تقاعد [الأرشيـــــف]

امرأة من ورق

31/08/2006, 08:43

بأغلب الدول عمر التقاعد عم يكون 60 سنة
بس برأيكن عمر الستين مناسب او لازم يكون ابكر او متأخر اكتر؟؟؟

الكربوج

31/08/2006, 09:47

والله نحنا عنا هون كل الانسات فوق ال 80 :cry: :cry: :cry:

لا كمان هون كل ماكبرت الانسي بزيد الراتب تبعا ;-) :jakoush:

يفضح كبرتون :o

Abu ToNi

31/08/2006, 10:48

الستين هو العمر الأنسب

لأن الشخص بكون وصل لمرحلة ما عاد عنده شي يقدمه يعني صار بلا فائدة للمجتمع

يعني تخيلي معي لو كان عمر تلتقاعد 80 سنة

كان كل ختيار قاعد ورا مكتبه والشباب عبدوروا عشغل وما في دائرة بتلمهم

المهم أنا مع مشروع التقاعد في عمر الستين :D

marioma alghzayala

31/08/2006, 11:37

انو اجمالا عمر الستين مناسب .. :?
بس عالم بقولولك انو انا يا اخي بعدني شباب وقادر اني اعطي كمان ... يعني حسب الشخص ... اي وفي عالم برايي لازم يتقاعدوا من الخمسين مو من الستين ...:cry:
...
وميرسي عالموضوع ....:D

Abu ToNi

31/08/2006, 11:39

انو اجمالا عمر الستين مناسب .. :?
بس عالم بقولولك انو انا يا اخي بعدني شباب وقادر اني اعطي كمان ... يعني حسب الشخص ... اي وفي عالم برايي لازم يتقاعدوا من الخمسين مو من الستين ...:cry:
...
وميرسي عالموضوع ....:D

مثلا انت من ال 15 تقاعدتي وعطيتي اجازة لعقلك :lol: :lol:

Tony 124

31/08/2006, 12:09

مثلا انت من ال 15 تقاعدتي وعطيتي اجازة لعقلك :lol: :lol:
هههههههههههههههه
:yahoo: :yahoo: :yahoo: :o :o
ملعوبه و بمحلا

marioma alghzayala

31/08/2006, 12:22

مثلا انت من ال 15 تقاعدتي وعطيتي اجازة لعقلك

اي هاي مثلا ....:lol:
هههههههههههههههه

ملعوبه و بمحلا

المهم تكون عجبتك والله ....:x

امرأة من ورق

31/08/2006, 12:28

والله نحنا عنا هون كل الانسات فوق ال 80 :cry: :cry: :cry:

لا كمان هون كل ماكبرت الانسي بزيد الراتب تبعا ;-) :jakoush:

يفضح كبرتون :o

ياحرام ياكربوج..... قطعتلي قلبي:cry:

بس انت وين عايش؟؟؟

امرأة من ورق

31/08/2006, 12:32

الستين هو العمر الأنسب

لأن الشخص بكون وصل لمرحلة ما عاد عنده شي يقدمه يعني صار بلا فائدة للمجتمع

يعني تخيلي معي لو كان عمر تلتقاعد 80 سنة

كان كل ختيار قاعد ورا مكتبه والشباب عبدوروا عشغل وما في دائرة بتلمهم

المهم أنا مع مشروع التقاعد في عمر الستين :D

شكرا كتير عالمرور:D

انت اشرت لنقطة كتير مهمة وهيي اللي كانت ببالي لما طرحت الموضوع انو المتقاعد لما بيتقاعد بيعطي فرصة لغيرو من الشباب اللي عم يدورو على شغل...... بس كمان فكرة انو الواحد بس كبر نعتبرو صار بلا فائدة هي فكرة قاسية كتير وخصوصا اذا كان لسه قادر عالعطاء..... والي رجعة على هي النقطة بعدين بس لاسمع رأي الشباب والصبايا الباقيين

امرأة من ورق

31/08/2006, 12:33

انو اجمالا عمر الستين مناسب .. :?
بس عالم بقولولك انو انا يا اخي بعدني شباب وقادر اني اعطي كمان ... يعني حسب الشخص ... اي وفي عالم برايي لازم يتقاعدوا من الخمسين مو من الستين ...:cry:
...
وميرسي عالموضوع ....:D

ميرسي الك عالمرور وعلى رأيك الحلو وفكرة النسبية بهيك حالة لانو فعلا مو كل الناس بيوقف عندو العطاء بنفس العمر :D

امرأة من ورق

31/08/2006, 12:37

مثلا انت من ال 15 تقاعدتي وعطيتي اجازة لعقلك :lol: :lol:

هههههههههههههههه
:yahoo: :yahoo: :yahoo: :eek: :eek:
ملعوبه و بمحلا

:x :jakoush: :pos:
بدل ماتشكرو مريومة عالفكرة الحلوة اللي عطتها

بس للصراحة حلوة وملعوبة :oops:

ghazool

31/08/2006, 12:46

لو ماكان في عمـر تقـاعد ،، لكان الموظف ضل عم يشتغل لحتى يطب و يموت ع المكتب :? ،،
اكيد في ناس بيضل عندها نشاط جسـدي ،،
بس هادا ما بيعني انهن ما فاتو شوي شوي بمرحلة الخرف :shock: ،،
يعني انا مديري لسه بالخمسـين و مالي خالصه :shurup: ،،

هادا شي قبل ما يفرضو نظام العمل ،، فارضو التكوين الفسيولوجي و السيكولوجي لأنو بمرحة الـ60 بيخف إعطـاء الانسـان بالتأكيد ،،
بس المشكلة انو ببلادنا :pos: الانسان بعد الـ60 بيتهمش وبيعتبروه خرفان وبيصير تقيل ع المجتمع ،، ببلاد برا ( مع اني بكره و ضد هيك مقارنات محبطة ) ،، الدولة بتعطيه راتب ما بيقل عن الـ1000 $ :? ،، صح بيكونو هالكينو بالضرايب بيصغرو ،، بس بطريقة غير مباشرة هالضرايب بتتحول لتقاعدية مرتبة ،، مشان هيك غالبـاً بالرحلات السياحية منلاقي الاجانب عمرهن بالـ60 و الـ70 ،، حتى بصفوف الرقص عندهن :shock: .. حتى بالحدائق ،، بالنشاطات الثقافية ،، عنا وين منلاقي اللي بالـ60 ؟؟ بشي قهوة جربانة ،، بشي مشفى ؟؟ ممكن بدار المسنين ،، او وحـيد بالبيت :cry: ،،،

بعدت كتير عن الموضوع ،، بس الفكرة انو سـن التقاعد مدروس ع اساس قدرة الانسان على العطاء ،، بس للأسف ببلادنا بيضل الانسان عندو خوف من سن التقاعد مو مشان التقاعد ،، و لكن مشان شو ح يصير بعد التقاعد ،، :cry: ..

و شكراً عالموضوع :D ..

امرأة من ورق

31/08/2006, 12:51

لو ماكان في عمـر تقـاعد ،، لكان الموظف ضل عم يشتغل لحتى يطب و يموت ع المكتب :? ،،

اكيد في ناس بيضل عندها نشاط جسـدي ،،
بس هادا ما بيعني انهن ما فاتو شوي شوي بمرحلة الخرف :shock: ،،
يعني انا مديري لسه بالخمسـين و مالي خالصه :shurup: ،،

هادا شي قبل ما يفرضو نظام العمل ،، فارضو التكوين الفسيولوجي و السيكولوجي لأنو بمرحة الـ60 بيخف إعطـاء الانسـان بالتأكيد ،،
بس المشكلة انو ببلادنا :pos: الانسان بعد الـ60 بيتهمش وبيعتبروه خرفان وبيصير تقيل ع المجتمع ،، ببلاد برا ( مع اني بكره و ضد هيك مقارنات محبطة ) ،، الدولة بتعطيه راتب ما بيقل عن الـ1000 $ :? ،، صح بيكونو هالكينو بالضرايب بيصغرو ،، بس بطريقة غير مباشرة هالضرايب بتتحول لتقاعدية مرتبة ،، مشان هيك غالبـاً بالرحلات السياحية منلاقي الاجانب عمرهن بالـ60 و الـ70 ،، حتى بصفوف الرقص عندهن :shock: .. حتى بالحدائق ،، بالنشاطات الثقافية ،، عنا وين منلاقي اللي بالـ60 ؟؟ بشي قهوة جربانة ،، بشي مشفى ؟؟ ممكن بدار المسنين ،، او وحـيد بالبيت :cry: ،،،

بعدت كتير عن الموضوع ،، بس الفكرة انو سـن التقاعد مدروس ع اساس قدرة الانسان على العطاء ،، بس للأسف ببلادنا بيضل الانسان عندو خوف من سن التقاعد مو مشان التقاعد ،، و لكن مشان شو ح يصير بعد التقاعد ،، :cry: ..

و شكراً عالموضوع :D ..

شكرا كتير غزول وفعلا عم تطرحي افكار حلوة :D

وانا سعيدة انو الموضوع عم يمشي بهاد الاتجاه :yahoo: :D

Danito

31/08/2006, 15:34

بأغلب الدول عمر التقاعد عم يكون 60 سنة
بس برأيكن عمر الستين مناسب او لازم يكون ابكر او متأخر اكتر؟؟؟

سؤال حلو كتير و زكي (مثل صاحبتو8) )

هلق برأيي الشخصي عمر التقاعد بحدود الستين مليح و لازم يكون حتى ابكر شوي
بس يعني التقاعد من الأعمال المدفوعة (الوظايف) لا يعني بالضرورة التقاعد من الحياة
ما بعتقد بجوز نقول الواحد ما بيعطي أو ما بينفع بعد هاد العمر أو هداك بس فكروا بحالكون بعد 30-40 سنة من هلق بتتصوروا رح تكونوا بلا نفع؟
هلق في ناس بتترك وظايفها و يتحاول تعمل شغلات مفيدة بوقتها الفاضي ممكن يكونو مستشارين أو بمراكز البحث حتى يبلشوا أشغالن الخاصة و يلي بتعني إتاحة فرصة لتشغيل غيرهن، يعني العمر مانو محدد للعطاء بعتقد

التقاعد المبكر فكرة مطروحة بكل العالم من شان إفساح المجال للأجيال الأصغر بس بشكل عام ببلد مثل سوريا يلي من الناس 68.8 % تحت الثلاثين حسب احصائية 2004 ، و حوالي 83% تحت الأربعين يعني نحنا شعب فتي و ما فينا نفسر البطالة على عمالة أصحاب الأعمار الكبيرة لأنو أصلا عددهن الإجمالي قليل و في مواضيع مرتبطة بمعدل الإعالة يعني: على كم شخص بيصرف الأشخاص العاملين بالعيلة؟ ، أنا كنت اشتغل بمكتب (المالك/المدير) عمره 65 و كان متقاعد من 15 سنة من أميركا رجع و عمل المكتب بالمعدل كان في 15 موظف أكبر واحد فيهن بعد المدير عمره أقل من 35 و كتير تحت التلاتين يعني صورة عن المجتمع، بس ما بيمنع نقول أنو في ناس أخدتها سكارسة

هلق بتصور موضوع التقاعد مرتبط بمواضيع رئيسية :
- الصحة العامة و رفاه المواطنين
- التركيب العمري للسكان
- طبيعة الاقتصاد، الاستراتيجية الاقتصادية
- مصادر الدخل الفردية المتاحة

Tony 124

31/08/2006, 19:52

المهم تكون عجبتك والله ....:x
:o :o :o :o
:yahoo: :p
لاء اتطمني مريوما عجبتني

handsome

31/08/2006, 20:48

هلق انا من جهتي بايد كلام غزول وبحب ضيف عليه كمان كلام داني..

انو هلق بسوريا كل العالم بس تتقاعد بيصير في عندا لا شغلي ولا عملي . وبيضلو قاعدين بالبيت من ورا راتب التقاعد الي ما بيكفي حق نص الادوية الي بياخدا الزلمي ..
وبعدين انا بعتقد انو نحنا عنا بسب الوضع الاقتصادي العام للبلد بيكون بعد سن التقاعد مع في امل او مستقبل للمتقاعدن الي وقت كانو عما يشتغلو ويانتجو بكل طاقتون ما كانو عما يقبضو شي يكفيون عيشتون مشان يعيشو متل الخلق والعالم ..
لو كان من الاساس لموظف عايش مرتاح ايام الوظيفي وما كا بيوصل لاخرت الشهر وهوي متدين اكتر بمرتين من المعاش الي بدو يقبضو على اولت الشهر ..
ولو كان في عنا نظام ضمان صحي الي الواحد وقت بيكون شب وعما يانتج بشكل كويس وعما يحط قسم صغير من معاشو .. الي ما كتير بدايقو .. بالوقت الي ما بكون كتير محتاج لعناية صحية .. وبس يتقاعد بيكون مامن عحالو انو دفع هادا المبلغ وقت كان عما يقبض وهلق بس خلصت فترة الانتاج بيصير فينو يضل مامن بالمصاري الي دفعا ابل ...

هلق هدول كام شغلة واسا في كتير شغلات لازم تعملة الدولة مشان الموظف الي متقاعد بدال ما يصير عالي عالمجتمع الي قضا عمرو كلو عما يشتغل فيه .. بيصير عمر التقاعد عمر الراحة وعمر شم الهوا .. بس المشكلة انو هادا الوضع اسا بدو كتير تعب ..

واسا بدنا كتير لحتى نشوف موظف سوري متقاعد طالع عشي بلد اجنبي مشان يعمل سياحة بعد ما يكون عمل كل واجباتو وصار وقت المجتمع يردلو الجميل بانو يعطي الراحة الي لازمتوا بالعمر المتقدم شوي ...

