كيف غيرت الغربة حياتك واولوياتك ؟؟؟؟ [الأرشيـــــف]

عرض كامل الموضوع : كيف غيرت الغربة حياتك واولوياتك ؟؟؟؟

صفحات : [1] 2

marioma alghzayala

21/07/2006, 19:35

المستحيل

21/07/2006, 20:56

مرحبا اخوية :D ...كيفكن انو لاحظت في كتييير شباب وصبايا من عنا متغربين....انشالله بيرجعوا طيبين وسالمين للوطن ...:D مشان هيك حبيت اطرح هالموضوع ..بجوز يكون مكرر .;-) :oops: ... بس اني وي ..فاتوا اعضاء جدد لعنا ..ومنشوف شو راين ؟؟؟... :D

بعد الانتقال للعيش في بلد الاغتراب ترى ما الذي يتغير في حياة الانسان ؟؟ وكيف تنقلب اولوياتها ؟؟ ..عاداتها...وطريقة عيشها ... وما اكثر السلبيات التي تواجهها وهل الايجابيات قليلة ؟؟؟:cry:
كيف يؤثر ذلك في علاقته بالاخر والاصدقاء ؟؟ ...مجموعة من الاسئلة اردت ان اعرف ردود افعال شباب اليوم ... فشو بتقولوا انتوا ؟؟؟:D ....

انشالله بنلاقي الردود المطلوبة ...:D

الغربة والغرابة والاغتراب و الغريب والغريبة ووووووووووووووو
المنفى رديف آخر للغربة وكما قال أحدهم عذاب طويل القامة أنا
الغربة مثلما يسلخ المرء وهو حي يتفرج ويأكل عينيه وكبده
لا لغة قادرة على وصف شعورك عندما يختم جوازك ورفسة في الظهر وانطلق لقط رزقك او دور على مكان ارحب أو شارع أعرض أو جوالات مكالماتها رخيصة وتراكيمة!!!!!!!!!!!
أن تترك زيتونك وشمسك وبحرك وجبلك
أن تخلف وراءك مساحات شاسعة من اللهفة التي لا يمكنك أن تحملها معك ولو حملتها معك خففت من حدتها ولهيبها الديون التي تأخذ أكبر المساحات من حقيبتك البالية
أن تغترب يعني أن ينساك الأحبة وأن ترفضك الشوارع ببذلتك الجديدة ودخانك الغربي!
أن تغترب أن تتغير لهجتك وتكسر الكلام في الروح
أن تفتقد إلى المطر و ندى الصباح ورائحة الأم والمدفأة
أن تصبح الأشياء لا معنى لها ولا طعم ولا لون ولا رائحة
أن تغترب أن تقتلع لسانك وتغير لونه وترمي بحلماتك الذوقية إلى المجهول
أن تنتظر في كل الطوابير الذاهبة إلى الوطن
وأن تصبح كما هائلاًُ من الأشواق والذكريات
الغربة
أن ينساك الجميع الأحبة والأعداء لأنك أصبحت كما يقال صفر على الشمال
بعيدا وباردا وكئيبا
تهجرك الأرصفة وحماقات المراهقة
والحبيبات اللاتي كنت تحبهن في المدرسة الابتدائية!
وتطفوا مثل خشبة على صفحة بحر
بحر ليس بحرك
وريح ليست ريحك
في الغربة الرصيف بارد
والروح واهنة مثل نسيج العنكبوت
في الغربة انت لا شئ
ولا شئ ملكك
في الغربة انت لست الا عبارة عن رقم
او نقطة
او رمز
ولو كنت بجيب ممتلئ

lucky

21/07/2006, 21:47

الغربة بتخنق خصوصي لو كان الواحد مش مع أهلو

و فيا سلبيات كتيره و أشياء سيئه كنسيان الهويه العربيه و الدينيه أحيانا و زوال العادات و التقاليد الشعب الأصلي هدا غير العنصريه التي تواجه ضد المغترب و التفرقه حتى لو أخد الجنسيه بيضل مواطن درجه تانيه و كتير إشيا بتسم البدن ما بدي أحكي عليها هللق بس أكتر شي حلو بالغربه إنك:D

