تعاني المعارضة السورية من أزمة حقيقية بحيث أصبحت عاجزة تماما و لا يمكن الا للأخرق أن يضع فيها زرة أمل لاسقاط حكم البعث الفاشي
فالمعارضة مقسومة بسوريا الى قسمين
1- المعارضة السورية بالخارج : و التي كانت تستند على الولايات المتحدة قبل انتهاء الأسد من صفقاته التي يوقعها من تحت الطاولة
2- المعارضة السورية بالداخل : و التي هي مجموعة من الأحزاب يشل العجائز و المتقاعدين معظم أعضاءها كما أنها لا تملك أي اتصال الشارع السوري فالناس يتحاشون العمل بهذه المعارضة خصوصا بد قيامها و بكل غباء سياسي باعلان بأنها معارضة علنية
لذلك يجب على الشباب اليساريين في سوريا تأسيس أحزاب معارضة جديدة تتصف با يلي :
1ـ السرية التامة
2ـ العمل بين صفوفالعمال و الطلبة
3ـ التحضير لاسقاط الفاشية و الرأسمالية
و الا فعلينا أن ننتظر سوبر ما ليحرر الشعب السوري

تعاني المعارضة السورية من أزمة حقيقية بحيث أصبحت عاجزة تماما و لا يمكن الا للأخرق أن يضع فيها زرة أمل لاسقاط حكم البعث الفاشي
فالمعارضة مقسومة بسوريا الى قسمين
1- المعارضة السورية بالخارج : و التي كانت تستند على الولايات المتحدة قبل انتهاء الأسد من صفقاته التي يوقعها من تحت الطاولة
2- المعارضة السورية بالداخل : و التي هي مجموعة من الأحزاب يشل العجائز و المتقاعدين معظم أعضاءها كما أنها لا تملك أي اتصال الشارع السوري فالناس يتحاشون العمل بهذه المعارضة خصوصا بد قيامها و بكل غباء سياسي باعلان بأنها معارضة علنية
لذلك يجب على الشباب اليساريين في سوريا تأسيس أحزاب معارضة جديدة تتصف با يلي :
1ـ السرية التامة
2ـ العمل بين صفوفالعمال و الطلبة
3ـ التحضير لاسقاط الفاشية و الرأسمالية
و الا فعلينا أن ننتظر سوبر ما ليحرر الشعب السوري

برأيك هاد الحل؟؟؟؟؟؟

تعاني المعارضة السورية من أزمة حقيقية بحيث أصبحت عاجزة تماما و لا يمكن الا للأخرق أن يضع فيها زرة أمل لاسقاط حكم البعث الفاشي
فالمعارضة مقسومة بسوريا الى قسمين
1- المعارضة السورية بالخارج : و التي كانت تستند على الولايات المتحدة قبل انتهاء الأسد من صفقاته التي يوقعها من تحت الطاولة
2- المعارضة السورية بالداخل : و التي هي مجموعة من الأحزاب يشل العجائز و المتقاعدين معظم أعضاءها كما أنها لا تملك أي اتصال الشارع السوري فالناس يتحاشون العمل بهذه المعارضة خصوصا بد قيامها و بكل غباء سياسي باعلان بأنها معارضة علنية
لذلك يجب على الشباب اليساريين في سوريا تأسيس أحزاب معارضة جديدة تتصف با يلي :
1ـ السرية التامة
2ـ العمل بين صفوفالعمال و الطلبة
3ـ التحضير لاسقاط الفاشية و الرأسمالية
و الا فعلينا أن ننتظر سوبر ما ليحرر الشعب السوري

انا برأيي اهم شي لليسار العربي و السوري بشكل خاص انو يخلص من مبدأ تأليه الفرد ,,,أسف حسون يمكن عم اطلع عن الموضوع بس مشكلة احزاب اليسار عنا مشكلة كبيرة و بتستاهل تتناقش لأنو عندي ايمان انو الحل بكل العالم رح يرجع و يكون بايد اليسار و الشيوعية ...

الف تحية :D

كمان آسف عل خروج لكن الشيوعية أثبتت فشل ذريع كما الاشتراكية البعثية
و انو الشباب ( اليساري ) ازا صح التعبير يشتغل بشكل سري هذا لن يؤدي الا لاعتقال هذه المحاولات كما رأينا ( حسون انت أدرى بهل موضوع )
لذلك الشغل بصير باحدى الطريقتين :
إما من داخل الحكومة ( ما يسمى انقلاب أبيض)
أو من خلال الشعب ككل ( متل الحل التاريخي يعني ) ثورة شعبية عارمة

غير هيك صعب يصير شي
و إلا مصيرنا متل مصير العراق

كمان آسف عل خروج لكن الشيوعية أثبتت فشل ذريع كما الاشتراكية البعثية
و انو الشباب ( اليساري ) ازا صح التعبير يشتغل بشكل سري هذا لن يؤدي الا لاعتقال هذه المحاولات كما رأينا ( حسون انت أدرى بهل موضوع )
لذلك الشغل بصير باحدى الطريقتين :
إما من داخل الحكومة ( ما يسمى انقلاب أبيض)
أو من خلال الشعب ككل ( متل الحل التاريخي يعني ) ثورة شعبية عارمة

غير هيك صعب يصير شي
و إلا مصيرنا متل مصير العراق
بيني و بينك بحس ما في أمل
كرهت الثورات و الإنقلابات كلها لأنو دائما في "بطل ثوري" بيصر أنو يضل حامل شعلة الثورة شي أربعي خمسين سنة بعد الثورة و بينسى الديالكتيك و اليسار و اليمين

بنظرة سريعة على تجربة الشباب بمصر الشباب المصري الحر اللي مانو معارضة ممولة من الحكومة على طريقة روز اليوسف و الجبهة الوطنية عنا بلاقيهم سابقينا بعصور بأسلوبهم و نشاطهم و مع ذلك ما فيهن عم يهزو النظام .. بس من جهة تانية بحسهن على المدى الطويل رح يعملو شي و الحكي عن جماعة كفاية و جماعة شباب البلوغات تبع الإنترنت بمكن عم يأسسوا لفكر معارض و ناس بتطلع بتقول رأيها بصراحة للطغاة و الرؤساء المؤبدين

غير هيك في أشياء تنعمل مدنيا يعني ممكن ينفرض بنشاط مدني فعال (جمعيات نقابات تجمعات) قواعد جديدة للعبة السياسية بالدولة ، يعني شي شبيه بالدول اللي كانت ملكية مطلقة و صار النظام فيها برلماني مع الاحتفاظ بالملكية (هولندا اليابان الدنمارك..)
يعني بصير النظام عنا " رئاسي وراثي" بس مع حرية اكثر في إدارة الدولة (إداريا و ماليا) على القليلة ، مع العلم أنو أي نشاط من هالنوع عم يتم قمعه بالمهد
هلق هاد بيكون خضوع و انهزام للشعب لمصلحة الشمولية بس يعني خلينا نطمع بشي من هاد و بعدين حبة حبة

حلو الحكي كتير بس ازا حكومة حاطة خط أحمر يلي بقرب علي يعتبر من الظالمين موضوع الشباب و الشبيبة ازا ملاحظ أي نشاط عم يكون شبابي خارج عن رعاية حزبية بعثية عم ينغضب علي و ينزت بهل فروعة
بحب وجه تحية سريعة لكل معتقلي الرأي ( هيك سلام عل ماشي )

حلو الحكي كتير بس ازا حكومة حاطة خط أحمر يلي بقرب علي يعتبر من الظالمين موضوع الشباب و الشبيبة ازا ملاحظ أي نشاط عم يكون شبابي خارج عن رعاية حزبية بعثية عم ينغضب علي و ينزت بهل فروعة
بحب وجه تحية سريعة لكل معتقلي الرأي ( هيك سلام عل ماشي )
هادا اللي عم اقصده هو دفش الخطوط الحمراء ، هلق هي بدها أخد و عطا و ناس تضحي بس المشكلة أنو النظام صرلوا أربعين سنة ، مو سنة سنتين متحكم بأرقاب الناس و أرزاقهم يعني بيحاربوا الواحد بأكل عيشو و بيمنعو عنو الشغل و بيموت من الجوع ما بيلاقي حدا يرضى يوظفو و الخ
بس كل قمحة مسوسة بدها كيال أعور .. أبشروا بالأعور الدجال

الشيوعية أثبتت فشل ذريع كما الاشتراكية البعثية
بس الشيوعيي أو الاشتراكيي ما تطبقوا ليفشلوا
بروسيا كان النظام رأسملية دولي
و بسوريا نظام رأسمالي بحت

انا برأيي اهم شي لليسار العربي و السوري بشكل خاص انو يخلص من مبدأ تأليه الفرد
أنا عمبحكي عن أزمة اليسار المعارض السوي يلي ما بأله الفرد
هدول يلي بألهوا الفرد مانون يساريين
الحزب الشيوعي لسوري حزب يميني

بس الشيوعيي أو الاشتراكيي ما تطبقوا ليفشلوا
بروسيا كان النظام رأسملية دولي
و بسوريا نظام رأسمالي بحت

لا الاشتراكية تطبقت ( تم تطبيقها قدر الامكان ) بس المشكلة انو هل نظام افلاطوني الدماغ البشري لم يصل الى المرحلة التي يطبق فيها مثل هذه النظم

أنا عمبحكي عن أزمة اليسار المعارض السوي يلي ما بأله الفرد
هدول يلي بألهوا الفرد مانون يساريين
الحزب الشيوعي لسوري حزب يميني

انا معك انو الحزب الشيوعي السوري بكل فروعو هلأ ابعد مايكون عن الشيوعية مع احترامي لكتير رموز نضالية (مغمورة) ضمن كوادر الحزب بس حتى اليسار السوري المعارض عندو مبدأ تأليه الفرد يمكن مو كتير حاسين نحنا بهالشي لأنو لسا المعارضة خجولة و انا بتمنى مايصير فيون متل باقي الاحزاب اليسارية ,,,,
تحياتي ...

يا شباب الاشتراكية ما عادت متل أول... شوفو برامج الأحزاب اليسارية الأوروبية

لا تأميم ولا مصادرات ولا تعسف

اليسار الماركسي ما عاد تقليدي

والأحزاب اليسارية صارت أشبه بالحركات الاجتماعية وهاد شي مو قليل بنوب

يعني حكومات الحرب سقطت شوي شوي

ما ضل غير بلير و مو مطول

أما بسوريا فاليسار صار ذكريات مو أكتر

لماذا سوبر مان انت ابدا بنفسك وباصدقائك واطرح الفكرة واعمل لها
وانظر الي شيخ قعيد الشيخ احمد ياسين اقام تنظيم حرر غزة وسيحرر بادن الله فلسطين.

فابدا بنفسك وفكر واعطي الفكرة جهدا ولو قليلا

:?
ألف مبروك تحرير غزة !! ازا اسمو تحرير
مسألة النضال المسلح مسألة أخرى تماما ما بظن خر الخوض فيها هوون

أخي دانيتو سمحلي سجل إعجابي فيك للمرة المليون، و ارفعلك قبعتي احتراما، كل يوم عم تثبتلي إنك إنسان عقلاني و متفهم، أنا معك 100% بكل شي قلتو، و مع تشيفادي لما حكا عن تأليه الفرد، أو تأليه فئة معينة، يعني معقول بلد بحالو النظام فيه جمهوري يتسمى "سوريا الأسد" ما آل الأسد مواطنين متلن متل كل السوريين، بعدين بحب علق على الصفات التلاتة اللي حكا عنها حسونة، هادا مو حل، هاي ممكن تكون حلول تنفيسية، يعني بجوز عالمدى القصير بتحل أزمة، بس لا تنسى إنها على المدى البعيد رح تخرب البلد، شو نسيان شو صار فينا، نسيان كيف حزب البعث بلش، بلش متل ما اقترحت نساوي هلأ، نسيان كيف وصل عالسلطة بانقلاب؟؟؟؟؟ و شفنا شو إجانا منن، بس الحل متل آل دانيتو، الحل إنو ندفش الخطوط الحمرا، و نضغط علين، صحي رح يكون في ناس بتضحي، و رح يدفعوا ناس ثمن محاولتن الحوار و دفش الخطوط، بس يا أخي الحرية لا تقدر بثمن، أما السرية و الطعن من الظهر، هادا مو أسلوب، و أنا مستحيل أيد هيك فكرة، لأن رح ترجعنا لمطرح ما كنا، بس بإيد دكتاتور تاني، يعني من تحت الدلف لتحت المزراب، الحل هوي بالنقاش و الحوار و الضغط و عدم اليأس و الاستسلام.
بعدين ما بدنا لا يمين و لا يسار و لا وسط و لا شرق و لا غرب و لا حزب و لا جبهةو لا إسلامي ولا مسيحي و لا ملحد و لا شيوعي ولا رأسمالي و لا شي، يا أخي ما بدنا اتجاهات، بدنا الحرية و بس، بدنا كل واحد يعيش بحريتو ضمن نظام بيضمن حقوق الكل، و بيسمح بالنقد و التطوير و إبداء الرأي.
سلام لكل الأحرار.

