-
دخول

عرض كامل الموضوع : هل مازالت دمشق بعيدة عن مرمى النيران الاسرائيلية؟


صفحات : [1] 2 3

Reemi
15/07/2006, 11:23
هل مازالت دمشق بعيدة عن مرمى النيران الاسرائيلية؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 14-07-2006 , 11:23 GMT////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
دمشق: نبيل الملحم

وزارة الخارجية الإسرائيلية تهدد بضربات عسكرية لدمشق.
أحمدي نجاد من طهران، كان قد استبق الإعلان الإسرائيلي محذرا من قيام إسرائيل بالاعتداء على دمشق، (أي أن الرد ألاستباقي وصل من إيران قبل أن يصل من دمشق) وليس ثمة من يشك في أن سوريا، ( ناس وحكومة) يحسبون لتلك اللحظة.. يحسبون لاحتمالات ثلاث:
- لمناوشات عسكرية تتضمن ضرب مواقع عسكرية سورية، محدودة كمرابض صواريخ أو مطارات، أو مواقع محاذية للحدود اللبنانية السورية
- لحرب متوسطة المدى كإضافة ضربات عسكرية، للضربات السابقة وتتناول توسيع الضربات على المواقع العسكرية السورية مع إضافة ضربات للبنى التحتية في العاصمة السورية دمشق وتتضمن مطارات ومحطات كهرباء ومحطات وقود ومواقع حكومية، وما إلى ذلك مما يأتي تحت تسمية حرب متوسطة المدى
- والثالث هو توسيع الدائرة بحيث تقود إسرائيل سوريا والمنطقة إلى حرب طويلة المدى وذلك بالتوغل في الأراضي السورية

الاحتمالات الثلاث ما تزال قائمة، ولابد أن حرب متوسطة المدى أو حرب شاملة على سوريا ستشكل شرق أوسط جديد سيختلف عن كل التصورات بما فيها التصورات الأمريكية- الإسرائيلية، بما يسمح باستخلاص ربما يبدو مبكرا، ولكنه الأقرب من أي استخلاص آخر، فإسرائيل القادرة على تفكيك المنطقة ، ستكون عاجزة عن إعادة تركيبها على أي شكل من الأشكال.. تفكيكا يؤدي إلى تقويض المشروع الأمريكي في المنطقة، ولهذا مقدماته التي يمكن أن ننظر إليها بحيادية ، وان كانت الحيادية استحالة حين تكون دمائنا على المائدة.

مبدئيا ليس من الواقعي القول بأن السلاح السوري، أو القوة العسكرية السورية بحجم القوة العسكرية الإسرائيلية، ومع ذلك فسوريا تبني قوتها العسكرية منذ أربعين عاما، والمكشوف من القوة السورية ، القوة الصاروخية التي تصل فيما لو اتسعت الحرب الى حرب متوسطة المدى أو الى الحرب الشاملة، تصل إلى تل أبيب ومنطقة الجليل،والمدن الإسرائيلية الرئيسية، هذا ان لم تكن قادرة على استهداف مواقع إسرائيلية أساسية.

- انتقال المعركة إلى الأرض السورية معناه القفز فوق سوريا لتشمل الحرب المنطقة، عبر العامل الإيراني، فالجنوب العراقي مازال عمليا بأيد الإيرانيين، وأحمدي نجاد الذي ينذر، ربما لا ينطق عن هوى، فالرجل يعرف أن تفكيك المشروع الأمريكي يبدأ من منطقة ماتزال تحت راحة يده والولايات المتحدة لابد وأنها تدرك الحكاية وان كان العقل الأمريكي، يقوم على مغامرة يتلوها اعتذار، بعد أن يفعل كل ما يتصل بالدمار وهذا متحف فيتنام في الولايات المتحدة يبرهن على ذلك، والطبيعي أن تتحسس الإدارة الأمريكية مخاطر أية خطوة عسكرية باتجاه سوريا، وقد يكون جورج بوش قريبا من حساسية هذا الموقف، وعلى الغالب فان التحذير الذي قدمه الرئيس الأمريكي للحكومة الإسرائيلية والمتضمن عدم إضعاف الحكومة اللبنانية، هو في مضمونه دعوة لإسرائيل لعدم توسيع نطاق الحرب بحيث تتحول إلى حرب شاملة، وبطريقة ما، عدم إدخال سوريا في المعركة، وسيبدو مستغربا ربط دعوته لعدم إضعاف الحكومة اللبنانية، بالحرب على سوريا، خاصة وأنهما (الحكومة اللبنانية والنظام السوري على طرفي نقيض) والمرشح من المشهد الآن، هو تناقض إسرائيلي – أمريكي فيما لو ذهبت إسرائيل باتجاه توسيع دائرة الحرب وبالتالي توجيه صواريخها إلى دمشق.
الاستخلاصات السريعة إياها لا تتجاوز أن تكون عناوين عريضة، عناوين على صلة بمنطق التكاليف والمردود، وبالاستراتيجيات الكبرى، فتكلفة حرب على سوريا تعني أولا نزع كافة المكاسب التي حققتها الولايات المتحدة في حربي الخليج، كما يعني إنهاك الثكنة الإسرائيلية،دون أن ننسى أن مخزون حزب الله من السلاح مازال كبيرا،وكذلك مخزون حماس والواقع الفلسطيني الذي إن لجأ إلى السلاح الأبيض، فلن يكون أقل فاعلية من السلاح الثقيل الذي تمتلكه الترسانة العسكرية الإسرائيلية.

وفق هذه الحسابات، هل ستدخل إسرائيل مجازفة الحرب على سوريا؟
غالبا، ستكون الحرب مفتوحة على سوريا، ولكن عبر النوافذ لا عبر الأبواب الرئيسية، والنافذة الرئيسية تأتي من الجنوب اللبناني:
ضرب الجنوب وبيروت ، ومن ثم خلق عوامل اشتباك لبناني لبناني بحيث تقود اللبنانيين الى معركة عنوانها : نزع السلاح من أيدي حزب الله بأيد لبنانية والعنوان : تطبيق القرار 1559
كل ذلك لا يحول دون طلعات جوية إسرائيلية فوق العاصمة السورية.. طلعات جوية تستهدف رسائل سريعة لا طرود بريدية مفخخة.
© 2006 البوابة(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Nirvana
15/07/2006, 20:08
ما في شي بعيد .. وأنا كتير مبسوطة من الموقف السوري !!:D
االي ما حدا من الأخوة العرب فتح تمو بشي محرز !!:?

leoprad
15/07/2006, 21:09
ما حدا بيسترجي يقرب
السوريين لا متل العراقية و لا اللبنانية
ارضي اغلى مني

dot
15/07/2006, 21:52
بكل بصراحة ماني مصدق ايمت يطلع السيد الرئيس على التلفزيون ويعلن الحرب على اسرائيل اذا ما بتوقف حربا البربرية على للبنان المجروح المدمر.......
مشان ضب غراضي ودغري على سوريا على الجبهة.

Nirvana
15/07/2006, 22:07
بكل بصراحة ماني مصدق ايمت يطلع السيد الرئيس على التلفزيون ويعلن الحرب على اسرائيل اذا ما بتوقف حربا البربرية على للبنان المجروح المدمر.......


مشان ضب غراضي ودغري على سوريا على الجبهة.


شكلها راح تنطفي بمعية تصريحات فؤاد السنيورة، رئيس الحكومة اللبنانية..:pos:
بس بحيي الروح المعنوية العالية اللي عندك.:D

Willi
15/07/2006, 22:23
ما حدا بيسترجي يقرب
السوريين لا متل العراقية و لا اللبنانية
ارضي اغلى مني

لا يا معلم ابدا مو متلو

ليكها الجولان الهون اديش محتلينها
جنوب لبنان كان محتل و كان في مقاومة
فلسطين محتلة وكمان في مقاومة
العراق محتل وفي مقاومة

بس نحن ما عنا غير الحكي

ومشان انو الرئيس يعلن الحرب على اسرائيل
انا بشك انو نتحرك
بكرا اذا ضربت اسرائيل سوريا
بيطلعو عالتلفزيون وبقولو سوريا تمارس ضبط النفس

TheLight
15/07/2006, 22:30
لا يا معلم ابدا مو متلو

ليكها الجولان الهون اديش محتلينها
جنوب لبنان كان محتل و كان في مقاومة
فلسطين محتلة وكمان في مقاومة
العراق محتل وفي مقاومة

بس نحن ما عنا غير الحكي

ومشان انو الرئيس يعلن الحرب على اسرائيل
انا بشك انو نتحرك
بكرا اذا ضربت اسرائيل سوريا
بيطلعو عالتلفزيون وبقولو سوريا تمارس ضبط النفس


كلام سليم مية المية؟

Nirvana
15/07/2006, 22:30
صايرة موضة هاي شغلة ضبط النفس...

والزعماء؟؟؟؟ العرب رح ينخنقو من كتر ما ضبطو أنفاسهم...:shisha:

tiger
15/07/2006, 23:06
هاتي نفس هاتي....:shisha:

Nirvana
15/07/2006, 23:10
هاتي نفس هاتي....:shisha:

تفضل ...:shisha: ..
نفّس عنها تنجلي .. زي سياسة العرب!

tiger
15/07/2006, 23:15
تفضل ...:shisha: ..
نفّس عنها تنجلي .. زي سياسة العرب!

سياسة...??!!!!!:o
قولي كوميديا .....:shisha:

TheLight
15/07/2006, 23:15
تفضل ...:shisha: ..
نفّس عنها تنجلي .. زي سياسة العرب!



فينا ناركل ونشرب عرق وبيرة وويسكي ونح ايدينا ورجلينا بمي باردة لانو كل شي مدبر ومعروف وما راح يصير شي اكتر من هيك

Nirvana
15/07/2006, 23:23
فينا ناركل ونشرب عرق وبيرة وويسكي ونح ايدينا ورجلينا بمي باردة لانو كل شي مدبر ومعروف وما راح يصير شي اكتر من هيك

شكلها مروقة معك عالآخر ،، تفضل معنا ...:shisha:

مشان نروق نحنا كمان.8)

بس قد ما الميي باردة شكلو راح أمرض :sick:

أسير التشرد
15/07/2006, 23:26
يا سادة دمشق بعيدة كل البعد عن مرمى النيران الاسرائيلية ... يعني عن مرمى الصواريخ ... لكن ليست بعيدة عن طلعات جوية استفزازية لأجواء دمشق ... بس هيك ...
وتحياتي لكم.....

TheLight
15/07/2006, 23:28
هو بصراحة كلنا مرضنا لانو شي بيمرض صراحة
بس خلينا كابسين القيح ع الجرح وساكتين

Nirvana
15/07/2006, 23:30
هو بصراحة كلنا مرضنا لانو شي بيمرض صراحة
بس خلينا كابسين القيح ع الجرح وساكتين

قولتك .. :shurup: وهاي سكتت أنا من جهتي..

Reemi
15/07/2006, 23:30
يا سادة دمشق بعيدة كل البعد عن مرمى النيران الاسرائيلية ... يعني عن مرمى الصواريخ ... لكن ليست بعيدة عن طلعات جوية استفزازية لأجواء دمشق ... بس هيك ...
وتحياتي لكم.....
الخوف من الطلعات الاستفزازية...
بعدين شو مشان بعيدة..اميركا بالعراق يعني بفشخة بتكون عنا....:cry:

TheLight
15/07/2006, 23:33
قولتك .. :shurup: وهاي سكتت أنا من جهتي..

