-
دخول

عرض كامل الموضوع : "الثوابت" الوطنية

صفحات : 1 [2] 3 4 5 6 7 8 9 10
سرسورة
08/07/2006, 21:32
انا معك بكل الحكي اللي قلتيه وفعلا هي وحدة من الثوابت عنا اللي بتجيب الجلطة :cry:

بس ماعجبتني انو نقيم انسان مين ماكان بقيمة مادية :jakoush:
لك و الله لما تكون 100 ليرة عم تخرسو و تخلي يحطك ع راسو هو اللي بيكون عم يقيم حالو مو نحنا عم نقيموا...
سرسورة
08/07/2006, 21:36
معناتا من ثوابتنا

الحيونة

تمامممممممممممممممممممممم مم............جبتا.....لانو هادا اهم ثابت;-) ;-)
فلاش باك
08/07/2006, 22:34
أهم شي السحب على الثابت ;-) :p

والله حيو الثابت
TheLight
08/07/2006, 23:37
أهم شي السحب على الثابت ;-) :p

والله حيو الثابت
ومن الثوابت
سحب يانصيب يوم الثلاثاء
ومهران يوسف وشهادات الاستثمار جيم
وماريا ديب وما يطلبه المشاهدين
TheLight
08/07/2006, 23:38
مافي شيئ ثابت في هالعالم الا
الاسلام
والقران

هي المشاركة محلها مو هون
بعدين الدين مانو من الثوابت الوطنية
مع احترامي الك
krimbow
09/07/2006, 00:35
هي المشاركة محلها مو هون
بعدين الدين مانو من الثوابت الوطنية
مع احترامي الك

ما بعرف

الشباب قرروا انو من ثوابتنا الوطنية ... الحيونة

بقا شو ناويين تقرروا بخصوص الدين ؟؟؟
TheLight
09/07/2006, 00:36
ما بعرف

الشباب قرروا انو من ثوابتنا الوطنية ... الحيونة

بقا شو ناويين تقرروا بخصوص الدين ؟؟؟


شطبو
هاد ما دخلو بالثوابت الوطنية
امرأة من ورق
09/07/2006, 07:13
لك و الله لما تكون 100 ليرة عم تخرسو و تخلي يحطك ع راسو هو اللي بيكون عم يقيم حالو مو نحنا عم نقيموا...

اوكي :D

مع اني واثقة انو شبه مجبر انو يعمل هيك لانو هي المية وغيرها من الميات عم تعيشو هوي وعيلتو ..... بس طالما قاصدتيها بهاد المعنى ف تحية لعيونك :D
fady juventus
09/07/2006, 07:32
معناتا من ثوابتنا

الحيونة

أنا قريت الكل
و هي أحلى وحدة :lol: و أظبط وحدة للأسف :pos:
fady juventus
09/07/2006, 07:35
معليش ضيف ثابت وطني ؟؟؟
أمن الدولة و الأمن العسكري و الأمن السياسي
و الجيش الأبي و الشرطة المغوارة "25$" و الشرطة العسكرية الفذة :jakoush:
ولييييي عباية يا شباب :cry:
Nirvana
09/07/2006, 09:38
يمكن مو محلي من الإعراب أحكي بهالموضوع ببساطة لأني مو من سوريا
بس أنا من هالدول العربية...
وبقول أحد الثوابت الوطنية هو ................. الوطنية!!! بس المفقودة :pos:
me2
09/07/2006, 10:24
من ثوابتنا الوطنية
1*الشبيحة
2*رفع الوراتب 30 بالمية والاسعار 70 بالمية
3*شرب المتة كل الوقت
4*الحكي ع العالم والنميمة
5*تواطية الرووس والخريطة (مشتقة من الفعل خريط)
6*الهجرة ع الخليج منشان ندفع بدل الجيش
7*المسبة ع ولاد المسؤلين والضباط
8*دفع الاشتراك تبع الموبايل
9*اكل الفول والتسقية يوم الجمعة
10*التخرج من الجامعة بكرتونة اسمها شهادة التخرج
حاج ولا كمل
اشتقنالك مي تو


