-
دخول

عرض كامل الموضوع : الاردن

jina_star88
30/09/2006, 22:02
>>>إذا مشيت بالشارع يوم من الأيام ... وشفت سياره تكسي صفرا ... من جوا
>>>ضو أزرق ... وسي دي معلق على المراي ... وجواتها شب مربي سكسوكه
>>>ولابس بنطلون كونز
>>>ومعبي السيارة من برا تعليقات وملصقات ... فأنت تسير في شوارع الأردن
>>>....
>>>
>>>إذا كنت واقف على الإشارة ولما تصير صفرا بتسمع سبعين واحد بيزمرو
>>>وراك .... فأنت في الأردن
>>>
>>>إذا كنت ماشي وعلى بعد 200 متر إشارة خضرا .. وشفت كل السيارات
>>>بتتجاوز عنك عن اليمين .. عن الشمال
>>>... مش فارقه .. المهم يلحقوا الإشارة خضرا .... بتكون في الأردن ...
>>>
>>>إذا دخلت أي دائرة حكومية وشفت الموظف قاعد ماد بوزه ومكشر ووجهه
>>>فلتبتسم لانك في إحدى الدوائر الحكومية في الأردن ...
>>>
>>>اذا سمعت
>>>الحوار التالي .....
>>>
>>>- ألو ...
>>>- ألو ...
>>>-
>>>مرحبا
>>>- هلا .. هلا ...
>>>- كيف الحال ..
>>>- والله الحمد لله ... انت شو أخبارك
>>>- تمام
>>>الله
>>>يسلمك ...
>>>- شو فيه ما فيه ..
>>>- والله صافيه وافيه .. مين معي
>>>- انت الطالب .. مين حضرتك
>>>- مش تليفون ابو غازي ..
>>>- لا يا خوي النمره غلط
>>>- آه ... حقك علي يابه ..
>>>- ولا يهمك .. كسبنا سماع هالصوت ...
>>>- يا سيدي الله يحي اصلك .. من وين انت ...
>>>- انا من الملاطشه ...
>>>- هاظا احنا قرايب ...
>>>-
>>>يا سيدي حياك الله ... مع السلامه
>>>- هلا .. هلا .. الله معك ...
>>>
>>>طبعا اذا سمعت مثل كل هذا الحوار ... والنمره غلط ... فأنت
>>>أكيد في الاردن ...
>>>
>>>اذا كنت تتحدث مع شخص عن أسعار الاراضي ... وقالك انه الارض الفلانيه
>>>اللي بعبدون كانت لجده وكان يزرع فيها بندوره وفقوس .. وباعها
>>>بثلاثمية ليره بالستينات ... فأنت اكيد في الاردن ....
>>>
>>>اذا كنت ماشي بالشارع ... وشفت واحد بيجح بخلقتك .. هيك بدون سبب ...
>>>لا هو مسلِم .. ولا هو مبتسم لك ... بس بيجح كانك قاتل ابوه ....
>>>فانت ماشي في الاردن ...
>>>
>>>اذا رن عليك واحد مش شايفه صار لك عشرطعشر سنه ...
>>>وساعه وهو يسلم عليك ويمدح فيك وآخر اشي سألك : بالله وين محول راتبك
>>>.... اكيد بتكون بالاردن ...
>>>
>>>اذا كنت قاعد بمكان عام ... وكل اللي حواليك ماسكين موبايلاتهم وسمعت
>>>.. " بالله شغل البلوتوث .. بدي أبعث لك شغله طقع " ... بتكون
>>>بالاردن ...
>>>
>>>اذا سمعت كلمة صافيه وافيه ... وهي لا صافيه ولا وافيه .. بتكون
>>>بالاردن ..
>>>
>>>اذا شفت بكم ديانا موديل الف وتسعميه وخشبه محمل بندوره والشوفير شاد
>>>الشماغ على راسه ومش شايف لا شمال ولا يمين .. ويا أرض اشتدي ما
>>>عليكي أدي .. بدي أسبق كل التكاسي .. بتكون بالاردن ...
>>>
>>>اذا الدنيا رشت شوية بَرَد ...ووزارة التربية علَقت الدراسه ..
>>>والحكومة اعلنت عطلة رسمية بسبب خوفها من الثلج الغادر .. والتلفزيون
>>>بث مسرحية العيال كبرت .... معناته انت كمان
>>>بالاردن ...
>>>
>>>اذا شفت الجو ..هَه .. برشرش ثلج والناس بتقدر تركظ عالخبز والكاز
>>>
>>>بس ما بتقدر تروح تداوم ... برضه بتكون بالاردن ...
>>>
>>>وبالرغم من كل اللي بالاردن ......
>>>
>>>
>>>بنضل نحكي .... ومن قلوبنا ... شو حلوه يا بلدي
فلسطيني للأبد
30/09/2006, 22:47
وال!!!!!!!!!!!!!
كل هدا في الاردن؟؟؟؟؟؟؟؟؟!!!!!!!!!!!
عيون جريئه
30/09/2006, 23:10
الاردن :? :?


انا مفكر حالي بفلسطين من هالحكي :lol:
blue rose
30/09/2006, 23:21
الاردن :? :?


انا مفكر حالي بفلسطين من هالحكي :lol:


مهو فوت على التاكسي وعرفو انك من فلسطين او عرب الداخل شو اول شي بقولك اياه

"بتعرف انا كمان من رام الله وتغربت سنة كزا وكزا " واللي مش من رام الله من الخليل

واذا مانو لا من هي ولا من هي بقولك بتعرف وين رام الله ؟؟؟ 10 دقايق منها بتكون ببلدتي

والله يديم صحاب التكاسي بالاردن شو بينهفو نهف من العالم ......
blue rose
30/09/2006, 23:23
>>>>>>
>>>اذا الدنيا رشت شوية بَرَد ...ووزارة التربية علَقت الدراسه ..
>>>والحكومة اعلنت عطلة رسمية بسبب خوفها من الثلج الغادر .. والتلفزيون
>>>بث مسرحية العيال كبرت .... معناته انت كمان
>>>بالاردن ...
>>>



هاي حلوة :lol:
abosleman
30/09/2006, 23:28
>>>إذا مشيت بالشارع يوم من الأيام ... وشفت سياره تكسي صفرا ... من جوا
>>>ضو أزرق ... وسي دي معلق على المراي ... وجواتها شب مربي سكسوكه
>>>ولابس بنطلون كونز
>>>ومعبي السيارة من برا تعليقات وملصقات ... فأنت تسير في شوارع الأردن
>>>....
>>>
>>>إذا كنت واقف على الإشارة ولما تصير صفرا بتسمع سبعين واحد بيزمرو
>>>وراك .... فأنت في الأردن
>>>
>>>إذا كنت ماشي وعلى بعد 200 متر إشارة خضرا .. وشفت كل السيارات
>>>بتتجاوز عنك عن اليمين .. عن الشمال
>>>... مش فارقه .. المهم يلحقوا الإشارة خضرا .... بتكون في الأردن ...



أي ....أي...
وعنا هيك كمان
يا سبحان الله ..العرب ما بيجتمعو غير بهيك شغلات



وهي بشان مايزعل انوس الملك
LaDyInReD
30/09/2006, 23:35
واذا كنت ماشية بالشارع وشكلك عادي مانك كتيير حلوة ولا كتيير شنعة وبتحسي حالك من التعليقات يلي حواليك انك ملكة جمال....فانت برضه بالاردن!:yahoo:

واذا ركبت بتكسي بدك توصل لمكان معين على بعد شارع وبتطلع حواليك وبتلاقي حالك لفيت كل شوارع الاردن ووصلت المريخ ورجعت على المحل يلي بدك ياه بتكون برده بالاردن (طبعا بتدفع اكتر)!!:yahoo:
ahmadtall
01/10/2006, 00:16
بيني و بينك كلامك صحيح و مضبوط
بس انتا شكلك اردني و قاعد في سوريا في الوقت الحالي
((((لانو كلامك صح كتييييييير و ما بحكيه الا واحد اردني طول عمره عايش في الاردن))));-)
Abu ToNi
01/10/2006, 00:21
لك اهلين بام الجين واهلين وعلى راسي الأردن و الهئية مشي حالك وصار عندك 44 مشاركة
اي يا عمي ايامك :lol: :D
jina_star88
01/10/2006, 00:31
لك اهلين بام الجين واهلين وعلى راسي الأردن و الهئية مشي حالك وصار عندك 44 مشاركة
اي يا عمي ايامك :lol: :D


ايه بدي بيضلك وجهك منشان هيك
SABE
08/10/2006, 00:51
من أدب ساخر
Abu ToNi
10/10/2006, 16:48
ايه بدي بيضلك وجهك منشان هيك


لا تخافي وجي ابيض بكل الأحوال :D