عناكب عملاقة تهاجم المخيمات الأمريكية جنوب العراق
نشرت عدد من الوكالات والصحف الأمريكية صورة لأشهر عنكبوت في العراق ويسمى عنكبوت الجمال والذي هاجم مخيمات الجنود الأمريكيين جنوب العراق وأصبحت رؤيته مألوفة
بالنسبة لديهم
وقالت شبكة أيه بي سي الأمريكية في تقرير لها على موقعها الإلكتروني إن هذا العنكبوت من الأنواع السامة جدا وإن جنديين أمريكيين لاحظا انتشاره في جنوب العراق بالصدفة وهما يمشطان إحدى المناطق في الثاني عشر من أبريل الماضي
ويصف أحد الجنود الرعب بعد اكتشاف العنكبوت قائلا إن الجنود ظلوا مستيقظين طوال ليلة اكتشافه خوفا من اقتحامه لخيامهم بعد أن علموا بأن العناكب كانت تحيط بالمخيم
ويضيف لقد كانت تلك العناكب تحيط بنا من كل مكان وكنا نخاف من سمها
ويقول بعض الجنود إنهم اعتادوا على رؤية هذا النوع الخطير من العناكب في ظل انعدام
السكان العراقيين وذلك بعد فرار معظمهم إبان دخول القوات الأمريكية للعراق
وعناكب الجمال الموجودة في العراق تركض بسرعة 10 أميال في الساعة وتقفز إلى علو 3 أقدام ولا تخرج إلا ليلا عند انعدام الضوء, وهي عندما تلدغ فإنها تفرز مادة تسمى نوفوكين تؤدي إلى انتفاخ الجلد وتخدر المنطقة الملدوغة حتى إن البشر قد لا يشعرون باللدغة, وتبدأ العناكب بعد لدغ المكان بأكله سواء كان ساقا أو يدا دون أن يعلم الشخص الملدوغ أنها تأكل جسده بسبب المادة المخدرة التي تبثها العناكب في الجسم

شوفو الصورة بعدين حكو ... :shock: :shock: :? :roll:

شو هل حكي مان من وين جبت الخبر؟

:roll: :shock: :shock:

بيستاهلو بس من وين جبت الخبر

عالم الحيوان فيه الكثير من الغرائب و العجيب بهذه العنكبوت هو الطريقة التي تتعامل بها مع فريستها. :shock:
ولكن من أين حصلت على هذا الموضوع، في أي موقع إلكتروني قرأت عن ذلك؟؟؟

سيدي حيوانات ببعضن لشو لندخل بيناتن
بيقول المثل : يا داخل بين البصلة و قشرتها ما بينوبك الا ريحتها

سيدي حيوانات ببعضن لشو لندخل بيناتن
بيقول المثل : يا داخل بين البصلة و قشرتها ما بينوبك الا ريحتها


صح اي والله صح .. حيوانات بين بعض .. واحنا مالنا !! :!:

شباب بس فكروا شوي و بتعرفوا مين الحيونات عن جد.. و مين البشر

ههههههههههههههههههههه

سيدي حيوانات ببعضن لشو لندخل بيناتن
بيقول المثل : يا داخل بين البصلة و قشرتها ما بينوبك الا ريحتها

صح هالحكي و ما بدو تفكير أبداً
و بالنسبة للخبر وصلني على الإيميل من صديق إلي

و الله يا شباب انا بعرف هل الاشياء

انو الحيوانات قليلة حس... يعني عندك حمار بالمزرعة... بتضل تركب عليه عشرين سنة... و بيضل بيسمع الكلمة... بتضربوا و بتبيع ولادو.. ابدا... يمكن هيك يتنح شوي و يبطل يشتغل... بس بتعملو كفين بيرجع عل شغل... لو كان بقرة او جاجة كنت اكلتو و ضلوا اهله ساكتين كأنو ما صار شي

هيك الحيوانات

الحيوان لو ضل خمسين ستين سنة... حر بالفلاء.... رح يضل حيوان.. و ما رح يعرف يطور حالو.... الا بعد كم مليون سنة و وقتها هادا تطور بسبب طفرة جينية و مانو تطور اجتماعي

اما البشر... فالله ميزها عن الحيوانات... بدماغ ذو سطح اوسع... خصوصي من الامام... و هادا بيعطيه القدرة على انه يفكر بطريقة منطقية و يكون عندو طموح و فكر و يعرف الصح من الغلط... و يسن القوانين... من منع التدخين في الاماكن المغلقة, و شوي تانية بيصير التدخين ممنوع ببيت الواحد,و الوقفة بالدور, و كلمة ميرسي و ثانكيو و بليز, لاختراع الصواريخ و الصعود الى القمر و المريخ... و سن القوانين لحماية طبقة الاوزون و الحيوانات ... و الذهاب الى القطب الجنوبي و حفر آبار عميقة في الارض لقياس نسبة احدى نظائر الاوكسيجين عبر الزمن... و مقارنتها ببعض الدلائل الاخرى... حتى يعرفوا سبب ارتفاع درجات الحرارة حول العالم

من جهة اخرى في انواع تانية من البشر... بتمنع البنت من الروحة عل مدرسة... او اكتساب اي خبرة في الحياة.. و بيتوقعوا منها تطلع فهمانة و ذكية.. و لما يجي شب... ما مخلي شغلة ما شايفها.. و يضحك عليها بكلمة و تحبل منو... و يتركها... بيقوموا اهلها بيحرقوها و هي حية (و في قصة حقيقية عن هيك).. او ببيبعتوا اخوها الصغير ابو الطنعشر سنة... ليقوصها... هي و ابنها ببطنها... حتى لو كانت مع زوجها عايشة بأمان الله في مدينة اخرى...

طبعا بدون ما نجيب سيرة... تقبل هذه الشعوب المقرف... للذل و الهوان .. و انهم اصبحوا مسخرة الكرة الارضية و باقي الكواكب... و لما تجي شعوب بشرية تانية... لتحررها من الخراء العايشة فيه (سامحونا)... بيجي مين يقول... هدول حيوانات


ولماذا تنظرالقذى الذي في عين أخيك، أما الخشبة التي في عينك فلا تفطن لها؟ أم كيف تقول لأخيك: ‘دعني أخرج القذى من عينيك’، وها الخشبة في عينك. يا مرائي، أخرج أولاً الخشبة من عينك، وحينئذٍ تبصر جيداً أن تخرج القذى من عين أخيك

اما البشر... فالله ميزها عن الحيوانات... بدماغ ذو سطح اوسع... خصوصي من الامام... و هادا بيعطيه القدرة على انه يفكر بطريقة منطقية و يكون عندو طموح و فكر و يعرف الصح من الغلط... و يسن القوانين... من منع التدخين في الاماكن المغلقة, و شوي تانية بيصير التدخين ممنوع ببيت الواحد,و الوقفة بالدور, و كلمة ميرسي و ثانكيو و بليز, لاختراع الصواريخ و الصعود الى القمر و المريخ... و سن القوانين لحماية طبقة الاوزون و الحيوانات ... و الذهاب الى القطب الجنوبي و حفر آبار عميقة في الارض لقياس نسبة احدى نظائر الاوكسيجين عبر الزمن... و مقارنتها ببعض الدلائل الاخرى... حتى يعرفوا سبب ارتفاع درجات الحرارة حول العالم


أي والله ومن الميز اللي الله عطاها لها البشر ضرب الأمم والشعوب الأخرى لانو بيفكروا حالهن انو شعب الله المختار
هوي تاريخ أكيد الكل بيعرفوه بس رح رد عيدو للتأكيد
1945 أريكا تلقي بأول قنبلة نووية على مدينة هيروشيما فتعلن اليابان استسلامها ولكن ذلك لم يكفي أميركا فتلقي بعد ثلاثة أيام قنبلة أكبر وأشد على مدينة ناكازاكي
الحرب التحريرية في فييتنام والكل يعرف ما ناب الفيييتناميين من الجيش الأمريكي المحرر
تجويع العراق لما يزيد عن 11 سنة و ايصاله لمرحلة بدائية بعد أن كان من الدول العربية الأفضل كانت نسبة الأمية فيه صفر بالمية هادا سنة 1980 علما أن اميركا هي من دعمت حرب العراق ضد ايران و هي من ألمحت لدعمها حرب العراق ضد الكويت (ما بذكر مين كان وزير الخارجية تاكدو شو قال لصدام أثناء الزيارة للعراق قبل اندلاع الحرب)
أميركا هيي اللي دعمت بن لادن طوال عشرات السنين ضد الاتحاد السوفياتي وهلق صارت بدا تتخلص منو لانو ما عاد في اتحاد سوفياتي
أميركا المحاميي للعدالة استخدمت حق الفيتو بعدد خيالي ما بذكر قديش يمكن 80 (بركي الاستذ بيصلحلي ) ضد قرارات تدين اسرائيل لجرائمها الفظيعة بحق الفلسطينيين (ومعروفة لوين وصلت القضية الفلسطينية هلق...)
أمريكا وتاريخها المشرف لا ما رح قول تاريخ رح قول واقع
أمريكا وواقعها المشرف في الأمريكية الجنوبية من اغتيال رؤساء لتغذية ثورات لتجويع شعوب
حصار اقتصادي لكوبا هلق لو بدها أميركا تقيم كاسترو من الحكم ما كانت شالتو بس هيي ما بهمها هادا الشي هيي بهمها تجوع الشعب الكوبي .. لتخلي الشعب الأميركي شبعان
أمريكا بتكب كل سنة آلاف الأطنان من الحبوب والقمح بالبحر (بتغرق سفن..) لتحافظ على قيمة الدولار بالوقت اللي 48 ألف انسان بيموت كل يوم من الجوع
أمريكا لها الحق في امتلاك النووي واستخدامه وغيرها ليس له الحق أصدقاء أميركا لهم الحق في قتل الأبرياء و مخالفة القوانين و لا يحق لاحد أن يقول لهم هيك مخالفة للقانون حتى الكلام ممنوع بالفعل ديمقراطية

من جهة اخرى في انواع تانية من البشر... بتمنع البنت من الروحة عل مدرسة... او اكتساب اي خبرة في الحياة.. و بيتوقعوا منها تطلع فهمانة و ذكية.. و لما يجي شب... ما مخلي شغلة ما شايفها.. و يضحك عليها بكلمة و تحبل منو... و يتركها... بيقوموا اهلها بيحرقوها و هي حية (و في قصة حقيقية عن هيك).. او ببيبعتوا اخوها الصغير ابو الطنعشر سنة... ليقوصها... هي و ابنها ببطنها... حتى لو كانت مع زوجها عايشة بأمان الله في مدينة اخرى...


يا شريك هادا اسمو تخلف وكل العالم بيرفضوه وبكل مجتمع في سلبيات و في ايجابيات وهاي الشغلات عنا بيسموها جرائم
والمجتمع الأمريكي من أكتر المجتمعات اللي عنها جرائم وبنسب مخيفة (فيكن تشوفوها بالانكارتا) بينما بلادنا من أقل البلدان بنسبة الجريمة
أميركا بلد غني لذلك ممكن انو نوع الجرايم يكون غير الشكل اللي طرحتو يا جو بس بلادنا بلاد فقيرة لذلك هاي الجرايم هيي المنتشرة
ومع هيك هيي حوادث فردية
معك حق انو المراءة ماكول حقها بمجتمعتنا بس ما الحل انو تجي أميركا تغتصب رجالنا بالسجون لحتى يصير في مساواة بين الرجل والمرأة
أميركا ما اجت لتعمل ديمقراطية بالعراق أميركا اجت تنهب العراق وتزيدو تخلف وفقر
من أول ما فاتت تركت الشعب يقتل بعضو الفوضى عمت المتاحف انسرقت ووي كانو الأميركان كانو عند وزارة النفط عم يطمنو قديش ربحت الصفقة معهن ...