يا ابو طريق

للمرة المليون اسلوب الحوار انتهى وهو اسلوب فاشل

وعندك مثال من الاخوية

ويلي عم تطلبو افلاطوني

الفساد معشش فينا

أخي دانيتو سمحلي سجل إعجابي فيك للمرة المليون، و ارفعلك قبعتي احتراما، كل يوم عم تثبتلي إنك إنسان عقلاني و متفهم، أنا معك 100% .
:D على راسي أبوطريق مشكور على مديحك اللي ما بستاهلو
بس هون كلامي كتير نظري، النظري سهل يكون مثالي و حلو بس صعب التطبيق..
متل ما قال كوستا أفلاطوني
هلق مافي شي مستحيل.. و مين بيمنعنا نحلم؟؟

أوم فوت نام و صير حلاااام انو بلدنا صارت بلد .... اوم فوت نام و صير حلام .....

أول شي عزيزي دانيتو أنا ما مدحتك أو جاملتك، أنا حكيت حقيقتك، و أكيد إنتي بتستاهل أكتر من هيك.

يا شباب صدقوني شعوب و أقوام و اختراعات و اكتشافات صارت من ورا الأحلام، إنشالله نحنا نكون متلن، و أنا معك كوستا إنو الفساد معشش، بس متأكد إنو رح يجي يوم و يتسمم هالفساد" إن الله لا يضيع أجر من أحسن عملا" متأكد إنو هاللي ضحوا بحريتن مشان هالحلم كانوا متأكدين إنو رح يصير حقيقة بيوم من الأيام. صحي ممكن تكون دولة أفلاطونية اللي ببالنا، بس نحنا بدنا حرية متل حرية أوروبا و الغرب، حرية تعبير و اعتقاد و رأي و انتقاد، أكيد في شوية ظلم، بس بالنهاية الإنسان بعاملو على أساس إنسان، مو على أساس حيوان و عبد للحكام!!!!!!!!!!!!!! بجوز هالطلب أفلاطوني عند العرب و بس، بس الغرب، هادا صار واقع ملموس.

مرحبا ,,,, الموضوع اللي عم نحكي في كتير مهم و الاحلى انو كل واحد حكا عندو تصور لحل معين وانا اذا بدي احكي كمواطن سوري عايش بالشام انا مع ابو طريق انو نحنا بهالوقت ماعاد تنفعا الاحزاب و الاتجاهات (بالرغم اني شيوعي للعضم) بس كمان انا مع كوستا انو الحوار وصل لطريق مسدود او بالاحرى ما بلشوا في من الاساس الا اذا الاعتقالات و التعذيب نوع من انواع الحوار اللي مابعرفا ,,,
هلأ الحل الاقرب للواقع برايي هو نظام اقتصادي جديد يطعمي الشعب الجوعان و يخلق فرص عمل للشباب و يحمي حقوق العمال وطبعا هادا كلو بظل نظام ديمقراطي علماني بحت اما كيف بدنا نوصل لهاد النظام ؟؟؟؟
برايي متل ما حكي الكهربجي انو حكومات الثورة و زمن الثورة انتهى يمكن تكون الثورة الفكرية هيي البديل و مابيمنع هاد من شوية اضرابات للعمال (متل عمال معمل فرات ) شوية اعتراضات لطلاب الجامعات (جامعة حمص) ,,,
يعني انا ماعم طالب انو يتغير النظام مو مهم من اللي عم يحكم بعثي او شيوعي او قومي المهم هو التحسين القتصادي و بعدين منبئا منرجع منفكر بالمادية الديالكتيكية و بكارل ماركس و غيروووو

تحياتي و بعتذر ع الاطالة ,,,

هلأ الحل الاقرب للواقع برايي هو نظام اقتصادي جديد يطعمي الشعب الجوعان و يخلق فرص عمل للشباب و يحمي حقوق العمال وطبعا هادا كلو بظل نظام ديمقراطي علماني بحت اما كيف بدنا نوصل لهاد النظام ؟؟؟؟
هلأ هون بالذات تكمن المشكلة ، حافظ الأسد بعبقريته السياسية و قرائته العميقة للواقع المحلي و العالمي، و بأسلوبو المتجدد باستمرار ، نقل آدوات السيطرة من القمع و الاعتقالات و سيطرة الأجهزة الأمنية ، يلي أصلا بتطلب أشخاص و شبكة علاقات معقدة ممكن بمرحلة متقدمة يتمردوا أو يشكلو خطر (على حيدر، محمد حيدر ، عبد الحليم خدام) هي الأسلوب تحيد ببداية التسعينات و صار إفراجات عن المعتقلين بالآلاف تقريبا تفرغت السجون و تحول التركيز على الناحية الاقتصادية يعني نحنا مع أنو اقتصادنا مهلهل و الإدارة الاقتصادية المهلهلة هي السبب ، بس اللي بيتابع الوضع بيلاحظ أنو نحنا قدرنا ندمج اقتصادنا "الاشتراكي" بالنظام العالمي الجديد، و رغم أنو الدمج مشوه بس يعني هو أخد مكانه و بشكله المشوه دخل بالتركيبة ، طبعا الغائب الأهم كان المواطنين و اللي صار عكس مبادئ الحزب و الاشتراكية ، زيادة غنى الأغنياء و فقر الفقراء.. هلأ هي كلها مقدمة للرد على السطرين: آدوات السيطرة الحالية هي السيطرة على رأس المال و "الأستاز" رامي هو مو مجرد مشروع تكديس أموال على طريقة أنو ما بيشبع، هو أغمق من هيك لما بتطلع نكتة "لحتى تشتغل بالبلد لازم تكون يا مخالف يا مخلوف" هي مع كل السخرية اللي فيها بس هي بتعبر عن الواقع بشكل مختصر، يعني يا بتكون جزأ من تركيبة الفساد و معناتو ما فيك تعترض عليها أو حتى علقان جواتها يا أمى بتشتغل و مصالحك مرتبطة بجماعة الحكم، و بهي الحالة حتى في أهم الديمقراطيات العالمية اللي بيحسم القول هو صاحب المال لأنو هو اللي بينتخب و هو اللي بيتمثل .. و الاقتصاد مسيطر عليه تماما يعني محاربة الناس بأكل عيشها و بخبزها اليومي
هون بدي حط ملاحظة أنو اسلوب الاعتقالات الجماعية الرئيس بشار رجعها و هو بجميع الاحوال استفاد من المرحلة السابقة و ما افرزته من شرعنة اعتقال أصحاب الرأي المخالف من خلال قوانين فضفاضة و مخالفة لروح الدستور: قانون الصحافة ، بنود الإخلال بالوحدة الوطنية و الروح القومية..

