هل سيولد غيفارا تاني في سورية؟؟؟؟؟؟ [الأرشيـــــف]

COSTA

12/07/2006, 20:53

هل سيولد غيفارا تاني في سورية؟؟؟؟

انا حطيت هالموضوع لنشوف فينا نعيد مفهوم الثورة يلي قام فيها غيفارا
وبنفس الوقت المعطيات تبع هال الثورة رح تكون ايجابية ولا سلبية
طبعا ما بدنا استنساخ من غيفارا ولا بدنا يجي لعنا على بساط الريح متل سندباد وعلى دبابات اميركية او انكليزية ولا حتى روسية
ويا ترى رح تكون مسألة الولادة محصورة بطائفة معينة ولا من كل فئات الشعب

مشكورين

Nirvana

12/07/2006, 21:00

هل لديك المؤهلات اللازمة حتى تكون إنت (كوستا) جيفارا تاني؟؟؟

جاوبني وإذا قررت أنا معك.

وهادا السؤال يمكن فيو طرافة بس بدنا حد يكون البادئ وهادا شي كتير صعب ..
انو الواحد ياخد موقف ويتصرف على أساسو فما بالك ثورة؟

ولساتني بطالب برد من قبلك.

COSTA

12/07/2006, 21:14

هل لديك المؤهلات اللازمة حتى تكون إنت (كوستا) جيفارا تاني؟؟؟

جاوبني وإذا قررت أنا معك.

وهادا السؤال يمكن فيو طرافة بس بدنا حد يكون البادئ وهادا شي كتير صعب ..
انو الواحد ياخد موقف ويتصرف على أساسو فما بالك ثورة؟

ولساتني بطالب برد من قبلك.
لكل زمان دولة ورجال (هذا متل شعبي)
ربما انا لست مؤهلا واعتقد انه يوجد من هو افضل مني
ولكن صدقوني انا اول واحد مستعد قدم كل ماعندي من مؤهلات
وحتى اني مستعد شارك بالمقاومة الشعبية
بس انا ما بدي يكون على حساب روحي ودمي اتفاقيات وتنازلات
الثورة تولد من رحم الاحزان
والثورة تولد من الشرارة الاولى

Nirvana

12/07/2006, 21:23

لكل زمان دولة ورجال (هذا متل شعبي)
ربما انا لست مؤهلا واعتقد انه يوجد من هو افضل مني
ولكن صدقوني انا اول واحد مستعد قدم كل ماعندي من مؤهلات
وحتى اني مستعد شارك بالمقاومة الشعبية
بس انا ما بدي يكون على حساب روحي ودمي اتفاقيات وتنازلات
الثورة تولد من رحم الاحزان
والثورة تولد من الشرارة الاولى

فكرك ما رح يجي ناس يبيعو ويشترو في الثورة والشعب ...

متل ما باعو بيرجعو يبيعو ويغتنو عحساب المساكين ... وواحد خاين بيخرب الدنيا باللي فيها...
والأمثلة كتيرة !!!

COSTA

12/07/2006, 21:47

فكرك ما رح يجي ناس يبيعو ويشترو في الثورة والشعب ...

متل ما باعو بيرجعو يبيعو ويغتنو عحساب المساكين ... وواحد خاين بيخرب الدنيا باللي فيها...
والأمثلة كتيرة !!!

ما نحنا وقت هالناس منزيحون من مجتمعنا ما بعودو ببيعوا وبيشتروا
يعني بكون في قوانين جديدة وصارمة وسياسة داخلية وخارجية على مستوى عالي
والخاين معروف شو مصيرو لانو وقت يكون الشعب كل شي مأمن له
ما رح يقدر حدى يقوم بخيانة الى يلي نفسو مريضة ومتعود عل الرشاوي والسرقة وهاد الو حسابو

هلأ موبالضرورة انو نبلش بالسلاح بس اذا ماكان في حل تاني فما في غيرو بديل
ونحنا ما بدنا نعيد مرحلة الخمسينات والستينات لانو العالم تطور وبدنا نواكب التطور
ونحط حد للفساد لما من بلش من انفسنا

Nirvana

12/07/2006, 21:58

ما نحنا وقت هالناس منزيحون من مجتمعنا ما بعودو ببيعوا وبيشتروا
يعني بكون في قوانين جديدة وصارمة وسياسة داخلية وخارجية على مستوى عالي
والخاين معروف شو مصيرو لانو وقت يكون الشعب كل شي مأمن له
ما رح يقدر حدى يقوم بخيانة الى يلي نفسو مريضة ومتعود عل الرشاوي والسرقة وهاد الو حسابو

هلأ موبالضرورة انو نبلش بالسلاح بس اذا ماكان في حل تاني فما في غيرو بديل
ونحنا ما بدنا نعيد مرحلة الخمسينات والستينات لانو العالم تطور وبدنا نواكب التطور
ونحط حد للفساد لما من بلش من انفسنا

أنا معك ... والنظرية معقولة ... بس كيف بنبدا عملي وتطبيق ؟؟؟

يعني أكيد ما رح تقدر تحقق هالشي علني لحتى تبني قاعدة وأساس متين ..وهادا شي معقول بس هل ممكن يتحقق، والوقت اللي بيحتاجو ليتحقق هو عامل مهم لأنك كقائد ثورة ورمز لازم تكون متواجد لتحقق هالشي، وعلمك مع هالشعب ما في تغيير بصير بلمح البصر؟

أو بالسلاح بس هادا صار واضح فشلوا ، لأنو إمكانيات الشعب مو قد إمكانيات الدولة ، واذا الجيش ما تعاون معك فراحت عليك وعلي معك عالفاضي، واذا قدرت تتغلب علي جوا شوف بقى شو راح يعمل اللي برا ... (فلسطين ، لبنان ، العراق ، أفغانستان، وما شابه )

chefadi

13/07/2006, 04:42

يا جماعة في شي اهم من الثورة ,,, شعبنا جوعان و مانو متحمل اي تضحيات و دم عن جديد
يعني عنا كتير شغلات نعملا قبل مانفكر بالثورة ,, القضاء على الجوع مثلا و استئصال الطائفية من مخ هالجيل الطالع و استرداد قيمة الثقافة و العلم و مكانة المواطن كأنسان عندو حقوق و واجبات ,,
يعني هالمواطن اللي بيشرب قنينة بيرة او بيبسي و بيرميا بنص الشارع كيف بدنا نقنعو بحب بلدو و الحرص عليا قبل ما نقنعو انو لازم يحارب و يمكن يضطر يموت كرمال حريتوووووووووو
بعتزر اذا طلعت عن الموضوع ,,,
تحياتي و مية وردة لكاتب الموضوع ,,,

Nirvana

13/07/2006, 09:26

يا جماعة في شي اهم من الثورة ,,, شعبنا جوعان و مانو متحمل اي تضحيات و دم عن جديد
يعني عنا كتير شغلات نعملا قبل مانفكر بالثورة ,, القضاء على الجوع مثلا و استئصال الطائفية من مخ هالجيل الطالع و استرداد قيمة الثقافة و العلم و مكانة المواطن كأنسان عندو حقوق و واجبات ,,
يعني هالمواطن اللي بيشرب قنينة بيرة او بيبسي و بيرميا بنص الشارع كيف بدنا نقنعو بحب بلدو و الحرص عليا قبل ما نقنعو انو لازم يحارب و يمكن يضطر يموت كرمال حريتوووووووووو
بعتزر اذا طلعت عن الموضوع ,,,
تحياتي و مية وردة لكاتب الموضوع ,,,

اللي بتحكي عنو يمكن يكون بداية تغيير وخطوة يمكن تخلي للشعب قرار ويقدر يعبر عنو وما نضطر لثورة بالمعنى المعروف .

chefadi

13/07/2006, 16:51

اللي بتحكي عنو يمكن يكون بداية تغيير وخطوة يمكن تخلي للشعب قرار ويقدر يعبر عنو وما نضطر لثورة بالمعنى المعروف .

تمام هادا الشي اللي انا عم احكي ,,,, الموضوع موضوع أولويات و تفكير بالنتائج الايجابية و السلبية لأي حركة بدو يعملها الشعب ...

تحياتي ,,,

HashtNasht

13/07/2006, 21:46

فيلم اميــــــــــركي طويــــــــــــــــــــــ ـــــــــــــــــــــــــ ــــــــــــــــل :yahoo:

Nirvana

13/07/2006, 22:15

فيلم اميــــــــــركي طويــــــــــــــــــــــ ـــــــــــــــــــــــــ ــــــــــــــــل :yahoo:

:lol: عجبتني هاي!!؟؟

بس مو أمريكي :jakoush:

