مسابقة قسم التاريخ, ترا فيها جوائز محزرة. قرب عالطيب [الأرشيـــــف]

عرض كامل الموضوع : مسابقة قسم التاريخ, ترا فيها جوائز محزرة. قرب عالطيب

صفحات : [1] 2

Willi

25/09/2006, 08:56

هاد اي والله بعد تفكير عميق قررنا (حضرتونا) انو نعمل مسابقة بقسم التاريخ. بعنوان " اللي بيمشي على اربعة, ممكن يكون حمار"

لا عم امزح اسمها المسابقة التاريخية

المسابقة هية رح تكون عبارة عن اسئلة واجوبة.

اجوبة الاسئلة موجودة بقسم التاريخ.
يعني رح نسأل سؤال ورح يكون جواب هالسؤال موجود بموضوع من مواضيع النادي (مافي اسهل من هيك)

رح ينحسب علامة السؤال لاول شخص بجاوب صح (كتير ممكن يكون الاول مجاوب خطأ فعلى اللي بيجو بعدو يتأكدو من الجواب, لانو ممكن كتير يكون غلطان فيه, وهيك بيسرقو علامة السؤال منو)

المهم
بعد ما نخلص الاسئلة منجمع علامات الاعضاء.

واول واحد رح تكون جائزتو زيادة صندوق الرسائل الخاصة تبعو ليصير بيساع 200 رسالة, اضافة لصفة تحت اسمو, بتدل على انو هالعضو ربح مسابقة قسم التاريخ.

التاني رح ينزاد صندوق الرسائل الخاصة تبعو لل 150 رسالة

التالت رح ينزاد لل 100

اما اللي بيجي بعد هدول فهو ما بيستاهل جائزة :jakoush: . انشالله المسابقة اللي بعدها بكون منبين التلاتة الاوائل.

المسابقة رح تبلش بعد شي يومين تلاتة, لبين ما الكل يكون شاف الاعلان تبع المسابقة.

اللي بحب يشارك يا ريت يحط اسمو هون (مو ضروري اذا ما بتحب) بس هية نوع من الاستباق لشوف اديش رح يكون الاقبال عالماسبقة

يلا ناطرينكون

هيا الجابري

25/09/2006, 09:00

أنا حابة اشترك
مع اني سطلة بالتاريخ:lol:

Willi

25/09/2006, 09:03

انو متل ما قلت الاجوبة موجودة بقلب قسم التاريخ.

اذا شاطرة بالتدوير بيمشي حالك

هية المقصود منها انو المشترك يستفاد من المعلومة, اللي رح يلاقيها بالقسم. بحال انو ما قرا المواضيع.

واهلا وسهلا فيكي لا تتركي مجال لحدا انو يربحك هاه

هيا الجابري

25/09/2006, 09:06

ماشي عمي
ولا يهمك;-)

Nirvana

25/09/2006, 09:28

ايه منشوف .. عالفضاوة ..

صياد الطيور

25/09/2006, 12:09

اي ... أنا بشارك .... و رح فوز كمان :adal:

Reemi

25/09/2006, 12:20

وانا وانا... بس يعني..في شي.... شو الي بيضمنلا الجوائز...بدنا تاكيد من الحكيم 8)

hanny dagher

25/09/2006, 12:32

طيب تاكيد مني انا ما بيمشي الحال وهيك منكون تنين مشرفين عم نحكي

يعني الموضوع جدي مو لعب

Reemi

25/09/2006, 12:52

طيب تاكيد مني انا ما بيمشي الحال وهيك منكون تنين مشرفين عم نحكي

يعني الموضوع جدي مو لعب
بالله اي احكي انت وياه شو يعني.:x . بدي تاكيد من البيغ بوس.... لانه هوي المرجع وخصوصي بهيك جوائز.....

طبعا في ثقة الك ولجاد...بس بتعرف...ما حد بيشتر سمك بمي :o

Syrian__Angel

25/09/2006, 13:25

وانا وصلت ... :clap:

بس في شغلتين بدي جواب عليهم قبل ...
انّو عم تقول الاجوبة موجودة بقسم التاريخ ، اوكي عظيم كتير ... بس مو بكرا تنكوش مواضيع من سنة جدّي !!
وهالشي بياخدني للشغلة التانية اللي بدي قولها ...انّو سنة جدّي او لاء،ما بيهم... بس مادام موجودة بالقسم مو كأنّو هيك بتصير كتير سهلة؟! يعني فرضا سألت سؤال .. بنجي نحنا بنحط الكلمة "المفتاحية " بالبحبشة وبتلاقي الموضوع كلّو قدامك ولحتى ما تعزّب حالك بالقراية بتلاقيها - للكلمة المفتاحية - معلّمة بالاخضر الفسفوري - لحتى الاعمى يشوفها - ...
يعني بالمختصر ... صارت الشغلة مين اللي بيكون عالخط وقت بتنزّل السؤال وبيسبق بالتدوير !
مو مين بيقرأ لحتى يجيبلك المعلومة !

