-
دخول

عرض كامل الموضوع : نعوات سورية...ميشيل كيلو...

صفحات : [1] 2
سرسورة
18/05/2006, 17:15
تلفت نظري في اللاذقية، مدينة آبائي وأجدادي، أوراق النعي، التي تنتشر بكثافة علي حيطان البلد، كما يسميها أبناؤها. وفي حين تكون أوراق النعي المدينية مرتبة ومطبوعة وفق نموذج محدد، تتسم أوراق نعي الريفيين بعدم الترتيب، وبكثير من الفوضي في توزيع مكوناتها وفي نوع حروف الطباعة الخشنة المستعملة فيها، والورق الأقرب إلي الأصفر الذي تطبع عليه.

غير أن ظاهرة مهمة لطالما لفتت نظري وأنا اخترق شوارع مدينتي، هي أن أبناء الريف يكونون في أغلب الأحيان من العسكريين، بينما تربط أبناء المدينة علاقة بعيدة وواهية بالجيش، حتي ليندر أن تلمس وجود عسكري ما في أوراق النعي الخاصة بهم، بينما تكاد أوراق النعي الريفية تخلو، من جانبها، من وجود أي مدني، إلا في ما يتصل في الحالتين بالمسنين، الذين كان عمرهم يوم الثامن من آذار/مارس ثلاثين أو أربعين عاما، فلم ينخرطوا في سلك العسكر!

ومع أن كلتا ورقتي النعي تبدأ بالآية الكريمة، التي تتحدث عن النفس المطمئنة العائدة إلي ربها راضية مرضية، فأنهما تفترقان في كل شيء بعد المقدمة، ليعكس افتراقهما افتراق ظروف واقع وحياة أبناء الريف، الذين يعيش معظمهم علي ريع السلطة وخاصة العسكري منه، وواقع أبناء المدينة، الذين هم غالبا أصحاب حرف أو أعمال حرة أو موظفون متوسطون وصغار، ويظهر، كما لو أنه وثيقة رسمية، طبائع الأمور في بلد تستقطب سلطته أبناء الريف في الجيش والأمن خاصة، وتمنحهم وظائف ومراكز قيادية في دوائرها ومرافقها الرسمية، وتشجعهم علي الانخراط في الجندية وما يتفرع عنها من دوائر وأجهزة، في حين يعتمد أبناء المدينة علي أنفسهم ومواردهم الخاصة غالبا، حتي ليعتقد المرء أنهم يعيشون خارج أية علاقة مع أي شيء رسمي أو سلطوي، ويستغرب كيف تمكنوا من البقاء علي هامش وخارج سلطة تمسك بكل شيء وتقرر كل شيء في بلدهم، وكيف حققوا التقدم المادي الذي بلغوه، مع أنهم يعيشون خارج عالمها الرسمي: الذي هو موزع الأرزاق الرئيسي علي الريفيين.

لوعدنا إلي أوراق النعي، لوجدنا أنها تلقي الضوء علي حقائق التوزيع الطبقي والسياسي لمدينة طالما تعايش فيها بسلام وتفاعل أخوي أبناء الأديان والمذاهب والطوائف المختلفة، وكذلك المنتسبون إلي إثنيات متباينة، يقينا لو أنني وجدت قبل أربعين عاما في نفسي الجرأة للحديث عن طوائف، لرجمني أبناء المدينة والريف. أما اليوم، ومع أن الطوائف ضرب من بنية تحتية للوعي العام في سورية، فإن أحدا لا يجرؤ علي الحديث عنها، ليس لاعتقاد الناس أنها غير موجودة، بل خوفا من سلطة تدعي أنها أقامت وحدة وطنية صهرت الشعب في بوتقة ألغت جميع أنواع الفروق العقائدية والإثنية، وجعلت أي حديث عن طوائف خيانة وطنية مثبتة تستحق العقاب.

تقول ورقة النعي الريفية، بعد الآية الكريمة، إن الفقيد هو العقيد أو العميد أو المقدم فلان الفلاني، وأن أبناءه هم ـ بحسب رتبته ـ المقدم أو الرائد أو النقيب أو الملازم أول نضال أو ثائر أو كفاح أو رفيق أو خليل أو إبراهيم أو إسماعيل أو حسن أو علي... الخ، وأصهاره أزواج بناته ثورة أو ثائرة أو نضال أو رفيقة أو أمل أو شروق هم المقدم المهندس أو الرائد الطبيب أو الملازم الأول الإلكتروني أو المستشار الفني أو المزارع... الخ. بينما ستجد بين اخوته مدرسا أو معلما أو عضو قيادة شعبة في الحزب أو محاميا أو قاضيا أو مهاجرا، دون أن يبطل ذلك الطابع العسكري الغالب علي الأجيال الجديدة من أسرته أو علي من يمتون إليها بصلة. فاتني القول: إن ورقة النعي تخبرنا أن الصلاة علي روح الفقيد ستتم في جامع القرية، وان العزاء فيه سيقبل يوم كذا وكذا في بيته الريفي، مع أنه ربما يكون ولد في المدينة ومات فيها، ولم يمض أو يعمل غير أيام قليلة في الضيعة.

إذا انتقلنا إلي أوراق النعي المدينية، وجدنا كلمات تتكرر في كل منها هي الحاج أو الشيخ أو التاجر أو المهندس أو الطبيب أو الأستاذ... الخ، تعلمنا أن هؤلاء من رجال البر والتقوي والخير والإحسان، في حين تعكس أسماؤهم بدورها نزعة دينية سادت خلال السنوات الأربعين الماضية لدي معظم أبناء المدينة، فالمتوفي هو محمد جمعة أو محمد غالب أو محمد سالم ـ أو أي شيء من هذا القبيل ـ وأبناؤه هم بالتأكيد محمد مصطفي، ومحمد عبد الله، ومحمد نديم، ومحمد رجاء، ومحمد واصل، ومحمد حسيب، ومحمد طه، ومحمد خالد، ومحمد عمر... الخ، بينما يوجد دوما اسم فاطمة وخديجة وزهراء وعائشة ومؤمنة وتقية وسميه وآمنة وآية بين أسماء بناته وقريباته، وعبد الستار وعبد الله وعبد الغفور وعبد الرحمن بين أسماء أصهاره واخوته وأبناء أعمامه وأخواله، مشفوعة علي الغالب بصفة الحاج أو الشيخ أو البار أو التقي.

