-
دخول

عرض كامل الموضوع : سؤال قانوني

hanny dagher
05/07/2006, 13:30
انا عندي سؤال قانوني بدي اطرحو عليكن وكلي امل انكن تساعدوني في واكتر شي متأمل بالمدام منى بما انو دارسة قانون

في واحد كان عم يقطع الشارع بتجي سيارة مسرعة بتضربو وبتهرب الزلمة بيقلب على الارض وبين الحياة والموت بيتجمعو هالعالم حواليي بيتصلو بالاسعاف بس متل مو مبين معاهن الزلمي ما بيعيش لبين ما يوصل الاسعاف وخاصة انو بدها ربع ساعة لتوصل فبدو اسعاف اولي من بين الموجودين في طالب طب سنة خامسة يعني اسا ما بيحقلو يمارس المهنة بيجي بدو يعملو اسعاف اولي بيضربو ابرة غلط الزلمي بتسوء حالتو بزيادة هون بتوصل سيارة الاسعاف بيحملو للزلمة وبوجهن على المشفى وهني على الطريق بينقطع الفرام مع شوفير سيارة الاسعاف بيضطر يخفف سرعتو بيكون تاخرو شي ربع ساعة كمان بيوصل على المستشفى الطبيب المختص مو موجود بالمشفى بيحكو معا بيقلن جاي فوتو على العمليات وانا جاي بيفوتو على العمليات بيجي الدكتور المخدر بيضربو جرعة مخدر زايدة بيجي الزلمي بيموت بعد ربع ساعة بيجي الدكتور بيلاقي الزلمة ميت ما بيقدر يعملو شي

هلأ السؤال
على مين الحق ؟

السيارة اللي ضربتو وهربت
طالب الطب اللي ضربو ابرة خاطئة مع انو ما بيحقلو يمارس الطب
سيارة الاسعاف لانها عطلت
شوفير سيارة الاسعاف اللي ما تفقد سيارتو قبل ما يطلع فيها
الدكتور المخدر اللي عطا جرعة مخدر زايدة
الدكتور المختص اللي ما كان متواجد بالمشفى واخدت معو ربع ساعة لوصل للمشفى
فكر ثم اجب

ويللا لنشوف شو رح تقولو
بالنسبة للجواب انا بعرفو بس بدي شوف شو رح يطلع معاكن :D
ماما منوشه
05/07/2006, 13:42
هلأ انا اتفضحت
ماما منوشه
05/07/2006, 13:47
اوك حسب معلوماتي الضعيفة ياللي بعدي محتفظه فيها بيكون الطبيب المخدر هو الغلطان لأنو ما راعى الحذر عندما اعطى المريض المخدر الذي كانت حالة خطيرة من الحقنة الخطأ
هاي من ناحية ومن ناحية تانية بعتقد انو القانون بيحاسب على آخر فعل أدي إلى الوفاة واللي هو برضو حقنة المخدر
اتمنى ما تكون اجابتي خطأ بعد الفضيحة اللي فضحتهالي ييا هاني
yanni
05/07/2006, 14:13
أنا اتوقع الحئ اول شي على شوفير السياره الي ضربت الرجال
وهادا لا يعني انو المسؤليه بتنلغى عن البائي كل واحد بيتحمل نتيجة عملو على حسب الغلط الي غلطو.
ابومزيد
05/07/2006, 14:22
الحق عالزلمة اللي مات العمى شو انو منحوس لك مافي ولا واحد طلع بيفهم من اللي انقذوه:blusted: :blusted: وخصوصا سيارة الاسعاف
لك ما كان ناقص غير تصير هزة ارضية او شي صاروخ جاي بالغلط
Majood
05/07/2006, 15:25
الحق عالمدعوس طبعا :pos: ...



ليش ليقطع الشارع ... ما يطلع عاجسر المشاة او ينزل بالنفق ابو ريحة.... او ليش ما يوقف عالاشارة المعطلة .. ليش يطلع بس عاليمين خوفا من انو يطلع عاليسار يقومو يفكرو يساري .. ليش ليفكر و هو عم بيقطع كيف بدو يدفع فاتورة الترابية ... شفت كيف الحق عليه ...
مو بيستاهل بالله :jakoush:
ابومزيد
05/07/2006, 16:08
اذا هيك ما في جريمة بالاصل لانو الزلمة طلع مدعوس دعوس من الاول هههههههههههه
فيروزة
05/07/2006, 16:46
القدر :cry:
فيروزة
05/07/2006, 16:57
الحق على السيارة يلي ضربتوا وهربت وعلى الدكتور المخدر يلي عطاه جرعة زائدة
ملك الهكرز
05/07/2006, 18:41
الحق على حظو المعتر

والمجتمع يلي هوي عايش في كلو فوضى
Kakabouda
05/07/2006, 19:57
أي الله من فوق كرهانو للزلمي :lol: بقا ما الحق على حدا ,هاد خالص عمرو :pos:
سرسورة
06/07/2006, 00:26
ليك هاني..رح حاول جاوبك حسب معلوماتي المتواضعة عما درسته في مقرر قانون و أخلاق الطب ....
أول شي...المدعوس حتى لو رمى حالو قدام السيارة....ف ما بيكون الحق عليه...بالعكس دايما الحق معو(ع حسب ما بعرف)
أما طالب الطب فتعتبرمسؤوليته مسؤولية تقصيرية من غير قصد....يعني انو هو كان قاصد المساعدة بس غلط غلطة غير مقصودة.......يعني بيتحاسب عليها بدفع غرامة(كمان ع حسب ما بعرف و حسب ما درسونا)
وكذلك طبيب التخدير....بس طبيب التخدير هو اللي مات المريض بعد تدخلو.....يعني هو اخر واحد حاول الانقاذ....اساسا الجرعات التخديرية المعطاة اذا كانت زايدة او شي بيعملو عليا دراسة و بيشوفو اذا مقصودة او لاء لانو هي مسؤوليتا كبيرة...او اكبر من غيرا.....
بس بعتقد انو كمان بيدفعو غرامة للطبيب المخدر بالاضافة للعقوبة السلوكية من نقابة الاطباء باعطاؤه تنبيه ببعض الاحيان......
وبالنهاية...ما بتروح غير ع الزلمة المدعوس.....
gabo
06/07/2006, 00:33
والله الحق على المانيا لانو لولا اختراعها لسيارات المرسيدس ما كانت فعستو السيارة ولا صارت المشكلة
أسير التشرد
06/07/2006, 01:24
والله الحق على الحكومة !!! ليش ؟؟

لأنها ما عندها برامج توعية للبشر...
لأنها منحت شهادة السواقة لصاحب السيارة بالواسطة...
لأنها ما عم تتطور بأسلوب التعليم منشان هيك الطالب أخطأ بالابرة...
لأنها ما عم تمد المستشفيات بالسيارات (الاسعافية) الحديثة... وبحطو أي شخص شوفير على السيارة (واسطة)...
لأنها ... لأنها .... لأنها ....

والله يرحم الميت ويدخله فسيج جناته ويرزقه من الحور العين والولدان المخلدون...
:cry:
hanny dagher
06/07/2006, 09:36
هلأ معظمكن اخد الموضوع انو مزح وانو لعبة
مع انو هوي عنجد سؤال سنة رابعة للي عم يدرس القانون
هلأ في منكن قرب على الجواب متل سرسورة وفيروزة
نحنا مو مختلفين انو الزلمي منحوس والله بدو يا جنبو بس كان الهدف من السؤال تحريك مخ شوي واكتشاف مدى معلوماتكن القانونية

رح انطر لبكرا قبل ما حط الجواب :D
Majood
06/07/2006, 09:44
همممم لا ازا هيك .. شغلة جدية ..

بس كان لازم توضح صديق ...

ياسيدي بتوقع الحق على سائق السيارة يللي دعستو .. لأنو المسبب الاول كان هو.. لانو هالزلمة لو ما طرقتو هالسيارة ما كان صار في تداعيات للحادثة :pos: ...
Geeny
06/07/2006, 09:50
الحق عالمدعوس طبعا :pos: ...



ليش ليقطع الشارع ... ما يطلع عاجسر المشاة او ينزل بالنفق ابو ريحة.... او ليش ما يوقف عالاشارة المعطلة .. ليش يطلع بس عاليمين خوفا من انو يطلع عاليسار يقومو يفكرو يساري .. ليش ليفكر و هو عم بيقطع كيف بدو يدفع فاتورة الترابية ... شفت كيف الحق عليه ...
مو بيستاهل بالله :jakoush:
ايه والله انك سحبة :lol:
ومشان الموضوع ما عندي معلومات قانونية انا
hanny dagher
06/07/2006, 09:55
الحق عالمدعوس طبعا :pos: ...



ليش ليقطع الشارع ... ما يطلع عاجسر المشاة او ينزل بالنفق ابو ريحة.... او ليش ما يوقف عالاشارة المعطلة .. ليش يطلع بس عاليمين خوفا من انو يطلع عاليسار يقومو يفكرو يساري .. ليش ليفكر و هو عم بيقطع كيف بدو يدفع فاتورة الترابية ... شفت كيف الحق عليه ...
مو بيستاهل بالله :jakoush:

بتصدقي انو ما ركزت على هالرد لحتى ردت جيني علي :oops:
والله انك نهفة :lol: مية وردة حماتي :D
Willi
06/07/2006, 10:57
لعمى مدري ليش انا لهلق لشفت الموضوع
والله ما حدا غير بدو يجيب الجواب
يالله لنبلش

السيارة اللي ضربتو وهربت
صاحب السيارة بينحط بالسجن لانو هرب وبتنشال منو شهادة السواقة

طالب الطب اللي ضربو ابرة خاطئة مع انو ما بيحقلو يمارس الطب
هاد بيدفع غرامة

سيارة الاسعاف لانها عطلت
والله هلق شوف لو كنت بسوريا والبقايا مدعومين كانو اي حطو الحق على سيارة الاسعاف;-)

شوفير سيارة الاسعاف اللي ما تفقد سيارتو قبل ما يطلع فيها
هاد مسكين معتر ما بيعملولو شي مادخلو بشي
لان مو هو اللي لازم يعمل تفقد لسيارة الاسعاف

الدكتور المخدر اللي عطا جرعة مخدر زايدة
هاد بظن بيدفع غرامة بس مو اكتر لانو ما كان منتبه هو وعم يعطيه الجرعة

الدكتور المختص اللي ما كان متواجد بالمشفى واخدت معو ربع ساعة لوصل للمشفى
هاد كمان ما دخلو اذا مو وقت دوامو
صياد الطيور
06/07/2006, 11:17
أخي .. الحق كل الحق على دخل هالموضوع ووجع راسو فيه
ابومزيد
06/07/2006, 12:00
أخي .. الحق كل الحق على دخل هالموضوع ووجع راسو فيه
وانت الصادق الحق عالداية اللي جابت الدكتور
سرسورة
07/07/2006, 01:38
اي يللا هاني...صار بكرة؟
شو الجواب؟؟؟؟؟؟؟؟
hanny dagher
07/07/2006, 11:05
اي يللا هاني...صار بكرة؟
شو الجواب؟؟؟؟؟؟؟؟

اي الجواب غير انو الحق على اللي نزل الموضوع بهيك وقت

كل واحد على حق حسب مادة محددة بالقانون
الشوفير اللي ضربو وهرب يحبس
الطبيب المخدر يحبس
الطبيب المختص والطالب وشوفير الاسعاف غرامة
سيارة الاسعاف بقى لا يسمح باستخدامها مرة تانية يعني تنسق

وان عادها ابو الحصيني قطعو دنبو :pos:
ابومزيد
07/07/2006, 13:26
اي الجواب غير انو الحق على اللي نزل الموضوع بهيك وقت

كل واحد على حق حسب مادة محددة بالقانون
الشوفير اللي ضربو وهرب يحبس
الطبيب المخدر يحبس
الطبيب المختص والطالب وشوفير الاسعاف غرامة
سيارة الاسعاف بقى لا يسمح باستخدامها مرة تانية يعني تنسق

وان عادها ابو الحصيني قطعو دنبو :pos:
احنا فهمنا من سؤالك انو المسؤولية بيتحملها واحد من هدول طلع الحق على الكل:shock: :shock: :shock:
ماما منوشه
07/07/2006, 13:35
اي الجواب غير انو الحق على اللي نزل الموضوع بهيك وقت

كل واحد على حق حسب مادة محددة بالقانون
الشوفير اللي ضربو وهرب يحبس
الطبيب المخدر يحبس
الطبيب المختص والطالب وشوفير الاسعاف غرامة
سيارة الاسعاف بقى لا يسمح باستخدامها مرة تانية يعني تنسق

وان عادها ابو الحصيني قطعو دنبو :pos:
:? :? :? :? :? :?
كل هدول!!!
أسير التشرد
08/07/2006, 04:44
سؤالك كان مفخخ :shock:
Fady007
19/09/2006, 14:44
اي الجواب غير انو الحق على اللي نزل الموضوع بهيك وقت

كل واحد على حق حسب مادة محددة بالقانون
الشوفير اللي ضربو وهرب يحبس
الطبيب المخدر يحبس
الطبيب المختص والطالب وشوفير الاسعاف غرامة
سيارة الاسعاف بقى لا يسمح باستخدامها مرة تانية يعني تنسق

وان عادها ابو الحصيني قطعو دنبو :pos:

اعتقد لو انا القاضي
سأقيد القضيه او الجريمه ضد مجهول
واريح دماغي
:D
Government
19/09/2006, 15:10
لك مين نكش هالموضوع
وائل 76
22/09/2006, 03:21
هلاء هاني في نظريتين بيعالجوا القصة هاي
الاولى نظرية تعادل او تكافئ الاسباب بمقتضاها كل سبب او فعل اشترك في احداث النتيجة يدخل في المفهوم التجريمي اي انه يعتبر جزء من الركن المادي وبتالي يعاقب صاحب هذا السلوك ولكن العقوبة تختلف باختلاف اثر السلوك

النظرية الثانية نظرية السبب المباشر بمقتضاها لا يعول الا على السبب او السلوك المباشر في احداث النتيجة اي انه لو تضافرت عدة اسباب في احداث نتيجة معينة فان السبب المباشر فقط يكون محل التجريم اما باقي الاسباب فلا تعدو كونها ظروف تداخلت

هلاء وفق النظرية الاولى كلهم مذنبين
وفق التانية السائق فقط هو المذنب
لكن هون بدي وضح شغلة وهي ان معظم القوانين الجزائية تتبنى النظرية الثانية وهي نظرية السبب المباشر
يعني الساثق اكل عسل اسود


حلو هيك معلم هاني

تحياتي الك وللجميع وخصوصا المستشار منوشة :D
hanny dagher
22/09/2006, 03:25
هلاء هاني في نظريتين بيعالجوا القصة هاي
الاولى نظرية تعادل او تكافئ الاسباب بمقتضاها كل سبب او فعل اشترك في احداث النتيجة يدخل في المفهوم التجريمي اي انه يعتبر جزء من الركن المادي وبتالي يعاقب صاحب هذا السلوك ولكن العقوبة تختلف باختلاف اثر السلوك

النظرية الثانية نظرية السبب المباشر بمقتضاها لا يعول الا على السبب او السلوك المباشر في احداث النتيجة اي انه لو تضافرت عدة اسباب في احداث نتيجة معينة فان السبب المباشر فقط يكون محل التجريم اما باقي الاسباب فلا تعدو كونها ظروف تداخلت

هلاء وفق النظرية الاولى كلهم مذنبين
وفق التانية السائق فقط هو المذنب
لكن هون بدي وضح شغلة وهي ان معظم القوانين الجزائية تتبنى النظرية الثانية وهي نظرية السبب المباشر
يعني الساثق اكل عسل اسود


حلو هيك معلم هاني

تحياتي الك وللجميع وخصوصا المستشار منوشة :D

ليش شو كان السؤال :? :shock:

شو مشانكن لاحقين مواضيعي ومبلشين نكش وحياتكن اسا ما متت يعني اسعتني حي ارزق :? :lol:
وائل 76
22/09/2006, 03:27
ليش شو كان السؤال :? :shock:

شو مشانكن لاحقين مواضيعي ومبلشين نكش وحياتكن اسا ما متت يعني اسعتني حي ارزق :? :lol:


لك انتا باجازة ونحنا عم نعيش لحظات الحرمان والاشتياق
لذلك بنبحث عن اي شي من ريحتك

;-) ;-) ;-)
إنسان وبس
22/09/2006, 03:28
وقد نُكش هذا الموضوع على روح هاني داغر :pos:
hanny dagher
22/09/2006, 03:47
وقد نُكش هذا الموضوع على روح هاني داغر :pos:


بعيد الشر يعدمني ياك على هالمفاولة :pos:
وائل 76
22/09/2006, 03:51
وقد نُكش هذا الموضوع على روح هاني داغر :pos:



لك ليه عم تفول على الرجال بعدين وين تركتني مع زوجة المستنقبل وجاي هون تفقع هاني
روح هناك عم انتظرك لنشوف حل لهاي البقرة اسف
الانسة
إنسان وبس
22/09/2006, 03:57
بقرة !!!!:shock:
وائل 76
22/09/2006, 04:01
بقرة !!!!:shock:


لك اتركك من هالبقرة قصدي سندريلا وروح اعرف موعد موتك بسرعة بركي نموت سوا انا وانتا ونخلص من البقر يلي بالحياة

الموضوع لفادي

بنتظرك هناك
إنسان وبس
22/09/2006, 04:02
انا عمري خلص لما حبيبتي تركتني:pos:
وائل 76
22/09/2006, 04:03
انا عمري خلص لما حبيبتي تركتني:pos:




لك ما بيسوا كلهم بدهم حرق
إنسان وبس
22/09/2006, 04:06
لك ما بيسوا كلهم بدهم حرق
على سيرة الحرق ذكرتني بحبيبي هتلر:cry:
وائل 76
22/09/2006, 04:10
على سيرة الحرق ذكرتني بحبيبي هتلر:cry:


تعيش وتتذكر حبيب
بس شو تذكرت هلاء بهتلر
شو رائيك نشوف شي موضوع ميت نعيد له الحياة
في مواضيع كتيرة هون مسكينة ما حدا بيفوت عليها
خلينا نوجب الشباب
إنسان وبس
22/09/2006, 04:11
وهو كذلك .....

بس صار لازم امشى هلق انشاء الله بكرا رح افوت وانعش كم موضوع
تحياتي لك اخي وائل
الى لقاء قريب