برايي متل ما حكي الكهربجي انو حكومات الثورة و زمن الثورة انتهى يمكن تكون الثورة الفكرية هيي البديل و مابيمنع هاد من شوية اضرابات للعمال (متل عمال معمل فرات ) شوية اعتراضات لطلاب الجامعات (جامعة حمص) ,,,

التغيير الحقيقي ممكن يتم عن طريق نقابات العمال و اتحادات الطلبة و اتحادات الحرف الصغيرة و مجالس الإدارة المحلية لأنو هي بيطلع منها ناس من عمق معاناة الشعب و متحمسة و مبدأية و عقائدية
المشكلة أنو هي الجهات كلها تم تفتيتها و إعادة صياغتها و مثال صغير كتير ، اتحاد نقابات العمال بيرأسه بعثي و الدولة بيحكمها البعث : أنت الحاكم و المحكوم؟؟ نظام الإدارة المحلية بوضعو الحالي هو الخنجر في قلب إمكانية تحسين الأوضاع المحلية المواطنين (صرف مقدرات الدولة بما ينفع الأهلين و ليس بما يغني بعض المتعهدين الفاسدين)
يا سيدي كلمة إضراب ملغية و خلال تدجين المواطنين تم تعويدهم أن الشكل الوحيد للخروج للشارع هو مسيرات التأييد أو سب الأجانب (يعني حتى كلمة إضراب أو مظاهرة مو مستعملة


يعني انا ماعم طالب انو يتغير النظام مو مهم من اللي عم يحكم بعثي او شيوعي او قومي المهم هو التحسين القتصادي و بعدين منبئا منرجع منفكر بالمادية الديالكتيكية و بكارل ماركس و غيروووو

هادا اسمه وعي سياسي متقدم ، و توازن مع الذات و إذا الأجيال الجديدة بالأحزاب بتفكر بهي الطريقة نحنا بألف خير


تحياتي و بعتذر ع الاطالة ,,,

قلتلي إطالة ؟ شوف ردي لكن: جريدة

للأسف ما عاد في وقت للحلول السلمية..


اما سمعتلكم سمعة عجيبة .. قال في بلد اسمو موريتانيا يا شباب ، لك طلع البلد هذا عربي، -وانا الي مفكرو انغولي !!-، اي اي عربي، قال هونيك في شعب صار و مواطنين وحكومة -عم حكيك جد ، بيشرفي ، اي والله - وكمان قال الناس بلشو يصير الهم كرامة -مدري هاي وين بتطلع بيجوز على الفخاد!!
(هلق بصراحة بصراحة ..انا بسمع عن الكرامة كتير و متشهي شوفها من زمان -حسرة بقلبي-، بركي اذا حدى عندو شي صورة ليها مثلا او بيقدر يوصفلي شلون هاي بتكون .. عم بيخبروني.. قال شي كتير حلو الكرامة .. شغلة ظريفة يعني .. ولزيزة هيك .. )!!

بخ

للأسف ما عاد في وقت للحلول السلمية..


اما سمعتلكم سمعة عجيبة .. قال في بلد اسمو موريتانيا يا شباب ، لك طلع البلد هذا عربي، -وانا الي مفكرو انغولي !!-، اي اي عربي، قال هونيك في شعب صار و مواطنين وحكومة -عم حكيك جد ، بيشرفي ، اي والله - وكمان قال الناس بلشو يصير الهم كرامة -مدري هاي وين بتطلع بيجوز على الفخاد!!
(هلق بصراحة بصراحة ..انا بسمع عن الكرامة كتير و متشهي شوفها من زمان -حسرة بقلبي-، بركي اذا حدى عندو شي صورة ليها مثلا او بيقدر يوصفلي شلون هاي بتكون .. عم بيخبروني.. قال شي كتير حلو الكرامة .. شغلة ظريفة يعني .. ولزيزة هيك .. )!!

بخ
ما خوفي يا دكتور إلا نوصل لليوم اللي سكان البلدان التانية بيقولوا : اي والله بسوريا ما صارت (مثلا عن مجاعة أو فقر..)

ما خوفي يا دكتور إلا نوصل لليوم اللي سكان البلدان التانية بيقولوا : اي والله بسوريا ما صارت (مثلا عن مجاعة أو فقر..)

رح بتصير يا دانيتو هيك عندي احساس

لانو شبابنا كلهن بالغربة وما حدا ناوي يرجع عالبلد

رح بتصير يا دانيتو هيك عندي احساس

لانو شبابنا كلهن بالغربة وما حدا ناوي يرجع عالبلد

على قولتو .. بدنا نكفي بِ الي بقيو ، مش عَ الي بقيو ! :lol:

على قولتو .. بدنا نكفي بِ الي بقيو ، مش عَ الي بقيو ! :lol:

حلوة منك;-)

على قولتو .. بدنا نكفي بِ الي بقيو ، مش عَ الي بقيو ! :lol:
شو بدنا بيضل الحمصي متميز بخفة دمه :lol: :lol:

آدوات السيطرة الحالية هي السيطرة على رأس المال و "الأستاز" رامي هو مو مجرد مشروع تكديس أموال على طريقة أنو ما بيشبع، هو أغمق من هيك لما بتطلع نكتة "لحتى تشتغل بالبلد لازم تكون يا مخالف يا مخلوف" هي مع كل السخرية اللي فيها بس هي بتعبر عن الواقع بشكل مختصر، يعني يا بتكون جزأ من تركيبة الفساد و معناتو ما فيك تعترض عليها أو حتى علقان جواتها يا أمى بتشتغل و مصالحك مرتبطة بجماعة الحكم، و بهي الحالة حتى في أهم الديمقراطيات العالمية اللي بيحسم القول هو صاحب المال لأنو هو اللي بينتخب و هو اللي بيتمثل .. و الاقتصاد مسيطر عليه تماما يعني محاربة الناس بأكل عيشها و بخبزها اليومي
هون بدي حط ملاحظة أنو اسلوب الاعتقالات الجماعية الرئيس بشار رجعها و هو بجميع الاحوال استفاد من المرحلة السابقة و ما افرزته من شرعنة اعتقال أصحاب الرأي المخالف من خلال قوانين فضفاضة و مخالفة لروح الدستور: قانون الصحافة ، بنود الإخلال بالوحدة الوطنية و الروح القومية..



