راب عربي [الأرشيـــــف]

عرض كامل الموضوع : راب عربي

صفحات : [1] 2 3 4

بنت الناصرة

19/04/2005, 14:27

لقت قرأت موضوع عاشق من فلسطين الذي يبحث عن روك عربي. للأسف لا اقدر اساعدك بس خليتني افكر ان اعرفكو على فرق الراب العربي التي معظمها من عرب 48 .

الموقع الرسمي هو: ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

نشوء الراب العربي:
اول فرقة راب عربي كانت فرقة وتأسست الفرقة في اللد, العام 1998, على يد ثلاثة شبان هم: تامر نفار, وسهيل نفار, ومحمود الجريري, الذين يقولون إنهم "اكتسبوا تجربة كبيرة في موسيقى الراب المستقاة من الأجواء المحيطة بهم, والمشكلات التي يعاني منها مجتمعنا كالعنصرية والفقر والمخدرات, ويقوم الثلاثي بالتأليف والتوزيع والغناء بشكل مشترك".

وازدادت شعبية الفرقة عند فلسطينيي الخط الأخضر من خلال أغنيتي "اللد" و"مين ارهابي", اللتين تعالجان الكثير من القضايا التي تهم الشارع العربي في اللد وغيرها من مدن الخط الأخضر, وقدمت الفرقة أخيراً أغنية "مجرمون أبرياء", التي لاقت نجاحاً كبيراً حتى في الوسط اليهودي, لموضوعها الذي يتناول حياة العرب في إسرائيل, ومشكلات الاضطهاد الاجتماعي والاقتصادي والسياسي التي يعانون منها.

انطلق هذا النوع من الغناء فلسطينياً في اللد, وفي هذا إشارات عدة, فمن جهة اللد مدينة مختلطة يعيش فيها العرب واليهود في ظل علاقات متوترة في غالبية الاحيان, وهي بالتالي المكان الانسب لنشوء هذا النوع من الفن الاحتجاجي, الذي انتقل لاحقاً الى مدينة عكا المختلطة من خلال فرقة "إم.دبليو.آر".
هاتان المدينتان ومعهما يافا والرملة, تعانيان وجبة مضاعفة من العنصرية وضياع الهوية وتفاقم المشكــلات الاجتماعيـة. وفي هذه المدن, تبرز بوضوح الهوة السحيقة بين مستوى معيشة اليهود والعرب الذين يسكنون في الموقع نفسه, ما يزيد التوتر.

البداية كانت في العام 1998, وعنها يقول تامر: "المخدرات والقتل في اللد روتين يومي.. وعندما قتل اعز اصدقائي في هذه الاجواء المسعورة فهمت ان المشكلة ليست بعيدة, وان كل شخص معرّض لأن يصاب بها سواء بقصد او بغير قصد.. كان هذا السبب في تغيير توجهي للواقع الذي اعيش فيه, قررت ان لا بد من العمل من اجل المجتمع, وان اقول كلمتي مهما كانت النتائج".

فرق الراب العربي:
هماك فرق مختلفة ومتنوعة لكنها تحمل نفس الرسالة بالاضافة الى طلة جميلة من فرقة راب من غزة

انا بصراحة لم اكن من محبي الراب لكن بعد ظهور الراب العربي برسالته التي تدعو للعدالة الإجتماعية والحرية اصبحت من متابعيه.
لمحبي الراب او للذين يريدون التعرف على الاسلوب المتمييز توجهوا الى الموقع الرسمي للراب العربي وهناك يمكنكم تنزيل اغاني ومتابعة اخبارهم, الموقع باللغة الإنكليزية ومصمم بصورة توخد العقل.
على فكرة انصكم بسماع اغنية "مين ارهابي" ورؤية الفيديو كليب.

krimbow

19/04/2005, 15:06

شكرا أخت حركة ع المقالة
بس انا ما بحب الراب
بحس كأنو واحد أرمني عم يقرا صقحة الحوادث تبع جريدة الثورة
يعني لا لحن و لا موسيقى متل العالم
و اذا بتسمعي الراب الاجنبي (خصوصا الأميركي) بتلاقي أنو 70% من الأغاني ترجمتون كالتالي
فقت من النوم.....
ماغسلت وشي ولا فرشيت سناني....
تخانقت مع أهلي كلون......
طبشت الباب....
شفت عصابتي القوية و صرنا نقوص ع العصابة التانية....
3 ماتو مشان وقية حشيش......
ضربت صاحبتي كف و أخدت مصرياتا بعدين بستا و صالحتا....
دج دج تح
....
هاد و بين كل كلمة و التانية 30 او 40 مسبة بترفع الراس

انا مو ميتالجي بس في أغاني ميتال عن جد كتير حلوة
ع القليلة في فن بلعب الغيتار

هاد رأيي
ما حدا يزعل :D

بنت الناصرة

19/04/2005, 15:21

شكرا على المشاركة يا اخ كريمبو.
بس كنت حابي اقول ان هذا الراب لا يشبه إطلاقا الراب الأمريكي الذي اصبح تجاري فنرى الرابر محاطا بالبنات الجميلات والذهب والسيارت السريعة.
أما الراب العربي فهو يشبه الراب عند نشأته من قبل الأقلية السوداء في الولايات المتحدة الذي اطلق صرخة مدوية ضد التمييز والفصل العنصري الذي كان سائد هناك.
وهكذا يصرخ الرابرون العرب ضد الإحتلال وضد التمييز العنصري الذي يعيشون فيه وضد السموم وضد كل الظواهر الإجتماعية السلبية.

وعنها يقول تامر نفار (مؤسس الفرقة الاولى): "المخدرات والقتل في اللد روتين يومي.. وعندما قتل اعز اصدقائي في هذه الاجواء المسعورة فهمت ان المشكلة ليست بعيدة, وان كل شخص معرّض لأن يصاب بها سواء بقصد او بغير قصد.. كان هذا السبب في تغيير توجهي للواقع الذي اعيش فيه, قررت ان لا بد من العمل من اجل المجتمع, وان اقول كلمتي مهما كانت النتائج".

لذا فالراب اصبح وسيلة نضال لشعبنا وفيها اخترقوا الساحة العالمية وعرضوا في عدة دول غربية فاغنية "مين إرهابي" اصبحت مشهورة جدا.

وأخيرا انصحك ان تزور الموقع الرسمي وتستمع الى الأغاني وتستمع ناصتا للكلمات التي تعبر عن الواقع المر الذي يعيشه هذا الشعب.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

sezar

19/04/2005, 17:28

بس كنت حابي اقول ان هذا الراب لا يشبه إطلاقا الراب الأمريكي الذي اصبح تجاري فنرى الرابر محاطا بالبنات الجميلات والذهب والسيارت السريعة

:D :D بس يرجى ملاحظة ان eminem ليس من تلك الفئة فبعد حرب العراق توجهت أغانيه الى نقد بوش و كلابه
مع اني أعتبر الميتال ارقى من الراب و أحلى ميتاليكا و غرودج :D :D :D :D :D :D :D :D

SABE

03/10/2005, 01:09

راب عربي ؟؟؟ سمعان هالكلمة قبل بمرة ...

كريمبو .. أنا وقت بنزل عسوريا بأرجيك ... بسيطة لكن .. واحد أرمني عميقرا جريدة .. ايه ليش لا ..
و شكراً بنت الناصرة على المقال الحلو ..
أنا حكيت قبل بمرة عن الموقع هاد .. الموقع متعوب عليه .. و كمان في شوية شباب من اللي منزلين أغاني فيه بيكونو رفقاتي وكنا نألف أغاني مع بعض ..
أنا معكون إنو الروك كتير حلو .. و أنا شخصياً بسمع روك أكتر من الراب .. بس بحس الروك للمزاج .. و الراب إذا الواحد بدو يحكي شي أو بدو يوصل شي ..
مافينا نقول إنو شي حلو و شي ما حلو .. التنين إسمون فن .. و التنين إلون جمهورون ..
سلامات ..

Godfather

04/10/2005, 01:50

دج دج تح

شو هادا دج دج تح ...... !!

خيو كل واحد إلو رأيو بالموسيقى ..... و كل أنواع الموسيقى حلوي بسو بوقتا و مكانا

الحياة كلها هيك ........ صحي سعيد على سيرة الحياة كلها هيك شو مشان الدعاية تبع كريش (دعاية ببلاش) !!

SABE

12/10/2005, 00:27

شو هادا دج دج تح ...... !!

خيو كل واحد إلو رأيو بالموسيقى ..... و كل أنواع الموسيقى حلوي بسو بوقتا و مكانا

الحياة كلها هيك ........ صحي سعيد على سيرة الحياة كلها هيك شو مشان الدعاية تبع كريش (دعاية ببلاش) !!

خيو بتصدق .. و قت سمع الغنية صاحب محل توب هاد اللي بالحميدية .. زعل مني ليش قايل كريش مو توب :lol: و قال لازم أعمل وحدة خصوصي لتوب :ok:

خلص

SABE

12/10/2005, 00:30

لعمش .. ليش طلعو شي خمسين رد ؟؟؟

Godfather

12/10/2005, 00:43

خيو بتصدق .. و قت سمع الغنية صاحب محل توب هاد اللي بالحميدية .. زعل مني ليش قايل كريش مو توب :lol: و قال لازم أعمل وحدة خصوصي لتوب :ok:

خلص لكن .. بكرا بدنا نعملها ديعاي لمحلات الوجبات السريعة .. اللي بدو يقدم طلب

تسالي ... بس مافي شي ببلاش .. يعني عميل لكل محل غنية و بتاخد عليا كومشن ....

ما عملت شي اغاني جديدة ؟؟

HashtNasht

09/08/2006, 02:26

طيب و هي شوية أغاني راب عربي :gem:

للصراحة ما بعرف مين اللي بغنيهن او شو اسماء الأغاني ...:oops:

بلكي شي حدا من حريفة الراب العربي بيعطينا معلومات اكتر عنن

SABE

09/08/2006, 12:20

هلأ الغنية رقم خمسة تامر النفار هاد بيقول عن حالو إنو أول واحد من عرب 48 اللي غنا راب عربي و هو صاحب موقع arabrap و الأغاني اللي لهلأ سمعتهون هني من عرب 48 ..

الأغنية قبل الأخيرة هون , فيها غناء كمان باللغة العبرية , هاد كمان تامر نفار .. هاي كانت أول غنية راب فيها عربي من عرب 48 بسمعها هون ..

بس كلمات الغنية ضد العنصرية , إنو ما يغركون إنو لغة عبرية .. الغنية كتير حلوة

مشكور معلم ..

الطرمبجي

09/08/2006, 14:27

لك يسلمو أبو نهلااااااااااااا

Barleb

10/08/2006, 08:48

لك أهلا بشباب الراب أهلا ..

عندي شي 18 أغنية لـ عكس السير .. من ألبوم .. (( أهلاً بالشباب)) ..

الأغنية الأولى بالألبوم .. بتفش خلق كل شب عربي بيسمع و بيغني راب ..

بس مساحات الأغاني بين الـ 1 ميغا و 4 ميغا .. و الأنترنت عندي ديل أب .. بقا بتعرفو كيف الوضع ..

المهم أذا في شي برنامج مشان ضغط الأغاني ..

المهم .. أنا كمان بحاول من عندي أنو نزللكون الأغاني من النت كافي ..

و أهلا بالشباب .... :D

HashtNasht

10/08/2006, 12:25

يا سيدي انت على راسي من فوق و الله

و اسمحلي قلك ( أهلا بالشباب ) :gem:

Barleb

10/08/2006, 14:38

أول شي يسلمو خيي أبو نهلا .. مشي الحال ..

هلا أغاني ألبوم (( عكس السير )) الأغاني مرتبطة ببعض .. بقا رح حاول نزلون بالترتيب ..

وهاي أول أغنية :

تررررررررن تررررررررررن

شركة أنتاج حبك نار .. ألو
الو .. مرحبا .. حبك نار برودكشون .. أي أنا عندي بند .. بندق الموسيقا .. و عم نفتش على
شركة أنتاج تنتجلنا العمل سيدي و كاسيت ..
شو هيي الموسيقا الل بتدقوا ..
اممم راب ..
شو شو نوع هل موسيقا ... بترقص ؟؟ ما بترقص ..
انو ما بعرف .. ما سألت حالي هل سؤال ..
أي شكرا ..
تن تن تن ..

شو جاي رقصك أنا .. شو جاي ألعبلك براسك أنا ؟
شو جاي تغنى .. تجيب مصاري على ضهري أنا ؟
يعني فعلاً شي بيقرف بيتصرفوا متل البجم .. ما يكون بحلمك أنو شي يوم يعيطولي نجم ..
بالموسيقا عندي رسالة .. عندي أشيا بدي قولا .. وصلا للجمهور وما ضروري كون الأولى
ماني عايز فيديو كليباتك و بناتك المزلطين ..ماني عايز مصرياتك و أفكارك الفاشليـــن
من تحت الأرض جايين .بيسمعونا الأقلية .. اخر همي شو بيفكرو عنا الأكترية .. مواضيع الحقوق .
الذوق و الأخلاق و الأنسانية .. خليون يحكو عن الحب بـ طريقا سطحية ..
روح قول للأعلام أنو ما بيأثرو فيي .. الكذب بينكشف ..حقيقة منا مخفية ..
مش هدفي جيب مصاري ولا هدفي أنشهر .. لو بفكر متلك أنا محلك بنتحر ..

أنتحر أي ... أنا محلك بروح بنتحر ..

أنا محلك كنت أنتحرت هلق ..

شو جاي رقصك أنا .. شو جاي ألعبلك براسك أنا ؟
شو جاي تغنى .. تجيب مصاري على ضهري أنا ؟
بدك تغنى .. أي .. ولا فيفتي فيفتي أي ..
شو هيفا أنا ؟

SABE

10/08/2006, 16:24

شكراً عاشق من سوريا ..
هاي الغنية من الألبوم الأخير .. ما هيك ؟

Barleb

10/08/2006, 16:58

SABE .. ماني متأكد من أي البوم .. هاي الأغاني التانية هلق بنزلون

zen

10/08/2006, 17:07

ا هيك الراب يا بلا
بس ليش ما نزلتوا اغاني سعيد
هون من عنا واغاني حلوة
:yahoo: :yahoo: :yahoo: :yahoo: :yahoo:

zen

10/08/2006, 17:10

SABE

10/08/2006, 17:28

هلا زين ..
عراسي مان , بس جميع الحقوق محفوظة و إذا نزلو الأغاني هون صار مين مانكان بيحملهون و ماعاد بتنباع ولا نسخة من السي دي :lol:

عاشق من سوريا .. اي خيو هاي الغنية من الألبوم الأخير .. و انا عندي الألبومين الأول و التاني و التالت كمان حملتو من النت .. بصراحة هاد الرابع و في ألبوم تالت إسمو خرطوش هاد ما بعرف ليش ما نشهر بنوب .. رفقاتي حضرو مرة حفلة بحلب غنو فيها عكس السير كام غنية من ألبوم خرطوش و قالولي إنو الأغاني حلوين .. بس ليش ما كتير إنشهر الألبوم ما بعرف .. سيدنا قصة فاضي ..

هلأ جبتلكون فيديو كليب أنا مش إلك .. بس للموبايلات :( الواحد فينو يحضرو كمان من الكمبيوتر بس مانو كتير واضح ..

سلامات شباب ..

Barleb

10/08/2006, 18:20

و اللي م عاجبو .. ما يمسع .. 8)

handsome

10/08/2006, 19:26

اخ سعيد يعني انو فتلت النت كلا وما لقيت غناية اهلا بالشباب ...
وبس حبيت اسالك اذا في شي جديد عالطريق .. اما بس خليت العالم تنعجب فيك وبعدين تركتون لحالون ...

وعراسي اخي ابو نهلة ... وعنجد الكلمات تبعوت الاغاني كتير حلوين ... والاحلى من هيك انو كل كلامون حقيقة وطالع من القلب ...

