية بالتاريخ هي الآرامية اي السريانية القديمة
ومنها خرجت اللغات اتريدين انجاز اهم من هذا
انت كل يوم الصبح بتسمع فيروز ولا بتتذكر يسوع ؟؟؟؟؟
بتذكر يسوع لأنو بقوم بصلب ايدي على وجي وبصلي وبشكروا وبعدين بحضر كاسة المته وبسمع فيروز
الخلط بين هدول الشخصيات ابدا مو صح
ماحدا مختلف وانا بردودي قلت بالموضوع الفني فيروز وبالموضوع السياسي حافظ الأسد
maro18
30/04/2006, 16:19
يعني هلا برأيك ,بتجوز المقارنة بين محمد و أم كلثوم ؟

لا طبعا مافيش اى وجه للمقارنة ياريت كل واحد يحترم عقائد الاخر شوفوا الموضوع كان فى الاصل عن اية وفى الاخر الكلام وصل لموضوع تانى خالص لية كل المواضيع بتتقلب عن الدين وكلة يفضل يدافع ويوجه اتهامات والمفروض ان الدين دة من المواضيع الحساسة مش كل شوية نقحمة فى اى موضوع وخلاص .. كل واحد عارف دينة وكل واحد مقتنع بية ...فى النهاية كلنا انسان ياريت نفهم كدة
Barleb
30/04/2006, 17:07
عفوا ست نسرين انا ماتكلمت بمنظور ديني انا تكلمت بمنظور علمي فلسفي
يعني تغييب الحقيقة مو حلو وبالطبع بسبب التدريس المجبورين فيوا مابتعرفوا شي عن السريان لعلمك السريان قومية وليس دين وهناك سريان مسلمون ومن اجل هذا لا تتكلمي بمنظور ديني بل بمنظور قومي السريان هم السوريون وهم سكان الأرض الأصليين وأهم ماقدموه هو الأبجدية هل عندك علم بهذا اول ابجدية بالتاريخ هي الآرامية اي السريانية القديمة
ومنها خرجت اللغات اتريدين انجاز اهم من هذا


على قولة مي تو رضي الله عنه اكتر شي ( جملة نوعاً ما تكفيرية بس مو مشكلة )
رحت لـ أشتري كتاب أثر الحضارة السريانية في الحضارة العربية ’
بس ما فهمت شو هيي الحضارة العربية بالضبط ....
والعقل زينة , على قولة بعض الكرام في هذا المنبر الحر
butterfly
30/04/2006, 17:46
انت كل يوم الصبح بتسمع فيروز ولا بتتذكر يسوع ؟؟؟؟؟
بتذكر يسوع
ومو بس الصبح :سوريا:
butterfly
30/04/2006, 17:51
أما بخصوص الموضوع

أي بحس أنو عدل
لأنو العظمة مفهوم قابل للتدريج ..
بس المشكلة اللي لفتت نظري ... أنو ما زلنا منعتبر الفن مرتبة اقل من السياسة
أنا عندي جبران ... أعظم من كل الموجودين ...
بالنهاية الموضوع عائد لرأي الأشخاص :سوريا:
whiterose
01/05/2006, 01:17
مسى الخير:سوريا:
بدي اشكر كل اللي مروا
واكيد لكل انسان مثل اعلى وانسان مميز بنظرو
بدي اشكر سيريا إنجل
وقلا انو ردك كان الأقرب للحقيقة:سوريا:
صياد الطيور
01/05/2006, 01:21
مسى الخير:سوريا:
بدي اشكر كل اللي مروا
واكيد لكل انسان مثل اعلى وانسان مميز بنظرو
بدي اشكر سيريا إنجل
وقلا انو ردك كان الأقرب للحقيقة:سوريا:



مزبوط ... :king: :king:
كهربجي
01/05/2006, 13:24
على الصعيد العربي اعتقد ان حافظ الأسد اهم من جميع المذكورين كسياسي معاصر
على الأقل حقق انتصاران على إسرائيل وهما تشرين وتحرير الجنوب ومن عنده اسم قائد عربي معاصر اهم من حافظ الأسد ليخبرني

في... خاصة أنو حافظ الأسد ما حرر الجولان, اللي صار هو إنزال مظلّي و هاد وش الضيف...


أما بالنسبة للموضوع الأساسي فأنا ضد هيك استفتاء و برأيي أنو بيعكس ثقافة اللاتخصص عند العرب!!
محمد ابراهيم
01/05/2006, 13:26
أما بالنسبة للموضوع الأساسي فأنا ضد هيك استفتاء و برأيي أنو بيعكس ثقافة اللاتخصص عند العرب!!
انت طلعت مثقف فعلا
:سوريا: :سوريا: :سوريا:
MR.SAMO
01/05/2006, 13:28
انت طلعت مثقف فعلا
:سوريا: :سوريا: :سوريا:
اي كلامك سليم لأنه المقارنة بين الاشخاص الموجودين غير متكافئة من جميع النواحي سواء من ناحية الشخصية ومن ناحية الاعمال ومن ناحية التوجهات حتى البعد التاريخي والبعد الثقافي لحالهن بيكفي
suberstart
01/05/2006, 13:30
فعلا ما في مقارنه
محمد ابراهيم
01/05/2006, 13:37
اي كلامك سليم لأنه المقارنة بين الاشخاص الموجودين غير متكافئة من جميع النواحي سواء من ناحية الشخصية ومن ناحية الاعمال ومن ناحية التوجهات حتى البعد التاريخي والبعد الثقافي لحالهن بيكفي

صار عنا فاخويه ثقافه في كل اتجاه :سوريا: :سوريا:

واصبح لدينا اكثر من شخص يرون الاشياء كماهي

ولا يروها كما يريدوا ان يروها
كهربجي
01/05/2006, 13:59
اي كلامك سليم لأنه المقارنة بين الاشخاص الموجودين غير متكافئة من جميع النواحي سواء من ناحية الشخصية ومن ناحية الاعمال ومن ناحية التوجهات حتى البعد التاريخي والبعد الثقافي لحالهن بيكفي

لا لا لا يستر عرضك هلق بطلع علّاك و نظّرجي!!:p :p
Daiski
01/05/2006, 14:49
أما بالنسبة للموضوع الأساسي فأنا ضد هيك استفتاء و برأيي أنو بيعكس ثقافة اللاتخصص عند العرب!!

معك حق...
toocoolfriend
01/05/2006, 14:56
بل بمنظور قومي السريان هم السوريون وهم سكان الأرض الأصليين وأهم ماقدموه هو الأبجدية
شو هيدا خيي محبة
مش انتا اللي بتزور التاريخ وبتحرف الوقائع. الفينيقيون الذين اخترعوا اللغة هم سكان لبنان وهيدي حقيقة تاريخية ثابتة لا يتكلم أحد بها. وهم سكنوا الساحل اللبناني وليس الداخل حتى يكونو قريبين من سوريا. نعم وصلوا الى الساحل السوري ولكن هذا لا يجعل "السريان هم السوريون" لأن مراكز تجارتهم ومدنهم الرئيسية كانت المدن اللبنانية ولهذا يقال بأن الفينيقيون هم سكان لبنان. مع تحياتي الك


أما بالنسبة للموضوع فبلاقي انو ما في مجال للمقارنة أولا لاختلاف المجالات وثانيا لاختلاف نطاقات عملهم وانجازاتهم وبالتالي تفاوت قواعدهم الشعبية وكما استنتجت انو البرنامج عطريقة التصويت مما لا يتعدى كونه تجارة ناجحة. وأعتقد أن توجه القناة ديني وهذا يظهر من الشخصيا وخاصة من تغييبهم للعظيم العظيم أعظم شخصيات العرب في القرن العشرين برأيي نزار قباني