Abo rafik
09/04/2005, 04:14
صافيتا بلدة قديمة كانت تسمى قديما" البرج الابيض أو القصر الابيض وترجع التسمية لحجارة البرج الكلسية البيضاء.وصافيتا كلمة آرامية تعني الهواء النقي...تقع الى الشرق من طرطوس ب35 كم(غرب حمص ) وترتفع حوالي 380م عن سطح البحر تتربع على ثلاث تلال وهي من الغرب الشرق التل, البرج ,الضهر وهو الأعلى ويوجد عليه مركزللارصاد الجوية.تشتهر صافيتا بالقلعة التي بناها الصليبيون (على ما هي عليه حاليا"والدراسات تشير الى أن اساسات القلعة تعود الى العصر الفينيقي..)وتسمى البرج ويوجد في الطابق الأرضي منه كنيسة على اسم الملاك ميخائيل وفي الطابق الأول يوجد صالة كبيرة ربما كانت تستعمل قاعة اجتماعات ...ومن ثم السطح الذي يطل على أغلبية القرىوالجبال المحيطة بصافيتا...والبرج كان قديما صلة اتصال بين قلعة المرقب على الساحل وقلعةالحصن في الجنوب الغربي حيث كان الصليبيون يتخابرون باشارات الدخان نهارا وبالنار ليلا"واذا امعنت النظر جيدا تستطيع أن ترى قلعة الحصن وقلعة المرقب بوضوح... وأهل صافيتا يعتزون بالبرج كثيرا"ويعتبرونه مع كنيسة القديس ميخائيل رمزا" لمدينتهم...(لستو المطعم موجود يا اخ ياس ...للأسف)
يحكى عن القدامى أن اكبرالعيل التي استوطنت صافيتا هي من الأخوان العلويين (بيت شمسين )مع بعض العيل المسيحية (عيسي ,ضومط ...)وفي مطلع 1900أو قبل بقليل.. قدم شخص من عائلة حداد من حوران جنوب سوريا وأقام في صافيتا وكان عنده 3 أولاد هم بشور وجبور وحنا....وهؤلاء يعدون من أكبر وأغنى عيل صافيتا حاليا"....
والآن يأتي الكثير من أبناء القرى القريبة ويسكنون في صافيتا ...فزاد عدد سكانها عن 28 ألف نسمة....
كل الاراضي المجاورة لصافيتا مليئة بأشجار الزيتون...مع بعض مشاريع الحمضيات وفي السهول القريبة منها يزرع القمح وافستق(الفول السوداني )وفي الجبال الأعلى منهايزرع التين والتفاح والجوز والعنب والرمان والبقوليات ولا ننسى البندورة الجردية الشهية اللي لا يماثلها بالطعم أي نوع من أنواع البندورة الأخرى...
في الشتاء صافيتا فاضية الطلاب بالجامعات (اللاذقية وحمص وبعدين حلب والشام)والدني ممكن 4 أو 5 أيام متواصلة عم تشتي...وأحيان أسبوع,,,والعيال كلها بالبيوت عم تدفى وتحكي عن الطقس وعن مين مات (الغريب انو حالات الوفيات العظمى بصافيتا بتتركز بفصل الشتي...)...
وأما بالصيف صافيتا حلوة كتير هوا وشمس وفي ومي والمشوار المسا عالكورنيش بيشهي القلب...واذا بدك فيك تطلع عالمشتى أو مرمريتا تشرب متة وأرغيلة عند الشباب(الشاي مش دارج عنا كتير..)...أو فيك تنزل ع مريزه أو تطلع ع نبع الشير....وتحضر شي حفلة...
أغلبية شباب صافيتا بالغربة هلق مع انهم ما بيحبو الغربة متل أهالي الوداي (3/4 أهالي الوادي بالغربة)نظرا"للظروف الحالية (قلة فرص العمل..)..
اذا بدك تزور صافيتا حط تأمين شامل ع سيارتك لأنو بالبلدية عنا ما بيحطو زفت جديد الا بالشتوية وقبل ماتشتي بشي ساعتين بس ...ما بعرف ليش...وبعد سنتين متواصلتين من الغربة توقعت انزل ولافي الجور خفت أو تلاشت ....بس.... أكيد بتعرفو شو صار ...
طبعا اذا طلع الهوا الشرقي وانتو جايين ع صافيتا من جهة حمص وقبل ما توصلو بشي 5 دقايق سكرو ابواب السيارة والشبابيك كتير منيح وسكرو تمكم وكل الفتحات التنفسية لأنو في عنا معلم حضاري كتيير مهم بأول صافيتا من جهة طريق حمص(مو الشام)الا وهو ....((((((المزبلة))))))اللي طلع ع لساننا شعر ونحنا نطالب بتغيير مكانها....بس هيهات ...قال :ما في بديل....ع كل حال سمعت انو بدن يعملمو معمل للنفايات بطرطوس انشالله يخلصوه بسرعة ويعطونا حق الاشتراك فيه ...لأنو في سياح كتير بتجي ع صافيتا واذا سألتهم شو ما عجبكم :ما بيقلولك غير الزبالة...