SABE

10/08/2006, 19:42

اهلا بالشباب

handsome

10/08/2006, 19:50

طب سعيد اذا في عندك الالبومات القديمة تبعيت عكس السير خرج تنزلون هون كمان ...

SABE

10/08/2006, 19:57

قول شكراً على القليلة يحرق حريشك

handsome

10/08/2006, 20:07

كنت بدي قوسك اول الشي
كنت مفكر انو هاي ما الحياة كلا هيك
بس انبع** وطلعت تبعيت عكس السير
وهدول عندي اياهون بدي لقدام
بس يالله يروح خليا تبين فيك
شكرا اخ سابي:p :yahoo:

SABE

10/08/2006, 20:11

وهاي ألبوم عمبحكي بالسكوت كاملاً مكملاً .. و الألبوم الأول إسا ما حولتو من السيدي لريال بلاير .. ببقا بحولو وبنزلو بهاد الموضوع ..

إنشالله يعجبوكون

SABE

10/08/2006, 20:15

هاي عمنزلون تنتين ورا تنتين .. لأنو نزلت الألبوم كامل بعدين عطاني خطأ بالصفحة .. هيك أضمن ..

handsome

10/08/2006, 20:20

لك عراسي سعيد ..
والله انتي مافي منك ...
:D :D

SABE

10/08/2006, 20:28

الخامسة مضغوطة

SABE

10/08/2006, 20:42

من السابعة للأخيرة .. بقا السادسة ..

SABE

10/08/2006, 20:44

و هاي السادسة كمان مضغوطة و هيك بيكون نزل الألبوم كامل .. و ما تأخذونا إذا نزلتون هيك مقطعين , بس ما نزلو مرة وحة ..

اسيلوو

11/08/2006, 01:24

شكر كتير لال بنت الناصرةة انا كمان بسمعهم
بس ازا ممكن اغنية تامر نفار اسمها انا وانت ...!
علشان مش لاقيتها
:shock:

Theshadow89

16/08/2006, 00:45

yeah u r so right 3shan hak ana batlet asm3 rap ana konet asm3 la dam w mwr whadol kolen kman konet asm3 la 2puc but not now anymore ana esa basm3 rock w metal music la2na hai music 7a2e2ya wkola fan!!bye

Theshadow89

16/08/2006, 00:48

ente mn el nasre?! ana mn 3akka w3fekra a5oy wa7ad mn fera2t el mwr:p
bye

SABE

17/08/2006, 18:04

solofan

19/08/2006, 05:04

الرابط ليه مش شغال؟؟؟؟؟؟؟؟؟؟

HashtNasht

19/08/2006, 05:09

زر يمين و save target as ;-)

solofan

19/08/2006, 06:52

زر يمين و save target as ;-)

لك ألف شكر يا جميل

:clap: :yahoo: :clap:

محمد جواد

20/08/2006, 19:29

انا أحببت هذا الموقع الجميل بل المنسبة انا بغني راب عربي

handsome

20/08/2006, 20:08

انا الراب بدمي انا بغني راب انا ملك الراب انو باعتبار الراب بدمك ... وحابب انو نحنا نسمع اغانيك ..
يا ترى ما بيمشي الحال بدال ما نحنا نراسلك .. تحط انتي اغانيك هون وتخلي العالم تسمعى:D

~YAFA~

20/08/2006, 20:16

مين ارهابي مينارهابي
مين ارهابي ؟! انا ارهابي ؟!
كيف ارهابي وانا عايش في بلادي؟
مين ارهابي ؟! انت ارهابي!
ماكلني وانا عايش في بلادي

