-
دخول

عرض كامل الموضوع : الاستنساخ...موضوع جديد قديم...مثير للجدل...

TheLight
07/07/2006, 02:27
شباب صبايا
انا مبارح كنت عم اقرا موضوع جديد عن الاستنساخ واحتمال بداية تطبيقاته على الانسان لاهداف علاجية طبية
السؤال يللي خطر ع بالي
انو نحن كمجتمع محافظ حتى الان شو رأينا بالاستنساخ من منظور اجتماعي فلسفي او حتى روحاني
الرجاء المشاركة بالتصويت وابداء الرأي
COSTA
07/07/2006, 02:38
شباب صبايا
انا مبارح كنت عم اقرا موضوع جديد عن الاستنساخ واحتمال بداية تطبيقاته على الانسان لاهداف علاجية طبية
السؤال يللي خطر ع بالي
انو نحن كمجتمع محافظ حتى الان شو رأينا بالاستنساخ منمنظور اجتماعي فلسفي او حتى روحاني
الرجاء المشاركة بالتصويت وابداء الرأي

ايمتا تطبيقاتو رح بتصير؟؟؟؟؟؟؟؟؟؟؟

ومن
منظور اجتماعي يعني مجتمعنا شبه متخلف ما بحب هالشغلات

وروحاني بدك تشوف جماعة الدين
TheLight
07/07/2006, 03:02
ايمتا تطبيقاتو رح بتصير؟؟؟؟؟؟؟؟؟؟؟

ومن
منظور اجتماعي يعني مجتمعنا شبه متخلف ما بحب هالشغلات

وروحاني بدك تشوف جماعة الدين

هلق انا عندي تحفظ على كلمة مجتمع متخلف وبفضل صفة محافظ
بس بغض النظر عن التسميات انت شو رأيك؟
COSTA
07/07/2006, 03:06
هلق انا عندي تحفظ على كلمة مجتمع متخلف وبفضل صفة محافظ
بس بغض النظر عن التسميات انت شو رأيك؟

انا برأيي انو مجتمعنا ما بيستاهل التطور والعلم لانو متخلف:jakoush:

اي متخلف
TheLight
07/07/2006, 03:08
انا برأيي انو مجتمعنا ما بيستاهل التطور والعلم لانو متخلف:jakoush:

اي متخلف


ما بدنا نشذ عن الموضوع الرئيسي
انت مع ولا ضد الاستنساخ؟؟؟
COSTA
07/07/2006, 03:13
انا صوتت بعدين شو هي مع ولا ضد

اي شو معارضة؟؟؟؟؟؟؟؟؟؟؟
TheLight
07/07/2006, 21:40
والله معك حق
شي متخلف تمام
يا زلمة حطيناموضوع جدي منشان نتاقش فيه قام ما حدا عذب حالو وفات عليه
ملتهين بموضو هاد الشب الطانت يللي قال شفايفو خرج تبويس
والله مجتمع متخلف
HashtNasht
08/07/2006, 00:31
شباب صبايا
انا مبارح كنت عم اقرا موضوع جديد عن الاستنساخ واحتمال بداية تطبيقاته على الانسان لاهداف علاجية طبية
السؤال يللي خطر ع بالي
انو نحن كمجتمع محافظ حتى الان شو رأينا بالاستنساخ من منظور اجتماعي فلسفي او حتى روحاني
الرجاء المشاركة بالتصويت وابداء الرأي

هلأ الاستنساخ لأغراض علاجية هو استنساخ الأعضاء ....و هو موضوع غير خلافي و مافي علي مشاكل .