حلووووووووووووووووووووووو و ... موتتني من الضحك ...
me2
09/07/2006, 10:26
من ثوابتنا الوطنية:
الشوارما (جاج و لحمة) و تحديدا العربي.. بالرغم من منافسة الهمبرعز أو الهمبرغل
سندويش البطاطا بالأخص من عند "هني" أو "الشعلان" أو "الشام القديمة" أو" فرند"
الأرغيلة بمختلف نكهاتها : فريز موز عسل شمام كابتن بلاك ورد...
لانسر ، كولت، مازدا 929، غولف، (1983 و ما قبل) محدّث للمرة الألف و سبعمية مع جنوط كروم و ملغوم بكم سبووفر و سبيكر و سي دي تشينجر
صلاة الجمعة
سيريا تاييييييييييمز (بالآداب) تايم تايم سيريا
الدوار الجنوبي
بطيخ الأحمر
العنب الملوعي
جبنة شلل
القطط بمختلف الأحجام و الألوان
شرطة المرور
علي عقلة عرسان باتحاد الكتاب العرب

يالله شباب كملو من عندكم


أحلالالالالالالالالالالال الا موتتني من الضحك الأنف الذكر .. :lol:
me2
09/07/2006, 10:30
و صحي....1000 هلا برجعتك مييي تووو:D


أنتي تحديدا .. من الثوابت اللي ما ممكن ينرفضلها طلب ...:D
me2
09/07/2006, 10:31
والعلاقات العاطفية ع التلفون...

والتياب الداخلية الشرعية

رحلات المسابح مع كاس عرق و لحمة

والجلطة بالمسبح من كتر المشروب

نفضة الصوبيا

والبالة

كلام ثليم ... هدا غير نزلة الهاوس و الكونتاكات الكهربائية ...:D
me2
09/07/2006, 10:35
ذكرتيني:
غـــــــاااااااااااااز غـــــــــاااااااااااز غــــــــــــاااااااااااا از

مازوت مازوووووووووووووت أيييييييييييي أوأييييييييييييييي أوأيييييييييييييييييييييي ييي

يالي عندو غسالات برادات صوابي بوابير كاز شحاطات كنزات بناطلين سيديات ديفيديات كروت شاشة مازربوردات تلفونات نوكيا إريكسون سامسونج للبيييييييييييييييييييييي يييييييييييييييييع

يلي عندوو أحزاب .. أعضاء .. أنصار .. عاملييين .. مدراء.. وزراء .. مسعوليين ... للبيييييييييييععععع .. أيييييييييييييييييييييععع عععععععععععع .. ينقعهون و يشرب ميتهون .
MR.SAMO
09/07/2006, 10:38
شفت شو عملت رجعتك ياعلوش
انت من الثوابت بالمنبر
ولاتنسوا شباب المتة والبلاستيك والعلكة من ثوابتنا الصناعية والتراثية
me2
09/07/2006, 10:44
من الثوابت الوطنية .. "الثابتة" لأنو في ثوابت مو كتير ثابتة .. أو ثبت بالدليل القاطع أنها مو ثابتة و لا بطيخ .. المهم من الثوابت .. السسكاية ... و هي اختراع ياباني سمي خطأ يابانيا قاتلا بالسوزوكي و تم تعديله في الموزمبيق و أطلق عليه اسم "سسكاية" و جمعها " سساكي"

و هي عربة مصفحة بمختلف أنواع حديد البناء و الدرابزونات .. و تشبه البرندات ..و يتم هزها مرات عديدة و بشدة عند تعباية البنزين و خاصة عندما يكون صف السيارات بانتظار أن يخلص الحيوان الذي يسوق السكاية قاطع الطريق العام ,و تنفع للرحلات العائلية للجندي المجهول ليلا و للعمل بسوق الهال نهارا و يكتب عليها مختلف العبارات من "لا تلحقني مخطوبة" الى "لا فتى إلا علي و لاسيف إلا ذو الفقار" . و مختلف أنواع الخلعات الخضراء "فقط في حال العمل بمنطقة ال 86 "
me2
09/07/2006, 10:44
شفت شو عملت رجعتك ياعلوش
انت من الثوابت بالمنبر
ولاتنسوا شباب المتة والبلاستيك والعلكة من ثوابتنا الصناعية والتراثية
:cry: :cry:
هلق أنا متل العلكة و المتة ؟؟؟
MR.SAMO
09/07/2006, 10:58
:cry: :cry:
هلق أنا متل العلكة و المتة ؟؟؟
هلق بربك انا حكيت هيك انا قلت الثوابت اللي عنا بالمنبر واللي عنا بالبلد
تحياتي
فلاش باك
09/07/2006, 11:29
اول شي انا مع الدولة والنظام للعضم

