كم ثمن المواطن العربي؟ [الأرشيـــــف]

عرض كامل الموضوع : كم ثمن المواطن العربي؟

Nirvana

17/07/2006, 12:54

شكلو المواطن العربي رخصان كتير بسوق العالم، يعني صايرة المعادلة هيك:

- 2 جنود اسرائيلين أسرى عند حزب الله = تدمير لبنان ببنيته التحتية ومنشآته وشعبه (إذا مو أكتر من هيك كمان) .
- بيع الحكومات العربية لشعبها مقابل = صفر، زيرو، نيل، ريان، لا شيء (بالعربي).
- تم تقييم عقل المواطن العربي بأنه فارغ وغير عقلاني من قبل زعماء الدول العربية لتواطؤه في تأييد حزب الله.
- اتضح أنو كرامة الشعب العربي كلو لا تساوي كرامة واحد إسرائيلي.
- عقول ومشاعر ملايين المواطنين العرب لا معنى لها ولا مبرر غير همجيتهم وسذاجتهم ورغبتهم العمياء للعيش بكرامة وشرف.
- كرامة وشرف ملايين العرب = مصلحة وأنانية أي زعيم عربي.
- وزن الدول العربية جميعها في الميزان الدولي لا يشكل 1/100000000000000 من وزن إسرائيل المدعوم بوزن أمريكا الثقيل.
- كما وقع المزاد الدائم للجثث والدماء العربية على مر الحروب والنزاعات على الأمم المتحدة للتصرف بها وتصنيفها، شهيد، ارهابي، خائن (اللي بدهم اياه).
- 1 انسان عربي شريف = 50 انسان عربي خائن = 100 انسان عربي إرهابي = 1000 انسان عربي متخلف .
- الانسان العربي = كائن حي بياكل وبيشرب وبنام و ...... (يا دوب)

وهذه المعادلة قائمة وسارية المفعول على الشعب العربي دائماً!!!

ري مي

17/07/2006, 13:32

:pos: :pos: :pos:

me2

17/07/2006, 13:36

Nirvana

17/07/2006, 13:50

ما بدي زعلك نيرفانا .... أصلا حاجتنا سوء تفاهم واحد باليوم ....

أولا مافي شي اسمو مواطن عربي .... في مستحاثات أقليمية .

تانيا : تهديم لبنان مو ثمن لخطف الجنود .لأنو مافي حملة عسكرية قد ما كانت صغيرة أو كبيرة ألا بدها أشهر من التخطيط و التنسيق ,,, مو بسهولة حصلو الاسرائيليين على موافقات السعودية و أمريكا و الحئيئة و روسيا و أوربا على تصفية حزب الله .. أكيد صرلون أشهر عم بيخططو .. المهم أنو فشلو ...

تالتا : بما أنو مو طالع بأيدينا من ورا مكاتبنا ألا الفذلكة "عم أحكي عن حالي" ,,, بكتفي بهذا القدر .

ما فيها زعل،، وهادا رأيك..:D

تاني شي العالم كلو شايفينا (شعب عربي واحد، والسمعة طالعة عالكل) .. وانا عم بحكي عن الصورة اللي شايفنا فيها العالم ، وقديه نحنا بلا قيمة عندهم وعند حكامنا العرب..:shock:

أما تالتاً : اذا كل واحد ما بدو يحكي ولا يحركش بعقول البشر ،، ما بتغير ولا بطوّر فكر حدا..:pos:

يعني فكرك أوقف حكي وكتابة أحسن؟؟ :cry:

me2

17/07/2006, 13:55

ما فيها زعل،، وهادا رأيك..:D

تاني شي العالم كلو شايفينا (شعب عربي واحد، والسمعة طالعة عالكل) .. وانا عم بحكي عن الصورة اللي شايفنا فيها العالم ، وقديه نحنا بلا قيمة عندهم وعند حكامنا العرب..:shock:

أما تالتاً : اذا كل واحد ما بدو يحكي ولا يحركش بعقول البشر ،، ما بتغير ولا بطوّر فكر حدا..:pos:

يعني فكرك أوقف حكي وكتابة أحسن؟؟ :cry:

بفرض العالم شايف العرب شعب واحد من الصرامي .. يفضل نبلش نغير هالصورة .. مني و عليي مارح حاول أقنع العالم أنو العرب مو صرامي ,, لأني أنا مو مقتنع أنهون غير هيك ... لذلك رح اتبرع بهويتي العربية لشي صومالي من المحاكم الاسلامية أو لشي أريتيري عاشق لاسرائيل .

أما أنك توقفي حكي أو كتابة .. أكيد ما لي رأي .. الشور شورك يا بنت العم ...

Nirvana

17/07/2006, 14:00

بفرض العالم شايف العرب شعب واحد من الصرامي .. يفضل نبلش نغير هالصورة .. مني و عليي مارح حاول أقنع العالم أنو العرب مو صرامي ,, لأني أنا مو مقتنع أنهون غير هيك ... لذلك رح اتبرع بهويتي العربية لشي صومالي من المحاكم الاسلامية أو لشي أريتيري عاشق لاسرائيل .

أما أنك توقفي حكي أو كتابة .. أكيد ما لي رأي .. الشور شورك يا بنت العم ...

شكراً لمشاركتك .. وأنا شخصياً قدام هالحكي ما ضل عندي شي قولو!!

Nirvana

18/07/2006, 11:25

مبارك قال إن الشعب هو الذي يدفع "الثمن "
الرئيس المصري:مكاسب أنشطة المقاومتين الفلسطينية واللبنانية "محدودة"
قال الرئيس المصري حسني مبارك إن نشاط المقاومتين الفلسطينية واللبنانية لا يحقق سوى "مكاسب محدودة" وان الشعب هو الذي "يدفع الثمن". وقال مبارك في حديث نشرته صحيفة "الوطني اليوم" الناطقة بلسان الحزب الحاكم اليوم الثلاثاء 18-7-2006 "لا احد يشكك في حق الشعوب في مقاومة قوات الاحتلال ولكن هذه المقاومة يتعين ان تلتزم بحسابات الربح والخسارة"

قال شو المقاومة هلأ صارت تتقارن وتنقاس بالمكاسب والخسائر..:shock:
وصار إلها حسابات بالربح والخسارة..:shock:
أكيد حسبها...!!:pos: بس المشكلة عم بناقض حالو : (يعني كيف لا يشك في حق الشعب في المقاومة بس لازم تلتزم بالربح والخسارة)..
ليه الواحد ليدافع عن بلدو بدو حسابات، ومعادلات، وناقص رياضيات كمان!!:jakoush:
يا زلمة ما إسمها (مقاومة) ..:cry:

عيون القمر

18/07/2006, 11:27

لو حكوماتنا مقدرة غلاوتنا ما كانت صارت كل هالمجازر بحقنا على طول هالسنين
بس حكوماتنا قلبها على كراسيها للاسف

Nirvana

18/07/2006, 11:28

لو حكوماتنا مقدرة غلاوتنا ما كانت صارت كل هالمجازر بحقنا على طول هالسنين
بس حكوماتنا قلبها على كراسيها للاسف

مزبوط ..

HashtNasht

19/07/2006, 04:15

قال شو المقاومة هلأ صارت تتقارن وتنقاس بالمكاسب والخسائر..
وصار إلها حسابات بالربح والخسارة..
أكيد حسبها...!! بس المشكلة عم بناقض حالو : (يعني كيف لا يشك في حق الشعب في المقاومة بس لازم تلتزم بالربح والخسارة)..
ليه الواحد ليدافع عن بلدو بدو حسابات، ومعادلات، وناقص رياضيات كمان!!
يا زلمة ما إسمها (مقاومة) ..

طبعا المقاومة تقاس بالمكاسب و الخسائر

و طبعا لحتى الواحد يدافع عن بلدو بدو حسابات ..و معادلات ...و يا ستنا بدو رياضات ...

