اكتشف البارح انو akhawia.Net المنتديات يعني

تظهر بالنتيجة الاولي عند البحث على
احدي هذي العبارات


اخر الاكتشافات على الكمبيوتر
اخر الاكتشافات الكمبيوتر
اخر الاكتشافات في الكمبيوتر

وبتطلع رقم ستة في الصفحة الاولي لنتائج البحث في البحث على
اخر الاكتشافات

انا جربت بجوجل .. بس اكيد بغير محركات نفس الشي تقريبا .. كلو بيستخدم نفس التكنولوجيا تبع الاندكسينغ

هاي منيحة طبعا .. عشان كلمة اخر الاكتشافات بيتم البحث عليها بشكل كبير .. وكتير ..

الموضوع صار بالخطا بالنسبة لهاي الكلمة .. اي صار انو احنا كاتبين كلمة اكتشافات بدون همزة وهوي خطا .. ولكن الباحثين بيكتبوها بدون همزة اكتر من الي بيكتبوها بهمزة .. جرب اعمل سيرش على اكتشافات و إكتشافات
نتائج البحث تبع الاولي اكبر عشان الكلمة بدون همزي شائعة اكتر على الرغم من انو هادا غلط

طبعا موضوع محركات البحث من الاشياء المهمة .. لاي موقع .. وكتيييييرة المواقع الي بتدفع مبالغ هائلة مقابل اخصائيين و بارمج بتساعد على ظهور مواقعهم في الصفحات الاولي لمحركات البحث ..
وبالموقع كتير عم نشتغل على الموضوع بس بطريقة تانية في بعض الكلمات هيي الي بتهمنا .. وعم نحاول انوصل هال الكلمات لحتى تظهر اخوية نتيحة البحث ليها وهيك ..
يا مسهل

سلام

شي مهم لموقع الأخوية
بس على فكرة اكتشافات بتنكتب بدون همزة

والله ... هههههههههههه طب هيك احسن لكن
:D

يا الله انشاء الله يصير موقع الأخوية الموقع الأول بسوريا ... وبعدين بالوطن العربي

كمان بتظهر كاول نتيجة عند البحث على " تيلي لوميير "

وبتظهر كنتيجة اولى بالحث عن " جورج رحمة " المحاضر

وبتظهر بنص الصفحة الاولى لما تبحث على " جرجاوي " شكرا joe :wink:

وكنتيجة اولى في البحث على " نام يا جرجاوي " - لكن الغريب هنا انا الباحثين عن هذه العبارة يستخدمون جوجل بالعبري يعني من اسرائل ولا فلسطينيين او هيك

وبتظهر الاولي بالصفحة التانية لما تبحث على " قالو في الحب "

وبنص الصفحة التالتة بالبحث على " صور الفنانات " غريبة هاي ملانا علاقة بالفن احنا

وبراس الصفحة التالتة في البحث على " قناة سوريا "

وبالصفحة التانية بالبحث على " غرفة المحادثة "

يعني هدول الي لقطتهم اليوم .. عموما شي منيح وكتير منيح .. عم يجي زيارات بشكل كبير على الموقع من محركات البحث ..
عموما موضوع محركات البحث كتير مهم بالنسبة لاي موقع .. وانشاء الله بالفترة الجاي حنعمل شوية شغلات(تلاعبات :) ) تخلي موقع الاخوية نتيجة اولي باكثر الكلمات بحثا باللغة العربية .. اذا لله راد

كمان وكمان اخوية دوت كوم بتظهر كنتيجة رقم واحد بالبحث عن كلمة " تخويت " هههههههههههه شي مسلي
وبتظهر رقم اربعة بالبحث عن كلمة " اعراس "
وبتظهر رقم واحد كنتيجة بحث عن كلمة " مسيحيات "
وكمان واحد بالبحث على " مخمخة "
:D