أهلين فيكي عابرة وطن ..

ما بدي إعتذر عن موضوعي .. و ما بدي حلل إسمك و إربطو بالموضوع اللي كاتب فيه عن كلمة وطن ..
القصة و ما فيها إنو قبل ما إجي على ألمانيا, كانت المعلومات اللي عندي كتير قليلة عن عرب 48 .. و بعد ما تعرفت أكتر على أشخاص من عرب 48 حبيت شارك إخواتي بالمعلومات اللي حصلت عليها.

بتمنى إنو تصلحي الأخطاء اللي وقعت فيها بدلاً من ذمي و لومي :D

أنا بعتذر من الكل إذا كان في أخطاء بهالمقال ... و بتمنى من يلي عندو معلومات إسا يضيفها هون مشان الكل كمان نستفيد ....

وهالجملة أنا كاتبها بالآخر ..

ومدري ليش متأكد إنو كتبتي ردك قبل ما تقري بقية الردود بالموضوع :shock:

بتمنا إنو تقري جميع الردود قبل التعليق ..

و ميت أهلا و سهلا بين إخواتك هون .. و الإختلاف بوجهات النظر لا يفسد الود للقضية :D بتمنا هالشي

أنا ناطر إغناء الموضوع

ومدري ليش متأكد إنو كتبتي ردك قبل ما تقري بقية الردود بالموضوع :shock:
مرحبا صبي .. بحب احكيلك انه اعتقادك مو في محله , لاني قرات كافة الردود من الالف الى الياء ,
لدرجة اني لم اعرف فائدة رد الاخ / الاخت نونو 77 (يا رب النونو يكبر ويكون قرة عين اهله واحبابه) بالمساهمة في إثراء الموضوع حين قال / ت :?:
من اطلاعي على الموضوع اريد ان اضيف مايلي
1- ان عرب 48 نسميهم عرب الشمينت (والشمينت هو لبن اسرائيلي ) على سبيل المزح ودون زعل
2- سكان غزة ولا في بعدهم ويكفي انه بتلف غزة كلها ما بتجد محل بيع خمور او غيرة
نقطة اخرى كان العتب فيها عليك انك كتبت موضوعك وكأنه معلومات مؤكدة وفي حالة اي واحد قراه ولا يعرف التكلم عنهم سيحكم على الكل حسب ما جاء في موضوعك .
على كل حال المتل بيحكي "ان كان بيتك من زجاج فلا ترمي الناس بحجارة " :oops:
<؛

على كل حال المتل بيحكي "ان كان بيتك من زجاج فلا ترمي الناس بحجارة "

بالضبط, و لهالسبب لا تشخطي بالعالم لأنو "حسب رأيك" عم يكحو عن عرب اسرائيل بنظرة سطحية و بدونمعرفة لما انت عمبتقولي

لسنا سذجاء حتى تنكر انت وسواك ان في الدول العربية ما يندى الجبين عن ذكره من اماكن الشرب والرقص والمواخير وانت تغيرت اسماؤها وكفانا ذلا - نعم كفانا جميعا كعرب على اختلاف الجنسيات - ان يضحك اليهود ويفرحوا وهم يقولون ارايتم متعة رؤية اجساد فتيات لبنان وسوريا ومصر وهي شبه عارية تعرض على التلفاز وهذا ما قراته بنفسي من اقوالهم -

من كلامك نستدل أنو كل معرفتك عن العرب "نظريا" جاية من نظرة اليهود....معناتو عم تعملي نفس الشي اللي انت عم تشتكي منو

مرحبا اخ يـــــــاس ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كلامك نستدل أنو كل معرفتك عن العرب "نظريا" جاية من نظرة اليهود....معناتو عم تعملي نفس الشي اللي انت عم تشتكي منو

واضح تماما انك فهمت جملتي التي كتبتها بشكل خاطيء , انا لم اقل ان كل الفتيات جميعا يفعلن نفس الشيء وانا اعلم تمام العلم ان منهن نبراس للاخلاق والشرف , ولكن يا ريت تقرا جملتي مرة ثانية بشكل صحيح وكان قصدي منها اني اتألم جدا حين اعلم ان اليهود يتتبعون عورات فتيات المسلمين على شاشات التلفاز ويبداوا يتلمزوا عليهن هذا ما قصدته وما عرفته انهم وصلوا اليه من قول , وليس بغريب عليهم فـأهم هدف لديهم ان يروا فتيات الاسلام في حضيض الفتنة والانكباب على العري منذ زمن الرسول الكريم يوم ان عرقل احدهم احدى نساء المسلمين كي تقع ويبدو منها ما امر الله بستره .
ثانيا يا اخي انا لا ارى احوال الدول العربية وشعوبها من خلال نظرة اليهود . لا سيما ان لي في كل دولة عربية اقرباء من الدرجة الاولى , فالاحرى ان اعتمد نظرتهم هم وليس نظرةاليهود
خلاصة للامر , كل الردود كانت بدافع الاستياء من الحكم على شعب من خلال بضعة طلبة يدرسون في دولة اوروبية .
فكل بلد وشعب مليء بكل الالوان والنسب المختلفة والدرجات المتنوعة على سلم طويل من ناحية الاخلاق والالتزام الدين بدون استثناء , فليس من المنطق ان نعمم , وسيكون التعميم اسوأ في حالة صدوره ممن يحمل شهادات علمية او على وشك حملها !!

انا كمــــــــــان من عــــــــــــــــــرب ال 48

:clap: :clap:

عنجد ما كنت اتوقع هالنسبه تكون من عرب ال48

الله يحيي اصلنا :ss:

المقال كثير مزبوط بس بالنسبه للشباب المقسومين قسمين شي حشاش وشي متدين انا بعتقد هذا الشي غلط

يعني انا من سكان عرب ال48 والشباب عادي مثلها مثل باقي الشباب اللي بالدول التانيه يعني في حشيش وفي متدينين وفي منهم يعني لا حشاشين ولا متدينين

اما مش تقول نوعين احنا مش اقطاب بطاريه !!!!

انا كمان من عرب ال 48 وميرسي عل الطريقة الصحيحة الي عرفتنا فيها على عكس ما بنشوف بمنتديات تانية

من اطلاعي على الموضوع اريد ان اضيف مايلي
1- ان عرب 48 نسميهم عرب الشمينت (والشمينت هو لبن اسرائيلي ) على سبيل المزح ودون زعل
2- سكان غزة ولا في بعدهم ويكفي انه بتلف غزة كلها ما بتجد محل بيع خمور او غيرة
3- سكان الضفة وانا منهم لهم عاداتهم وتقاليدهم وبيكفي انهم متمسكين جدا بدينهم
4- ان الوضع الفلسطيني بشكل عام زاد من التكافل والتضامن بين افراد الشعب
5- لاتحكم على فلسطيني لايعرف فلسطين وعاش بسوريا او الاردن بانه صورة لفلسطين الداخل
6- الاحتلال جلعنا شعب لاننظر الى المادة ونعشق المووت اكثر من الحياة
7- الى خرب الوضع عنا مجيء بعض الفسدة من الدول العربية والخارج (جماعة السلطة )


يسلمو على التوضيح
يا عمي انا من غزة وصحيح الغزاوي مشراني بس والله قلبو طيب على الاخر

ياريت ما تثبت صورت ابن غزة متل ما انتو وضحتوها يعني لو في واحد غزاوي مش نافع ما نكتب الغزاوية مش نافعين
التعميم في الحكم على الناس ظلم وغلط ( صح والله لأ )

بعدين احلى ناس اهل الثمانية والاربعين .. همة عمقنا.. والاصل... وهمة الناس الى ثبتو في وجه عمليات التهويد الشرية ضدهم ومع ذلك حافظو على هويتهم العربية

تحياتي لحضراتكم وشكرا لكاتب الموضوع وتسليطو الضوء على شريحة مؤثرة فعلا في فلسطين ويقع الان عليها عبء التصدي لكل عمليات التهويد بعد الانشقاق الى صار بين غزة والضفة

تسلمو :D:D

يا عمي والله ما في فرق بينا بالمرة

ولو بعدين يا عمي ماتنسو انو احنا كلنا فلسطينية


وكمان احنا من بلاد الشام ( شوريا ــ فلسطين ــ الاردن ــ لبنان ) احنا شوااااااااااااااااام مين عندو اعتراض :lol:

واحنا عرب واكتر من هيك من قارة وحدة وكوكب واحد ومجرة وحدة

وين الفرق :D

اول شي ثانكس عالموضوع الرائع ....

عرب اسرائيل متل اي عرب بأي بلد ما بيفرقوا عن غيرهن ..... يمكن انو معهن الجواز الاسرائيلي بس هادا ما بيعني انو ما فيهن الروح الوطنية الفلسطينية او بيحكو عبري كتـــير هادا نصيبنا بالحياة... وعلقليلة نحنا ما تركنا ارضنا "ارض فلسطين المحتلة " وهربنا لبلاد تاني بالعكس تمسكنا فيها وما تركناها وما رح نتركها ..... صحيح انو الدروز بيخدمو بالجيش الاسرائيلي لانو بيعتبروا حالن لولا شوي يهود وانو هاي ارض اسرائيل "لك فشروا هاي ارض فلسطين" بس المسلمين والمسيحية ما بيخدمو ومتلهن متل اي مسيحي او مسلم عايش بأي دولة عربية .....
بالنسبة للعرب المختلطين مع اليهود بمدن او قرى يهودية ممكن تلاقي منهن قسمين القسم الاول حب العيشة هونيك الا مهوي الشعب اليهودي عايش عكيف كيفو ما بيحط هم عحالو كل شي عندهن رفاهيه فأكيد العرب بدهن يتقلدوا ويصيروا متلهن والقسم التاني الي مو طايق يعيش بهيك بلاد لشدة العنصرية بس هيك نصيبو بس مع الايام بتأقلم لهيك اجواء وهوي مرة عمرة بكون صداقات مع اليهود ....
بس العرب الي مش مختلطين متل اي شعب كتير وطنية وما بهمهن حدا مين ما يكون يكون متل اهل سخنين "بلدي"
عرب حيفا الي كنت عايشة فيها بحاولو يتقلدو باليهود لانو مدارس يهودية ووين ما تروح يهود ....
اما بالنسبة لشو حكيت عن العرب انو شي شيخ دين وشي "بيشرب " يمكن يكون هيك شي اصلا هاي العادة موجودة بكل المناطق يعني مش غريبة بس ولا مرة لاحظت هالشي وهادا ما بيعكس صورة شعب ......
:cry: وانشالله تتحرر فلسطين :cry:
------------------
:hart: wIth My lo0ve:hart:
:hart: White rose:hart:






اعتقال شابين عربيين من شفاعمرو بسبب رفضهما الخدمة العسكرية المفروضة على الشباب العرب الدروز
..عــ48ـرب 22/08/2007 16:39
اعتقلت الشرطة الإسرائيلية، قبل أيام، الشابين برهان أبو زيد ومزيد أبو زيد من مدينة شفاعمرو، وذلك بسبب رفضهما الخدمة العسكرية المفروضة قسرا على الشباب العرب الدروز.

هذا وعلم مصدر في "ميثاق المعروفيين الأحرار" الحركة العاملة على تحرير الشباب العرب الدروز من نير الخدمة الإجبارية، أنه تم تمديد اعتقال الشابين حتى موعد المحكمة، حيث عينت محاكمة مزيد ليوم 30/08/2007 أما برهان فقد عينت ليوم 10/09/2007،حيث من المتوقع أن تصدر المحكمة العسكرية على الشابين أحكاما بالسجن الفعلي نتيجة لموقفهما الرافض للخدمة العسكرية، وتهربهما من الامتثال في مكاتب التجنيد لتأديتها طبقا لقانون التجنيد الإجباري.