ري مي

13/07/2006, 23:03

يا جماعة في شي اهم من الثورة ,,, شعبنا جوعان و مانو متحمل اي تضحيات و دم عن جديد
يعني عنا كتير شغلات نعملا قبل مانفكر بالثورة ,, القضاء على الجوع مثلا و استئصال الطائفية من مخ هالجيل الطالع و استرداد قيمة الثقافة و العلم و مكانة المواطن كأنسان عندو حقوق و واجبات ,,
يعني هالمواطن اللي بيشرب قنينة بيرة او بيبسي و بيرميا بنص الشارع كيف بدنا نقنعو بحب بلدو و الحرص عليا قبل ما نقنعو انو لازم يحارب و يمكن يضطر يموت كرمال حريتوووووووووو
بعتزر اذا طلعت عن الموضوع ,,,
تحياتي و مية وردة لكاتب الموضوع ,,,

برأيي انك ما طلعت عن الموضوع بالعكس كلامك كتير منطقي
بس كيف رح تتجسد الخطوة الاولى ؟؟
وهل اذا بلشت بتستمر؟؟؟؟؟؟

yass

13/07/2006, 23:11

حلو هالموضوع...
قريتو مرتين هو و الردود تبعيتو , و عندي كم سؤال حابب اطرحهون و بعتقد أنو ضروري نجاوب عليهون قبل ما نكمل..
شو معنى "ثورة" ؟
شو معنى "خيانة" ؟
شو معنى "سلاح" ؟
شو معنى "قوانين صارمة" ؟
شو معنى "خطوة أولى" ؟
شو معنى "مقاومة شعبية" ؟
بعتقد ضروري أنو هالمصطلحات تكون واضحة أو عالأقل نكون كلنا عم نستخدمها بنفس الاتجاه , عشان ما نضيع

تحياتي

ري مي

13/07/2006, 23:16

رح جاوبك بس ع شغلة الخطوة الاولى لانها اول ما خطر ببالي
بعتقد اذا بدنا نمشي وفق تجربة غيفارا فالسلاح والقتال هوي الخطوة الاولى
ونادرين اللي بيتركو حياتهم ومكاسبهم كرمال هيك خطوة حتى لو بتفيد البلد
واذا بدنا نمشي وفق تجربة غاندي ف التوعية لمعنى الوطن هي الخطوة الاولى
وكتار اللي بيبادرو للتوعية بس بدك مين يفهم ويطبق اللي فهمه

ري مي

13/07/2006, 23:20

وشغلة القوانين الصارمة كمان كتير ضروري انو ما حدا يكون فوق القانون
لانو مهما كان القانون ظالم بس يتطبق عالكل بيصير عادل

yass

13/07/2006, 23:22

رح جاوبك بس ع شغلة الخطوة الاولى لانها اول ما خطر ببالي
بعتقد اذا بدنا نمشي وفق تجربة غيفارا فالسلاح والقتال هوي الخطوة الاولى
ونادرين اللي بيتركو حياتهم ومكاسبهم كرمال هيك خطوة حتى لو بتفيد البلد
واذا بدنا نمشي وفق تجربة غاندي ف التوعية لمعنى الوطن هي الخطوة الاولى
وكتار اللي بيبادرو للتوعية بس بدك مين يفهم ويطبق اللي فهمه

حلو كتير هالكلام... بس عم نحكي عن سوريا ما هيك؟
لا غيفارا (مع اعجابي الشديد فيه) سوري , و لا غاندي سوري ... بعتقد أنو قسم كبير من الفشل السياسي العربي ناجم عن تبني قوالب منهجية جاهزة من دول أخرى مختلفة تماما عنا..
ما بعرف اذا عم عبر منيح عن الفكرة؟

ري مي

13/07/2006, 23:31

اي عبرت منيح
طيب انت قلي شو بفكرك لازم نساوي بهيك حالة مثلا

yass

13/07/2006, 23:43

نفكر نحن لحالنا , بدون قوالب جاهزة
حالة سورية مختلفة = حل مختلف

COSTA

13/07/2006, 23:47

انا رح بجاوب بس لخلص من موضوع تبع لبنان:D

krimbow

13/07/2006, 23:50

حلو كتير هالكلام... بس عم نحكي عن سوريا ما هيك؟
لا غيفارا (مع اعجابي الشديد فيه) سوري , و لا غاندي سوري ... بعتقد أنو قسم كبير من الفشل السياسي العربي ناجم عن تبني قوالب منهجية جاهزة من دول أخرى مختلفة تماما عنا..
ما بعرف اذا عم عبر منيح عن الفكرة؟

وصلت تمام التمام

ري مي

13/07/2006, 23:59

نفكر نحن لحالنا , بدون قوالب جاهزة
حالة سورية مختلفة = حل مختلف

طيب أنت أوغيرك اللي عندو شي فكرة لشي خطوة أولى لشي قضية من قضايانا السورية اللي بتفقع يحطا هون بيكفي حكي لنشوف اذا فينا نطبق

ameen

14/07/2006, 02:21

كاتب النص الأصلي : yass
نفكر نحن لحالنا , بدون قوالب جاهزة
حالة سورية مختلفة = حل مختلف