ولماذا تنظرالقذى الذي في عين أخيك، أما الخشبة التي في عينك فلا تفطن لها؟ أم كيف تقول لأخيك: ‘دعني أخرج القذى من عينيك’، وها الخشبة في عينك. يا مرائي، أخرج أولاً الخشبة من عينك، وحينئذٍ تبصر جيداً أن تخرج القذى من عين أخيك


بقى يا شباب أميركا يمكن بتمثل القوة العظمى بتمثل الرفاهية - الازدهار - الغنى - التقدم العلمي ......
بس أبدا ما بتمثل الحضارة و الحرية و التقدم ....
وأنا ما عم ادعي انو نحا منمثلن ....!!!!؟

على كل حال في شي من اللي قلتو يا جو صح بالنسبة للتخلف...بس هاي الحوادث( أو الجرائم) عم تقل و بلشت تتلاشى...

بس فيك تقلي طيب شو سبب اصدار قانون محاسبة سوريا مع أنو نحنا من أكتر الدول اللي قوانينها بتدعو أو بالأصح بتجبر عالتعليم....
أساسا الديمقراطية هي أنو تتدخل أميركا (أم الديمقراطية) بشؤون كل بلدان العالم؟؟


أميركا ما اجت لتعمل ديمقراطية بالعراق أميركا اجت تنهب العراق وتزيدو تخلف وفقر
من أول ما فاتت تركت الشعب يقتل بعضو الفوضى عمت المتاحف انسرقت ووي كانو الأميركان كانو عند وزارة النفط عم يطمنو قديش ربحت الصفقة معهن ...


اللي عم يقولو Keko كتيييير صح لأنو المشاهد اللي انعرضت من المتحف بعد التحرير المزعوم كانت أكبر دليل عالديمقراطية أنو خلي الشعب يعبر عن رأيو يعني أي واحد عينو بشي قطعة من المتحف أهلا وسهلا خلي يجي وياخدها وفوقا حبة مسك...لكن ماعيب آثار عمرا آلاف السنين تنمحى بلحظات ؟؟؟!!!
عن جد ما بتلاقو اللي صار و اللي عم يصير شي ببكي واللي عم تعملو أميركا وبنتا اسرائيل (بالحقيقة ماعد عرفت مين بنت مين)
شي رح يعجز التاريخ عن وصف حقارتو ...

مان انا لما لما بقول على الامريكي ولا حيوان وعلى اليهودي خنزير وعلى ما بعرف شو .. انا مو لاني بكره الامريكي ولا اليهودي ولا بيني وبينو شي .. انا الي بكرهو
بس لما واحد غريب يدخل بيتك او اتدخلو بيتك على اساس انو هذا استاز مثلا ولا معلم ولا اي شي .. وتكتشف انو عم ينهب بيتك وعم يهتك عرضك .. ما فيك غير تكرهو وتكره كل شي بيمتلو بصلة .. قد تكون انت في العمق مافي عندك اي شعور كراهية تجاه اي من اخوتو ولا اقربائو بس ما فيك ما اتعاملهم بطريقة فظة لانهم اقاربو ..
هذا ابسط من البساطة هذا التصرف وهال الردة الفعل من ردات الفعل الاوتوماتيكية الي ما بتحتاج لتربية ولا تعلمي ولا فكر .. هذا الرد الطبيعي
جرب هاجم اي كائن حي .. قطة .. كلب .. فائر .. عصفو .. وشوف شو درة فعلو .. !!
اي كائن بفكر او بدون .. ما حيكون سعيد !!

مرحبا أخ keko

أنا بوافق معك بنسبة كبيرة على تاريخ أميركا المخزي في الحرب و التلاعب السياسي و تحيزها مع اسرائيل

بس اسمحلي قول ان النظرة التي تلقيها على الموضوع هي نظرة غير كاملة و سطحية أحيانا حيث لا تتجه الى عمق الموضوع

أود ان أعلم الجميع أني لست من المعجبين او المؤيدين للتاريخ الأمريكي.. و لكني بنفس الوقت لا أسلم بالامور ببساطة.. و أحاول ان اناقش النقاط التي تتعلق بنا فقط و مستقبلنا البعيد. و عندما أقول مستقبلنا... أعني مستقبل الشعب السوري بشكل عام... و الشباب و الطلاب السوريين بشكل خاص.. و أيضا هويتنا التاريخية كمسيحيين سوريين بشكل أخص. و لربما نفتح موضوعا آخر حول هذه النقطة في وقت آخر

مثلا عن كلامك حول الحرب العالمية الثانية:
أولا يجب ان لا تنسى ان اليابان هي كانت من بدأت في هجومها على المرفأ الامريكي بدون سابق انذار و قتلت ما يقارب 3 الاف عسكري و مدني.
خيار انزال القنبلة الذرية كان خيرا صعبا. لكنه عجل في انهاء الحرب. اما عن القنبلة الثانية فليس لدي معلومات دقيقة عما اذا كانت اليابان قد اعلنت استسلامها الكامل و وفق الشروط قبل القاء القنبلة
ما يهمني بشتى الحالات هو المستقبل: الخطة الامريكية في اليابان و المانيا بعد الحرب, تشبه خطتها في العراق الان. انظر الى يابان و المانيا اليوم!! منذ خمسين عاما كانت هذه البلاد جهنم الحمراء! الان هي اول الدول في الاقتصاد العالمي بسبب المساعدة الامريكية.. و بسبب الوجود الامريكي على ارضها في ذلك الوقت. طبعا سبب مهم اخر ان شعوب تلك البلاد عقله كبير... و فهمان الطبخة منيح.. و ليس كعصابات الفلوجة و الصدر مازالوا غارقين في مشاكل من قتل الحسين و ضيعانك يا علي

