:? يا شباب ازا واحد منكم لاسمح الله حب وحدة ومات فيها لاخر وخلص ما فينو يعيش بلاها
اخر شي اعترفتلو انها رئاصة بمعنى الكلمة وبركز ع (رئاصة) مو اكتر فيا ترى بيتزوجها وازا هو ابل فامو كام عربية شو بتووقعو يكون ردها :shock:

يا حبيبي:shock: :? .... وليه ما آلتله من الأول؟ الله يعينه ويكون له معين... ويتوب عليها وعليه:lol:

إذا تابت عن الرقص ماشي الحال بس إذا بدها تبقى رقاصة صعبة شوي

يا حبيبي:shock: :? .... وليه ما آلتله من الأول؟ الله يعينه ويكون له معين... ويتوب عليها وعليه:lol:
شكرا لمرورك بس ممكن اعرف انتي شو رايك بالموضوع يتزوج ولا لا

إذا تابت عن الرقص ماشي الحال بس إذا بدها تبقى رقاصة صعبة شوي
نشالله بتوب وبصراحة هاد الموضوع عن واحد بعرفو

أنا ما بتوقع انو يقبل ولا امه
رايان.... لتكون حاببتلك شي رقاصة وله؟
طيب..أنا بحكيلها لامك:p :p :p
عبمزح معك:D

بصراحة بدون زعل...

يعني هوي شو ضاربوا العمى و لا وين مخو لا حتى يحبها قبل لا يعرف شو شرشها و وضعها. يعني الواحد ما بيحب هيك بسهولة و مشان هيك لا زم يدقق ....

بس رئاصة شو .. شرقي ... و لا باليه;-)

لك اي ليش شبهن الرقاصين ؟؟؟... مو بشر متلنا متلهن يعني ؟؟؟..:?
والرقص بالاخير فن ..ومو عيب ابدا ... بس نحنا دوم بننظر للناحية السلبية :pos:
وبعدين تعا لقلك ليش هلق ما في شباب عم ترقص يعني ؟؟:shock:
ليش ركزت على ناحية انها تكون هيي الرقاصة مو هوي ؟؟؟...:?

أنا ما بتوقع انو يقبل ولا امه
رايان.... لتكون حاببتلك شي رقاصة وله؟
طيب..أنا بحكيلها لامك:p :p :p
عبمزح معك:D
:oops: بصراحة مو انا يلي حابب رئاصة في شب بعرفو بلكي بتحكي مع امو :yahoo:

بصراحة بدون زعل...

يعني هوي شو ضاربوا العمى و لا وين مخو لا حتى يحبها قبل لا يعرف شو شرشها و وضعها. يعني الواحد ما بيحب هيك بسهولة و مشان هيك لا زم يدقق ....

بس رئاصة شو .. شرقي ... و لا باليه;-)
والله يا صاح شرقي وعمستوى

لك اي ليش شبهن الرقاصين ؟؟؟... مو بشر متلنا متلهن يعني ؟؟؟..:?
والرقص بالاخير فن ..ومو عيب ابدا ... بس نحنا دوم بننظر للناحية السلبية :pos:
وبعدين تعا لقلك ليش هلق ما في شباب عم ترقص يعني ؟؟:shock:
ليش ركزت على ناحية انها تكون هيي الرقاصة مو هوي ؟؟؟...:?
بحياتك شفتي شب بيرقص شرقي بعدين يعني عم اول رقاصة ع مستوى يعني شر*** وفهمك كفاية

:oops: بصراحة مو انا يلي حابب رئاصة في شب بعرفو بلكي بتحكي مع امو :yahoo:
بحكي ولا يهمك
هات العنوان بس;-)
ونيال مين جمع راسين بالحلال:p

بحياتك شفتي شب بيرقص شرقي
اي شفت .....:?