إنك بتصير تحب بلدك و تشتاقله وتتمنى تبوس ترابه:cry:
بتكون الصداقات الحقيقيه:D
بتنفتح عقليتك و تفكيرك ع كتير إشيا لو كنت ببلدك ما كنت رح تفكر بيها بهي الطريقه
تعرف ثاقافات و عادات و لغات و أساليب تغكير و عقليات الأمم التانيه
بتقدر معنى كلمة وطنهيدا باختصار:lol:

صياد الطيور

21/07/2006, 23:49

الغربة حقيرة بكل معنى الكلمة لو كانت بأجمل بقاع العالم

كلام صيحيح .. الغربة بتنسي الواحد كتير من عاداته وتقاليده .. ممكن يكون شي اريحلو ..بس المهم رح ينساها
الغربة ألها تأثير كتير كبير على العلاقات الأجتماعية ... يعني .. الواحد بيصير يعتمد على نفسه و يكون حياته على انه عايش وحده ..وأنه المسؤول عن حياته وان هو المسؤول عن اتخاذ القرار و انو بالبيت ما في حدا اكبر منه ..

بتقل علاقاته الأجتماعية مع الناس و بتخف قدراته على الحوار و على المشاركة بالأحاديث العامة ..يعني في ألها كتير نتائج سلبية .... بس كمان ما ننسى الإيجابية وخاصة الي تكلم عنها saldro

عاشق سافو

28/10/2006, 09:27

صدق أمير الشعراء حين قال : وطني لو شغلت بالخلد عنه ، لنازعتني اليه في الخلد نفسي
والله يا مريومة الموضوع هذا حلو كتير ويطول فيه الحديث ، ، ،
الغربة هي العيش في مجتمع جديد والمحاولة من أجل التأقلم مع ثقافة هذا المجتمع (من قيم وعادات وتقاليد ونمط حياه ) ، وهذا الامر ليس بالشيء السهل وبالذات للأشخاص الذين اضطرتهم ظروف الحياه للتغرب عن وطنهم سواء من أجل التعليم أو من اجل لقمة العيش ، والى غير ذلك من الأسباب .
والغربة تغير كثيراً في حياة الانسان وذلك مع طول المدة الزمنية التي يقضيها الانسان في بلد التغرب ، فتبدأ العادات والتقاليد تتغير ، وتختلف نظرة الانسان للأمور ، بحيث تكون حياه الانسان في سنوات الغربة الاولي حياه غير مستقرة ، نظرا لشعوره بانه كائن غريب في هذا المجتمع الجديد ، حيث ينتابه الكثير من القلق والتوتر والشوق والحنين الى الوطن والأهل والأصدقاء ، ولكن من أجل ان يحقق الانسان الهدف يلي تغرب على شانه فبيحاول ان يأقلم نفسه على الحياة الجديدة ، ومع مرور الوقت تستقر الامور ويتطبع الانسان بعادات البلد يلي هو فيها وبتمشي اموره نوعا ما - مع عدم نسيان الفروق الفردية من شخص لآخر -

ومن اكثر السلبيات الى بيواجهها الانسان عند اغتراباه الاصطدام في جدار عادات وتقاليد البلد الجديدة وخاصة اذا كانت بلد غربي حيث الديانة والمعتقدات الدينية - والتي تمثل شيء جوهري في فكر وعقلية المواطن العربي - تكون مختلفة تمام الاختلاف ، فمن الناس من يحاول المحافظة والتمسك بديانته وتعاليمها ، ومنهم من يضيعها مع مرور الايام ، وأيضا نقطة اخرى وهي لغة الانسان ولهجته ، من بالتأكيد سوف تتغير اذا لم تضيع مع الوقت

بالنسبة للايجابيات فهي ليست بالقليلة ، فالغربة تبني شخصية الفرد وتجعل منه انسانا عصاميا ، وتفتح امامه افق جديد ونافذة جديدة للاطلاع على مجتمع جديد بكل ما يحمل من صفات ، وهنا يرجع الامر الى الفرد نفسه وما هو هدفه من غربته فبالإمكان أخذ ما يفيد وترك ما لا يفيد - وممكن العكس :shock: -

بالنسبة للعلاقة بالاصدقاء فغالبا ما يكون البعد جفا زي ما بيقولو ي ، ولكن بالنسبة لي شخصيا البعد شوق .