حرب الفييتنام نعم كانت حربا وسخة فعلا. و لكن لا تنسى الضغط السوفييتي الشيوعي... و انا شخصيا لا احبذ الشيوعية مطلقا
و ما حصل في افغانستان مع الطالبان يا اخي... كان دعما لحركة التحرر الوطنية (الطالبانية) ضد السوفييت... و لا أعتقد ان الامريكان يستطيعون التنبؤ بالمستقبل.... ليعرفوا ان اصدقاء الغد... سيصبحون اعداء اليوم
أعلم حق المعرفة ما حصل في العراق و مع ايران.... و لكن بالنهاية... فخار يكسر بعضو... أم أنك تحب النظام الاسلامي الخميني و تحب صدام حسين؟ (أنا أعي تماما المشاكل الانسانية الناتجة عن تلك الحروب و تأذي الشعوب... و لكن المنطقة مشحونة و مازالت مشحونة و مازال العرب يقتلون بعضهم حتى اليوم.. و من مات من العرب على أيدي العرب يفوق اضعافا مضاعفة ما مات منهم على يد الاغراب!)

==========================================

أما عن موضوع التخلف و الجرائم.

تذكرة بسيطة... جميع الدول المتخلفة.. حيث الحكومة عدوة الشعب.. مثل العراق السابق... حيث الديكتاتورية و الرعب و القهر... جميعها تتميز بنسبة اجرام منخفضة بشكل مدهش!!! هل السبب هو محبة الشعب لبعضه؟ الحالة الاقتصادية المنشرحة!؟ أم ان الحرامي العراقي لم يكن ليجرؤ على سرقة تفاحة لان ذلك قد يتسبب بإعدامه!!؟؟؟

أما أميركا... فنعم نسبة الاجرام مرتفعة.. و نسبة الطلاق مرتفعة... و نسبة الانتحار مرتفعة.. و كلها موجودة بالانكارتا على حد قولك.. و السبب البسيط هو ضخامة ذلك البلد اقتصاديا.. و انه يؤمن معلومات و احصائيات صادقة!! بينما في بلادنا العربية.. لا يوجد لا احصائيات و لا من يحزنون... حتى ان بعض الناس تعتقد ان امراض الايدز او المثلية الجنسية او العهر غير منتشرة في بلادنا فقط لعدم وجود احصائيات مثل الموجود في اميركا!

ثم يا أخي العزيز... أميركا لم تأتي لتغتصب الرجال في السجون... و لا لكي تنشر الفقر! هل هذا حقاً ما تؤمن به؟ أنا من ناحيتي أؤمن بالنقيض تماما... و يدعم كلامي اليابان و ألمانيا... كما كوريا الجنوبية و تايوان و سنغافورة

على فكرة أميركا لم تدعي يوما انها أكثر الدول ديمقراطية و حرية في العالم! و هذا شيء معروف عند الجميع... فاكثر الدول ديمقراطية هي السويد على ما أعتقد

تقبل تحياتي

جو

على كل حال في شي من اللي قلتو يا جو صح بالنسبة للتخلف...بس هاي الحوادث( أو الجرائم) عم تقل و بلشت تتلاشى...

بس فيك تقلي طيب شو سبب اصدار قانون محاسبة سوريا مع أنو نحنا من أكتر الدول اللي قوانينها بتدعو أو بالأصح بتجبر عالتعليم....
أساسا الديمقراطية هي أنو تتدخل أميركا (أم الديمقراطية) بشؤون كل بلدان العالم؟؟

اللي عم يقولو Keko كتيييير صح لأنو المشاهد اللي انعرضت من المتحف بعد التحرير المزعوم كانت أكبر دليل عالديمقراطية أنو خلي الشعب يعبر عن رأيو يعني أي واحد عينو بشي قطعة من المتحف أهلا وسهلا خلي يجي وياخدها وفوقا حبة مسك...لكن ماعيب آثار عمرا آلاف السنين تنمحى بلحظات ؟؟؟!!!
عن جد ما بتلاقو اللي صار و اللي عم يصير شي ببكي واللي عم تعملو أميركا وبنتا اسرائيل (بالحقيقة ماعد عرفت مين بنت مين)
شي رح يعجز التاريخ عن وصف حقارتو ...

مرحبا أخ Anmar
في الحقيقة... لا أدري كيف توصلت الى أن جرائم الشرف آخذة بالتلاشي.. فالمواقع المؤسف أنها ليست آخذة بالتلاشي أبدا!!! يقال ان آلافا من النساء يمتن بسبب جرائم الشرف سنويا في الشرق الاوسط (الذي يشمل باكستان و مصر و افغانستان جديدا)
هذه الجرائم لا نسمع عنها شيئا يا أخي الكريم.. و هي موضوع بحد ذاته... المجرم قد يدخل الى السجن و يقضي سنة أو أقل ثم يخرج!!

ع فكرة قانون محاسبة سوريا له أسبابه المعروفة.. و لا أريد الدخول في هذا الموضوع الان.. و لكن الاسباب معروفة
و كون سوريا تجعل التعليم الزاميا... فهذا لا يعني جودة مناهج التعليم و خلوها من التحريف و العبث في التاريخ

و عن المتحف انا حزنت كثيرا على الاثار الضائعة.... على فكرة قالت لي احدى صديقاتي في سوريا و كانت تعيش قرب جبلة... انه هناك كان يوجد مدينة اثرية مثل افاميا,,, لكنها منخفضة و مبعثرة نوعا ما.. و كانت تسكن قربها شخصيا... و اولاد عمها يأخذون الاثار من الارض و يبيعونها لعدم وجود من يهتم بتلك المدينة المجهولة... و بعد فترة... تم التزفيت فوق هذا الاثار و مد الطرق فوقها!!!
هذه على فكرة حال معظم الاثار العربية... تهريب اثار منظم من قبل المسؤوليين و لا أحد يفتح فمه

سلامات

جو

مرحبا Joe ...

أولا يجب ان لا تنسى ان اليابان هي كانت من بدأت في هجومها على المرفأ الامريكي بدون سابق انذار و قتلت ما يقارب 3 الاف عسكري و مدني.

طيب على فرض أنو اليابان هي اللي بلشت انت بتلاقي أنو هادا شي يبرر القاء قنبلة نووية :?: :?: :!: :!:


انظر الى يابان و المانيا اليوم!! منذ خمسين عاما كانت هذه البلاد جهنم الحمراء! الان هي اول الدول في الاقتصاد العالمي بسبب المساعدة الامريكية..


أول شي بحب قلك أنو اليابان وألمانيا هي من أحسن الدول حاليا مو بسبب المساعدة الأميركية ... لأنا دول عندها رصيد حضاري عمرو آلاف السنين...
================================================== ==


و ليس كعصابات الفلوجة و الصدر مازالوا غارقين في مشاكل من قتل الحسين و ضيعانك يا علي

بالنسبة لهاد الموضوع هاد شي مو من حقنا ننتقدو لأنو هاد من ضمن العقيدة الدينية الخاصة بالشيعة ونحنا ما بصدد انتقاد المذاهب والمعتقدات الدينية !!

================================================== ===

و لا أعتقد ان الامريكان يستطيعون التنبؤ بالمستقبل.... ليعرفوا ان اصدقاء الغد... سيصبحون اعداء اليوم

أنا رأيي أنو هالحركات بعدا صديقة لأميركا لأنو بسبب هال حركات هي رح يحتلو العالم (عسكريا طبعا لأنو باقي الأمور رح تصير بديهية) لأنو كل ماعجبتن دولة يعني لقو فيها مصالحن أو مصالح اسرائيل بقولوها عندك منظمات تابعة للقاعدة..عندك ارهابيين..عندك كذا.. لأنو لو ما حابين هالحركات والمنظمات ليش ما مسكو ابن لادن ؟؟ هلق قللي ما وصلولو .. شو مشان المخابرات الأميركية صاحبة الشهرة ؟؟؟؟
================================================== ===

أعلم حق المعرفة ما حصل في العراق و مع ايران.... و لكن بالنهاية... فخار يكسر بعضو... أم أنك تحب الخميني و تحب صدام حسين؟


الفكرة مو المحبة للخميني أو لصدام الفكرة أنو العراق كان من اغنى الدول العربية وكان من نقاط القوة والإرتكاز بالمنطقة وبتوريط العراق بحربين عالتوالي خسر كل امكانياتو المادية والعسكرية ومحبة الدول العربية اللي بهديك الفترة كان الوضع بين بعضن أحسن بكتييييييير من اليوم
================================================== ===
وأخيرا بالنسبة لللإحصائيات معك كل الحق وأنا بوافقك بهالنقطة تماما لأنو مافينا نحكم عالوضع عنا لأنو مافي شي موثق وأكيد

و أنا حابب أشكرك على صراحتك باعطاء رأيك ...وتحياتي إلك ...

مان انا لما لما بقول على الامريكي ولا حيوان وعلى اليهودي خنزير وعلى ما بعرف شو .. انا مو لاني بكره الامريكي ولا اليهودي ولا بيني وبينو شي .. انا الي بكرهو
بس لما واحد غريب يدخل بيتك او اتدخلو بيتك على اساس انو هذا استاز مثلا ولا معلم ولا اي شي .. وتكتشف انو عم ينهب بيتك وعم يهتك عرضك .. ما فيك غير تكرهو وتكره كل شي بيمتلو بصلة .. قد تكون انت في العمق مافي عندك اي شعور كراهية تجاه اي من اخوتو ولا اقربائو بس ما فيك ما اتعاملهم بطريقة فظة لانهم اقاربو ..
هذا ابسط من البساطة هذا التصرف وهال الردة الفعل من ردات الفعل الاوتوماتيكية الي ما بتحتاج لتربية ولا تعلمي ولا فكر .. هذا الرد الطبيعي
جرب هاجم اي كائن حي .. قطة .. كلب .. فائر .. عصفو .. وشوف شو درة فعلو .. !!
اي كائن بفكر او بدون .. ما حيكون سعيد !!

طيب مان معك حق و الله معك حق

بس نحنا لازم نفكر خطوة لقدام اكتر! نفكر مين نحنا... شو وضعنا ... مين نحنا... ركزلي على هاي المين نحنا

و شو رح يكون مستقبلنا... شو افضل النا... مع مين؟؟؟

عل كل حال كون متاكد انو اليابان بعد القنبلة الاولى مو بس استسلمت لا اعلنت انسحابها واذا بتريد يعني الحكي اللي مو متاكد منو اذا كنت مهتم تعرف الحقيقة بدل النقاش الجدلي فينك تدور عليها معلش بدي عزبك شوي ......


أولا يجب ان لا تنسى ان اليابان هي كانت من بدأت في هجومها على المرفأ الامريكي بدون سابق انذار و قتلت ما يقارب 3 الاف عسكري و مدني.

لك شو عم تحكي يا زلمي شو هاي بدون سابق انذار لك هاي حرب شو عم نلعب ريسك نحنا
يا زلمي خليك موضوعي مشان اللي بتعزن


ما يهمني بشتى الحالات هو المستقبل: الخطة الامريكية في اليابان و المانيا بعد الحرب, تشبه خطتها في العراق الان. انظر الى يابان و المانيا اليوم!! منذ خمسين عاما كانت هذه البلاد جهنم الحمراء! الان هي اول الدول في الاقتصاد العالمي بسبب المساعدة الامريكية.. و بسبب الوجود الامريكي على ارضها في ذلك الوقت.


هلق برايك انو الحضارة اللي باوروبا اميركا هي اللي عملتها والله ما بعرف شو بدي رد عليك :? :? :roll:



حرب الفييتنام نعم كانت حربا وسخة فعلا. و لكن لا تنسى الضغط السوفييتي الشيوعي... و انا شخصيا لا احبذ الشيوعية مطلقا


ما حدا عم بيناقش الاهنمامات الشخصية نحنا هون لذكر الوقائع أكيد بدو يكون في ضغط سوفياتي لانو اميركا على حدودوا ليش ما كان في ضغط اميركي بكوبا لما قربوا السوفييت عليها

بعدين ابدا لا تقول فخار يكسر بعضوا وابدا لا تسالني رايي ولا تعطيني رايك بالنظام الاسلامي بايران لانو هادا النظم هوي لايران مانو لا الي ولا الك ويعني اذا بدك تستمر بالمناقشة بهادا الاسلوب انا بفضل انو ما تكمل او قلي وانا ما عاد برد ....
يعني ما تواخذني انا لما بناقش فكرة معك لاني حسيتك ممكن نتفاهم على قاعدة الحوار (مو القصد انو رايي هوي الصح) بس ابدا ما بصير تقييم أي مذاهب او عقائد اخرى ابدا لانو هادا مو مكانو هون
في محل تاني وفي موضوع تاني وفي اشخاص تانيين مهتمين بهيك مواضيع ....و اذا حبيت تعطي رايك اعطيه بدون استهزاء لانو انا مثلا ما بحب يجي حدا ويتمسخر عليي اذا شافني بجمعة الآلام عم ابكي على المسيح مثلا.......
أنا و غيري ممكن نتقبل الرأي المعارض بس ما ممكن نتقبل الاستهزاء بمعتقدات الآخرين ....

والله ما أصرت فيهن هالعناكب!! مو هيك ؟؟

right abo past

مرحبا أخ keko

اخي مشان اليابان الوضع كان مختلف تماما عن مجرد هجوم مباغت.. العلاقات كانت قائمة بين البلدين و في محادثات و كلشي.. و فجأة تم الهجوم. على كل حال انا ماني خبير بهل موضوع و ما هوي موضوعنا اصلا

نحنا موضوعنا بين العرب و أميركا... بين مين الحيوانات و مين البشر.. بين مين بيحقلو يحكي.. و بين مين لازم يضل ساكت و يروح يظبط بلاده قبل ما ينتقد غير ناس. الشغلة بسيطة جدا.. و ما بدها لا يابان و لا فييتنام.

و ع فكرة مشان أوروبا و أميركا.... مان أي "حضارة" لسا عم تحكي عنها... لسا عم تحكوا حضارات و عمر حضاري.. و ثقل حضاري و مدري شو.. يا أخي هادا كلو حكي فاضي هاد.. بيعلمونا اياه بالمدارس العربية.. مشان الشعب يضل مبسوط و فخور .. انو شعب صاحب حضارة!!!! ما نحنا يمكن ما خربنا الا هل الحكي عن الحضارات... لساتنا منحكي بالحضارات و العراقة و هل حكي الرومانسي... اخي التطور = (عمل + رأس مال + حرية + نشاط + دقة + نظام + الخ الخ الخ)... شو بدها تعملي الحضارة.... ليش انت لما ولدت يا أخي .... كنت متذكر شي مثلا من حضارات الفينيقيين أو الاراميين.... ؟؟؟

مان اسمحلي وضح الفكرة شوي
في نوعين من الوراثة.. وراثة جينية.. و وراثة اجتماعية... يعني تناقل الاعراف و العادات ضمن المجتمع. انت اكيد قصدك على هاد النوع من التناقل لما عم تحكي عن الحضارات.
بهل الحالة
هل النوع من الحضارة.. مارح ينفعنا كعرب نهائيا... لانو العرب صرلهم غارقين بالتخلف منذ اواخر العصر العباسي. و الحضارات السابقة ما قبل المسيح.. أكيد انقطعت عنا نهائيا .يعني ماعاد في "وراثة اجتماعية" بين اهل هدوليك العصور و نحنا هلق.. بقي منها فقط العصبية القبلية و المذهبية و العقلية الشرقية المحافظة... و هذا كله لا ينفعنا الان.

اوكي شيلك من هاد هلق
منرجع عل الاوروبيين
من حيث الحضاراة العصرية التي كان يعيشها الاوروبييون قبل الحرب... أكيد ما لحقت تتلاشى بفترة الحرب. بس مان هاي نفسها مشتركة بينهم و بين الامريكيين... يا اخي هدول نفس الشعوب.. حتى فيك تقول اميركا تاريخها الحضاري و البشري.. اقوى... لانو فيها من كل الدول الاوروبية.. و اضافة الى ذلك شعوب و حضارات من مختلف اصقاع الارض!

بقى الفرق الوحيد... الذي قصدته انا... هوي ان الامريكان كان معهم مصاري و مشاريع .. و الاوروبيين منهارين... فاوروبا احتاجت للمساعدة الامريكية حتى تنهض. و من هنا كان قولي... انو المانيا و اليابان تطورا بفضل اميركا
نحنا شو دخلنا ما اذا كانت المانيا دولة قديمة .. و اميركا دولة حديثة... يهمنا مين شغل هذه الاموال.. و من حرر هذه البلاد.. و مين رجع عمرها

ثم يا اخي... اكبر دليل... المانيا الغربية.. و المانيا الشرقية...اميركا اشتغلت بألمانيا الغربية... و فيك تقول الشرقية ضلت ع حالها ... قارن بين اسرائيل.. و باقي الدول العربية.. اسرائيل تتلقى الدعم الامريكي.. و نحن صامدون على حضاراتنا

سنغافورة و تايوان... ما بعرف شو عندهم حضارات قديمة... بس اكيد ما صاروا هيك بعملهم الشخصي

و نفس الشي اليابان و المانيا... وين عم تقلي هدول دول قديمة و هاي دولة جديدة... اميركا ما اجت تعملهم النظام و الدقة.. هاي اشياء بيعرفوها افسهم... بس عمرت لهم بلادهم من اول و جديد