ما أن تقرأ أوراق النعي، حتي تكتشف أنك لست فقط حيال رجال فارقوا الحياة الدنيا، بل كذلك أمام وضع اجتماعي/ سياسي/ ثقافي وطني، بالأحري لا وطني، تفضح الأوراق حقائقه المؤسفة والخطيرة، التي تكونت خلال السنوات التي قالت السلطة فيها إنها تبني عالما من المساواة والإخاء والحرية والمواطنة، وتمحو الفوارق بين الريف والمدينة. عندئذ، ستهز رأسك بأسي، وستخشي ما تشي الأوراق به من مصير بائس ينتظر وطنك، وستترحم علي نفسك، خاصة حين تبحث عبثا في أوراق النعي عن شيء يشي بوجود زواج أو قرابة بين المدينة وريفها، وبين محمد علي وعلي محمد، فلا تعثر علي أثر لأي منهما، رغم أن صورا وملصقات ويافطات كثيرة تنتشر علي جدران المدينة وفي شوارعها تخبرك أنك تعيش في سورية الحديثة ، وأنك تجسد الوطن، لأن الفروق بينك وبين بقية مواطنيك لم تعد موجودة، تحت أي شكل أو مسمي!


هذا الحال، بدأ يتغير في السنوات الأخيرة، حيث تشكلت في المدينة لجان تعني بالعمل الوطني الديمقراطي، انتسب إليها طوعيا ولأغراض بعيدة كل البعد عن أي غنم شخصي، جامعيون ومحامون وعمال ومدرسون وتجار وفلاحون وطلبة... الخ من جميع الاتجاهات السياسية والأديان، جعلوا همهم وصل من انقطع من لحمة بين المواطنين، علي أرضية المواطنة، التي تكفل لهم المساواة والحرية. وذلك بصيص الضوء الوحيد في عتمة الواقع المقيت، الذي جعل مدينة عرفت 56 صحيفة ومجلة ومنتدي بين عامي 1925 و1958 لا تعرف اليوم غير جريدة فقيرة توزع 500 نسخة بشق الأنفس، وتخلو من أي منتدي للحوار أو أية ساحة للتنفس الفكري والروحي والوطني، صار من الضروري جدا أن يقبل رجالها ونساؤها العزاء بعلي محمد في جامع العجان وسط المدينة، ومحمد علي في جامع القرداحة!

منقول.....
سرسورة
18/05/2006, 17:17
ما حبيتا منو لميشيل كيلو......ما بعرف...شو رأيكون؟
fady juventus
18/05/2006, 18:52
ما حبيتا منو لميشيل كيلو......ما بعرف...شو رأيكون؟

بالعكس شي حلو ...
شو اللي ما عجبك بالظبط ؟؟!!
فينيقي سوري
18/05/2006, 20:19
شي غريب ... يعني مدري شو صار بهالزلمة ..... ما كان هيك
يللي بشوف مقالاتو الاخيرة بيتفا جأ كتير ....

كان حكيو كلو طائفي وكان عم يحاول يصدر طائفية لبنان لسوريا .. وعم بيحاول يخلق تفرقة بين الشعب السوري من جهة ... واللبناني والسوري من جهة تانية.. عبر تحميل سوريا كل شي صار بلبنان ..ونسي أنو ياللي أساؤا للعلاقات هنون نفسون الحاكمين هلا بلبنان



عفوا ميشيل كيلو .. نحنا بسوريا ما بدنا الطائفية يللي عم تصدرلنا ياها ...
نحنا بسوريا بدنا نضل شعب موحد ...
نحنا بسوريا أكبر من هيك ...
bmi
18/05/2006, 20:37
عفوا ميشيل كيلو .. نحنا بسوريا ما بدنا الطائفية يللي عم تصدرلنا ياها ...
نحنا بسوريا بدنا نضل شعب موحد ...
نحنا بسوريا أكبر من هيك ...

أكبر بكتير من التشوية اللي ذكر
zen
18/05/2006, 22:31
يعني بلا خجل
الله لا يردو
:jakoush: :jakoush: :jakoush:
حسون
18/05/2006, 23:15
معليش احكي رأيي
بعني مقالي ما لاحظت الها أي معنى سلبي أو ايجابي
يعني اذا اعتقل ميشيل كيلو منشان هالمقالي بهذا يدل على تفاهة السلطة
me2
19/05/2006, 14:59
معليش احكي رأيي
بعني مقالي ما لاحظت الها أي معنى سلبي أو ايجابي
يعني اذا اعتقل ميشيل كيلو منشان هالمقالي بهذا يدل على تفاهة السلطة


فيق حسون ... السلطة قالت أنو اعتقلتو منشان أعلان دمشق بيروت ...

مو يعني أنو أنا موافق يعتقلو منشان هدا المقال أو غيرو ...


برأيي أنو التخبط اللي بالبلد طايل الكل .. يعني الله يساعد الله يعين البياعي عل شرايين.
ري مي
19/05/2006, 15:15
فيق حسون ... السلطة قالت أنو اعتقلتو منشان أعلان دمشق بيروت ...

مو يعني أنو أنا موافق يعتقلو منشان هدا المقال أو غيرو ...


برأيي أنو التخبط اللي بالبلد طايل الكل .. يعني الله يساعد الله يعين البياعي عل شرايين.

