نقابة العمال الكبرى في أونتاريو بكندا تقرر مقاطعة إسرائيل [الأرشيـــــف]

عرض كامل الموضوع : نقابة العمال الكبرى في أونتاريو بكندا تقرر مقاطعة إسرائيل

me2

04/06/2006, 15:39

نقابة العمال الكبرى في أونتاريو بكندا تقرر مقاطعة إسرائيل طالما لا تعترف بحق الشعب الفلسطيني في تقرير مصيره..
..
وكان القرار قد اتخذ بالإجماع يوم الثلاثاء الماضي في أونتاريو من قبل نقابة العمال العامة في كندا (CUPE)، وهي النقابة الأكبر في كندا وتمثل ما يقارب 450 ألف عامل.

وجاء في قرار النقابة أنها تنضم إلى المعركة الدولية لمقاطعة إسرائيل وفرض عقوبات عليها حتى تقوم بتنفيذ قرارات الأمم المتحدة، وبضمنها القرار 194 والذي ينص على حق العودة للاجئين الفلسطينيين منذ العام 1948.

كما تنوي النقابة تقديم الدعم والمساعدة للمنظمات الداعمة للفلسطينيين في المجهود الثقافي والإعلامي الذي سيعرض إسرائيل كدولة أبرتهايد.

وتنوي النقابة، بحسب قراراتها، فحص أية مساعدات تقدمها هيئات كندية لإسرائيل من أجل بناء "سور الأبرتهايد". كما طالبت النقابة الإدارة القطرية لنقابات العمال في كندا بالإنضمام إليها واتخاذ قرارات مماثلة.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعني هدا الخبر اللي لاقى تعتيم اعلامي عربي عام تقريبا .. بيدق اجراس الحيونة عند بعض الخونجية ولا ما بيدق ؟؟

هدا الغرب اللي بدنا ندمرو و نحرق سفاراتو؟؟ ولا السعودية اللي أعلنت أنو ما عندها مانع تتعاون مع اسرائيا اقتصاديا ؟ ولا عمان ؟ ولا الأردن ؟ ولا مصر أم الدنيا ؟

طبعا المقصود الحكومات .. لا يتنطوط المتنطوطين .

Reemi

04/06/2006, 15:43

قال انا وابن ابن ابن ابن ابن...ابن عم عم عم عم عم..عم جدي...عالغريب

واخي وابن عمي ضدي...

me2

04/06/2006, 15:47

قال انا وابن ابن ابن ابن ابن...ابن عم عم عم عم عم..عم جدي...عالغريب

واخي وابن عمي ضدي...

لهم الشمس ... لهم القدس و النصر و ساحات فلسطين .......

فلاش باك

04/06/2006, 15:52

لهم الشمس ... لهم القدس و النصر و ساحات فلسطين .......

عفوا فيروز أجراس العودة لن تقرع

MR.SAMO

04/06/2006, 18:08

me2

04/06/2006, 23:08

شكرا يا أحلا شباب ....

إلا ما .. يوما ما ...

امرأة من ورق

05/06/2006, 13:25

خبر حلو وبيفائل
لانو ماالنا امل غير انو يتغير الرأي العالمي
لانو اذا بدنا ننطر عالعرب بيصير انو نطور يا..... ليطلع ال......:?

مرسي مي توو :سوريا:

محمد ابراهيم

05/06/2006, 13:37

عنجد معلم مي تو

انا في كل كلامي بقول اني ضد اقامة دوله اسرائيليه

me2

05/06/2006, 13:53

شكرا مرة تانية ..

و أجراس ستقرع .. ستقرع .. و بموت اذا بفكر أنو ترابك مش ألي ..

krimbow

05/06/2006, 17:40

خبر حلو وبيفائل
لانو ماالنا امل غير انو يتغير الرأي العالمي
لانو اذا بدنا ننطر عالعرب بيصير انو نطور يا..... ليطلع ال......:?

مرسي مي توو :سوريا:

بيفائل ؟؟؟

اي يطعمهم الحج و الناس راجعة

شكلك لا انتي و لا زعما هالنقابة سمعوا بمبادرة الامير ابدوللا بنو ابديلآزيز آل سوود

شكلك ما عم تنزلي ع السوق هاليومين ...

طيب شو رأيك انو اجتني شنتاية (حقيبة يعني) من مصر هدية، و از بتطلع "ميد ان اسراييل"

علب الحبيبسي كولا معبية سوق قلعة الصمود و التصدي (من الصدأ)

اعفاء جمركي لكل منتج مصري بيشمل 10% من موادو الاولية مواد منتجة باسرائيل

و انبسطنا كتير كتير للسعودية لانضمامها لمنظمة التجارة العالمية، لدرجة انو بعض الدول غارت منها و عم تخطو خطوات جادة لتصير احسن منها... طبعا اهم شرط للانضمام انو تكون الدول المنضمة ... مفتوحة على بعضها بعض،
و كمعلومة لصناع القرار الاقتصادي ببلادنا... اسرائيل ضمن ليستة المنضمين

مكاتب تمثيل دبلوماسي بقطر، و موريتانيا، و تونس، و الامارات ...