مشان يلي ما بيعرف اتجاهي يعرف منيح

من الثوابت الوطنية عبارة منسمعها احيانا

مصدر مسؤول
كسار الروس
09/07/2006, 12:01
بالثوابت ألنا غصبن عن كسر راسنا .... صحي وينو كسار الروس ؟؟؟
لعيونك يا غالي
أنا رجعت مشان صفي شوية حسابات متراكمة مع فلول الطنابر المتبقية بأخوية إضافة للطنابر المتنكرة بهيئة بني آدمين :lol:
سلامات :D
كهربجي
09/07/2006, 12:04
1 الرسوب بلبكلوريا كم سنة :tears:
2 كمشة بزر وكاسة شاي واحلى اعدة بجنينة باب توما على نهر بردة اللللللله :sick:
(ازاكان معك 50 ليرة زيادة بتجيب بيرة )
3باكيت حمرا معفن هارر نص السيكارا بسفل الباكيت :7asheesh:
5 شرطي حئو نص فرنك جاي من افا البئر الساعة 4 بليل بدو يتسلة فيك على وين هويتك :willi:
6تيم كاونتر عند ريمون :zen:
8 الوقوف في باب توما والتَّشَهون على السيارات تبع موديل 2008 :eek:
9 كمان التشهون على البنات الي نازلين من مطعم حارتنا والطالعين من الدومينو (هاد بار ):eek:


أساسيييييييييييييييي
me2
09/07/2006, 12:06
لعيونك يا غالي
أنا رجعت مشان صفي شوية حسابات متراكمة مع فلول الطنابر المتبقية بأخوية إضافة للطنابر المتنكرة بهيئة بني آدمين :lol:
سلامات :D

مية هلا .... ويلكوم باك

.. الطنابر من الثوابت الوطنية ..
MR.SAMO
09/07/2006, 12:11
استقبل وودع بالتلفزيون ثوابت ثابتة
كسار الروس
09/07/2006, 12:14
مية هلا .... ويلكوم باك

.. الطنابر من الثوابت الوطنية ..
قولتك
:lol: :lol: :lol:
me2
09/07/2006, 12:23
استقبل وودع بالتلفزيون ثوابت ثابتة

نفذ تشكيل من قواتنا المسلحة ..........
TheLight
09/07/2006, 12:32
من الثوابت الوطنية
نوكيا 3310 بلونه الكحلي الجذاب
الديش او الستالايت على كل سطح
السيارات الرجاجة على جبل قاسيون
ملسلسل مرايا المعت بشهر رمضان
نجدت اسماعيل انزور بشهر رمضان
فلاش باك
09/07/2006, 12:35
نفذ تشكيل من قواتنا المسلحة ..........

عفوا هادا مانو ثابت هادا من المتغيرات
TheLight
09/07/2006, 12:56
ومن ثوابتنا كمان
التمسك بقرارات الشرعية الدولية رقم 425 و338
و الجولان محتلا
واحلى ثابت هو بوق النظام السيد عماد الشعيبي
ودمتم
me2
09/07/2006, 13:10
خيو ظبطولنا ثوابت مضحكة . شو جاب سيرة الجولان ؟؟:cry:
me2
09/07/2006, 13:11
عفوا هادا مانو ثابت هادا من المتغيرات

هدا من الثوابت الغير ثابتة .. بطاطا ..
TheLight
09/07/2006, 13:15
خيو ظبطولنا ثوابت مضحكة . شو جاب سيرة الجولان ؟؟:cry:


له يا مي تو
ع اساس بتلقطها ع الطاير
هاد من الثوابت المضحكة المبكية
ولوووو حبيب
me2
09/07/2006, 13:17
له يا مي تو
ع اساس بتلقطها ع الطاير
هاد من الثوابت المضحكة المبكية
ولوووو حبيب

ما أنا صاير كر ثابت بعيدا عنك .. حياتي عذاب .
فلاش باك
09/07/2006, 13:20
خيو ظبطولنا ثوابت مضحكة . شو جاب سيرة الجولان ؟؟:cry:

في ثابت كتير مهم وهو عقدة وما بيزبط معنا ابدا

هو الريكار (الصرف الصحي )

انو ليش ما بيزبط معنا دائما يا أما طالع عن الزفت شي 15 سم مشان يضرب غطا الكارتير يا أما نازل شي 15 سم وأكتر مشان يضرب اتمصور أو أكس السيارة

شو كيميا هو ؟
TheLight
09/07/2006, 13:25
ما أنا صاير كر ثابت بعيدا عنك .. حياتي عذاب .