هاد كلام سليم مية بالمية لأنو فعلا سورية حالة استثنائية معقدة
و برأي الشخصي أنو أي خطوة للأمام و أيا كان اسمها هي بحاجة بالدرجة الأولى لأستعادة المواطن السوري الصالح اللي قعلا بحب سوريا ومستعد للتضحية مشانا لأنو تتالي الاحتلال على الشعب السوري بدأ من العثمانين لهلق............. دمر أهم شي بقلب كل مواطن سوري و اللي هو الأمل و خلى الكل يصيرو بحالة اللهم أسئلك نفسي و ألف عين تبكي و لا عين أمي تبكي
مشان هيك برأي أول شي لازم يصير هو أعادة الأمل لقلوبنا و اللي رح يدفعنا للبدأ بأعادة تشكيل البنية التحتية لنفسية المواطن السوري و من هون بتبلش المعركة...............................

chefadi

14/07/2006, 02:23

اول شي أكيد انا مع yass انو كل مجتمع الو تجربة فريدة و كل ثورة الا ظروف لايجب اسقاطها على غيرها بعدين انا بعتقد انو كتير منيح حاسين نحنا انو في شي غلط حوالينا و عم نعبر لو بالحكي ,,,
ام بئا مشان التفكير بالحلول فهون المصيبة لأنو اديش نسبة اللي عم يفكرو بهيك شي و اديش نسبة اللي ممكن يعمل شي وفوق كل هاد هامش الحرية ضيق يعني بالمختصر نحنا مشلولين ,,,
بس برجع و بقول (نحن محكومون بالامل) لهيك برأيي اول و أهم شي لازم ينعمل هو انهاء الطائفية هلأ كيف مابعرف يمكن من خلال مؤسسات المجتمع المدني او منظمات متل الهلال الاحمر ,,,

تحياتي ,,,

COSTA

14/07/2006, 02:41

حلو هالموضوع...
قريتو مرتين هو و الردود تبعيتو , و عندي كم سؤال حابب اطرحهون و بعتقد أنو ضروري نجاوب عليهون قبل ما نكمل..
شو معنى "ثورة" ؟
شو معنى "خيانة" ؟
شو معنى "سلاح" ؟
شو معنى "قوانين صارمة" ؟
شو معنى "خطوة أولى" ؟
شو معنى "مقاومة شعبية" ؟
بعتقد ضروري أنو هالمصطلحات تكون واضحة أو عالأقل نكون كلنا عم نستخدمها بنفس الاتجاه , عشان ما نضيع

تحياتي

تحياتي الك
الثورة هي لما بتشوف الغلط و بتشوف بلدك واهلك ورفقتك عم ينذلو بدك تثور
الخيانة هي النفوس المريضة يلي بدمر البلد والشعب
السلاح هو اكلك وشربك
قوانين صارمة هي منحطها مشان ما حدا يفكر بالغلط
خطوة اولى هي بتنتهي لما بتجي الخطوة التانية (يعني لما بتنزل ع الشارع )
مقاومة شعبية هي مع الخطوة الاولى
بتمنى تكون وصلت

COSTA

14/07/2006, 02:48

حلو كتير هالكلام... بس عم نحكي عن سوريا ما هيك؟
لا غيفارا (مع اعجابي الشديد فيه) سوري , و لا غاندي سوري ... بعتقد أنو قسم كبير من الفشل السياسي العربي ناجم عن تبني قوالب منهجية جاهزة من دول أخرى مختلفة تماما عنا..
ما بعرف اذا عم عبر منيح عن الفكرة؟

انا لما كتبت الموضوع حطيت غيفارا مثال لانو يعتبر رمز لكل ثائر وقلت ما بدنا استنساخ

طيب حلو انو نتعلم من تجربة غيرنا ومن تجاربنا واذا تبنينا بعض النهجيات

COSTA

14/07/2006, 02:54

وصلت تمام التمام

مشكور حبيب على مرورك واهتمامك وع راسي:D

COSTA

14/07/2006, 03:23

يا جماعة في شي اهم من الثورة ,,, شعبنا جوعان و مانو متحمل اي تضحيات و دم عن جديد
يعني عنا كتير شغلات نعملا قبل مانفكر بالثورة ,, القضاء على الجوع مثلا و استئصال الطائفية من مخ هالجيل الطالع و استرداد قيمة الثقافة و العلم و مكانة المواطن كأنسان عندو حقوق و واجبات ,,
يعني هالمواطن اللي بيشرب قنينة بيرة او بيبسي و بيرميا بنص الشارع كيف بدنا نقنعو بحب بلدو و الحرص عليا قبل ما نقنعو انو لازم يحارب و يمكن يضطر يموت كرمال حريتوووووووووو
بعتزر اذا طلعت عن الموضوع ,,,
تحياتي و مية وردة لكاتب الموضوع ,,,

