بين حانا ومانا.... ضاعت لحانا [الأرشيـــــف] - صفحة 2

Reemi

08/09/2006, 15:51

قديش عمرك لكن؟؟؟
تشبيه يعدمني اياك.:pos: .يعني ما صار شب.. :jakoush: بس لما بكون عمره شهر بنقلها ما شاء الله رح يصير شب :lol:

Government

08/09/2006, 15:57

هي ياسيدي نحن لما قررنا نطلع على الغرية نحن والعيلة مشان ((نأمن مستقبلنا))

كنا مقررين وعازمين انو بدنا نروح 3 سنين بس ونرجع
ومابزيدو عن التلت سنين ولا يوم

وعدو هالتلت سنين
وجا يوم تجديد الأقامة قلنا خلينا نمدد تلت سنين تانيات مارح يصير شي بس تلت سنين مابزيدو ولا يوم
وخلصو هالتلت سنين التانيات واجا يوم تجديد الأقامة
قلنا كمان خلينا نمدد تلت سنين تانيات مامنخسر شي تلت سنين مابزيدو ولا يوم

وهيييييييييييييييك شطحت معنا هالشغلة 9 سنين ((وشكلو في تلت سنين عالطريق كمااان)) :lol: :lol:

وطبعا في متلنا الشغلة شطحة معن 15 و20 سنة

والله بعين

:D :D :D

Nirvana

08/09/2006, 18:07

لك هي مو حيالله سيجارة ......... هي لعمى غير شكل

قوليلو العمى العمى .. بطلت العالم تميز ..

Nirvana

08/09/2006, 18:10

ما لحقت عدل المشاركة الاولى ..

كنت بدي قول انو الدنيا كلها صايرة متل كانو الواحد جايها زيارة .. بيقعد شوي وبروح .

Reemi

08/09/2006, 18:16

ما لحقت عدل المشاركة الاولى ..

كنت بدي قول انو الدنيا كلها صايرة متل كانو الواحد جايها زيارة .. بيقعد شوي وبروح .
اي كلها...بنفوت من باب وبنطلع من باب
منه واله نعود (التراب)

امرأة من ورق

12/09/2006, 07:08

يا جماعة انا بدي احكيلكن عن تجربتي مع الغربة
وانا فيني قول اني عشت تلات انواع من الغربة
الغربة والبعد عن العيلة الكبيرة
الغربة مع الاهل عن الوطن
الغربة عن الاهل والوطن

غربتي الاولى انو انا واهلي عايشين بعاد عن بلدتي يللي بحبها وبعشق ترابها مع اني مو مقضي فيها الا شي بسيط كتير من حياتي وبنتيجة هالبعد كنت دائما حس حالي بعيد عن عيلتنا الكبيرة..قرايبيني واولاد عمومتي وخوالي وخالاتي وكنت حس دائما انو في شي بيفصلنا وهو البعد يعني كنت بغربة بمدينة كبيرة بعيد عن ضيعتي بحجارها وبيوتها وناسها
غربتي التانية كانت بعمر صغير,بفترة الطفولة بين عم ال 7 وال 11 ويللي هي من احلى مراحل الطفولة بس انا للاسف كنت بعيد فيها عن بلدي سوريا لمدة خمس سنين متواصلة وهي انا شخصيا بعتبرها من اكتر الامور السلبية يللي اثرت ع شخصيتي انو ربيت بعيد عن عيلتي الكبيرة ورفقاتي واولاد بلدي وتراب وحارة وحيطان بلدي
العربة التالتة هي الغربة الحالية بعيد عن وطني وابي وامي واخي...بعيد عن كل الناس يللي حبيتهن...عن جدي وستي..عن ختايرة ضيعتنا,,عن حارات الشام يللي ربيت فيها...عن هموم الناس...بس مع هاد كلو بحس انها الغربة الاقل قسوة يللي تعرضلتها بحياتي
بكتئب احيانا مو لاني بعيد عن بلدي او لاني بعيد عن ابي وامي بس...بكتئب احيانا لاني بكره طموحي يللي خلاني اختار هيك خيار لا رجعة عنو لاني مقتنع فيه...بس بكرهو لانو عم يحرمني كون متل بقية العالم يللي عايشين ببلدهم مع اهلهم وناسهم ومحبتهم
بخاف ضل متغرب بس بخاف ارجع
وضايعة الطاسة
وماحدا عرفان شي من شي
والله يصبرنا ويعيننا
واحيانا بقول يا ريتني ما تعلمت واشتغلت حلاق او حداد او لحام وضليت بسوريا

وليييييييييييي عليك وعليي وعلينا كلنا :cry:
بيصير عندي دايما الاكتئاب نفسو اللي بيصير معك :cry:

تحياتي الك :D

امرأة من ورق

12/09/2006, 07:19

ع الوجع..ع الوتر الحساس.. ع اي شي بدك اياها..بس هيدا الشي الي بيضرب صح....!

