للغة اخويه


تزكرني لما إرجع طل!

البشـــر الي المنورينا هلق

قهوتنا من غير سكر .. البن محوج .. والهيل زيادي .. ويا ريت تغليها منيح .. عقدها .. وصبلي من الوش ..
ما مهم الفنجان صيني ب 5 ورقات .. ولابورسلان فرنسي ب 2000 ورقة ..
ولا بالكباي حتضيفني ولا بالكيل .. ما مهم .. بس مهم تتزكر انو قهوتنا من غير سكر !!


اي هون بقا البسطة.. وهون فيك تفتح بسطتك الخاصة بدون مااتخاف من الشرطة والجمارك والتموين
وما بعرف شو قال انو يعني مثلا يلاحقوك وهيك شغلات.. لا في تقبيع بالركيد ولا في حدى يقلك وين ترخيصك يا استاذ ..
ولا شي .. خودر احتك بيع الي بدك ياه واشتري الي بدك

ترى وينك بهالقسم في مواضيع خلنج جداد لسا مانك شايفون

هالقسم على حطت إيدك، لا فيه مواضيع جديدة ولا من يحزنون

خيو مسكريين هالقسم، قافلينو يعني وما فيك اتحط فيه مواضيع ولا ردود


مناغشتنا ومراسلتنا

بحبشة، دعبسة،

***


للغة اخوية المقصود . اللهجة العامية الي تستعملها اخوية .

و رغم انني من انصار الفصحي . الا انني اجد متعة في للغة اخوية . فعند دخولي

إلى اخويه اشعر و كأن في استقبالي شخص حقيقي يقف امامي

ويخاطبني مباشرة . و اتخيله انو واحد ولد بلد ويكلمني با البلدي . ولابس الزي البلدي . واحيانا عمره 60 سنه

الي حابب اقوله إن للهجاتنا العربية جميلة جميله بمعنى الكلمة بس يفهما الوحد ورح يشعر بحلاوتها ومواطن الجمال فيها .

للوهله الاولى عند سماع اللهجه أي للهجة عربية يستصعب فهمها . ويحس الوحد انها ثقيله على ( إدنو)

اقترح على الإخوة الزملاء واعتقد إن اعضاء اخويه من مختلف البلدان العربية

1 - ما هي الكلمة التي تشعر انها جميله بالنسبة لك في بعض اللهجات العربية وتعقد انو هي احلى لو سمعتها من .......

2- أن يضع عضو كلمة بالهجته ثم يكتب باقي الأعضاء المقابل لها في للهجاتهم .

يعني نحاول نتعرف على لهجاتنا العربية و نستمتع بالمفارقات من لهجه إلى أخرى في الوطن العربي


رح ابدا انا . و اتمنى المشاركة من بقية الاعضاء


متلا اللهجة اللبنانية . انا شخصيا احب فيها

اهلا وسهلا
خـيـى

هادي الجملتين اعتقد انا نها أجمل ما تكون على اللسان ألبناني عن غيره

يعيشــك
باهـي

في اللهجة التونســية .

طبعا هذا مثال .

أما بالنسبة للكلمة وما يقابلها مثال

ســــــوري - سعودي ( المنطقة الغربية )
بحبشـــــه = نخبشــــــه
رؤق = روق (بفتح الراء وكسر الواو)



على هذا المنوال إن شاءالله الفكره واضحه . و تعجبكم

: ملحوظه : ما اعرف اذا كان هذا القسم مناسب للموضوع . الرأي للمشرف



شكرا

أبو أنمــــار

اصلا انا اكتر شي عجبني بإخويه هو اللهجة الخاصة فيها

مختلفة عن اي منتدى تاني

بس احلى شي الرسالة الخاصة يا عمو شكلك شغال عالخااص :lol: نيتك عاطلة يللي كاتبو :lol: ههههههههههه


شكرا كتير الك على الموضوع هادا والكل ملفت نضرو للهجة العامة هوون


كلمة سورية نحبشة
بالفسلطيني افتش :lol: وبنستعمل بحبشة كتير كمان

كتير حلوين هادا اللي خلاني ضل بأخوية

شكرا على الموضوع وشكرا على الإشادة بما نسميه "هوية اخوية" او "هويّة اخوية السمعية البصريّة"
هيي بالفعل مقصودة بهال الطريق . او كيف مقصود نقطة الألفة والمودة ، انو السيستم الجامد (اي سيستم اي موقع على النت بالمجمل جامد متل اي شيئ الكتروني، .) ومن هون كنا عم بنحاول من خلال لغة اخوية و هويتها البصرية هاي نخفف من جمودية الموقع كسيستم ، نخليه كسيستم اليف و ودود ، بتحسو فعلا شخص،

للحقيقة بلش الموضوع او نبقت الفكرة اول ما نبقت براصي من خلال مشين ل citibank ..
كنت لسع جديد فاتح حساب عندهم كان عندي حساب بغير بنك وصار هداك البنك زحمة فنقلت حسابي(من كذا سنة يعني )،المهم حطيت الكاردت تبعي ATM كرمال شيك على الرصيد مدري اسحب مصاري، فلقيت السيستم عم يحكيني وكأنو شخص ، وليس باللغة الجافة
يعني بدل ما يقول لا نستيطع تنفيز العملية، كان يقول لا يمكنن اتمام المعاملة الآن، كان يقول لا استطيع اتمام معاملتك الآن يلتبس علي الأمر من حيث كذا وكذا ، انصحك بعمل كذا ..