أنت الصادق الشرايي ع البياعين لأن اللي عم يشتري هوي اللي اكلا
سرسورة
19/05/2006, 20:48
معليش احكي رأيي
بعني مقالي ما لاحظت الها أي معنى سلبي أو ايجابي
يعني اذا اعتقل ميشيل كيلو منشان هالمقالي بهذا يدل على تفاهة السلطة

هلأ المقالة لا هي و لا غيرا بتستاهل الاعتقال.....بس التهم الموجهة الو انو هو عم يضعف الشعور القومي و يعزز النعرات الطائفية و غيرا.........و هادا ما بيستاهل لانو هادا رأيو و هو بيضل اسمو سجين رأي بالنهاية...بس نحنا ما تعودنا على هيك مقالات منو....و خصوصي هالوقت....ما نا قصنا فوق مصايبنا يجي هوي و يجيب سيرة الطائفية.......بالعكس....
yass
19/05/2006, 21:52
يعني بلا خجل
الله لا يردو
:jakoush: :jakoush: :jakoush:

تسلم الله يخليك!!




هلأ ميشيل كيلو صار مثير نعرات طائفية؟ و الله حلوة هاي
Reemi
19/05/2006, 22:22
1- فتت عالموضوع لانو الاسم شدني..!
2- اضريت اقراه وخلي عيوني يروحو..كرمال انو سارة صاحبة الموضوع..!
3-لخلصت من القراءة ووصلت الرد الاول لسارة لعرفت انو لـ كيلو..!
4-انا مع الي قال انو بيعمل نعرات طائفية..خيو طول عمري بسوريا وبقرا بورقات النعوات..وليش عمري ما انتبهت عليي حضرتوا ذاكروا يعني...؟!؟!؟!

انا بقلكن..لانو مابيخطر ببالي الطائفية..بس الي بدو اياها بينكشها..!
krimbow
19/05/2006, 23:12
مرحبا شباب

شكرا سرسورة ع المقالة

في كم نقطة حابب حطهم على كم حرف

1- متل ما وضح اكتر من شخص مشكورا انو ابداء الرأي ما بيصير يكون سبب بسجن اي شخص

2- شخصيا ماني ضد نظرة الحاج "محمد ميشيل كيلو" عن الطائفية بالبلد، اي في طائفية و للعضم كمان
من شبه المستحيل انو محمد علي يلتقي بعلي محمد، احد اهم الاخبار بالمجتمع السوري هوي "دريت انو فلانة سابا تجوزت فلان الاحمد خطيفة؟"
من فترة قصيرة رحت لاتبرع بالدم، و انا ناطر دوري قللي احد المتبرعين همسا "بتعرف انو اغلب الادارة فوق ببنك الدم من جماعة .... (صالب سبابتينو على بعض و رسم شكل صليب، بما معناه انو ادارة بنك الدم اغلبها مسيحيين) و هالشي كان جاعزو لاخونا بالله و فاتحلو مرارتو ... ليش ؟؟؟ ما بعرف

بتحبوا عدلكم كمان عن مظاهر الطائفية ببلدنا الملحومة وطنيا ؟؟؟
اسماءنا طائفية
حاراتنا طائفية
علاقاتنا طائفية
مدارسنا طائفية
شللنا طائفية

و اوراق نعوتنا طائفية
لك كلنا ع بعضنا طائفية و طائفيك

3- المقالة بالمجمل لم تجانب الحقيقة، إلا ان الحاج "محمد ميشيل كيلو" صب جام حقدو الدفين على "طائفة العلويين" و شوه صورة اوراق نعواتهم، و من خلالها حياتهم كلها بطريقة استفزازية فعلا

فقد ذكر ان من سماهم بالريفيين و قاصدا العلويين تحديدا .. اغلبهم عسكريين، متناسيا ان اغلب الصياغ مسيحيين، و اغلب الميكانيسيانية بالبلد ارمن، و اغلب الصيادنة شوفيرية برادات، و اغلب سكان الحدود مهربين...
متناسيا اننا شعب يورث كل شيء .. بدون استثناء، الديون و الاملاك، العلم و الجهل، المهنة و البطالة... باختصار كل شيء

فعلا استغربت استنكارو لكون اغلب العلويين عسكر، ليش ايمت كان "المدنيين" عسكر ؟؟؟ ما كان في اشطر منهم بالهرب ايام السفربرلك، لليوم دعوة اي شخص للخدمة الالزامية بيعتبروه مصيبة كبرى، و بتنفتح المناحات بالشوارع و الساحات، بينما تسريح اي شخص عرس ما بعدو عرس

اما الموضوع الاستفزازي التاني بمقالة الحاج "محمد ميشيل كيلو" فكان عرضو لقائمة اهل المتوفى عند الطائفتين .. العلوية (أو الريفية) و المدنية
فبينما خفض و وضع من كون الشخص رائد او مقدم.. او حتى مهندس او دكتور او مربي اجيال، رفع من شأن كون اي شخص حاجا او تقيا او ورعا او ضراب السخن

ليش بالله ممكن حدا يفهمني كيف الحاج او التقي او الشيخ عم يفيد الوطن و المجتمع ؟؟؟؟
بشو ممكن يفيدني اي انسان ازا كان تقي او ورع ؟؟؟ تقي و ورع على حالو و لربو و بس

اما المهندس و الدكتور و الرائد و .. الخ، يللي بيفيدوا الوطن و المجتمع ... هدول صاروا كخا لضرورات تمسيح الجوخ عند الحاج "محمد ميشيل كيلو"