بس من ناحية العمر بعتقد انو سن الستين هوي السن الانسب للتقاعد .. لانو وقتا الواحد بيصير كبير بالعمر.. ومع تنطبق افكارو على افكار الشباب الي عما تشتغل معو .. متل موظف هلق عمرو ستين سني .. ما بيعرف يشتغل شي عالكمبيوتر مثلا .. وقاعد عما يشتغل بدائرة معد فيا طاولي بلا كمبيوتر . وكلو صار عما يصير شغل بنك معلومات ومعد حدي عما يستخدم الورق .. هيك موظف بيكون معدو عما يفيد بشي .. وحارم شب قاعد بلا لا شغلي ولا عملي ... فهادا الموظف الي عندو شي تلاتين او اربعين سنيي خدمة .. معد ينفع بهادا المحل بس بيكون اذا اساتو نشيط وصحتو كويس .. بيكون عندو خبر اكبر بكتير بكتير من الشباب لجداد .. مشان هيك بيصي هوي فينو يساوي شي كتير كويس بموقع اتخاز القرارات . مواقع ادارية او رئيس شي شركة ظغنطوطة ...

بس انو كل هالحكي بيضل بس حكي نظري وصعب كتير .. او عالقليلي بدو اسا وقت كتير لحتى يطبق على ارض الواقع .
وانشالله من هلق لوقت ما نتقاعد يكون صار الوضع احسن بشوي من الوضع الحالي ..

ِAbu Alzooz

31/08/2006, 22:21

انو في بعض المهن ما لازم يكون فيها تقاعد
متل دكتور الجامعة لأنو هاد كلما كبر كلما زادت خبرتو
لأنو بيطلع عمرو ستين من جامعة الدولة بصيرخنايق بين الجامعة الخاصة مشانو

ماما منوشه

31/08/2006, 22:39

بأغلب الدول عمر التقاعد عم يكون 60 سنة
بس برأيكن عمر الستين مناسب او لازم يكون ابكر او متأخر اكتر؟؟؟

بما أنو انا مصرية وسن التقاعد عندنا 60 بعد
بس بعد التغيير الوزاري الجديد تم ضم وزير للداخلة عمره 70 سنة:o
الله يعطينا العافية علي هيك وزير :lol:
برأيي ان سن ال50 أو بالكتير 55 بيكون افضل لأن السن 60 عند أغلب العالم بيكون خلاص أنهك وما عاد فيه طاقة ليعطي جديد بوظيفته

شكرا امرأة من ورق على الموضوع

امرأة من ورق

01/09/2006, 05:42

شكرا كتير لدانيتو وهاندسوم وابو وليم ومنوشة

:D :D :D :D

BLaCK SCoRpiON

01/09/2006, 06:07

انا برايي خمسين وزيادة خلي محل للعالم تتوظف وبعدين يعني صار الموظف ماسك وظيفتوا وما بدوا يتركها لغيروا لكتير اسباب

وبعدين يعني من حالي لما بوفت على شي دائرة بيطلعلي واحد عمروا 59 سنة دوبوا عم يسمع ويقرا اي بيكره الواحد عيشتوا لتخلص المعاملة هاد ازا كان الو خلق يعملها لان بيجوز يكون دايق خلقوا كمان وبيقلك انا ما رق على راسي مليون واحد متلك وبيبلش يحكيلك قصة حياتوا كيف كان زكي وفهمان ومحدا قدوا وهوي لساتوا موظف ما تغير من 30 سنة

بقى كمان في شغلة انزكرت يمكن انو هلق صار في كمبيوتر وهيك حركات وتتطور بقى العمروا 60 سنة وما بيقدر يقول كمبيوتر

طبعا انا عم احكي على العموم لان اكيد في حالات الموظف العمروا 60 سنة بيكون قلبوا على الوظيفة والمراجعين

وشكرا للكتب الموضوع :D

hanny dagher

01/09/2006, 06:54

هلأ بالنسبة لهالموضوع عجبني رد هاند سوم وغزول ودانيتو

بس بحب ضيف شغلة بالنسبة للعمر انو مو ضروري نقيدو بعمر ليش ما نقيدو بعدد ساعات محدد
انو مثلا بيشتغل كل حياتو 1200 ساعة مثلا بشكل تقريبي
خلينا نعتبر انو بياخد عشر ليرات راتبو مناخد ليرة منو على كل ساعة ومنخبيلو ياها يعني بعد 1200 ساعة بيكون صار معو 1200 ليرة بعتقد بيكفو لبقية حياتو

هلأ اسلوب الساعات مستخدم هون بامريكا يعني بيقبضو على الساعة وبياخدو الضريبة على المجموع

يعني مثلا انا بشتغل 60 ساعة بالاسبوع بقبض تسعة دولارات كل ساعة يعني بقبض بالاسبوع 540 دولار بس انا عمليا ما بقبض غير 500 في عندي اربعين دولار بيروحو ضريبة هلأ هاي بعد كزا ساعة شغل انا بطلع تقاعد بيجمعولي هالاربعينات اللي اخدوا مني وبيصيرو يدفعولي ياها اربعين خلينا نقول كل شهر هيك بيكفوني عيش بقية حياتي