وعلم أن الشرطة العسكرية ما زالت تلاحق الشاب عربي صلالحة من بيت جن منذ عدة أشهر ولم تتمكن حتى الآن من اعتقاله.

تجدر الإشارة إلى أن الشباب العرب الدروز الذين يرفضون الخدمة العسكرية القسرية المفروضة عليهم منذ العام 1956، يتعرضون إلى أحكام بالسجن الفعلي، ومضايقات في سبل العيش، لكن الرفض استمر وعلت وتيرته في السنوات الأخيرة، وباءت بالفشل كل محاولات السلطة وأجهزتها وأزلامها التغطية على حالات ونسبة الرفض بين الشباب العرب الدروز كلما ثارت القضية.

وفي هذا السياق تجدر الإشارة أيضاً إلى الرسالة التي وجهت إلى رئيس الحكومة ووزير الأمن مؤخرا، من قبل مجموعة من خريجي الثانويات الأعضاء في حركة الشباب المسماة "تسميرت" التابعة للمجلس الصهيوني الإسرائيلي، والتي تضم في صفوفها، حسبما جاء في الرسالة، شبانا يهودا ودروزا، لتعترف بالازدياد في الرفض بين الشباب العرب الدروز، حيث اقتبس أحد أعضاء هذه الحركة قائلا: "يوجد من أبناء الطائفة الدرزية متهربون من الخدمة، وهذا التهرب نابع من أسباب سياسية في غالبية القرى، ومن يرفض يقول إذا كان بين اليهود من يتهرب فلماذا نخدم نحن؟ كذلك فإن الارتباط لديهم بالدولة ضعيف، واتمنى أن تغير الرسالة من الوضع".





اختي العزيزة احترم فيكي وطنيتك وغيرتك على فلسطين
اما بالنسبة للاخوان الدروز فهناك من يرفض الخدمة العسكرية ويلاقي الامرين لذلك الرفض (حتى نكون عادلين في النظر)

بصراحة موضوع كتير كتير كتير حلو
وانا من عرب ال 48 اللي موجودين داخل الحدودد الا.....
وفي مليان مليان مليان اشياء بحبب احكيهاا لو دحكيها ما بخلص
اللي حابب يعرف اكتر ممكن عن طريق الاميل نتعرف اكتر واحكيلو..
وانا بدي احكي بالنسبة للعلاقة بين اليهود وبين العرب

اول ايشي كل يوم بعد يوم انا كيف بشوف انو العلاقة بين عرب ال 48 واليهود بتصير احسن
يعني في تحسين في العلاقات يعني قبل كانوا العرب ما يطيقوا يهود بالمرة ولا والعرب يطيقوا اليهود اليوم احنا منشوف في اسرائيل انوو في كتير علاقات في الشغل يعني بين يهود وعرب وانو يحكوا مع بعض عادي
يعني العلاقات عم تتحسن
وفي متلا انا ساكنة في قرية عربية بس جيراننا في القرى والمدن كلهن يهود ما في حدنا عرب يعنيي بيجوا هني علينا واحنا منيجي عليهن على بلادهن ومنشتري من عندهن وبشتروا من عنا...
وكمان مرات بسالو عن الجلباب انو من وين منشتري وهيكك بحبو يعرفوا عناا وبحبوا يتعرفوا على اللباس الديني يعني وفي كتيرر اشياء حابة احكي بس ما رح اخلص والله..
بس زي ما حكيت اللي بحباحكيلو ممكن عن طريق الاميل ونصير اصحابب!

وبالنسبة للغة العربية عنا واللغة العبرية
يعني كيف بقولوها انو "اللغة العربية تنعى حظها"
اليوم اغلب المواضيع في المدرسة منتعلمها باللغة العبري متل رياضيات ، فيزياء.... في كتير مواضيع اللغة العبرية صارت تفوت فيها كتيررر وكتير الواحد بستعمل في حكيو اللغة العبرية ...
وخصوصاا يللي متلي انا انو ما في عرب حدنا بالمرة.. كلها مستوطنات قرى يهودية اللي اصلها عربية
يعني الواحد ويين مايروح مجبور يعرف يحكي عبري!

واكيد في كلمة مشهورة عند عرب ال 48 " بسيدر" ههه

بالنسبة للجيش الدروز ما بخدموا في الجيش لانهن هني بدهن!!!1
لا في عندهن هاذ الرجل الديني وقع اتفاقية على انو الدروز يخدموا في الجيش
واليوم في محاولة من قِبَل اسرائيل انو المسيح والاسلام يخدموا خدمة مدنية
بس في كتير معارضة

اها مشكورة انسة على هاي المعلومات ومع ذلك كنت بريد اركز على حاجة مهما اختلطنا باليهود ما ننسى انهم محتلين ارضنا يعني قصدي اقول صحيح ما بنقدر الا ونعترف فيهم كأمر واقع وحتى انكون علاقات معهم انسانية كصداقات مثلا

ومع ذلك ينبغي الاننسي انهم ليسو إلا محتلين

دمتى اختي
انا من غزة المجنونة

اح صح وانا معك انو ما ننسى انهن محتلين ارضنا
بس كمان كل واحد بدو يتأقلم مع ظروف معيشتو وكمان انا حكيت بس انو كيف صارت العلاقات بينا!!
وما نسيت انهن محتلينن!

اذا متفقين :deal: تحياتي

رح احكي عن الفرق بيني كمواطنة فلسطينية احمل الهوية الخضراء وبقية عرب الداخل
بينا وبينهم المسافة الجغرافية مش كتير
بس الحياة كليا بتختلف واللهجة نوعا ما ..
في بينهم وطنيين بس في بينهم ناس تنايين فخورين جدا بالهوية الزرقا اللي معهم ..
انا ممنوع اروح ع اي منطقة تابعة ل (اسرائيل)
بتشحطط عالحواجز وبينشف دمي
بس هم بيتعاملو كاسرائيليين وبيروحوا وبيجوا بسهولة !
مش كتير " واسفة اني بحكي هيك " العلاقة طيبة بين عرب ال 48 وبينا ..
وصراحة بعرفش ليش
بس كتير بيشبهوا الاسرائيليين بنمط حياتهم وكيف بيلبسوا و كتير بيدخلوا العبري بحياتهم !!

موضوعك حلو

انا كل ما بدي اكتب رد بالموضوع هادا ما بعرف ليش بتردد..يمكن لاني بدي احكي الي بحس فيه و الي ما راح يعجب كتير منكم....فبختصر ....اول شي انا فلسطينيه من القدس و بالنسبة لعرب ال 48 صح فلسطينيه ما حد بنكر الشي هادا ...بس فلسطينيه بالاسم ليش اذا واحد واجهنا بحقيقتنا بنزعل...هلى ما بدها كل واحد يشد على حاله و يعملي فيها وطني و ابن فلسطين....لا خيو شوف انت جوا اسرائيل كيف عايش و شوف احنا بالمقابل كيف عايشين ....شوف العز الي انت فيه...و شوف الذل الي احنا فيه .....شو ف انت مين بحميك و بالمقابل مين منتهك حقوقناا....يعني اذا جينا نعمل جدول و نقارن بين شباب الضفة و شباب عرب اسرائيل.....كل واحد فيكم من جواه بعرف شو هي النتيجة فبلا ما نضحك على بعض ....انتو فلسطينيه على عينا و راسنا بس فررررررررق كبير بينا و بينكم متل الفرق بين السما و الارض....بكفي انتو حاسين بأمان بدولة انعدم فيها الامان :D

امممممممممممممممم

بس يا اختي عرب 48 مش ذنبهم اذا كانو عايشين بامان ولا لأ
هذا اذا كانو عايشين بأمان طبعا انتي اكيد بتعرفي المخططات والمضايقات الاسرائيلية
يعني وما بدنا ننسي كمان انهم قدموو شهداء وفعلا اثبتو انهم اكتداد النا
انا واثق اختى ان لهم دور كبيروفاعل

في القضية بس كوني واثقة بالله

امممممممممممممممم

بس يا اختي عرب 48 مش ذنبهم اذا كانو عايشين بامان ولا لأ
هذا اذا كانو عايشين بأمان طبعا انتي اكيد بتعرفي المخططات والمضايقات الاسرائيلية
يعني وما بدنا ننسي كمان انهم قدموو شهداء وفعلا اثبتو انهم اكتداد النا
انا واثق اختى ان لهم دور كبيروفاعل

في القضية بس كوني واثقة بالله
شكرا لردك ارسلان :deal:

لا شكر على واجب انسة مروة :deal:

يعني الحقيقة لازم تنحكا

وعنجد انتم بترفعو الراس والايام راح تثبت هاد الشي

*********

الصراحة املنا فيكم بعد غرقنا في غزة والضفة

املنا فيكم

الصراحة اخ ارسلان اعجبني
ردك كتيرر
وبدي اقول
انو ما تنسي اخت لموش
انو اخوتنا المسلمين بالضفة مين بساعدهن؟؟
اكيد عرب ال 48 بتبرعولهن دايما!!
وصح احنا عيشتنا افضل منكن
بس كمانن كتير اشياء ومضايقات بتصيرر

وشكراا

موضوع حلو كتير..
انا كمان من عرب 48..
بس ما عندي انتماء للدولة الاسرائيلية..
بعترف بوطني فلسطين وبس فلسطين..

اخت لموش ليش مالها العلاقة بينا وبينكم!!!!!
وبعدين شو بتتوقعوا منن عرب عايشين مع اكثرية يهوود الا ما يتأثروا بالظروف!!
ويصيروا يحكوا عبري!!
راجعي حكيك خيتا..

انا يا أختي من يلي شفتو امبارح عنا بالحي وتجربتي

الشخصية ما ضل امل الا الله واهلنا في ثمانية واربعين

لك بعدين مين يلي بملأ ساحات المسجد الاقصى الا اهلنا في الثمانية واربعين وهناك رموز اسلامية كبيرة نعترف لها

بالفضل في اكتير اشيا

************************************************** *********

الصراحة اخ ارسلان اعجبني
ردك كتيرر
وبدي اقول
انو ما تنسي اخت لموش
انو اخوتنا المسلمين بالضفة مين بساعدهن؟؟
اكيد عرب ال 48 بتبرعولهن دايما!!
وصح احنا عيشتنا افضل منكن
بس كمانن كتير اشياء ومضايقات بتصيرر

وشكراا

والله متل الي عم يضحك على حاله ..اي مضايقات عم تحكي عنهااا!!!....انتي عمرك قعدت على محسوم شي 4 ساعات تحت الشمس.؟؟؟...عمرك غفيتي على صوت القصف و الصورايخ و الدبابات؟؟؟......عمرك شفتي اهلك بموتو قدام عيونك؟؟ .....عمرك انقصف بيتك و نمتي بالشوارع؟؟؟؟؟؟عمرك حبيتي تتنقلي من منطقة لتانيه بحرية من غير ما تحسي انك بسجن بس شوي كبير؟؟؟ دخيل الله بس اي مضايقات عم تحكي عنها يا امورة ....شكلكم ناسين انه اسرائيل بحد ذاتهاا حاسبتكم عاليهااا ^_^.....

اخت لموش ليش مالها العلاقة بينا وبينكم!!!!!
وبعدين شو بتتوقعوا منن عرب عايشين مع اكثرية يهوود الا ما يتأثروا بالظروف!!
ويصيروا يحكوا عبري!!
راجعي حكيك خيتا..