و لم يكتفي الحاج "محمد ميشيل كيلو" بقلب الموازين الاجتماعية لضرورات تمسيح الجوخ، بل تابع تمسيحه للجوخ من خلال تبرير تسمية اهل "المدنية" بما حمد و عبد، بوضع اجتماعي ساد المجتمع السوري خلال حقبة زمنية معينة، بينما لم يجد ذلك مبررا لأن يكون اسماء "الريفيين" ثائر و كفاح و ...الخ
بالله شلون ممكن هالحاج يبرر كون والدي اسمو طوني؟ و عمي اسمو جورج؟ و خالتي اسمها تيريز ؟؟؟
لك اصلا شلون عم يبرر لحالو انو اسمو الوسطاني ميشيل (صار وسطاني بعد ما اضاف اسم "محمد" بجدارة لاسمو الشخصي بعد مقالة تمسيح الجوخ)

اما ثالثة اثافي الحاج "محمد ميشيل كيلو" و اكتر الامور استفزازية هوي اعطاؤو لقب المدنية لفئة و حجبها عن فئة اخرى...
متناسيا ان "الريفيين" اياهم، خرج منهم "محمد الماغوط" (على الرغم من عدم كونو علوي .. إلا انه ريفي)، و "سعدالله ونوس"، و الشهيد "محمد فاضل"، و "سعيد مخلوف"، و الشهيد "كمال خير بيك" و ....ألخ الخ الخ

بالختام..
بحب خبر الحاج "محمد ميشيل كيلو" ان الرجال من يصنعون المدنية و ليست المدنية هي من تصنع الرجال
تماما كما الحصان يجر العربة و ليست العربة هي من تجر الحصان

و الله يفك اسرو و اسر شبابنا و جميع معتقلي الرأي بسوريا

و دمتم :7asheesh:
Reemi
19/05/2006, 23:31
3- المقالة بالمجمل لم تجانب الحقيقة، إلا ان الحاج "محمد ميشيل كيلو" صب جام حقدو الدفين على "طائفة العلويين" و شوه صورة اوراق نعواتهم، و من خلالها حياتهم كلها بطريقة استفزازية فعلا

فعلا استغربت استنكارو لكون اغلب العلويين عسكر، ليش ايمت كان "المدنيين" عسكر ؟؟؟ ما كان في اشطر منهم بالهرب ايام السفربرلك، لليوم دعوة اي شخص للخدمة الالزامية بيعتبروه مصيبة كبرى، و بتنفتح المناحات بالشوارع و الساحات، بينما تسريح اي شخص عرس ما بعدو عرس

ليش بالله ممكن حدا يفهمني كيف الحاج او التقي او الشيخ عم يفيد الوطن و المجتمع ؟؟؟؟
بشو ممكن يفيدني اي انسان ازا كان تقي او ورع ؟؟؟ تقي و ورع على حالو و لربو و بس

اما المهندس و الدكتور و الرائد و .. الخ، يللي بيفيدوا الوطن و المجتمع ... هدول صاروا كخا لضرورات تمسيح الجوخ عند الحاج "محمد ميشيل كيلو"

و دمتم :7asheesh:
حكي بعبي الراس....!

تحياتي خيو.:سوريا: ..!
zen
19/05/2006, 23:51
فيق حسون ... السلطة قالت أنو اعتقلتو منشان أعلان دمشق بيروت ...

مو يعني أنو أنا موافق يعتقلو منشان هدا المقال أو غيرو ...


برأيي أنو التخبط اللي بالبلد طايل الكل .. يعني الله يساعد الله يعين البياعي عل شرايين.
حسون
ما بيصير تشوف انت كلشي سلبي
لهلدرجة
يعني تصير تحكم على الغلط صح
لانو عملوا حدا بتكرهوا
انا ضد اعتقال الاشخاص مشان الرأي
بس ميشل كيلو
ما اعتقلوا مشان الراي
مشان اثارة التعرات الطايفية
وهاد شي أكيد وثابت
yass
19/05/2006, 23:53
هلأ يعني صار في طائفية بالبلد من ورا ميشيل كيلو؟؟ بحظي أنا عم انذهل من بعض الردود (مع احترامي الشديد لأصحابها) ...

وين الغلط بالمقالة؟ أنو حكى عن العلوية؟ أي و شو صار؟ هلأ اذا أنا قلت أنو نص الجيش علوية بكون طائفي؟ اذا حكيت أنو الطائفة معيار هام جدا بالنسبة لبعض المناصب بكون طائفي؟؟ لأ و ستين لأ...مو أنا الطائفي, اللي خلى الأمور بتصير هيك هو الطائفي..

أنا ما عندي شي ضد العلويين ولا ضد غيرهم, أساسا ما بنظر للطائفة أنا...بس الحكي عنهون مانو تابو بنوب, و هلأ عنجد عم استغرب كيف عم يتجرم شخص وطني وانسان رائع متل الأستاذ ميشيل كيلو بسبب هالمقال. ممكن المقال يعجبك أو لأ...تكون مع الأفكار أو ضدها...بس أنو تطالعولنا مؤمرات من ورا مقالة هاد شي كبير يا عالم
yass
19/05/2006, 23:57
مشان اثارة التعرات الطايفية
وهاد شي أكيد وثابت

زين أنت بتعرفو لميشيل كيلو شي؟ قريانلو شي؟ سمعانلو محاضرة أو نقاش أو دراسة؟؟

يلعن رب النعرات يا شيخ...ما حدا عمل نعرات غير ولاد الحرام اللي مسكوا البلد و لعنو سلسفيلها...من خمسين سنة كان وزير الأوقاف بسوريا مسيحي و ما حدا كان يحكي شي...هلأ البلد بالمقلوب و العالم مو طايقة حالها و واقفة عالدقرة و صار الحق ع ميشيل كيلو؟؟