بدك نقول عن غربتنا...ليش عم تفتقي الجروحات شو عامليلنك نحنا....
اول ما بلشت الموضوع بكيت ومع كل رد ورد ابكي اكتر(بس بنفس الوقت ارتاح لانه مو لحالي الي عم حس بهيدا الشعور)...
لنفوت بالغربة...
مرة قلتلك اني بتمنى .. ما انزل ع سوريا ولا ارجع ولا روح زيارة من هووووون لتخلص كل الدراسة والشغل....
يعني هيك صرت اتمى بالفترة الاخيرة...صرت بدي بس بعد وقت الاجازة وادفشها لقدام..يمكن شعور بالخوف الي رح واحهه يمكن لانه النزلة بالاجازة صارت عم اتعبني اكتر ما بتريحني...
كل مرة بروح فيها ع ضيعتنا بلاقي بيت جديد مبني... بسال لمين هاد...بقلولي لك مو ابن فلان تزوج فلانه اي وبنوا بيت وقعدوا هون.... وانا شو بيطلع مني بهيك حاله غير قول مبروك...
بالنزلة القبل الاخيرة .. اخدت هدية لاعز بنت ع قلبي بالعيلة ..(بنت بنت خال : اسمها ريمي الصغيرة).. طلعت البلوزة ديقا عليها.. لاني زمان ما شفتها وانا اخدتها ع هداك المقاس... رجعت باخر نزلة اخدتلها بلوزة تانية .. طلعت كتير كبيرة... طبعا هاد التفصيل الصغير بخليك توقف عندو العمر.... اخر مرة رحت ع سوريا كانت بنت خالي حامل... رجعت ع سوريا لقيت ابنها ما شاء الله رح يصير شب ويحب كمان ... عم بتمر الايام والعمر والسنين وانا قاعده اتفرج....
توفى جدي وما قدرت شوفوا ولا حتى احضر الدفن... وصلت لقيتهن بالبيت ... وفاتحين العزا وكل شي...
بتيجي بكالوريا وبتروح بكالوريا وبتطلع نتيجة التاسع وبتطلع العامة وانا بروح عليي موسم المباركات وما الى اخره...
بروح ع بيتنا بوصل ... بحس اني لازم اكتشف الضيعه من اول وجديد... بكونوا عم يحكوا عن ناس انا ما بعرفهن .. وبتكون انا معلوماتي قديمة وقديمة كتير....

هيدا الشي بمر عليي دايما...يعني انا طلعلي ادب انكليزي بتشرين...ليش كبرت معلاق وتغربت مشان ادرس كمبوتر ما بعرف :pos:
طولت عليكن... فيني احكي لبكرا ...
حاجة اليوم ;-) :cry:

اسفة اذا كنت زعلتكون بهاد الموضوع :D
بس مابعرف ليش بحس انو كل او اغلب المتغربين عندون نفس الوجع وبحس انو اذا بنتشاركوا بنفش خلقنا وبنرتاح شوي
وفعلا اللي حكيتيه بيشبه الاشياء اللي عم تصير معي كتير :cry:

امرأة من ورق

12/09/2006, 07:23

هي ياسيدي نحن لما قررنا نطلع على الغرية نحن والعيلة مشان ((نأمن مستقبلنا))

كنا مقررين وعازمين انو بدنا نروح 3 سنين بس ونرجع
ومابزيدو عن التلت سنين ولا يوم

وعدو هالتلت سنين
وجا يوم تجديد الأقامة قلنا خلينا نمدد تلت سنين تانيات مارح يصير شي بس تلت سنين مابزيدو ولا يوم
وخلصو هالتلت سنين التانيات واجا يوم تجديد الأقامة
قلنا كمان خلينا نمدد تلت سنين تانيات مامنخسر شي تلت سنين مابزيدو ولا يوم

وهيييييييييييييييك شطحت معنا هالشغلة 9 سنين ((وشكلو في تلت سنين عالطريق كمااان)) :lol: :lol:

وطبعا في متلنا الشغلة شطحة معن 15 و20 سنة

والله بعين

:D :D :D

اييييييييييييييييييه
الله بيعين :D

امرأة من ورق

12/09/2006, 07:25

لك هي مو حيالله سيجارة ......... هي لعمى غير شكل

انو حرام عليكن :cry:

حدا يتحنن عليي بشي شفطة :cry:

امرأة من ورق

12/09/2006, 07:28

كنت بدي قول انو الدنيا كلها صايرة متل كانو الواحد جايها زيارة .. بيقعد شوي وبروح .

:( :cry: :(

بكره الروحة :cry:

Reemi

12/09/2006, 09:36

اسفة اذا كنت زعلتكون بهاد الموضوع :D
بس مابعرف ليش بحس انو كل او اغلب المتغربين عندون نفس الوجع وبحس انو اذا بنتشاركوا بنفش خلقنا وبنرتاح شوي
وفعلا اللي حكيتيه بيشبه الاشياء اللي عم تصير معي كتير :cry:
كل بالهوى سوى....
:D

Nirvana

12/09/2006, 14:24

انو حرام عليكن :cry:

حدا يتحنن عليي بشي شفطة :cry:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// .. مو شفطة بس..

Nirvana

12/09/2006, 14:25

:( :cry: :(

بكره الروحة :cry:

وانا بكرها وبخاف منها كمان ..

امرأة من ورق

12/09/2006, 14:30

كل بالهوى سوى....
:D

:cry: :cry: :cry:

هاد هوا شمالي مدري غربي مدري شرقي..... هوي في واحد منون تبع فراق وحزن بقى بيكون هاد هوي :o

امرأة من ورق

12/09/2006, 14:33

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// .. مو شفطة بس..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ايييييييييييييييييه
وبما انو البحر اصفر والسما زهرية والارض زرقا..... فالحياة حلوة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

rayan

12/09/2006, 17:37

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ايييييييييييييييييه
وبما انو البحر اصفر والسما زهرية والارض زرقا..... فالحياة حلوة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ههههههههههههههههههههههههه ههههههههههههههههههههههههه ههههههههههههه
نسيتي تحكي وبما انو الناس نفسياتا حامضة فاكيد الدني حلوة :cry:

فلسطينية الشتات

13/09/2006, 09:04

هلا خلوني اسأل سؤال واحد بس

شو تعريف الغربة بالزبط ؟؟؟

انك تكون خارج حدود بلدك؟؟؟

انك تعيش في بلد مختلف بكل اشي عن بلدك واهلك ؟؟؟

الغربة الحقيقية لما تحس حالك غريب بين ناس كانوا هم اهلك وناسك وكل شي بحياتك
وفجأة صار وجودك وعدمه واحد، فقدت كل اثر الك بينهم.

هاي هي الغربة، تحس بوحدتك رغم وجودك بين الملايين

الغربة انك تعيش حالة وجودية تكون انتا الطرف الوحيد فيها.

لكن الغربة إما بتجدد فينا انتمائنا وبتعزز وجودنا أو بتكسرنا وبتعزلنا عن الدنيا وما فيها

Government

13/09/2006, 13:37

هلا خلوني اسأل سؤال واحد بس

شو تعريف الغربة بالزبط ؟؟؟

انك تكون خارج حدود بلدك؟؟؟

انك تعيش في بلد مختلف بكل اشي عن بلدك واهلك ؟؟؟

الغربة الحقيقية لما تحس حالك غريب بين ناس كانوا هم اهلك وناسك وكل شي بحياتك
وفجأة صار وجودك وعدمه واحد، فقدت كل اثر الك بينهم.

هاي هي الغربة، تحس بوحدتك رغم وجودك بين الملايين

الغربة انك تعيش حالة وجودية تكون انتا الطرف الوحيد فيها.

لكن الغربة إما بتجدد فينا انتمائنا وبتعزز وجودنا أو بتكسرنا وبتعزلنا عن الدنيا وما فيها

ليس الغريب غريب الوطن
انما الغريب غريب اللحد والكفن 8)

فلسطينية الشتات

13/09/2006, 13:42

ليس الغريب غريب الوطن
انما الغريب غريب اللحد والكفن 8)

ممكن ، تحية الك يا حكومتنا الرشيدة

Government

13/09/2006, 13:51

ممكن ، تحية الك يا حكومتنا الرشيدة

:oops: :oops: :oops: :oops: :oops:
خجلتينا

:D

syrvar_man

14/09/2006, 10:57

هلا خلوني اسأل سؤال واحد بس

شو تعريف الغربة بالزبط ؟؟؟

انك تكون خارج حدود بلدك؟؟؟

انك تعيش في بلد مختلف بكل اشي عن بلدك واهلك ؟؟؟

الغربة الحقيقية لما تحس حالك غريب بين ناس كانوا هم اهلك وناسك وكل شي بحياتك
وفجأة صار وجودك وعدمه واحد، فقدت كل اثر الك بينهم.

