ولماذا لا يصدّق الأقباط بأنه مجنون؟! [الأرشيـــــف] - صفحة 3

محمد ابراهيم

10/05/2006, 16:39

و اعتداءات على الكنايس باسكندرية
عندما تزرع الفتنه فانك لاتحصد غير الفتنه

في مصر كنائس كثيرة جدا
لم يتم الاعتداء عليها

في احدى هذه الكنائس ..العام الماضي تم عرض مسرحية تسيء الى الاسلام واثارت المسلمين .
انت تتحدث عن ان الاسلام دين يحرض على قتل غير المسلمين ..
انا استغرب لماذا لم اقتل الف مسيحي خلال السنة الماضيه ..
لابد وان ايماني ضعيف او اني كملايين المصريين المسلمين نفهم ديننا خطأ
لانعرف ان قتل غير المسلمين جهاد في سبيل الله ...

واتوجه الى عقلك بسؤال ؟؟بسيط

لو ان هذا الدين يدعو لقتل غير المسلمين ..
فلماذا ظل غير المسلمين على قيد الحياة لمئات السنين؟؟؟ ..لم يعرف فيها احدا العلم او القوة او السيادة غير المسلمين ..لم يكن في العالم باثره احد لديه السيادة او القوة العسكرية او العلم الا المسلمين ..
لمئات السنين !!!!!!!!!!!!!!!!

tiger

10/05/2006, 16:49

لا تخاف بيعرفوها ..
بس متل مو صاير هون انّو بتشوفوا اللي بيعجبكم من القرآن وبتستقصدوا اتطنشوا الباقي .. هنّي عاملين نفس الشي ...

ما حدى مطنش شي..... اصلا نحن مو شغلتنا اصلا انو نقرأ كتابك غير من باب الثقافة العامة ... بس على مدى السنين وألالاف القتلى صار عند واحد فضول....يشوف ليش هال عالم نازلة دبح فينا!!!!???
أنا بعرف انو في كتير آيات بتمدح فينا.. بس ياللي بريد افهمك ياه هو انو انتو المسلمين ياللي لازم تقضوا على هال جماعات المتطرفة والأصوليةوتحطوا تفسير موحد لهال آيات بشان مو كل واحد يستعملها على كيفو ..... لأنو أولا وأخيرا عم يسودو سمعتكون مو سمعتنا ....

tiger

10/05/2006, 16:52

عندما تزرع الفتنه فانك لاتحصد غير الفتنه

اكرر احترامي لك

كسار الروس

10/05/2006, 17:01

عندما تزرع الفتنه فانك لاتحصد غير الفتنه
هلأ هاد اللي طلع معك إستاز :? يعني طالعت الحق على الأقلية الضعيفة :?
متل كأنك عم تقول انو الحق عالجاجة ليش استفزت الذئب "جاجة معجعجة" لحتى ياكلها
شو هالمنطق !!!!!!!!!!!!

tiger

10/05/2006, 17:06

عندما تزرع الفتنه فانك لاتحصد غير الفتنه

بس أرجو انو تبدأوا انتو بفهم هال حكي بالأول

ملك الهكرز

10/05/2006, 17:06

إستاز
استاذ
.........

كسار الروس

10/05/2006, 17:09

استاذ
إشتاز
........

ملك الهكرز

10/05/2006, 17:10

إشتاز

فرشخانة
...........

كسار الروس

10/05/2006, 17:12

فرشخانة
شفلنطح
..........

محمد ابراهيم

10/05/2006, 17:14

هلأ هاد اللي طلع معك إستاز :? يعني طالعت الحق على الأقلية الضعيفة :?

:lol: :lol: :lol: :lol: :lol: :lol:
بس دي مش افعال اقلية ضعيفة ابدا

يعني معقول تتمسخر وتسب معتقدات غيرك (وتبرر افعالك بانك اقلية ضعيفة )

دائما تتحدثون عن العقل ولا تتحدوث ابدا بالعقل

متل كأنك عم تقول انو الحق عالجاجة ليش استفزت الذئب "جاجة معجعجة" لحتى ياكلها
شو هالمنطق !!!!!!!!!!!!
اسمع معلم
اتحداك تجيب كلمة واحدة في كلامي بتأيد قتل المسيحيين او حتى اليهود او البوذيين او المجانين
او اي انسان او حتى بتنجان .....
والدجاجه ماهي دجاجه هي ذئب خلقت وحش من العدم ..
وللاسف بيروح ضحية التنين ناس غلابه متل هالمصلي العجوز اللي كان فحالو بيتعبد فالكنيسة ..
وللاسف هيروح تاني ناس كتيير طالما عاش بينا ناس بتروج للعداوة والكره وللاسف ناس منتسبه للجانبين ..كنت اتمنى يكونو من جانب تالت

ملك الهكرز

10/05/2006, 17:15

شفلنطح

انا بتفرج وانتى انطح :lol:
...........................

tiger

10/05/2006, 17:18

اكتشفت انو البعض بفوت ببعض النقاشات واذا ضعف بيتهرب بمخارج قانونية

لك مبين انو انت ياللي عم تتهرب .... وينك يا... العادة ما عاد سمعنا صوتك... ولا ما بقى عندك شي ترد فيه

محمد ابراهيم

10/05/2006, 17:19

بس أرجو انو تبدأوا انتو بفهم هال حكي بالأول

نحنا لسه هنضل نتفاهم في مين يفهم الاول ومين التاني !!!!!!!!!!!!!!

هاد كلام منتهي ..

للاسف اتاخرنا كتير
المفروض كنا سألنا بعض ماذا بعد ؟؟؟؟؟؟
ماذا بعد القضاء على الفتن ؟؟؟؟؟؟؟؟؟؟؟؟

كنا المفروض نتكلم في الاسباب اللي بتوصل لهيك وكيف نعالجها .....

مش هل مجنون ولا لاء ؟؟؟؟؟؟؟؟؟
ومين غلطان ؟؟؟؟؟

tiger

10/05/2006, 17:23

ماذا بعد القضاء على الفتن ؟؟؟؟؟؟؟؟؟؟؟؟

اكيد هنعيش في سبات ونبات و نخلف صبيان وبنات
يعني خلينا نبلش نعمر هالبلاد شبعنا فقر

كسار الروس

10/05/2006, 18:32

:lol: :lol: :lol: :lol: :lol: :lol:
بس دي مش افعال اقلية ضعيفة ابدا
ما انتو هريتو النعمة تبعن وبتقلي مش ضعيفة :?
ولا نسيت أحداث قرية الكشح ;-) هاي كانت قبل المسرحية مظبوط ، وقتها قامت الدنيا و ما قعدت و النظام المصري الساقط عتَّم عليها ، وماتت المجازر للأبد :pos: وما بتروح غير عاللي بيموت للأسف !!
ووقت المسرحية ، آلاف الناس نزلوا عالشوارع بدافع واحد بس
دافع واحد اسمه "الحقد"
الدافع هوي الحقد و ليس حباً بالرسول ;-)