تحياتي

achelious

28/10/2006, 09:48

إذا بعدك هون "صباح الخير"

عاشق سافو

28/10/2006, 10:44

صباح الفل

عطر الايام

28/10/2006, 10:49

موضوع فكرته حلوة وبهالنتيجة كل واحد بيحكي يلي بداخله

طبعا الكل بعاني بالغربة وأولهن يمكن انا لانو صرلي6سنين متغربة ولهلا ما تأقلمت مع البلد يلي أانا فيها ولا مع اهلها ولا مع شي ابدا
كنت اسمع كتير انو ناس بيتغربوا ومو مرتاحين كنت كتير استغرب بس طلع معهن حق مافي احلى من الوطن وشوفة الاهل لك والله نسمة هوا من الشام بتسوى الغربة كلها

طبعا يلي قبلي حكوا عن كل شي ومالي عرفانة شو بدي اكتب غير انو الله يرجعنا لبلادنا ونبقى فيها على طووووول

طبعا بالغربة انا اعتمدت على حالي كتير وصارت شخصيتي اقوى من قبل بكتير ويعني صار عندي شلة من البنات الشوام يلي متل حالنا عم يعانوا وكل ما ناعد سوى ونذكر الشام بتدمع عين كل وحدة

في ناس مروقين كتير بقولوا يلي صايرلنا ما بصرلنا بالشام بس انا برايي هاد الحكي غلط لاني انا من ناحيتي مستعدة اتنازل عن كل شي وانزل عالشام

فتئتولي جروحاتي على هالموضوع

يلا سلام

مايا *

28/10/2006, 11:58

في الغربة انت لا شئ
ولا شئ ملكك
في الغربة انت لست الا عبارة عن رقم
او نقطة
او رمز
ولو كنت بجيب ممتلئ

رائع ما كتبت أخي المستحيل ..

بالفعل الغربة بقدر ما تعطيك .. تأخذ في المقابل أضعاف أضعاف ذلك

اما عني فالغربة غيرت أغلب مفاهيمي ..

ورتبت أولوياتي بشكل باتت الحياة اسهل , وأيسر ,,

قاسية هي بالا شك ..

لكني دائما ما أسأل نفسي ,, هل لأصبحت الان كيفما انا دون الغربة ..

برأيي هي خطة تتخذها لكسر قيود خلقت معها .. تمنع نموك ..

شكرا لصاحبة الموضوع .. على موضوعها الرائع ..

ولي عودة

Government

28/10/2006, 17:38

الغربة كربة
وينعل اخت الغربة
السبب اللي خلانا نطلع عالغربة :pos:

Government

28/10/2006, 17:46

الغربة والغرابة والاغتراب و الغريب والغريبة ووووووووووووووو
المنفى رديف آخر للغربة وكما قال أحدهم عذاب طويل القامة أنا
الغربة مثلما يسلخ المرء وهو حي يتفرج ويأكل عينيه وكبده
لا لغة قادرة على وصف شعورك عندما يختم جوازك ورفسة في الظهر وانطلق لقط رزقك او دور على مكان ارحب أو شارع أعرض أو جوالات مكالماتها رخيصة وتراكيمة!!!!!!!!!!!
أن تترك زيتونك وشمسك وبحرك وجبلك
أن تخلف وراءك مساحات شاسعة من اللهفة التي لا يمكنك أن تحملها معك ولو حملتها معك خففت من حدتها ولهيبها الديون التي تأخذ أكبر المساحات من حقيبتك البالية
أن تغترب يعني أن ينساك الأحبة وأن ترفضك الشوارع ببذلتك الجديدة ودخانك الغربي!
أن تغترب أن تتغير لهجتك وتكسر الكلام في الروح
أن تفتقد إلى المطر و ندى الصباح ورائحة الأم والمدفأة
أن تصبح الأشياء لا معنى لها ولا طعم ولا لون ولا رائحة
أن تغترب أن تقتلع لسانك وتغير لونه وترمي بحلماتك الذوقية إلى المجهول
أن تنتظر في كل الطوابير الذاهبة إلى الوطن
وأن تصبح كما هائلاًُ من الأشواق والذكريات
الغربة
أن ينساك الجميع الأحبة والأعداء لأنك أصبحت كما يقال صفر على الشمال
بعيدا وباردا وكئيبا
تهجرك الأرصفة وحماقات المراهقة
والحبيبات اللاتي كنت تحبهن في المدرسة الابتدائية!
وتطفوا مثل خشبة على صفحة بحر
بحر ليس بحرك
وريح ليست ريحك
في الغربة الرصيف بارد
والروح واهنة مثل نسيج العنكبوت
في الغربة انت لا شئ
ولا شئ ملكك
في الغربة انت لست الا عبارة عن رقم
او نقطة
او رمز
ولو كنت بجيب ممتلئ