هاي هي الغربة، تحس بوحدتك رغم وجودك بين الملايين

الغربة انك تعيش حالة وجودية تكون انتا الطرف الوحيد فيها.

لكن الغربة إما بتجدد فينا انتمائنا وبتعزز وجودنا أو بتكسرنا وبتعزلنا عن الدنيا وما فيها
والله وبصراحة وانا متاكد انو ما في حدن عايش بغربة غير اهلنا الاشقاء في فلسطين والله يكون بيعونكون;-) :shock:

rayan

14/09/2006, 11:01

هلا خلوني اسأل سؤال واحد بس

شو تعريف الغربة بالزبط ؟؟؟

انك تكون خارج حدود بلدك؟؟؟

انك تعيش في بلد مختلف بكل اشي عن بلدك واهلك ؟؟؟

الغربة الحقيقية لما تحس حالك غريب بين ناس كانوا هم اهلك وناسك وكل شي بحياتك
وفجأة صار وجودك وعدمه واحد، فقدت كل اثر الك بينهم.

هاي هي الغربة، تحس بوحدتك رغم وجودك بين الملايين

الغربة انك تعيش حالة وجودية تكون انتا الطرف الوحيد فيها.

لكن الغربة إما بتجدد فينا انتمائنا وبتعزز وجودنا أو بتكسرنا وبتعزلنا عن الدنيا وما فيها
والله يا حجة الله يكون معكونلانو انك تعيش بوطن بدون مع حدن ما بتطيئو شي صعب صح
البي وروحي داعينلكون:D

فلسطينية الشتات

14/09/2006, 11:19

سيرفر مان على راسي والله، بالنسبة الي المخيم هو فلسطين الصغيرة

صدقني مخيمنا في كل اشي فلسطيني

حتى الناس اللي بيجوا عنا من الضفة بيحكولنا كأنه بفلسطين
ما فرق كثير

لكن شعور الوطن بضل غصة بقلوبنا
***********

رايان يسعدك ويخليك ربي
وان شاء الله دايما بتكون قلوبنا على بعض ، تسلم

لاوديسا

18/09/2006, 12:54

هون بدنا نحكي عن تجربتنا بالغربة وانو شو بيصير معنا مثلا كل مرة بنرجع عالبلد او لما بنرجع من زيارة البلد للغربة وهيك شغلات

ورح بلش بشغلة كتير بتغصصني وبتصعب عليي كل مرة برجع على سوريا وهيي انو دايما بكون متوقعة انو بدي شوف كلشي بسوريا متل ماتركتو قبل سنة بس للأسف بشوف كتير شغلات متغيرة..... بشوف اهلي كبرو بالعمر وختيرو..... الولاد الصغار اللي كنت بعرفون لسه مابيحكو ولابيمشو بشوفون عم يحكو وعم يمشو يعني بكلمة تانية بحس انو راحت عليي شوفتون بمرحلة كاملة وحلوة كتير من عمرون..... رفقاتي واخواتي وقرابيني اللي بعمر الشباب بشوفون ارتبطو وغالبا باشخاص مابعرفون يعني بحس انو في بدائرة معارفي وحبايبي ناس غرب بس بحس انو لازم حبون لمحبتي لشريكون بس بيضلو غرب عني :cry:
يعني رجعت على سوريا حسيت اني عايشة بين اهلي بس مو بنفس الجو اللي كنت متعودة عليه...... حسيت اني غريبة :cry:

آآآآآآآخ قديش غصصتيني والله انا صار معي هيك واكتر وخصوصي اني راجعة جديد من اجازتي اللي قضيتا بسورية
ما صدقت انو ولاد اخواتي اللي تركتن عم يرضعوا صاروا ماشاء الله كبار واكتر شي غصصني وقهرني انهن استغربوني لانن ما تعرفو عليي غير من الصور اللي كنت ابعتلن ياهن وما تعودوا عليي شوي غير لاخر الاجازة ولولا بنتي الصغيرة ما كانو قربوني
ومتل ما قلتي عن دائرة المعارف والحبايب صار وما راح ضيف شي :(
بس جد الحياة الاجتماعية بشكل عام عنا بسورية حسيتا ضعيفة هالمرة عن اخر مرة نزلت فيها
واكيد رغم كل شي ما كان بدي ارجع وكنت بتمنى ضل
سورية هيي حياتي بريحة بحرا و ضيوعها وجبالها وكل شي فيها

مع كل هاد وبين قوسين حسيت اني غريبة :cry:

امرأة من ورق

18/09/2006, 13:19

هلا خلوني اسأل سؤال واحد بس

شو تعريف الغربة بالزبط ؟؟؟

انك تكون خارج حدود بلدك؟؟؟

انك تعيش في بلد مختلف بكل اشي عن بلدك واهلك ؟؟؟

الغربة الحقيقية لما تحس حالك غريب بين ناس كانوا هم اهلك وناسك وكل شي بحياتك
وفجأة صار وجودك وعدمه واحد، فقدت كل اثر الك بينهم.

هاي هي الغربة، تحس بوحدتك رغم وجودك بين الملايين

الغربة انك تعيش حالة وجودية تكون انتا الطرف الوحيد فيها.

لكن الغربة إما بتجدد فينا انتمائنا وبتعزز وجودنا أو بتكسرنا وبتعزلنا عن الدنيا وما فيها

كل شي حكيتي عنو بيصح عن الغربة..... بس اذا كنت بغربة بين اهلك بيضل في اشياء بتواسيك مهما حسيت بالغربة وبالبعد...... اما لما بتعيشي ببلد غريب بكل شي يعني بالعادات والتقاليد بالاكل والشرب وحتى بشكل الوجه واللغة..... يعني بتتمني احيانا بس انو تشوفي شكل مألوف او تسمعي كلمة من لغتك الام او انو تحطي بتمك لقمة مألوفة الطعم بالاضافة لغربتك عن المجتمع بالاشياء التانية كمان

بالاضافة لانو بس ترجعي من الغربة التقليدية (اذا فينا نسميها هيك) فانا بأكدلك وعن تجربتي انو رح تحسي بالغربة وانك عم تعيشي حالة وجودية تكوني انت الطرف الوحيد فيها لانو انت بتكوني تغيرتي وكونتي افكار غريبة الى حد ما عن المجتمع اللي كنت عايشة فيه بالاصل

يعني الغربة التقليدية صدقيني انها بتضم كل انواع الغربة التانية :cry:

وشكرا كتير عالمرور:D

امرأة من ورق

18/09/2006, 13:26

ليس الغريب غريب الوطن
انما الغريب غريب اللحد والكفن 8)

شكرا كتير حكومتنا على رأيك السديد

شو نحنا بنسترجي نحكي غير هيك:p

اهلين :D

امرأة من ورق

18/09/2006, 13:28

آآآآآآآخ قديش غصصتيني والله انا صار معي هيك واكتر وخصوصي اني راجعة جديد من اجازتي اللي قضيتا بسورية
ما صدقت انو ولاد اخواتي اللي تركتن عم يرضعوا صاروا ماشاء الله كبار واكتر شي غصصني وقهرني انهن استغربوني لانن ما تعرفو عليي غير من الصور اللي كنت ابعتلن ياهن وما تعودوا عليي شوي غير لاخر الاجازة ولولا بنتي الصغيرة ما كانو قربوني
ومتل ما قلتي عن دائرة المعارف والحبايب صار وما راح ضيف شي :(
بس جد الحياة الاجتماعية بشكل عام عنا بسورية حسيتا ضعيفة هالمرة عن اخر مرة نزلت فيها
واكيد رغم كل شي ما كان بدي ارجع وكنت بتمنى ضل
سورية هيي حياتي بريحة بحرا و ضيوعها وجبالها وكل شي فيها

مع كل هاد وبين قوسين حسيت اني غريبة :cry:

آآآآآآآآآآآآآخ يالاوديسا :cry:
الله بيعين :D

Government

18/09/2006, 14:50

شكرا كتير حكومتنا على رأيك السديد

شو نحنا بنسترجي نحكي غير هيك:p

اهلين :D

العفو ولو..............:oops:

شكرا الك انتي على مواضيعك الرائعة :D

فلسطينية الشتات

18/09/2006, 18:19

وطني يا نسمة من روح الارض داعبت غلاف القلب وشفافية العقل،
نزفت وطني وسال الدم يعبق برائحة الارض
فجبلت بدمي خصب الارض لتنبت زهرة دحنون
تعلن بقاء من نزفوا معانقين ذرات ترابك يروون اشجارك وازهارك

أي وطن، انت في القلب والروح
قيثارة عشق غنتك همسات امي على لحن العودة
وطني سنرجع يوما

Roaa

18/09/2006, 18:28

هاد الموضوع للشباب والصبايا اللي عايشين او عاشو بالغربة لفترة وجربو احساس انو الواحد يضيع بين بلدو وبين بلد غربتو ...... يعني بكلمة تانية هون بدنا نحكي عن تجربتنا بالغربة وانو شو بيصير معنا مثلا كل مرة بنرجع عالبلد او لما بنرجع من زيارة البلد للغربة وهيك شغلات

ورح بلش بشغلة كتير بتغصصني وبتصعب عليي كل مرة برجع على سوريا وهيي انو دايما بكون متوقعة انو بدي شوف كلشي بسوريا متل ماتركتو قبل سنة بس للأسف بشوف كتير شغلات متغيرة..... بشوف اهلي كبرو بالعمر وختيرو..... الولاد الصغار اللي كنت بعرفون لسه مابيحكو ولابيمشو بشوفون عم يحكو وعم يمشو يعني بكلمة تانية بحس انو راحت عليي شوفتون بمرحلة كاملة وحلوة كتير من عمرون..... رفقاتي واخواتي وقرابيني اللي بعمر الشباب بشوفون ارتبطو وغالبا باشخاص مابعرفون يعني بحس انو في بدائرة معارفي وحبايبي ناس غرب بس بحس انو لازم حبون لمحبتي لشريكون بس بيضلو غرب عني :cry:
واخر مرة انصدمت انو اهلي تركو المدينة اللي ربيت فيها تقريبا كل عمري وقررو يرجعو يعيشو بالضيعة ومستقرين ببيت الضيعة اللي بعمري ماعشت فيه وبعمري ماحسيتو بيتي:cry:
يعني رجعت على سوريا حسيت اني عايشة بين اهلي بس مو بنفس الجو اللي كنت متعودة عليه...... حسيت اني غريبة :cry:

معك حق صرنا بنحس بالغربه حتى ببلدنا وفي شي حابه ضيفوا للموضوع انو ببلدنا ما اسمنا سوريين ولا بعاملونا على هالاساس اسمن مغتربين وبالبلد الي عايشين فيه اسمنا اجانب

شايفين شو الغربه حلوة الله لا يغرب مخلوق:cry: :cry: :cry: :sosweet:

Government

18/09/2006, 19:16

معك حق صرنا بنحس بالغربه حتى ببلدنا وفي شي حابه ضيفوا للموضوع انو ببلدنا ما اسمنا سوريين ولا بعاملونا على هالاساس اسمن مغتربين وبالبلد الي عايشين فيه اسمنا اجانب

شايفين شو الغربه حلوة الله لا يغرب مخلوق:cry: :cry: :cry: :sosweet:

مبرووووووك المنتدى اشتغل عندك

صحيح نحن مانتبهنا لهالنقطة
انو نحن ببلدنا اسمنا مقتربين
وهون نحن اجانب :lol:
يعني من الطرفين

بس عنجد بسوريا اذا بحسو عليكي انو انتي جاي من الخليج بنهبووووووووووووكي نهب
وانا صارت معي هالشغلة كم مرة

مشان هيك كل مابنزل على سوريا مابقلن انو انا جاي من قطر :lol:
بقلن انا جاي من حماة مشان مابنهبونا :o :o :o

Roaa

18/09/2006, 19:30

الله يبارك فيك :D

abosleman

18/09/2006, 20:26

معلش اناهلئ لشفت الموضوع
وكان لازم احكي من الاول بس ظروف
على كلن انا ما صرلي زمان بالغربه يعني شغله شي 10 شهور بس
بس لحد هلئ اهلي صارو منتقلين من الشام ورجعوا على حمص وبحمص لسه ما استقرو وانتقلو شي مرتين مدري تلاته يعني انا هلئ اذا بنزل على سوريا ما بعرف بيتنا
وبس يرجع الواحد بيقول هدا الشعور بأنو غريب رح يختفي بس يوصل لبلدو
بس بيتفاجئ انو بيزيد عليه وهدا من حفاوة الترحيب
ويا سلام على الترحيب اذا راجع عن طريق البر
الله يستر نا من الرجعه

TheLight

18/09/2006, 21:03

بس حبيت اسأل المغتربين وخاصة يللي موجودين بالدول الغربية يعني اوروبا واميركا
قديش بتقدروا تتحملو البقية بسوريا بس تنزلوا اجازة؟؟
يعني ما بتحسوا انو الواحد راح يطق راسو بسوريا بعد اسبوعين او تلانة من الاجازة؟؟؟

nassar4

18/09/2006, 21:13

والله انا شايف انو الوضع بسوريا حسب زياراتي انة افضل بكثير من اول وكمالة بيتحسن للاحسن