يعني معقول تتمسخر وتسب معتقدات غيرك (وتبرر افعالك بانك اقلية ضعيفة )
دائما تتحدثون عن العقل ولا تتحدوث ابدا بالعقل
إنت شوف ردة الفعل عند المسيحيين لو حدا تمسخر على يسوع المسيح ، ولا شي ... ولا شي !!!! ليش ؟؟؟
لأنك إنت و مليار مليار من أبناء دينك والأديان الأخرى ما بتنزلوا شعرة من مكانة هالرجل و عظمته :king: إذا بتضللوا تسبوه للأبد :king:
و المسيحيين ما بيحبوا الزعبرة والهوبرة اللي شفنا منها كتير مؤخراً

اسمع معلم
اتحداك تجيب كلمة واحدة في كلامي بتأيد قتل المسيحيين او حتى اليهود او البوذيين او المجانين
او اي انسان او حتى بتنجان .....
لاء هاد الناقص :?
أنا ما حكيت عن هيك شي :? بيجوز سوء تفاهم

والدجاجه ماهي دجاجه هي ذئب خلقت وحش من العدم ..
هون بلش صف الحكي ;-)
ما بتوقع إنك عارف شو قصدك من هالعبارة الرنانة حج محمد ;-)

وللاسف بيروح ضحية التنين ناس غلابه متل هالمصلي العجوز اللي كان فحالو بيتعبد فالكنيسة ..
وللاسف هيروح تاني ناس كتيير طالما عاش بينا ناس بتروج للعداوة والكره وللاسف ناس منتسبه للجانبين ..كنت اتمنى يكونو من جانب تالت

حكي حلو يا ريت يتعمم :سوريا:

كسار الروس

10/05/2006, 18:34

انا بتفرج وانتى انطح :lol:
...........................
__________________________________________________ ________
يا ريت تنتبه للخط الأحمر ;-)

المجاهد في سبيل الله

10/05/2006, 18:54

اذا كنت فعلا مقتنع بهالحكي
يا ريتك تمرقلنا هالأية للمجاهدين بالعراق وخصوصا بمدينة الموصل حتى يحلوا عنا وعن عائلاتنا شوي

وليش ماأقتنع خيو؟هيدا دينا..لكن بالأية كلها ..مو جزء منها...
ياأخي عاشرنا كثير من المسيحيين وكانو جيرانا" لنا ولم نرى منهم الا الإنصاف...وكانت علاقاتنا بهم متينة والإحترام متبادل بيننا...ولم ينقطع الاتصال بهم;-)

وبعدين مافيه حدا بيقتل بدون سبب؟؟
(لاينهكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا اليهم ان الله يحب المقسطين انما ينهكم الله عن الذين قاتلوكم في الدين وأخرجوكم من ديركم وظهروا على اخراجكم أن تولوهم ومن يتولهم فأولئك هم الظلمون)
والي بيقتل بدون سبب مابيمثل الدين بنوب:jakoush:ولا فيه حدا يعاقب بخطأ غيره ولا بجريمة غيرة كمان:jakoush:

لكن أخي عندي أسئلة ..سئلتها مرتين ولم يجب عليها أحد..ممكن ترد علي؟؟
ماتفسيرك لسجن الباستيل من يمثله؟ومن كان المتضرر ومن المستفيد؟
ماتفسيرك لسجن جوانتانومو؟من يمثله ومن هو المستهدف؟
ماتفسيرك لسجن أبوغريب؟من المسؤل عنه؟ومن المتضرر؟
ماتفسيرك للمجازر في جنين ومايحدث لإخواننا الفلسطينين؟
ماتفسيرك لمايحدث في أفغانستان والسجون التي فيها؟من المتضرر الشعب المسكين....
ام طالبان؟
ماتفسيرك لما حدث لسكان أمريكا الأصليين الهنود الحمر؟ومن أبادهم؟وما الهدف؟
ماتفسيرك لماحدث في اليابان أيام الحرب العالمية(قنبلة هيروشيما)؟ومن الذي تضرر؟
ماتفسيرك لما حدث في البوسنة والهرسك؟ولمن كانت المصلحة من الحرب؟ومن الذي تضرر؟
أشياء كثيرة تحدث ولكن ماتفسيرها؟
مع أن هذه الفئة التي تتحدث عنها لاتمثل الإسلام ولا المسلمين كما كرر عليك مرارا" ...
ماالذي دفعهم لذلك؟
واذا بدك تقول لي لا بيمثل الاسلام والمسلمين...فبأقولك اذا الي سألتك بيمثل الدين المسيحية؟
وهذا بيصير ظلم؟؟؟:jakoush:

من مؤسس الإرهاب في العالم؟؟وإضطهد الناس وضيق عليهم... ثم بعد التأسيس رماها ونسبها للمسلمين ظلما" وعدوانا؟؟
وأنا لا أبررأخطاءهم ولا أدافع عن أحد منهم ومن الذي لايقشعر بدنه من مناظر القتل والتعذيب والتشويه؟؟الا شخص انتزع من قلبه كل معاني الإنسانية..و الإسلام برئ من ذلك تماما":jakoush:
وكفى إدعاء وتلفيقا" على الإسلام والمسلمين:jakoush:

krimbow

10/05/2006, 18:59

عندما تزرع الفتنه فانك لاتحصد غير الفتنه

في مصر كنائس كثيرة جدا
لم يتم الاعتداء عليها

في احدى هذه الكنائس ..العام الماضي تم عرض مسرحية تسيء الى الاسلام واثارت المسلمين .
انت تتحدث عن ان الاسلام دين يحرض على قتل غير المسلمين ..
انا استغرب لماذا لم اقتل الف مسيحي خلال السنة الماضيه ..
لابد وان ايماني ضعيف او اني كملايين المصريين المسلمين نفهم ديننا خطأ
لانعرف ان قتل غير المسلمين جهاد في سبيل الله ...

واتوجه الى عقلك بسؤال ؟؟بسيط

لو ان هذا الدين يدعو لقتل غير المسلمين ..
فلماذا ظل غير المسلمين على قيد الحياة لمئات السنين؟؟؟ ..لم يعرف فيها احدا العلم او القوة او السيادة غير المسلمين ..لم يكن في العالم باثره احد لديه السيادة او القوة العسكرية او العلم الا المسلمين ..
لمئات السنين !!!!!!!!!!!!!!!!