في مصطلح عنا اسمو ( هوشة عرب ) بدل على كل تصرف مانو محسوب بتكون نتائجو عادة الفشل بتحقيق المطلوب ( على اقل تقدير ) ....هلأ نحنا بعصر ما بتنفع في هوشة العرب ...نهائيا يعني ..لو بتنفع شوي كنت قلتلك ...بس مافي مجال منوب و الله :lol:

المقاومة ....هي رد الفعل الطبيعي ( الفطري اذا بدك ) على اي عدوان ....او اعتداء
المقاومة هي كل المظاهر الممكنة لرد الفعل تجاه العدوان .....و أحد أشكال المقاوممة هو المقاومة المسلحة ....( و اللي هي الناحية العنيفة من رد الفعل ) .

الحكي اللي عم احكي مانو نظريات ..و لا هو من فراغ ...بتاريخ الشعوب في عنا كتير حالات للمقاومة السلمية اللي قدرت تحقق انجازات ضخمة

من أهم و أبرز هالظواهر هو غاندي ...صاحب سياسة اللاعنف بالمقاومة ..و سياسة اللاعنف ما بتعني عدم استخدام العنف أبداً ..و انما بتعتمد العنف كآخر حل لأعقد حالة
و لحتى ما كون عم اسرح بالخيال و نظر بكلام فاضي لازم وضح أنو غاندي اشترط لنجاح هذه السياسة تمتع الخصم ببقية من ضمير وحرية تمكنه في النهاية من فتح حوار موضوعي مع الطرف الآخر.

هلأ هون السؤال ...أنو هل فعلا لدى الجانب الاسرائيلي بقية من ضمير و حرية تمكنه في التهاية من فتح الحوار ؟؟

رح افترض جدلاً اني ما بعرف الجواب ..و رح قيس ع الواقع :

مصر كانت العدو الأكبر لاسرائيل : حاليا مصر و اسرائيل في حالة سلام
الأردن : المملكة اللي خسرت نصف مساحتا ب حرب ال 67 و مع ذلك هي و اسرائيل ( زيت ع زيتون )
ما تبقى من فلسطين : الفلسطينيين ...اصحاب القضية الأكبر و الأعلى و الأغلى ...جلسو على طاولة الحوار مع الاسرائيليين .
سوريا : من سنة 1974 و سوريا لم تتبع سياة العنف لتحرير الأراضي السورية المحتلة ..مع العلم أنو سوريا لم و لن تتخلى عن شبر واحد من هذه الأراضي ( بدليل فشل التوصل الى الاتفاق مع رابين و الخلاف على حدود بحيرة طبرية - شغلة عشرات الأمتار يعني - )

انا ماني عم قول أنو الاسرائيليين عندن ضمير...انا عم قول أنو عندن صرورة للسلام ....اسرائيل الكبرى ( الحلم الاسرائيلي ) انتهى تماما ..و بالعكس تماما ...اسرائيل تتجه لتشكيل ماسادا العصر ..على أمل أن يكون مصير هذه القلعة مختلفا عن مصير سابقتها ..( كل الدلائل تشير الى هذا التوجه ...الجدار العازل ..الانسحاب من جنوب لبنان ...ازالة المستوطنات من غزة ...) .

هلأ هون في سؤال ...و الجواب مانو سهل ..و يمكن ما نحصل ع الجواب الا بانتظار النتائج الفعلية .

هل كان تصرف حزب الله تصرف صحيح .؟
هل كان الحل الأمثل لقضية الأسرى و مزارع شبعا هو ضرب اسرائيل و خطف جنودها في الوقت الذي يعيش فيه لبنان أزمة سياسية اقتصادية خانقة ..و في عين الوقت الذي كانت فيه تقصف قطاع غزة بمنتهى الوحشية ل 15 يوما من أجل جندي اسير ؟؟

حقيقة أنا لا أملك الاجابة على هاذ السؤال ....
لكنني أتأمل ...فلا أرى كيف يمكن أن ينتصر حزب في وطن مدمر...مهزوم !!!!!!