اذا المشكلة انت علقان فيها بتنحل بس مو عالهواء مباشرة أما اذا بشكل عام ففي قصة مشابهة لقصتك بالشام و في شب عيلته معروفة تجوز وحدة رقاصة و صار عندهم ولاد و كل الشام بتعرفهم و قلهم مركز بالمجتمع . و النصيحة اذا متل ما عم بتقول انو هالرقاصة كذا مذا و انت رضيان من الأول فالمشكلة فيك, و حلها سهل لأنو الشب بعمر معين بحب البنت لمواهبها الفتانة و ما بهمو شي اسمو زواج لأنو طلبو هو العلاقة الجنسية . بس زكرني بالله وين كانت أمه لهلشب لمل كان مرافق الرقاصة وين الترباية و وين المتابعة .بالمشرمحي الأم مو دايرة بالها ولا بهمها و الشب ما تذكر أمو لمل رافق الرقاصة بس تذكرها وحسب حسابها بالجواز .روح تجوزها ولا تسأل بعد سنة بتمل وبطلق و بتتعلم ما تعود ترافق بنات ما فيك تضبط حالك معهم.سلام.

:? يا شباب ازا واحد منكم لاسمح الله حب وحدة ومات فيها لاخر وخلص ما فينو يعيش بلاها
اخر شي اعترفتلو انها رئاصة بمعنى الكلمة وبركز ع (رئاصة) مو اكتر فيا ترى بيتزوجها وازا هو ابل فامو كام عربية شو بتووقعو يكون ردها :shock:
رئاصة مو شي تاني :shock: ؟؟؟
يعني هالمهنة بالذات مابيقدر الواحد يفصل فيها بين العام و الخاص ،، و بين العمل و العلاقات الشخصية ،،،،،،،، :? ،،،،،،

ممكن يتزوجها بعد ما يخسر رفقاتو و اهلو و ,, و ,,,

و بتوقع الزواج فاشل ،،:pos: ،،

شكرا لمرورك بس ممكن اعرف انتي شو رايك بالموضوع يتزوج ولا لا

طلبت رأيي... رح إلك...

هلأ من العناصر الكتير مهمة في الزواج: التكافؤ الإجتماعي والثقافي... فإزا كان في فرق كبير وواضح بين بيئة الشب والصبية الاجتماعية والثقافية فما رح يمشي الحال... ليش؟ رح إلك...بعد استقرار الزواج رح تتكشف هي الفروق بحكم المعاملة اليومية فبيشوف منا شي ما بيعرفو وهية كمان بتشوف منه شي لم تعهده عليه! واحتمال كبير يوصلو الاتنين لمرحلة عدم تفاهم....هو بفكره هيك الحياة وهية شايفة الحياة بتنعاش بطريئة تااااانية...مو لإنها رقاصة ولكن لإنه فرق البيئة بيلعب دور... غير إنه احتمال هية ما تئدر تنسى إنها "راقصة" واحتمال تئله بدي كمل شغلي هيك... بزمتكن حدن بيرضى إنه الرجال يجو يشوفو زوجته وهية عم ترقص!!!

وإزا هية تابت.. والله يتوب عليها... رح بيضل احتمال عدم التفاهم كبير... الحب حلو وعلى عيني وراسي ومتملك الواحد من ساسه لراسه... ماشي بس كمان العئل لازم يكون سيد الموقف بهيك حالة...الزواج ما بيقوم بس على الحب... وإنما الحب ومقومات أخرى...


غير هيك كمان...الشب بده يحسبا للإدام... إزا رضي فمارح يخلص من أهله ولا من الجيران ولا من المجتمع... ما حلوة بكرة الولاد ينئلن ولاد الرقاصة!! يعني إزا مشي الحال وعاشو متفاهمين ما رح تخلى حياتن من إزى المجتمع على الطالعة والنازلة وهادا بيأدي إلى زعزعة استقرار الأسرة.

فبرأيي.... بإسف إني إلك إيه : مشروع زواج... فاشل

بس أنا بستغرب ليش ما آلتله من البداية هالحئيئة؟ يعني مشان بدا تنسى الماضي وتبدا صفحة جديدة من حياتا؟ طيب ما كانت نهت هالشغلة من أول ودورت على شغل نظيف!!!

الحب ما بيعرف لا عمر ولا عمل و لا طائفة ..
بس شرقيتي و عاداتي ما بتسمحلي اتجوزها ..
التناقض واضح بس أنا بدي واكب المجتمع و الا بكون شاذ عن القاعدة و منبوذ و أنا حياتي كلها اجتماعيات و ما بستغني عن هالشي ..
الموضوع كتير حلو و مجالات المناقشة فيه كتيرة ...
تحياتي

مظبوط الحب ما بيعرف عمر ولا بيعرف عمل ولا....
بس المجتمع بيعرف ... بيعرف ومكتر .....ومين هوي اللي بيقدر يعيش بمعزل عن الناس

اول شي الشخص فاشل لانه ما قدر يعرف كل شي عن حبيبته

تاني شي ما ظنيت ناس زي هيك يتوبوا فيقسى على حاله وينساها

عين الرضى عن كل عيب كليلة و عين السخط تبدي المساويئا


اصلا شو هو الحب؟؟

على قولة حبي قلبي نزار


الحب ليس رواية شرقيه
بختامها يتزوج الابطال
لكنه الابحار دون سفينه
وشعورنا ان الوصول


هو هذه الازمات تسحقنا معا
فنموت نحن , وتزهر الامال
هو أن نثور لاي شئ تافه
هو يأسنا .. هو شكنا القتّـال
هو هذه الكف التي تغتالنا
ونقبل الكف الي تغتال
لا تجرحي التمثال في احساسه
فلكم بكى في صمته تمثال
قد يطلع الحجر الصغير براعما
وتسيل منه جداول وظلال
حسبي وحسبك ان تظلي دائما
سرا يمزقني .. وليس يقال

يعني بيكون اسمو حب لو تزوجت؟؟


اي احلى شي بالحب ناره و يأسه و حرامه

وانك بتعيش بصراع معه طول العمر .. اشي بيأرقك و ببعدك عن العالم و اهلك و حالك

مافيك تحكي لحدا عنه ..سرا يمزقني .. وليس يقال


هيدا هو الحب

فمبروك عليك.. 8)

بتجوزها وبتجوز امها كمان :lol: :lol: :lol: :lol:

[quote=marioma alghzayala;481070]اي شفت ..
ممممممممممممممممممممممممم ممممم

اول شي الشخص فاشل لانه ما قدر يعرف كل شي عن حبيبته

تاني شي ما ظنيت ناس زي هيك يتوبوا فيقسى على حاله وينساها
صح.........

بتجوزها وبتجوز امها كمان :lol: :lol: :lol: :lol:
ههههههههههههههه وازا عندا اخت ما بتوقع تاخدها لانها حصتي ;-)

عين الرضى عن كل عيب كليلة و عين السخط تبدي المساويئا


اصلا شو هو الحب؟؟

على قولة حبي قلبي نزار


الحب ليس رواية شرقيه
بختامها يتزوج الابطال
لكنه الابحار دون سفينه
وشعورنا ان الوصول


هو هذه الازمات تسحقنا معا
فنموت نحن , وتزهر الامال
هو أن نثور لاي شئ تافه
هو يأسنا .. هو شكنا القتّـال
هو هذه الكف التي تغتالنا
ونقبل الكف الي تغتال
لا تجرحي التمثال في احساسه
فلكم بكى في صمته تمثال
قد يطلع الحجر الصغير براعما
وتسيل منه جداول وظلال
حسبي وحسبك ان تظلي دائما
سرا يمزقني .. وليس يقال

يعني بيكون اسمو حب لو تزوجت؟؟


اي احلى شي بالحب ناره و يأسه و حرامه

وانك بتعيش بصراع معه طول العمر .. اشي بيأرقك و ببعدك عن العالم و اهلك و حالك

مافيك تحكي لحدا عنه ..سرا يمزقني .. وليس يقال


هيدا هو الحب

فمبروك عليك.. 8)
اول شي مو مبروك علي لانو الموضوع مو عني تاني شي عم بيقول نزار قباني
الحب ليس رواية شرقية وانا عم اول هون الحب عند هالشب رقصة شرقية فميز بيناتون وشكرا ع مرورك :D ;-)

اي شفت .....:?
مممممممممممم نيالك

مشكلتك صعبة

هي بنيادمة زينا والها مشاعر واحاسيس بش المشكلة
ما حدى بترك حدى بحالو
و ما بتخيل والدتك رح تقبل
ازا مش عشانها رقاصة
بس عشان الناس ما رح يرحموكم بلمرة

بس سؤالي
كيف حبيتها من غير ما تعرف كل شي عنها؟؟؟!!!!!