هاد الحكي اللي بينسمع ,,, عيني ربك
الف تحية ...
:D :D :D

ما خوفي يا دكتور إلا نوصل لليوم اللي سكان البلدان التانية بيقولوا : اي والله بسوريا ما صارت (مثلا عن مجاعة أو فقر..)
صارت...

مبروك

لا الاشتراكية تطبقت ( تم تطبيقها قدر الامكان )
الاتحاد السوفييتي كان دولي اشتراكيي لمدة 6 سنين فقط
بس المشكلة انو هل نظام افلاطوني الدماغ البشري لم يصل الى المرحلة التي يطبق فيها مثل هذه النظم

لأ المشكلي أنو الاشتراكيي ما بتطبق ببلد واحد الاشتراكيي لازم تتطبق بكل الكوكب
يا شباب الاشتراكية ما عادت متل أول... شوفو برامج الأحزاب اليسارية الأوروبية

لا تأميم ولا مصادرات ولا تعسف

حبيب هول ما أحزاب يساريي
الاشتراكيين الديموقراطيين يمين
بدنا كل واحد يعيش بحريتو ضمن نظام بيضمن حقوق الكل،
و هاد ما موجود غير بالنظام الاشتراكي لأنو العامل من حقو يلك المعمل
بالرغم اني شيوعي للعضم)
يعني انا ماعم طالب انو يتغير النظام
لأ واضح أنك شيوعي
للأسف ما عاد في وقت للحلول السلمية..

يا عيني عربك
وما حدا ناوي يرجع عالبلد
و في شباب منوع يرجعوا عالبلد
أنا مثلا

يا حبيباتي
الموضوع موجه كنصيحة للشباب اليساري المضروب عقلبو
خلو اليساريين يناقشو بهالموضوع و ما كل واحد يزت نكتي

و بعدين بأوروبا كوني كت قاعد باليونان ما كل اليسار تنازل عنفكرة الثورة و مصادرة المصانع
أنا لما بحكي عن اليسار اليوناني ما بكون عم احكي لا عن الحزب الاشتراكي pasok و لا عن احزب الشيوعي kke
هدول أحزاب يمينيي
أنا عم بحكي عن أحزاب يساريي مظبوطة
يمكن هل الأحزاب ما سامعين فيا لأنها مابتجمع شي بالانتخابات لأنو ما البرلمان هدفنا الثورة هدفنا
متل حزبي حزب العمال الاشتراكي sek جمعنا بالانتخابات الأخيرة 0.11 %
بس وقت صار احتلال الجامعات و هالقصص هالأحزاب الثوريي تحالفت مع بعضها وهزمت الحكومي بوقت كانوا ال kke و ال pasok ضدنا

يا حبيباتي
الموضوع موجه كنصيحة للشباب اليساري المضروب عقلبو
خلو اليساريين يناقشو بهالموضوع و ما كل واحد يزت نكتي

و بعدين بأوروبا كوني كت قاعد باليونان ما كل اليسار تنازل عنفكرة الثورة و مصادرة المصانع
أنا لما بحكي عن اليسار اليوناني ما بكون عم احكي لا عن الحزب الاشتراكي pasok و لا عن احزب الشيوعي kke
هدول أحزاب يمينيي
أنا عم بحكي عن أحزاب يساريي مظبوطة
يمكن هل الأحزاب ما سامعين فيا لأنها مابتجمع شي بالانتخابات لأنو ما البرلمان هدفنا الثورة هدفنا
متل حزبي حزب العمال الاشتراكي sek جمعنا بالانتخابات الأخيرة 0.11 %
بس وقت صار احتلال الجامعات و هالقصص هالأحزاب الثوريي تحالفت مع بعضها وهزمت الحكومي بوقت كانوا ال kke و ال pasok ضدنا

هلق كل شي فيني علق عليه هو أنك فعلا ناشط حزبي ، بينما كتير من الشباب بالمنتدى ناشط اجتماعي و مهتم أو ملتزم بس مو منظم و هي نقطة بتشكل فرق كبير
هلق الكل عم يفكر بالوطن و عندو نظرة مختلفة بس ما بعتقد الثورة هي الهدف بحد ذاته الهدف لازم يكون الناس و تحسين أوضاع الناس و حرية الرأي و العمل
هلق قضية الملكية قضية مهمة للنقاش بس مو هون محلها ، أنا ضد تمركزها بأيد أقلية أو بأيد حكومة بيديرها اقلية (بحكم أنو ما فيك تحط 10 وزراء اقتصاد مثلا..)
منرجع للموضوع الاساسي : خود نظرة على التجربة المصرية ، بصراحة أنا كتير معجب فيها ، بالرغم أنو ما عملت أثار ملموسة حاليا لكنا بتأسس لنشاط سياسي مختلف و بالرغم من أنو فيها تحالف يساري مع الأخوان ، تحالف مو منظم و لكن بحكم الظرف بس هو تحالف مهم على قاعدة وطنية و مكافحة الدكتاتورية مو على قاعدة إيدلوجية، الفرق بين مصر و اليونان أنو اليونان تخلصوا من الدكتاتورية من السبعينات و تحولوا إلى نظام يمكن أشبه بلبنان مبنى على الفساد بس فيه ديمقراطية، المصريين مازالوا مثل السوريين تحت حكم شمولي لكن مختلف قليلا (أنا باعتبره متقدم ببعض النواحي) سوريا فيها تجربة مميزة عن غيرها بس كمان اختلافها عن مصر بوجود تنوع اثني و تنوع ديني أكبر
الخلاصة: الاستفادة من التجارب التانية و خاصة ببلدان محيطة مهمة للغاية بس كمان لازم يكون في ربط واقعي و الحوار بين جميع الأطراف (يمين و يسار و وسط) خاصة ببلد مثل سوريا