هلأ هاي الفكرة بتعتمد على اقتصاد الدولة

وهيك هاي الفكرة بجوز ما كتير واضحة بس بحاول اتوسع فيها كتير وبجبلكن خبرا :D

امرأة من ورق

01/09/2006, 11:38

شكرا كتير بلاك سكوربيون وهاني :D

وانا رح يكون الي رجعة طويلة عالموضوع بس لاسمع لسه شوية آراء تانية :D

Willi

01/09/2006, 11:53

انو الشباب ما تركولنا مجال نحكي ولا كلمة

انا بشوف انو السن الانسب هو من ال 60 لل 65
لاني بشوف انو بعمر الستين لسى الشخص بكون صغير (مو شب) بس نوعا ما صغير على القعدة بالبيت
لسى بيطلع معو كتير, وعندو خبرة كبيرة
وبعد ال65 فيني قول انو نوعا ما بكون كبر وصار وقت يرتاح
هلق اللي عم يصير بسوريا انو اغلب الناس اللي عم توصل لسن التقاعد, ما عم يكون عندها شي تعيش عليه
انو اذا اتقاعدو شو بدهون يقعدو يعملو؟؟ مافي شي يعملوه, ومتل ما قالو الشباب, عم يتهمشو.
فمشان هيك عم يتابعو بشغلون, ولو انو يمكن النسبة الاكبر ما عم تكون راضية عن هالشي. بس بقولو احسن ما نموت من الجوع, ونقعد وما نعمل شي.

في شغل كتير لازم تعملو دولتنا مشان المتقاعدين, مشان بس يوصل لعمر التقاعد يترك شغلو وهو مرتاح, ومبسوط انو عمل شي وتعب واشتغل وهلق صار وقت مكافئتو وراحتو.

كمان في شغلة
لازم تصير العالم تتقبل المتقاعدين, يعني عم نشوف انو عالم عم تنظر لهلشخص انو واحد مخرف وصار وقت يموت.
طيب الواحد يحط حالو محل هالشخص بس يتقاعد, بحب تكون نظرة الناس الو هيك؟؟

مشكورة امرأة من ورق على الموضوع الرائع متلك :D

امرأة من ورق

01/09/2006, 12:05

اهلين ويللي وشكرا الك :D

سرسورة

01/09/2006, 13:08

انا بشوف انو طالما الشخص لساتو قادر على العطاء بشكل جيد و منيح و صحتو لساتا منيحة....منيحة مو يعني انو عم يسكج حالو تسكيج ف ما بالضرورة يقاعدو ع ال60
يعني في ناس بتكون صار عندا خبرات كتييير عالية بتقدرمن خلالا تفيد ناس كتييير وبتكون لساتا قادرة ع العطاء....و في ناس بتكون بعمر ال60 بذروة العطاء متل ما في ناس كتيير بعمر ال 40 بتكون مهرهرة و مالا قدرة ترفع ايد عن اجر...يعني انا بشوف انو شغلة التقاعد لازم تكون نسبية....وخصوصي انو نحنا عنا بسورية في شغلة كتييير متفشية و هي انو الزلمة بس يصير عمرو 57 أو 58 و يعرف انو باقيلو سنتين او تلاتة ليتقاعد بتلاقي الهم ركبو و بلش يحضر حالو نفسيا لقعدة البيت و بيكبر بهالسنتين شي 10 سنين....و هون مافي مجال غالبا انو يشتغل شغل تاني بعد التقاعد.....يعني باميركا مثلا بيتقاعد الواحد ع ال50 بس بعدا بيقدر يشتغل مية شغلة و عملة....بينما هون شو بدو يشتغل هالزلمة؟؟
و شكرا امرأة للموضوع الحلو :D :D

Willi

01/09/2006, 13:15

وخصوصي انو نحنا عنا بسورية في شغلة كتييير متفشية و هي انو الزلمة بس يصير عمرو 57 أو 58 و يعرف انو باقيلو سنتين او تلاتة ليتقاعد بتلاقي الهم ركبو و بلش يحضر حالو نفسيا لقعدة البيت و بيكبر بهالسنتين شي 10 سنين....و هون مافي مجال غالبا انو يشتغل شغل تاني بعد التقاعد.....

هون بقا بيجي دور انو لازم يكون عندو راتب تقاعدي محترم
ولازم يكون في نشاطات بيقدر يشترك فيها
يعني لازم يكون في الو مكافئة على التعب اللي تعبو خلال حياتو

لما تصير هالاشياء موجودة ببطل بيكبر 10 سنين زيادة لما بدو يتقاعد

سرسورة

01/09/2006, 13:19

هون بقا بيجي دور انو لازم يكون عندو راتب تقاعدي محترم
ولازم يكون في نشاطات بيقدر يشترك فيها
يعني لازم يكون في الو مكافئة على التعب اللي تعبو خلال حياتو

لما تصير هالاشياء موجودة ببطل بيكبر 10 سنين زيادة لما بدو يتقاعد
هون كل شي بياخدو بعد التقاعد هو هال 3000 ليرة و كل نشاطاتو بتكون انو ينزل يقعد بالقهوة و يلعب طاولة................و كل يوم بينهم اكتر و اكتر..........