هلأ بناءً على ما سبق ... خطرتلي فكرة - كاقتراح - ...
انّو ليش ما تنزّل السؤال الو فرعين مثلاً .. فرع جوابو موجود بالقسم وفرع انت بدّك تدوّر عليه من برا المنتدى ... اوووو اقتراح تاني .... يوم بتنزّل السؤال من المواضيع الموجودة بالقسم ويوم لاء
( هاد التاني اقتراح شرّاني بحت لانّو اللي بيدوّر باوّل نهار عالجواب بسهولة وبيطلعلو بيقللو ليكني ليكني .. بتاني نهار رح يضطر يقرا 100 موضوع لحتى يوصل للمعلومة :p )

اي المهم .. ردّلي خبر عن اسئلتي واقتراحاتي قبل ما تبدأ المعركة :yahoo:

marioma alghzayala

25/09/2006, 13:29

اي انا مع ديما بهالحكي ... :?
وكم يوم المسابقة ؟؟ وكم متسابق ؟؟؟ وكم سؤال ؟؟ وكم ... وكم ؟؟؟ .. وكم كف بدو يجيني ؟؟:lol:

لاء جادو بس شوية شرح ...او نموذج عن المسابقة خيووووو 8)

وبعدولي بعدولي انا اجيت :adal:

طاهر إخو وطفى

25/09/2006, 13:31

كراكان الويط الملتمس ومعهم سيدهم الدكتور طاهر اخو وطفي

مروا من هنا وسوف يشاركون

مع اجمل تحياتي للمسابقين

butterfly

25/09/2006, 14:02

بقدر شارك باقتراح
متل ما قالو كون الشي موجود بالقسم رح يخلي الموضوع كتير سهل
انا برأيي المشاركة تكون بسؤال مو موجود بالقسم وتاريخي .. والرابح بيحط موضوع بالقسم بخصوص موضوع السؤال... منكون استفدنا بمواضيع جديدة ونشطنا القسم :D

Syrian__Angel

25/09/2006, 14:10

لكككك احزري شو طلع معي ؟؟...
طلع معي انو ( تعي نحط اقتراحك ع اقتراحي ونعمل اقتراح كابل couple ) :lol:

هلأ بالنسبة لاقتراحك .. كتير حلو ، بس المشكلة انّو هيك رح يصير في مواضيع " مكدّسة " تكديس بالقسم .. يعني صح رح يتنشط بأوّل فترة بس بعدين رح يصير معجووووء و بزيااادة كمان !!

فــ اللي خطر ع بالي انو .. ناخد الجزء الاول من اقتراحك مع الجزء التاني من اقتراحي = تراااا المسابقة صارت جاهزة للتقديم :clap:

لاء عنجد ... شو رايكون ؟!؟

وخلينا نستنى جاد ليدخل بكرا ويردّلنا خبر ... احسن ما هلأ يجي يخانق اذا حكينا كتير بالموضوع :pos:

butterfly

25/09/2006, 14:21

Syrian__Angel

25/09/2006, 14:28

اي هيك تمام ... ;-)

لك وينو جاد ساعة اللي بدنا ياه !!
خلص عمّي ... استبيناااااااا :lol:

سرسورة

25/09/2006, 20:23

وانا بدي شارك كمان...بس ردا ع حكي ميمو...انو بيجوز يكون الجواب ما بدو عشر سطور بيجوز ينقضى بكلمتين....
الفكرة انو ما ضروري نحدد قديش حجم الجواب...كل سؤال على قدو

Willi

25/09/2006, 21:17

طيب هلق بالله مين طلب منكون اقتراحات؟؟؟
يعني مين قال انو تعو اقترحو اشياء للمسابقة؟؟؟

بالنسبة لاقتراح ميمو بخصوص انو اللي بجاوب صح بنزل موضوع (اي ما عاد حدا يجاوب بهالحالة)
بخصوص سؤال ديما عن انو الواحد رح يلاقيها سهلة.

بالضبط. هية سهلة.
هية من نوع التعريف على مواضيع القسم.
كمان اذا الشخص عمل بحبشة عن السؤال. رح يطلعلو اكتر من موضوع. وبهالحالة رح يضطر يقرا ليعرف شو هو الجواب الصح.

يعني رح يلاقي الموضوع بسهولة. بس الجواب بدو يقرا شوي ليطلعو.