طلعت انا يللي عم ازرع الفتنة؟

لك يا عمي في مين اجا بناءا على نصوص اعتبرها مقدسة و فسرولوا ياها شروي غروي و اعتدا على ناس و املاك؟؟؟

و قبلو بشهرين حرقوا سفارات بناءا على نفس النصوص
و قبلو ابادوا قسم كبير من الشعوب بناءا على ذات النصوص
و قبلو
و قبلو
و قبلو

و لما بحكي ... بطلع عم ازرع فتنة

لازم اسكت
لما يتم الاعتداء على كنيستين او تلاتة .. انو الشغلة نسبة و تناسب... لازم اسكت
هلأ لو تم الاعتداء على كل الكنايس ساعتها بيحقلي احكي حسب احصاءاتك ؟؟؟؟

لما يتم تقتيل عشر عيل مسيحية سنويا بالعراق لازم اسكت (نسبة و تناسب)
بينما لو كانت النسبة هيي خمستالاف عيلة ساعتها بيحقلي احكي يا ترا ؟؟؟؟

شو هالمنطق ؟؟؟
انو لازم اتشكر المسلمين لأنو بس حرقوا و اعتدوا على كم كنيسة ؟؟؟
اي شكرا الكم
فداكم
بتمونوا
يا جماعة ليش هيك بس ؟؟؟ كنتوا احرقولكم ستين سبعين وحدة بالمعية، والله مو حلوة منكم بس كنيستين تلاتة تعتدوا عليهم، مشان هيبتكم و سمعتكم يعني

اما بخصوص سؤالك العقلاني
فالجواب عليه نسبة و تناسب حقا
سنة الجلاء بسوريا (1946) كانت نسبة المسيحيين 25%، اليوم النسبة لا تتجاوز الـ 11% باكتر الاحصاءات تفاؤلا (مدري تشاؤما لدى البعض)

قبيل الغزو الاسلامي العربي ... او ما يسمى بالفتح الاسلامي للشام، كانت نسبة المسيحيين بسوريا 99%
بعيد الغزو، و بعد مفاوضات طويلة عريضة، و مخزية و مذلة جدا جدا، تقلص العدد للـ 60% بسنوات قليلة (حكم الغالب)

و لحتى تكون بالصورة .. اغلب المسيحيين السوريين بيعيشوا بمناطق الجبال العالية يللي كان صعب على غير اهلها الوصول اليها
و كذلك الدروز
و كذلك العلويين

ليش يا حزرك ؟؟؟
هربا من البطش و الاضطهاد

اما سكان المدن من غير المسلمين، ففرض عليهم قوانين غريبة عجيبة .. متل حكم قراقوش
لباس خاص فيهم، مناطق سكن خاصة فيهم، بدهم حلم الله لحتى يفوتوا مسمار على بيوتهم ليصلحوا شي شغلة... الخ الخ الخ

كابتن محمد
لم و لا و لما ازرع نار الفتنة بيوم من الايام
بس هاد الحكي ما بيعني انو والله اسكت على كل الجرايم المذكورة آنفا

من جهتي بعتبرك اخ و صديق .. و عزيز كمان
الغلط مو من عندي
الغلط مش بتعاليم المسيحيين او العلويين او الدروز او او ... الخ

الغلط عند يللي بيميز بين شخص و شخص بناءا على معتقداتو
و الطامة الكبرى .. انو هيك اشخاص بيشيلوا المسؤولية عن كتفهم و بيلزقوها بنصوص مقدسة
"هيك الله .. امرنا"

و النكتة الاكبر ... انو لما بطالبهم بعدم التمييز (حتى بالتقوى) بيقولولي عم تتدخل بديننا، بدنا ندافع عن دينا..الخ
و النتيجة النهائية:
كنايس معتدى عليها
سفارات معتدى عليها
شعوب معتدى عليها

ملك الهكرز

10/05/2006, 19:05

__________________________________________________ ________
يا ريت تنتبه للخط الأحمر

له يا معليم ما اصدت شي بس ع القافية اجت ;-)

krimbow

10/05/2006, 19:41

عفوا معلم سقطت الاجابة عن هذا الرد سهوا

مو مشكلة

منتابع

اي ثمار جاي تكلم عنها

ثمار بن لادن ولا الزرقاوي ؟؟؟؟؟؟؟؟
عندك مليار و300 مليون مسلم فالعالم ..
لو شخصين منتسبين للاسلام زاعجينك وراعبينك هيك .
لو 100 الف متلهم منتسبين للاسلام كانو قضو عليك انت وكل اللي مو مسلمين ..

لو كان زرقاوي و بن لادن و اتباعو باخوية كانت الشغلة بسيطة
حتى لو ضمينالو هاد "المجنون" تبع الاسكندرية .. مو مشكلة
لك و فوقهم طالبان كمان .. محلولة

بس الفكرة معلم بتمتد للسلطان عب حميد و اتباعو
وصولا إلى عبد الملك بن مروان يللي سطا ع كنيسة يوحنا المعمدان بدمشق محولا اياها إلى الجامع الاموي .. فخر المسلمين اجمعين

هاد مو سلوك المسلمين
انظر الى النصف الثاني من توقيعي ستفهم كيف يعمل عقلك انه موّجه لا يحلل ولا يفكر .

نظرت إليه و عجبني التوقيع كتير

بس انو شو المطلوب؟
انو المطلوب شوف كنايس عم يعتدا عليها و قول انو لا والله مو هيك صاير ؟؟ يلي صاير انو واحد ضجران حب يفش خلقو ؟؟؟؟؟

المطلوب انو شوف مجموعة من الحمقى يللي قدر لها انو تحكم افغانستان و تفجر احد اهم و اغلى نفائس البوذية ... و قول اي هدول شوية حمقى غيرهم ما هيك بيعمل ؟؟؟؟

يعني انا مضطر مشان التفكير السليم انو اتحمل سخافة و هبل و وساخة و حقارة كم متعصب؟؟؟
و لازم يضل تفكيري سليم لوقت ما شي "مجنون" جديد يوصل البل لدقني ؟؟؟؟؟

ساعتها معلش يا ترا ازا جنيت و حكيت يللي حكيتو سالفا ؟؟؟؟

ازا هيك بلا التفكير السليم و خليني موجه .. طالما هالنمط من التفكير رح يحافظ على حياتي و كرامتي

التعصب داخل الانسان خصوصا
لما يتكون الفلسفة سليمة وطبقها اخرون بتسامح ..

ما فهمت عليك ممكن تشرح؟؟؟

كسار الروس

10/05/2006, 19:52

وليش ماأقتنع خيو؟هيدا دينا..لكن بالأية كلها ..مو جزء منها...
ياأخي عاشرنا كثير من المسيحيين وكانو جيرانا" لنا ولم نرى منهم الا الإنصاف...وكانت علاقاتنا بهم متينة والإحترام متبادل بيننا...ولم ينقطع الاتصال بهم;-)

وبعدين مافيه حدا بيقتل بدون سبب؟؟
(لاينهكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا اليهم ان الله يحب المقسطين انما ينهكم الله عن الذين قاتلوكم في الدين وأخرجوكم من ديركم وظهروا على اخراجكم أن تولوهم ومن يتولهم فأولئك هم الظلمون)
والي بيقتل بدون سبب مابيمثل الدين بنوب:jakoush:ولا فيه حدا يعاقب بخطأ غيره ولا بجريمة غيرة كمان:jakoush:

لكن أخي عندي أسئلة ..سئلتها مرتين ولم يجب عليها أحد..ممكن ترد علي؟؟
ماتفسيرك لسجن الباستيل من يمثله؟ومن كان المتضرر ومن المستفيد؟
ماتفسيرك لسجن جوانتانومو؟من يمثله ومن هو المستهدف؟
ماتفسيرك لسجن أبوغريب؟من المسؤل عنه؟ومن المتضرر؟
ماتفسيرك للمجازر في جنين ومايحدث لإخواننا الفلسطينين؟
ماتفسيرك لمايحدث في أفغانستان والسجون التي فيها؟من المتضرر الشعب المسكين....
ام طالبان؟
ماتفسيرك لما حدث لسكان أمريكا الأصليين الهنود الحمر؟ومن أبادهم؟وما الهدف؟
ماتفسيرك لماحدث في اليابان أيام الحرب العالمية(قنبلة هيروشيما)؟ومن الذي تضرر؟
ماتفسيرك لما حدث في البوسنة والهرسك؟ولمن كانت المصلحة من الحرب؟ومن الذي تضرر؟
أشياء كثيرة تحدث ولكن ماتفسيرها؟
مع أن هذه الفئة التي تتحدث عنها لاتمثل الإسلام ولا المسلمين كما كرر عليك مرارا" ...
ماالذي دفعهم لذلك؟
واذا بدك تقول لي لا بيمثل الاسلام والمسلمين...فبأقولك اذا الي سألتك بيمثل الدين المسيحية؟
وهذا بيصير ظلم؟؟؟:jakoush:

من مؤسس الإرهاب في العالم؟؟وإضطهد الناس وضيق عليهم... ثم بعد التأسيس رماها ونسبها للمسلمين ظلما" وعدوانا؟؟
وأنا لا أبررأخطاءهم ولا أدافع عن أحد منهم ومن الذي لايقشعر بدنه من مناظر القتل والتعذيب والتشويه؟؟الا شخص انتزع من قلبه كل معاني الإنسانية..و الإسلام برئ من ذلك تماما":jakoush:
وكفى إدعاء وتلفيقا" على الإسلام والمسلمين:jakoush:
شيه :? :?
والله ما عرفتك لوما قريت الإسم :lol:
طيب مدام بتعرف تناقش ليش مو من الأول هيك :aah:
على كل حال
رح ننسى الماضي ونفتح صفحة جديدة :سوريا:
بس إسمك ما عم أغضر أهضمو ;-)

YaSeR

10/05/2006, 20:12

وصولا إلى عبد الملك بن مروان يللي سطا ع كنيسة يوحنا المعمدان بدمشق محولا اياها إلى الجامع الاموي .. فخر المسلمين اجمعين

بس بدي صحح هي النقطه بدوون ما فوت بنقاش ديني

عندما تسلم الوليد بن عبد الملك ،الخلافة الاموية عام/705م/ ضم الكنيسة، الى الجامع، واعطى النصارى اقامة اربع كنائس في اماكن متفرقة من مدينة دمشق، واهمها كنيسة مار يوحنا المعمدان.

حبيت صحح الفكره بس

تحياتي الك

krimbow

10/05/2006, 20:38

بس بدي صحح هي النقطه بدوون ما فوت بنقاش ديني

عندما تسلم الوليد بن عبد الملك ،الخلافة الاموية عام/705م/ ضم الكنيسة، الى الجامع، واعطى النصارى اقامة اربع كنائس في اماكن متفرقة من مدينة دمشق، واهمها كنيسة مار يوحنا المعمدان.

حبيت صحح الفكره بس

تحياتي الك

تصحيح
الوليد بن عبد الملك هوي يللي استولى على كنيسة مار يوحنا بس القصة بلشت قبل هيك بكتير

خيو القصة بلشت كالتالي

فات المسلمين ع الشام من جهتين .. نص بالغصب و نص بالتراضي
قاموا قسموا الشام قسمين .. قسم بقي فيه كنايس و قسم سطوا فيه ع الكنايس و حولوها لمساجد
و كنيسة ماريوحنا قسموها نصف مسجد و نصف كنيسة و الآشية ماشية معدن
بعد شوي و على زمان عبد الملك ... بلشوا يضايقوا المسيحيين، يمنعوهم من رفع اصواتهم بالكنيسة بحجة انو بينزعجوا المسلمين و هيك
و استمرت الازعاجات لزمان الوليد يللي كسر "ميثاق عمر"
و غصب الاخير المسيحيين انو يقبلوا انو "يسترجعوا" كنيستين من كنايسهم و يبقي على كنيستين كان بدو يستولي عليهم مقابل كنيسة مار يوحنا

و الكلام يللي كتبتو فوق مكتوب بتاريخ الطبري بتقدر تراجعو

YaSeR

10/05/2006, 20:50

تصحيح
الوليد بن عبد الملك هوي يللي استولى على كنيسة مار يوحنا بس القصة بلشت قبل هيك بكتير

خيو القصة بلشت كالتالي

فات المسلمين ع الشام من جهتين .. نص بالغصب و نص بالتراضي
قاموا قسموا الشام قسمين .. قسم بقي فيه كنايس و قسم سطوا فيه ع الكنايس و حولوها لمساجد
و كنيسة ماريوحنا قسموها نصف مسجد و نصف كنيسة و الآشية ماشية معدن
بعد شوي و على زمان عبد الملك ... بلشوا يضايقوا المسيحيين، يمنعوهم من رفع اصواتهم بالكنيسة بحجة انو بينزعجوا المسلمين و هيك
و استمرت الازعاجات لزمان الوليد يللي كسر "ميثاق عمر"
و غصب الاخير المسيحيين انو يقبلوا انو "يسترجعوا" كنيستين من كنايسهم و يبقي على كنيستين كان بدو يستولي عليهم مقابل كنيسة مار يوحنا

و الكلام يللي كتبتو فوق مكتوب بتاريخ الطبري بتقدر تراجعو

اهاا ..هلا انا ما عندي فكره عن تفاصيل الموضوع
بس عكل حال يسلموو معلومات مفيده اول مره بعرفها

toocoolfriend

10/05/2006, 21:37

انا ما قريت كل الردود من وقت ما فليت (مش هربت متل ما قال الأخ النمر لأنو كومبيوتري كان خربان وواثق الخطوة يمشي ملكا) بس قريت رد للأخ كريم بهالصفحة عم يقول لأيمتى بدنا نقول انو هودي منهن غير فئة قليلة ولأيمتى بدنا نعتبر انهم ما بيعبرو عن غيرهم.

بخبرك شغلة
في شي اسمو الحروب الصليبية على بلاد الكفار المسلمين مؤلفة من 167 غزوة سميت باسم مسيحي وادعي أن أسبابها دينية مسيحية وشارك فيها أكثر من مليوني أوروبي مسيحي بأمر من الكنائس. ودخلت هذه القوات القدس واستباحت المساجد وارتكبت المجازر وكانت النتيجة أعداد هائلة من القتلى والجرحى والأيتام والأرامل وسرقة الثروات والمكاتب والآثار.

وبعد عام ألفين يشارك آلاف الجنود الأميركيين في ما أسماه رئيسهم جورج بوش الحرب الصليبية الجديدة في العراق وأفغانستان ويرتكبون الجرائم الوحشية التي يستحي منها المغول.

ومع هيدا وكلو نحنا قلنا ومنقول هودي مش المسيحيين ولا الدين المسيحي وهودي ناس ما بينتموا لأي دين لأنو الدين محبة وتعامل. وصدقني من كل قلبي بحلف بأعز شي عندي انو بتدايق لما يموت واحد مسيحي أو من أي دين كان بعمل مجرم باسم الاسلام بنفس درجة التدايق على المسلمين.

فبتمنى منك تكون معتدل لأنو أكيد مش ناقصك لا عقل ولا وعي لتعرف حقيقة اللي عم بصير.
تحياتي الك

محمد ابراهيم

10/05/2006, 21:52

انا ما قريت كل الردود من وقت ما فليت (مش هربت متل ما قال الأخ النمر لأنو كومبيوتري كان خربان وواثق الخطوة يمشي ملكا)

ما تاخد ببالك هو ما بيعرفك .
بس كل اللي بيعرفك بيعرف ان هاد مو اسلوبك .

بس قريت رد للأخ كريم بهالصفحة عم يقول لأيمتى بدنا نقول انو هودي منهن غير فئة قليلة ولأيمتى بدنا نعتبر انهم ما بيعبرو عن غيرهم.
سوف يكونوا كذلك الى ان يصبح كل المسلمين كذلك .(حكم مسبق)على الاخر .
عالعموم برجع بكرا بكمل بقية الحوار
فهالنقطه .
لاني حاسس ان في ظلم كبير
ومحاولة لتعميم اعمال وافكار اقذر عناصر(منتسبه للاسلام)واللي هي عددها محدود جدا
بالمقارنه باعداد المسلمين ...

Barleb

10/05/2006, 21:58

بخبرك شغلة
في شي اسمو الحروب الصليبية على بلاد الكفار المسلمين مؤلفة من 167 غزوة سميت باسم مسيحي وادعي أن أسبابها دينية مسيحية وشارك فيها أكثر من مليوني أوروبي مسيحي بأمر من الكنائس. ودخلت هذه القوات القدس واستباحت المساجد وارتكبت المجازر وكانت النتيجة أعداد هائلة من القتلى والجرحى والأيتام والأرامل وسرقة الثروات والمكاتب والآثار.

مو مشكلة أنا بخبرك شغلة كمان,
الحملة الصليبية كانت لتدمير الكنيسة الأرثذوكسية في المشرق ..
بس التغطية كانت على اساس أنو جاءت لتدمير المسلمين ...
بس مستغرب منك كيف ذكرت الحروب الصليبية و نسيت الفتوحات الأسلامية
اللي و من أنا صف أول بيقولونا الأسلام حررت الأندلس و حررت مصر و حررت بلاد الشام و وصلت الفتوحات الأسلامية للهند .. الغريب أنو ولا مرا ذكرو عدد القتلة بعد كل تحرير كان يقوم فيو العرب المسلمين ..
يعني أذا أخدو القدس بـلا مجازر .. بيكون مقابيلو وصلو للأندلس على حساب مئات الألاف من القتلى و الجرحى
هائلة من القتلى والجرحى والأيتام والأرامل وسرقة الثروات والمكاتب والآثار.
وبعد عام ألفين يشارك آلاف الجنود الأميركيين في ما أسماه رئيسهم جورج بوش الحرب الصليبية الجديدة في العراق وأفغانستان ويرتكبون الجرائم الوحشية التي يستحي منها المغول.

أولا هدول مو أميركان ... هدول مرتزقة ..
يعني جنود من كل أنحاء العالم ( بغض النظر عن جنسيتهم و دينهم )
خيو معلش .. أغلبهم مسيحية لا تزعل ..
بس ممكن تفهمني كيف دخلو الأميركان على العراق , لو ما الدول العربية ( البحرين قطر السعودية عمان ...) كان تواطئت مع الأميركان , ولحد الأن في أكتر من عشرين قاعدة أمريكية بـ الدول العربية
ولا لشو هيي موجودة هونيك .. يعني معقول تكون هنيك مشان حفظ الأمن ؟؟؟!!
[/quote]

سلام ....

toocoolfriend

10/05/2006, 22:12

هنـــادي

10/05/2006, 22:40

مرحبا يا شباب ..

يعني بصراحة انا لاحظت انكم طلعتو عن الموضوع كتييييير .. وكل واحد صار عم يرمي حكي من عندو .. واسمحولي بس في كتير منكم مو فهمانين وين الله حاططهم ..

يعني هلأ بالله اللي مو فهمان بالاسلام شي ليش ليحكي ؟؟ بس هيك مشان تقول انو انت موجود بعدك بالمنتدى ؟؟

يعني هلأ اللي قاعد عم يترجم القرآن على حسب مهو فهمان .. ما ياخيي انت ما فهمان اصلا .. يعني هلأ اللي مو مسلمين " بعضهم " شو عرفهم بالله هالآية متى نزلت .. وقبل ولا بعد ما كان الله أمر بالجهاد ؟؟ بس يكون واحد قرأ القرآن وتمعن بمعانيه وسأل وعرف شو القصد من كل آية وقتها يجي يحاكينا ..

ومشان شغلة انو بالقرآن مكتوب لازم نقتل الغير مسلمين .. اي بوقتها كنت لقيت كل مسلم ماشي بالشارع بإيدو سكين وعم يدبّح بالناس .. الشغلة بالعقل ما بتزبط !!

واللي عم يقول الله أجدب والله حمصي ؟؟ والله انت اللي حمصي و أجدب .. لانو الله عطاك العقل وما عرفت تستخدمو .. وشايفلي حالك انو مشرف يعني ما حدا بيقدر عليك .. لا الكل بيقدر عليك ولازم ينحذف ردك او تاخد تنبيه على اللي كتبتو .. لانو ما بصير هيك !!!

وفعلا في بعضكم يعني ما شاء الله عليهم .. عم يجادلوا بالمنطق وعم بيقولوا كلام معقول كتير .. بس المشكلة انو ما عرفوا مين يجادلوا .. عم يجادلوا ناس الهم عقل من حجر .. لسة بحاكوهم من الشرق بردولهم من الغرب .. بقلولهم كيفكم بردوا عليهم الجو مشمس اليوم .. يعني معلش تقبلوا الاختلاف بالرأي .. ولا تعملوا قمة عربية جديدة هون .. ما ناقصنا !!

اسمحولي لو كان ردي مو كتير منظم او في حكي مو منيح .. بس بقولوا الصراحة راحة .. وانا هيدي صراحتي وهاد اللي طلع مني .. فاسمحولي يعني ..

وبليز اللي مو فهمان شو عم يحكي يطلع من الحوار وحاجة يخربوا ..

وما في داعي عيد وزيد بحكي اللي سبقوني لانهم كفّوا ووفّوا والله .. وشرحوا كتير وعادوا كتير .. بس باقي بعض ناس تفتح عقولها وتبللش تفهم ..