بس مو القصد انك تسكتي
لانو ياريت كل العالم كلامهم متل كلامك بينسمع

أسير التشرد
15/07/2006, 23:35
الخوف من الطلعات الاستفزازية...
بعدين شو مشان بعيدة..اميركا بالعراق يعني بفشخة بتكون عنا....:cry:

صحيح أميركا بالعراق ... بس اطلعي كيف الوضع بالعراق ... وكيف وضع الجيش الامريكي كمان...
ولا تخافي من هيك طلعات استفزازية ... بسوريا في مضادات ...
ويمكن بكرا ما بتعرفي سوريا كمان تطلع طلعات استفزازية بأجواء لبنان كون اجواء لبنان يعتبر جزء من أجواء اسرائيل والخط الدفاعي الأول ...

Nirvana
15/07/2006, 23:42
بس مو القصد انك تسكتي
لانو ياريت كل العالم كلامهم متل كلامك بينسمع

:oops: وهاي حكيت .. بس لإنك خجلتني ..

بس بدك الصحيح قد ما حكينا ... بدنا ننطفس كالعادة ونسكت بالآخر..

والله الواحد مل !!

يا بينسى الواحد أنو في إلو بلد .... وهادا شي بالنسبة إلي مستحيل ..

يا لازم يصير شي تغيير..

الطرمبجي
16/07/2006, 00:12
بكل بصراحة ماني مصدق ايمت يطلع السيد الرئيس على التلفزيون ويعلن الحرب على اسرائيل اذا ما بتوقف حربا البربرية على للبنان المجروح المدمر.......


مشان ضب غراضي ودغري على سوريا على الجبهة.

شكلك محموق كتير و منفعل

حضران شي فلم أكشن قبل ما تجي ..

نحنا شو دخلنا لـ نعمل حرب مع أسرائيل ؟

شوف شعب خرج يحارب هاد ..

بكرا بس يطلعو علجبهة بدون يبيعو سلاح للأسرائيلي ..

قال حرب قال

أسير التشرد
16/07/2006, 00:16
قبل الحرب خلينا نعمل اقتصاد قوي وبعدين خلينا نحارب مو هيك أحسن ... شو رأيكم ؟؟؟

TheLight
16/07/2006, 00:35
شكلك محموق كتير و منفعل

حضران شي فلم أكشن قبل ما تجي ..

نحنا شو دخلنا لـ نعمل حرب مع أسرائيل ؟

شوف شعب خرج يحارب هاد ..

بكرا بس يطلعو علجبهة بدون يبيعو سلاح للأسرائيلي ..

قال حرب قال

ومو بس هيك
بس يطلعوا عالجبهة كل واحد بيقوس معلمو يللي كان يسبلو ع امو وشرفو ودينو وقت كانوا بالقطعة

COSTA
16/07/2006, 01:24
يا سادة دمشق بعيدة كل البعد عن مرمى النيران الاسرائيلية ... يعني عن مرمى الصواريخ ... لكن ليست بعيدة عن طلعات جوية استفزازية لأجواء دمشق ... بس هيك ...
وتحياتي لكم.....

بعيدة :o :o ضحكتني يا اسير ما تواخزني:lol: :lol:

يا عمي اسرائيل عندها 600 راس نووي

عندها 4000 صاروخ مداه المجدي 4500 كيلو متر

عندها غواصات استراتيجية بتحمل رؤوس نووية مداخا 2500 كيلو متر

بعتد انك فهمت عليي;-) ما في داعي كمل

أسير التشرد
16/07/2006, 01:38
بعيدة :o :o ضحكتني يا اسير ما تواخزني:lol: :lol:

يا عمي اسرائيل عندها 600 راس نووي

عندها 4000 صاروخ مداه المجدي 4500 كيلو متر

عندها غواصات استراتيجية بتحمل رؤوس نووية مداخا 2500 كيلو متر

بعتد انك فهمت عليي;-) ما في داعي كمل

كلامك صح كوستا انو اسرائيل بتملك كل هالاسلحة... وانا معك بهالشي ...
لكان كلامي السابق انو دمشق بعيدة عن مرمى الصورايخ معناها انو اسرائيل ما رح تضرب دمشق قبل ما يتم تحضير الاجواء السياسية والرأي العالمي ... متل مو شايف هلأ شو عم يصير بلبنان ... الكل تقريباً مع اسرائيل واغلب الدول العربية ...
لهيك انا قلت انو دمشق بعيدة ...و اسرائيل ما بدها تفتح جبهة تالت ... واما الطلعات الجوية فكل شي مدروس سابقاً وانت بتعرف هالشي .....;-)

COSTA
16/07/2006, 01:52
كلامك صح كوستا انو اسرائيل بتملك كل هالاسلحة... وانا معك بهالشي ...
لكان كلامي السابق انو دمشق بعيدة عن مرمى الصورايخ معناها انو اسرائيل ما رح تضرب دمشق قبل ما يتم تحضير الاجواء السياسية والرأي العالمي ... متل مو شايف هلأ شو عم يصير بلبنان ... الكل تقريباً مع اسرائيل واغلب الدول العربية ...
لهيك انا قلت انو دمشق بعيدة ...و اسرائيل ما بدها تفتح جبهة تالت ... واما الطلعات الجوية فكل شي مدروس سابقاً وانت بتعرف هالشي .....;-)

اذا بتقصد سياسيا اوكي انا معك

اما عسكريا فقريبة كتيييييييييييييير

COSTA
16/07/2006, 03:03
بكل بصراحة ماني مصدق ايمت يطلع السيد الرئيس على التلفزيون ويعلن الحرب على اسرائيل اذا ما بتوقف حربا البربرية على للبنان المجروح المدمر.......


مشان ضب غراضي ودغري على سوريا على الجبهة.
هه هه هه هه

اي ما راح يعلن الحرب يا حباب لانو عرفان النتيجة من قبل ما يعلنها

Reemi
16/07/2006, 09:29
حرب
ولي
مو سمعان بالمثل الي بقول ..الي مانك قدو لا تقعد حدو....
قال حرب

Nirvana
16/07/2006, 09:31
بعيدة :o :o ضحكتني يا اسير ما تواخزني:lol: :lol:

يا عمي اسرائيل عندها 600 راس نووي

عندها 4000 صاروخ مداه المجدي 4500 كيلو متر

عندها غواصات استراتيجية بتحمل رؤوس نووية مداخا 2500 كيلو متر

بعتد انك فهمت عليي;-) ما في داعي كمل

ما في داعي حتى لكل هالأسلحة ..

شكلها محلولة ... بفضل تفوق مستوى الذكاء الاسرائيلي8) ، والمواقف الصلبة تبعة العرب !! :peace:

ameen
16/07/2006, 15:30
بعيدة :o :o ضحكتني يا اسير ما تواخزني:lol: :lol:

يا عمي اسرائيل عندها 600 راس نووي

عندها 4000 صاروخ مداه المجدي 4500 كيلو متر

عندها غواصات استراتيجية بتحمل رؤوس نووية مداخا 2500 كيلو متر

بعتد انك فهمت عليي;-) ما في داعي كمل

أي وشو يعني
أي نحنا عنا أكتر من 100000 بولونية بدا تزييت
و أكتر من 60000 دبابة عطلانة مصفوفو جنب بعض بس عم يستخموا كمدافع ثابتة
و طيارات من أسطول حرب تشرين
و عساكر للصبح
و روسيات ما رح أحكيلك;-)

بقى وين جاي بهل العجقة

:yahoo: :yahoo: :yahoo:

اب حمرا
16/07/2006, 19:19
أي وشو يعني
أي نحنا عنا أكتر من 100000 بولونية بدا تزييت
و أكتر من 60000 دبابة عطلانة مصفوفو جنب بعض بس عم يستخموا كمدافع ثابتة
و طيارات من أسطول حرب تشرين
و عساكر للصبح
و روسيات ما رح أحكيلك;-)

بقى وين جاي بهل العجقة

:yahoo: :yahoo: :yahoo:

والله انو انتو بينزعل عليكون نشالله مفكر انت انو هدول يلي زكرتون هوي سلاحنا شو مفكر المسؤيلين السوريين عم يطلعو عروسيا يشمو هوا مو سمعان بصفقات الصواريخ يلي كلفت مليارات

TheLight
16/07/2006, 20:45
نورنا حبيب بمعيتك
شو هالاسلحة الي عنا

اب حمرا
17/07/2006, 00:03
هلئ طبعا انا ما بعرفا ولا حدا فيو يعرفا بس سمعان عنا
بعدين انت حسبا بعئلك انو نحنا عدوتنا الي اعدي حدنا عندا هل تراسانة نحنا بدنا نعد نتفرج

ameen
17/07/2006, 00:24
والله انو انتو بينزعل عليكون نشالله مفكر انت انو هدول يلي زكرتون هوي سلاحنا شو مفكر المسؤيلين السوريين عم يطلعو عروسيا يشمو هوا مو سمعان بصفقات الصواريخ يلي كلفت مليارات

يعني ما بظن أنو في مواطن سوري ما بيتمنى أنو يكون عند سوريا أقوى و أحدث سلاح بالعالم
بس في واقع مر أخر شي هو الي عم يحكي:shock: :shock: :shock:

COSTA
17/07/2006, 04:44
والله انو انتو بينزعل عليكون نشالله مفكر انت انو هدول يلي زكرتون هوي سلاحنا شو مفكر المسؤيلين السوريين عم يطلعو عروسيا يشمو هوا مو سمعان بصفقات الصواريخ يلي كلفت مليارات

هي قديمة معلم والصواريخ صدت;-)

وماعادت تنفع غير انو تكون فتيش على جبل قاسيون بشي مناسبة وطنية:clap:

COSTA
17/07/2006, 04:47
شكلك محموق كتير و منفعل

حضران شي فلم أكشن قبل ما تجي ..

نحنا شو دخلنا لـ نعمل حرب مع أسرائيل ؟

شوف شعب خرج يحارب هاد ..

بكرا بس يطلعو علجبهة بدون يبيعو سلاح للأسرائيلي ..

قال حرب قال

انا واثق اذا بيجي شارون وبيعطي العسكري باكيت دخان بدلو وين معلمو:clap:

COSTA
17/07/2006, 04:49
ما في داعي حتى لكل هالأسلحة ..

شكلها محلولة ... بفضل تفوق مستوى الذكاء الاسرائيلي8) ، والمواقف الصلبة تبعة العرب !! :peace:

هاد العلم انت رافعتي ولا ......؟؟؟؟؟؟:shock:

Willi
17/07/2006, 04:56
انا واثق اذا بيجي شارون وبيعطي العسكري باكيت دخان بدلو وين معلمو

شوي تاني رح فكر شارون مسيح تاني

يا معلم شارون مات وشبع موت

اذا بتغير كلمة شارون لكلمة "جندي اسرائيلي" انا بوافقك الحكي 100 بالمية

COSTA
17/07/2006, 05:00
شوي تاني رح فكر شارون مسيح تاني

يا معلم شارون مات وشبع موت

اذا بتغير كلمة شارون لكلمة "جندي اسرائيلي" انا بوافقك الحكي 100 بالمية

حبيب انت عراسي :D

بس بتعرف انت انو شارون رمز يعتبر لكل اسرائيلي

ومتل ما قلت جندي اسرائيلي

Nirvana
17/07/2006, 09:12
هاد العلم انت رافعتي ولا ......؟؟؟؟؟؟:shock:

لأ مو انا هاي للمواقف العربية ..
بس مرات عم تيجي عبالي هاي الفكرة ..:pos:

فلاش باك
17/07/2006, 09:53
شباب وصبايا شو قصتكن متشائمين !!!!!؟

طولو بالكن أكيد في تفوق عسكري من ناحية العدو بس نحنا كمان مافينا نقعد ونتفرج اذا انضربنا

وبعدين المعادلة ما بتنحسب هيك بس , لأنو اسرائيل بدها تعد لل100 قبل ما تاخد هيك قرار (مهاجمة سوريا ) هيك بعتقد, لأنو سوريا مو لبنان أو فلسطين , سوريا فيها اسلحة حديثة نوعا ما , بعدين جيشنا كبير من ناحية العدد والأهم من كل هاد في مو مصلحة اسرائيل تفتح جبهة مع سوريا .لأنو سوريا لها وزن اقليمي وعربي
أكتر من ضرب كم موقع من الجو مافي

والله يستر على كل حال ويهدي الأمور

leoprad
17/07/2006, 18:35
يا أخي الفهمان برييح

butterfly
18/07/2006, 00:15
يا الله شو هاد ...
ليش عم تندبوا متل الولايا :cry: :cry:

أنو يمكن يكون العسكري كرهان الحكم .. ( يمكن مشكوك بأمرا ) ويمكن يكون جوعان ... وحفيان عسيجارة

بس هي سوريا ... :cry:
سوريا اللي عايشة بالدم ....
حب هالبلد بيوحدنا كلنا

COSTA
18/07/2006, 00:19
لأ مو انا هاي للمواقف العربية ..
بس مرات عم تيجي عبالي هاي الفكرة ..:pos:

لا ما بدي تجي هال فكرة على راسك:jakoush:

انت شلونك اليوم:D

Reemi
18/07/2006, 00:20
بس هي سوريا ...
سوريا اللي عايشة بالدم ....
حب هالبلد بيوحدنا كلنا

ما حيفهوا عليكي اطمني

Nirvana
18/07/2006, 00:22
لا ما بدي تجي هال فكرة على راسك:jakoush:

انت شلونك اليوم:D

غصب عني .. صدقني

أنا ما شي حالي .. بس مو مروقة اليوم.

:D

butterfly
18/07/2006, 00:32
ما حيفهوا عليكي اطمني

ما بدن يفهموا ؟؟؟:cry:

طيب اليوم وقت رحت عتبرع الدم ؟؟؟ كان في شي ميتين شخص ...قاعدين عالدرج ... بس بدن يتبرعوا للبنان ...
ناس معطلة أشغالا وقاعدة عم تنطر مشان شو ؟؟؟
أها اها أها
حسب نظرياتكون الخطيرة
كل هالناس جاية مشان البسكوت ... عطونا بسكوت الشرق :?

بيكفي ... ياريت فيكون تحبوا سوريا ببساطة ... هالناس
يبدو الثقافة نزعتنا....

Reemi
18/07/2006, 00:36
يبدو الثقافة نزعتنا....
هيدي هيي..عم نستعملها غلط....

Willi
18/07/2006, 01:00
ليش مين قال انو ما بحب سوريا!

ولا صرنا نتبع طريقة الحكومة العظيمة؟

butterfly
18/07/2006, 01:10
ليش مين قال انو ما بحب سوريا!

ولا صرنا نتبع طريقة الحكومة العظيمة؟
أنا ماقلت أنك ما بتحب سوريا ؟؟؟ :? :? :?

أنا قلت أنو ما فينا نتهم الناس أنو بتبيع سوريا مقابل دخان من عسكري اسرائيلي ومدري شو