منشان ما انسى في انهار كتير بصافيتا وجوارها ...وهلق صار عم يجي كتير زوار خصوصا" من حمص المدينة العريقة والعظيمة....(وهون بحب وجه تحية للشعب الحمصي اللي بحبو كتير)...
وأخر شي بحب قلكم :صافيتا يا أم البلاد والله بحبك حاجة عاد...(بالاذن من أخي ديموزي)
وبترككم مع الصور:
يحكى عن القدامى أن اكبرالعيل التي استوطنت صافيتا هي من الأخوان العلويين (بيت شمسين )مع بعض العيل المسيحية (عيسي ,ضومط ...)وفي مطلع 1900أو قبل بقليل.. قدم شخص من عائلة حداد من حوران جنوب سوريا وأقام في صافيتا وكان عنده 3 أولاد هم بشور وجبور وحنا....وهؤلاء يعدون من أكبر وأغنى عيل صافيتا حاليا"....
والآن يأتي الكثير من أبناء القرى القريبة ويسكنون في صافيتا ...فزاد عدد سكانها عن 28 ألف نسمة....
كل الاراضي المجاورة لصافيتا مليئة بأشجار الزيتون...مع بعض مشاريع الحمضيات وفي السهول القريبة منها يزرع القمح وافستق(الفول السوداني )وفي الجبال الأعلى منهايزرع التين والتفاح والجوز والعنب والرمان والبقوليات ولا ننسى البندورة الجردية الشهية اللي لا يماثلها بالطعم أي نوع من أنواع البندورة الأخرى...
في الشتاء صافيتا فاضية الطلاب بالجامعات (اللاذقية وحمص وبعدين حلب والشام)والدني ممكن 4 أو 5 أيام متواصلة عم تشتي...وأحيان أسبوع,,,والعيال كلها بالبيوت عم تدفى وتحكي عن الطقس وعن مين مات (الغريب انو حالات الوفيات العظمى بصافيتا بتتركز بفصل الشتي...)...
وأما بالصيف صافيتا حلوة كتير هوا وشمس وفي ومي والمشوار المسا عالكورنيش بيشهي القلب...واذا بدك فيك تطلع عالمشتى أو مرمريتا تشرب متة وأرغيلة عند الشباب(الشاي مش دارج عنا كتير..)...أو فيك تنزل ع مريزه أو تطلع ع نبع الشير....وتحضر شي حفلة...
أغلبية شباب صافيتا بالغربة هلق مع انهم ما بيحبو الغربة متل أهالي الوداي (3/4 أهالي الوادي بالغربة)نظرا"للظروف الحالية (قلة فرص العمل..)..
اذا بدك تزور صافيتا حط تأمين شامل ع سيارتك لأنو بالبلدية عنا ما بيحطو زفت جديد الا بالشتوية وقبل ماتشتي بشي ساعتين بس ...ما بعرف ليش...وبعد سنتين متواصلتين من الغربة توقعت انزل ولافي الجور خفت أو تلاشت ....بس.... أكيد بتعرفو شو صار ...
طبعا اذا طلع الهوا الشرقي وانتو جايين ع صافيتا من جهة حمص وقبل ما توصلو بشي 5 دقايق سكرو ابواب السيارة والشبابيك كتير منيح وسكرو تمكم وكل الفتحات التنفسية لأنو في عنا معلم حضاري كتيير مهم بأول صافيتا من جهة طريق حمص(مو الشام)الا وهو ....((((((المزبلة))))))اللي طلع ع لساننا شعر ونحنا نطالب بتغيير مكانها....بس هيهات ...قال :ما في بديل....ع كل حال سمعت انو بدن يعملمو معمل للنفايات بطرطوس انشالله يخلصوه بسرعة ويعطونا حق الاشتراك فيه ...لأنو في سياح كتير بتجي ع صافيتا واذا سألتهم شو ما عجبكم :ما بيقلولك غير الزبالة...
منشان ما انسى في انهار كتير بصافيتا وجوارها ...وهلق صار عم يجي كتير زوار خصوصا" من حمص المدينة العريقة والعظيمة....(وهون بحب وجه تحية للشعب الحمصي اللي بحبو كتير)...
وأخر شي بحب قلكم :صافيتا يا أم البلاد والله بحبك حاجة عاد...(بالاذن من أخي ديموزي)
وبترككم مع الصور: