موضوع الجنة موضوع اساسي ومشار له تفصيلا بجميع العقائد .. من مسيحية واسالامية ويهودية لهندوسية و بورزية وغيرها ...
في المسيحية بطريقة او باخرى تعتقد معظم الطوائف بان مفهوم الجنة هو القرب من الله اما جهنم فالبعد عنه اي ان المسيحي الصالح حينما ينتقل بالموت الارضي عن هذه الدنيا الى الجنة سيكون بقرب الله وهذا بحسب العقيدة منتهى السعادة ..
هون بعتقد الموضوع عامة صعب التخيل بشكل بشري .. انو شو يعني .. وكيف يعني حكون قريب من الله و كون سعيد وهذى منتهى السعادة بالنسبة لي !!

بالاسلام الموضوع واضح اكتر .. في اياة كثيرة في القران حول الجنة وشرح ووصف لمكوناتها ..
من حور العين الى انهر العسل والبن .. متل ما بتزكر.. الخ ..

بالبوزية .. او البوزيين التبتيين يعتقدو بالتقمص .. والجنة العظمى لاسمى البوزيين بالتحاد بالبراهما .. اي التوحد مع الالهة .. تقريبا الموضوع قريب من المسحية بعتقد .. يعني بالمسيحي القرب من الله والبوزية توحد مع الله .. يعني شي مشابه

هلق بفلم من الافلام لا بزكر اسمو ولا بزكر ايمت شفتو كان في فكرة عن الجنة بالعودة لاسعد اللحظات ....

انا كتير عجبتني الفكرة .. وبتنمى انو اتكون جنتى هيك ..
الفكرة تفصيلا انو الشخص لما يموت ويدخل الجنة بيعود للحظات الرهيبة السعيدة جدا (اجمل لحظات حياته) وبيوقف بهذه اللحظات الي الابد .. اتخيل .. شغلي رهيبة .. انا كتير عجبتني الفكرة اتخيل لحظة نجاحك بتفوق .. تخرجك .. اول مرة بتمسك ايد حبيبتك ولا اول مرة بتعضها .. يعني اي شي رهيب بالنسبة الك .. واتخيل انك ترجع لهذه الحظات وتسكن فيها الي الابددددددددددددد
تحفة !!

انا بعتقد انو كل الجنان موجودي وكل شخص رح يفوت للجني الي بيتمناها او جهنم اي بيخشاها ..
المسلم الصالح الي بيعتقد بالجنة المرسومة بالقران فعلا لما بموت حيدخل هذه الجنة بحسب ايمانه
والمسيحي الصالح كذلك حيكون بقرب الله
والبوزي الصالح حيتوحد بالبراهما ..
والملحد الذي لا يومن باي جنة لن يجد اي جنة ولا اي شي ..
وهيك .. يعني بعتقد الشخص بالنهاية حيكون بحسب ايمانو وقناعتو وعقيدتو حول الموضوع

شو راي الشباب بالجنة .. وكيف بتحبو يكون جنتكون لو خيروكون ..!!
:!:
HUS

مرحبا

موضوع حلو كتير و انا مرت فترة فكرت كتير بموضوع الجنة... و كنت حس انو يمكن تكون الجنة فعلا عبارة عن امتداد نهائي لاسعد لحظات الحياة... بس بدون ملل

عندي تعليق على جنة الملحد

نحنا كلياتنا أكيد فكرنا مرات عديدة عن هل الكون... كيف انوجد... و ليش نحنا عايشين.. شو السبب انو نحنا هون هلق عم نحكي و نتقاتل و ندرس و نشتغل... و من وين اجت روحنا و وين رح تروح

هل اسئلة هاي كلها الدين بيعطيك اجابات بسيطة عليها هوي انو في الله خلق العالم بسبع ايام و بكرا بس رح نموت بعد عمر طويل.. منروح يا عل جنة يا عل نار

بس انا شخصيا هيك جواب ما كتير بيشبع فضولي... و الملحد بيتقدم خطوة لقدام و بيرفض الجواب الديني البسيط,,, و بيحاول يكتشف اسرار الكون.. و الغاية من هل حياة

و بما أن هدف المؤمن دخول الجنة المرسومة له.. كمان هدف الملحد اكتشاف سر الحياة المدهش... و بعتقد انو الملحد بس يموت... يمكن يقدر يتوصل لهل الجواب... يعني انا بحس الموت هو ذروة هل حياة... ليس مجرد انقضاء الحياة... بل على العكس... بحس الموت شء رهيب فعلا... يعني انتقال الانسان من عالم الجهل و المرض... لعالم اخر... انو هل الروح يلي بداخلي.. وين بدها تروح بعدين.... فهمنا انو الخلايا رح تموت لاسباب صارت معروفة... بس الروح... ما فينا ننكر وجود شيء غير فيزيائي بداخل الانسان... هاد وين بيروح.. و هاي هي المعرفة يلي رح يحصل عليها الملحد كمان... يمكن يكون الجواب... ما بتروح لمحل!! و هل جواب رح يكون شافي و مريح... عل اقل احسن من كلمة ما بعرف!

و أنا برأيي انو هيك معرفة... مذهلة جدا جدا و غير قابلة للوصف... يعني معرفة بتعطيك سر الحياة كلها ... و هي بنظري رح تستمر متعتها اكتر بكتير من متعة جنة المسيحي او البوذي الروحية.. او جنة المسلم الحسية....

يعني اد ما كانت المتعة رهيبة بجنة المسيحيين او غيرهم... بضل بحس انو في وجود للملل... بينما... لما تحصل على سر رهيب.. و تنفتح قدامك كل ابواب الكون... و تعرف كيف الكون بلش.. و لوين رايح... و تعرف كل صغيرة و كبيرة... يعني ما بتخيل انو في نهاية لهيك متعة

جو

انا بعتقد شوي انو الروح الي فينا اهدانا اياها الله .. (هديي من الله)
ولما انموت لو كان حنطلع لعند الله يعني كأنو الله عم يسترد هديتو .. - طبعا اوسترداد الهدية مانو من شيم الكرااام :wink: -
بقا غالبا غالبا ما حنطلع لعند الله ما حلوي يعني
تقريبا لشي محل تاني

((((كمان هدف الملحد اكتشاف سر الحياة المدهش... و بعتقد انو الملحد بس يموت... يمكن يقدر يتوصل لهل الجواب... ))))

ها الحكي حلو يا حبيب .....
يا ريت الانسان يقدر يوصل لكل الاجوبة , يعني مزبوط حكيك , شو اسا بدنا من الحياة اذا كننا بنعرف كل شي

بس من وجهة نظري المتواضعة فالمؤمن بينتقل من الشك لليقين عبر التساؤل او التفكير بس الملحد بينتقل من الشك الى الشك المطلق

على كلن لو كان في جنة يعني و كنت رح ادخل عليها ( مستبعد) فبتمنى انو تكون متل ما مذكورة بالقران :angel:

يعني كييييف على الاخر

(( و اصحاب اليمين ما اصحاب اليمين , على صرر موضونة , متكئين عليها متقابلين , لا ينزفون عنها ولا يصدعون , و غلمان مخلدون , بأباريق و كاس من معين , و فاكهة كثيرة , لا مقطوعة و لا ممنوعة , و حور عين , كأمثال اللؤلؤ المكنون , جزاء بما كانوا يعملون )) ........ سورة الواقعة ( انشالله ما كون مخربط بشي كلمة )

يعني الحياة اللي بحبا انا تنبلة و اكل و شرب و :angel: حريم :angel:


و اسلموا لجناتكم


ديموزي :D

(( و اصحاب اليمين ما اصحاب اليمين , على صرر موضونة , متكئين عليها متقابلين , لا ينزفون عنها ولا يصدعون , و غلمان مخلدون , بأباريق و كاس من معين , و فاكهة كثيرة , لا مقطوعة و لا ممنوعة , و حور عين , كأمثال اللؤلؤ المكنون , جزاء بما كانوا يعملون )) ........ سورة الواقعة ( انشالله ما كون مخربط بشي كلمة )


ديموزي :D

انت خربطت بالآية كلها :
الآية الصحيحة : من سورة الواقعة
(فأصحاب الميمنة ما أصحاب الميمنة * وأصحاب المشئمة ما أصحاب المشئمة * والسابقون السابقون * أولئك المقربون * في جنات النعيم * ثلة من الأولين * وقليل من الآخرين * على سرر موضونة * متكئين عليها متقابلين * يطوف عليهم ولدان مخلدون * بأكواب وأباريق وكأس من معين * لا يصدعون عنها ولا ينزفون * .... ) 8- ... سورة الواقعة
على كل حال هذا هو وصف مختصر للجنة في القرآن الكريم .... أرجو تصحيح مشاركة الصديق ديموزي أو اعتماد المشاركة الحالية للآية القرآنية الكريمة .
تحياتي للجميع .....

انا رأيي انو احسن شي الواحد يسدق شو مكتوب بدون ما يفكر ولا يوجع راصو
لانو ما مشكلة كلون بيقولو انو في جنة وفي نار واذا الناس عملو منيح بيروحو على الجنة والجنة احلى من النار بقا خلص ما دام الواحد عم يعمل منيح شو فارق معو انو شو شكل الجنة اذا فيها حور عين ولا ما فيها حدا

يا حياتي .............. :angel: بلش نكش الدفاتر العتيقة :angel:

:P

انا رأيي انو احسن شي الواحد يسدق شو مكتوب بدون ما يفكر ولا يوجع راصو
لانو ما مشكلة كلون بيقولو انو في جنة وفي نار واذا الناس عملو منيح بيروحو على الجنة والجنة احلى من النار بقا خلص ما دام الواحد عم يعمل منيح شو فارق معو انو شو شكل الجنة اذا فيها حور عين ولا ما فيها حدا
يا عيني أديش رايق :lol: :D

برأيي أنو الجنة بتبدا من الأرض و بتكمل مع الله وكتير من المرات الي بكون فيها مع أشخاص بحبوني أو بالطبيعة بحس إني بالجنة
و طالما أنو الله محبة بمفهومي ما بعتقد أنو في يوم للحساب ولا بعتقد أنو في جهنم
يمكن كل دين بوصف الجنة شكل بس أنا أومن أنو الله هو نفسو لكل الناس حتى اللي مالون دين و الجنة هي لكل الناس بغض النظر مين
لأنو بالمحبة ما في حسابات ولا دفاتر

برأيي أنو الجنة بتبدا من الأرض و بتكمل مع الله وكتير من المرات الي بكون فيها مع أشخاص بحبوني أو بالطبيعة بحس إني بالجنة
و طالما أنو الله محبة بمفهومي ما بعتقد أنو في يوم للحساب ولا بعتقد أنو في جهنم
لأنو بالمحبة ما في حسابات ولا دفاتر
والله كلام حلو بس أنت قلت وقت بتكوني مع أشخاص ببتعاملي معن بمحبة بتحسي أنك بالجنة فا وقت ما بتكوني عم تتعاملي معن بمحبة بتكوني بالنار صحح :angel:

إلى الامام