ياسلااااااااااااااااااااا اام كلام حلو كتير كتير كتير :sosweet:

فلسطيني للأبد

28/10/2006, 17:49

لا تخوفوني
لسا بعد 3 ايام رح روح اتغرب ست سنين !!!
ان شالله تكون الغربة حلوة!!!

Government

28/10/2006, 17:52

لا تخوفوني
لسا بعد 3 ايام رح روح اتغرب ست سنين !!!
ان شالله تكون الغربة حلوة!!!

اي الله يعينك بدك تشوف شي يعجبك كتير ;-)

فلسطيني للأبد

28/10/2006, 17:54

اي الله يعينك بدك تشوف شي يعجبك كتير ;-)

متل شو؟؟؟؟؟؟

abosleman

28/10/2006, 17:57

:sick: :sick: :sick: :sick:

Government

28/10/2006, 18:00

متل شو؟؟؟؟؟؟

بس تروح بتعرف :pos:

فلسطيني للأبد

28/10/2006, 18:20

بس تروح بتعرف :pos:

خلص انشالله بروح وبعرف!!!:lol:

DeR3@wEe

28/10/2006, 20:47

:lol: موضوع حلو كتيييير انا امبارح رجعت من الغربة بس كانت غربتي زغيرة شغلة شهرين زمان مو حرزانين
طبعا تغربت اكثر من هيك بكثييير
الغربة كانت مرحلة فاصلة بحياتي و الشغلات الي اكتسبتا من اول ما وصلت لبلد الاغتراب انو سوريا احلى بلد بالعالم و ما حسيت فيا غير لما تركتا
و مثل شعب سوريا ما في
طبعا الي عايش بسوريا ما بحس هيك بس لما تكون ببلد انت غريب فيه بدك تحب ابن بلدك تحسو مثل اخوك
تعلمت الاعتماد على النفس و انو كون منتظم بحياتي بكل زغيرة و كبيرة

بس و الله برد كتير هون:lol:

MohdAnas

28/10/2006, 22:01

يمكن كلام الشباب والصبايا صح عن الغربة .
أما بالنسبة إلي فبعد 4 سنين من الغربة وصلت للنتيجة أن الغربة هي شعور لا يتوقف على المكان يعني ممكن الواحد يكون ببلده غريب ويشعر بأرض الغربه بأنه غير غريب .
أكيد الإنسان ما لو غير وطنه بس ممكن الإنسان يشعر بالغربة حتى إذا كان بوطنه .:shock:

Lotus

28/10/2006, 23:13

سيرة وانفتحت!!!! فتحتولي جروحاتي.... اتلئو وعدكن!!!!

أبل ما بلش يلي ماله خلاء يقرأ المجلد لا يتعب حاله... رح أكتب كتييييير
معكن حئ إزا ما كفيتو لأني أنا زات نفسي ما بحب المواضيع الطويلة... بس نكشتو جروحاتي وصار بدي إحكي....

بالنسبة إلي... تغربت شغلة شهر ونص تأريبا... يمكن تؤولو مالن حرزانين...بس عن جد رجعت على بلدي كتير في إشيا جواتي تغيرت ونضجت...

مع الشعور الاستكشافي الغامر والحلو يلي كنت حسه كونه مسافرة على بلد تانية مختلفة تماما على جميع الأصعدة... من ناحية الطبيعة والجو... والتقدم... والفكر... وطريئة وأسلوب الحياة... لكن 3 أيام بالعدد... ما أدرت إكبت دمعتي!!! اشتأت لإمي..:cry: عرفت أديه بحبا:hart: ... صرخت بكوني... باسمها... وإلتلا... إمي... ياريتك تكوني هلأ حدي... لتضميني بحنانك... إمي... بحبك...:hart: :cry:

الشي التاني... معودة على الشمس أنا وبالعادة بيصير معي اكتئاب شتوي بالشتا... فمرؤوا تلات أيام مرؤا عليي ما شفت خيال الشمس... والله ما إدرت أتحمل... اكتأبت...:o :o :o بس موهون مربط الفرس....
هلأ بدكم تؤولو إنه حكياتي تضم مشاعر طفولية بسيطة ساذجة... وإنه غيري عانى أكتر بكتيييييييييييييير.. يمكن... بس هيدولي الشغلات بجد أسرو فيني...

بعدين... الصبية زميلتي يلي كان مفترض إنه نحنا متفئين مع بعض... ورجتني نجوم الليل بعز الضهر.:cry: :cry: :cry: :cry: .. بس ما بخفيكن... الحئ عليي لإني سكتلها وإني ألزمت نفسي بأشيا ما في حدن بمحلي بيلزم حاله فيها...:ما رح عيدا ولو على أطع رأبتي":p

أهلا لزميلتي أبل ما نسافر وصوني عليها دير بالي عليها.... واعتبرت كلمتي إلهن وعد... وأنا كلمتي ما بتصير تنتين... "إضرب على هالوعد":shock: :yahoo:

من تاني يوم مشينا بشوارع بارس تحت المطر وما كنت جايبة معي جاكيت... هية كانت عاملة احتياطا بجاكيت وشمسية... ولا آلتلي تعي معي تحت الشمسية!!!! ولا كإنه منعرف بعضنا!! وأنا لابسة قميص صيفي وعم بنغسل تحت المطر عم بسأل حالي شو بها مغيرة؟! ... آلتلي ما فينا نرجع على الفندق! لإنه ما خلصنا لفلفة وفرجة!!! وأنا من التزامي لكلمتي... ما بدي إتركا لحالا... وضلينا... لما أكلت مرضة!!! من الآخر..:sick: :sick: :sick: بس يعني كان إلها عين تئلي هالشي وهية شايفة منzري!!!! لا تعليق!!! ما بعرف شو ممكن ينآل!!!:shock: :shock: :shock:
لأ ويا ريت شكرتني!! ولا تأسفت ولا عبرتني بفرنك!!!:shock: :shock: :shock:

بعد بأسبوع رحنا على مدينةتانية... كنا لازم نتسوق متل الله واحد كل يوم لما طلعت روحي من السواق!! مرة دئت الساعة 12 وكانت الساعة ببلدي وحدة... يعني وأت غدا... إلتلا جوعانة... خلينا نشتري صندويش... آم ما لئيتا غير صرخت بوجهي بنص الشارع وآلتلي: هلأ !!! في حدا بيتغدى هلأ!!!!
أنا انصدمت بعيشتي... ليه هيك عم تحكي معي... شو كفرت!!!! مواقف كتير كنت اسكت على صراخا وحكيا الجارح... بس مشان أوفي وعدي...بس خرجي الحئ عليي...:cry: :cry: :cry:

بعدين كان في حفل عشا واستئبال إلنا وللي متلنا جايين من أصقاع الأرض!!! والله ما شفت غير الرقص اشتغل والخمرة نزلت على الطاولة... أنا غيبت من الريحة..:mrgreen: :mrgreen: وحسيت إنه مو مكاني هون... أنا ماني ملتزمة كتير... بس ملتزمة نوعا ما وفي أشيا مالا مني ولاني منا... كل شوي بخبرا بطريئة محترمة إني بدي إطلع ...ما عاد فيني... وهية بدا ترقص وتنسجم... الدني بره زخ مطر...:cold: :cold: :cold: السكن بعيد... الدنيي ليل... ما في شي إركبه... مابئدر إتركا من حالا...ولا بئدر إمشي لحالي...عم إبكي بمرارة من جواتي:cry: :cry: ... هية بلشت تردحلي بنص الكوفي شوب:shock: :shock: ... والناس اجتلئت علينا... رديت عليها: عم حاكيكي باحترام حاكيني باحترام...
طلعنا ومشينا للسكن... خرسانين... ما حدا طايئ يحكي مع التاني..:pos: :frown: ما سدأت وصلت لغرفتي لحتى أحضن مخدتي وإبكي وإبكي وإبكي بكل ما أوتيت أنهار الكون من ماء... وسمع الكون ألمي... ألمي يلي اخترته بئيدي... داري وحدة ما بتعرف معنى احترام الذات... بس مشان أوفي بوعد عطيته لأهلها...:shock: :?

دئت عليي الباب... وشعرت بتأنيب الضمير على اللي ساوته معي...:? :pos: ما أدرت افتحلا... مجروحة كتير!!!:cry: :cry: آلتلي حقودة إنتي!!!!:shock: جرحتني أكتر!!!!:cry:

صارت كلما شافتني عم بحكي مع حدن بتدخل على الخط لتاخد الاهتمام:shock: ... بحس إنها بدا تاخد كل شي حلو بتشوفو بئيدي:shock: .. ما بدا ياني كون مبسوطة:? ... أو إحكي مع حدا:shock: ...صرت بحس الناس بتبعد عني بسبب التخاريف يلي بترويها عني... اكتأبت كتير:cry: ... كنت آكل لحالي بمطعم السكن... هادا أكتر شي كان يحرئني... بحياتي ما أكلت لحالي!!!!:cry: :cry: :cry:

صرت إحكي مع رفيئتي ببلدي... ما إحكي شي:shock: :shock: ....نص ساعة تلفون خارجي يوم بعد يوم بس بدي حدا يسمع حرئة ألبي كيف عم تعمل بدمعاتي...مو أكتر...طبعا كانت عم تسألني شو في بس ما كنت عم بسمع شي غير صوت ألمي... أهلي ما خبرتن ... أكيد كانو رح يؤولولي رجعي بأول طيارة!!! وأنا ما بدي إرجع هيك!!! بدي إتغلب على الموقف وإرجع مبسوطة...

بعدين تركتها وشأنها!! بس بطمن على أوضاعا كل ماشفتا هيك عالماشي... بساعدا وأت بحاجة بتكون...لأ والمحضك المبكي إني بضم دمعتا وأت بتحرأا:shock: :shock: :shock: :shock: ... مع إنها السبب بحرئتي!!!:shock: :shock: ضليت صابرة عليها... وأخدت قرار بعد المرارة يلي شفتا منا... لشوف أهلا بالمطار وتروح معن... بكون أنا وفيت بوعدي... وانتهى التزامي الاختياري...
أخدت قرار، وانا على فكرة بحترم قراراتي حتى النخاع:larg: :larg: ، إني بحياتي ما حاكيا... وهيك صار... لهلأ... سنين... ومالي مستعدة...لو شو ما آلت... لإنه استنفزت كل فرصا معي...
طبعا حست بزنبا وكتير آلت لرفآتنا المشتركين إنها بدا تتأسف وترجع الصحبة... بس بعد شو؟؟؟؟؟ بعد ما عاملتني بوضاعة؟!!! مو ممكن... حدا تاني غيري كان ما فرء معه وآزاها.. وتركا يصير فيها شو ما يصير... وما سأل...ببلاد الغربة
اللي فهمته بعدين إنها بتعاني من عقدة نفسية... ما بتحب يكون حدا معه شي أحسن من يلي بئيدا!!!

اللي تعلمته:
1. ما في داعي كون مثالية بالتزاماتي لإنه ما في حدا بيستاهل
2. إتعامل بعملية مع أي شخص...وما ضل إحسب حساب مشاعره بالوأت يلي هو ماله حاسب حساب مشاعري... وردله السيئة بالطرئية يلي بترقى لأخلائي... مو بوضاعة أسلوبه
3. الحياة لازم إسمتع فيها... وما خلي حدا يعكر عليي أيامي... لإني أنا يلي رح إدفع الفاتورة
4. الإنسانية مو مع الكل.... أبدا
الحياة ما بتتوأف عند شي... أو عند حدا:frown:

لحzة!!! في جانب مفرح بالموضوع كتير::clap: :clap: :clap: :clap:

يلي استفدته إنه علاقتي برفيئتي يلي كنت إبكيلا على التلفون صارت كتييييييير أوية لهلأ!!!! ورجعت على بلدي مبسوطة إني إدرت إطلع من الجو الحزين وشوف كل شي وروح وإجي وإتصور بكل مكان بروحه وساوي كل مابشوفه مناسب وحاكي الناس.. وزور جيراني بالسكن... وروح على نهر حلو هنيك طعمي الوزات عند الغروب واشتري هدايا لأهلي ورفآتي وكل النشاطات ساويها ولو لحالي... ... وكان معي ربي وعارف شو بئلبي:gem: :gem: :gem: :gem: :gem: ... أحلى من هيك رفئة شو بدي!!!!:o :o :o

أنا بشكر كل يلي إدر يسمع فضفضتي للآخر... لإني كل ما يتزكر الموضوع بحس إني موجوعة... بشكركن من كل ألبي:hart: :hart: :hart: :hart:

عطر الايام

29/10/2006, 09:55

بصراحة يا louts

الله يعينك لو كنت محلك ماكنت بعرف شو ساويت فيها

ومشان فلسطيني للابد الله يوفقك بغربتك وتتأقلم بالبلد يلي بدك تسافر الها

عاشق سافو

29/10/2006, 10:56

والله يا لوتس الله يعينك ، بس انتي الغلطانة بالاول لأنك ما عملتي بالحكمة يلي بتقول مئة عين تبكي ولا عين أمي تبكي وشغلة تانية لازم تحطي صحابك بالغربال ، يلا الحياة مدرسة والشاطر يلي بيتعلم منها

marioma alghzayala

29/10/2006, 12:19

ولي ..على هالسيرة :cry: ...شكرا للمرور :D

mm_88_18

29/10/2006, 12:59

بختصار شديد بدم الواحد لو شو ماكن ربحان

Government

29/10/2006, 13:18

بختصار شديد بدم الواحد لو شو ماكن ربحان

ربحان:shock:

ليش نحن لين رايحين على مباراة ولا لوين بالضبط :pos:

حيفاويه

29/10/2006, 13:21

فلسطيني للأبد

29/10/2006, 13:22

:clap: :clap: :clap:

هههههههههه

ما بعرف ليش أنا مكيف لاني رح أتغرب عن قريب!!!!!!!:shock:

حيفاويه

29/10/2006, 13:26

:clap: :clap: :clap:

هههههههههه

ما بعرف ليش أنا مكيف لاني رح أتغرب عن قريب!!!!!!!:shock:
:shock: :shock: :shock: :shock: :shock: لوين رايح

فلسطيني للأبد

29/10/2006, 13:27

:shock: :shock: :shock: :shock: :shock: لوين رايح

بقوللك رايح عالقاهرة!!:clap:

حيفاويه

29/10/2006, 13:34

بقوللك رايح عالقاهرة!!:clap:
شو بدك تدرس :?

فلسطيني للأبد

29/10/2006, 13:36

شو بدك تدرس :?

بعيد عنك طب !! ................................. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////[1].gif (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

حيفاويه

29/10/2006, 13:37

بعيد عنك طب !! ................................. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////[1].gif (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

بيطري اكيد :o :o

فلسطيني للأبد

29/10/2006, 13:40

بيطري اكيد :o :o

:shock:

هههههه

والله بشري وحتى بالعلامة أول واحده رح عالجها حتكوني انتي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////[1].gif (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Government

29/10/2006, 13:44

:cry: :cry: :cry: :cry: :cry: صرلي سنه ونص ما دست ارض الشاااااااااااااااااااااام :cry: :cry: :cry:
رح موت لدوس ترابا:cry: :cry: :cry:
زهقت من هوووووووووووووووووووون :cry: :cry:

اي بسيطة هي سنة ونص
انا بزمناتي تميت سنتين وشوي ماشفت تراب حلب
بسيطة
ايزي كتير

بعدين ليش مزعوجة من بالبلد شبها في احلا من البلد
رووووووووواق وجو حلو
وجه حسن

يعني بالعربي الفصيح
في ومي وجه حسن
شو بدك اكتر من هيك :larg:

مايا *

29/10/2006, 13:51

اي معناها أنا مستشارة هون ,, :clap:

روءو صبايا وشباب .. انا الي 6 سنين ما شميت ريحة الوطن ,, :cry:

mm_88_18

29/10/2006, 13:59

مممممممم والله زعلتوني
شلون لو تعرفو انو انا 12 سنة ما بعرف أخي بشكل بس سوطو وانا بغربه
لهيك أنا هون كنت اتعس واحد لهيك انا ما عندي أي أستعداد على انو أطلع برانية سوريا والله لو كان ثواني