عارف لمنت حكي معك مشين بلغة المفرد وضمير الملكية وكأنها شخص، شغلة كتير ظريفة، وقتها انا كتير انبسطت من المشين ، بزكر وقتها يعني كيف متل عبتلي دماغي "صحي فكرة كتير صغيرة، وصحي هيي ولاشيئ يعني مجرد استبدال شوية كلمات بكلمات تانية " بس بتعطيك احساس خاص غير مألوف بتضفي جو ودييي على التعامل والمعاملة ..

بمعنى وقتها او هال الحادثة هيي الي غيرتلي منحى تفكيري او عطتني متل هينت هيك او ما بعرف كيف ، لانو كيف ممكن بفكرة كتير صغيرة بتحريك شغلة حركة كتير بسيطة او تحويرها بكتير سلاسة كيف ممكن تغير كتير مقاييس وهيك بمعنى كيف بعمل كتير صغير ممكن تعمل تحسين كبييير.. ،

:D

للتنويه ايضا ، فكرة اللغة الخاصة بأخوية هي موجودة من النظام القديم او على الجيل القديم ، بس كمصطلحات و كلغة جديدة ، كانت حصيلة عمل لمجموعة من الشباب هون ضروري نشكرو منجددا على جهدهم، الي هني كان معنا بهداك الوقت(فترة اعداد النظام والبيئة الجديدة والهجرة) ، كان مجد، و سعيد، وكريم .. و آخرين ، كان بذكر فترة حلوية، 24 ساعة عمل، فلان فايق هلق عم يشتغل باللغة، فلان هلق فاضي عم يشتغل بالإبتسامات والصور الرمزية فلان عندو وقت بين المحاضرة والغدى ما بعرف عم يتشغل بالإبتسامات .. كان تسالي وقتها .. (ثانكيو شباب(س) :akh: )

ع فكرة كلمة "شيت" و "شيتك" و "يامعلم" الي هلق مستخدمين بكثافة بكذا مطرح، هني من بنات افكار سعيد ومجد ، هني وقتها كان عم يعملو هال الجزء و ابتدعو او استدعو كلمة شيتك ، (بمعنى خاصيتك و تبعونك وهيك ..) و بعدها صرنا نستخدمها بغير مطارح ، بس اصدي ما كان ليها ذكر سابقا هال الكلمة قبل ما يضيفوها الشباب لقاموس اخوية :gem:

انا بحب بعض التعابير العراقية
شاكو ماكو = شوفي مافي بالسوري
منا منا =من هون لهون
كل شي ماكو = ناشفة
علاوي = اسم التدليع لاسم علي=عللوش
حيدوري=اسم تدليع لحيدر=دورت بقواميس اللهجة الشامية وما لقيت

لك اخوية كلا على بعضا من ناسا لمواضيعا للغتا كلا بتجنن :sosweet:

شكرا على الموضوع وانا تعلمت كتير من اللهجة السورية لما فتت هنا

انا مصرية وفي كم كلمة حبيتن بالاخوية منهم

شيتك: بتاعتك (بالمصري)
بحبش: دوَر
وكتار كتار راح حاول حطن هنا بالموضوع ان شاء الله
وكمان راح ضيف الكلمات المصرية للكلمات اللي راح تنتطرح هنا

الاخوية منورة بالمشرفين والاعضاء

تعيش اخوية

تعيش تعيش تعيش جد احلا منتدى اشتركت فيو :yahoo:

ســــعودي * مصـــري * تونســـــــي

ســــــياره * عـــــربيه * كــــــــرهبه


ســــــوري * سعـــــودي
فــراطه * فكـــــه


مغــربــي * ســــعوي
طوبه * توبه

المفارقة انو طوبه بالمغربي تعني توبه الى الله
بالســـعودي طوبه من الطوب المستخدم في البناء

انا أول شي شدني عأخوية هو اللغة .. حسيت حالي ببيتي .. عنجد شي كتير حلو
و بس لدخلت فيا اكتر و بين اعضائها تأكدت اديش اخوية حلوة و بتجنن و تعلقت فيا كتير و صارت شي مني و من حياتي :sosweet:

ميرسي عالموضوع :D

انا هادا اللي خلاني سجل باخوية:lol:

بتحس حالك قاعد قدام شخص وعم تحكي معو

بعيد عن الفصحة و..... مابعرف شو


شكرا عالموضوع....

نفس هداك الرد واذا بلاقي في موضوع منكوش مرة تانية بدي كبر بالحكي

خلص استحو بقى

ولي شو هاد ايه لا تواخذنا خيو :(


يعني الا شوي حسيتك رح تطلعلي من الشاشة:willi:



يا مامي:tears:



صحي نسيت قللك ممكن شارك ؟؟ :peace:

الاخوية منورة بكل شي .