بستاهل تنبيه على هالرد شي؟
zen
19/05/2006, 23:59
بتعرف كريم
كلامك خلاني
حس حالي عايش لوحدي بالبلد لانو انا ما حسيت بالي قلتلي عليه
وما بسمح لنفسي انحط بهيك موقف
يعني انا بعيش ما اي انسان شو ما كان
لا وبالعكس
بحب هالشي وبفتح\خر في
لدرجة انو صرت حس انو هالشي منتشر بكل البلد
ما بنكر انو بكل مكان وبلد في طايفية
بس مو لهلدرجة
يعني قد ما قلنا في طايفية بسوريا
ما بتوصل للدرجة الي وصل الها لبنان
والا كنا انتهينا من زمان
وسلمناها
بتعرف
انا شو بقول مرات
انو القمع او حتى القسر الو كان فوائد على الشعب السوري
انو خلانا نعيش سوا
مسيحين ومسلمين
يعني فيك تقول بالمزة 86مثلاً
أغلبها من الساحل وعلويين (وهي اول مرة بحكي بهالطريقة )
بس بحكم عيشتون هنيك
واختلاطون باهل المزة تكونت بينون علاقات
طبعا ما بخفي انو أحيانا بيصير مشاكل بس مو طايفية
بس المهم صار في علاقات بين السوريين من كل الطوايف
يعني انا اعز رفيق الي هو مثلا مسيحي
واذا صار حرب اهلية لا سمح الله بتتخيل انو رووح أقتلوا
ما بظن هالشي يصير!!!!
بعدين نحنا صار عنا درجة من وعي قسري انو ومنعرف لوين بتودي الحرب الاهلية
yass
20/05/2006, 00:03
انو القمع او حتى القسر الو كان فوائد على الشعب السوري
انو خلانا نعيش سوا


بالله عليك بتحكي جد؟؟
zen
20/05/2006, 00:04
ليك ياس
انا ضد اعتقال اي شخص مشان رائيو
بس ميشيل كيلو مدري شو صار بالاخر
والي تعقيب
انت تعال هلاء ع سوريا
شوي تانية فيك تقول انو منصير السعودية
صار تحول بشكل غريب ومفاجئ انا ما قدرت اتقبلوا
يعني بلش هالشي بعيد مولد النبي (ص)
ومستمر لهلاء
منو انهون سمحو للقبيسيات باعطاء دروس بالمساجد
ووووو
ما بعرف شو القصد من هالشي بس بظن انو خطة سياسية
لكسب وارضاء القسم الاكبر من السوريين
طبعا الاحصائيات بتقول انو اكتر 80%من السوريين سنة
وال18 %الباقين بيشكوا السوريين الباقين
ما بعرف اذا هالشي واقعي
بس انا مو مصدق
لانو عدي تحليل وتقسم لطوائف والاديان بسوريا
بيقول عكس هالشي
zen
20/05/2006, 00:06
بالله عليك بتحكي جد؟؟
شبك
لك خيو اعتبرها فائدة سلبية
يعني راح قللك
نحنا الكل بسوريا منعرف
انو كلشي الا الدين والسياسة
وما قصدي بالفائدة
الفائدة الي انت فهمتها
:سوريا: :سوريا: :سوريا:
yass
20/05/2006, 00:06
ليك ياس
انا ضد اعتقال اي شخص مشان رائيو
بس ميشيل كيلو مدري شو صار بالاخر
والي تعقيب
انت تعال هلاء ع سوريا
شوي تانية فيك تقول انو منصير السعودية
صار تحول بشكل غريب ومفاجئ انا ما قدرت اتقبلوا
يعني بلش هالشي بعيد مولد النبي (ص)
ومستمر لهلاء
منو انهون سمحو للقبيسيات باعطاء دروس بالمساجد
ووووو
ما بعرف شو القصد من هالشي بس بظن انو خطة سياسية
لكسب وارضاء القسم الاكبر من السوريين
طبعا الاحصائيات بتقول انو اكتر 80%من السوريين سنة
وال18 %الباقين بيشكوا السوريين الباقين
ما بعرف اذا هالشي واقعي
بس انا مو مصدق
لانو عدي تحليل وتقسم لطوائف والاديان بسوريا
بيقول عكس هالشي



و برجع اسأل... الحق ع ميشيل كيلو؟
zen
20/05/2006, 00:07
لا مو ع ميشيل كيلو
انا قلت انو الي تعقيب
ومو قصدي ميشيل كيلو
بس ميشيل كيلوا بالاخر غلط
ةبالذات بالمقال الي اشار الو كريم
yass
20/05/2006, 00:11
شبك
لك خيو اعتبرها فائدة سلبية
يعني راح قللك
نحنا الكل بسوريا منعرف
انو كلشي الا الدين والسياسة
وما قصدي بالفائدة
الفائدة الي انت فهمتها
:سوريا: :سوريا: :سوريا:

عندنا تاريخ تعايش سلمي بالبلد عمرو مئات السنين و بدك أياني أعلق ميدالية للي حاكمين هلأ؟
لما الشيخ فارس الخوري صار رئيس وزراء سوريا بمبايعة الكتلة الاسلامية و كان ضمن صلاحياتو وزارة الأوقاف الاسلامية رغم أنو هو مسيحي ماكان في لسا خيالة البيجو 505 البيضا....
يعني لا تعمللي التعايش الديني السلمي من منجزات الحركة التصحيحية منشان النبي....بالعكس تماما
zen
20/05/2006, 00:14
:? :?
ياسووو
انا معك انو كنا متعايشين
بس لا تنسى قصة الاخوان المسلمين الي كان من الممكن
وحتى من الاكيد كانت راح تعمل حرب أهلية
yass
20/05/2006, 00:18
لا مو ع ميشيل كيلو
انا قلت انو الي تعقيب
ومو قصدي ميشيل كيلو
بس ميشيل كيلوا بالاخر غلط
ةبالذات بالمقال الي اشار الو كريم


يعني اذا رأيك ورأي كريم أنو ميشيل كيلو غلط لازم نعمل اجماع و نخوزقو لعيون الوحدة الوطنية
أخي ما عجبتك المقالة احكي رأيك عن المقالة...لا تطجلي أحكام عالزلمة هيك عالمستريح لأنو ظلم هالشي...
zen
20/05/2006, 00:20
اي معك حق
بس كمان لا تنسى اعلان دمشق -بيروت
كمان مانو صح
yass
20/05/2006, 00:21
ياسووو
انا معك انو كنا متعايشين
بس لا تنسى قصة الاخوان المسلمين الي كان من الممكن
وحتى من الاكيد كانت راح تعمل حرب أهلية

هلأ شو جاب سيرة هالزلمة للأخوان؟؟؟ دبحتني و الله

يعني الشباب الطيبة حلو قصة الاخوان على خير....بالله عليك يا زلمة لا تخلط الموضوع لأنو بضيع أنا و بتضيع أنت...

للحديث بقية...تصبحو على خير
zen
20/05/2006, 00:24
ياسووو


هلأ شو جاب سيرة هالزلمة للأخوان؟؟؟ دبحتني و الله

يعني الشباب الطيبة حلو قصة الاخوان على خير....بالله عليك يا زلمة لا تخلط الموضوع لأنو بضيع أنا و بتضيع أنت...

للحديث بقية...تصبحو على خير
وانت بخير
يا ياسو
انا قلت مثال وتعقيب
:سوريا: :سوريا: :سوريا:
Reemi
20/05/2006, 12:30
طيب ليش انا مو شايفه انو في طائفية بالبلد.؟؟؟؟؟؟؟؟؟؟؟؟؟؟؟؟
krimbow
20/05/2006, 14:36
مرحبا

ما بعرف ليش البعض عصب زيادة عن اللزوم ... من ايمت كننا نتناقش بهالطريقة ؟؟؟

يظهر انو ما كان كتير واضح الرد تبعي

اولا
لا و لم و لما اشير في ردي او في غيرو انو الحجي ميشيل كيلو هوي سبب النعرات الطائفية بالبلد، بالعكس تماما وضحت بردي انو انا مع نظرتو و ما انكرت الطائفية الموجودة

بس هاد الشي ما بيعني على الاطلاق انو الحجي ميشيل كيلو ما كان عم يمسح جوخ للسنة على حساب العلوية

و هاد الشي مزعج حقا
ازا ميشيل كيلو، الواعي و المثقف و المحترم و صاحب السجل النضالي الكبير ... عم يحكي بهالطريقة و عم يفرق بهالاسلوب المتجني و الاستفزازي بين السوريين ... فعلا محير بمين ممكن نوثق من هلأ و طالع

تانيا:
ممكن حدا يفهمني من وين اخترعتولي قصة تاريخ التعايش السلمي ؟؟؟؟
انو شو بتريدوا كب التاريخ (او ما وصلنا منو بدون تحريف) و اضحك على حالي ؟؟؟
نسيتوا مجازر السريان و الاشوريين و الارمن ؟؟؟
نسيتوا مجازر جبل لبنان ؟؟؟
نسيتوا كيف "استولوا" ع المسجد الاموي ؟؟؟؟
لما تجي ع الشام انزيل ع ضيع القلمون و هنيك بيخبروك عن التمن الباهظ يللي دفعوه من دمهم و مالهم لحتى يبقوا على دينهم ايام العثمنلي
و بعدها يا ريت تزور جبال "العلويين" لحتى يخبروك لأي درجة من الانعزال اضطروا انو يتقوقعوا فيها لحتى يهربوا من البطش و القتل باسم الدين الحنيف

سألت حالك شي مرة ليش 90% من المهاجرين بالاميركيتين قبل سنة 1920 من المسيحيين و الدروز و العلويين ؟؟؟ هربا من البطش و القتل باسم الدين الحنيف

بقا كرمال الله ... ايا تعايش سلمي و ايا لحمة وطنية ؟؟؟؟

ما عم دافع عن النظام ... فهوي سيئ متلو متل غيرو بموضوع التعايش السلمي، لكن هاد ما بيعني انو غيرو كان احسن منو

بيجوز .. بايام الانتداب الفرنسي و ما اعقبها من سنوات تعد على اصابع اليد الواحدة ... صار شوية تعايش سلمي، بس لا قبلها و لا بعدها كان في هيك شي

بتعرف شو السبب ؟؟؟ السبب انو ايام الانتداب و ما تلاها من سنوات ... كان الحكم علماني، لا سني و لا علوي و لا شيعي و لا بلوطي
كان الحاكم عم يدور فعلا على مصلحة سوريا
اما اليوم .. و ما قبل هديك الايام، صار الحاكم آخر همو مصلحة سوريا
صار همو مصر، او همو العروبة، او الاسلام، او عيلتو، او طايفتو او دينو .. المهم انو مو سوريا هيي همو

روق ياس
هاد هوي واقعنا و لهالسبب رح تبقى اسرائيل و غيرها لالا
zen
20/05/2006, 14:49
كريم انا حكيت على العايش السلمي بعد الانتداب الفرنسي
krimbow
20/05/2006, 14:51
والله يا زين ... شكلك بالفعل عايش لوحدك بهالبلد

طائفية للعضم حبيب، متأصلة و متجذرة بالارض السورية منذ الفتوحات المباركة
و اي نوع من انواع اللحمة الوطنية رح يبقى باطل طالما في ناس بتفكر انو من حقها تاخد جزية من ناس و زكاة من ناس تانية
و شغلة انو اعز اصحابك مسيحي .. هي ما بتعني شي
و انا كمان اعز اصدقائي اسمو محمد
بس يا حزرك اديش مقبول وجودو بمجتمعي ؟؟؟؟
لازم لما كون مع محمد اني عرف فيه مباشرة لحتى ما حدا يغلط و يزلقلو بشي كلمة تهين محمد و دينو
و نفس الشي لما بنزل لعند حلاقي .. لازم يعطي اشارة سرية للشباب انو انا مسيحي .. لحتى ما يغلطوا بشي كلمة قدامي
لما بكون مع شخص من غير طايفتي .. في حدود حمرا و اشارات حمرا ما لازم نتجاوزها بالحوارات يللي رح نفتحا
بينما لما بكون مع شخص من طايفتي .. سبحان الله، لحالها هالخطوط و الحدود و الاشارات بتختفي .. و بيصير كل شي مباح ينحكا فيه

ازا مو هي هيي الطائفية .. فأنا ما بعرف شو هيي الطائفية

اما عن موضوع انو وضعنا مو متل لبنان .. يمكن معك حق.. بس هالشي ما بيعني ابدا انو وضعنا متل سويسرا مثلا
zen
20/05/2006, 14:55
قللك شي كريم
انو متل ما عم تحكي ممكن يكون عنا الطاييفية وبالدرجة الي قلت عليا
بس انت قلت شي مهم انو لازم تنبه مجتمع انو رفيقك مسلم مشان ما يزلق كلمة
ويهين الدين
واذا مرجع للدين اي دين كان ما بيقلك هين الاخر
بس نحنا اختعنا هالشي لانو عنا ظن انو اذا الاخر موجود نحنا منلتغي
يعني عم نلعف لعبة
السورفايفر
MR.SAMO
20/05/2006, 14:57
في متل شعبي بيقول مو الحق على الرمانة القلوب مليانة وهيدا اللي صاير بين الدولة وميشال كيلو وغيره اللي قاله ميشيل كيلو هو الواقع واللي عم نعيشه بسوريا يعني ما اخترع شي من عنده عنا طائفية وطائفية متأصلة بالنفوس كمان بس المخابرات اللي كابسة على اعناق الشعب بأيد من حديد ما عم يسترجي واحد ينطق لو عنا منفس صغير للحريات كان الواحد شاف شي تاني تحياتي
krimbow
20/05/2006, 15:08
في متل شعبي بيقول مو الحق على الرمانة القلوب مليانة وهيدا اللي صاير بين الدولة وميشال كيلو وغيره اللي قاله ميشيل كيلو هو الواقع واللي عم نعيشه بسوريا يعني ما اخترع شي من عنده عنا طائفية وطائفية متأصلة بالنفوس كمان بس المخابرات اللي كابسة على اعناق الشعب بأيد من حديد ما عم يسترجي واحد ينطق لو عنا منفس صغير للحريات كان الواحد شاف شي تاني تحياتي

يا جماعة

للمرة المليون

الحجي ميشيل كيلو لم يجانب الحقيقة في ما يخص الطائفية و مدى انتشارها

عتبي عليه كان انو نقل صورة الطائفية الموجودة بسوريا بطريقة خطيرة و قاتلة
نقلها و كأنو العلويين هم سبب كل مصايب بلدنا ... بينما السنة المدنيين حسب زعمو هنن يللي رح يصلحوا كل شي بهالبلد

و هالكلام مرفوض مرفوض مرفوض

ازا في شي بدو يصلح البلد هوي العلمانية .. لا السنية و لا الشيعية و لا المسيحية و لا اي طائفة

يللي كتبو ميشيل كيلو بمقالتو ما الو غير اسم واحد ... تمسيح جوخ
تماما متل ما عمل بزمانو ميشيل عفلق لما مسح جوخ للمسلمين لكسبهم بحزب البعث

و تنيناتهم .. عفلق و كيلو .. استحقوا لقب "الحاج محمد" عن جدارة
krimbow
20/05/2006, 15:11
بس لحتى تكونوا بالصورة زملاءنا حسام ملحم و علي العلي، علويين
و طارق غوراني و دياب سرية سنيين
و ماهر ابراهيم اسماعيلي

هيك ناس ... فقط هيك ناس .. هيي يللي بتصلح البلد
فينيقي سوري
20/05/2006, 15:18
بدي أعرف شغلة ليش كلكون عم تحكو بالطائفية وعم تستشهدو بأيام زمان


نحنا أولاد اليوم ... يعني نحنا كلنا كل أطياف المجتمع السوري فينا نلغي الطائفية


نحنا الشباب المستقبل النا



شو بدنا من ايام زمااان


بارادتي وبارادتك منسحق الطائفية



هي الاوروبيين وحدوا حالون .. كانت البروتستانت و الكاتوليك يدبحو بعض ونجحوا بتحقيق المواطنة



كل مجموعة دول بالعالم عم تدور ع شي يجمعا مشان تعمل تكتل ويصير الا محل بهاد العالم



ونحنا عم ندور ع شي يفرقنا..



....................اخنقوا اخر اقطاعي بامعاء اخر رجل دين...........................................
me2
20/05/2006, 15:26
أنا مقرر أنو ما أتدخل .. بس كبر معلاقي ...


شو غاية الحديث ؟؟؟؟ حدا يخبرني أو كل واحد يقول لحالو شو بدو أو شو غايتو من النقاش .

شو غاية يزيد بن معاوية بذبح أحفاد الرسول ؟؟ مثلا

شو غاية الكاتوليك و البروتستانت من التذابح في ايرلندا ؟؟

شو غاية فرنسا بتقسيم سوريا ؟؟ مثلا تاني

شو غاية المفتي بتحليل أبناء التبني ؟؟ مثلا رابع مدري تالت

الأديان و الطوائف هي طائة فيك و طائة فيي ...

الحمار اللي بيفكر أنو طائفتو . بيكون حمار . مجرد ما يشعر بالانتماء بيكون وقع وثيقة الانتساب لمعشر الحمير.
فينيقي سوري
20/05/2006, 15:26
هيك ناس ... فقط هيك ناس .. هيي يللي بتصلح البلد

عن اي اصلاح عم تحكي

ومن اي جهة البلد خربان حتى يصلحوه
me2
20/05/2006, 15:31
عن اي اصلاح عم تحكي

ومن اي جهة البلد خربان حتى يصلحوه

من أي جهة مو خربان ؟؟؟

مع اعتراضي على دور الشباب الأنفي الذكر بلأصلاح ...
فينيقي سوري
20/05/2006, 15:38
من أي جهة مو خربان ؟؟؟

مع اعتراضي على دور الشباب الأنفي الذكر بلأصلاح ...

--------------------------------------------------------------------------------

الغاية من سؤالي للزلمة أنو كان عم يقول أنو هيك شباب هيي للي بتصلح البلد
فحبيت أعرف من انو جهة بدون يصلحوه
يعني ما عم قول انو البلد زبطان
و "مووووووووو" معك أنا أنو خربان لها الدرجة
krimbow
20/05/2006, 15:38
عن اي اصلاح عم تحكي

ومن اي جهة البلد خربان حتى يصلحوه

من جهة الجنوب ... عند اسرائيل
من جهة الشمال.. عند اسكندرونة و ديار بكر و ماردين و قلعة مري
من جهة الغرب .. عند لبنان
من جهة الشرق... عند العراق

ازا اخدنا مقطع داخلي لرسم صورة طبقية محورية .. حسب طريقة الـ cat scan
رح نلاحظ وجود فساد سرطاني مستشري، مدعوم بعاشر اوكسيد الطائفية

الشغل سلامتك
الجيش سلامتك
الوظايف سلامتك
العلم سلامتك
الثقافة سلامتك

و لك خيو

عن جد كنت عم تسأل عن الجهة الخربانة ؟؟؟

لتكون عم تسأل عن الجهة المو خربانة
krimbow
20/05/2006, 15:40
الغاية من سؤالي للزلمة أنو كان عم يقول أنو هيك شباب هيي للي بتصلح البلد
فحبيت أعرف من انو جهة بدون يصلحوه
يعني ما عم قول انو البلد زبطان
و "مووووووووو" معك أنا أنو خربان لها الدرجة

عفوا عفوا...

ما انتبهت لتعقيبك

معلمي

هدول الشباب .. كان (قبل اعتقالهم) همهم سوريا و سوريا فقط
لا همهم الطايفة و لا العائلة و لا شي ايديولوجيا معفنة و بطل حدا يستعملها غيرنا...

هيك ناس .. في امل انهم يصلحوا البلد ...
me2
20/05/2006, 15:43
أقول قولي هظا و استغفر الله و أتوب أليه .. و السلام عليكم و على اللي بدكون ياه ...


أنا رايح أسلخ وجبة سمك عند سهارى .. أظن أنها أفيد لله و الوطن و الحدود البرية و جماعة 14 أذار و الاتفاق الثلاثي و ترسيم الحدود و اللجنة الرباعية و جمال عبد الناصر و السيد البسيستاني .
me2
20/05/2006, 15:44
عفوا عفوا...

ما انتبهت لتعقيبك

معلمي

هدول الشباب .. كان (قبل اعتقالهم) همهم سوريا و سوريا فقط
لا همهم الطايفة و لا العائلة و لا شي ايديولوجيا معفنة و بطل حدا يستعملها غيرنا...

هيك ناس .. في امل انهم يصلحوا البلد ...


و ما زال ...
فينيقي سوري
20/05/2006, 15:45
هدول الشباب .. كان (قبل اعتقالهم) همهم سوريا و سوريا فقط
لا همهم الطايفة و لا العائلة و لا شي ايديولوجيا معفنة و بطل حدا يستعملها غيرنا...

هيك ناس .. في امل انهم يصلحوا البلد ...

ايواا وهدلون الناس هنون العلاج الحديث تبع الجينات والهندسة الوراثيه يللي بدو يحقق كل يللي عم تحكي عنو
هلا فهمت
يسلمون
me2
20/05/2006, 15:48
ايواا وهدلون الناس هنون العلاج الحديث تبع الجينات والهندسة الوراثيه يللي بدو يحقق كل يللي عم تحكي عنو
هلا فهمت
يسلمون


خيو أبو فينيق : ما تزعلني منك .. مو حلوة نتريق على حكي بعضنا .. لما بيوصل النقاش لطريق مسدود و لا نتمكن من أقناع بعض .. يفضل نسكت .

و مية وردة
فينيقي سوري
20/05/2006, 15:56
خيو أبو فينيق : ما تزعلني منك .. مو حلوة نتريق على حكي بعضنا .. لما بيوصل النقاش لطريق مسدود و لا نتمكن من أقناع بعض .. يفضل نسكت .

و مية وردة

شو حكينا ... او بالاحرى انتي شو فهمت .. عم بتشكر الزلمة لانو وضحلي الفكرة... و مين قال اني "موووووووووووووووووو" معو .. شوف تعقيباتي كلا بنفس الخانة يللي هوي عم يحكي فيا

بس هوي يللي فيه شوكه بتنخزو

تحياتي:سوريا:
zen
20/05/2006, 16:20
عن اي اصلاح عم تحكي

ومن اي جهة البلد خربان حتى يصلحوه
:shock: :shock: :shock: :shock: :shock:
عم تحكي جد
:? :? :? :?
هلق بيجوز انا ما بظن انو الطائفية موجودة يسوريا لهلدرجة
بس البلد عم تسأل من وين خربان
طيب تعا لنشوف
البطالة والشباب
شو رائيك فيون عنا بالبلد
!!!!!!!!!!!!!!1
أكيد ايجابي نسبة البطالة عنا ما بينحكى عنا ومو بسوريا كل سنة عم يزيد عدد العاطلين عن العمل 50000
هاد عند الجيران
الفساد
هون نحنا ماعنا فساد بالمرة
واصلا ال 25 الي عم ياخدها الشرطي وهاد أصغر مثال
هي من حقو ومستحقوا
هي مو رشوة
يعني تمشاية الحال او تيسير الامور متل ما شرعنوها باسم الدين
و و و و
للاسف ما لقيت شغلة كويسة عنا
مدري ليش