والله يحميكي يا سوريا

الله يحفظك
وان شاء الله بتصير سوريا احسن دولة بالشرق الاوسط

ياسوريا نحن رجالك يا سوريا يا حبي الكبير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

handsome

18/09/2006, 21:17

بس حبيت اسأل المغتربين وخاصة يللي موجودين بالدول الغربية يعني اوروبا واميركا
قديش بتقدروا تتحملو البقية بسوريا بس تنزلوا اجازة؟؟
يعني ما بتحسوا انو الواحد راح يطق راسو بسوريا بعد اسبوعين او تلانة من الاجازة؟؟؟

والله انا شخصيا اول اسبوعين بيطير عقلي فيون .. بسط على ابو جنب ..
تاني اسبوعين بتعود عالوضع بس بضلني مبسوط
وتالت اسبوعين ما بعرف ايمت رح ارجع على بيتي .. ويرجع راسي من موالي ..
واسا اكتر من هيك اجازة ما ساويت .

بس هلق انا بعتقد انو شغلة شهر شهر وشوي احلي شي بتكون الاجازة .. غير هيك بتصير تحرب شوي شوي ..

بس المشكلة انو باليوم الي بتوصل فيه على بيتك وبتكون لازم تفضي غراضك وتشوف انك لحالك وما حدي عما يساعدك . بترجع تشتاق لكل لحظة اعدتا بسوريا
يعني ببساطة انا بعتقد الي متغربين هلق خلص راحت عليون .. قعدي طويلي بالبلد صعبة كتير ..
وانو الواحد يصير يحس البلد الي قاعد فيه هوي بلدو . اسا اصعب بكتير بكتير ..
الله يلعن ابو الغربي

امرأة من ورق

19/09/2006, 06:13

العفو ولو..............:oops:

شكرا الك انتي على مواضيعك الرائعة :D

خجلتني ولو :oops:

امرأة من ورق

19/09/2006, 06:14

وطني يا نسمة من روح الارض داعبت غلاف القلب وشفافية العقل،
نزفت وطني وسال الدم يعبق برائحة الارض
فجبلت بدمي خصب الارض لتنبت زهرة دحنون
تعلن بقاء من نزفوا معانقين ذرات ترابك يروون اشجارك وازهارك

أي وطن، انت في القلب والروح
قيثارة عشق غنتك همسات امي على لحن العودة
وطني سنرجع يوما

:cry: :cry: :cry: :cry:
آآآآآآآآآآآآآآه ياوطني

شكرا كتير فلسطينية:D

امرأة من ورق

19/09/2006, 06:15

معك حق صرنا بنحس بالغربه حتى ببلدنا وفي شي حابه ضيفوا للموضوع انو ببلدنا ما اسمنا سوريين ولا بعاملونا على هالاساس اسمن مغتربين وبالبلد الي عايشين فيه اسمنا اجانب

شايفين شو الغربه حلوة الله لا يغرب مخلوق:cry: :cry: :cry: :sosweet:

اي والله بعد الغربة صرنا غريبين هون وهون :cry:

شكرا كتير دلوعتنا :D

امرأة من ورق

19/09/2006, 06:17

معلش اناهلئ لشفت الموضوع
وكان لازم احكي من الاول بس ظروف
على كلن انا ما صرلي زمان بالغربه يعني شغله شي 10 شهور بس
بس لحد هلئ اهلي صارو منتقلين من الشام ورجعوا على حمص وبحمص لسه ما استقرو وانتقلو شي مرتين مدري تلاته يعني انا هلئ اذا بنزل على سوريا ما بعرف بيتنا
وبس يرجع الواحد بيقول هدا الشعور بأنو غريب رح يختفي بس يوصل لبلدو
بس بيتفاجئ انو بيزيد عليه وهدا من حفاوة الترحيب
ويا سلام على الترحيب اذا راجع عن طريق البر
الله يستر نا من الرجعه

الله يستر من الروحة والرجعة :cry:
كلو عم يكون اصعب من بعضو :cry:

اهلين :D

امرأة من ورق

19/09/2006, 06:21

بس حبيت اسأل المغتربين وخاصة يللي موجودين بالدول الغربية يعني اوروبا واميركا
قديش بتقدروا تتحملو البقية بسوريا بس تنزلوا اجازة؟؟
يعني ما بتحسوا انو الواحد راح يطق راسو بسوريا بعد اسبوعين او تلانة من الاجازة؟؟؟

بصراحة بس ارجع على سوريا بضل شي اسبوع منتشية ومصطهجة ومابعرف شو كمان:yahoo:

هلأ بعد الاسبوع ببلش حس بالغربة بين اهلي وبمشاكل بلاوي بالتفاهم مع الناس اللي حولي

بس مع ذلك بضل حس انو هالغربة هي والمشاكل هي اهون بالف مرة من الرجعة عالغربة :cry: يعني بتمنى لو فيي ضل بسوريا وماارجع ع غربتي ابدا ........ بس بعيدة عن عيني كتير....... لانو لازم كمل الدراسة اللي بلشت فيها ومضطرة ارجع للغربة:cry:

امرأة من ورق

19/09/2006, 06:24

والله انا شايف انو الوضع بسوريا حسب زياراتي انة افضل بكثير من اول وكمالة بيتحسن للاحسن

والله يحميكي يا سوريا

الله يحفظك
وان شاء الله بتصير سوريا احسن دولة بالشرق الاوسط

ياسوريا نحن رجالك يا سوريا يا حبي الكبير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اكيد كلنا بنتمنى تضل سوريا من منيح لاحسن
بس شو منشان انو انت مابتحس حالك غريب؟؟؟ وانو كلشي عم يصير تغييرات بطيئة..... بس بالنسبة للمغتربين الراجعين عالبلد عم تكون كتير فجائية لانو ماعم يعايشو التغيير يوم بيوم

:D

امرأة من ورق

19/09/2006, 06:25

والله انا شخصيا اول اسبوعين بيطير عقلي فيون .. بسط على ابو جنب ..
تاني اسبوعين بتعود عالوضع بس بضلني مبسوط
وتالت اسبوعين ما بعرف ايمت رح ارجع على بيتي .. ويرجع راسي من موالي ..
واسا اكتر من هيك اجازة ما ساويت .

بس هلق انا بعتقد انو شغلة شهر شهر وشوي احلي شي بتكون الاجازة .. غير هيك بتصير تحرب شوي شوي ..

بس المشكلة انو باليوم الي بتوصل فيه على بيتك وبتكون لازم تفضي غراضك وتشوف انك لحالك وما حدي عما يساعدك . بترجع تشتاق لكل لحظة اعدتا بسوريا
يعني ببساطة انا بعتقد الي متغربين هلق خلص راحت عليون .. قعدي طويلي بالبلد صعبة كتير ..
وانو الواحد يصير يحس البلد الي قاعد فيه هوي بلدو . اسا اصعب بكتير بكتير ..
الله يلعن ابو الغربي

الله يلعن ابو الغربة مية مرة..... يخرب بيتها شو مرة وعلقم :cry:

:D

The morning

19/09/2006, 06:33

هاي اكبر مشكلة بالغربة..... انو بنرجع عالبلد لنعيش غربة لسه اصعب :cry:
أدق شرح سمعتو عن الغربة :cry:

امرأة من ورق

19/09/2006, 06:35

أدق شرح سمعتو عن الغربة :cry:

:cry: :cry: :cry: :cry:

اهلين فيكي صباح :D

The morning

19/09/2006, 07:16

:cry: :cry: :cry: :cry:

اهلين فيكي صباح :D
أهلين فيكي و بصراحة انت كتير حساسه:D و بالمناسبه بتقدري تناديلي شيرو
الغربة و حكيك عن الغربه كتير معبر و بيوجع شوى:pos: بس بيريح كتير:clap:

The morning

19/09/2006, 07:21

:cry: :cry: :cry: :cry:

اهلين فيكي صباح :D
اهلين فيكي و بالمناسبة بتقدري تناديلي شيرو:king:
انت كتير حساسة و حكيك عن الغربه كتير معبر :sosweet:
و بيوجع شوي:jakoush:

The morning

19/09/2006, 07:26

اهلين فيك :D
بالمناسبه بتقدري تناديني شيرو. حكيك عن الغربة في شفافيه و بيريح:sosweet: بس بيوجع كمان :jakoush:

نيرفانا

19/09/2006, 07:50

يا جماعة عندي سفرة آخر الشهر رح تخلوني غير رأيي8)

امرأة من ورق

19/09/2006, 08:02

أهلين فيكي و بصراحة انت كتير حساسه:D و بالمناسبه بتقدري تناديلي شيرو
الغربة و حكيك عن الغربه كتير معبر و بيوجع شوى:pos: بس بيريح كتير:clap:

اهلين شيرو وتشرفنا بوجودك معنا :D