السلام عليكم

معليش على الإزعاج

أنا أختكن من السعودية وبحب هل سورية ولهجتهن

معلمة بروضة ومطلوب مني ومن أطفالي فقرة الترحيب باللهجة السورية

إلت لنفسي ما بدهاش بأطلب منكن يد العون

ياريت فيكن تساعدوني بعبارات ترحيب .. بأفكار في الضيافة ,, والإستقبال ,, وممكن كمان أناشيد أو أصوات باللهجة السورية

أي شي يتعلق بسورية ياريت تسعفوني به

وتسلموووووووووووووووووولي

اول شي انا بحب الك اهلا و سهلا فيكي و شرفتني عنا بالمنتدى و نورتي
تاني شي هاي افكار الضيافة و الاستقبال ما استوعبتا كيف يعني بس ازا الشباب فهومها فاكيد رايحين يساعدوكي فيها
و انشالله تبئي معنا و تستمعي بالاعدة هون
و ميت هلا :D :D

:frown: :frown: :frown:
اهلا و سهلا باللي جاي
و يا مرحبا باللي جاي
و سباع البارعومي اشربي ولا تعومي
اشربي من بير زمزم
زمزم عليها السلام
لا سلام و لا كلام كفوا لحالكون

مية السلامة
اهلا ومية سهلا
شرفتونا وآنستونا ونورتونا
مية اهلا بهالعين الكحلا
حولو نكسبكن بشي كاسة شاي

هاي من جهة للترحيب بحضرتك :D ومن جهة عباررات ترحيبية شائعة هون :lol: :lol:

لك يسلمووووووووو على سرعة جوابك

شو هالزوء

خيي أنا جا ببالي فكرة نوزع مشروب عصير أو أي شي خاص بسورية على ضيوفنا بالحفلة

وممكن بأسلوب تاني إنتم شو هي طريقتكم في الحفلات المدرسية؟
شلون الترحيب بالضيوف ؟ شلون استقبالهم؟

وش العبارات اللي بيسمعوها؟

يعني أي شي يتعلق بسوريه

شكراً لإلك

الترحيب : مقتبسة من الاعضاء :
اهلا ومية سهلا
شرفتونا وآنستونا ونورتونا
مية اهلا بهالعين الكحلا
انشالله تبئي معنا و تستمعي بالاعدة هون
و في كمان اشتقنالكون و شو اخباركون

شعارات اديمة من حارات الشام الاديمة:
اهلا و سهلا باللي جاي
و يا مرحبا باللي جاي
و سباع البارعومي اشربي ولا تعومي
اشربي من بير زمزم
زمزم عليها السلام
لا سلام و لا كلام كفوا لحالكون

اما بالنسبة لليضافة فبتكون اغلب الوقت قهوة عادية مع صحن بون بون و شوكولا بين الجيران و الاصحاب و ازا كانت حفلة بتكون شراب مع كاتو

بالنسبة للاستقبال الضيوف فحسب نوع الضيف :
ازا كان ضديق ممكن بغرفة النوم مثلا
ازا اعلا من مرتبة صديق مرتبة اقارب في غرفة القعدة و الصالو ن
اما عالم اول مرة بيجو او صرلون زمان ما جايين فالصالون هو الافضل

بالنسبة للمدرسة : يعني نفس اسلوب الترحيب ب اهلا و سهلا هي الاكثر اناقة و رسمية
و بعتقد العصير و الكاتو مناسب للحفلة المدرسية و ازا كان فيه موالح كمان بيكون شي جيد متل كورواسو :P

ازا كان ضديق ممكن بغرفة النوم مثلا

:shock:
غرفة النوم :shock: :?

شلون ظبطت معك هي :confo:

غرفة النوم :shock: :?

صديق شخصي كتير 8)

صديق شخصي كتير

قصدك صديقـــ......ــة :o

اهلا وسهلا فيكي .. أخت عزيزة بالمنتدى
:D :D

هلا بيكي ديمة دمدومة
اهلا بيكوم اهلا بيكوم
طلائعنا بتحيكوم
يا هلا يا هلا يا هلا هيه
:D :D :D :D :D :D :D

اهلا بيكوم اهلا بيكوم
طلائعنا بتحيكوم
يا هلا يا هلا يا هلا هيه

هي التحية موزمبيقية مانها سورية

يعني لا تحسبيها :D

أختي الغالية ..
تحية خاص ناص مع مشط رصاص لأجلك ..
الله محييكي بالمنتدا و الله محيي أهل حارتك ..
و شنجليلي شنجليلي الله يعينا على هالليلي :D :D

شنجليلي شنجليلي الله يعينا على هالليلي

شو عرس :shock:
و يا سباع البر عوي اشربي ولا تعومي اشربي من بير زمزم ............. :lol:

هلا بيك ....و ستيلو ...و ناشف :shock:

هلا بيك ....و ستيلو ...و ناشف

هههههههههههههههههههههههه قوية هههههه

غرفة النوم :shock: :?

صديق شخصي كتير 8)
:shock: :shock: :shock: :shock: :shock:

مية السلامة والله محيكي نورتي

اهلا وسهلا باللي جاي يا مرحبا باللي جاي
نورتي :angel: