الرجاء كتابة رأيك الصريح بالمقاومة الإسلامية...... (حزب الله)

الرجاء كتابة رأيك الصريح بالمقاومة الإسلامية...... (حزب الله)

انا ضد الاحزاب الدينية بالمطلق .... ما بتنبلع معي منوب ( و رجاء ما حدا يجي هلأ يتهمني بالعمالة للصهيونية و اني مرتبط بتيار 14 اذار ..و ما بعرف شو :pos: )

مجرد كون حزب الله ( اللي هو حزب ديني ) متصدر الحياة السياسية اللبنانية ... هاد مؤشر قوي على تدهور الاوضاع في لبنان الى مستويات شديدة التدني ..و برجع بأكد ..ما لأنو حزب الله ضعيف أو سئ أو ...الخ ...بالعكس ...قوتو الكبيرة و شعبيتو الضخمة ..هي المؤشر على التدهور .

بتمنى يكون كلامي مفهوم :D

يا ريت يا سيمو .. لو أنو بلشت الموضوع بطرح رأيك أنت بالبداية ثم طلب رأي الآخرين ...
__________________________________________________ ____________________
بالنسبة ألي ... استغلال الدين لكسب عواطف أو كسب ثقة الشعب .. هي نقطة سلبية ... بغض النظر عن أي حزب ....

أنا ضد الأديان كلا و طبعاً متل الشباب ضد الأحزاب الدينية
بس ما فيني إلا إرفع القبعة لحزب الله تحديداً لأنو مميز بكونو عصري و غير متطرف
و عندو نهج و سياسة رائعة بالتعامل مع الوضع الداخلي و الخارجي

يعني فينا نشوف كيف ولاء عناصر حزب الله للحزب وللسيد حسن
أكتر بكتير من ولائهم للوطن وهادا اكبر غلط ....
أنا كمبدأ حزب مو كتير مقتنع فيه مع انو بالسنوات الأخيرة أثبت انو الحزب القائم على اسباب دينية هو الي ناجح
بس شو بدك تساويي ....
أما من ناحية المقاومة والي بيعملوا على الصعيد العسكري .... فأنا معجب فيه جدا جدا جدا
وحتى على استعداد للعمل معو

أنا ضد أي شي بينبنى على أساس ديني..

لانو الدين علاقة شخصية مع الإله ..

وبالتالي أنا تبعاً للفكرة مو مع حزب الله كحزب .. بس أنا مع مبدأ المقاومة لتحقيق الحرية ..

بغض النظر عن كونو حزب ديني
انا مع حزب الله ومعجب كتير بتنظيمو وقدرتو على التاقلم مع كل الاوضاع

انا اكيد مع حزب الله 100%

اصلا لولا حزب الله ما كانت تحررت لبنان سنة 2000

بس يا حرام ما كملوا استقلالهم لمدةسبعة سنين

اصلا لولا انه بامن بربه وانه الله سبحانه وتعالى امر بالجهاد كان بتتوقعوا انو بجاهد بهاي الطريقة يعني هو اول هدف ارضاء رب العالمين بعدين حماية لبنان من الاحتلال

وهادا هوة راي الخاص

انا مع حزب الله ... و مع المقاومة وين ما كانت ... و يلي عم يحكي انوا لبنان فيها كتير الوضع متدهور لانو في حزب ديني ..غلطان كتير .. لانو و رجونا يلي انتو مو مع الأحزاب الدينية .شو كان صار لولا حزب الله

بغض النظر عن كونو حزب ديني
انا مع حزب الله ومعجب كتير بتنظيمو وقدرتو على التاقلم مع كل الاوضاع
انا مع المقاومة والله ينصرها على العدو الصهيوني

انا برأي واعتقادي الخيانة لا ترتبط بدين وليس لها دين كذلك المقاومة والعمل المقاوم لا يرتبط بدين لأنه كل المعتقدات تدعوا للدفاع عن الارض ولتصرة الحق ورفع الظلم .
اما فكرة الاحزاب الدينية والمقاومة الدينية بالتحديد بيصير فيها دايما فرز طائفي يعني حزب الله كل عناصره هنن شيعة يعني لايوجد اي من الطوائف التانية واللي متابع حديث السيد حسن نصرالله بخطابه للشعب الاسرائيلي قلهن بالحرف الواحد سيقضي عليكم احفاد الرسوم والامام علي والحسين يعني ربط الصراع بصراع شيعي اسرائيلي.
المقاومة لها فضل كبير باندحار الجيش الاسرائيلي بس كمان كان في دعم شعبي من جميع الطوائف اللبنانية وجميع الاحزاب التانية
يعني كان في شيء مكمل للمقاومة .
لذلك انا ضد المقاومة القائمة على اساس الدين ومع العمل المقدس اللي عم يعمله القديس حسن وملائكته
تحياتي

انا ضد الاحزاب الدينية بشكل عام
لكن حزب الله شي تاني بمعني ان حزب الله هو حزب اسلامي في دولة مسيحية بس بيدافع عن كل الاراضي هونيك والو دور فعال في اجلاء الصهاينة من لبنان من قديم الازل
تحية كبيرة لحزب الله ولقائدها حسن نصر الله

بغض النظر عن دوافع و اسباب وجود حزب الله فان مجرد الاعمال البطولية الرائعة التي قام بها يكفي لان نكن له الكثير من الاحترام و التشجيع
و مع اني ضد فكرة الاخزاب الدينية بس بظن انو لولاها ما كان حزب الله قدر يحقق الشي الللي حققو لهلق

حزب اللــــــــــه إسم على مسمّى

هوي الحزب اللي عم يرضي الرب .. عم يرضي الله اللي هوي رب كل الديانات ان كان الاسلام او المسيحية

هيدا حزب همّو مش ديني .. همّو وطني قومي .. يعني ما لازم نتطلع على حزب الله من ناحية دينية

لازم نشوف شو عم يقدم عالأرض .. لازم نشوف التضحيات اللي عم يعطيها

وما فينا نقول انو حزب ديني اذا اتطلعنا على طريقتو بالتعامل مع الخرين عدا اسرائيل طبعا ...