بس عاد اذا المقصود هو ن هو استنساخ البشر بهدف الحصول على بشر ...هون المشاكل


أنا من وجهة نظري مافيني أعطي رايي بالموضوع قبل ما أعرف شو الهدف من الاستنساخ

يعني انو اذا بدنا نستنسخ بني ادم ....شو الهدف ..مشان شو عم نستنسخ ...لوين بدنا نوصل ؟؟

لحد هلأ ما لقيت سبب مقنع لاستنساخ البشر :pos:

اذا حدو عندو سبب يقلي بليز :D
TheLight
08/07/2006, 00:35
هلق شو رأيك انو ممكن نستنسخ جنين ونحصل ع اعضاء منشان مجموعة اطفال او اشخاص بحاجة لهي الاعضاء؟
وبعدين فكرة الاستنساخ ممكن تعتبر تعدي ع الخالق ولا لاء؟
طبعا هي الاسئلة انا عم بطرحها ومو بالضروري تعبر عن قناعاتي
فيروزة
08/07/2006, 00:56
يرفض الاستنساخ لإعادة نسخ كلي، إلا في حالة توظيفه للأغراض الطبية، وذلك على أساس أن هذه التكنولوجيا تفيد الإنسان وتساعد على إنتاج أعضاء وأنسجة معينة يمكن زراعتها في جسم الإنسان، وعليه فإننا ننظر إلى الاستنساخ على أنه مِثْل زراعة الأعضاء العادية والتي قد تُنقِذُ حياة الإنسان أو قد تساعد على الحفاظ عليها.
COSTA
08/07/2006, 01:43
بما انو الموضوع حلو رح بشارك فيه

الاستنساخ شغلة حلوة كتير
بس العلماء رح يقدرو يعملو حدود وما يتجاوز طبيعة الانسان البشرية
يعني الانسان بضل انسان مو يصير متوحش وارهابي
HashtNasht
08/07/2006, 01:46
يعني الانسان بضل انسان مو يصير متوحش وارهابي

ما هو هو من أهم خصائص الانسان انو متوحش و ارهابي

انت بجوز قصدك ع الحمام الزاجل :lol:
امرأة من ورق
08/07/2006, 03:11
برأيي انو الاستنساخ هوي تطور علمي ومتل اي تطور علمي ممكن يكون الو سيئات كتير ويمكن حتى يروح فيه ضحايا وخصوصا اذا حدا قصد انو يسيء استعمالو بس هاد مابيعني انو نتوقف عن اي تطور علمي بالدنيا
اما من رأيي بعلاقته بالدين..... بظن لو بدنا نضل عم نوقف العلم عن حدود المسموح فيه دينيا بكل وقت كنا لسه ماعرفنا تشريح الانسان:(
TheLight
08/07/2006, 03:13
برأيي انو الاستنساخ هوي تطور علمي ومتل اي تطور علمي ممكن يكون الو سيئات كتير ويمكن حتى يروح فيه ضحايا وخصوصا اذا حدا قصد انو يسيء استعمالو بس هاد مابيعني انو نتوقف عن اي تطور علمي بالدنيا
اما من رأيي بعلاقته بالدين..... بظن لو بدنا نضل عم نوقف العلم عن حدود المسموح فيه دينيا بكل وقت كنا لسه ماعرفنا تشريح الانسان:(

كلام منطقي وحلو
ما عنددي عليه
لاغبار عليه
HashtNasht
08/07/2006, 03:28
برأيي انو الاستنساخ هوي تطور علمي ومتل اي تطور علمي ممكن يكون الو سيئات كتير ويمكن حتى يروح فيه ضحايا وخصوصا اذا حدا قصد انو يسيء استعمالو بس هاد مابيعني انو نتوقف عن اي تطور علمي بالدنيا
اما من رأيي بعلاقته بالدين..... بظن لو بدنا نضل عم نوقف العلم عن حدود المسموح فيه دينيا بكل وقت كنا لسه ماعرفنا تشريح الانسان:(
'طيب بدون ما نسئ استخدامو ...للاستنساخ يعني

كيف فينا نستخدمو ؟؟؟

يعني مشان شو ؟؟؟؟
امرأة من ورق
08/07/2006, 05:58
'طيب بدون ما نسئ استخدامو ...للاستنساخ يعني

كيف فينا نستخدمو ؟؟؟

يعني مشان شو ؟؟؟؟

هلأ مافيك تقول انو الاستنساخ مانو تطور عملي هائل

وانا من انصار التطور العلمي لاجل التطور العملي :? لانو ببساطة العلم مجرد خطوات تابعة لبعض يعني هلأ بتشوف انو الاستنساخ محدود بشي معين بس مع تطورو ممكن من خلالو نوصل لالف اكتشاف جديد..... هلأ بدك تقلي انو اكتشافات كتير منها تكون شريرة بس هاد الوضع الطبيعي لاي تطور انو بدو يكون فيه احتمال للسلبيات والايجايبات

:D
سرسورة
08/07/2006, 13:45
الاستنساخ لاغراض علاجية صار مسموح بكتيير من الدول الاجنبية و الاوروبية...و منها اسبانيا و سويسرا و بريطانيا.....بس هون بالدول العربية ما في دولة عربية أخدت موقف واضح من الاستنساخ غير تونس....حرمت الاستنساخ لاغراض علاجية و تكاثريه و اعتبرت هادا العمل جناية يحاسب عليها القانون بالغرامة و الحبس و الاشغال الشاقة....اما سوريا فما صدر عنا اي قانون واضح بهاد المجال.....يعني هلأ اذا بيحي واحد بيقوم بعملية الاستنساخ لاي غرض ف ما رح يتمارس بحقو اي شي هون لانو لسا ما في قانون محدد....طبعا هي اذا شلنا رجال الدين و مواقفون على جنب........و الاستنساخ لاغراض علاجية هو برأيي شي كتييير مفيد و متطور......يعني استنساخ الاعضاء....بوقفو تكاثر الخلايا الجنينية بمرحلة محددة...و بينموا تكاثر اجزاء محددة من الجنين حتى يستنسخوا كبد مثلا او كلية او قلب....و هادا شي كتييير حضاري و كتييير متطور ب و بيساعد كتييير في حال وجود حاجة لزرع كبد أو قلب أو غيرو.....و خصوصي بالاوضاع الحالية........بس حتى بهي الحالة ففي دول كتييير ما كانت سامحة في...متل فرنسا اللي ما بعرف شو صار موقفا هلأ....بس حتى الكنيسة الكاثوليكية مثلا ما كانت سامحة بالاستنساخ لاي غرض من الاغراض.....و اختلف رجال الدين الاسلامي حول هاد الموضوع حسب مذاهبون(الحنفي و الشافعي و ....)منن اللي حرم و منن اللي حلل...طبعا كلو حول العلاجي فحين انو ما حدا سمح ابدا بالتكاثري
BLaCK SCoRpiON
08/07/2006, 15:09
الموضوع حلو انا برايي انو لاستنساخ ما فيوا شي كمان لنفس لاسباب الطبية الي زكروها قبل هلق بس طبعا المشكلة عم يصير نقاش ازا استنسخوا انسان على مبدء
انو بدوا يصير فيه روح بدون ما يتدخل الله بهل الموضوع يعني ما بيقدروا يتخيلوا الموضوع لان بياكلو صواب انو لانسان خلق بدون روح على يد انسان تاني
المهم شكرا على الموضوع الحلو معلم :D
tiger
08/07/2006, 15:32
انا ضد استنساخ البشر 100%...
حتى لو تطور علمي!!!
القنبلة النووية ايضا تطور علمي وشفنا الويلات الصارت باليابان من وراء هالتطور...
ليس كل شيء يخترع في العالم مفيد!!!
و أولى تجارب الاستنساخ اجريت لسببين :
1- سبب ديني وهو اثبات عدم وجود الله !! وهذا السبب يهم بعض الطوائف المؤمنة بال UFO وبنزول الانسان الاول من كواكب اخرى وبان آدم نفسه كان نتيجة استنساخ لكائن آخر... اي الارض هي حقل تجارب...
2- سبب عسكري بحت وهو انشاء جيوش من المستنسخين (اللذين بالطبع لا عائلات لهم) وتربيتهم بطريقة خاصة لانشاء المقاتل الكامل كما كان هتلر يطمح بالوصول اليه!!
المجاهد في سبيل الله
08/07/2006, 16:30
انا ضد استنساخ البشر 100%...
حتى لو تطور علمي!!!
القنبلة النووية ايضا تطور علمي وشفنا الويلات الصارت باليابان من وراء هالتطور...
ليس كل شيء يخترع في العالم مفيد!!!
و أولى تجارب الاستنساخ اجريت لسببين :
1- سبب ديني وهو اثبات عدم وجود الله !! وهذا السبب يهم بعض الطوائف المؤمنة بال UFO وبنزول الانسان الاول من كواكب اخرى وبان آدم نفسه كان نتيجة استنساخ لكائن آخر... اي الارض هي حقل تجارب...
2- سبب عسكري بحت وهو انشاء جيوش من المستنسخين (اللذين بالطبع لا عائلات لهم) وتربيتهم بطريقة خاصة لانشاء المقاتل الكامل كما كان هتلر يطمح بالوصول اليه!!

كلام منطقي وسليم...

وماهو كل اختراع مفيد...أحيانا..والغالب الهدف لأغراض عسكرية..وليقتل الانسان أخوه:(
يعني صار الانسان محل تجارب ولأغراض دنيئة:jakoush:
امرأة من ورق
08/07/2006, 17:00
حتى لو تطور علمي!!!
القنبلة النووية ايضا تطور علمي وشفنا الويلات الصارت باليابان من وراء هالتطور...
ليس كل شيء يخترع في العالم مفيد!!!


طيب ليش مابتشوف الايجابيات اللي صارت وممكن تصير من الطاقة الذرية بغض النظر عن الطاقة الذرية كسلاح؟؟ يعني انا معك انو صار جرائم بشعة من وراها بس كمان في منها فوائد كبيرة

مع انو هيك رح ننحرف عن الموضوع الاساسي بس اللي بدو قولو انو مافي شئ ايجابي بالمية مية..... يعني لحتى توصل للشي المنيح بدك شوية تضحيات

:D
ابومزيد
08/07/2006, 17:27
كلام سليم بس تصوري حالك انو تشوفي وحدة نسخة طبق الاصل عنك وقاعدة محل ما بتقعدي وبتتصرف متل ما بتتصرفي والانكى من هيك انو تستغرب لما تشوفك انو العمى قديش هي بتشبهني وشلون هيك جاية لعندي او كيف هيك قاعدة مع خطيبي كمان
امرأة من ورق
08/07/2006, 17:32
كلام سليم بس تصوري حالك انو تشوفي وحدة نسخة طبق الاصل عنك وقاعدة محل ما بتقعدي وبتتصرف متل ما بتتصرفي والانكى من هيك انو تستغرب لما تشوفك انو العمى قديش هي بتشبهني وشلون هيك جاية لعندي او كيف هيك قاعدة مع خطيبي كمان

لما بيصير انو يستنسخو شخص بدون علمو هي بتصير شغلة لاأخلاقية بس المشكلة هون مو بالاستنساخ بحد ذاتو بس باللي عم يمارسو
اما لما شخص بيكون مقتنع بالموضوع وقرر انو يقبل انو يتم استنساخو فهون بيصير القرار قرارو والمشكلة مشكلتو هوي وهوي لازم يتحمل نتائجها ومسؤوليتها

يعني قصدي انو اذا طلعت مشكلة من هالنوع فهيي مشكلة ببعض الناس وقراراتون ومو بالاستنساخ نفسو
:D
ابومزيد
08/07/2006, 17:40
لما بيصير انو يستنسخو شخص بدون علمو هي بتصير شغلة لاأخلاقية بس المشكلة هون مو بالاستنساخ بحد ذاتو بس باللي عم يمارسو
اما لما شخص بيكون مقتنع بالموضوع وقرر انو يقبل انو يتم استنساخو فهون بيصير القرار قرارو والمشكلة مشكلتو هوي وهوي لازم يتحمل نتائجها ومسؤوليتها

يعني قصدي انو اذا طلعت مشكلة من هالنوع فهيي مشكلة ببعض الناس وقراراتون ومو بالاستنساخ نفسو
:D
:? :? :? :?
يعني ليش الوحدة ممكن انو توافق انو يستنسخوا عليها وحدة تانية اذا من شان شغل البيت صار في مساواة وصار الزلمة يساعد اوقات
اذا في الواحد يستنسخ ايد اذا مقطوعة ايدو او رجل هي فيها وما فيها بس مو انو يستنسخ انسان كامل وياخدلوا اعضاءه ويكبوا بعدين
امرأة من ورق
08/07/2006, 17:46
:? :? :? :?
يعني ليش الوحدة ممكن انو توافق انو يستنسخوا عليها وحدة تانية اذا من شان شغل البيت صار في مساواة وصار الزلمة يساعد اوقات
اذا في الواحد يستنسخ ايد اذا مقطوعة ايدو او رجل هي فيها وما فيها بس مو انو يستنسخ انسان كامل وياخدلوا اعضاءه ويكبوا بعدين

هلأ انت مارح تقبلها وانا مارح اقبلها..... بس اذا في شخص قبل انو يتم استنساخو رح تمنعو؟؟؟ الك حق تمنعو؟؟؟
وبعدين لما بيستنسخو كرمال اعضاء معينة لعلاج طبي مابيستنسخو انسان كامل وبياخدو عضو وبيكبو الباقي..... بيهك حالة عم يتم الاستنساخ بطريقة انو يستنسخو الاعضاء اللازمة وبس..... يعني مارح يصير في شخص كامل رح يتم اخد عضو منو وبعدين ينكب
tiger
08/07/2006, 17:49
يعني قصدي انو اذا طلعت مشكلة من هالنوع فهيي مشكلة ببعض الناس وقراراتون ومو بالاستنساخ نفسو
:D
ما هاي هي المشكلة ... المشكلةهي بالبشر نفسهم...
قنبلتي هيروشيما وناغازاكي كانوا كمان قرار شخص واحد بس عانى من هالقرار الملايين...
فلاانت ولا اي حدى بيضمن وين وبايد مين رح يكون القرار بهيك امور.... وطبعا كالعادة نحن (الشعب العادي) هو ياللي رح يعاني من نتائج هيك قرارات...
وبالنسبة لاستنساخ البشر (مو الاعضاء البشرية) انا لهلا ماني شايف ولا ايجابية ... على العكس شايف كتير امور سلبية....
امرأة من ورق
08/07/2006, 17:53
ما هاي هي المشكلة ... المشكلةهي بالبشر نفسهم...
قنبلتي هيروشيما وناغازاكي كانوا كمان قرار شخص واحد بس عانى من هالقرار الملايين...
فلاانت ولا اي حدى بيضمن وين وبايد مين رح يكون القرار بهيك امور.... وطبعا كالعادة نحن (الشعب العادي) هو ياللي رح يعاني من نتائج هيك قرارات...
وبالنسبة لاستنساخ البشر (مو الاعضاء البشرية) انا لهلا ماني شايف ولا ايجابية ... على العكس شايف كتير امور سلبية....

يعني برأيك لمجرد الخوف من انو بعض الناس ممكن يسيئو استعمال اي فرع من فروع العلم بنوقف الدارسة فيه؟؟
اوكي انا معك انو ممكن يصير فيه مآسي بس كمان اذا وقفنا العلوم يعني وقفنا التطور ووقفنا امكانية لكتير شغلات رح تريح ملايين الناس
tiger
08/07/2006, 18:09
يعني برأيك لمجرد الخوف من انو بعض الناس ممكن يسيئو استعمال اي فرع من فروع العلم بنوقف الدارسة فيه؟؟
اوكي انا معك انو ممكن يصير فيه مآسي بس كمان اذا وقفنا العلوم يعني وقفنا التطور ووقفنا امكانية لكتير شغلات رح تريح ملايين الناس

هذا مو خوف يا أختي... هذه نتائج علوم خربت بلاد بكاملها وخلفت ملايين المأسي والضحايا
اكيد ماني مع ايقاف العلم ... بس انا مع تنظيمه...
المشكلة انو العلم هلا عم يتطور مو بشان خير البشر...
لانو تتطوره غير محدد بقوانين و نظم
فالتطور صاير عشوائي والدافع الاساسي للعلم الآن هو الربح المادي ... لا اكثر ولا اقل...
وبشان هيك بتحتل الاختراعات العسكرية المرتبة الاولى بين قائمة الاختراعات المكتشفة خلال آخر قرن ...
ففي كل يوم بتشوفي او بتسمعي عن اختراع جديد في الحقل العسكري او الترفيهي!!!
على عكس االاختراعات الثانية ياللي ما في حدى يمولها لانها غير نافعة تجاريا!!!!
وانت اكيد قرأت باكثر من مكان عن هالمشكلة...
امرأة من ورق
08/07/2006, 18:14
هذا مو خوف يا أختي... هذه نتائج علوم خربت بلاد بكاملها وخلفت ملايين المأسي والضحايا
اكيد ماني مع ايقاف العلم ... بس انا مع تنظيمه...
المشكلة انو العلم هلا عم يتطور مو بشان خير البشر...
لانو تتطوره غير محدد بقوانين و نظم
فالتطور صاير عشوائي والدافع الاساسي للعلم الآن هو الربح المادي ... لا اكثر ولا اقل...
وبشان هيك بتحتل الاختراعات العسكرية المرتبة الاولى بين قائمة الاختراعات المكتشفة خلال آخر قرن ...
ففي كل يوم بتشوفي او بتسمعي عن اختراع جديد في الحقل العسكري او الترفيهي!!!
على عكس االاختراعات الثانية ياللي ما في حدى يمولها لانها غير نافعة تجاريا!!!!
وانت اكيد قرأت باكثر من مكان عن هالمشكلة...


هالحكي حلو كتير بس هلأ بنرجع لموضوعنا واللي هوي الاستنساخ..... يعني انت ضدو بالمطلق او معو بس بشكل منظم؟؟؟ يعني شو رأيك بالاستنساخ كفكرة؟؟
tiger
08/07/2006, 18:31
هالحكي حلو كتير بس هلأ بنرجع لموضوعنا واللي هوي الاستنساخ..... يعني انت ضدو بالمطلق او معو بس بشكل منظم؟؟؟ يعني شو رأيك بالاستنساخ كفكرة؟؟

الاستنساخ هو من اعظم اكتشافات العصر...
واذا بترجعي لردودي فأنا ماني ضد استنساخ الاعضاء البشرية (لضرورات طبية وعلاجية)
لكن 100% ضد استنساخ كائن بشري كامل (شو ما كانت الاسباب):jakoush: :jakoush: :jakoush: :jakoush:
ابومزيد
08/07/2006, 18:48
هلأ انت مارح تقبلها وانا مارح اقبلها..... بس اذا في شخص قبل انو يتم استنساخو رح تمنعو؟؟؟ الك حق تمنعو؟؟؟
وبعدين لما بيستنسخو كرمال اعضاء معينة لعلاج طبي مابيستنسخو انسان كامل وبياخدو عضو وبيكبو الباقي..... بيهك حالة عم يتم الاستنساخ بطريقة انو يستنسخو الاعضاء اللازمة وبس..... يعني مارح يصير في شخص كامل رح يتم اخد عضو منو وبعدين ينكب
بيعملوها الشباب لا تستغربي
امرأة من ورق
08/07/2006, 18:52
بيعملوها الشباب لا تستغربي

يعملوها شو دخلني انا
هي مشكلتون هني
ماحدا دسلي على طرف :lol:

بس اللي عم قولو انو هني احرار ومو حقنا نحاول نفرض عليون انو مايعملوها
ابومزيد
08/07/2006, 18:58
يعملوها شو دخلني انا
هي مشكلتون هني
ماحدا دسلي على طرف :lol:

بس اللي عم قولو انو هني احرار ومو حقنا نحاول نفرض عليون انو مايعملوها
نحنا ؟
ونفرض ؟
حقنا؟
هدول الكلمات ما الون استخدام بالوقت الحاضر
في هنن ويفرضوا وحقون
امرأة من ورق
08/07/2006, 19:02
نحنا ؟
ونفرض ؟
حقنا؟
هدول الكلمات ما الون استخدام بالوقت الحاضر
في هنن ويفرضوا وحقون

:confo:

كيف يعني ؟؟
حدا منو حاول يفرض عليك انو تستنسخ حالك؟؟
ابومزيد
08/07/2006, 19:07
:confo:

كيف يعني ؟؟
حدا منو حاول يفرض عليك انو تستنسخ حالك؟؟
لاء مو هيك
بس انتي عم تقولي انو نفرض مو ليكون عنا شي نقدر نواجه فيه اذا بدنا نفرض
عندون العلم وعنا الجهل
عندون التطور وعنا التخلف
عندون القوة وعنا الضعف
حندون الوحدة وعنا التفرق
Kakabouda
08/07/2006, 19:22
أنا اجت فترة اتعمّقت شوي بهالموضوع ...
هلأ السلبيات بالاستنساخ تطغو بنسبة 70% على نسبة الحسنات ..
بالدول الأوروبية معترفين ( و من أهم هالدول اللي عم بحكي عنها فرنسا ) أنو الاستنساخ نسبة نجاحو 100% بس نسبة أنو يضل سليم 12.5% يعني هالجسم المستنسخ رح يكون عبارة عن ملامح و لحم و دم و ممكن يظهر فيه 1000 مرض .. فبالتالي قال أحد البروفيسورية أنو لحتى يضمنوا النتايج 100% ( و رح يضل مشكوك بأمرها ) بدهم للعام 2015 و رغم هيك جمعية الصحة العالمية مو موافقة على التاريخ و طالبت أنو ينمد هالتاريخ كمان 25 سنة لحتى تكون النتائج مرضية نوعاً ما ..
بانكلترا عرض انسان نفسو (مع العلم أنو عالم كيمياء) للاستنساخ مقابل 5.000000 يورو كدفعة أولى و 1.000000 يورو مدا حياتو سنوياً وافقة الجمعية العلمية و لكن اتسرّب الخبر للجمعية الدولية و قامت الدني و قعّدت لدرجة أنو الزلمي ضل مراقب لمدة 2 من النتربول و كل أفرع المخابرات و بعد فترة اتضح أنو علقان بمشكلة مادية كبيرة أثر تحاليل كيميائية ضارة قام بتصنيعها و مطالب من أشخاص معينين أنو يتابع انتاج هالمواد اللي رح يستعملوها أكيد بأمور ضارة ( و هاد السبب اللي خلاه يقدّم نفسو ككبش فدا لهالتجارب )

آسف على أنو طوّلت عليكم و لسا ترا في أضعاف مضاعفة من الحكي بس بكتفي بهالقدر ..
تحياتي :D
TheLight
08/07/2006, 20:55
هلق الفكرة المطروحة مو هي الاستنساخ الكامل لانو ثبت بكتير حالات انو عمر الخلية المستنسخة اقصر بكتير من عمر الخلية الام وعملية التموت الخلوي بالعضو المستنسخ اسرع بكتير
بس مثلا اذا اي واحد من يللي عم يرفضو الاستنساخ بشكل قطعي كان مصاب بحالة قصور كلوي مثلا وما انوجد متبرع مطابق الدنا وانعرض عليه انو يتم استنساخ كلية بس ما بتعيش غير عشر سنين مثلا وهيك هو ممكن يعيش كذا سنة زيادة,شو بيقول بهيك حالة؟؟؟؟؟
وبالنسبة للدوافع يللي انذكرت انو هي سبب الاستنساخ سواء السبب الديني او العسكري فانا بشوف انو هالرأي بعيدك كل البعد عن الصواب مع احترامي الك تايغر
Barleb
09/07/2006, 00:31
هلق شو رأيك انو ممكن نستنسخ جنين ونحصل ع اعضاء منشان مجموعة اطفال او اشخاص بحاجة لهي الاعضاء؟
وبعدين فكرة الاستنساخ ممكن تعتبر تعدي ع الخالق ولا لاء؟
طبعا هي الاسئلة انا عم بطرحها ومو بالضروري تعبر عن قناعاتي
من جهة أذا أستخدامو للحاجة .. أنا معوو 100% ... للأعضاء البشرية فقط هون ...