ما بعتقد الثورة هي الهدف
الثورة مانها هدف الثورة حل

الثورة مانها هدف الثورة حل
الثورة حل معك أنا بس هي فاصل بين مرحلتين الوضع الراهن و الوضع المستقبلي
لازم يكون في رؤية مستقبلية أو حد أدنى لازم يكون في مكونات للثورة
طيب التناقض الحالي يلي ممكن يؤدي للثورة: شو هي عناصره؟
حكم شمولي و طبقة مستفيدين من جهة و شعب مقهور مع طليعة ثورية من جهة ثانية ؟
أم الموضوع اكثر تعقيدا:
في تناقض حاد بين التيارات الراديكالية الدينية اللي ما بتشكل أحزاب و لكن يطرب لها كثير من ابناء الشعب و تيارات اكثر تحررا و علمانية تتراوح بين الاعتدال و اليسارية
النظام المتناقض مع الجميع لكنه داخل اللعبة من طرفيها العلماني و الديني ؟
التناقض بين تيارات قومية و أخرى أممية عبر قومية بشكل أساسي العروبية الإسلامية و الشيوعية؟
من هم أدوات الثورة ؟ إلى أي تيار بالتحديد تنتمي الطليعة؟ أم هل هي جبهة من جميع هذه التيارات؟
باعتقد الوضع معقد و بيحمل سيناريوهات عديدة
حتى إذا حكينا عن شباب اليسار و تحديدا الشيوعيين: كيف ممكن ينجحوا بثورتهم إذا قاعدتهم الجماهيرية محدودة؟؟ أو إذا قلنا الفجوة بينهم و بين الجماهير اللي بيمثلو مصالحها بقوة فجوة ربما ليست واسعة لكنها عميقة

لأ واضح أنك شيوعي




مو كتير مهم يكون واضح المهم عم حس لو بوقت الفراغ انو في عالم مضلومين و ماعم يقدرو يعملو شي مشان حريتن ,,,
سؤالي انو اديش الثورة ممكن تجيب نتيجة بهالوقت ,,, يعني انت لازم تكزن بتعرف انو كارل ماركس مثلا ماكان مع انو تصير الثورة بروسيا لأنو رح تحرق كتير مراحل تاريخية لتطور نظريتو ,,, المهم بعد كل هالحكي انو الشعب جوعان و انا مع دانيتو بأنو هلأ مافي ظروف موضوعية و تاريخية للثورة ,,, اكيد الثورة هي الوسيلة و الحل بس لازم قبل مانفكر فيا نفكر بخلق الظروف المناسبة لقياما ,,,
و اكيد موضوع ضخم و النقاش مابيخلص
تحياتي ,,,

انا مع دانيتو بأنو هلأ مافي ظروف موضوعية و تاريخية للثورة
شباب أنا نزلت من فترة مقالي اسمها الثورة الدائمة
نزلتها منشان هالموضوع

كيف ممكن ينجحوا بثورتهم إذا قاعدتهم الجماهيرية محدودة؟؟ أو إذا قلنا الفجوة بينهم و بين الجماهير اللي بيمثلو مصالحها بقوة فجوة ربما ليست واسعة لكنها عميقة

أنا منشان هيك عم بقول لازم نظهر بحركة معارضة يساريي سريي تنظم العمال و الطلبي
رجاع لبداية الموضوع

الثورة مانها هدف الثورة حل

يا حسون

الثورة مانها لعبة ,الثورة في الها ايجابيات وسلبيات
هلأ ما بدنا ثورة متل الثورة الفرنسية نحط المقصلة ونقطع الروس
ولا متل البلشفية نكسر المعابد الدينية ونصادر ونأمم

بدنا ثورة تتماشى مع ظروفنا وظروف البلد يعني نحاسب المرتشين والمقصرين حساب صارم
ولا بد من وجود بلبلة وتدخل عسكري بس مو على حساب شعبنا وارضنا وخيراتنا
يعني ما بدنا دبابات اميركية ولا تدخل خارجي
بدنا الطبقة المثقفة والجيل الشبابي يقود هالثورة من دون عودة لزمن الخمسينات والستينات والانقلابات العسكرية

وبتقبل منكن الرد بروح رياضية اخواتنا

أخي حسون، هلأ إنك تشتغل بالسر مو حل بنوب، ما إنتي شايف التدخلات الخارجية لبلدنا، أميركا من جهة و اسرائيل من جهة، يعني مو وقت السرية هلأ، هلأ وقت إنو نوقف كلنا مع سوريا، مو الحكومة، و لا الأسد، لازم نوقف مع الشعب، يا سيدي نحنا ما هدفنا إنو نغير النظام قد ما هدفنا حرية البلد و أهلو، يعني ما في مشكلة إذا ضل النظام موجود، و بشار الأسد رئيس، بس مو نفس القمع و الظلم و الفساد!!!!! يعني إذا ضل رئيس و حرر الشعب، و سمح بالتعدد الحزبي و السياسي، و غير الحرس القديم، و قضى على الطائفية و المحسوبيات بالوظائف الحكومية، و أهم شي لغى شعار "سوريا الأسد" ساعتا يا ميت أهلا و سهلا، أنا رح كون أول واحد بينتخبو رئيس، بس إذا بدو يضل على نفس السياسة اللي ماشي عليها البلد هلأ، لأ سيدي، ما بدنا، بس كمان مو الحل بإنو نرجع النظام الشيوعي، و نخلي هوي الحاكم، الله وكيلك رح نرجع بعدين لنقطة الصفر، مو يعني إني بحقد عالشيوعية بس يا أخي ما نجحت هالحركة، فشلت ، أهدافا كانت حلوة، بس منعت الحريات، و هدمت الجوامع و الكنائس، و عيشت الشعب برعب كبير، يعني ما هادا اللي بدنا ياه، الشعب ما بدو لا أحزاب و لا حركات، و لا شي، الشعب بدو حرية، بس ضروري يعني نكون دولة حزبية ذات اتجاه معين، ضروري يكون من شروط الرئاسة الحاكم سني ولا علوي ولا مسلم و لا مسيحي ولا يميني ولا يساري؟؟؟؟؟!!!!!!!!!!!!!!!!! والله مو ضروري، المهم إنو يكون بني آدم طبيعي، شو ما كان انتماؤو الديني أو الحزبي، المهم إنو يكون عادل، يعني-مشان ما كون أفلاطوني- أغلبية الشعب عايش برضا، هلأ شوف الغرب، المتعلم منن بعيش و بلاقي شغل، بس الفاشل و الي بيلحق البنات و الخمر و المخدرات هوي الفاشل، مو المتعلمين، نحنا هادا اللي بدنا ياه و بس، كل واحد ياخد نصيبو، و ياخد على قد ما بيشتغل، بدون ما يكون حزبي أو منتمي لشي جماعة، و مو شرط إنو إذا واحد عندو معمل يروح يقسمو على الموظفين، والله مو عدل، المهم إنو يعطي الموظف حقو، بس يقسم المصنع بيناتن، شو الله جابرو؟؟؟؟؟؟
ما بعرف إذا هالشي اللي عمإحكي أفلاطوني أو مستحيل، بس يا أخي شايف الدول الأوروبية و أميركا و كندا، يعني ليش هنن إي و نحنا لأ؟؟؟؟!!!!!!!!!!!!!!!!!!!!!!
الحرية لسوريا

يا سيدي نحنا ما هدفنا إنو نغير النظام قد ما هدفنا حرية البلد و أهلو، يعني ما في مشكلة إذا ضل النظام موجود، و بشار الأسد رئيس

يا سيدي نعم حرية سوريا و شعبا لكن انو يضل رئيس بالأصل مخالف لقوانين الدستور و لم يتم انتخابه بشكل شعبي هذا لا يجوز ...
بيجي شخص زكي بقلي يا اخي سميلي واحد يجي بدالو ...
إي لا مو هيك بصير الحكي

و نقطة النظام الشيوعي فعلا أخد تجربتو و فشل فيها و ما بظن لازم ياخد فرصة تانية لأنو مصيرو الفشل ..

و آخ لو الأفلاطونية تطبق بالحياة بس نفسي أعرف كيف ممكن تكون الحياة .. بظن بتكون مملة

هلأ ما بدنا ثورة متل الثورة الفرنسية نحط المقصلة ونقطع الروس
أنا معك
ولا متل البلشفية نكسر المعابد الدينية ونصادر ونأمم
ما بدي سكر المعابد بس بدي صادر و أمم
يعني ما بدنا دبابات اميركية ولا تدخل خارجي
معك
الطبقة المثقفة
المثقفين مانون طبقة
يعني الدكتور بالمتشفى عامل
الدكتور بالعيادي بروازي صغير
الدكتور يلي عندو مستشفى رأسمالي
بدنا الطبقة المثقفة والجيل الشبابي يقود هالثورة
يلي بدون يثروا هني العمال و الطلبي
دون عودة لزمن الخمسينات والستينات والانقلابات العسكرية

معك
يا سيدي نحنا ما هدفنا إنو نغير النظام قد ما هدفنا حرية البلد و أهلو،
الحريي لسوريا ما بتجي غير بتغيير النظام
بس يا أخي ما نجحت هالحركة، فشلت
النظام بالاتحاد السوفييتي ما كان لا اشتراكي و لا شيوعي
كان رأسمالية دولي
مو شرط إنو إذا واحد عندو معمل يروح يقسمو على الموظفين، والله مو عدل، المهم إنو يعطي الموظف حقو، بس يقسم المصنع بيناتن، شو الله جابرو؟؟؟؟؟؟

الله ما بيجبرو بس الشعب بيجبرو
شايف الدول الأوروبية و أميركا و كندا
شو رأيك قلك أنو الشعب هونيك مانو مبسوط

و نقطة النظام الشيوعي فعلا أخد تجربتو و فشل فيها و ما بظن لازم ياخد فرصة تانية لأنو مصيرو الفشل ..

يعني انتا مع ورقة معادات الشيوعيي يلي كان بدو يطرحها الاتحاد الأوربي

ما بدي سكر المعابد بس بدي صادر و أمم


يعني الدكتور بالمتشفى عامل
الدكتور بالعيادي بروازي صغير
الدكتور يلي عندو مستشفى رأسمالي


هون لازم تعدل وجهة نظرك: التأميم صار بالخمسينات على أيدي جماعة الثورة العسكريين و جمال عبد الناصر و جماعته كل اللي انتجتوا إزاحة طبقة من البرجوازيين الوطنيين ليحل محلون منظرين و متسلقين اللي صاروا في مابعد محدثي نعمة فاسدين، هلق مو عيب الواحد يكون فقير و يتخلص من فقره بس العيب أنو يثرى على حساب الوطن و يبيع الوطن
الفكرة أنو هون لازم يكون مفهوم إعادة توزيع الثروة و لمصلحة طبقة أوسع فكرة حاضرة و بقوة و هي الفكرة اللي تجذب القاعدة الجماهيرية بدل من جذبها على أسس دينية أو عرقية أو طائفية أو غيرها و هي النقطة بدها موضوع كامل لحاله صرلي زمان عم فكر نزله و كنت بدي نزله بأخوية اقتصادية
يعني مع إعادة توزيع الثرورة و لكن ضد التأميم لأنه أسلوب قصري التوزيع لازم يكون على أساس قانوني تشريعي و بدون ما يحد من المبادرة الفردية و لكن بيشجعها أنو تصب بالمصلحة الاجتماعية

التأميم صار بالخمسينات على أيدي جماعة الثورة العسكريين
لأ التأميم صار أيام لينين عايدين البلاشفي
عكل حال عندي حل أحسن من التأميم
احتلال المصانع متل بفنزويللا

يا حسون

ليش بدك تصادر وتامم ؟؟؟؟ انت اذا عندك محل او ورشة بترضى انو تتصادر؟؟؟؟
اي حتى بالاتحاد السوفييتي كان في ملكيات خاصة
بعدين العمال يا اخي ببلدنا اي نصهون ما بيعرف يفك الحرف والنص التاني دوبو معو شهادة تاسع
شلون هاد بدو يقود ثورة ؟؟؟؟اي بتكون فوضى بفوضى
اما الطلبة معك حق انو يقود ثورة بس يكون عندو درجة وعي وبعد سياسي

بتمنى تعطيني فكرة عن الثورة يلي بدك ياها

وشكرا اخي حسون:D

لأ التأميم صار أيام لينين عايدين البلاشفي
عكل حال عندي حل أحسن من التأميم
احتلال المصانع متل بفنزويللا
أنا معك أنو بدنا تغيير و حتى ثورة
بس المشكلة أنو تم تفكيك معطيات الثورة
بسوريا في ظلم اسا أسوء من فنزويلا
و بالعالم كلو
بس هني في معادلة أصحاب الرواتب و الأجور بمواجهة الملاكين الكبار بس يعني مو عمستوى مصنع بس هدول اللي بيسموها شركات أموال (كوربوريشنز) يلي مملوكة او مرتبطة بالأميركان
نحنا عنا الوضع شوي مختلف في طبقة ملاكين بجوز مو بغنى الرأسماليين تبع الكوربوريشنز بس هني مثل المافيا مسيطرين عالوضع باحتكار بدعم من قوانين مخالفة للدستور و روح الدستور و بدعم من الحكم و هي جزأ من صفقة الفساد و أهم منتج جانبي للوضع السياسي الشمولي