Nirvana

19/07/2006, 09:34

"المقاومة ....هي رد الفعل الطبيعي ( الفطري اذا بدك ) على اي عدوان" عشان هيك عم بحكي أن ما بدها حسابات خصوصاً اذا ما في شي تخسرو... أنا معك انو يمكن العصر مو مناسب لنحكي بقصة هالنوع من المقاومة، كونو لبنان بلد قائم بنى حالو وهلق عم يتدمر.. بس أنا عم بحكي عن الحسابات الدنيئة اللي بتنعمل عحساب الشعب وكرامتو، المستفيد الوحيد فيها هالزعماء ورؤوس الأموال.
وأنا بفضل الحوار والمقاومة السلمية أكتر من المقاومة المسلحة .. بس الوضع صار هيك ، يعني لو ما كان في مقاومة مسلحة هل يا ترى الحكومات راح تاخد حق البلد بالحوار؟ هادا غير انو أسرائيل وأميركا تملك القوة المعنوية والفعلية الكافية للضغط على لبنان وفلسطين (وبالتالي الحوار مو متكافئ).

من جهة تانية أنا رأيي أنو اسرائيل قصدت تشعل نزاع لتحقيق مصالح معينة وللتخلص من المقاومة وحل مشكلة سوريا وايران، وتريح حالها مرة وحدة.

شكراً على ردك المنطقي.. وانا راح أتساءل معك .. يمكن بكرا نعرف شوية أجوبة..

نجوحة

19/07/2006, 12:58

بس أنا عم بحكي عن الحسابات الدنيئة اللي بتنعمل عحساب الشعب وكرامتو، المستفيد الوحيد فيها هالزعماء ورؤوس الأموال.

للاسف كل يرعى مصالحه
والدول الخليجية من اهم المستفدين
كم مليون دولار ربحوا من ارتفاع اسعار البترول...وفي الاخر بقدم بلد عربي~ظاهرا~ 50 مليون للمساعدة..وما تساوي ربح يوم تربحوا من المجازر الصايرة في لبنان.
من جهة تانية أنا رأيي أنو اسرائيل قصدت تشعل نزاع لتحقيق مصالح معينة وللتخلص من المقاومة وحل مشكلة سوريا وايران، وتريح حالها مرة وحدة.

وان لا قدر الله خسرت المقاومة الحرب..وهذا الشيء اللي منطقيا بعيد
فاكيد رح يظهر اكثر من حزب الله في بقية البلدان العربية...في وقت انخذلوا بحكامهم
فاكيد سيولّد المعاداة ليهم اكثر واكثر.
لانهم اول اللي سيحملوا الخسارة في حال وقعت ~وبالاخص من قبل شعوبهم~وليس حزب الله المقاوم
ومعظم الحكومات العربية ان بقت في منهجها الحالي فاكيد كلها رح تطير من مكانها وبعد اقل من 15 سنة~حسب بعض الدراسات~

Nirvana

19/07/2006, 13:06

للاسف كل يرعى مصالحه
والدول الخليجية من اهم المستفدين
كم مليون دولار ربحوا من ارتفاع اسعار البترول...وفي الاخر بقدم بلد عربي~ظاهرا~ 50 مليون للمساعدة..وما تساوي ربح يوم تربحوا من المجازر الصايرة في لبنان.

وان لا قدر الله خسرت المقاومة الحرب..وهذا الشيء اللي منطقيا بعيد
فاكيد رح يظهر اكثر من حزب الله في بقية البلدان العربية...في وقت انخذلوا بحكامهم
فاكيد سيولّد المعاداة ليهم اكثر واكثر.
لانهم اول اللي سيحملوا الخسارة في حال وقعت ~وبالاخص من قبل شعوبهم~وليس حزب الله المقاوم
ومعظم الحكومات العربية ان بقت في منهجها الحالي فاكيد كلها رح تطير من مكانها وبعد اقل من 15 سنة~حسب بعض الدراسات~

يا ريت يكون هالكلام صحيح..

بس انا برأيي اذا خسر حزب الله ما راح يطلع حدا محلو..
والحكام العرب اللي صرلهم عقود مستلمينا بالوراثة ما ظنيت ينشالو عن كراسيهم بسهولة .