مية وردة الك يا غالي :D
بالنسبة لشعبنا مانو جوعان لانو الجوعان هو التنبل يلي ما بيشتغل
بعدين المصاريف الزايدة هي يلي عم تخلي الناس تحس بالفقر
ولما بكون في سياسة داخلية حكيمة وتوزيع ثروات الوطن عالشعب ساعتهاما حدا بيحتاج(مومتل بيت الاسد ناهبين النفط كلو)
والجيل الطالع لما بكون واعي ومثقف( وطبعا هاد واجبنا )اكيد رح يرفض الفساد لانو ما رح يربى عليه
وبالنسبة يلي بدو الحرية عنا اكبر مثال هو الشعب السوري كل عمرو عاش حر وقدر يتنمرد بس الظروف دايما ما عم تساعدو لانو في خونة ومرتشين ورعاع ومشان هيك بدنا ثورة تهز العالم كلو

واذا انا غلطان قلولي وين غلطي والله ما بزعل بتقبلو بكل صدر رحب

chefadi

14/07/2006, 04:05

مية وردة الك يا غالي :D
بالنسبة لشعبنا مانو جوعان لانو الجوعان هو التنبل يلي ما بيشتغل
بعدين المصاريف الزايدة هي يلي عم تخلي الناس تحس بالفقر
ولما بكون في سياسة داخلية حكيمة وتوزيع ثروات الوطن عالشعب ساعتهاما حدا بيحتاج(مومتل بيت الاسد ناهبين النفط كلو)
والجيل الطالع لما بكون واعي ومثقف( وطبعا هاد واجبنا )اكيد رح يرفض الفساد لانو ما رح يربى عليه
وبالنسبة يلي بدو الحرية عنا اكبر مثال هو الشعب السوري كل عمرو عاش حر وقدر يتنمرد بس الظروف دايما ما عم تساعدو لانو في خونة ومرتشين ورعاع ومشان هيك بدنا ثورة تهز العالم كلو

واذا انا غلطان قلولي وين غلطي والله ما بزعل بتقبلو بكل صدر رحب

تحياتي الك كوستا :D
انا قصدت بالجوع يعني انخفاض الدخل السنوي للمواطن بسوريا و برأيي المصاريف مو زيادة ابدا يعني هلأ موظف شريحة اولى (مهندس نثلا) واصل لسئف الراتب بيقبض حوالي 16000 ليرة بدون الضرايب طيب هاد البني اّدم كيف بدو يأمن اكل و شرب و خدمات اولية غير اذا بدو يقرا جريدة كل يوم و يقعدلو شي ساعة ع الانتيرنيت و يدفع فاتورة الموبايل ,,, هادا كلو غير انو تلت سكان سوريا تحت خط الفقر ,,, طبعا اكيد في سوء توزيع للثروة هاد شي ماعلي حكي ....
اكيد الظروف ماخدمت الشعب السوري تاريخيا بس انا بشوف انو كمان الظروف مو ممكن تخدم الثورة بهالوقت و حكينا بهالموضوع و قلت ليش لهيك اذا الثورة مهمة فالاهم خلق الظروف الموضوعية لأحياءها ,,,,,

ألف وردة ,,,

Nirvana

14/07/2006, 13:29

تحياتي الك كوستا :D
انا قصدت بالجوع يعني انخفاض الدخل السنوي للمواطن بسوريا و برأيي المصاريف مو زيادة ابدا يعني هلأ موظف شريحة اولى (مهندس نثلا) واصل لسئف الراتب بيقبض حوالي 16000 ليرة بدون الضرايب طيب هاد البني اّدم كيف بدو يأمن اكل و شرب و خدمات اولية غير اذا بدو يقرا جريدة كل يوم و يقعدلو شي ساعة ع الانتيرنيت و يدفع فاتورة الموبايل ,,, هادا كلو غير انو تلت سكان سوريا تحت خط الفقر ,,, طبعا اكيد في سوء توزيع للثروة هاد شي ماعلي حكي ....
اكيد الظروف ماخدمت الشعب السوري تاريخيا بس انا بشوف انو كمان الظروف مو ممكن تخدم الثورة بهالوقت و حكينا بهالموضوع و قلت ليش لهيك اذا الثورة مهمة فالاهم خلق الظروف الموضوعية لأحياءها ,,,,,

ألف وردة ,,,

ممكن اذا صار في حرب مزبوط يعني يتم تدخل ايران وسوريا كأطراف بالعمالو يصير هلق، بيكون الظرف مناسب لاشعال فتيل تغيير ، لانو بتكون مساحة الحرية أوسع شوي، والناس بتبلش تفكر .