الفكرة هي بأنو الطبقة العاملة مانا متماسكة سياسيا و حتى الطلاب و حاليا أكبر رابط عم يجذب العالم (بما فيها البرجوازيين الحاليين) هو العامل الديني و الناجم عن قصور الوضع و تشويه معاني الاشتراكية و مفاهيمها إن كان الشيوعية منها أو الاشتراكية على طريقة السوق الاجتماعية

الوضع السوري وضع كتير فريد مافينا نسحب أي تجربة تانية سحب مباشر عليه

أنت معك حق تطالب بحركات سرية بس ، يعني تنظيمات سرية بكون عندا اجندة غير معلنة هي التغلغل بالنقابات و الاتحادات على الهدى و بعدين استخدام الهيكلية الحالية لتغييرها ، يعني مو مسيرة اصلاح و تحديث و بروباغندا تبع النظام بس تسلل من الباب الخلفي و بعدين بيصير ضغط و ضغط قوي كمان غير هيك الحكومة و أجهزتها مفتحة عيونها 10 على 10 و أنا باعتقادي الشخصي أسهل على أسرائيل أنو تضرب حدا من حماس ولا مصالح عسكرية سورية بنص سوريا من أنو حركة أو حزب سوري معارض و فعال يقدر يعمل 3 اجتماعات ورا بعض بدون ما ينعفطوا او تخترقهن الاجهزة الأمنية

على هامش الحوار هي لحسون :
أول شي لتعمل ثورة عل نظام بدك يكون في ........ نظام

تاني شي لتعمل ثورة عل نظام بدك يكون في ........ نظام


بال.....سيكام المهم نظام


( زياد )

صباح الخير شباب

هلق أنا بدّي أسأل أوّل شي حسّون... شو كانت عواقب التأميم التعسّفي كلّ مرّة؟؟

برأيك الإتحاد السوفييتي انهار بسبب أخطاء صارت من بداية البدابة؟؟ (عند البلاشفة قصدي)

يا ترى اللينينيين قدروا يعملوا اقتصاد قوي شي مرّة؟؟ تفضّل شوف شو صار بالشعب الكوبي.. الجوع أكلهن أكل

فنزويلّا و بوليفيا والبرازيل قريباً هيّ دول اليسار الجديد.. ما عاد في شي أسمو تأميم متل ما كان.. هنن طرحوا على الشركات الكبيرة (بس الكبيرة) شروط.. اللي رضي استمرّ, واللّي ما رضي ما استمرّ... الموضوع مو قمع...

أهم شي أنّو ما ننسى أنّو ديكتاتوريّة البلوريتارية مو النخبة هي اللي بتقرر شو بدها تعمل.. طبعا لمّا بتكون النخبة حقها خر*ة أجلّكن...

فبالتالي مو نحنا اللي منقرر شو بدّو الشعب... اللي للأسف بدّو الدين حاكم..

الثورة بدها عصب وغضب..

نحنا شعب مدعوس عليه .. (هاي للعصب)
وبطّل عنا احساس .. بليد يعني .. (هاي للغضب)

وبقصد بالشعب ( الشعب العربي بشكل عام) لأنو التجربة السورية بتنطبق تقريباً على باقي الدول العربية( يعني الفساد، والسلطة، وما إلى ذلك).

الثورة بدها عصب وغضب..

نحنا شعب مدعوس عليه .. (هاي للعصب)
وبطّل عنا احساس .. بليد يعني .. (هاي للغضب)

وبقصد بالشعب ( الشعب العربي بشكل عام) لأنو التجربة السورية بتنطبق تقريباً على باقي الدول العربية( يعني الفساد، والسلطة، وما إلى ذلك).

اخت نيرفانا

الثورة مانها لعبة يعني هاد مصير شعب وامة بحد ذاتو
والثورة دائما تحصد ابنائها واكبر مثال الثورة الفرنسية (روبسبيير)

لكن التجربة السورية فريدة من نوعها بالعالم حالات القمع والنفي والهرب لخارج البلاد وملاحقة رجال الاحزاب وحالات التعذيب , تصوروا انو في ناس غطسوهن بالاسيد
والانقلابات العسكرية وكل مين ايدو الو

فسورية غير مؤهلة نفسيا للثورة لانو الشعب تجربتو ضئيلة

الفكرة هي بأنو الطبقة العاملة مانا متماسكة سياسيا و حتى الطلاب
مشان هيك أنا عم بطالب بحركة سرية بين العمال و الطلبي
بعدين العمال يا اخي ببلدنا اي نصهون ما بيعرف يفك الحرف والنص التاني دوبو معو شهادة تاسع
شلون هاد بدو يقود ثورة ؟؟؟؟اي بتكون فوضى بفوضى

اذا بتلاحظ أنا قلت
يعني الدكتور بالمتشفى عامل
أنت معك حق تطالب بحركات سرية بس
شباب أنا كنت بحزب العمل الشيوعي يلي هوي جزء من المعارضة العلنيي
و كنا بعاد عن الشعب لأنو ما حدا بيسترجي يتعاطى معنا

وبقصد بالشعب ( الشعب العربي بشكل عام) لأنو التجربة السورية بتنطبق تقريباً على باقي الدول العربية( يعني الفساد، والسلطة، وما إلى ذلك).

الثورة ما بتكفي تكون عربيي
لازم تكون عالميي
و هالثورة بلشت بأميركا الجنوبيي و بأزن عمال لعالم بتصير عكل الكوكب
ليش بدك تصادر وتامم
ملاحظة أنا بدي المصانع تكون للعمال لا للدولي و لا للرأسمالي
و هون بيجي الفرق بين الاشتراكيي و رأسمالية الدولي
و اذا بتلاحظو أنا قلت
عكل حال عندي حل أحسن من التأميم
احتلال المصانع متل بفنزويللا

فنزويلّا و بوليفيا والبرازيل قريباً هيّ دول اليسار الجديد
هدول لسا ما صاروا دول اشتراكيي