طبعا انا بتمنى ما تتحول المواضيع لانتقادات شخصية او مذهبية... و بعتذر اذا ازعجتك بطريقة كلامي... بس انا هادا اسلوبي طول عمرو... و بحاول عبر عن رأيي بصراحة و بكل وضوح

سلامات

جو

مرحبا على الكل
كيف شباب الموقع
اولا برد على الأخ جو بمقولته الحيوانات قليلة الحس وهدا خطأ الحيوان يحس مثل أي مخلوق آخر والدليل أن الحمار الذي تكلمت عنه عندما تضربه يتألم (وممكن من الألم أن يرفسك) لا أقصد التجريح... والدليل أن الحيوانات تحس هو جمعية الرفق بالحيوان ؟؟؟؟
أما عن البشر المتحيونة بكلامك (عفوا للهجة ولكن انت من كتب!!) فليس من حق أي شخص وصف الانسان بالحيوان لو مهما كان الأمر إلا إذا نزل لدرك الحيوان وبدا يصف بدون أي مسؤولية
بالنسبة للشعوب المتخلفة التي تتكلم عنها هدول بالبداية والنهاية أهلك ووطنك ولا انت متبري منهم وتذكر الكلمة اللي بتقول اللي ما في خير لأهلو ما في خير لحدا
طبعا لأنك متأثر جدا بالمجتمع الغربي نسيت روح الشرق لا أعرف معنى الحرية بنظرك ولكن أدرك أنك شخص غير متفهم ؟؟؟وطالما أنك تلقي السباب والشتام مثل كلمة (الخراء) واعتذر من زملائنا بالمنتدى على تكرارها فأنت لا تختلف عن هذه الشعوب المتخلفة بشيء لماذا لا نبدأ بتهذيب أنفسنا أولاً
وبالنسبة للعصابات الموجودة بالعراق كما تسميها هم ليسوا غارقين في مشاكل الحسين أو علي بل غارقين بالدفاع عن أمهاتهم وبناتهم وعرضهم وليس كما تقول ولا يا أخ جو اللي بدافع عن شرفه عقلوا صغير برأيك؟؟؟؟
وطالما أن رأيك ما زال فخار يكسر بعضو فلماذا تتكلم بلهجة غير مسؤولة
وصدقا يا جو أن العرب قتلوا على أيدي الأجانب أكثر أم نسيت ميسلون ونسيت النكبة والمذابح الفلسطينية ونسيت النكسة 67 ونسيت أمجادنا في تشرين (الله يرحم شهداءنا ) من الممكن ان النظام الخميني أن لا يكون جيد لا يمكن لي أن أحكم لأني لم أعشه فلا أستطيع رمي الكلام بالهواء كما تفعل ولكن هل سألت الشعب الإيراني هل كان مرتاحا معه أو لا؟؟؟
بالمناسبة لماذا ترد نسبة الأحصائيات عندنا في الوطن الأم على أنها خاطئة (حيث كل ما تقوله هو قيل عن قال ) ولا يوجد اثبات ؟؟؟؟
وكيف يا جو عم تقول وتكذب ماشاهده العالم على الفضائيات من فضائح المسجونين في العراق
لا أعلم ماهو تفكيرك لماذا لا تقول انو امريكا اتت لتستغل شعوب المنطقة اهذا هو التحرير الذي تطالب فيه؟؟؟؟؟
بالنسبة لأفاميا انا ابن المنطقة واؤكد لك أن الآثار تسرق بجميع الدول وأكبر دليل أن تسأل نفسك أين الآثار المصرية ومن سرقها او انك لا تعرف ؟؟؟ أما عن تزفيت الطرقات فوق الاثار فهذا افتراء وفيه تزوير واضح للحقائق وكره للجهة السؤولة لا أعرف سببه
بالمناسبة انت مثل بقية شبابنا الضائع لا يستطيع أن يعيش غربيا ولا شرقيا ضائع في الوسط يعني مع التيار الماشي ....
أتمنى يا جو أن تنظر ألف مرة في مرآة نفسك وتتجرد مرة واحدة من المجتمع الذي تعيش فيه
وما زلت أأسف على شبابنا الذين يشوهون وجه الوطن في الغرب وأعود لأسألك متى آخر مرة زرت أرض سوريا وقبلت ترابها أم صرت متلك متل أي شخص أجنبي يدوس على تراب هذا الوطن
تقبل تحياتي بكل صدق واخلاص

الى الغالي جو
بدي اسألك سؤال مين قصدك بجملة يروح يظبط بلاده ؟؟؟؟
وانا مع الأخ keko بمسألة الحضارة فالحضارة ليست رومانسية بل عمل ورأس مال ونظام اعتقد أنها الحضارة الذي قصدها زميلنا ففسرتها انت على انها حكي فاضي؟؟؟
ما معنى العادات والتقاليد بوجهة نظرك هل هي خيمة وصبوا قهوة مرة!! اتركني صححلك معلوماتك وقول انو العادات والتقاليد البالية الي عم تحكي عنها هي الاخلاص حب الأهل وما الى ذلك من عادات ربينا عليها نحن الشرقين وخليني ذكرك انو هي العادات مذكورة بالديانات كافة
وخليني ذكرك الحياة بدون رومانسية تجعل الانسان كالحيط وتدفعه للانتحار(هدا الحكي فيه دراسة واحصائيات موثقة)
وما زلت ترى ان الأمريكين هم مخلّصوا العالم يا ترى الى متى دعني اذكرك ان كل دولة لها خط بياني يعلو ويوصل للقمة ثم يهبط من جديد والأمثلة كثيرة وبالنهاية بقول انو الدولاب بضل يدور
ممكن اقتبس منك شغلة بعد اذنك:
طبعا انا بتمنى ما تتحول المواضيع لانتقادات شخصية... و بعتذر اذا ازعجتك بطريقة كلامي... بس انا هادا كمان اسلوبي طول عمرو... والصراحة اهم شي