آما بشان أستنساخ بشري كامل .. فـ ممكن يكون مفيد .. و أنا بـ أيدوو ..

يعني متل فلم REPLACMENT .. هيك أسموو يمكن .. كمان بيحكي عن الأستنساخ .. وشلون أستفادو من ..

أو مثلاً تصور .. يستنسخو أينشتاين تاني .. ما بظن حدا بدو يصف ضد هل شي ..


أما من جهة الدين .. فـ أذا ضل تفكيرنا هيك .. لا تقدمنا .. متل ما قالت أمرأة من ورق ..

يعني دين عائق في وجه العلم ... و الأصح .. حاجز لازم يتم كسرووو ..

..
The light.. مشكور كتير على هل مواضيع ..
TheLight
09/07/2006, 00:33
من جهة أذا أستخدامو للحاجة .. أنا معوو 100% ... للأعضاء البشرية فقط هون ...

آما بشان أستنساخ بشري كامل .. فـ ممكن يكون مفيد .. و أنا بـ أيدوو ..

يعني متل فلم REPLACMENT .. هيك أسموو يمكن .. كمان بيحكي عن الأستنساخ .. وشلون أستفادو من ..

أو مثلاً تصور .. يستنسخو أينشتاين تاني .. ما بظن حدا بدو يصف ضد هل شي ..


أما من جهة الدين .. فـ أذا ضل تفكيرنا هيك .. لا تقدمنا .. متل ما قالت أمرأة من ورق ..

يعني دين عائق في وجه العلم ... و الأصح .. حاجز لازم يتم كسرووو ..

..
The light.. مشكور كتير على هل مواضيع ..


انا برأيي انو تم كسروا
بس لساتو عائق بعقول ونفوس مريضة
والحمد الله هدول راح ينقرضوا قريبا
زهرة العين
09/07/2006, 04:04
زرع الاعضاء مافيه اختلاف عليه يعني كل الاديان وجميع الاجناس توافق على زرع الاعضاء خاصة لما يكون احد بحاجه له

لكن استنساخ بشر كامل :?

ايش الفايده منه

مافيه احد يقدر يرجع الروح بعد ماتطلع

واذا كنا ضد الاستنساخ مو معناتها ان حنا ناس متخلفين وغير حضاريين

كل وااحد ياخذ الاشياء الي ترجع عليه بالفايده وبس

وتناسب دينه ومجتمعه
جورج الأول
10/07/2006, 20:58
مسا الخير
رح نفصفص الموضوع
1 من الناحية الانسانية فالاستنساخ طبيعي لما بتنجب المرأة توم فهم نسختين حقيقيتين .
2من الناحية الاخلاقية كمان طبيعي فلما الأب والأم بأنجبو 15 ولد بكونو عم يعملو 15 نسخة مشتركة بيناتون أي بنسبة (50%-50%)
3من الناحية الدينية المؤمن بيعرف أنو قدرة الله غير محدودة فاذا أراد الشئ فيقول له كن فيكون فما ممكن يستمروا
اذا ما أراد رب العالمين.
أما يستنسخوا حدا عربي فما في طمعة لأنو مليان نسخ وما بدهم يكترو الهم على قلبهم.