عطر الايام

29/10/2006, 14:02

انا صحيح متغربة بس كل شي شهرين تلاتة بنزل عالشام

يعني لو ضليت سنة بكاملها ما بنزل يمكن بطق

Government

29/10/2006, 14:09

انا صحيح متغربة بس كل شي شهرين تلاتة بنزل عالشام

يعني لو ضليت سنة بكاملها ما بنزل يمكن بطق

هووووووووو هووووووووو
اي ياهيك الغربة يابلاهي الغربة اللي بتفش القلب

عطر الايام

29/10/2006, 14:16

حلوة غربتي موو :gem:

والله اذا كترت ومضى 3 شهور ومانزلت بحس حالي حموت

ليش انت كل ايمتى بتنزل يا Goverment

Government

29/10/2006, 14:23

حلوة غربتي موو :gem:

والله اذا كترت ومضى 3 شهور ومانزلت بحس حالي حموت

ليش انت كل ايمتى بتنزل يا Goverment

انا بنزل كل سنة
ومرة شطحت معي الشغلة وضليت سنتين كاملين :cry:

عطر الايام

29/10/2006, 14:25

وليييي سنتين والله كتار موووو

انا مرة وحدة ضليت سنة بس حرمت عيدها لانو داق خلقي كتير

Government

29/10/2006, 14:30

وليييي سنتين والله كتار موووو

انا مرة وحدة ضليت سنة بس حرمت عيدها لانو داق خلقي كتير

كتاااااار وبس
يوما قرفت عيشتي
ولهلأ ماعرفت كيف قضيتن
ومن هديك المرة كل سنة بنزل

بس يلااااا ستي الله بعين شوبدنا نعمل :pos:

عطر الايام

29/10/2006, 14:33

أولتك الله بعين

انا أكتر شي بتدايق وقت تجي الشتوية انو لازم احضرها بالشام وبرد الشام بجننننننننننن

Government

29/10/2006, 14:38

أولتك الله بعين

انا أكتر شي بتدايق وقت تجي الشتوية انو لازم احضرها بالشام وبرد الشام بجننننننننننن

انا بحياتي ماحضرت الشتي بسوريا
غير لما كنت هيك فصعون صغير :p

عطر الايام

29/10/2006, 14:39

هههههههههههههه ليش اديش عمرك هلا؟؟؟؟

انت متل كتير من رفقاتي ما بيعرفوا شو يعني الشتا بالشام بس بيعرفوها عالتلفزيون

وانا بنزل عالشام وببلش جكر فيهن

SuSu83

29/10/2006, 14:42

انا بنزل كل سنة
ومرة شطحت معي الشغلة وضليت سنتين كاملين :cry:

وأنا هيك صار معي مرة ..

وآخر نزلة نزلتها كنت ناوية اقعد شهر ونص .. بس ما كملت الأسبوع وصار لازم ارجع لهون :tears:

عطر الايام

29/10/2006, 14:44

انا متل ما الت مرة ضليت سنة بس نزلت اجازة شي 3 شهور :lol:

روقت فيها تماااااااااااااااااااااااام وبصراحة تمنيت ما اطلع

Government

29/10/2006, 14:49

وأنا هيك صار معي مرة ..

وآخر نزلة نزلتها كنت ناوية اقعد شهر ونص .. بس ما كملت الأسبوع وصار لازم ارجع لهون :tears:

الله يعينك ويعينا:cry:

لا انا لما بدي انزل بنزل نزلة طويلة يعني
مشان عوض هالسنة اللي قضيتا هون :cry:

Government

29/10/2006, 14:50

انا متل ما الت مرة ضليت سنة بس نزلت اجازة شي 3 شهور :lol:

روقت فيها تمااااااااااااااااااااااا ام وبصراحة تمنيت ما اطلع

شعور عام
انا برجعوني لهون بالغصب :p

عطر الايام

29/10/2006, 15:01

انا يلي مصبرني انو هي اخر سنة حاتغرب واخيرا حانزل استقر بالشام

واخلص من هم الغربة

يلا عقبال الكل