و الناس قايمة القيامة على حماس مشان "تتفاوض" مدري "تتفاعل" مدري ... المهم انو تعمل بيزنس مع اسرائيل،

و آخر الطب .... بييجي زعما هالاتحاد العمالي و بيقاطعوا اسرائيل ....

اذا كان رب البيت بالطبل ضاربا ...

و أجراس ستقرع .. ستقرع .. و بموت اذا بفكر أنو ترابك مش ألي ..

واللا يا معلم شكلو ما ......

بالميتة مو هالعشر سنين الجايين

يعني بهمة مين بالله رح نقرع ؟؟؟

بهمة ابو مصعد يللي ترك وطنو و بلدو و ترابو و راح "يقارع" المحتل بالعراق ؟؟؟
و اللا بهمة خرفان بيك؟؟؟
و اللا بهمة خدام بيك ؟؟
و اللا بهمة سماحتو؟؟؟

يا رجل الواحد مالو همة ينط على مرا

صار لازم نطالب شركة بفايزر (الاسرائيلية) انها تطالعلنا فياجرا خصوصي مشان نحرر فلسطين

خوش نحنا ما عاد طلع بايدنا غير خمسة باليد واحد

اوعى يطرش

me2

06/06/2006, 01:12

chefadi

06/06/2006, 01:22

كريم شو يعني ؟؟ ننام ؟ ننتحر ؟؟ نهاجر ؟؟؟ شو الحل ؟؟

ما عم أسأل لتعطيني الحل .. أصلا متل ما بتعرف برأيي أو مافي حل بس في أمل ..

مو شرط يكون هالأمل عند الكل .. بيبقى شرط يكون عند النخبة ..

أمرأة من ورق ما حكت على أملها بالعرب .. لذلك مو ضروري نذكرها بخيانات العرب شكلها حافظتها .

على كل حال / أحلا شي أنو كريم رجع يشغل المنير بأراء ملتهبة و متماسكة سواء عجبتني ولا عمري ما تعجبني .

عتب صغير : أنا باحترم سماحتو و انشالله ما بيرجع شي لا من فلسطين ولا الجولان .. كرمالي و مراعاة لمشاعري ما تقارنو مرة تانية بحدا .. و شكرا سلفا .

و الله يا me 2 انا مع كريم و للأسف نحنا فقدنا القدرة حتى على الحلم بس انا معكن انت و امرأة من ورق انو الامل الوحيد انو يتغير الراي الدولي و يصير متل ماصار بكندا (منيح انا رايح ادرس بكندا بعد كم شهر :p ) .....

تحياتي ,,
شلة : شو قلتولي صار اسمنا ,, ؟؟؟؟؟؟؟؟

me2

06/06/2006, 01:24

و الله يا me 2 انا مع كريم و للأسف نحنا فقدنا القدرة حتى على الحلم بس انا معكن انت و امرأة من ورق انو الامل الوحيد انو يتغير الراي الدولي و يصير متل ماصار بكندا (منيح انا رايح ادرس بكندا بعد كم شهر :p ) .....

تحياتي ,,
شلة : شو قلتولي صار اسمنا ,, ؟؟؟؟؟؟؟؟

حقك و نص .... أنا ما قلت أني على غير الضفة اللي عليها كريم ....

سرسورة

06/06/2006, 05:43

العرب....فطسوا من زمان....لدرجة انو ما عاد حدا يتشرف بهالعروبة....و ما عد يطلع بايدون شي غير الاعتصامات و المظاهرات و كل هاللعي الفاضي...قرفنا خطابات و شعارات و بدنا و بدنا.....
بس معلش...أنا مع علي بشغلة....بلاقيها كتير مهمة و كتيير استثنائية....وهي أصلا شقفة هالامل الوحيد البقيان..........سماحة السيد حسن نصرالله.....لأنو الوحيد اللي من بين الكل..اللي عنجد قول و فعل.......عالقليلة..عم يعمل شي...عل القليلة بس نسمع حكيو منحس بشوية قوة..مهما كانت و شو ما كان مقدارها..بس بتضل قوة..عم نفقدها بكل شي باقي..
ما بعرف ليش خطر ع بالي بيت شعر قالو نزار قباني...
دمشـقُ، يا كنزَ أحلامي ومروحتي أأشكو العروبةَ أم أشكو لكِ العربا؟

امرأة من ورق

06/06/2006, 06:06

بيفائل ؟؟؟

اي يطعمهم الحج و الناس راجعة

شكلك لا انتي و لا زعما هالنقابة سمعوا بمبادرة الامير ابدوللا بنو ابديلآزيز آل سوود

شكلك ما عم تنزلي ع السوق هاليومين ...