عملتو متل اللبنانيه لهلئ الاستعمار الفرنسي مأثر فيهم و بحكو 10 كلمات فرنسي و بمرئو بينهم كلمة عربيه ^_^ انا معاكي انتو عايشين معاهم و اكيد بدكم تتأثرو فيهم بس صدقيني الي بنكر اصله لا اصل له من الاساس

ما تحكي هيك جوليانا الامن يلي عايشين في مش احنا يلي صانعينو

وبعدين مين حكالك انهم موافقين على يلي بيحصللكم يعني

ليش بشعر انك موبتعتبريهم اهلك وعمقك يلي مش راح ينسو فلسطينيتهم

لك هم يلي بقو وما هاجرو وضلو في بيوتهم اتذكري هيك اختي في الوقت يلي كان اي انسان بيهرب هو وعيلتو هم اتصدو واتجذرو في بيوتهم



الله يخليكي يارب

الصراحة اخ ارسلان اعجبني
ردك كتيرر
وبدي اقول
انو ما تنسي اخت لموش
انو اخوتنا المسلمين بالضفة مين بساعدهن؟؟
اكيد عرب ال 48 بتبرعولهن دايما!!
وصح احنا عيشتنا افضل منكن
بس كمانن كتير اشياء ومضايقات بتصيرر

وشكراا
اللي رافعلي ضغطي انو الكل بيساعدنا ومدفونين بالحيا !
اللي معيش اغلبنا شغلتين
رواتب الاتحاد الاوروبي
و القصص اللي من وكالة الغوث واللي بتنعطى لللاجئين !
خيتي صلي على النبي وكوني واقعية شوي !
وننسى كلام الاعلام ونحكي بالحكي الجدي والواقعي
بإمكاني اكتب خطبة كاملة عن العلاقة الودية الوطيدة بين عرب ال 48 وبين اهل الضفة والقطاع
بس بكون بكزب وانا مش بحب الكزب صراحة
لا شك انو في من عرب ال 48 ناس وطنيين
بس نسبة كبيرة بيفتخروا انهم عايشين مع يهود وبيفتخروا انو نمط حياتهم من نمط حياة الاسرائيليين !
بتتعاملو بطريقة سيئة من قبل الاسرائيليين بس برضو بتعاملونا بفوقية وكأنو احنا عايشين من خيركو !
:) مرة تانية انا مش بعمم !
انا بحكي في اللي هيك وفي اللي هيك
ومش بحب المثالية صراحة لأنها ثقيلة عالمعدة
وهلا !

اخت لموش ليش مالها العلاقة بينا وبينكم!!!!!
وبعدين شو بتتوقعوا منن عرب عايشين مع اكثرية يهوود الا ما يتأثروا بالظروف!!
ويصيروا يحكوا عبري!!
راجعي حكيك خيتا..
راجعتو !!
مش محاصرين ولا ملعون تميس اللي خلفهم كل يوم
مش كتيرة لو حاربو محاولات طمس هويتهم الفلسطينية !
مقاومة اسمها ولا شو ؟!

ما تحكي هيك جوليانا الامن يلي عايشين في مش احنا يلي صانعينو

وبعدين مين حكالك انهم موافقين على يلي بيحصللكم يعني

ليش بشعر انك موبتعتبريهم اهلك وعمقك يلي مش راح ينسو فلسطينيتهم

لك هم يلي بقو وما هاجرو وضلو في بيوتهم اتذكري هيك اختي في الوقت يلي كان اي انسان بيهرب هو وعيلتو هم اتصدو واتجذرو في بيوتهم



الله يخليكي يارب
اولا خيو اللي طلعو من بيوتهم طلعو ع اساس راجعين و اي انسان طبيعي بيخاف بطلو فكرو انو الفلسطيني لازم يكون خارق للعادة هاد من ناحية !
من ناحية تانية هم مش عاجبهم اللي بيصير بس حلوة بحقهم كفلسطينيين يعبروا عن رفضهم
الاخوة بالداخل " وارفض كليا تسميتهم عرب اسرائيل " اول الانتفاضة طلع صوتهم
بعدها ولا كلمة
مش حنكر انو في 13 شهيد على ما اذكر من اراضي ال 48
بس بعد هيك ما عدنا سمعنا اشي !
يمكن سمعي اللي في مشكلة
بس اشي ومنو يعني !

ما تحكي هيك جوليانا الامن يلي عايشين في مش احنا يلي صانعينو

وبعدين مين حكالك انهم موافقين على يلي بيحصللكم يعني

ليش بشعر انك موبتعتبريهم اهلك وعمقك يلي مش راح ينسو فلسطينيتهم

لك هم يلي بقو وما هاجرو وضلو في بيوتهم اتذكري هيك اختي في الوقت يلي كان اي انسان بيهرب هو وعيلتو هم اتصدو واتجذرو في بيوتهم



الله يخليكي يارب

اي انا بعرف و انا معاك انتو تستنكر الي عم بصير النا و مو عاجبكم من مررررررة و رافضين رفضا بتاتاااااااااااااااااااا و عم تشدو على ايدينا لنصمد ..................طيب و بعدين ؟؟؟؟؟؟؟؟؟؟؟؟؟؟؟؟دخلك شو فرئتوا عن اخوانا العرب الله يديمهم يا رب ؟؟!!!!!!!!!!!!!!!!!!!!!! شو عملتو ما راح احكي لألنا لا بلعنه احنا دخلك احكيلي شو عملتو لفلسطين الي اصلكم منهاا؟؟؟؟؟؟؟؟عايشين و مبسوطين من مطرح للتاني و احنا بتعرف اديش بلادكم جوا حلوة بفضل اسرائيل الله يديمها عاليكم يعني مو ناقصكم شي خيوو جرب تنقطع عنك الماي شي اسبوعين تلات ما تلاقي تشرب او تتحمم بعدها تعال احكيلي احنا متلكم ......بعدين احنا اكتشفنا بقطعو عنا الماي بالصيف عالشان يعبولكم برك لسباحه;)

والله يا اختي انا عاذرك

بس في طريقة للكلام اروق من هيك واهدى

متل ما حكيت احنا اختى بأمس الحاجة لأي انسان بيشعر بفلسطينيتو

انقربو اكتر منا ونحكيلو ان انتا عمقنا وما تتخلى عن تراثك
وانا من ناحيتي واثق تمام انهم عاجلا او اجلا ستكون الانتفاضة الثالثة من عندهم بس انتم اصبرو

ارجو عدم التعميم لانه يؤدي للوقوع في الخطأ لذلك ما تحكي اختى انهم كلهم على الشواطئ

ليش ما بتذكري يلي بتقوم في الحركة الاسلامية في الداخل ليش ما بتذكرري يلي قام في النواب في الكنيست

من احتجاجات واعتراضات

بعدين اختي مو ذنبهم انهم عايشين بأمان ليش بتحكي هيك اذكري انهم ما هاجرو من بيوتهم في الوقت يلي كانت سمعت الهجانة اسوء سمعة





دمتى بخير

روقي خيتا روقي اعصابك جوليانا ولموش!
عرب ال 48 حبيبتي لما بشوفوا الاخبارر وبشوفوا كم واحد بموت من فلسطين
بصيروا يبكوا من قهرهن ويصيروا يدعوا على اليهود وانت جاي تقولي مكيفين!

وبعدين مين يليي عم بطالب انوو اسرائيل تنسحب مش هني عرب ال 48 !

ومتل ما قال ارسلان مين يليي بملأ ساحات مسجد الاقصى ؟

ومين يليي بعمل دايمن المظاهرات ضد اسرائيلل! حتى تتحرر فلسطين!
الله يسامحكن التنيتين يا رب!!
انت اغلطتن بحكيكن اكتيررر! وبتمنا اتراجعن حالكن وحكيكن!

وفي كتير فضائل لعرب ال 48 على عرب الموجودين في الضفة بس انتو بتنسوا بسرعة!!

وبعدين ليش هيك يعني بتلوميي فينا عرب ال 48 انو عايشين بامان وانا عارفة شو حسب اعتقاداتك يعني؟!!
احنا مو ذنبنا انو عايشين احنا هيك بالعكس بما انو احنا عرب وانتو عرب لازم تتمناا انو تتحسن الاوضاع اكترر
متل ما حنا امنتمنا الكم كل الخيررر!!

رجعي حكيك مرة تانيةة ورح يكون الي رجعة تانية لارد منيح على الحكيي
سلاماات

انا شايفة الحكي معكن انتن التنيتن جوليانا والتانية لموش
مش رح ينفع بتجادلو على ايشي غلط من اساسو!
وتفكيركن مش بمحلو والله يساعدكن على هيك التفكير رأيكن ما بهمني بالمرة
وما بهم معظم عرب ال 48 بكفي انو اغلب اهل فلسطين والضفة املهن معلق ب عرب 48
شكرا شكرا.. بكمل كمان بكفي انو اغلب اهل الضفة بموتوا على ايشي اسمو عرب 48 وبكفي انو لما منسافر على الادرن .. في كتير بسالونا من وين انتو منفخر " من عرب ال 48" وبصيروا يحيواا فينا واهلا وسهلا فيكم وانا عارفة هاذ اهم ايشي فنحنا ما بحاجة لالكن يعني ولا شو ..
ولا شو رايكم يا اعضاء المنتدى يلي من عرب ال 48 ؟؟
وخيتا جوليانا شو شايفتك بتحكي عبري "محسوم" والله عال ناس بتحكي عن غيرها وبتنسى حالها
لا اله الا الله؟!!!

انو يا نينوش انتي كمان روقي :)
مش محرزة عصبيتكو انتو كلكو..بالنهاية كلنا فلسطينية يا ناااااااس :D

انا شايفة الحكي معكن انتن التنيتن جوليانا والتانية لموش
مش رح ينفع بتجادلو على ايشي غلط من اساسو!
وتفكيركن مش بمحلو والله يساعدكن على هيك التفكير رأيكن ما بهمني بالمرة
وما بهم معظم عرب ال 48 بكفي انو اغلب اهل فلسطين والضفة املهن معلق ب عرب 48
شكرا شكرا.. بكمل كمان بكفي انو اغلب اهل الضفة بموتوا على ايشي اسمو عرب 48 وبكفي انو لما منسافر على الادرن .. في كتير بسالونا من وين انتو منفخر " من عرب ال 48" وبصيروا يحيواا فينا واهلا وسهلا فيكم وانا عارفة هاذ اهم ايشي فنحنا ما بحاجة لالكن يعني ولا شو ..
ولا شو رايكم يا اعضاء المنتدى يلي من عرب ال 48 ؟؟
وخيتا جوليانا شو شايفتك بتحكي عبري "محسوم" والله عال ناس بتحكي عن غيرها وبتنسى حالها
لا اله الا الله؟!!!

كتبتلك ياها محسوم خوفي ما تعرفي شو يعني كلمة حاجز ^_^ بعدين ليش معصبة يا قمر كل واحد اله رئي و بالاخر الاختلاف بالارئاااااااء لا يفسد للود قضيه;)

انو يا نينوش انتي كمان روقي :)
مش محرزة عصبيتكو انتو كلكو..بالنهاية كلنا فلسطينية يا ناااااااس :D

الله يحيي اصلك يا مروى :D

لا خيتا ما كتبتيها الي كلمة محسوم كتبتيها لارسلان
وبعدين خلصص ارتاحي.. خيتا
انت بس بدك تحكي ومش عارفي شو بدك تحكي
يعني وشو مفكرتينيي يعنيي شوو انا تني ما اعرفها بالعربي
وبعدين الميي اللي بقطعوها عنكم حتى يعبوا البرك باسرائيلل
لليش بتوجهي االحكي للعرب يعني كال بقطعوا عنا المي حتى يعبولكم البرك
احنا شو ذنبنا خيتا العرب 48 اذا انقطعت عنكم المي اللي بسمعك بقولل اه شو الميي للبرك هي
لالنا عرب ال 48 الله يعنيكك خيتا

لا خيتا ما كتبتيها الي كلمة محسوم كتبتيها لارسلان
وبعدين خلصص ارتاحي.. خيتا
انت بس بدك تحكي ومش عارفي شو بدك تحكي
يعني وشو مفكرتينيي يعنيي شوو انا تني ما اعرفها بالعربي
وبعدين الميي اللي بقطعوها عنكم حتى يعبوا البرك باسرائيلل
لليش بتوجهي االحكي للعرب يعني كال بقطعوا عنا المي حتى يعبولكم البرك
احنا شو ذنبنا خيتا العرب 48 اذا انقطعت عنكم المي اللي بسمعك بقولل اه شو الميي للبرك هي
لالنا عرب ال 48 الله يعنيكك خيتا


;);)في مثل بحكي لا تجادل الجاهل لانه بتوصلو لنقطة ما بعودو يفرقوا بينك و بينه ...من هيك روئي مو حرزانه :D

هدو الموضوع مش لهاي الدرجة
مش عارفة ليش منرفزين !
في اللي هيك وفي اللي هيك
وهاد اللي من الصبح بنحكي فيه و ع رأي جولاينا
الاختلاف في الرأي لا يفسد للود قضية
و عاشت فلسطين حرة عربية
وانها لثورة حتى النصر
وهدو الوطن ضاع والارض ضاعت ويا حوينها اللي ترمّلت بدري !

لا بس لموش وجوليانا انا اتضايقت منكن لانكن
بتلومن باهل ال 48 وكانو في حق عليهن اذا هني عايشين غير عنكم
وانا عارفة شوو..
وطالعات بالعالي ومعصبات مش فاهمة ليش يعني!!
برك السباحة اللي حكيتي عنها جوليانا ما خصنا فيهاا احناا مش احنا اللي قلنا
يقطعوا المي عنكم!

احنا عايشين بامان وعز بتحكوا صح
اتفضلو فوتوا هون وشوفوا


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لا بس لموش وجوليانا انا اتضايقت منكن لانكن
بتلومن باهل ال 48 وكانو في حق عليهن اذا هني عايشين غير عنكم
وانا عارفة شوو..
وطالعات بالعالي ومعصبات مش فاهمة ليش يعني!!
برك السباحة اللي حكيتي عنها جوليانا ما خصنا فيهاا احناا مش احنا اللي قلنا
يقطعوا المي عنكم!


انتي ليش معلقة على برك الماي:larg: ,,,,,يعني عادي خالينا ننحرم منها و انتو اسبحو فيها ما صار شي;) هي اجت الشتوية هلئ بشتغلو فينا بالكهربا:o و مشكلة الماي بتنحل:D

بعدين لا تزعلي يا امورة مو حرزانه .....بظل حبر على ورق لا راح و لا اجى:D:deal:

مرحبــا ..
بصراحة انا مقدرتش أقرأ كل التعقيبات لأنهم كتار ما شاء الله ..
اولا بحب اعرفكم انو انا من عرب الـ 48 ... وبفتخر وكل الفخر والحمدلله ..
وبحب أشكر صاحب الموضوع .. لأنو عنجد نادر ما تلاقي حدن فاهم شو هني عرب الـ 48 ..

يعني احنا عايشين متلنا متلكم بالزبط ما في بختلف .. غير انو في معنا ناس بحكوا لغة تانية يهود يعني ..
كتير منواجه عنصرية مش شوية .. بس ربك بعين اخرتها بتهون ...
بقدرش أحكيلكم عن حالي أكتر لانو مجال كتير واسع .. يعني حياة كاملة بس اذا في حدا عندو سؤال معين ..
انا جاهزة ...

بس ملاحظة .. انو العرب في اسرائيل مش حيالله ناس عايشة زيادة عدد ... احنا أحسن منهم بمليون مرة ...
بكفي انو ... كأس اسرائيل في كرة القدم أخذتو فرقة عربية ... " اتحاد أبناء سخنين " ...
وكمان كتير جوائز علمية للدولة استحقها طلاب ومثقفين عرب ...
وكتير رياضيين .. أحرزوا مداليات ذهبية في اسرائيل ...
بحب أنبه على شغلة صغيرة ومهمة ...

انو عرب الـ 48 في كتير فصائل منهن يعني في مسلمين ومسيحيين ... " وهدول رمز النضال والمقاومة " ...
أما الدروز والبدو " ومتمركزين بالجليل والشمال يعني " ...هدول على الدنيا السسلام ..
عندهم شارون ولي ما شاء الله والكل بكرههم عل كندرة ... اصلا بعتبروش حالهن عرب ...

شي تاني .. انو عرب المثلث يلي مختلطين أكتر مع اليهود ... بالععكس محافظين على دينهم أكتر ..
يعني عاداتنا وتقاليدنا متحفظة أكتر من أهل الشمال المعروفين بالتحرر ... واسألو اي فلسطيني من الـ 48 بقولك هالحكي ... عكل حال احنا منحبش هالتقسيمات بكفي احنا قسم بدنا نقسم حالنا كمان ...
احنا كلنا فلسطينية وان شاء الله منرجع سوا ...

نقطه تانية بحب أقولها ... انو عرب الضفة والقطاع وغزة .. ما بيحبونا كتير ... السبب في ذلك ..
انهم زيكم كمان ما بيحملوا الوعي الكافي عن عرب الـ 48 ..
يعني بفكرونا ... انو معنا مصاري ونسينا حالنا ونسينا قضيتنا ...
مع انو احنا منعاني الأمرين زينا زيهم ..
هيييييييييه شو بدي أحكي تا أحكي ..


وعلى فكرة : عنا احنا عرب الـ 48 وقت كان يجي مسلسل باب الحارة اذا كنت تفوت على اي مدينة او قرية
مكنتش رح تشوف ولا أي مخلوق بالشارع
حتى الامام بالجامع صار يقصر صلاة التروايح والخطبة لحتى الناس تلحق باب الحارة والله العظيم ما بكذب
والكل متأثر عنا بالمسلسلات السورية ومنعشقكم لأبعد الحدود ...
وانا شخصيا ... حلمـ حياتي إني أزور سوريا ... ولولا ما بحبكم ما بتشوفوني بينكم ...

إتشرفنا ..

كلامك ام العز ذهببب

بس بدي اصحح شغلة عرب المثلث ما كتيرر مختلطين مع يهود اكتر عرب كلهن هناك
اهل الشمال يليي بين يهود انا متلا من الشمال ما في جنبنا ولا بلدة عربية بالمرة..
واحنا ببلدي محافظين كتيررر كتيررر والحمد لله ما اتاثرنا من اليهود

مرحبــا ..
بصراحة انا مقدرتش أقرأ كل التعقيبات لأنهم كتار ما شاء الله ..
اولا بحب اعرفكم انو انا من عرب الـ 48 ... وبفتخر وكل الفخر والحمدلله ..
وبحب أشكر صاحب الموضوع .. لأنو عنجد نادر ما تلاقي حدن فاهم شو هني عرب الـ 48 ..

يعني احنا عايشين متلنا متلكم بالزبط ما في بختلف .. غير انو في معنا ناس بحكوا لغة تانية يهود يعني ..
كتير منواجه عنصرية مش شوية .. بس ربك بعين اخرتها بتهون ...
بقدرش أحكيلكم عن حالي أكتر لانو مجال كتير واسع .. يعني حياة كاملة بس اذا في حدا عندو سؤال معين ..
انا جاهزة ...

بس ملاحظة .. انو العرب في اسرائيل مش حيالله ناس عايشة زيادة عدد ... احنا أحسن منهم بمليون مرة ...
بكفي انو ... كأس اسرائيل في كرة القدم أخذتو فرقة عربية ... " اتحاد أبناء سخنين " ...
وكمان كتير جوائز علمية للدولة استحقها طلاب ومثقفين عرب ...
وكتير رياضيين .. أحرزوا مداليات ذهبية في اسرائيل ...
بحب أنبه على شغلة صغيرة ومهمة ...

انو عرب الـ 48 في كتير فصائل منهن يعني في مسلمين ومسيحيين ... " وهدول رمز النضال والمقاومة " ...
أما الدروز والبدو " ومتمركزين بالجليل والشمال يعني " ...هدول على الدنيا السسلام ..
عندهم شارون ولي ما شاء الله والكل بكرههم عل كندرة ... اصلا بعتبروش حالهن عرب ...

شي تاني .. انو عرب المثلث يلي مختلطين أكتر مع اليهود ... بالععكس محافظين على دينهم أكتر ..
يعني عاداتنا وتقاليدنا متحفظة أكتر من أهل الشمال المعروفين بالتحرر ... واسألو اي فلسطيني من الـ 48 بقولك هالحكي ... عكل حال احنا منحبش هالتقسيمات بكفي احنا قسم بدنا نقسم حالنا كمان ...
احنا كلنا فلسطينية وان شاء الله منرجع سوا ...

نقطه تانية بحب أقولها ... انو عرب الضفة والقطاع وغزة .. ما بيحبونا كتير ... السبب في ذلك ..
انهم زيكم كمان ما بيحملوا الوعي الكافي عن عرب الـ 48 ..
يعني بفكرونا ... انو معنا مصاري ونسينا حالنا ونسينا قضيتنا ...
مع انو احنا منعاني الأمرين زينا زيهم ..
هيييييييييه شو بدي أحكي تا أحكي ..


وعلى فكرة : عنا احنا عرب الـ 48 وقت كان يجي مسلسل باب الحارة اذا كنت تفوت على اي مدينة او قرية
مكنتش رح تشوف ولا أي مخلوق بالشارع
حتى الامام بالجامع صار يقصر صلاة التروايح والخطبة لحتى الناس تلحق باب الحارة والله العظيم ما بكذب
والكل متأثر عنا بالمسلسلات السورية ومنعشقكم لأبعد الحدود ...
وانا شخصيا ... حلمـ حياتي إني أزور سوريا ... ولولا ما بحبكم ما بتشوفوني بينكم ...

إتشرفنا ..


نقطه تانية بحب أقولها ... انو عرب الضفة والقطاع وغزة .. ما بيحبونا كتير ...

وينه ارسلان يشوف الجملة هاي :o .........وعلى فكرة مبروك الاسم لجديد امورة كتير احلى من الي قبله:D

وينه ارسلان يشوف الجملة هاي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// .........وعلى فكرة مبروك الاسم لجديد امورة كتير احلى من الي قبله////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


الله يرضى عليــك ,.. ويخليكي يا رب .. بس مالها الجملة يلي اقتبستيها ؟ :o

:larg:هههههههههههه

الله يسامحك يارب يا ام العز ههههههههههه

شوفتي بالله ياجوليانا

لك كيف بتحكمي علينا هيك واحنا والله بنموت فيكم اه والله وبعدين ليش تنكرهكم اختي الله يصلحك يارب

************

خليتي جوليانا تنبسط :p

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////هههههههههههه

الله يسامحك يارب يا ام العز ههههههههههه

شوفتي بالله ياجوليانا

لك كيف بتحكمي علينا هيك واحنا والله بنموت فيكم اه والله وبعدين ليش تنكرهكم اختي الله يصلحك يارب

************

خليتي جوليانا تنبسط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


الله يسامحك انت انا ما قولت بتكرهونا انا قولت ما بتحبونا ...
بعدين أكيد مش رح نلاقي الكل ما بحبنا كتير .. يعني في هيك وفي هيك
بس في فئة موجودة ما بتحبنا وهالفئة بيني وبينك كتير كبيرة ;)
بسيطه أرسلان ... منضل شعب واحد خيو وللا ايش؟