TheLight

25/09/2006, 21:39

يلا عمو ويللي
نحن ناطرين وين هالاسئلة؟؟؟؟؟؟؟؟؟؟؟؟؟

Willi

25/09/2006, 21:45

مريوم

كم يوم المسابقة ؟؟ وكم متسابق ؟؟؟ وكم سؤال ؟؟ وكم ... وكم ؟؟؟ .. وكم كف بدو يجيني ؟؟

لاء جادو بس شوية شرح ...او نموذج عن المسابقة خيووووو

وبعدولي بعدولي انا اجيت

المسابقة رح تكون لمدة اسبوعين. ورح ينطرح خلالها 42 سؤال

3 كل يوم.

رح يكونو على توقيت سوريا

الاول عالساعة 6:00 صباحا
التاني الساعة 1:30 الضهر
التالت الساعة 10:00 مساء (ممكن نغيرو للساعة 7:30 مساء اذا هيك افضل)

يعني رح يكون في تلت محاولات للشخص يجيب علامة. وكلهون باوقات مختلفة. مشان ما حدا يكون انظلم انو ما كان موجود.
بكل الحالات, متل ما قلت السؤال رح يكون الشخص بحاجة انو يقرا شوي ليجاوب عليه. وممكن كتير يكون غلط جوابو. فاذا اجيت متأخر. ممكن كتير يكون لسى عندي فرصة اني جاوب واخد النقطة.

اما عدد المتسابقين فهاد ما بعرف اديش, الاشتراك بالمسابقة مفتوح. مين ما بدو بيجي بجاوب

بالنسبة للنموزج.

طيب
سؤال:

متى تم اعلان قيام جمهورية لبنان؟؟

انت بتقليلي
ب 23 ايار 1926

بالنسبة للاجابة الصحيحة فرح تنحط قبل ما ينزل السؤال الجديد

Willi

25/09/2006, 21:46

يلا عمو ويللي
نحن ناطرين وين هالاسئلة؟؟؟؟؟؟؟؟؟؟؟؟؟

مو قلنا يومين تلاتة لبين الكل يكون شاف الاعلان :jakoush:

TheLight

25/09/2006, 21:52

اي بس عطونا خبر قبل ما تبلشو

jazz_music

25/09/2006, 21:54

هي انا منيح ...

يمكن بنفع ..

بنجرب ؟؟

Fady007

25/09/2006, 21:58

seen...

بس عايز اعرف توقيت سوريا !!!

فراشة

25/09/2006, 22:03

وانا كمان بجرب حظي
مع اني مو كتير صحبة مع التاريخ..
بس لازم يكون في جوائز ترضية للخسرانين مشان التشجيع
ومشان ماحدا يطلع فافوش

Willi

25/09/2006, 22:10

بالنسبة للتوقيت عند كتابة هالرد تبعي كانت الساعة 10:10 مساء بسوريا

انو المسابقة رح تبلش ب 27 الشهر الساعة 6:30 صباحا بسوريا.
رح حط هالشي بتوقيعي

انو فراشة. الجوائز لل 3 الاوئل. حاج اكتر من هيك بتنكسر الميزانية. ما منمون باكتر من هيك.:lol:

oliver68

25/09/2006, 22:15

و أنا بدي شارك، يسلمو عالفكرة الحلوة.

محمد ابراهيم

25/09/2006, 22:21

الجوائز لل 3 الاوئل. حاج اكتر من هيك بتنكسر الميزانية. ما منمون باكتر من هيك.:lol:

جادو
ما قلت الهم عن الجزء المادي من الجايزه (المصاري)

شباب انا كان بدي امول الجزء المادي ,بس جاد بكرمو صمم انو يمول الجزء المادي

تحتيه كبيره الو

suryoyo

25/09/2006, 22:34

على الله تكون المسابقة معقولة

ان شاء الله اشارك

Willi

26/09/2006, 02:15

جادو
ما قلت الهم عن الجزء المادي من الجايزه (المصاري)
شباب انا كان بدي امول الجزء المادي ,بس جاد بكرمو صمم انو يمول الجزء المادي
تحتيه كبيره

هلق نحن تركنا الجائزة المادية لغير مسابقة
بس اذا انت مصر, مافي مشكلة.
خلص منقبل تبرعك بالجائزة المادية للشباب.

انو اهلا وسهلا بكل اللي حطو اسمون هون
بس انشالله نشوف اسمكون بالمسابقة :lol:

~YAFA~

28/09/2006, 11:23

الاسئلة راح تكون بهادا الموضوع ولا بموضوع جديد ؟؟ :lol:

Willi

28/09/2006, 11:25

:shock: :shock:

لك

ناوية تجلطيني انت اليوم؟؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كل هاد الموضوع وما شفتيه؟؟
صرت حاطت 3 اسئلة

~YAFA~

28/09/2006, 12:15

لا ما شوفتووو

Willi

29/09/2006, 02:57

انطرح حتى الان 6 اسئلة.
ب 6 نقط
انجاب منهون 5.5 نقط

فادي 2 نقطة

هاندسم 1.5 نقطة

بترفلاي 1 نقطة

شوشو كات 1 نقطة

Willi

30/09/2006, 07:24

انطرح 9 اسئلة
9 نقط

8.5 من النقط انجابو

شوشو كات 2 نقطة

فادي 2 نقطة

بترفلاي 2 نقطة

هاندسم 1.5 نقطة

فراشة 1 نقطة

Willi

02/10/2006, 08:02

انطرح 15 اسئلة

15 نقط

14.5 من النقط انجابو

شوشو كات 4 نقطة

فادي 3 نقطة

بترفلاي 3 نقطة

هاندسم 1.5 نقطة

فراشة 1 نقطة

ريمي 1 نقطة

سرسورة 1 نقطة

Fady007

02/10/2006, 08:06

هي المسابقه ديه الي ما لا نهايه...!

Willi

02/10/2006, 08:08

مين قال انو ما الا نهاي؟

Fady007

02/10/2006, 08:15

امتي نهايتها يعني...لما حد فينا يموت ويطلع بره اللعبه!!!:lol:

Willi

02/10/2006, 08:24

هههههههههه

لاء ليخلصو ال 42 سؤال

Willi

04/10/2006, 07:38

انطرح 21 اسئلة

21 نقط

انجاب من النقط 20.5 نقطة

فادي 4.5 نقطة

شوشو كات 4 نقطة

بترفلاي 4 نقطة

هاندسم 2.5 نقطة

سرسورة 2.5 نقطة

فراشة 1 نقطة

ريمي 1 نقطة

محمد ابراهيم 1 نقطة

Willi

08/10/2006, 04:41

انطرح 31 سؤال

32 نقط

انجاب من النقط 31.5 نقطة

بترفلاي 6 نقطة

فادي 5.5 نقطة

هاندسم 5.5 نقطة

شوشو كات 4 نقطة

سرسورة 3.5 نقطة

محمد ابراهيم 3 نقطة

اسير التشرد 2 نقطة

فراشة 1 نقطة

ريمي 1 نقطة

Willi

08/10/2006, 04:46

يلا حميانة

شدو الهمة

في عندي سؤالين رح يكون عليهون علامتين.

يعني لسى في فرصة ل 13 علامة

butterfly

08/10/2006, 14:34

بترفلاي 6 نقطة

:gem: :o :o :oops:

فراشة

08/10/2006, 19:37

فراشة 1 نقطة

:cry::cry::cry:
بترفلالي عطيني شوي من عندك والله انا كتير فقيرة
:cry::cry:

butterfly

08/10/2006, 19:38

:cry::cry::cry:
بترفلالي عطيني شوي من عندك والله انا كتير فقيرة
:cry::cry:
هلا هلا ... خيتو أنا باخد النقطة تبعيتك وبعطيكي نسبة من الجائزة ؟
يعني 100 رسالة
بيزيد الأنبوكس تبعك 15 رسالة مثلا ؟ :?

فراشة

08/10/2006, 19:43

هلا هلا ... خيتو أنا باخد النقطة تبعيتك وبعطيكي نسبة من الجائزة ؟
يعني 100 رسالة
بيزيد الأنبوكس تبعك 15 رسالة مثلا ؟ :?
وبركي مو انتي اللي فزتي بالمسابقة ..بتكون حتى النقطة الوحيدة اللي عندي ياها طارت
هلئ ليكي انتي عطيني نقطتين من عندك وتبقى بحاسبك فين بعدين ...شي يوم يعني
8)

butterfly

08/10/2006, 19:44

وبركي مو انتي اللي فزتي بالمسابقة ..بتكون حتى النقطة الوحيدة اللي عندي ياها طارت
هلئ ليكي انتي عطيني نقطتين من عندك وتبقى بحاسبك فين بعدين ...شي يوم يعني
8)
:? وهيك لا أنا ولا أنت منربح عالأكيد ... عالقليلة اقتراحي في احتمالية أكبر :gem:

أسير التشرد

08/10/2006, 19:54

أنا بالمرصاد ... Butterfly استعدي لكي تكوني الثانية في المسابقة ....:gem:

butterfly

08/10/2006, 19:55

أنا بالمرصاد ... Butterfly استعدي لكي تكوني الثانية في المسابقة ....:gem:
لك له مانا بيناتنا أنا كرمالك ... بترك المسابقة كلا
بس قدي بتدفع ؟;-) :o