MR.SAMO

19/07/2006, 13:15

البلد اللي بيرخص بشعبه بيكون هو بلد رخيص والعكس صحيح

Nirvana

19/07/2006, 13:26

البلد اللي بيرخص بشعبه بيكون هو بلد رخيص والعكس صحيح

فيك تشرح أكتر ؟؟؟

لأني مو عارفة اذا فهمتك صح أو لا.......

COSTA

20/07/2006, 03:47

تانيا : تهديم لبنان مو ثمن لخطف الجنود .لأنو مافي حملة عسكرية قد ما كانت صغيرة أو كبيرة ألا بدها أشهر من التخطيط و التنسيق ,,, مو بسهولة حصلو الاسرائيليين على موافقات السعودية و أمريكا و الحئيئة و روسيا و أوربا على تصفية حزب الله .. أكيد صرلون أشهر عم بيخططو .. المهم أنو فشلو ...

انا هاد الحكي يلي كنت عم قولو

يعني الدول العربية باعت حزب الله بالاشتراك مع اسرائيل

بحيك مي تو:D

COSTA

20/07/2006, 03:55

البلد اللي بيرخص بشعبه بيكون هو بلد رخيص والعكس صحيح

فيك تشرح أكتر ؟؟؟

انا رح بشرح من بعد اذنك سامو

يعني البلد بيمثلها الحكام تبعها وهدول الحكام لما بكون عندون مصالح شخصية متل نهب البلد وفرض الضرايب ومو سائلين عل الشعب فبكونو هنن رخاص وبالتالي بكون الشعب محسوب عليهم انو رخيص متلهن فما بهمون اذا جاع الشعب او فقر او اي شي تاني حتى لو مات فالحكومات التانية بتسغل هي الظروف وبيصير البلد والحكام والشعب كلو رخيص وببلاش بالنسبة الهون
والعكس هو الصحيح وهي اكيد ما بدها شرح

بتمنى تكون وصلت؟؟؟:(

Nirvana

20/07/2006, 08:42

انا رح بشرح من بعد اذنك سامو

يعني البلد بيمثلها الحكام تبعها وهدول الحكام لما بكون عندون مصالح شخصية متل نهب البلد وفرض الضرايب ومو سائلين عل الشعب فبكونو هنن رخاص وبالتالي بكون الشعب محسوب عليهم انو رخيص متلهن فما بهمون اذا جاع الشعب او فقر او اي شي تاني حتى لو مات فالحكومات التانية بتسغل هي الظروف وبيصير البلد والحكام والشعب كلو رخيص وببلاش بالنسبة الهون
والعكس هو الصحيح وهي اكيد ما بدها شرح

بتمنى تكون وصلت؟؟؟:(

وصلت ..يسلمو عالشرح ..:D

اي كنت فاهميتها صح لكان .. والشعب اللي ما بكون قد حالو وبياخد حقو جوا بلدو ما راح يقدر ياخد حقو من اللي برا البلد. :cry:

Nirvana

20/07/2006, 08:43

انا هاد الحكي يلي كنت عم قولو

يعني الدول العربية باعت حزب الله بالاشتراك مع اسرائيل

بحيك مي تو:D

أكيد :pos:

وتصريحات الحكام العرب أكبر دليل.. :(

نجوحة

20/07/2006, 17:58

يا ريت يكون هالكلام صحيح..

بس انا برأيي اذا خسر حزب الله ما راح يطلع حدا محلو..
والحكام العرب اللي صرلهم عقود مستلمينا بالوراثة ما ظنيت ينشالو عن كراسيهم بسهولة .

اكيد مش رح يطلع مثله بهالمبادئ لاكن رح يطلع شيء تخاف منه هالحكومات من زمان
ومشجعينه بمواقفهم اللي بين قوسين نبيلة وعاقلة:?