قاتلني زي ما قتلت جدادي

اتجه للقانون ?! عالفاضي مانت يا عدو

بتلعب دور الشاهد المحامي والقاضي
علي قاضي بنهايتي بادي
حلمك نقل فوق ماحنا اقلية
حلمك الأقلية تصير في المقابر اكترية
ديموقراطية ؟! والله انكم نازية
من كتر ماغتصبتوا النفس العربية
حبلت , ولدت ولد اسمو عملية انفجارية
وهين ناديتنا ارهابية
يعني ضربتني وبكيت , سبقتني واشتكيت
لما ذكرتك انك بديت ,نطيت وحكيت
"مانتوا بتخلوا ولاد صغار يرمو حجار ,ملهمش اهل
يضبوهم في الدار؟!" ايش؟؟
كنو نسيت انو سلاحك ضب الأهل تحت الحجار؟!
وهلأ لما وجعي ثار بتناديني ارهابي؟!!
مين ارهابي ؟انا ارهابي ؟!
كيف ارهابي وانا عايش في بلادي؟!
مين ارهابي ؟! انت ارهابي !
ماكلني وانا عايش في بلادي!!
ليش ارهابي ؟! علشان دمي مش هادي , حامي ؟!
علشان رافع راسي وارض بلادي
قتلوا حبايبي , انا لحالي
اهلي تشردوا , راح اضلني انادي
انا مش ضد السلام , السلام ضدي
علي بدو يقضي ,تراثي بدو يمحي
واللي بحكي كلمة بشد ورى همة
بكون زلمة!!بتعملوا منو رمة!
ومين انتو؟!لسا ايمتا كبرتو؟!
اتطلعو اديش اتلتو واديش يتمتو
امياتنا ببكو , ابياتنا بشكو
اراضينا بختفو انا بألكم مين انتو
انت كبرت بدلع احنا كبرنا بفقر
مين كبر في وسع؟! ومين كبر في جحر؟!
صار فدائي , عملتو منو اجرامي
وانت يا ارهابي بتناديني ارهابي
مين ارهابي ؟ انا ارهابي؟!
كيف ارهابي وانا عايش في بلادي؟!
مين ارهابي ؟ انت ارهابي !
ماكلني وانا عايش في بلادي!!
ايمتا ببطل ارهابي ؟! (اه)
لمل تضربني كف واعطيك خدي التاني؟
كيف تتوقع مني اشكر الي اذاني؟
تعرف ايش؟! انت اولي كيف بدك اياني
راكع على ركبي وادي مربطات؟!
عيون في الأرض وجثث مزتتات ؟
بيوت مهدومة عائلات مشردات؟
اطفال يتيمة ,حرية كلبشات ؟!
انت اامر , انت ااتل احنا بنأبر
ما علينا بنصبر وجعنا بنستر.
اهم اشي انك تحس بامان
اتريح وسيبلنا الآلام مهو دمنا
دم كلاب , حتى لأ - لما الكلب يموت , في الرفق بالحيوان
يعني دمنا ارخص من دم لكلاب؟!!!!
لأ! دمي غالي وراح ادافع عن حالي
لو تناديني ارهابييييي..
مين ارهابي.......

انت ارهابي

RaNaA

20/08/2006, 20:55

شكرا كتير الك وانا بحب الراب واكتر فرقه DAM وكمان بشار وحنضله و ER
وشكرا بنت الناصره الك
للاخ سعيد منيح ازا بتغنى راب كتير حلو بالتوفيق

محمد جواد

20/08/2006, 21:37

محمد...........جواد انا بدي كلمات جديد وشكران

انا اريد اغاني اذاحدابيبعتلي بكون مشكور كتير واناعندي شي ميتن غنية

أنا مجنون براب العربي انابدي اغاني من مشتريكين الوقع وانا لحبعت اغاني

killer

21/08/2006, 03:39

شكرا كتير على المعلومات الطيبة يا بنت الناصرة الطيبة

محمد جواد

21/08/2006, 19:27

شكران يا حبيبي بس انا من سوريا

leoprad

21/08/2006, 20:20

thanx.......

محمد جواد

22/08/2006, 19:39

عاشق سوريا اسم جميل انامحمد
بتمنا ترسلي اغاني عكس السير وشكران

محمد جواد

22/08/2006, 19:44

:D الزعيم أتمنا ان أتعراف اليك وشكران

SABE

23/08/2006, 00:53

محمد جواد , مدري ليش حاسس انك عمتكتب تعليقاتك هون بدون ما تشوف ولو للحظة وحدة اذا الشغلات اللي عمتطلبها موجودة او لا ... و شكران