-
دخول

عرض كامل الموضوع : الحب اللي منعرف نهايتو

sydra
27/09/2006, 01:44
سؤال كتير بسيط وبنفس الوقت كتير معقد وكل شي بطلبوا منكم مجرد تعليق يا ترى من الافضل انو نمشي بقصة حب منعرف انو نهايتها مش لصالحنا او من الاول نبعد عن هيك قصة ع فكرة مش دايما الجواب انو لأ من الاول بلاها هو جواب صح يعني في كتير اشخاص مستعدين مقابل يحسوا بوجود شخص بيحبن وقريب منن يعيشوا الم وعذاب حب بيعرفوا انو مستحيل بس يا ترى قديه هدا الشي صح او منطقي واذا كان مش صح ومش منطقي ليش مين قال بالاصل انو الحب لازم يكون فيه منطق واذا كنا بدنا نحب بعقلنا فهدا صار حب ولا مجرد اشيا صح بكل بساطة عم اسال الافضل نحب شخص مع ان منعرف انو رح نفقدو ولا ما نحب من الاول وين بتكون خسارتنا اكبر
^SIGMA^
27/09/2006, 02:26
سؤال كتير بسيط وبنفس الوقت كتير معقد وكل شي بطلبوا منكم مجرد تعليق يا ترى من الافضل انو نمشي بقصة حب منعرف انو نهايتها مش لصالحنا او من الاول نبعد عن هيك قصة ع فكرة مش دايما الجواب انو لأ من الاول بلاها هو جواب صح يعني في كتير اشخاص مستعدين مقابل يحسوا بوجود شخص بيحبن وقريب منن يعيشوا الم وعذاب حب بيعرفوا انو مستحيل بس يا ترى قديه هدا الشي صح او منطقي واذا كان مش صح ومش منطقي ليش مين قال بالاصل انو الحب لازم يكون فيه منطق واذا كنا بدنا نحب بعقلنا فهدا صار حب ولا مجرد اشيا صح بكل بساطة عم اسال الافضل نحب شخص مع ان منعرف انو رح نفقدو ولا ما نحب من الاول وين بتكون خسارتنا اكبر

هلق بالمنطق لازم الواحد يبتعد عن هيك حب

بس اذا صار في حب فعلا ..... فالمشكلة انو
الحب والكره مو بإيدنا وصعب نتحكم فيهم

.. ما بعرف اذا فدتك""""" المهم بالحالتين في خسارة
abosleman
27/09/2006, 02:37
لو كان الحب شغله بأيد البني ادم كان محدا حب حدا
المحبه نعمه من الله وقت بيوهبنا ياها ما فينا نرفضها
هدا من ناحيه
ومنة ناحيه تانيه
يعني لو كل واحد بدو يحكم على الشغله من والها انها فاشله ماكان حدا
حب وشو الحب بلا مغامرة وجنون
وبالنتيجه وبشكل منطقي إذا فشلت القصه بكون اخد تجربه بالحياه

هدا رايي وشكرا على الموضوع اختي الكريمه
The morning
27/09/2006, 02:43
الموت واحد و الرب واحد
اذا هيك هيك علقت السنارة فيالله
و بعدين الواحد هو بيختار قديش حابب يتعذب اذا بدو أو ما بدو يتعذب هي مشي حالة و صار العذاب بجيبته
و طالما انسأل هالسؤال فصار الشخص عم يفكر يفكر بعقل و منطق بس بدو مين يقلو اتركون و انا ما بتحمل هالمسؤلية " تقيلة كتير":shurup:
scobee_83
27/09/2006, 04:50
الحب يا عزيزتي متل البحر... ممكن الانسان ينزل بالبحر و يعانقه

و يسبح بقلبه و يبعد عن اليابسه يلي هي الواقع

بس لو بعدنا كتير رح نتعب

و رح نتعب أكتر لما نلتفت لنشوف انو اليابسة صارت بعيدة

ونحنا تعبانين ..و انو البحر و الموج عمبيبعدنا

و نحنا بالرغم من تعبنا عمبنحاول انو نرجع لليابسه و بالنهاية

يلي بيصير انو يلي عمبيسبح......... ( انت يلي بتحددي)

هل ياترا رح يرجع للواقع ولا رحـيغرق بالحب و الله وحده الاعلم شو النهاية ؟

الحب شي ما بيتجزء عن الواقع لان الحب موخيال و احلام يقظة

الحب هو اندماج بين آلية التفكير بالقلب و التفكير بالعقل

و مشان ما نبعد كتير عن الموضوع انا برأيي انو الحب متل البحر

في منه اسماء و اشكال كتير

خلينا نخصص لكل انسان بقلبنا بحر

بحر بنضل عمبنمشي فيه على الشط و بحر بنسبح فيه

بس ما منبعد

و بحر نبعد قد ما بدنا بس بدنا نكون متأكدين من انو عدة السباحة معنا مشان نرجع للشط

بتمنى اني كون رديت على استفساراتك و اسئلتك
leoprad
27/09/2006, 17:23
في عالم بيصيبها جلطة من ورا الحب
و في عالم مو فارقة معهم
فاذا كنت من النوع الاول بلالك هيك حب
و اذا كنتي من النوع التاني فما في مشكلة زيادة خبرة
msham
27/09/2006, 21:05
هلأ إذا بدنا نرجع للعقل والمنطق منقول أنو لازم نبعد من الأول وهادا أفضل لألنا ....
بس لما يبلش شي جوات قلبك يتحرك الدنيا كلها إذا وقفت بوجك ما عاد فيها تمنعك عن هاد الحب....:hart:
وبكل الأحوال الخسارة بتكون عم تنتظر عالباب .......
Roaa
27/09/2006, 21:15
اااااااااااااه من الحب بكل انواعه بعذب بس كمان الحب احلى شي بالدنيا:sosweet:
leoprad
28/09/2006, 01:27
خلينا نخصص لكل انسان بقلبنا بحر



بحر بنضل عمبنمشي فيه على الشط و بحر بنسبح فيه

بس ما منبعد

و بحر نبعد قد ما بدنا بس بدنا نكون متأكدين من انو عدة السباحة معنا مشان نرجع للشط




يا سيدي كلاك اصلي و نظامي و حبيتو كتير
درر درر
بس صغر الخط شوي
و بشكرك مرة تانية
sydra
28/09/2006, 23:49
شكرا لكل الي مرق واهتم وبكفي انكم اهتميتوا شكرا
The morning
29/09/2006, 00:27
شكرا لكل الي مرق واهتم وبكفي انكم اهتميتوا شكرا
لا ما بكفي شو بدك كمان أنا شخصيا جاهزه:adal:
sydra
29/09/2006, 00:31
لا ما بكفي شو بدك كمان أنا شخصيا جاهزه:adal:
شكرا كتير وهادا من ذوقك وكرم اخلاقك:D :hart:
Lady in Red
29/09/2006, 00:35
هلق السؤال مخربط شوي: اولاً المفروض الواحد لما يبلش أي علاقة و قبل ما يحب، يدرسها من كل النواحي حتى ما يوقع بالإشكال تبعك....بس بفرض حب و علق بالمشكلة فالأفضل إنو يترك لأنوً برأي و رأي المنطق الحب هو شي ليخلي الواحد سعيد مو ليحزنو أو يدايقو و إلا ماعاد حب صار تعذيب.................إلا إذا كان الشخصين أقوياء بمافيه الكفاية ليواجهوا المشاكل يلي لح تنجم عن بقاءهم و بشرط يشعروا بسعادة مو بهّم و حزن و خوف................و هي المعادلة صعبة...

سلام
Melo0o
29/09/2006, 00:40
انا اقول انك تحب ولا تعرف ويش النهايه بس لا تفكر في المحبوبه كثير لان هذا بيضرك وشكرا:sosweet:
memosat
29/09/2006, 03:48
أنا بحب الوحدة والغربة دائماً لأنو بنات هالأيام شايفين حالون وما بيتحاكوا وما بتحب الشب إلا منشان سيارتو أو منشان يعزما على شي مطعم.... أما حب عنجد مافي وأنا شايف وبعرف كتير هيك قصص
The morning
29/09/2006, 08:11
شكرا كتير وهادا من ذوقك وكرم اخلاقك:D :hart:
و لو الشكر الك انك اهتميتي بارائنا العظيمة:p
و مرة تانية اذا بدك شي تاني أنا جاهزة اذا فيني ساعدك