طيب شو رأيك انو اجتني شنتاية (حقيبة يعني) من مصر هدية، و از بتطلع "ميد ان اسراييل"

علب الحبيبسي كولا معبية سوق قلعة الصمود و التصدي (من الصدأ)

اعفاء جمركي لكل منتج مصري بيشمل 10% من موادو الاولية مواد منتجة باسرائيل

و انبسطنا كتير كتير للسعودية لانضمامها لمنظمة التجارة العالمية، لدرجة انو بعض الدول غارت منها و عم تخطو خطوات جادة لتصير احسن منها... طبعا اهم شرط للانضمام انو تكون الدول المنضمة ... مفتوحة على بعضها بعض،
و كمعلومة لصناع القرار الاقتصادي ببلادنا... اسرائيل ضمن ليستة المنضمين

مكاتب تمثيل دبلوماسي بقطر، و موريتانيا، و تونس، و الامارات ...

و الناس قايمة القيامة على حماس مشان "تتفاوض" مدري "تتفاعل" مدري ... المهم انو تعمل بيزنس مع اسرائيل،

و آخر الطب .... بييجي زعما هالاتحاد العمالي و بيقاطعوا اسرائيل ....

اذا كان رب البيت بالطبل ضاربا ...

واللا يا معلم شكلو ما ......

بالميتة مو هالعشر سنين الجايين

يعني بهمة مين بالله رح نقرع ؟؟؟

بهمة ابو مصعد يللي ترك وطنو و بلدو و ترابو و راح "يقارع" المحتل بالعراق ؟؟؟
و اللا بهمة خرفان بيك؟؟؟
و اللا بهمة خدام بيك ؟؟
و اللا بهمة سماحتو؟؟؟

يا رجل الواحد مالو همة ينط على مرا

صار لازم نطالب شركة بفايزر (الاسرائيلية) انها تطالعلنا فياجرا خصوصي مشان نحرر فلسطين

خوش نحنا ما عاد طلع بايدنا غير خمسة باليد واحد

اوعى يطرش

كريمبو مدري فهمت حكيي غلط مدري انت معصب كتير
انا ماقلت اني متفائلة بالعرب بالعكس تماما انا متفائلة بالرأي العالمي وبـــــــــــــــــــــــ ــــــــــس لذلك حكيك عن العرب صح بس ماعرفت ليش وجهتو الي :?

وبالنهاية قد مايكون الوضع بائس بس رح ضل رافضة بعقلي انو في شي اسمو اسرائيل ورح ضل احلم انو رح ترجع فلسطين وبس..... اكيد مو بهالعشر سنين واكيد كمان مو بحياتي يعني رح موت قبل مايتحقق...... يمكن هالشي مابيتعدى كونو حلم بس الله بحد ذاتو وكل قوى العالم مارح يحرمني منو

me2

06/06/2006, 11:01

سارة و امرأة من ورق , كريم ..و chefadi

شباب متلكون بيخلو في أمل و أمل كبير ...

شو يعني حدا فيو يطنش العقل و المحبة اللي عم تحكو فيها ؟؟ أكيد لا ..

الأمل كلو فيكون ...

اسرائيل نقصت للنص خلال كم سنة .. الأرض اللي اخدتها بخمسين سنة خسرتها بخمس سنوات , و بدها تضل تخسر.

معركة الأمل هي المعاركة .. الجيوش انهزمت بثكناتها بس قلوبكم المليانة وطن وحنين وكرامة ما بتنهزم .

الحكي سهل ...؟ بيجوز .. بس هدا اللي طالع بأيدي.

Majood

06/06/2006, 11:06

و الشباب يللي كلون امل متل هالشباب نقصو للنص كمان.
بس بيبقى الامل بلسم الحياة...

فلاش باك

06/06/2006, 11:08

شكرا مرة تانية ..

و أجراس ستقرع .. ستقرع .. و بموت اذا بفكر أنو ترابك مش ألي ..

صباح الخير

أنا معك 100%

وانا ماني متشائم بالعكس

وهي لا تزعل مني : سنعود يوما

MR.SAMO

06/06/2006, 11:35

طول مالحكام العرب مرخصين بقيمة شعبهن وبقيمة قضيتهن
راح نضل هيك وشوي شوي فلسطين عم تتنسى
اصلا الشعور انك عربي وبتنتمي للقضية صار عم يندر للاسف

me2

06/06/2006, 11:45

و الشباب يللي كلون امل متل هالشباب نقصو للنص كمان.
بس بيبقى الامل بلسم الحياة...

الكرام قليل ..

me2

06/06/2006, 11:47

صباح الخير

أنا معك 100%

وانا ماني متشائم بالعكس

وهي لا تزعل مني : سنعود يوما

على راسي حارتك ..

الشباب اللي عم يشتغل و يبني مستقبلو بشكل سليم دائما عم يكون متفائل ,