وصح انهم اللي مستلمينها بالوراثة صعب انه يتزحزحوا من الكرسي..لاكن في طرق تطيرهم من كراسيهم تطيير:lol: اتصور فاهمة قصدي
وبقية الحكام اللي عاملين حالهم ديموقراطيين رح يطيروا لوحدهم بعد كم سنة وان لصقوا تلصيق عالكراسي...
او يبنوا سجون جديدة..لان مبين السجون الحالية مش رح تكفيهم

إنسان وبس

22/08/2006, 13:24

إلى الامام

was616im

04/12/2007, 01:58

1 انسان عربي شريف = 50 انسان عربي خائن = 100 انسان عربي إرهابي = 1000 انسان عربي متخلف .
مدري ليش حاسس انو هالارقام صغيرة شوية :pos:

Nirvana

04/12/2007, 02:28

مدري ليش حاسس انو هالارقام صغيرة شوية :pos:

اعتبرها نسبة ..

was616im

04/12/2007, 02:36

اعتبرها نسبة ..
نسبة شو :shock: :?
شو عم نبيع فجل نحنا :frown::frown:
لك هاد انسان عربي على .....و رمح :jakoush::jakoush:

:lol::lol:

سارة$$$

04/12/2007, 02:43

قلتلي انسان عربي................والنعم

المحارب العتيق

04/12/2007, 03:19

بالألفين وسبعة صرنا التلاتة بعشرة
المشكلة أنو مافي مين يرضى يشتري

ASH

06/12/2007, 11:19

كرد اولي نيرفا ...

ثمن المواطن العربي ، مالو ثمن للاسف هل ايام ...

ثمنو بكل بساطه شعارات بنرددها بدون ماحتى نستوعبها ...

ثمنو عند الصهاينه ، فشكه ، رصاصه ، يعني ما يساوي اقل من دولار

هاد ثمنو بالمحصله اقل من دولار :D

التقرير الجوال

10/01/2008, 05:11

خيالات واوهام

10/01/2008, 05:16

وقت يكون للمواطن ثمن مهما ارتفع فيكون انسان رخيص لأن نحن بشر أحرار لا ثمن لنا ولسنا للبيع زمن العبيد انتهى.

كل ما انتهكت هذه الإنسانية يرخص الجميع. كلما سجن سوري شريف صاحب رأي هذا امتهان لكرامة جميع السوريين. كلما تم تعذيب مواطن سوري داخل أو خارج الوطن شيء في داخلي ينكسر رغم الجنسية الأجنبية التي أحملها من 15 عام. كلما توفي مواطن فقير على باب مشفى ترفض إدخاله قبل تأمين مبلغ من المال أشعر بأني رخيص ورخيص. عندما نقايض حياة إنسان برزمة من الأوراق عندها عفواً نحن لا نسوى شيئاً.

التقرير الجوال

10/01/2008, 05:20

المحارب العتيق

10/01/2008, 05:23

يا ريت الناس هون يكون في عندها اعتداد بالنفس أكتر من هيك
و بيعملو عالقليل متل ما بيعمل الغرب او حتى باقي الشعوب
عامل التنظيفات بالغرب بيقللك انا بشتغل كذا و اسمي كذا و هواياتي كذا
انا شخصيه بتبني المجتمع و بظن او عندي ثقه بأني مهم
من هون تبدا و تنطلق.

طبعا القصد بأن التقييم الرخيص مرفوض حتى و لو كان للدعابه
ماذا تسمي مقتل أكثر من مليون عراقي دون أن يهتم أحد فيما مقتل أي جندي أميركي يأتي في الأخبار المهمة والعاجلة
ماذا تسمي الخبر العادي الذي بات يأتي كل يوم عن مقتل فلسطينيين في غارات جوية دون أي اكتراث
فيما سقوط صاروخين على شمال اسرائيل دون قتلى يشغل العالم بأسره