لههههه
اجلك يا مي تو
انت ثابت ايه ما اختلفنا بس مانك كر
ع راسي يا ثابت
tiger
09/07/2006, 13:27
من الثوابت موظفي الجمارك بالمطار!!!
بينكشولك شنتايتك بشكل ما تعرف ترجع تضبها....:? :? :shock: :shock:
me2
09/07/2006, 13:28
في ثابت كتير مهم وهو عقدة وما بيزبط معنا ابدا

هو الريكار (الصرف الصحي )

انو ليش ما بيزبط معنا دائما يا أما طالع عن الزفت شي 15 سم مشان يضرب غطا الكارتير يا أما نازل شي 15 سم وأكتر مشان يضرب اتمصور أو أكس السيارة

شو كيميا هو ؟

كيمياء عضوية ...:o :o ياك ياك
me2
09/07/2006, 13:29
من الثوابت موظفي الجمارك بالمطار!!!
بينكشولك شنتايتك بشكل ما تعرف ترجع تضبها....:? :? :shock: :shock:

و أنت شرط تكبسها لدينها ؟؟؟:lol: :lol:
COSTA
09/07/2006, 13:36
و أنت شرط تكبسها لدينها ؟؟؟:lol: :lol:

كلها قطرميزات مكدوس وجبنة
me2
09/07/2006, 13:37
كلها قطرميزات مكدوس وجبنة


من ثوابتنا الافتراضية اللي بدنا ياها و غير موجودة قهوة كوستا ..:D :D
tiger
09/07/2006, 13:38
كلها قطرميزات مكدوس وجبنة

ومن وين عرفت ...??!!! :o :o
MR.SAMO
09/07/2006, 13:39
من ثوابتنا انك تسمع ابراهيم صقر من صباح الله بباصات الدريكيش الشام
COSTA
09/07/2006, 13:39
من ثوابتنا الافتراضية اللي بدنا ياها و غير موجودة قهوة كوستا ..:D :D

:shock: :shock: :shock: :lol:
me2
09/07/2006, 13:40
ومن وين عرفت ...??!!! :o :o


من ريحة التوم .. ههههههههههههههههه

ترا التوم من ثوابتنا الوطنية .... يلعن أختو شو بكرهو و بكره اللي بيحبو ..
COSTA
09/07/2006, 13:41
ومن وين عرفت ...??!!! :o :o

عم ضبهون بشنتايتي;-)
امرأة من ورق
09/07/2006, 13:41
من الثوابت موظفي الجمارك بالمطار!!!
بينكشولك شنتايتك بشكل ما تعرف ترجع تضبها....:? :? :shock: :shock:

من الثوابت الوطنية انو البنات بيفرطو بكي بالمطار وبتهر الدمعات:cry: وبتشر المخطة:mrgreen: وبتتجلغم الكحلة وبينكش الشعر وبتصير البنت فزاعة وبالنهاية مابتتفتش شنتتها ابدا :yahoo:
me2
09/07/2006, 13:42
:shock: :shock: :shock: :lol:

على فكرة ب فندق بلودان عم يفتحو قهوة كوستا ..

السيران و الطلعة على بلودان يوم الجمعة و العلقة بالعجقة و البهدلة بمطاعم بلوان و الخناق و المشاكل مع السعوديين من ثوابتنا الشامية ..
امرأة من ورق
09/07/2006, 13:43
كلها قطرميزات مكدوس وجبنة

مافي سوركة وشنكليش :pos:
فلاش باك
09/07/2006, 13:43
عندكن بياع المازوت مع الطويطة

مازوت مازوت مازززززززززززززززوت

بيجيك الساعة 3 وانت بتكون عايف حالك وبدك تنام وعم يكبس بهالطويطة