Nirvana

01/09/2006, 13:21

لكن اذا أخدنا الموضوع على أساس معدل حياة الانسان صاير 65 - 70 ..
وعلى أساس أنو الواحد بقضي حياتو بس شغل لحتى يوصل التقاعد ..

فعندي نظرية انو يخفضو سن التقاعد مشان هالبني آدم يعيشلو يومين قبل ما يموت .. ويعطو فرص للشباب الصغار بالشغل.

هي صحيح هالنظرية نص كم .. بس صدقوني فيها وجهة نظر .

سرسورة

01/09/2006, 13:35

لكن اذا أخدنا الموضوع على أساس معدل حياة الانسان صاير 65 - 70 ..
وعلى أساس أنو الواحد بقضي حياتو بس شغل لحتى يوصل التقاعد ..

فعندي نظرية انو يخفضو سن التقاعد مشان هالبني آدم يعيشلو يومين قبل ما يموت .. ويعطو فرص للشباب الصغار بالشغل.

هي صحيح هالنظرية نص كم .. بس صدقوني فيها وجهة نظر .
هي النظرية مظبوط فيا و جهة نظر بس صدقيني هالحكي مزبوط كتييير انو يتطبق برات سوريا.....
لانو الناس برا بتلاقيون بيعملو كل مشاريعون و سفراتون و روحاتون و جياتون بعد ما يتقاعدوا.....بتلاقيون عاملين كروبات و عم يدوروا الدنييي.....بدون يعيشوا هلانا كام بوم اللي بقيانيلون بالبسط و الرواق....بتتطلعي ع وجه الواحد مننون بيكون عمرو 80 سنة و مبين عليه اصغر بعشرين سنة......
بينما هون صدقيني الواحد مننون بيفضل يضل عم يشتغل لحتى يموت لانو هادا هو البسط بالنسبة لالو...و طبعا انا عم احكي عن النماذج اللي شايفتون بحياتي و لكل قاعدة استثناء طبعا....

Willi

01/09/2006, 13:38

هون كل شي بياخدو بعد التقاعد هو هال 3000 ليرة و كل نشاطاتو بتكون انو ينزل يقعد بالقهوة و يلعب طاولة................و كل يوم بينهم اكتر و اكتر..........

ما انا قلت انو "لازم" يكون في...............
ما قلت انو في ;-)

لكن اذا أخدنا الموضوع على أساس معدل حياة الانسان صاير 65 - 70 ..
65 ل 70 :shock:
مستحيل

هلق هاد بيفرق من بلد لبلد
بس بسوريا بظن انو فوق ال 70 بمنيح

سرسورة

01/09/2006, 13:49

ما انا قلت انو "لازم" يكون في...............
ما قلت انو في ;-)

بعرف بعرف;-) و انا معك انو لازم يكون في..........بس ايمت يا ترى؟؟؟؟؟؟؟

Gazita

01/09/2006, 14:11

اول شي بتشكرك يا امرأة من ورق على الموضوع الرائع
بخصوص سن التقاعد فانا بشوف السن الانسب ببلادنا العربية وخصوصا بلدي المغرب هوي سن 60.بما انو معدل امد الحياة في بلدنا ما بيتعدى 70سنة.بس المشكل اللي لسى مطروح هو ان المتقاعد العربي ما بيلاقي شي يشغلو ويستفيد منو :pos: :cry:
عكس المتقاعد الغربي اللي بفضل دخلو اللي بيوفر لو حاجياتو لحتى يصير من المدخرين.بيفكر بالهجرة والعيش ببلاد تانية بيكون فيها مستوى الاسعار كتير متدني بالمقارنة مع الدول الاوربية وامريكا.وبيعتبر هالنقلة اللي فيها سن البداية بالنسبة الو.وفيها راح يعوض كل شي فاتو قبل التقاعد.
كما هو الحال بالنسبة لكتير سياح عندنا واللي عمرهم بيتراوح بين 65 وما فوق.
ميرسي مرة تانية:D :D :D

marioma alghzayala

01/09/2006, 15:29

بس للصراحة حلوة وملعوبة

لاء اتطمني مريوما عجبتني

:pos: :pos:

Reemi

01/09/2006, 16:56

انا مع فكرة الضمان الاجتماعي (ملحوظة ما بعرف اذا في منه بسوريا)...
مثلا كتير منيح انا شايفته تقاعد ال 60..لانه بعد الستين الصحة بتصير ع قدها واحيانا العقل والاستيعاب...
هلق مشان ما يصير الحكي الي قالوه الشباب...متل غزول..مثلا....
انا مع الضمان يعني..انا هلا عمري 20(العم كله يا رب احم احم)...بدي سجل بالضمان الاجتماعي..بدفعلهن مصاري كل شهر على مدار عشرين سنة...يعني شقد بكون صار عمري..40 ايووووه مزبوط...يعني بعد ال40 بتصير الدولة بتعطيني راتب...مدى الحياة..ع قد ما انا عطيتها مصاري...طبعا هيدا النوع الي انا حفوت فيه بالضمان غير تاع الموظفين...يعني بهيك انا ع الاربعين بكون عندي راتب الضمان وبكون عندي راتب الشغل...وبعد عشرين سنة بتقاعد .. وبصير عندي الراتبين :lol:
هلا هون شو بده يصير يا اما بصير انهزامية ومتشأمة وبقعد باخد هالمصاري وبصرف بصير مش بالمجتمع متل ما قات (طنط غوغ) يا اما..بوظف هالمصاري لصالحي....وببلش الحياة من اول وجديد وبشكل جديد ..نيو لوك 8)

Nirvana

01/09/2006, 20:37

انا مع فكرة الضمان الاجتماعي (ملحوظة ما بعرف اذا في منه بسوريا)...
مثلا كتير منيح انا شايفته تقاعد ال 60..لانه بعد الستين الصحة بتصير ع قدها واحيانا العقل والاستيعاب...
هلق مشان ما يصير الحكي الي قالوه الشباب...متل غزول..مثلا....
انا مع الضمان يعني..انا هلا عمري 20(العم كله يا رب احم احم)...بدي سجل بالضمان الاجتماعي..بدفعلهن مصاري كل شهر على مدار عشرين سنة...يعني شقد بكون صار عمري..40 ايووووه مزبوط...يعني بعد ال40 بتصير الدولة بتعطيني راتب...مدى الحياة..ع قد ما انا عطيتها مصاري...طبعا هيدا النوع الي انا حفوت فيه بالضمان غير تاع الموظفين...يعني بهيك انا ع الاربعين بكون عندي راتب الضمان وبكون عندي راتب الشغل...وبعد عشرين سنة بتقاعد .. وبصير عندي الراتبين :lol:
هلا هون شو بده يصير يا اما بصير انهزامية ومتشأمة وبقعد باخد هالمصاري وبصرف بصير مش بالمجتمع متل ما قات (طنط غوغ) يا اما..بوظف هالمصاري لصالحي....وببلش الحياة من اول وجديد وبشكل جديد ..نيو لوك 8)

فكرة الضمان الاجتماعي كتير منيحة ..

بس اذا أخدت تقاعد مبكر من الضمان واشتغلت بتكوني خالفتي القانون .. إلا بحالة التقاعد العادي اللي على السن القانوني وقتها بحقلك تشتغلي بس وقتها .. بنكون ختيرنا ..

Nirvana

01/09/2006, 22:00

65 ل 70 :shock:
مستحيل

هلق هاد بيفرق من بلد لبلد
بس بسوريا بظن انو فوق ال 70 بمنيح

يعني انا ما بعرف قديه بالضبط .. بس انا هيك شايفة عنا ..

Reemi

01/09/2006, 23:07

فكرة الضمان الاجتماعي كتير منيحة ..

بس اذا أخدت تقاعد مبكر من الضمان واشتغلت بتكوني خالفتي القانون .. إلا بحالة التقاعد العادي اللي على السن القانوني وقتها بحقلك تشتغلي بس وقتها .. بنكون ختيرنا ..
:p نو نو انا بدي اخد ضمان اختياري... وبدفع 20 سنة فعليه بالضمان... وهيك بصير اخده...هلق لبعدين..انا رايحه ع سوريا وبدي عيش هنيك(ان شاء الله)...يعني بشتغل وباخد راتب وضمان هون وهنيك 8)

سرسورة

02/09/2006, 03:02

:p نو نو انا بدي اخد ضمان اختياري... وبدفع 20 سنة فعليه بالضمان... وهيك بصير اخده...هلق لبعدين..انا رايحه ع سوريا وبدي عيش هنيك(ان شاء الله)...يعني بشتغل وباخد راتب وضمان هون وهنيك 8)
يا سلام...يا هيك التفكير يابلا;-) والله أحسن فكرة هي فكرتك يا ريم;-) :D

Abu ToNi

02/09/2006, 13:22

:x :jakoush: :pos:
بدل ماتشكرو مريومة عالفكرة الحلوة اللي عطتها

بس للصراحة حلوة وملعوبة :oops:

سمعتي مرام

يعني بالآخر لا يصح الا الصحيح :D :yahoo:

Abu ToNi

02/09/2006, 13:24

شكرا كتير عالمرور:D

انت اشرت لنقطة كتير مهمة وهيي اللي كانت ببالي لما طرحت الموضوع انو المتقاعد لما بيتقاعد بيعطي فرصة لغيرو من الشباب اللي عم يدورو على شغل...... بس كمان فكرة انو الواحد بس كبر نعتبرو صار بلا فائدة هي فكرة قاسية كتير وخصوصا اذا كان لسه قادر عالعطاء..... والي رجعة على هي النقطة بعدين بس لاسمع رأي الشباب والصبايا الباقيين

أنا ما كان قصدي انه يتقاعد ويقعد بالبيت يستنى فرج ربّه

أكيد كل شخص في العالم في عنده هواية وأنا برأي ما في اي مشكلة اذا شخص ما صار عمره 60 والتفت لهواياته وبنفس الوقت بيترك محله لشب عبدور لفرص عمل ليبدا حياته

واذا ما في عنده هواية خلّيه يعمر اركيلة مع كاسة متّة ويدعي لي :lol:

ghazool

02/09/2006, 16:04

انا مع فكرة الضمان الاجتماعي (ملحوظة ما بعرف اذا في منه بسوريا)...
.. لأ مـافي طبعـاً :? ..
هلق مشان ما يصير الحكي الي قالوه الشباب...متل غزول..مثلا....
8)
هلا هون شو بده يصير يا اما بصير انهزامية ومتشأمة وبقعد باخد هالمصاري وبصرف بصير مش بالمجتمع متل ما قات (طنط غوغ) يا اما..بوظف هالمصاري لصالحي....وببلش الحياة من اول وجديد وبشكل جديد ..نيو لوك 8)
ياعيني عليكي ،، هادا حكي الناس الفهمانة اللي عم تفكر لبعـيد ( متلي يعني )،،
بس مو بدك بالأول يكون في هيك مؤسسـات بتعمل ضمان اجتماعي بدون لا سرقة و لاتحايل بحيث تأمنلك مستقبل جيـد و تعطيكي حرية الاختيار ،، :? :shock: ،،

Nirvana

02/09/2006, 16:09

:p نو نو انا بدي اخد ضمان اختياري... وبدفع 20 سنة فعليه بالضمان... وهيك بصير اخده...هلق لبعدين..انا رايحه ع سوريا وبدي عيش هنيك(ان شاء الله)...يعني بشتغل وباخد راتب وضمان هون وهنيك 8)

برافو عليكي .. مزبطة الامور تمام ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ابراهيم الندم

02/09/2006, 16:15

والله ...

حسب !!!

Reemi

02/09/2006, 16:16

.. لأ مـافي طبعـاً :? ..

8)

ياعيني عليكي ،، هادا حكي الناس الفهمانة اللي عم تفكر لبعـيد ( متلي يعني )،،
بس مو بدك بالأول يكون في هيك مؤسسـات بتعمل ضمان اجتماعي بدون لا سرقة و لاتحايل بحيث تأمنلك مستقبل جيـد و تعطيكي حرية الاختيار ،، :? :shock: ،،
كيف ما في ضمان....؟؟؟؟
انا سالت امي وقالتلي اي فيي بسوريا ضمان :?

برافو عليكي .. مزبطة الامور تمام
بدنا نعيش 8)

gabo

02/09/2006, 16:17

والله على حسب الواسطة

Reemi

02/09/2006, 16:19

والله على حسب الواسطة
اهااااااا هيك لكن...حتى الضمان صار فيي واسطة..:cry:
بس محلولة...8)

Nirvana

02/09/2006, 16:24

اهااااااا هيك لكن...حتى الضمان صار فيي واسطة..:cry:
بس محلولة...8)

هاي يا ست ريمي شغلة منيحة بالأردن .. :D

ضمان بدون واسطات .. :lol:

Reemi

02/09/2006, 16:25

هاي يا ست ريمي شغلة منيحة بالأردن .. :D

ضمان بدون واسطات .. :lol:
ههههههههههه كتير منيح..:yahoo: .يالله بيطلعوا معاهن معاهن :lol:

:D

TheLight

02/09/2006, 16:26

ضمان شو؟؟؟

يعني حددولنا بالظبط شو هو الضمان؟؟

بس بالعودة ع الموضوع الاساسي انارأيي انو سن التقاعد حرام يكون قبل السبعين بس ممكن يكون نجديد العقد بشكل سنوي ابتداءا من الستين منشان تقييم الحالة الجسدية والعقلية

بس قبل الستين اكيد حرام كتير

ghazool

02/09/2006, 16:27

كيف ما في ضمان....؟؟؟؟
انا سالت امي وقالتلي اي فيي بسوريا ضمان :?

المشكلة مو بوجود الضمان او عدمه ،، المشكلة قديش ح يعطوكي تقاعدية بعديييييييييييييين !!
فهمتي ;-) ؟