سلاام .. هنادي

tiger

10/05/2006, 22:52

انا بحكيك عن الدولة الاسلامية بعصر النبي: النبي عقد معاهدات سلام مع اليهود ومع المشركين من قريش وما كان يحارب غير اللي بيعتدوا عليه وهيدا موثق.

أما الدولة الأموية والعباسية فلا تدل على الاسلام بشيء وشأنها شأن الحروب الصليبية.
واللي بدي قولو انو لا يحكم على الجماعة من خلال فئة معينة, لا يحكم على المسيحيين من خلال الحروب الصليبية ولا على المسلمين من خلال ابن لادن والزرقاوي.

اسمحلي من بعد اذنك استعمل آية من القرآن:
"قل يا أهل الكتاب تعالوا الى كلمة سواء بيننا وبينكم ألا نعبد الا الله ولا نشرك به شيئا"

هلا والله انبسطت لأنو انت رجعت..... اصلا أنا نكشتك بشان ترجع... النقاش ما ألو طعمة بدون متناقشين جيدين... ;-)
وبشان ردك يعني انت هون عجبتني وحكيت جواهر يا عزيزي بس أنا صارلي يومين وعم أعطيكون أجوبة بس كأنوا ما عم تقروا منيح أو ما عم تركزوا ...(انت كنت غايب... بعرف)...
أنا ياللي كنت عم أحكي عليه هو مو تغيير الدين الاسلامي لأنو انا كمسيحي لا يحق لي و لا يهمني غير ديني بس والله نحن عانينا كتير بهالمنطقة لذلك انا عرضتلكون نتائج لآيات استعملت لارتكاب مجازر وكل ياللي طلبتوا انو انتو كشباب أسلام تقوموا بحملة توعية بشان هال شي.... أنا بعرف انو انتو مثقفين وما ممكن تعملوا هيك شي بس كمان أنا متأكد انو انتو قابلتوا وشفتوا ناس بتأمن بهالطريقة وهون بيبلش دوركون .....
وبالنسبة للحروب الصليبية انت بتعرف انو ما في ولا آية في الأنجيل تؤيد الحرب وصارت الحرب بناء على مطامع استعمارية معروفة للكل ...

tiger

10/05/2006, 23:28

وبعدين مافيه حدا بيقتل بدون سبب؟؟
(لاينهكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا اليهم ان الله يحب المقسطين انما ينهكم الله عن الذين قاتلوكم في الدين وأخرجوكم من ديركم وظهروا على اخراجكم أن تولوهم ومن يتولهم فأولئك هم الظلمون)
والي بيقتل بدون سبب مابيمثل الدين بنوب:jakoush:ولا فيه حدا يعاقب بخطأ غيره ولا بجريمة غيرة كمان:jakoush:

لكن أخي عندي أسئلة ..سئلتها مرتين ولم يجب عليها أحد..ممكن ترد علي؟؟
ماتفسيرك لسجن الباستيل من يمثله؟ومن كان المتضرر ومن المستفيد؟
ماتفسيرك لسجن جوانتانومو؟من يمثله ومن هو المستهدف؟
ماتفسيرك لسجن أبوغريب؟من المسؤل عنه؟ومن المتضرر؟
ماتفسيرك للمجازر في جنين ومايحدث لإخواننا الفلسطينين؟
ماتفسيرك لمايحدث في أفغانستان والسجون التي فيها؟من المتضرر الشعب المسكين....
ام طالبان؟
ماتفسيرك لما حدث لسكان أمريكا الأصليين الهنود الحمر؟ومن أبادهم؟وما الهدف؟
ماتفسيرك لماحدث في اليابان أيام الحرب العالمية(قنبلة هيروشيما)؟ومن الذي تضرر؟
ماتفسيرك لما حدث في البوسنة والهرسك؟ولمن كانت المصلحة من الحرب؟ومن الذي تضرر؟
أشياء كثيرة تحدث ولكن ماتفسيرها؟

والله جاوبتك :shock: :shock: :? :?
برجع بعدلك هية : اولا عزيزي لايمتى رح نضل نحكي و نعيد انو اوروبا و اميركا مو دول مسيحية!!!! يعني والله ملينا من هل قصة !!! :jakoush: :jakoush:
الدول الاوروبية تركت الدين المسيحي من 150 سنة تقريبا و هم بيعترفوا فقط بالعلمانية الديمقراطية والا شلون صاروا مدابح1,500,000 من الارمن و السريان عام 1914 على يد الاكراد و الاتراك بالرغم من انو دولة تركيا كانت متحالفة مع الالمان (المسيحيين !!! ) بهداك الوقت !!!??? :confo: :confo: :dunno:
وعليه ياللي ذكرتون من اميركان وغيرو .. هم مستعمرين انا ما برضى انو يضللوا ببلادنا .... والتاريخ مليان بشهداء مسيحيين ... وهذا شي انت بتعرفوا على ما أظن

javarmouna

10/05/2006, 23:44

يعني انا بصراحة مستغرب ليش الى الأن مااتسكر هذا الموضوع التافه اللي ما لو معنى

هنـــادي

10/05/2006, 23:56

javarmouna

والله معك حق .. الموضوع اخد اكتر من حقو برأيي .. ولازم يتسكر ..
بس لانو " المشرف " عاجبتو الشغلة ومبسوط بالفلسفة اللي بالموضوع !!

javarmouna

11/05/2006, 09:40

يا جماعة 14 صفحة على هذا الموضوع ؟؟؟:shock:
والله الأمر واضح وضوح الشمس حتى عيب انو نحكي فيه
يعني جميع الأديان الباطنية منها والسماوية الثلاثة مضمونها واحد
محاربة الشر وفعل الخير, مهما كان الدين فهذا هو المضمون الأساسي
فما بالك بدين سماوي عظيم مثل الدين الأسلامي
يا جماعة ياللي تتهجموا على الدين الأسلامي..... معقول دين يأمر بقتل انسان لأنه معتنق دين مغاير؟؟
كام مرة بدي اعيد الأيات الكريمة (لا اكراه في الدين), (لكم دينكم ولي دين), كما الرسول محمد عليه الصلاة والسلام من اخر وصاياه لأهل الذمة يعني اليهود والنصارى.
حكمتو على الدين الأسلامي لمجرد تصرف همجي نابع من شخص مريض نفسيا
في البعض منكم يقول انه يوجد ايات كريمة تأمر بقتال المشركين من اليهود والنصارى(المسيحيين)
اقول نعم توجد ايات كريمة تأمر بذلك ولكن ليس كل اليهود والنصارى
فقط من يرفع السلاح ويقاتلنا, في هذه الحالة نحن مجبرين على مقاتلته .

javarmouna

11/05/2006, 09:53

يعني هلأ بالله اللي مو فهمان بالاسلام شي ليش ليحكي ؟؟ بس هيك مشان تقول انو انت موجود بعدك بالمنتدى ؟؟
يا ستي هي صارت عادة وخاصة اذا كان حوار حساس ديني كل واحد مو فهمان شي صار بدو يشارك

ومشان شغلة انو بالقرآن مكتوب لازم نقتل الغير مسلمين .. اي بوقتها كنت لقيت كل مسلم ماشي بالشارع بإيدو سكين وعم يدبّح بالناس .. الشغلة بالعقل ما بتزبط !!

والله هم عارفيين ولكن تعرف المقولة التي تقول ( ناقش لكي تناقش)؟
واللي عم يقول الله أجدب والله حمصي ؟؟
اما موضوع الكفر والتعدي على الله فهي شغلة بدك تشوفيها جدا عادية, ما شاء الله في عدنان شباب في هلمنتدى عنهم دكتوراة في الكفر من جامعات اكسفورد والله انت اللي حمصي و أجدب :سوريا: عطاك [quote]وشايفلي حالك انو مشرف يعني ما حدا بيقدر عليك [/QUOTE
والمشكلة احيانا يكون المشرف غير حيادي ابدا وبالعكس يزيد الطين بلة
عم يجادلوا ناس الهم عقل من حجر .. لسة بحاكوهم من الشرق بردولهم من الغرب .. !!
متل ما قلت لك (ناقش لتناقش)

اسمحولي لو كان ردي مو كتير منظم او في حكي مو منيح وانا

بالعكس ردك حلو ومنظم وكلو منطق واكابرية

ma7aba

11/05/2006, 11:22

في البعض منكم يقول انه يوجد ايات كريمة تأمر بقتال المشركين من اليهود والنصارى(المسيحيين)
اقول نعم توجد ايات كريمة تأمر بذلك ولكن ليس كل اليهود والنصارى
فقط من يرفع السلاح ويقاتلنا, في هذه الحالة نحن مجبرين على مقاتلته .
يبدوا أنك مو مطلع على القرآن منيح بحب قلكالقرآن قلاب أوجه يعني وقت كان الإسلام ضعيف هادن المسيحية واليهود ووقت قوية شوكتوا هاجمهن
يعني بحب ذكرك بهل الآية بلكي نسيانها انت والشباب الطيبة البقيانة
قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّى يُعْطُوا الْجِزْيَةَ عَنْ يَدٍ وَهُمْ صَاغِرُونَ

نحن لا نؤمن بالدين الحق الذي تعتبرونه انتم هو الإسلام ونحن اهل الكتاب ونحن لا نحرم ماحرم الرسول هذه آية صريحة بمقاتلتنا أو ندفع الجزية ونحن مذلولون
ومن شان تتأكد من التفاسير معليش هذا هو الرابط
قَاتِلُوا الَّذِينَ لَا يُؤْمِنُونَ بِاَللَّهِ وَلَا بِالْيَوْمِ الْآخِر" وَإِلَّا لَآمَنُوا بِالنَّبِيِّ صَلَّى اللَّه عَلَيْهِ وَسَلَّمَ "وَلَا يُحَرِّمُونَ مَا حَرَّمَ اللَّه وَرَسُوله" كَالْخَمْرِ "وَلَا يَدِينُونَ دِين الْحَقّ" الثَّابِت النَّاسِخ لِغَيْرِهِ مِنْ الْأَدْيَان وَهُوَ دِين الْإِسْلَام "مِنْ" بَيَان لِلَّذِينَ "الَّذِينَ أُوتُوا الْكِتَاب" أَيْ الْيَهُود وَالنَّصَارَى "حَتَّى يُعْطُوا الْجِزْيَة" الْخَرَاج الْمَضْرُوب عَلَيْهِمْ كُلّ عَام "عَنْ يَد" حَال أَيْ مُنْقَادِينَ أَوْ بِأَيْدِيهِمْ لَا يُوَكَّلُونَ بِهَا "وَهُمْ صَاغِرُونَ" أَذِلَّاء مُنْقَادُونَ لِحُكْمِ الْإِسْلَام
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
فمعليش صحح معلوماتك

toocoolfriend

12/05/2006, 13:31

يا أخي يا محبة سبق وفسرنا الآية بتمنى تراجع
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

toocoolfriend

12/05/2006, 13:34

هلا والله انبسطت لأنو انت رجعت..... اصلا أنا نكشتك بشان ترجع... النقاش ما ألو طعمة بدون متناقشين جيدين... ;-)
وبشان ردك يعني انت هون عجبتني وحكيت جواهر يا عزيزي بس أنا صارلي يومين وعم أعطيكون أجوبة بس كأنوا ما عم تقروا منيح أو ما عم تركزوا ...(انت كنت غايب... بعرف)...
أنا ياللي كنت عم أحكي عليه هو مو تغيير الدين الاسلامي لأنو انا كمسيحي لا يحق لي و لا يهمني غير ديني بس والله نحن عانينا كتير بهالمنطقة لذلك انا عرضتلكون نتائج لآيات استعملت لارتكاب مجازر وكل ياللي طلبتوا انو انتو كشباب أسلام تقوموا بحملة توعية بشان هال شي.... أنا بعرف انو انتو مثقفين وما ممكن تعملوا هيك شي بس كمان أنا متأكد انو انتو قابلتوا وشفتوا ناس بتأمن بهالطريقة وهون بيبلش دوركون .....
وبالنسبة للحروب الصليبية انت بتعرف انو ما في ولا آية في الأنجيل تؤيد الحرب وصارت الحرب بناء على مطامع استعمارية معروفة للكل ...
على راسي وهيدا هوي الكلام الدقيق والأكتر من دقيق
يعني يا ريت الكل بيتبنى وجهة نظرك لأنو فعلا -ومن غير مجاملة- فيها من الوعي اللي لو كلنا تحلينا في منوصل لأفضل نتائج.

ammar_d

12/05/2006, 18:38

يعني جميع الأديان الباطنية منها والسماوية الثلاثة مضمونها واحد
محاربة الشر وفعل الخير, مهما كان الدين فهذا هو المضمون الأساسي
فما بالك بدين سماوي عظيم مثل الدين الأسلامي

هون بلشنا نحشش!!!:? :?

وبعدين هاي الثلاثة بتروح بتضحك فيا على ولادك:lol:
فرجيني دين واحد بيعترف بالاسلام على انو دين سماوي.
لاتعزب حالك...ما حدا عترف ولا حدا رح يعترف بان الاسلام دين سماوي
يعني انتو متل اللي كزب كزبة وسدقها.:p

كسار الروس

12/05/2006, 18:44

هون بلشنا نحشش!!!:? :?

وبعدين هاي الثلاثة بتروح بتضحك فيا على ولادك:lol:
فرجيني دين واحد بيعترف بالاسلام على انو دين سماوي.
لاتعزب حالك...ما حدا عترف ولا حدا رح يعترف بان الاسلام دين سماوي
يعني انتو متل اللي كزب كزبة وسدقها.:p
أخ عمار يا ريت بلا هالإستفزازات اللي مالا طعمة :pos: قناعاتك هاي بتناقشها بغير مكان
و بتمنى ما حدا يرد على هالكلام :سوريا:

javarmouna

12/05/2006, 21:06

أخ عمار يا ريت بلا هالإستفزازات اللي مالا طعمة :pos: قناعاتك هاي بتناقشها بغير مكان
و بتمنى ما حدا يرد على هالكلام :سوريا:
والله هذا الكلام استفزازي جدا,
بس تقديرا لكلامك وكرمالك ما بدي ارد على هذا الكلام التافه

ملك الهكرز

12/05/2006, 21:50

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مروان السعيد

12/05/2006, 22:10

محمد ابراهيم

12/05/2006, 22:15

السلام على من اتبع الهدى
اما بعد

فمن رفض ينذر بالحرب

ونهايه ادعو كل من يقرا كلامى ان يدعو الله الواحد الاحد ان يهديه الى الطريق المستقيم
وعليكم السلام ورحمة الله وبركاته
امين

المهم
من رفض ماذا ؟؟؟؟؟

krimbow

12/05/2006, 22:35

السلام على من اتبع الهدى
اما بعد
امر القران بالدعوه الى عباده الله الواحد الاحد الذى لم يلد ولم يولد
وامر المسلمون بدعوه الناس كافه للدخول فى هذا الدين ومناقشتهم بالحسنى
فمن قبل الدخول فى الدين فقد اهتدى ومن رفض فوجبت عليه الجزيه ان كان يعيش فى دوله اسلاميه.
فمن رفض ينذر بالحرب
ولا يقتل ولا يستحل دمه ولا عرضه ولا ماله ابدا الامن بعد انذاره
والذى يقوم بذلك هو ولى الامر وليس الافراد
اما الذى قام بقتل النصارى على باب الكنيسه فلا اعتقد انه عاقل ولا ينفذ تعليمات دينيه
فالتعليمات الدينيه تامر بحسن المعامله والدعوه الى الله بالحكمه والموعظه الحسنه
ونهايه ادعو كل من يقرا كلامى ان يدعو الله الواحد الاحد ان يهديه الى الطريق المستقيم

أول شي انو فايت عم تسلم على يللي اتبع الهدى .. اما الكفرة امثالي فعمرهم ما يتسلم عليهم... بكل الاحوال، الواحد بيعمل باصلو، مشان هيك بحييك و بقللك... سالوت

تاني شي .. انو بفهم من كلامك انو لو انا عايش بدولة مسلمة، فانت بتناقشني بالحسنى لتقنعني بدين الاسلام، و ازا ما اقتنعت بتحاربني و بتلعن سلافي، بس بتلعن سلافي بعد ما تأنذرني (كحلوها الشباب).. طيب و شو مشان "يهدي من يشاء" ؟؟؟؟
و شو مشان "لكم دينكم و لي دين" ؟؟؟؟؟

يا اخي الله ما بدو يهديني للدين تبعك... شو بتعمل بهالحالة ؟؟؟؟

لأ و بيزعلوا مني الشباب لأنو تساءلت ازا الله اهبل او لأ

خود بقا حلوها ازا بتنحل

امرهم يدعوا لدينهم، و يقاتلوا يللي ما بيقتنع، و بالاخير بيسفقوني "يهدي من يشاء"

كرمال العفاريت خلوا هالرب يرسالو على بر ... بدو يهدي من يشاء و اللا بدو يلعن سلاف يللي ما بيهتدي ؟؟؟؟؟

تالتا و اخيرا

دعوتك الكريمة من جهتي ... غير مستجابة، و جزية ماني دافع
تعا قوصني

toocoolfriend

12/05/2006, 22:42

بلشت الردود تصير تحريفية وأكتر من سخيفة وتافهة
الظاهر كنت مخدوع ببعض ناس

krimbow

12/05/2006, 22:58

بلشت الردود تصير تحريفية وأكتر من سخيفة وتافهة
الظاهر كنت مخدوع ببعض ناس

شكرا توكولفريند

خيو ... حبيبي...

الفكرة و ما فيها انو انشالله اعبد القرود، متل ما قبلان فيك و معترف بوجودك، لازم تقبل فيني و تعترف بوجودي
يا رجل تخيل انو من كم يوم في شخص هون بالمنبر من المسلمين اقنعني اني اشرك، و حاليا انا عم لملم ارباب، (بالمناسبة ازا حدا عندو شي رب للبيع فنحنا مندفع كاش)
طيب انت بشو انزعجت ؟؟؟ يعني هيك بدي، و حسب معتقدات المسلمين.. هيك الله بدو .. ما بدو يهديني، شو بضربو ليهديني ؟؟؟؟ لك هاد الله .. مو حايلله

بس لما بقرا رد فيو واحد كاتب انو بدو يحاربني و يسبيني و يعمل السبعة و زمتها فيني لأنو "ما اتبعت الهدى" و سنحت "الصراط المستقيم" و اتخذت بدالو اوتستراد المزة، فبدك تسمع مني هيك ردود

انا موجود، و الكفرة موجودين، و المسيحيين كذلك، و كذلك العلويين، و الدروز و الاسماعيليين .. الخ الخ الخ
و معهم المسلمين من سنة و شيعة

هلأ المطلوب انو تتعايش معي، و اتعايش معك، و نعامل بعضنا كما يليق بمعاملة الانسان للانسان، تحترم كل حقوقي بالوجود و الحياة و العيش الكريم و الاعتقاد و الاعتناق و ابداء الرأي، و احترم كل حقوقك بالوجود و الحياة و العيش .. (نفس الكليشة)

يللي عجبو هالحكي، اهلا و سهلا فيه بالانسانية
يللي ما عجبو هالحكي، فمكانو غوانتانامو، و ابو غريب، و سجن تدمر

toocoolfriend

12/05/2006, 23:12

يا أخي يا كريم أنا متعايش معك ومعترف فيك وعلى راسي كلكن

بس انو معقول انتا استوعبت من الآية أمر بمقاتلة الجميع. عم بقولولك اللي ما بيدفعوا الجزية والأمر واضح جدا

بعدين اسمحلي لنفترض انو القرآن مؤلف. بس اللي ألفو مش هلقد غبي حتى يحط مرة قاتلوهن ومرة عيشو معن وحبوهن وهني أقرب الناس اليكن. وما بعرف اذا انت قاري بالقرآن بتعرف انو مش بهالغباوة.

وبالنسبة ليهدي من يشاء ويضل من يشاء: يهدي من يشاء أن يهتدي ويضل من يشاء أن يضل. يعني ولد بالتالت ابتدائي بفسرها.

فعلا أنا بنزعج لما يهلكوا ايديي أنا وعم بكتب آيات وأدلة على انو الاسلام أمرنا بمعايشة الجميع ويطلعلي حدا عم بفسر آية عزوفو ليقول انو نحنا مأمورين بقتال الجميع.

بعدين هالدين اللي كان في قوانين لكل شي ابتداء من الدولة الى الفرد مش رح يكون هلقد صطلة ليأمرنا بمقاتلة الجميع لأنو ما في عاقل بصدق انو ممكن فئة تحارب كل العالم وتربح.

وتحياتي الك