خيالات واوهام

10/01/2008, 05:28

لأ يا عزيزي بتسوى كتير
بس بدك تعمل
و الحياه امتحان
و بدك تعمل متل الكل

للأسف أنا في الخارج بسوى كتير وجوى بلدي الحقيقي بحس حالي ما بسوى. قضيت في المغترب من الأعوام أكثر مما قضيته في سوريا ولكن كل هذا لم ينسيني ان سوري. وانتمائي لسوريا يفوق انتمائي لبلدي الحالي.
انا عملت الكثير ومازلت اعمل وحققت بحياتي نجاحات معقولة وانا على الصعيد الشخصي راض عن نفسي وخضت من امتحانات الحياة الكثير لكن لا أدري ما علاقة ذلك بشعوري بالمهانة عند وفاة مواطن سوري على باب مشفى لفقره؟؟؟؟؟؟؟؟؟؟؟؟؟؟؟!!!!!!!!!! !!!!!!!!!!!!!!

التقرير الجوال

10/01/2008, 05:28

لأ هيك القصه دخلت منحى تاني

للحديث تتمه

ورده بغداد

10/01/2008, 12:29

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

لاتعليق...................التعليق متروك لكم

التقرير الجوال

10/01/2008, 12:32

يعني شو بدنا نعلق مثلا...غير انه عسكري اميركاني عم يفتش بيت
في شي تاني بالصوره.؟

ورده بغداد

10/01/2008, 12:36

يعني شو بدنا نعلق مثلا...غير انه عسكري اميركاني عم يفتش بيت
في شي تاني بالصوره.؟

لك يفتش في الدولاب.................في ارهابي يدخل في الدولاب؟؟؟؟؟؟؟؟؟؟؟؟؟؟؟؟؟؟ ؟

:pos::pos:

sandra

10/01/2008, 12:38

التقرير الجوال

10/01/2008, 12:39

لك يفتش في الدولاب.................في ارهابي يدخل في الدولاب؟؟؟؟؟؟؟؟؟؟؟؟؟؟؟؟؟؟ ؟

:pos::pos:

اي بلكي في ارهابي زغير متخبي بالدولاب شو فيها
لازم يتاكد و يبحبش

sandra

10/01/2008, 12:46

عزيزتي وردة بغداد
أرجو ألا تفهمي كلامي بشكل خاطئ
الصورة اللي حطيتيها فعلاً بتضايق ومزعجة
وأنا متل كتيرين متعاطفة كتير مع العراقية
بس يا عيني شيلي لغة العاطفة على طرف وخلينا نحكي بلغة الواقع
الاميركي محتل وبالتالي شو رح تتوقعي منو
الشي اللي عم يعملو الاميركي طبيعي بالنسبة الو لأنو محتل وعدو
بس الحكي هو عاللي بيعمل هيك بشعبو وابناء بلدو، هنيك الصورة اللي بتجرح

المحارب العتيق

10/01/2008, 18:59

ببساطة إذا نحن ببلادنا للأسف الانسان مالو قيمة ببلدو فشو منتوقع من الغريب !
لما بتطلع لبرا بيحترق قلبك لما بتشوف الدولة كيف بتعامل مواطنيها،
لما بتشوف أديش كلمة مواطن مهمة وأديش عندو حقوق ، حتى العاطل عن العمل مابيموت من جوعو
وأنت ببلادك أبسط الحقوق ما بتحصل عليها
مشان هيك انحط الموضوع
ولما علقت عليه بسخرية اكلت مخالفة
حتى الراي وبطريقة من الكوميديا السوداء مالو قيمة اذا ماعجب يلي بدو يقومو
مشان هيك كان متل محمد الماغوط بالسجن
فكم ثمن المواطن العربي مع الأستبداد ؟؟؟؟؟؟

sandra

11/01/2008, 02:22

مشان هيك انحط الموضوع
ولما علقت عليه بسخرية اكلت مخالفة
حتى الراي وبطريقة من الكوميديا السوداء مالو قيمة اذا ماعجب يلي بدو يقومو
مشان هيك كان متل محمد الماغوط بالسجن
فكم ثمن المواطن العربي مع الأستبداد ؟؟؟؟؟؟

وانا متلك اكلت مخالفة عالموضوع :sick:

joys

11/01/2008, 03:00

للاسف يا نرفانا
كل شي بزمنا صار اله قيمه
الا المواطن العربي كرماله برخص