على فكرة ورغم الخلاف بوجهات النظر حبيتك وشكراً

مرحبا صديقي

أنا بصراحة لا أحب اللف و الدوران كثيرا... و أصبح كلامنا هنا فقط لف و دوران... و لطالما دخلت في نقاشات مماثلة و على أن أعترف ان هذه كانت اكثرها احتراما و جدية.. و لكن للأسف جميعها تنتهي في نفس الطريقة... حيث يبدأ الجميع بالتلميح الى اشياء .. كأنني لا أحب وطني او أنكر أصلي.. و انا لست مستعد ان أكمل النقاش بهذه الطريقة. ثم ان نقاشنا اخذ يتجه الى اتجاهات لا أحبذها أبدا قمت انت بذكرها... لذلك انا أنسحب من النقاشات السياسية هنا... و لكن لنا عودة

تقبل تحياتي

جو

أنا برأيي أنو ننهي النقاش عند هذا الحد
وإلي رجاء خاص أنو كل اللي كتب ردود على هل المقال يعيد قراءة المقال كلو
ويحاول يشوف بنظرة متجردة الأفكار المطروحة
وكلو للخير والتقدم
أكيد كل الأفكار اللي انطرحت برأيي كان هدفها هوي الحوار مع الآخر واللقاء معه
وهادا أهم شي ممكن أنو في البعض غلطو بكلمة أو جرحوا الأخر بس بقول للكل بكل محبة أنو ما حدا يزعل من التاني وهادا يعتبر اعتذار عن الكل من الكل فاقبلوا الاعتذار

أنا بالاذن منكن رح أقفل الموضوع

أي والله ومن الميز اللي الله عطاها لها البشر ضرب الأمم والشعوب الأخرى لانو بيفكروا حالهن انو شعب الله المختار
هوي تاريخ أكيد الكل بيعرفوه بس رح رد عيدو للتأكيد
1945 أريكا تلقي بأول قنبلة نووية على مدينة هيروشيما فتعلن اليابان استسلامها ولكن ذلك لم يكفي أميركا فتلقي بعد ثلاثة أيام قنبلة أكبر وأشد على مدينة ناكازاكي
الحرب التحريرية في فييتنام والكل يعرف ما ناب الفيييتناميين من الجيش الأمريكي المحرر
تجويع العراق لما يزيد عن 11 سنة و ايصاله لمرحلة بدائية بعد أن كان من الدول العربية الأفضل كانت نسبة الأمية فيه صفر بالمية هادا سنة 1980 علما أن اميركا هي من دعمت حرب العراق ضد ايران و هي من ألمحت لدعمها حرب العراق ضد الكويت (ما بذكر مين كان وزير الخارجية تاكدو شو قال لصدام أثناء الزيارة للعراق قبل اندلاع الحرب)
أميركا هيي اللي دعمت بن لادن طوال عشرات السنين ضد الاتحاد السوفياتي وهلق صارت بدا تتخلص منو لانو ما عاد في اتحاد سوفياتي
أميركا المحاميي للعدالة استخدمت حق الفيتو بعدد خيالي ما بذكر قديش يمكن 80 (بركي الاستذ بيصلحلي ) ضد قرارات تدين اسرائيل لجرائمها الفظيعة بحق الفلسطينيين (ومعروفة لوين وصلت القضية الفلسطينية هلق...)
أمريكا وتاريخها المشرف لا ما رح قول تاريخ رح قول واقع
أمريكا وواقعها المشرف في الأمريكية الجنوبية من اغتيال رؤساء لتغذية ثورات لتجويع شعوب
حصار اقتصادي لكوبا هلق لو بدها أميركا تقيم كاسترو من الحكم ما كانت شالتو بس هيي ما بهمها هادا الشي هيي بهمها تجوع الشعب الكوبي .. لتخلي الشعب الأميركي شبعان
أمريكا بتكب كل سنة آلاف الأطنان من الحبوب والقمح بالبحر (بتغرق سفن..) لتحافظ على قيمة الدولار بالوقت اللي 48 ألف انسان بيموت كل يوم من الجوع
أمريكا لها الحق في امتلاك النووي واستخدامه وغيرها ليس له الحق أصدقاء أميركا لهم الحق في قتل الأبرياء و مخالفة القوانين و لا يحق لاحد أن يقول لهم هيك مخالفة للقانون حتى الكلام ممنوع بالفعل ديمقراطية


يا شريك هادا اسمو تخلف وكل العالم بيرفضوه وبكل مجتمع في سلبيات و في ايجابيات وهاي الشغلات عنا بيسموها جرائم
والمجتمع الأمريكي من أكتر المجتمعات اللي عنها جرائم وبنسب مخيفة (فيكن تشوفوها بالانكارتا) بينما بلادنا من أقل البلدان بنسبة الجريمة
أميركا بلد غني لذلك ممكن انو نوع الجرايم يكون غير الشكل اللي طرحتو يا جو بس بلادنا بلاد فقيرة لذلك هاي الجرايم هيي المنتشرة
ومع هيك هيي حوادث فردية
معك حق انو المراءة ماكول حقها بمجتمعتنا بس ما الحل انو تجي أميركا تغتصب رجالنا بالسجون لحتى يصير في مساواة بين الرجل والمرأة
أميركا ما اجت لتعمل ديمقراطية بالعراق أميركا اجت تنهب العراق وتزيدو تخلف وفقر
من أول ما فاتت تركت الشعب يقتل بعضو الفوضى عمت المتاحف انسرقت ووي كانو الأميركان كانو عند وزارة النفط عم يطمنو قديش ربحت الصفقة معهن ...



بقى يا شباب أميركا يمكن بتمثل القوة العظمى بتمثل الرفاهية - الازدهار - الغنى - التقدم العلمي ......
بس أبدا ما بتمثل الحضارة و الحرية و التقدم ....
وأنا ما عم ادعي انو نحا منمثلن ....!!!!؟


:D :D :D

لك هالموضوع شقد صلوا :shock:

شو مشان النكش