شو رأيكم؟؟

COSTA

15/07/2006, 00:53

ممكن اذا صار في حرب مزبوط يعني يتم تدخل ايران وسوريا كأطراف بالعمالو يصير هلق، بيكون الظرف مناسب لاشعال فتيل تغيير ، لانو بتكون مساحة الحرية أوسع شوي، والناس بتبلش تفكر .

شو رأيكم؟؟

اذا صار في حرب فشبابنا رح يكونو بالجبهة

اما عن الظرف المناسب اسميحيلي قول انو مو هاد الظرف المناسب لانو رح نخسر جيشنا ورح تكون المستفيد اسرائيل , هلأ طبعا نحنا ما عنا هل الجيش القوي(الالة الحربية بقصد) يلي بدافع ضد اسرائيل يمكن ايران بالصواريخ معقولة لانها بعيدة جغرافيا

اما عن اشعال فتيل التغيير فهو داخلي وفجائي لازم يكون
ولازم نبلش نطالب بتوسيع مساحة الحرية والرأي الحر عن طريق نواب ننتخبهم بمجلس الشعب ويكون همهم المواطن فقط

COSTA

15/07/2006, 00:59

نفكر نحن لحالنا , بدون قوالب جاهزة
حالة سورية مختلفة = حل مختلف

الحق معك

ونحنا حالة مختلفة
بس مو مشكلة اذا تعلمنا من دروس غيرنا حتى ما نوقع بأخطاء ندفع ثمنها من شبابنا

Nirvana

15/07/2006, 01:04

اذا صار في حرب فشبابنا رح يكونو بالجبهة

اما عن الظرف المناسب اسميحيلي قول انو مو هاد الظرف المناسب لانو رح نخسر جيشنا ورح تكون المستفيد اسرائيل , هلأ طبعا نحنا ما عنا هل الجيش القوي(الالة الحربية بقصد) يلي بدافع ضد اسرائيل يمكن ايران بالصواريخ معقولة لانها بعيدة جغرافيا

اما عن اشعال فتيل التغيير فهو داخلي وفجائي لازم يكون
ولازم نبلش نطالب بتوسيع مساحة الحرية والرأي الحر عن طريق نواب ننتخبهم بمجلس الشعب ويكون همهم المواطن فقط

ممكن، بس بالنسبة للنواب هل فعلاً ممكن يكون في أشخاص من هالنوع ؟

COSTA

15/07/2006, 01:08

ممكن، بس بالنسبة للنواب هل فعلاً ممكن يكون في أشخاص من هالنوع ؟

طبعا ممكن

لانو هدول النواب رح يكونوا من الفئات يلي معنا واعضاء بالاحزاب يلي منتمي الها
واذا ما كان في احزاب بكونوا من نفس تفكيرنا وطبعا ضروري انو ننتخبهم و نأشر للناس عليهم
(الناس يلي نثق فيهم )

Nirvana

15/07/2006, 01:11

طبعا ممكن

لانو هدول النواب رح يكونوا من الفئات يلي معنا واعضاء بالاحزاب يلي منتمي الها
واذا ما كان في احزاب بكونوا من نفس تفكيرنا وطبعا ضروري انو ننتخبهم و نأشر للناس عليهم
(الناس يلي نثق فيهم )

معقول يعني؟؟؟ .. عجبتني كتييييييييير هالفكرة.
بس السلطة بتغير الانسان.

COSTA

15/07/2006, 01:16

معقول يعني؟؟؟ .. عجبتني كتييييييييير هالفكرة.
بس السلطة بتغير الانسان.

ما هو القانون يلي منحطوا ما منسمحلوا يضل بالسلطة
واكيد هو رح يمثل حزب ما او فئة من الشعب وهيك ما بيتصرف على كيفو
انا قلت بدنا قوانين صارمة يعني بكون عرفان حالو انو ما رح يضل بالسلطة;-)

وفي حساب ل يلي بيغلط

Nirvana

15/07/2006, 01:22

ما هو القانون يلي منحطوا ما منسمحلوا يضل بالسلطة
واكيد هو رح يمثل حزب ما او فئة من الشعب وهيك ما بيتصرف على كيفو
انا قلت بدنا قوانين صارمة يعني بكون عرفان حالو انو ما رح يضل بالسلطة;-)

وفي حساب ل يلي بيغلط

حلو كتير .. يا ريت ..

للأسف أنا هلق بدي نام لأنو في عندي شغل بكرة الصبح ..

بس قبل ما أنام بدي أفكر شوي باللي حكينا .

تصبح على خير كوستا انتا والجميع. :D

وشكراً لأنو بكلامك الرائع اليوم شلت من راسي كلام " جلالتو سعيد محمد " اللي سملي بدني اليوم.

COSTA

15/07/2006, 01:27

حلو كتير .. يا ريت ..

للأسف أنا هلق بدي نام لأنو في عندي شغل بكرة الصبح ..

بس قبل ما أنام بدي أفكر شوي باللي حكينا .

تصبح على خير كوستا انتا والجميع. :D

وشكراً لأنو بكلامك الرائع اليوم شلت من راسي كلام " جلالتو سعيد محمد " اللي سملي بدني اليوم.

لا تهتمي فيه ولا على بالك

وانت من اهل الخير:D

ameen

16/07/2006, 04:35

عنجد بهنيكن ع هل النقاش الكتير راقي و انشالله يضل مستوى انقاشات بأخوية
بس أنا بختلف معك بهي

اما عن اشعال فتيل التغيير فهو داخلي وفجائي لازم يكون

برأي الحل لازم يكون مدروس كتير و مخطط لألو و بشكل تدريجي لأنو في عنا ثغرات كتير كبيرة لأزم تنسد و هي الثغرات ما تشكلت هلق صرلا سنين طويلة عم تتراكم و تكبر مشان هيك بدا وقت طويل لحتى نخلص منا و بعدين نوصل للتغيير الداخلي الفجائي بس منكون قدرنا نشكل أرضية قوية و أهم شي واسعة مشان تقدر تنفذ هاد التغيير المطلوب
بمعنى أخر أنو عملية التغيير تكون مقسومة لطورين الأول :طور تأسيس تدريجي و بطيء
الثاني:طور تنفيذي مباشر فجائي

تحياتي للجميع:D

Nirvana

16/07/2006, 09:39

ليه ما نبلش من هالمنبر الحر !!!!

:adal:

HashtNasht

16/07/2006, 20:42

و الله يا شباب أنا سبق و قلتلكن أنو ....

فيلم اميركي طويــــــــــــــــــــــ ـــــــــــــــــــــــــ ــــــــــــل :lol:

بس لكل اللي شاركو بالموضوع بهديكن هالكادووووووووووو ;-)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Nirvana

16/07/2006, 22:39

ما هو القانون يلي منحطوا ما منسمحلوا يضل بالسلطة
واكيد هو رح يمثل حزب ما او فئة من الشعب وهيك ما بيتصرف على كيفو
انا قلت بدنا قوانين صارمة يعني بكون عرفان حالو انو ما رح يضل بالسلطة;-)

وفي حساب ل يلي بيغلط
قرأت هالمقطع هادا ولفت نظري محتواه كونو الو علاقة بهالموضوع تحديداً:

يقول غيفارا : "إنّ الثورة تتجمّد، والثوار ينتابهم الصقيع حين يجلسون على الكراسي ويبدأون بناء ما ناضلت من أجله الثورة. وهذا هو التناقض المأساوي في الثورة: أن تناضل وتكافح وتحارب من أجل هدف معيّن، وحين تبلغه، وتحقّقه، تتوقّف الثورة وتتجمّد في القوالب. وأنا لا أستطيع أن أعيش ودماء الثورة مجمّدة داخلي".

ameen

17/07/2006, 00:26

قرأت هالمقطع هادا ولفت نظري محتواه كونو الو علاقة بهالموضوع تحديداً:

يقول غيفارا : "إنّ الثورة تتجمّد، والثوار ينتابهم الصقيع حين يجلسون على الكراسي ويبدأون بناء ما ناضلت من أجله الثورة. وهذا هو التناقض المأساوي في الثورة: أن تناضل وتكافح وتحارب من أجل هدف معيّن، وحين تبلغه، وتحقّقه، تتوقّف الثورة وتتجمّد في القوالب. وأنا لا أستطيع أن أعيش ودماء الثورة مجمّدة داخلي".

أكثر من رائع
وقولة ماجدة أن الثورة تولد من رحم الألام

COSTA

17/07/2006, 04:29

أكثر من رائع
وقولة ماجدة أن الثورة تولد من رحم الألام

ان الثورة تولد من رحم الاحزان

COSTA

17/07/2006, 04:39

قرأت هالمقطع هادا ولفت نظري محتواه كونو الو علاقة بهالموضوع تحديداً:

يقول غيفارا : "إنّ الثورة تتجمّد، والثوار ينتابهم الصقيع حين يجلسون على الكراسي ويبدأون بناء ما ناضلت من أجله الثورة. وهذا هو التناقض المأساوي في الثورة: أن تناضل وتكافح وتحارب من أجل هدف معيّن، وحين تبلغه، وتحقّقه، تتوقّف الثورة وتتجمّد في القوالب. وأنا لا أستطيع أن أعيش ودماء الثورة مجمّدة داخلي".

merci :D :D

Nirvana

17/07/2006, 09:42

ان الثورة تولد من رحم الاحزان

إذا عالأحزان .. كان لازم ولدت من زمان !!!

فكرك متى حتنولد ؟؟ والا بعمرها ما راح .......؟؟

بعدين وينك مو مبين هالايام ؟؟ :D

Nirvana

17/07/2006, 09:55

أكثر من رائع
وقولة ماجدة أن الثورة تولد من رحم الألام

هوي الكلام رائع ، بس الفعل يا أمين متى؟؟

مايسترو

22/08/2006, 18:29

اول شي

كوستا انا اشكرك
لانو موضوعك بيجنن وحلو

تاني شي القصة مالها قصة ثورة وبس في شي قبل لازم نغيرو وهو اهم شي
انونحب الوطن
90%من الشباب حلمهن يسافروا اوروبا امريكا دبي
ليش؟
اخي شيلنا من الديمقراطية
بس خلي الشعب مرتاح شوي
بالنسبة الي انا ما بدي غير النظام
ما بيهمني مين الحاكم على قد ما بيهمني الشعب واحوالو
في عنا الف قضية من الجولان للفساد للرشاوي و..و...و....و
طيب تاني شغلة نحنا هلق مو بحاجة لثورة على قد مالنا محتاجين لنتكاتف ونشيل شي اسمو طائفية بهالظروف
وبعدها منتفاهم
وبعدين الثورة هي شو؟
ثورة شعبية
ثقافية او سياسية او نضال عسكري شو بالضبط؟
في مليون قضية ومنقدر نحلها بس نشيل الامور التافهة على جنب

وشكرا على وعيكن
مايسترو

من اجل الحرية

23/08/2006, 00:28

هل تتوقعون ان يكون الاسد الصغير هو جيفارا القادم ، هل تعتقدون ان يكون الحمل الوديع فيديل كاسترو الثاني ، حسب قول السيد محمد حبش عضو مجلس الشعب السوري الذي حاول الدفاع عن الاسد الصغير في قناة فضائية لكن نائبنا المبجل خانه التعبير وقلب الامور راساً على عقب عندما اعلن بان هذا الرئيس الشاب الحنون الوسيم صاحب الطلة البهية ........ الخ

نسي السيد حبش بانه يتكلم عن رئيس دولة وليس عن عارض ازياء

وللحديث بقية

was616im

13/12/2007, 00:58

فيلم اميــــــــــركي طويــــــــــــــــــــــ ـــــــــــــــــــــــــ ــــــــــــــــل :yahoo:
هلق الموضوع حلو و خرج ينفتح التقاش فيخ من جديد بس انو اللي استغربتو شو دخل هالرد بهالموضوع :shock:
و بعدين شو خطر على بال ابو نهلة انو يرد هيك؟؟ :?

مو مشكلة منرجع للموضوع: هل سيولد جيفارا جديد في سوريا؟؟ و هل كوستا ما زال مستعدا للتضحية من اجل جيفارا جديد؟؟

تحياتي معلم
:D

خيالات واوهام

13/12/2007, 02:21

انا دائماً من محبي النضال السلمي. لا بد من مقارعة أعداء الشعوب بوسائل سلمية مناسبة.
على سبيل المثال 90% بيلعن رامي مخلوف (تاجر سوري صاحب أحد او كلا شركتي الخليوي). جرب واحد سوري شي مرة يخفف استعمال الموبايل للحد الأدنى لرحمة جيبه المتعبة من الفواتير العالية في البداية ولمعاقبة التاجر المستغل.
لو كل الشعب وقف وش رامي ما كان تمدمد هالقد لكن كلياتنا بنلعنوا واخر كل يوم منعطي 50 - 100 ليرة من دخلنا المتواضع أصلاً.